Գործ թիվ ԵԿԴ/0035/01/12





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ



Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևան քաղաքի Կենտրոն և Նորք-Մարաշ
վարչական շրջանների դատախազության դատախազ` Արտակ Քալաշյանի,

Ա.Եղոյանի և Վ.Զաքարյանի
պաշտպան` Լուսինե Ավագյանի,

տուժող` Գագիկ Շամշյանի,

2012թ. ապրիլի 11-ին դռնբաց դատական նիստում, արագացված դատաքննության կարգով քննեց քրեական գործն ըստ մե¬ղադ¬րանքի`
1. Ա ր մ ե ն Վ լ ա դ ի մ ի ր ի Ե ղ ո յ ա ն ի`
(ծնված 1980թ. դեկտեմբերի 9-ին, Երևան քաղաքում, ազգությամբ հայ, ՀՀ քաղաքացի, ութամյա կրթու¬թյամբ, ամուրի, անհատ ձեռնարկատեր, զբաղվել է կահույքագործությամբ, նախկինում չդատված, հաշվառված է Երևանի Քանաքեռ Կայարան 1 շենքի 7-րդ բնակարանում, փաստացի բնակվել է Երևանի Զ.Սարկավագի 5-րդ նրբանցքի 1/7ա շենքում)

2. Վ ա հ ր ա մ Վ լ ա դ ի մ ի ր ի Զ ա ք ա ր յ ա ն ի`
(ծնված 1985թ. օգոստոսի 3-ին, Արմավիրի մարզում, ազգությամբ հայ, ՀՀ քաղաքացի, միջնակարգ կրթու¬թյամբ, ամուսնացած, խնամքին` մանկահասակ երեխան, հղի կինը և թոշակառու հայրը, աշխատում է «Նորաշեն» անշարժ գույքի գործակալությունում` որպես միջնորդ, նախկինում չդատված, հաշվառված և բնակվում է Արմավիրի մարզի Մերձա¬վան գյուղի Այգեգործների փողոցի 2-րդ շենքի 9-րդ բնակարանում)


1. Գործի դատավարական նախապատմությունը.
Թիվ 15138811 քրեական գործն հարուցվել է 2011թ. դեկտեմբերի 9-ին ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով նախա¬տես¬ված հանցագործության հատկանիշներով` ՀՀ ոստիկանության քննչական գլխավոր վար¬չության Երևան քաղաքի քննչական վարչության Կենտրոնականի քննչական բաժնում։
2011թ. դեկտեմբերի 9-ին ամբաստանյալներ Արմեն Եղոյանը և Վահրամ Զաքարյանը ձերբակալվել են։
2011թ. դեկտեմբերի 12-ին Վահրամ Զաքարյանին և Արմեն Եղոյանին մե¬ղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով։ Նույն օրը, բավարարելով կալանավորումը որպես խափանման միջոց ընտրելու վերաբերյալ նախաքննական մարմնի ներկայացրած միջնորդությունը, Դատարանը Արմեն Եղոյանի և Վահրամ Զաքարյանի նկատմամբ կիրառել է կալանավորում, իսկ վերջինիս նկատմամբ թույլատրելի է համարել այլընտրանքային խափանման միջոցի` գրավի կիրառումը։
2011թ. դեկտեմբերի 12-ին Դատարանի սահմանած գրավի գումարը` 600.000 ՀՀ դրամը, մուծվել է Դատարանի դեպոզի¬տային հաշվին, որի կապակցությամբ նախաքննական մարմինը մեղադրյալ Վահրամ Զաքարյանին ազատել է արգելանքից։
2012թ. փետրվարի 21-ին, հաշվի առնելով տուժող Գ.Շամշյանի վերաբերյալ ստացված դատաբժշկական եզրակացության հետևությունները, Վահրամ Զաքարյա¬նին առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով։
2012թ. մարտի 14-ին քրեական գործն Վահրամ Զաքարյանի և Արմեն Եղոյանի վերա¬բերյալ ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով հաստատված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատա¬րան և 2012թ. մարտի 16-ին ընդունվել վարույթ։

Առաջադրված մեղադրանքի բովանդակությունը.
