ԵԿԴ/0024/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
27 փետրվարի 2013թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`
նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ա.ՀՈՎՀԱՆՆԻՍՅԱՆԻ մասնակցությամբ`
մեղադրող Լ.ՉԱՐԽԻՖԱԼԱԿՅԱՆԻ ամբաստանյալներ Ե.ԱՂԱՄԱԼՅԱՆԻ
Ռ.ԴԱՆԻԼՈՎԻ
պաշտպաններ Ս.ՄԿՐՏՉՅԱՆԻ
Ի.ՊԵՏՐՈՍՅԱՆԻ


դատարանում` դռնբաց դատական նիստում, քննեց գործն ըստ մեղադրանքի`
1.Երեմ Լորիսի Աղամալյանի ծնված 01.09.1960թ. Մեղրիի ՆՎՇՏ-ի Լեվազ գյուղում, ազ-գությամբ հայ, ՀՀ քաղաքացի, իր հայտարարությամբ` ամուսնալուծված և խնամքին 1 անձ, 8-ամյա կրթությամբ, առողջ, չի աշխատել, դատվածություն չունեցող, բնակվել էª ք.Երևան, Նոր Նորքի 8-րդ զանգված, 2-րդ շրջան, 1-ին շենք, բնակարան հ. 26, արգելանքի տակ է 2011թ. հու-լիսի 30-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով:
2.Ռոման Միքայելի Դանիլովի ծնված 18.06.1986թ. Բաքու քաղաքում, ազգությամբ հայ, ՀՀ քաղաքացի, ամուրի, 8-ամյա կրթությամբ, վատառողջ, չի աշխատել, նախկինում դատված` Երևան քաղաքի Ավան և Նոր Նորք համայնքների առաջին ատյանի դատարանի 07.11.2005թ. դատավճռով ՀՀ քրեական օրենսգրքի 38-175-րդ հոդվածի 2-րդ մասի 1-ին, 3-րդ, 4-րդ, 5-րդ կե-տերով, 177-րդ հոդվածի 2-րդ մասի 3-րդ, 4-րդ կետերով և 165-րդ հոդվածի 4-րդ մասովª նույն օրենսգրքի 66-րդ հոդվածի 4-րդ մասի համաձայն, դատապարտվել է ազատազրկման 12 տարի ժամկետով, որպիսի պատիժը կրում է 2005թ. փետրվարի 9-ից, պատժի չկրած մասըª 3 տարի 11 ամիս 18 օր, խափանման միջոց չի կիրառվել, բնակվել է` ք.Երևան, Ավան, Աճառյան փողոց, 20-րդ շենք, 414 սենյակ, մեղադրվում է ՀՀ քրեական օրենսգրքի 34-268-րդ հոդվածի 1-ին մասով:

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Հ.Սարգսյանը 30.07.2011թ. որոշմամբ ՀՀ քրեական օրենսգրքի 266-րդ հոդվածի 1-ին մասով հա-րուցել է թիվ 15100411 քրեական գործը և այն ընդունել իր վարույթ:
30.07.2011թ. ձերբակալվել է Ե.Աղամալյանը:
Քննիչի 02.08.2011թ. որոշմամբ Ե.Աղամալյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 1-ին մասով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանի 02.08.2011թ. որոշմամբ Ե.Աղամալյանի նկատմամբ` որպես խափանման միջոց, կիրառվել է կալանքը:
Քննիչի 16.02.2012թ. որոշմամբ Ռ.Դանիլովը ներգրավվել է որպես մեղադրյալ և նրան մե-ղադրանք է առաջադրվել ՀՀ քրեական օրենսգրքի 34-268-րդ հոդվածի 1-ին մասով:
2012թ. փետրվարի 28-ին թիվ 15100411 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության առաջին ատյանի դատարան` ըստ էության քննելու համար:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանի (դատավոր Գ.Պողոսյան) 2012թ. մարտի 2-ի որոշմամբ Երեմ Աղամալյանի վերաբերյալ ՀՀ քրեական օրենսգրքի 266-րդ հոդվածի 1-ին մասով և Ռոման Դանիլովի վերաբերյալ ՀՀ քրեական օրենսգրքի 34-268-րդ հոդվածի 1-ին մասով քրեական գործն ընդունվել է վարույթ, իսկ 2012թ. մարտի 19-ի որոշմամբ նշանակվել է դատաքննության:
Ամբաստանյալ Ե.Աղամալյանին ՀՀ քրեական օրենսգրքի 266-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2011թ. հուլիսի 29-ինª ժամը 10:00-ի սահ-մաններում, Երևան քաղաքի Նոր Նորքի 8-րդ զանգվածումª իրացնելու նպատակով, ոմն Գևոր-գից ապօրինի ձեռք է բերել և պահել 0,008 գրամ քաշով զգալի չափի բուպրենորֆին տեսակի թմրանյութ, որը ձմերուկի մեջ դրված վիճակով փոխադրել և Երևանի Ագաթանգեղոսի 1 հասցե-ում գտնվող Պետկրկեսի մոտ հանձնել է Արման Գրիգորի Գրիգորյան-Խակցյանին` ՙԴատա-պարտյալների հիվանդանոց՚ ՔԿՀ ուղարկելու համար, սակայն հանձնուքը չընդունելու պատ-ճառովª այն հետ է վերցրել, որն էլ նույն օրը հայտնաբերվել է նրա մոտª ոստիկանության Կենտ-րոնականի բաժնում կատարված անձնական խուզարկությամբ՚:
Ամբաստանյալ Ռ.Դանիլովին ՀՀ քրեական օրենսգրքի 34-268-րդ հոդվածի 1-ին մասով մեղադրանք է առաջադրվել այն բանի համար, որ նա. ՙՙԴատապարտյալների հիվանդանոց՚ ՔԿՀ-ում պատիժ կրելու ընթացքումª 2011թ. հուլիսի 29-ին, Երեմ Լորիսի Աղամալյանից փորձել է ապօրինի ձեռք բերել 0,008 գրամ քաշով զգալի չափի բուպրենորֆին տեսակի թմրանյութ պարու-նակող, ՙB 8՚ գրառմամբ մեկ դեղահաբ, որը Ե.Աղամալյանը ձմերուկի մեջ դրված վիճակով Երևանի Ագաթանգեղոսի 1 հասցեում գտնվող Պետկրկեսի մոտ հանձնել է Արման Գրիգորի Գրիգորյան-Խակցյանին` ՙԴատապարտյալների հիվանդանոց՚ ՔԿՀ ուղարկելու համար, սա-կայն Ռ.Դանիլովն իր կամքից անկախ հանգամանքներով հանցագործությունը չի կարողացել հասցնել ավարտին, քանի որ հանձնուքը չընդունելու պատճառով Ե.Աղամալյանն այն հետ է վերցրել, որն էլ նույն օրը հայտնաբերվել է նրա մոտª ոստիկանության Կենտրոնականի բաժնում կատարված անձնական խուզարկությամբ՚:
Նախաքննության մարմինըª ի թիվս այլ ապացույցների, որպես ապացույց է գնահատել նաև.