Վահրամ Զաքարյանն ու Արմեն Եղոյանը 2011թ. դեկտեմբերի 8-ին` ժամը 21։00-ի սահմաններում, գտնվել են Երևան քաղաքի Չարենց և Հերացի փողոցների խաչմերուկներում գտնվող գետնանցումի երթևեկելի մասում տեղի ունեցած ավտովթարի վայրում։ Վահրամ Զաքարյանը, գտնվելով հարբած վիճակում, Արմեն Եղոյանի հետ, շուրջ 10 րոպե տևողությամբ դիտավորությամբ կոպիտ կերպով խախտելով հասարակական կարգը բացահայտ անհարգալից վերաբերմունք դրսևորելով հասարակության` նշված վայրում վթարի հետևանքով հավաքված վթարի ենթարկված ավտոմեքենաների վարորդների, ուղևորների, պատահական անցորդների նկատմամբ, վիճաբանել են լրագրողի մասնագիտական օրինական գործունեություն իրականացնող «Առավոտ» և «Չորրորդ իշխանություն» օրաթերթերի ֆոտոլրագրող Գագիկ Գևորգի Շամշյանի հետ, որի ընթացքում, բացահայտ խուլիգանական վարքագիծ դրսևորելով, բռնություն են կիրառել վերջինիս նկատմամբ, հարվածել, քաշքշել են նրան` խոչընդոտելով վերջինիս մասնագիտական օրինական գործողությանը։ Այդ ընթացքում Վահրամ Զաքարյանը մեկ անգամ ձեռքով հարվածել է նաև Գագիկ Շամշյանի դեմքին` դիտավորությամբ պատճա¬ռելով առողջության թեթև վնասի հատկանիշներ չպարունակող վերին շրթունքի շրջանի արյու¬նազեղման, լորձաթաղանթի վնասման ձևով մարմնական վնասվածք։
Վերոնշյալ արարքները կատարելու համար Արմեն Եղոյանին և Վահրամ Զաքարյանին մեղադրանք է առա¬ջադրվել ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով։

Արագացված դատական քննություն.
Մինչ դատաքննություն սկսելն ամբաստանյալներ Արմեն Եղոյանը և Վահրամ Զաքար¬յանը միջնորդեցին գործը քննել դատական քննության արագացված կարգով` հայտա¬րա¬րելով, որ վերոնշյալ միջնոր¬դությունը ներկա¬յացնում են կամավոր, նախապես խորհրդակ¬ցելով պաշտպանի հետ, գիտակ¬ցում են արա¬գացված կարգով դատաքննութ¬յուն անցկացնելու իրավական հետևանքները։ Ամբաստանյալներ Եղոյանը և Զաքարյանը հայտարարեցին նաև, որ առաջադրված մե¬ղադրանքներն իրենց պարզ են, համաձայն են դրանց հետ, ավելին` առա¬ջադրված մեղադրանքներում իրենց լիովին մեղավոր են ճանա¬չում։ Մեղադրողը, Դատարանում փոխելով իր սկզբնական դիրքորո¬շումը, գործն արա¬գացված դատաքննության կարգով քննելու դեմ չա¬ռարկեց։
Դատարանը, քննության առնելով ամբաստանյալներ Վահրամ Զաքարյանի և Արմեն Եղոյանի վերոնշյալ միջնոր¬դութ¬յունը, հաշվի առնելով, որ մեղադրողը, մինչ դատաքննության սկիզբը փոխելով իր սկզբնա¬կան դիրքորոշումը, չառարկեց գործն արագացված դատական քննության կարգով քննելու դեմ, նկատի ունենալով, որ տուժող Գ.Շամշյանը, դեռևս նա¬խաքննութ¬յան փուլում ամբաստանյալների դեմ քաղաքացիական հայց կամ այլ պահանջ չի ներկայացրել և փաստելով, որ առկա են ՀՀ քրեական դատավա¬րության օրենսգրքի 375.1 և 375.2 հոդվածներով նախա¬տեսված հիմ¬քերն ու պայմանները, գործը քննեց արագացված դա¬տաքննության կարգով։

Դատարանի իրավական վերլուծությունները.
ՀՀ քրեական օրենսգրքի 258-րդ հոդվածի 3-րդ մասի 1-ին կետով և 164-րդ հոդվածի 1-ին մասով Արմեն Եղոյանին և Վահրամ Զաքարյանին առա¬ջադրված մեղադրանքը Դատարանը հաս¬տատված համարեց մեղադրական եզրակացության հիմքում դրված հետևյալ ապա¬ցույց¬ներով` ամբաստանյալ Վահրամ Զաքարյանի խոստովանա¬կան ցուց¬մունք¬¬ով, տուժող Գագիկ Շամշյանի, վկաներ Նարեկ Ղազարյանի, Կարեն Հովհաննիսյանի, Սարգիս Վարդանյանի, Սահակ Գալստյանի, Խորեն Վարդանյանի, Վարդան Ղուկասյանի, Կարեն Գմիրուկի, Ալբերտ Խաչատրյանի, Սամսոն Մխեյանի ցուցմունքներով, անձին ճանաչման ներկայացնելու մասին 2011թ. դեկտեմբերի 10-ի արձանագրություններով, տուժող Գ.Շամշյանի վերաբերյալ դա¬տաբժշկա¬կան փորձաքննության 2011թ. դեկտեմբերի 9-ի թիվ 3532 եզրակա¬ցությամբ, որպես ապացույց ճանաչված` մեղադրյալ Վահրամ Զաքարյանի սթափության վիճակի մասին թիվ 104241 արձանագրության առկայութ¬յամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն եզրահանգման, որ ամբաստանյալներ Արմեն Եղոյանին և Վահրամ Զաքարյանին առաջադրված մեղադրանքների հիմքում դրված այդ ապա¬ցույցներն ըստ էության համապա¬տասխանում են ՀՀ քրեական դատա¬վարութ¬յան օրենսգրքով սահմանված թույլատրելիության և վերաբերելիութ¬յան, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարա¬րութ¬յան չափանիշներին։
Դատարանը հաստատված համարեց այն, որ մեղսագրվող հանցավոր արարքները` առանց նախնական համաձայնության մի խումբ անձանց կողմից դիտավորությամբ հասարա¬կա¬կան կարգը կոպիտ կերպով խախտելը, որն արտահայտ¬վել է հասարակության նկատմամբ բացահայտ անհարգալից վերաբերմունքով և զուգորդվել է անձի նկատմամբ բռնություն գոր¬ծադրելով, ինչպես նաև լրագրողի մասնագիտա¬կան օրինական գործունեության խոչընդոտելը, ամբաստանյալներ Արմեն Եղոյանը և Վահրամ Զաքարյանը կատարել են մեղավորությամբ, դրանք ՀՀ քրեական օրենսգրքի 258-րդ հոդ¬վածի 3-րդ մասի 1-ին կետով և 164-րդ հոդվածի 1-ին մասով որակված են ճիշտ, վերջիններս քրեական պատաս¬խա¬նատ¬վության ու պատժի ենթակա են այդ հոդվածների մասերով և կետերով։
Ամբաստանյալներ Արմեն Եղոյանի և Վահրամ Զաքարյանի նկատմամբ նշանակվող պատժի տեսակը և չափը որոշելիս, ինչպես նաև պատիժը կրելու անհրաժեշտության հարցը քննարկելիս Դատարանը հաշվի է առ¬նում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածը սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ պատժի տեսա¬կը և չափը որոշվում են հանցագործության՝ հանրության համար վտանգավորության աստիճա¬նով և բնույթով, հանցավորի անձը բնութագրող տվյալներով, այդ թվում՝ պատասխանատ¬վությունը և պատիժը մեղմացնող կամ ծանրացնող հանգամանքներով։ Նույն հոդվածի 3-րդ մասի համաձայն` հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬վարական օրենսգրքի 8-րդ հոդվածի համաձայն՝ որոշակի փաստական հանգամանքներ ունե¬ցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամա¬նակ։