Ե.Աղամալյանի 29.07.2011թ. բացատրությունը, որում նա իր ձեռքով արձանագրել է, որ 2011թ. հուլիսի 29-ինª առավոտյան, իր բջջային հեռախոսահամարին է զանգահարել իր ծանոթ Գևորգը, որից հետո հանդիպել է նրան, վերջինս իրեն է տվել տոպրակ, ասել, որ դրանում հանձ-նուք է և այն պետք է տանի կրկեսի մոտ, տա մի ուրիշ մարդու, որն էլ կտանի ՙԴատապարտ-յալների հիվանդանոց՚: Դրա դիմաց Գևորգն իրեն տվել է ներարկիչով լցված թմրանյութ և հե-ռացել, իսկ ինքըª Գևորգի հեռանալուց հետո, ներարկվել է: Այնուհետև, վերցնելով հանձնուքը, գնացել է կրկեսի մոտ, հանդիպել մինչ այդ իրեն անծանոթ մի պատանու ու նրան հանձնել ծան-րոցը: Այնուհետև, իրեն է զանգահարել նույն Գևորգը, տվել բջջային հեռախոսահամար և խնդրել, որ զանգահարի նշված համարին ու հետ վերցնի հանձնուքը: Զանգահարելով Գևորգի տված հեռախոսահամարովª գնացել և մինչ այդ իրեն անծանոթ մի կնոջից վերցրել է իր հանձ-նած ծանրոցը: Գևորգի տված թմրամիջոցը փոխադրել է ընկերական նպատակով, շահույթ չի ունեցել, սակայն Գևորգն իրեն դրա համար թմրամիջոց է հյուրասիրել: Ծանրոցում գտնվող ձմերուկի մեջ է եղել պահված թմրամիջոցը,
մեղադրյալ Ե.Աղամալյանի կողմից շահագործված ՙՆոկիա ՌՀ-125՚ տեսակի 093 45-88-40 հեռախոսահամարով բջջային հեռախոսի զննության արձանագրությունըª համաձայն որի Ռ. Դանիլովի կողմից շահագործված 098 50-15-14 հեռախոսահամարից 29.07.2011թ-ին հաղորդա-գրություն է ուղարկվել Ե.Աղամալյանի վերոհիշյալ հեռախոսահամարինª հետևյալ բովանդակու-թյամբ. ՙԺիրո, էս 2 օր ա լիկյոր ես խոսք տվել, զանգում եմ չես պատասխանում, թե չի լինում տղավարի ասա, ես իմ անելիքն իմանամ, էտի պարտք ունեմ, պետք ա տամ ախպեր ջան, գոնե վեկալ ասա, արա ախպեր ջան՚:

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Երեմ Աղամալյանը, ՀՀ ԱՆ ՙԴատա-պարտյալների հիվանդանոց՚ ՔԿ հիմնարկում պատիժ կրող ընկերոջª Արմեն Պողոսյանի մի-ջոցով ծանոթանալով նույն հիմնարկում պատիժ կրող ամբաստանյալ Ռոման Դավիդովի հետ ու հետագա կապը պահպանելով հեռախոսի միջոցովª հաճախակի իր 093 45-88-40 հեռախոսահա-մարով զանգահարել է ամբաստանյալ Ռ.Դանիլովի կողմից օգտագործվող 098 50-15-14 հեռա-խոսահամարին:
2011թ. հուլիսի 29-ինª ժամը 10-ի սահմաններում, ամբաստանյալ Ե.Աղամալյանը գործով չպարզված, Գևորգ անունով անձիցª ամբաստանյալ Ռ.Դանիլովին հանձնելու համար, ստացել է հանձնուք, որում եղած ձմերուկի մեջ թաքցված է եղել 0,008 գրամ քաշով ՙԲուպրենորֆին՚ տե-սակի թմրամիջոց պարունակող, ՙB8՚ դաջվածքով մեկ հատ դեղահաբ:
Ամբաստանյալ Ռ.Դանիլովը, տեղեկացված լինելով իր համար նախատեսված թմրամի-ջոցով հանձնուքի մասին, իր նախկին զոքանչինª վկա Գայանե Հովհաննիսյանցին, չտեղեկաց-նելով թմրամիջոցի մասինª խնդրել է գնալ ք.Երևանի Ագաթանգեղոսի փողոցի հ. 1 հասցեում գտնվող նախկին կրկեսի շենքի մոտ, վերցնել իր համար նախատեսված հանձնուքն ու իրեն փո-խանցելու համարª այն հանձնել ՀՀ ԱՆ ՙԴատապարտյալների հիվանդանոց՚ ՔԿ հիմնարկ:
Հանձնուքը վերցնելու համար վկա Գ.Հովհաննիսյանցը հանդիպման վայր է ուղարկել որ-դունª վկա Արման Գրիգորյան-Խակցյանին:
Ամբաստանյալ Ե.Աղամալյանը, իրեն զանգահարած Գևորգից տեղեկանալով, որ վերը նշված վայրում սպասող տղային պետք է փոխանցի հանձնուքը, գնացել և վկա Ա.Գրիգորյան-Խակցյանին է փոխանցել այն, որում եղած թմրամիջոցի մասին վերջինս նույնպես տեղեկութ-յուն չի ունեցել:
Ամբաստանյալ Ե.Աղամալյանը ճանապարհին թեև մտածել է, որ ձմերուկի մեջ թմրամի-ջոց է թաքցված, այնուամենայնիվ կատարել է իրեն լավություն արած Գևորգի խնդրանքը, նկատի ունենալով, որ հանձնուքը փոխանցելիս վերջինս, տեղեկանալով, որ ամբաստանյալ Ե. Աղամալյանը գոտկատեղի հատվածում ցավեր ունի, նրան ներարկիչի մեջ լցված թմրամիջոց է տվել, ինչն ամբաստանյալ Ե.Աղամալյանը նույն պահին ներարկել է իրեն:
Նույն օրը վկա Գ.Հովհաննիսյանցը հանձնուքը տարել է ՙԴատապարտյալների հիվան-դանոց՚ ՔԿ հիմնարկ, սակայն այն նրանից չեն ընդունել:
Կրկին հեռախոսազանգերի միջոցով պայմանավորվածություն ձեռք բերելով, ամբաս-տանյալ Ե.Աղամալյանը ք.Երևանի Աճառյան փողոցում հանդիպել և վկա Գ.Հովհաննիսյանցից հետ է վերցրել հանձնուքն ու պահել իր մոտª մինչև լրացուցիչ ցուցում ստանալըª թե ինչ է պետք անել: Սակայն թմրամիջոց պահելու, օգտագործելու և իրացնելու կասկածանքով նա բերման է ենթարկվել ոստիկանության Կենտրոնականի բաժին, որտեղ կատարված խուզարկությամբ 0,008 գրամ քաշով ՙԲուպրենորֆին՚ տեսակի թմրամիջոց պարունակող, ՙB8՚ դաջվածքով դե-ղահաբը հայտնաբերվել է նրա մոտ եղած հանձնուքում գտնվող ձմերուկի միջից:

Ապացույցների հետազոտում և գնահատում.

Ամբաստանյալ Երեմ Աղամալյանն առաջադրված մեղադրանքում իրեն մեղավոր չճանա-չեցª պատճառաբանելով, որ թմրամիջոց չի իրացրել:
Միաժամանակ, պնդեց, որ չի ճանաչում հանձնուքն իրեն տված Գևորգ անունով անձին, իսկ իր տված բացատրությունը և առաջինª որպես կասկածյալ, տված ցուցմունքը, վերցվել են ոստիկանների կողմից կիրառված բռնությունների արդյունքում և դրանք ճիշտ չեն:
Ամբաստանյալ Ե.Աղամալյանի ցուցմունքի համաձայնª 2011թ. հուլիսի 29-ինª ժամը 10-ի սահմաններում, իր բջջային հեռախոսահամարին է զանգահարել իր հետ միասին ՙՍևան՚ քրե-ակատարողական հիմնարկում պատիժ կրած Գևորգը և խնդրել է հանդիպել Երևան քաղաքի Նոր Նորքի 8-րդ զանգվածում գտնվող արծվի արձանի մոտ: Հանդիպելով նշված վայրումª Գևոր-գը հարցրել է իր առողջական վիճակի մասին և, տեղեկանալով, որ մեջքի շրջանում ցավեր ունի, տվել է ներարկիչում լցված ՙսուբ՚ տեսակի թմրամիջոց, ասելով, որ դա օգտագործի և ցավերը կանցնի: Այնուհետև, Գևորգն իրեն տվել է սև գույնի պոլիէթիլենային տոպրակ, որի մեջ եղել է գաթա, հաց ու ձմերուկ: Նա ասել է, որ հանձնուք է ուղարկում ՙԴատապարտյալների հիվան-դանոց՚ ՔԿ հիմնարկում պատիժ կրող, Ռոման անունով անձին և խնդրել է նշված ծանրոցը կրկեսի մոտ փոխանցել իրեն սպասող տղային: Վերցնելով ծանրոցը, երթուղային տաքսով գնա-ցել է կրկեսի մոտ, որտեղª Ենգիբարյանի արձանի մոտ, իրեն է սպասել Գևորգի ասած տղան, ով իր հարցին պատասխանել է, որ ինքն է սպասում հանձնուքին: Այն փոխանցել է նրան, սակայն կես կամ մեկ ժամ անց զանգահարել է Գևորգը և ասել է, որ հանձնուքը ՙԴատապարտյալների հիվանդանոց՚-ում չեն ընդունել և, տալով հեռախոսահամար, խնդրել է, որ զանգահարի, գնա և վերցնի հանձնուքն ու այն անձամբ տանի: Այնուհետև, գնացել է Երևան քաղաքի Ավան թաղա-մաս և, զանգահարելով Գևորգի տված հեռախոսահամարով, մի կնոջից վերցրել է հանձնուքը, սակայն քիչ անց իրեն են մոտեցել ոստիկանները և բերման ենթարկել ոստիկանություն: Ընթե-րակաների ներկայությամբª հանձնուքի զննմամբ, ձմերուկի միջից հայտնաբերվել է ՙսուբ՚ տե-սակի թմրանյութի կոճակը:
Երբ հանդիպել է Գևորգին ու վերջինս իրեն թմրամիջոց է տվել ներարկվելու համար, իսկ հետո տվել է նաև հանձնուքը, որ այն տեղափոխի, մտածել է, որ դրանում կարող է թմրանյութ լինել: Բայց քանի որ Գևորգն իրեն լավություն է արել ու թմրամիջոց է տվել ներարկվելու համար, մտածել է, որ ինքն էլ լավություն անի նրան, թեև մտքով անցել է, որ թմրանյութ է փոխադրում:
Այնուհետև, նկատելով, որ ձմերուկը վերևի մասից կտրած է, նորից մտածել է, որ դրանում թմրանյութ կա թաքցված, սակայն մտածել է փոխանցել ու վերջ:
Իր իմանալով Գևորգը նույնպես թմրամոլ է, սակայն չգիտի, թե նա որտեղից է ձեռք բերել այդ թմրանյութը:
Ամբաստանյալ Ռոման Դանիլովի ցուցմունքի համաձայնª որպես դատապարտյալª պա-տիժ է կրում ՙԴատապարտյալների հիվանդանոց՚ ՔԿ հիմնարկում, որտեղ պատիժ է կրել նաև ամբաստանյալ Ե.Աղամալյանի ընկերը, ում միջոցով էլª հեռախոսով, ծանոթացել է ամբաստան-յալ Ե.Աղամալյանի հետ, ում նաև Ժիրո անունով են դիմել:
2011թ. հուլիսի 28-ի երեկոյան իրեն է զանգահարել է իր ծանոթ Գևորգը, ում ճանաչել է մինչև դատապարտվելը: Նրան պատմել է, որ հիվանդ է և խնդրել է ծխախոտ ուղարկել իրեն: Վերջինս պատասխանել է, որ նաև ՙլավ բան՚` թմրանյութ, կուղարկի իրեն և հարցրել է, թե ում միջոցով կարող է այն ուղարկել: Գևորգի խոստացած հանձնուքը վերցնելու համար զանգա-հարել է Երեմին և խնդրել է, որ նա գնա և Նոր Նորքի հիվանդանոցի մոտից Գևորգից վերցնի հանձնուքըª ասելով, որ իր ծանոթը որոշել է լավություն անել: Երեմը գնացել ու երեկոյան վերցրել է հանձնուքը, սակայն նրան չի ասել, որ դրա մեջ թմրանյութ կա: Հաջորդ օրըª առավոտյան, հա-ղորդագրություն է ուղարկել, այնուհետև զանգահարել է իր նախկին զոքանչին` Գայանե Հով-հաննիսյանցին, և, ասելով, որ իր համար հանձնուք կա, խնդրել է գնալ կրկեսի մոտ, վերցնել այն ու տանել Քրեակատարողական հիմնարկª իրեն հանձնելու համար: Քանի որ հանձնուքն իրեն չի հասել, կրկին զանգահարել է Գայանեին, ով պատասխանել է, որ հանձնուքը չեն ընդունել, քանի որ իրենց մեջ հարազատական կապ չկա: Դրանից հետո զանգահարել է Երեմին, խնդրել հանձ-նուքը վերցնել Գայանեիցª մինչև կարողանա մեկ այլ մարդ գտնել, որպեսզի հանձնուքը բերեն ՔԿՀ: Հետագայում իմացել է, որ հանձնուքը հետ վերցնելուց հետո Երեմին ոստիկանները բռնել են:
Վկա Գայանե Հովհաննիսյանցի ցուցմունքի համաձայնª իր նախկին փեսանª ամբաս-տանյալ Ռ.Դանիլովը, 2011 հուլիսի 29-ին իր բջջային հեռախոսահամարին հաղորդագրություն է ուղարկել և խնդրել է կրկեսի մոտից ուտելիքով ծանրոց վերցնել ու տանել ՙԴատապարտյալ-ների հիվանդանոց՚ ՔԿՀ: Չմերժելով նրան, նշված վայր է ուղարկել որդուն` Արման Գրիգորյան-Խակցյանին, ում հետ գնացել է քրեակատարողական հիմնարկ, որպեսզի հանձնի հանձնուքը, սակայն այն չեն ընդունել, ինչի մասին տեղեկացրել է իրեն զանգահարած ամբաստանյալ Ռ.Դանիլովին, ով խնդրել է հանձնուքը տանել տուն և ասել է, որ կզանգահարի, մարդ կգնա ու իր մոտից կվերցնի այն: Նույն օրըª ժամը 16-ի սահմաններում, զանգահարել է մինչ այդ իրեն ան-ծանոթ Ե.Աղամալյանը, ում էլ իրենց շենքի մոտ հանձնել է վերոհիշյալ հանձնուքը:
Որդուց տեղեկացել է, որ կրկեսի մոտ հանձնուքը նրան է փոխանցել նույն Ե.Աղամալ-յանը:
Վկա Արման Գրիգորյան-Խակցյանի ցուցմունքի համաձայնª ամբաստանյալ Ռ.Դանիլո-վը 2011թ. հուլիսի 29-ին մորը` Գ.Հովհաննիսյանցին, հեռախոսով հաղորդագրություն է ուղարկել և խնդրել է կրկեսի մոտից ծանրոց վերցնել ու փոխանցել նրան: Մայրն իրեն ուղարկել է կրկեսին հարակից հատվածում գտնվող Ենգիբարյանի արձանի մոտ, որտեղ մինչ այդ իրեն անծանոթ Ե.Աղամալյանից վերցրել է ձմերուկով և ուտելիքներով ծանրոցը, որը մոր հետ միասին տարել են ՙԴատապարտյալների հիվանդանոց՚ ՔԿ հիմնարկ` Ռ.Դանիլովին փոխանցելու համար, սա-կայն հանձնուքը չեն ընդունել, ինչի մասին մայրը տեղեկացրել է Ռ.Դանիլովին: Վերջինս ասել է, որ մարդ կուղարկի և հանձնուքը հետ կվերցնեն: Մորից տեղեկացել է, որ նույն օրն ամբաստան-յալ Ե.Աղամալյանը գնացել է իրենց շենքի բակ և հետ է վերցրել ծանրոցը: Այնուհետև, իրենց կանչել են ոստիկանություն, որտեղ տեղեկացել են, որ ծանրոցի մեջ թմրանյութ է եղել, ինչի հետ կապված ամբաստանյալ Ռ.Դանիլովը հեռախոսով խնդրել է հարցնելու դեպքում ասել, որ ծան-րոցը Գյումրիից իր ընկերուհին է ուղարկած եղել:
Վկաներ Հրանտ Միրիջանյանի և Գագիկ Հարությունյանի նույնաբովանդակ ցուցմունք-ների համաձայնª 2011թ. հուլիսի 29-ին ոստիկանության աշխատակիցների հրավերովª որպես ըն-թերակա, մասնակցել են ամբաստանյալ Ե.Աղամալյանի անձնական խուզարկությանը, որի ըն-թացքում նրա մոտ եղած տոպրակի մեջ եղած ձմերուկից հայտնաբերվել է ՙB 8՚ գրառմամբ մեկ հատ սպիտակ գույնի դեղահաբ: Ամբաստանյալ Ե.Աղամալյանը հայտարարել է, որ ձմերուկը տվել է Գևորգ անունով մի անձ, որպեսզի այն ուղարկի ՙԴատապարտյալների հիվանդանոց ՔԿՀ-ում գտնվող Ռոմանին:
Դատաքիմիական փորձաքննության 30.07.2011թ. հ. 251Ք եզրակացության համաձայնª փորձաքննության ներկայացված թվով մեկ սպիտակ գույնի, օվալաձև, ՙB8՚ դաջվածքով դեղա-հաբում հայտնաբերվել է ՙԲուպրենորֆին՚ տեսակի թմրամիջոց, որի քաշը կազմում է 0,008 գրամ:
ՙԱնձնական խուզարկություն կատարելու մասին՚ 29.07.2011թ. արձանագրության համա-ձայնª Ե.Աղամալյանի մոտ եղած սև գույնի պոլիէթիլենային տոպրակում առկա ձմերուկի բաժա-նած մասերից մեկից հայտնաբերվել է պոլիէթիլենային տոպրակով փաթեթավորված, ՙB 8՚ գրառմամբ, օվալաձև, սպիտակ գույնի մեկ դեղահաբ: Ե.Աղամալյանը հայտարարել է, որ ձմե-րուկն իրեն տվել է ոմն Գևորգը, որպեսզի այն փոխանցի մի քաղաքացու, որն այն ուղարկի ՙԴա-տապարտյալների հիվանդանոց՚ ՔԿՀ-ի կալանավոր ոմն Ռոմանին:
Դատանարկոլոգիական ամբուլատոր փորձաքննության 30.08.2011թ. հմ. 0184-11 եզրա-կացության համաձայնª Ե.Աղամալյանը տառապում է ՙԱփիոնային թմրամոլություն՚ ախտորոշ-մամբ, ուստիª հարկադիր բուժման կարքի ունի, որի համար հակացուցումներ չկան:
Տոքսիկոքիմիական փորձաքննության 06.08.2011թ. հմ. 11-2169 եզրակացության համա-ձայնª Ե.Աղամալյանից վերցված մեզի և մազի փորձանմուշների մեջ հայտնաբերվել են ՙԱփիոն՚-ի խմբին պատկանող թմրամիջոցի թմրալկալոիդներ: Մազի փորձանմուշի մեջ հայտ-նաբերվել են նաև ափիոիդների շարքի ՙԲուպրենոր‎ֆին՚ տեսակի դեղամիջոցի հետքեր:
ՙԻրեղեն ապացույց ճանաչելու և քրեական գործին կցելու մասին՚ 30.07.2011թ. որոշման համաձայնª 0,008 գրամ քաշով ՙԲուպրենորֆին՚ տեսակի թմրամիջոց պարունակող դեղահաբը ճանաչվել է իրեղեն ապացույց:

Դատարանի վերլուծություն.