ՀՀ Վճռաբեկ դատարանը Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը` նշել է, որ այն Դատարանին օժտել է անձի պատասխա¬նատվությունը մեղմացնող հանգամանքների կիրառման լայն հայեցողությամբ, քանի որ պատիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանքներ, որոնք նույն հոդվածի առաջին մասում նշված չեն։
Սույն գործով որպես ամբաստանյալների պատասխանատվությունը և պատիժը մեղմաց¬նող այդպիսի հանգամանքներ, ինչպես նաև անձը բնութագրող տվյալներ` Դատարանը հաշվի առավ այն, որ նրանք առաջադրված մե¬ղադրան¬քի հետ համաձայնել և մեղքը լիովին ընդունել են, նախկինում դատա¬պարտ¬ված չեն, բնութագրվում են դրականորեն։
Որպես ամբաստանյալ Արմեն Եղոյանի անձը դրականորեն բնութագրող, պատասխա¬նատվությունը և պատիժը մեղ¬մաց¬նող հանգամանք¬ներ` Դատարանը հաշվի է առնում նաև վերջինիս վառառողջ լինելը, բազմանդամ ընտա¬նիքի միակ տղամարդ անդամն հանդիսանալը, ինչպես նաև դեպքի վայրում պատահաբար հայտնվելու և առաջին անգամ հանգամանքների պատահական զուգորդմամբ ոչ մեծ և միջին ծանրությամբ հանցանք կատարելու փաստը։ Վերջինս, որպես պատասխանատվությունը և պատիժը մեղմացնող հանգամանք, գնահատելիս` Դատարանը հաշվի է ունենում այն, որ թեև սույն գործով ամբաստանյալ Ա.Եղոյանին վերագրվում է ոչ մեծ և միջին ծանրության մեկական հանցանքների կատարում, սակայն այդ հանցակազմերի օբյեկտիվ կողմը կազմող գործողությունները ամբաստանյալ Ա.Եղոյանը կատարել է միաժամանակ, մեկ շարունակվող արարքի (հանցագոր¬ծությունների իդեալական համակցություն) պայմաններում։
Որպես ամբաստանյալ Վահրամ Զաքարյանի պատասխանատվությունը և պատիժը մեղ¬մաց¬նող հանգամանք¬ներ` Դատարանը հաշվի է առնում նաև խնամքին մինչև 14 տարեկան դստեր` 2010թ. մարտի 2-ին ծնված Սրբուհի Զաքարյանի, ինչպես նաև հղի կնոջ` Մերի Խաչատրյանի, թոշակառու հոր` Վլադիմիր Զաքարյանի առկայությունը։
Վերոնշյալ հանգա¬մանք¬ներն հաս¬տատվել են քրեա¬կան գործի նյութերում առկա փաս¬տական տվյալ¬ներով, իրական են և ողջամտորեն նվազեցնում են Արմեն Եղոյանի և Վահրամ Զաքարյանի անձի հանրային վտանգա¬վո¬րությունը։
Ամբաստանյալ Արմեն Եղոյանի պատասխանատվությունը և պատիժը ծանրացնող հանգամանքներ Դատարանը չարձանագրեց, մինչդեռ սթափության վիճակի մասին թիվ 104241 արձանագրության համաձայն` ամբաստանյալ Վահրամ Զաքարյանը հանցանքը կա¬տա¬րելու պահին գտնվել է ալկոհոլի ազդեցության տակ (3-րդ աստիճանի ալկո¬հոլային խմածություն)։
Դատարանը գտնում է, որ այն որպես պատասխանատվությունը և պատիժը ծանրացնող հանգամանք գնահատելու հարցը որոշելիս կիրառելի է Դ.Հովհաննիսյանի վերաբերյալ ՀՀ Վճռաբեկ դատարանի 2009թ. դեկտեմբերի 18-ի թիվ ԵԱՔԴ/0078/01/09 որոշման մեջ արտահայ¬տած մեկնաբանությունը, համաձայն որի` հանցանքն ալկոհոլի ազդեցության տակ կատարելը, որպես պատասխանատվությունը և պատիժը ծանրացնող հանգամանք գնահատելու համար անհրաժեշտ է հանգա¬մանորեն պարզել և հաշվի առնել, թե հանցավոր արարքն իր բնույթով կապվա՞ծ է արդյոք հանցանք կատարած անձի՝ ալկոհոլ օգտագործած լինելու հետ, այսինքն` ալկոհոլի օգտագոր¬ծումն հանցանքը կատարելուն նպաստող պայման հանդիսացել է, թե` ոչ։
Ելնելով ամբաստանյալ Վահրամ Զաքարյանին մեղսագրվող արարքների բնույթից և քննվող դեպքի հանգամանքներից` Դատարանը գտնում է, որ ալկոհոլի օգտա¬գործումը նպաստել է խուլի¬գա¬նութ¬յան կա¬տար¬մանն ու լրագրողի մասնագիտական օրինական գործու¬նեությանը խոչընդոտելուն, ուստի ալկոհոլի օգտագոր¬ծումը գնահա¬տում է որպես ամբաս¬տանյալ Վահրամ Զաքարյանի պատասխանատվությունը և պա¬տիժը ծանրաց¬նող հանգա¬մանք։
Անդրադառնալով ամբաստանյալների նկատմամբ նշանակվող պատժի տեսակների ընտրութ¬յան հարցին` Դատարանը փաստում է, որ ՀՀ քրեական օրենսգրքի 164-րդ հոդվածի 1-ին մասով սահմանված հանցակազմը որպես պատժատեսակ նախատեսում է բացառապես տուգանք, ուստի այդ հոդվածով պատժի նպատակներն ապահովելու տեսանկյունով քննարկ¬ման է ենթակա ամբաստանյալներից յուրաքանչյուրի նկատմամբ նշա¬նակ¬վող պատժի չափի ընտրության հարցը։
ՀՀ քրեական օրենսգրքի 258-րդ հոդվածի 3-րդ մասի 1-ին կետով սահմանված հանցակազմի պատ¬ժատեսակներն այլընտրանքային են` նախատեսում են տուգանք կամ ազա¬¬տազրկում` որոշակի ժամկետով, ուստի պատժի նպատակներն ապահովելու տեսանկյու¬նով առաջնայինն ամբաստանյալների նկատմամբ սույն հոդվածով նշա¬նակ¬վող պատժատե¬սա¬կի ընտրության հարցն է։
Դատարանը, ղեկավարվելով ՀՀ քրեական դատավարության օրենսգրքի 61-րդ հոդվածի 3-րդ մասի պահանջով, հաշվի առնելով Վահրամ Զաքարյանի անձը դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, հատկապես` խնամքին անչափահաս դստեր, հղի կնոջ և թոշակոռու հոր առկայությունը, սկսած մինչդա¬տա¬կան վարույթից անկեղծորեն զղջալու և խոստովանալու փաստը, գտնում է, որ նրա նկատ¬մամբ անհրա¬ժեշտ է նշանակել պատիժ` առանց հասարա¬կությունից մեկուսացնելու, և այդ պատիժն արդա¬րացի ու ինքնին բավարար է նրան ուղղելու և նոր հանցա¬գոր¬ծությունները կանխելու հա¬մար։