Դատարանը, վերլուծելով ամբաստանյալներին առաջադրված մեղադրանքներն ու հա-մակցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հան-գում է հետևության, որ սույն քրեական գործին վերաբերվող փոխկապակցված հավաստի ապա-ցույցների բավարար ամբողջությամբ հաստատվում է, որ ամբաստանյալ Ե.Աղամալյանն իրաց-նելու նպատակով ապօրինի ձեռք է բերել, պահել և փոխադրել թմրամիջոց, իսկ ամբաստանյալ Ռ.Դանիլովը փորձել է առանց իրացնելու նպատակի ապօրինի ձեռք բերել զգալի չափերով թմրամիջոց, այսինքնª ամբաստանյալ Ե.Աղամալյանը կատարել է հանցանքª նախատեսված ՀՀ քրեական օրենսգրքի 266-րդ հոդվածի 1-ին մասով, իսկ ամբաստանյալ Ռ.Դանիլովըª հանցանքª նախատեսված ՀՀ քրեական օրենսգրքի 268-րդ հոդվածի 1-ին մասով, որոնցով և նրանք պետք է պատասխանատվության ենթարկվենª դատապարտվելով ազատազրկման և կրելով պատիժը:
Դատարանը նաև գտնում է, որ ամբաստանյալների կատարած արարքներին տրվել են ճիշտ քրեաիրավական գնահատականներ և քրեական գործի` դատարանի կողմից գանահատ-ված ապացույցները ձեռք են բերվել քրեադատավարական օրենքի պահանջների պահպան-մամբ:
Ինչ վերաբերվում է ամբաստանյալների այն պատճառաբանություններին, որ Ե.Աղամալ-յանը նախաքննության ընթացքում ենթարկվել է խոշտանգումների, իրացման նպատակով նա թմրամիջոց ձեռք չի բերել, ամբաստանյալ Ռ.Դանիլովի նշած անձից թմրամիջոցի պարունա-կությամբ հանձնուքը նա վերցրել է իրեն անծանոթ անձից և չի իմացել թմրամիջոցի մասին, ապա դատարանը գտնում է, որ դրանք արժանահավատ չեն, նշված պատճառաբանություն-ներով ամբաստանյալ Ե.Աղամալյանը ցանկանում է խուսափել կատարած հանցագործության համար քրեական պատասխանատվությունից ու պատժից, իսկ ամբաստանյալը Ռ.Դանիլովը փորձում է իր պաշտպանության տակ վերցնել նրան:
Դատարանը նման եզրահանգման է գալիս, հաշվի առնելով ինչպես ամբաստանյալ Ե. Աղամալյանիª սույն դատավճռով գնահատված և արժանահավատ համարված ցուցմունքն ու ամբաստանյալ Ռ.Դանիլովի խոստովանությունն այն մասին, որ նրան հանձնուքի մեջ թաքցված թմրամիջոց պետք է ուղարկվեր, ինչի համար նա դիմել է նաև ամբաստանյալ Ե.Աղամալյանին, այնպես էլ սույն դատավճռի ՙԱպացույցների հետազոտում և գնահատում՚ մասում շարադրված և դատարանի կողմիցª որպես արժանահավատ գնահատվող մյուս ապացույցները:
Դատարանը գտնում է, որ ամբաստանյալների պատճառաբանությունները հերքվում են նաև խոշտանգումների ենթարկելու վերաբերյալ ամբաստանյալ Ե.Աղամալյանի հաղորդման հի-ման վրա քրեական գործ հարուցելու միջնորդությամբ դատախազին դիմելու մասին Երևան քա-ղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 28.09.2012թ. որոշման առթիվ նախապատրաստված նյութերով ՀՀ հատուկ քննչական ծառայության ՀԿԳ քննիչ Տ.Թամամյանի ՙՔրեական գործի հարուցումը մերժելու մասին՚ 14.11.2012թ. որոշմամբ, որով մերժվել է քրեական գործի հարուցումըª հանցագործության դեպքի բացակայության հիմքով, ինչպես նաև ՀՀ ԱՆ ՔՎ պետի առաջին տեղակալ Ռ.Հովհան-նիսյանի 10.04.2012թ. ԵԿ0/3-830 գրությամբª համաձայն որի ամբաստանյալ Ե.Աղամալյանը 22.09.2004թ. ՀՀ ԱՆ ՙՍևան՚ քրեակատարողական հիմնարկից պայմանական վաղաժամկետ ազատվել է պատժից, ինչի մասին նա ցուցմունք է տվել նախաքննության ընթացքում և ընդունեց նշված փաստըª հիշյալ գրությունը դատարանի կողմից հետազոտվելուց հետո:
Դատարանը նաև հաշվի է առնում, որ ամբաստանյալ Ռ.Դանիլովի կողմից օգտագործ-ված հեռախոսահամարների վերծանումների շուրջ կատարված քննչական գործողություններով, պարզվել է, որ հանցագործության կատարմանը նախորդող ժամանակահատվածում ամբաս-տանյալ Ռ.Դանիլովին Գևորգ անունով անձնավորություն չի զանգահարել, իսկ մուտքային հե-ռախոսազանգեր կատարած և նախաքննության ընթացքում հարցաքննված անձինք կատար-ված հանցագործության հետ որևէ առնչություն չունեն:
Դատարանը, անդրադառնալով նախաքննության մարմինի կողմից ամբաստանյալ Ե. Աղամալյանիª որպես այլ փաստաթուղթ ապացույց ճանաչված և գնահատված, 29.07.2011թ. բացատրությանը և քննարկելով դրաª որպես ապացույցի, թույլատրելիության հարցը, գտնում է, որ մեղադրանքի հիմքում այն չի կարող դրվել և օգտագործվել որպես ապացույցª հետևյալ պատ-ճառաբանություններով.