Միևնույն ժամանակ, Դատարանը գտնում է, որ հանցանքն ալկոհոլի ազդեցության տակ կատարելը, որպես պատասխանատվությունը և պատիժը ծանրացնող հանգամանք, անհրա¬ժեշտ է հաշվի առնել ամբաստանյալ Վ.Զաքարյանի նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետի սանկցիայով սահմանված նվազ խիստ պատժատեսակի` տուգանքի, ինչպես նաև ՀՀ քրեական օրենսգրքի 164-րդ հոդվածի 1-ին մասով սահմանված բա¬ցարձակ որոշակի պատժատեսակի` տուգանքի չափերը որոշելիս և այդ հանցագործություն¬ների համակցությամբ վերջնական պատիժ նշանակելիս։
Ամբաստանյալ Վ.Զաքարյանի նկատմամբ տուգանքի ձևով պատիժ նշանակելիս Դատարանը ղեկավարվում է նաև ՀՀ քրեական օրենսգրքի 69-րդ հոդվածի 5-րդ մասի պահանջով, համաձայն որի` մինչև դատական քննությունը կալանքի տակ գտնվող անձի նկատմամբ տուգանքի ձևով պատիժ նշանակելիu անհրաժեշտ է հաշվի առնել կալանքի տակ պահելու ժամկետը` մեղմացնելով ամբաստանյալի նկատմամբ նշանակվող պատիժը կամ լրիվ ազատելով պատիժը կրելուց։ Տվյալ դեպքում ամբաստանյալ Վահրամ Զաքարյանը երեք օր գտնվել է անազատության մեջ, սակայն, կատարած հանցագործությունների քանակը, պատասխանատվությունը և պատիժը ծանրացնող վերոնշյալ հանգամանքի առկայությունը հաշվի առնելով, Դատարանը գտնում է, որ տուգանքի ձևով նշանակվող պատժի կրումից նրան ազատելու հիմքերը բացակայում են և անազատության մեջ գտնվելու փաստն անհրաժեշտ է հաշվի առնել միայն նշանակվող պատժի որոշակի մեղմացման առումով։
Ամբաստանյալ Արմեն Եղոյանի անձը բնութագրող, պատասխանատվություն ու պատիժը մեղմացնող հանգամանքների տեսանկյունով անդրադառնալով նրա նկատմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետի սանկցիայով նախատեսված այլընտրան¬քային պատժատեսակների ընտրության հարցին` Դատարանը պատժի նպատակներն ապահովելու առումով գտնում է, որ ամբաստանյալ Ա.Եղոյանի նկատմամբ պետք է նշանակել պատիժ ազա¬տազրկման ձևով, որը նա պետք է կրի, ինչն անհրա¬ժեշտ է նրան ուղղելու և նոր հանցա¬¬գործութ¬յունները կանխելու համար։ Դատարանը գտնում է, որ ամբաստանյալ Ա.Եղոյանի անձը դրականորեն բնութագրող, պատասխա¬նատ¬վությունը և պատիժը մեղմացնող հանգամանքները, որոնք որոշակիորեն նվազեցնում են նրա անձի և կատարածի հասարա¬կական վտանգա¬վորությունը, անհրաժեշտ է հաշվի առնել ամբաստանյալ Ա.Եղոյանի նկատ¬մամբ ազատազրկման ձևով նշանակվող պատժի չափը սահմանելիս։
Ամբաս¬տան¬յալների նկատմամբ պատիժ նշանակելիս Դատա¬րանը հաշվի է առնում նաև արագացված կար¬գով դատական քննության կարգով մեղադրական դա¬տավճիռ կայացնելիս պատիժ նշա¬նա¬կելու` ՀՀ քրեական դատա¬վա¬րության օրենսգրքի 375.3-րդ հոդվածի 6-րդ մասով սահմանված սկզբունքը, համա¬ձայն որի` ՀՀ քրեական օրենսգրքի 164-րդ հոդվածի 1-ին մասով նշանակվող տուգանքի չափը չի կարող գերազանցել 266.000 ՀՀ դրամը, իսկ ՀՀ քրեական օրենսգրքի 258-րդ հոդվածի 3-րդ մասի 1-ին կետով նշանակվող ազատազրկման ժամկետը` 3 տարի 4 ամիսը։
Նկատի ունենալով, որ ամբաստանյալներից յուրաքանչյուրը կատարել է երկուական հանցանք` քննարկման է ենթակա նաև նրանց նկատմամբ հանցագործությունների համակ¬ցությամբ պատիժ նշանակելու հարցը։ Ամբաստանյալներ Ա.Եղոյանի և Վ.Զաքարյանի կա¬տա¬րած հանցանքները, ըստ բնույթի և հանրության համար վտանգավորության աստիճանի, ոչ մեծ և միջին ծանրության են, հետևաբար` նրանց նկատմամբ հանցանքների համակցությամբ վերջնական պատիժ պետք է նշանակվի ՀՀ քրեական օրենսգրքի 66-րդ հոդ¬վածի 3-րդ մասով, որը թույլատրելի է համարում պատիժների ինչպես լրիվ, այնպես էլ մասնակի գումա¬րման սկզբուն¬քի կիրառումը։
Գործով իրեղեն ապացույցներ չկան, դատական ծախսերը բացակայում են, ամբաս¬տանյալ¬ների գույքի նկատմամբ արգելանք չի կիրառվել։ Տուժող Գ.Շամշյանը հրաժարվել է քաղաքացիական հայց ներկայացնելուց` պատճառաբանելով, որ նյութաիրավական կամ այլ պահանջ ամբաստանյալներից չունի։
Քննարկելով ամբաստանյալ Արմեն Եղոյանի նկատմամբ որպես խափանման միջոց ընտրված կալանավորման հարցը` Դատարանը, հաշվի առնելով նրան ռեալ ազատազրկման դատա¬պարտելու հանգամանքը, գտնում է, որ այն անհրաժեշտ է թողնել անփոփոխ` մինչև սույն դատավճռի օրինական ուժի մեջ մտնելը։ Միաժամանակ անդրադառնալով ամբաստան¬յալ Ա.Եղոյանի պատժի կրման սկիզբն հաշվարկելու և անազատության մեջ պահվելու ժամկետն հաշվակցելու հարցերին` Դատարանը գտնում է, որ ամբաստանյալ Եղոյանին պատժի կրման սկիզբն անհրաժեշտ է հաշվարկել նրան արգելանքի վերցնելու պահից` 2011թ. դեկտեմբերի 9-ից, որի դեպքում նրան կալանքի տակ պահելու ժամկետը լրացուցիչ հաշվակցելու անհրաժեշտությունը վերանում է, քանի որ հաշվակցման ենթակա ժամկետն ինքնին ընդգրկում է 2011թ. դեկտեմբերի 9-ից մինչև սույն դատավճիռն օրինական ուժի մեջ մտնելն ըն¬կած ժամանակահատվածը։
Քննարկելով ամբաստանյալ Վահրամ Զաքարյանի նկատմամբ որպես կալանավորման այլընտրանքային խափանման միջոց ընտրված գրավի հարցը` Դատարանը գտնում է, որ այն անհրաժեշտ է վերաց¬նել, իսկ գրավի գումարը` 600.000 (վեց հարյուր հազար) ՀՀ դրամը, որը 2011թ. դեկտեմբերի 13-ի թիվ 111213000016032 անդորրագրով մուտքագրվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարանի` Երևանի թիվ 1 գանձապետական բաժանմունքի 900013298014 դեպոզիտային հաշվին, վերադարձնել վճարող Հովհաննես Զաքարյանին` դատավճիռն օրինական ուժի մեջ մտնելուց հետո։