ՀՀ կառավարությունը 14.06.2007թ. թիվ 818-Ն որոշմամբª համաձայն ՙՈստիկանության մասին՚ ՀՀ օրենքի 5-րդ հոդվածի 5-րդ մասի, հաստատել է մարդու իրավունքների և ազատու-թյունների սահմանափակումից բխող` ծանուցման ենթակա իրավունքների ցանկն ու մարդու իրավունքների և ազատությունների սահմանափակումից բխող` ծանուցման ենթակա իրավունք-ների կարգը:
Մարդու իրավունքների և ազատությունների սահմանափակումից բխող` ծանուցման են-թակա իրավունքների ցանկի 2-րդ կետի 2-րդ և 3-րդ ենթակետերի համաձայն` մարդու իրա-վունքները սահմանափակելիս` մարդն իրավունք ունի ստանալու իրավաբանական օգնություն, բացատրություններ տալու փաստաբանի ներկայությամբ կամ հրաժարվելու բացատրություններ տալուց:
Մարդու իրավունքների ու ազատությունների սահմանափակումից բխող իրավունքների ծանուցման կարգի 5-րդ կետի համաձայն` մարդուն ոստիկանություն բերելուց անմիջապես հե-տո կազմվում է իրավունքների բանավոր ծանուցման մասին արձանագրություն, որում նշվում են արձանագրությունը կազմող ոստիկանության ծառայողի պաշտոնը, կոչումը, ազգանունը, ծա-նուցման վայրը, ժամանակը, այն մարդու անունը, ազգանունը, ում ազատությունը սահմանա-փակվել է, սահմանափակման պատճառը, այն իրավական ակտը, որի հիման վրա ազատութ-յունը սահմանափակվել է, նշում ազատության սահմանափակումից բխող իրավունքների ծա-նուցման փաստի, իրավունքների իրականացման կարգի պարզաբանման մասին:
ՀՀ քրեական դատավարության օրենսգրքի 105-րդ հոդվածի 1-ին մասի 2-րդ և 5-րդ կետե-րի համաձայն` քրեական գործով վարույթում մեղադրանքի հիմքում չեն կարող դրվել և որպես ապացույց օգտագործվել այն նյութերը, որոնք ձեռք են բերվել կասկածյալի և մեղադրյալի պաշտպանության իրավունքի ...ª ՀՀ քրեական դատավարության օրենսգրքով նախատեսված լրացուցիչ երաշխիքների էական խախտմամբ, քննչական կամ այլ դատավարական գործողութ-յան կատարման կարգի էական խախտմամբ:
Վերոհիշյալ բացատրությունը վերցնելիս` Ե.Աղամալյանին ՀՀ կառավարության վերը նշ-ված որոշմամբ սահմանված` իրավունքների և ազատությունների սահմանափակումից բխող ի-րավունքները չեն պարզաբանվել և նա չի տեղեկացվել փաստաբան ունենալու, բացատրություն տալուց հրաժարվելու իրավունք ունենալու մասին, չի պահպանվել այդ գործողության` օրենքով սահմանված կատարման կարգը: Հետևաբար, այդ բացատրությունը մեղադրանքի հիմքում դր-վել և որպես ապացույց օգտագործվել չի կարող:
Ինչ վերաբերվում է նախաքննության մարմնի կողմիցª որպես այլ փաստաթուղթ, ապա-ցույց ճանաչված, 29.07.2011թ-ին ամբաստանյալ Ռ.Դանիլովի կողմից ամբաստանյալ Ե.Աղա-մալյանին ուղարկված կարճ հաղորդագրությանը, ապա դատարանը գտնում է, որ նախաքննու-թյան մարմինը, նշված հաղորդագրության բովանդակությունը համադրելով Ե.Աղամալյանի կող-մից նախաքննության սկզբնական փուլում տված ցուցմունքների բովանդակության հետ և ներ-քին համոզմամբ հանգելով հետևության, որ հաղորդագրության մեջ առկա ՙլիկյոր՚ պայմանա-կան բառը վերաբերվում է բուպրենոր‎‎ֆին տեսակի թմրամիջոցին, հիմնվել ենթադրությունների վրա, քանի որ այդ մասով չի կատարվել պատշաճ քննություն, չի պարզվել, արյո±ք, նշվածն իրա-կանում չի վերաբերվել ոգելից խմիչքին, թեև դրանք նույնպես արգելված է հանձնել դատա-պարտյալներին:
Այսպիսով, դատարանը հանգում է եզրակացության, որ նշված ենթադրությունը, ինչպես նախաքննության, այնպես էլ դատաքննության ընթացքում չի հաստատվել գործին վերաբերող փոխկապակցված հավաստի ապացույցների բավարար ամբողջությամբ և որպես քրեական դա-տավարության օրենսգրքի դրույթներին համապատասխան պատշաճ իրավական ընթացակար-գի շրջանակներում չփարատված կասկածª պետք է մեկնաբանվի հօգուտ ամբաստանյալների, հետևաբարª այն նույնպես չի կարող դրվել մեղադրանքի հիմքում և օգտագործվել որպես ապա-ցույց:
ՀՀ քրեական դատավարության օրենսգրքի 18-րդ հոդվածի 3-րդ մասի համաձայնª հան-ցանք գործելու մեջ անձի մեղավորության մասին հետևությունը չի կարող հիմնվել ենթադրու-թյունների վրա« այն պետք է հաստատվի գործին վերաբերող փոխկապակցված հավաստի ապացույցների բավարար ամբողջությամբ, իսկ 4-րդ մասի համաձայնª մեղադրանքն ապացուց-ված լինելու վերաբերյալ բոլոր կասկածները« որոնք չեն կարող փարատվել սույն օրենսգրքի դրույթներին համապատասխան պատշաճ իրավական ընթացակարգի շրջանակներում« մեկնա-բանվում են հօգուտ մեղադրյալի կամ կասկածյալի:
Ամբաստանյալների նկատմամբ պատիժ նշանակելիս` պատիժների տեսակն ու չափը որոշելիս, դատարանը հաշվի է առնում նրանցից յուրաքանչյուրի կատարած հանցագործության բնույթն ու հանրության համար վտանգավորության աստիճանը, կատարած գործողությունների ծավալը, հանցավոր մտադրության իրականացման աստիճանը, պատասխանատվությունն ու պատիժը մեղմացնող և ծանրացնող հանգամանքներն ու նրանց անձը բնութագրող տվյալները:
Որպես ամբաստանյալ Ե.Աղամալյանի անձը բնութարող տվյալª դատարանը հաշվի է առնում, որ նա նախկինում նույնպես կատարել է հանցագործություններ:
Ամբաստանյալ Ե.Աղամալյանի պատասխանատվությունն ու պատիժը մեղմացնող և ծանրացնող հանգամանքներ դատաքննությամբ չարձանագրվեցին:
Որպես ամբաստանյալ Ռ.Դանիլովի պատասխանատվությունն ու պատիժը մեղմացնող հանգամանք` դատարանը հաշվի է առնում, որ նա մասնակիորենª չհայտնելով իրական հանգա-մանքները, խոստովանեց կատարած հանցանքն ու վատառողջ է, իսկ որպես նրա պատասխա-նատվությունն ու պատիժը ծանրացնող հանգամանքª նրա կողմից հանցանք կատարելու ռեցի-դիվը:
Դատարանը, նկատի ունենալով ամբաստանյալ Ռ.Դանիլովի անձը, գտնում է, որ նրա կատարած հանցագործության համար նախատեսված նվազ խիստ պատժատեսակը չի կարող ապահովել պատժի նպատակները, և նա պետք է դատապարտվի ազատազրկման, ինչն ան-հրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար:
Դատարանը, քննության առնելով իրեղեն ապացույցի տնօրինման հարցը, գտնում է, որ ՙԲուպրենորֆին՚ տեսակի թմրամիջոց պարունակող դեղահաբի փշրվածª փորձաքննության կա-տարումից հետո մնացած, 0.2 գրամ քաշով փոշենման զանգվածը պետք է հանձնվի ՀՀ ոստի-կանության ՔԳՎ Երևան քաղաքի ՔՎ Կենտրոնականի քննչական բաժինª սույն գործից ան-ջատված քրեական գործով հետագայում տնօրինելու համար:
Դատարանը, նկատի ունենալով, որ դատանարկոլոգիական ամբուլատոր փորձաքննու-թյան 30.08.2011թ. հ. 0184-11 եզրակացության համաձայն ամբաստանյալ Ե.Աղամալյանը տա-ռապում է ՙԱփիոնային թմրամոլություն՚ ախտորոշմամբ և հարկադիր բուժման կարիք ունի, որի համար հակացուցումներ չկան, գտնում է, որ նրա նկատմամբ` ըստ ազատազրկումը կրելու վայ-րի, պատժի կատարման հետ միացված պետք է նշանակվի հարկադիր բուժում թմրամոլությու-նից:
Քննության առնելով ամբաստանյալ Ե.Աղամալյանի նկատմամբ ընտրված խափանման միջոցի հարցը` դատարանը գտնում է, որ նրա նկատմամբ ընտրված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119-րդ, 357-360-րդ, 365-րդ, 367-րդ և 369-372-րդ հոդվածներով` դատարանը

Վ Ճ Ռ Ե Ց

1.Երեմ Լորիսի Աղամալյանին ճանաչել մեղավոր ՀՀ քրեական օրենսգրքի 266-րդ հոդ-վածի 1-ին մասով և դատապարտել ազատազրկման 4 (չորս) տարի ժամկետով, որպիսի պատի-ժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2011թ. հուլիսի 30-ից:
Ե.Աղամալյանի նկատմամբ կիրառված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
Ե.Աղամալյանի նկատմամբ` ըստ ազատազրկումը կրելու վայրի, պատժի կատարման հետ միացված նշանակել հարկադիր բուժում թմրամոլությունից:
2. Ռոման Միքայելի Դանիլովին ճանաչել մեղավոր ՀՀ քրեական օրենսգրքի 34-268-րդ հոդվածի 1-ին մասով և դատապարտել ազատազրկման 6 (վեց) ամիս ժամկետով:
ՀՀ քրեական օրենսգրքի 67-րդ հոդվածի համաձայն` նշանակված պատժին մասնակի-որեն գումարել նախորդª Երևան քաղաքի նախկին Ավան և Նոր Նորք համայնքների առաջին ատյանի դատարանի 07.11.2005թ. դատավճռով նշանակված պատժի չկրած մասից 3 (երեք) տարի 11 (տասնմեկ) ամիս ժամկետով ազատազրկումը և որպես վերջնական պատիժ` նշանա-կել ազատազրկում 4 (չորս) տարի 5 (հինգ) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2013թ. փետրվարի 27-ից:
Իրեղեն ապացույցըª ՙԲուպրենորֆին՚ տեսակի թմրամիջոց պարունակող դեղահաբի փշրված, 0.2 գրամ քաշով փոշենման զանգվածը հանձնել ՀՀ ոստիկանության ՔԳՎ Երևան քա-ղաքի ՔՎ Կենտրոնականի քննչական բաժինª սույն գործից անջատված քրեական գործով հե-տագայում տնօրինելու համար:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