Գնահատելով մեղադրանքի հիմքում դրված ապացույցները, ուսումնասիրելով ամբաս¬տանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ղեկավարվելով ՀՀ քրեական դատավարության օրենսգրքի 357-360-րդ, 364-365-րդ, 369-373-րդ, 375-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց՝

1.Արմեն Վլադիմիրի Եղոյանին ճանաչել մեղավոր ՀՀ քրեական օրենսգրքի 258-րդ հոդ¬վածի 3-րդ մասի 1-ին կետով և 164-րդ հոդվածի 1-ին մասով նախատեսված հանցա¬գործությունների կատարման մեջ, նրա նկատմամբ նշա¬նակել պատիժ`
ՀՀ քրեական օրենսգրքի 258-րդ հոդ¬վածի 3-րդ մասի 1-ին կետով` ազատազրկում 6/վեց/ ամիս ժամկետով,
ՀՀ քրեական օրենսգրքի 164-րդ հոդվածի 1-ին մասով` տուգանք 200.000 /երկու հարյուր հազար/ ՀՀ դրամի չափով։
Կիրառելով ՀՀ քրեական օրենսգրքի 66-րդ հոդվածի 3-րդ մասը, նշանակված պա¬տիժները լրիվ գումարելով` ամբաստանյալ Արմեն Եղոյանի նկատմամբ վերջ¬նական պատիժ նշանակել ազատազրկում 6 /վեց/ ամիս ժամկետով և տուգանք` 200.000 /երկու հարյուր հազար/ ՀՀ դրամի չափով։
Արմեն Եղոյանի պատժի կրման սկիզբն հաշվել 2011թ. դեկտեմբերի 9-ից, նրա նկատմամբ որպես խափանման միջոց ընտրված կալանա¬վորումը թողնել անփոփոխ մինչև դատավճիռն օրինական ուժի մեջ մտնելը։
2.Վահրամ Վլադիմիրի Զաքարյանին ճանաչել մեղավոր ՀՀ քրեական օրենսգրքի 258-րդ հոդ¬վածի 3-րդ մասի 1-ին կետով և 164-րդ հոդվածի 1-ին մասով նախատեսված հանցա¬գործությունների կատարման մեջ, նրա նկատմամբ նշա¬նակել պատիժ`
ՀՀ քրեական օրենսգրքի 258-րդ հոդ¬վածի 3-րդ մասի 1-ին կետով` տուգանք 300.000 /երեք հարյուր հազար/ ՀՀ դրամի չափով։
ՀՀ քրեական օրենսգրքի 164-րդ հոդվածի 1-ին մասով` տուգանք 200.000 /երկու հարյուր հազար/ ՀՀ դրամի չափով։
Կիրառելով ՀՀ քրեական օրենսգրքի 66-րդ հոդվածի 3-րդ մասը, նշանակված պատիժները մասնակի գումարելով` ամբաստանյալ Վահրամ Զաքարյանի նկատմամբ վերջ¬նական պատիժ նշանակել տուգանք` 400.000 /չորս հարյուր հազար/ ՀՀ դրամի չափով։
Վահրամ Զաքարյանի նկատմամբ որպես կալանավորման այլընտրանքային խա¬փանման միջոց ընտրված գրավը վերաց¬նել, և գրավի գումարը` 600.000/վեց հարյուր հազար/ ՀՀ դրամը, որը 2011թ. դեկտեմբերի 13-ի թիվ 111213000016032 անդորրագրով մուտքագրվել է Կենտրոն և Նորք-Մարաշ վարչական շրջանների ընդհանուր իրավասության դատարանի` Երևանի թիվ 1 գանձապետական բաժանմունքի 900013298014 դեպոզի¬տային հաշվին, վերադարձնել վճարող Հովհաննես Զաքարյանին` դատավճիռն օրինական ուժի մեջ մտնելուց հետո։
Դատական ծախսերի հարցը համարել լուծված։
Դատավճիռը կարող է հրապարակման օրվանից մեկամսյա ժամկետում բողո¬քարկվել ՀՀ վերաքննիչ քրեական դատարան` բացառությամբ ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքի։

ԴԱՏԱՎՈՐ՝ Ա.ՎԱՐԴԱՆՅԱՆ