ԵԿԴ/0020/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
21 մայիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ս.ՀԱՐՈՒԹՅՈՒՆՅԱՆԻ
ամբաստանյալներ Ա.ԱՌԱՔԵԼՅԱՆԻ
Ս.ԾԱՏՈՒՐՅԱՆԻ
պաշտպաններ Ս.ՈՍԿԱՆՅԱՆԻ
Լ.ԳՐԻԳՈՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
1. Արսեն Արմենի Առաքելյանի` ծնված 14.06.1991թ. Սյունիքի մարզի Շինուհայր գյուղում, ազգությամբ հայ, ՀՀ քաղաքացի, ամուրի, միջնակարգ կրթությամբ, իր հայտարարությամբ` վա-տառողջ, չի աշխատել, չդատված, բնակվել է` Արարատի մարզ, գյուղ Նիզամի, տուն հ. 46, ար-գելանքի տակ է 2011թ. դեկտեմբերիի 9-ից, մեղադրվում է ՀՀ քրեական օրենսգրքի 266-րդ հոդ-վածի 1-ին մասով և 268-րդ հոդվածի 1-ին մասով,
2. Սուրեն Մանուկի Ծատուրյանի` ծնված 10.11.1984թ. ք.Երևանում, ազգությամբ հայ, ՀՀ քաղաքացի, ամուսնացած, խնամքին 2 անձ, միջնակարգ կրթությամբ, առողջ, չի աշխատել, չդատված, բնակվում է` ք.Երևան, ՀԱԹ, Օգանովի փողոց, 8-րդ շենք, բնակարան հ. 39, մե-ղադրվում է ՀՀ քրեական օրենսգրքի 268-րդ հոդվածի 1-ին մասով:
Ամբաստանյալ Ա.Առաքելյանին ՀՀ քրեական օրենսգրքի 266-րդ հոդվածի 1-ին մասով և 268-րդ հոդվածի 1-ին մասով մեղադրանք է առաջադրվել այն բանի համար, որ նա. ՙիր օգտա-գործման և իրացնելու նպատակով 2011թ. ամռանը կանեփի թփերից ապօրինի պատրաստել է զգալի չափերի չորացված մարիխուանա տեսակի թմրամիջոց, որի մի մասը` 0,7 գրամ չորաց-ված տեսակի մարիխուանան, 2011թ. դեկտեմբերի 08-ին Երևան քաղաքի Երվանդ Քոչար փողո-ցի Սուրբ Գրիգոր Լուսավորիչ եկեղեցու հարակից տարածքում իրացրել է Սուրեն Մանուկի Ծա-տուրյանին, իսկ մյուս` 2,8 գրամ չորացված մարիխուանա տեսակի թմրամիջոցը պահել է իր մոտ, որոնք նույն օրը հայտնաբերվել են վերջիններիս մոտից` ոստիկանության Կենտրոնական բաժնի Մարաշի բաժանմունքում կատարված անձնական խուզարկությամբ՚:
Ամբաստանյալ Ս.Ծատուրյանին ՀՀ քրեական օրենսգրքի 268-րդ հոդվածի 1-ին մասով մեղադրանք է առաջադրվել այն բանի համար, որ նա. ՙառանց իրացնելու նպատակի` ծխելու միջոցով անձամբ օգտագործելու համար, 2011թ. դեկտեմբերի 08-ին Երևան քաղաքի Երվանդ Քոչար փողոցի Սուրբ Գրիգոր Լուսավորիչ եկեղեցու հարակից տարածքում Արսեն Արմենի Առաքելյանից ապօրինի ձեռք է բերել, պահել 0,7 գրամ քաշով չորացված մարիխուանա տեսակի թմրամիջոց, որը նույն օրը հայտնաբերվել է վերջինիս մոտից` ոստիկանության Կենտրոնական բաժնի Մարաշի բաժանմունքում կատարված անձնական խուզարկությամբ՚:
Ամբաստանյալներ Ա.Առաքելյանը և Ս.Ծատուրյանը մինչև դատաքննությունն սկսվելը միջնորդեցին կիրառել արագացված դատական քննության կարգ ու հայտարարեցին, որ միջ-նորդությունը ներկայացնում են կամավոր` իրենց պաշտպանների հետ խորհրդակցելուց հետո, առաջադրված մեղադրանքներն իրենց պարզ է, համաձայն են մեղադրանքների հետ, առա-ջադրված մեղադրանքներում իրենց լիովին մեղավոր են ճանաչում և գիտակցում են արագաց-ված կարգով դատական քննություն անցկացնելու հետևանքները:
Դատարանի որոշմամբ ամբաստանյալների միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքների հետ ամբաստանյալների համաձայն լինելու հանգամանքն ու հանգելով եզրակացության, որ մեղադրանքները, որոնց հետ համաձայնվեցին ամբաստանյալները, հիմնավորված են և հաստատվում են քրեական գործով հավաքված ապացույցներով, գտնում է, որ ամբաստանյալ Ա.Առաքելյանը կատարել է հան-ցանքներ` նախատեսված ՀՀ քրեական օրենսգրքի 266-րդ հոդվածի 1-ին մասով և 268-րդ հոդ-վածի 1-ին մասով, որոնցով և նա պետք է պատասխանատվության ենթարկվի, իսկ ամբաս-տանյալ Ս.Ծատուրյանը կատարել է հանցանք` նախատեսված ՀՀ քրեական օրենսգրքի 268-րդ հոդվածի 1-ին մասով, որով և նա պետք է պատասխանատվության ենթարկվի:
Ամբաստանյալների նկատմամբ պատիժ նշանակելիս` պատիժների տեսակն ու չափը որոշելիս, դատարանը հաշվի է առնում ինչպես նրանց կատարած արարքների բնույթը և հան-րության համար վտանգավորության աստիճանը, այնպես էլ արագացված կարգով անցկացված դատաքննության ընթացքում ուսումնասիրված` նրանց անձը բնութագրող տվյալներն ու պա-տասխանատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Առաքելյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ, անկեղծորեն զղջաց կատարած հանցանքների համար:
Որպես ամբաստանյալ Ա.Առաքելյանի անձը բնութագրող տվյալ` դատարանը հաշվի է առնում, որ նա բնութագրվում է դրական:
Որպես ամբաստանյալ Ս.Ծատուրյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեղծորեն զղջաց կատարած հանցանքի համար և խնամքի տակ ունի 2 անձ, որոնցից մեկը մինչև 14 տարեկան երեխան է:
Որպես ամբաստանյալ Ս.Ծատուրյանի անձը բնութագրող տվյալ` դատարանը հաշվի է առնում, որ նա բնութագրվում է դրական:
Ամբաստանյալների պատասխանատվությունն ու պատիժը ծանրացնող հանգամանքներ դատաքննությամբ չարձանագրվեցին:
Դատարանը, հաշվի առնելով ամբաստանյալների` ՀՀ քրեական օրենսգրքի 268-րդ հոդ-վածի 1-ին մասով կատարած հանցագործության հանրության համար վտանգավորության աս-տիճանը, գտնում է, որ նշված հանցագործության համար նախատեսված պատիժներից նվազ խիստ տեսակը չի կարող ապահովել պատժի նպատակները և նրանք պետք է դատապարտվեն ազատազրկման:
Միաժամանակ, նկատի ունենալով ամբաստանյալ Ս.Ծատուրյանի անձը բնութագրող տվյալները, նրա պատասխանատվությունը և պատիժը մեղմացնող հանգամանքները, պատաս-խանատվությունն ու պատիժը ծանրացնող հանգամանքների բացակայությունը և, ելնելով ՀՀ քրեական օրենսգրքի 10-րդ ու 61-րդ հոդվածներով սահմանված արդարության, պատասխանա-տըվության անհատականացման և պատիժ նշանակելու ընդհանուր սկզբունքներից, դատարանը հանգում է հետևության, որ ամբաստանյալ Ս.Ծատուրյանի ուղղվելը հնարավոր է առանց պա-տիժը կրելու` ՀՀ քրեական օրենսգքրի 70-րդ հոդվածի կիրառմամբ պատիժը պայմանականորեն չկիրառելու միջոցով, ինչն անհրաժեշտ ու բավարար է նաև սոցիալական արդարությունը վե-րականգնելու և նրա կողմից նոր հանցագործությունների կատարումը կանխելու համար:
Քննության առնելով իրեղեն ապացույցների տնօրինման հարցը` դատարանը գտնում է, որ փորձաքննության կատարումից հետո մնացած` 3.3 գրամ ընդհանուր քաշով ՙՄարիխուանա՚ տեսակի թմրամիջոցը պետք է ոչնչացվի:
Դատարանը, քննության առնելով խափանման միջոցների հարցը, գտնում է, որ ամբաս-տանյալների նկատմամբ կիրառված խափանման միջոցները պետք է թողնվեն անփոփոխ` մինչև դատավճռի օրինական ուժի մեջ մտնելը:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119, 357, 359, 360 ու 3753 հոդվածներով` դատարանը

Վ Ճ Ռ Ե Ց

1. Արսեն Արմենի Առաքելյանին ճանաչել մեղավոր ՀՀ քրեական օրենսգրքի 266-րդ հոդ-վածի 1-ին մասով և 268-րդ հոդվածի 1-ին մասով ու ՀՀ քրեական օրենսգրքի 266-րդ հոդվածի 1-ին մասով նրան դատապարտել ազատազրկման 3 (երեք) տարի ժամկետով, իսկ 268-րդ հոդ-վածի 1-ին մասով` ազատազրկման 6 (վեց) ամիս ժամկետով:
ՀՀ քրեական օրենսգրքի 66-րդ հոդվածի 4-րդ մասի համաձայն` պատիժները մասնա-կիորեն գումարելու միջոցով, որպես վերջնական պատիժ` նշանակել ազատազրկում 3 (երեք) տարի 3 (երեք) ամիս ժամկետով, որպիսի պատիժը պետք է կրի ՀՀ ԱՆ համապատասխան քրե-ակատարողական հիմնարկում:
Պատժի կրման սկիզբը հաշվել 2011թ. դեկտեմբերի 9-ից:
Ա.Առաքելյանի նկատմամբ կիրառված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
2. Սուրեն Մանուկի Ծատուրյանին ճանաչել մեղավոր ՀՀ քրեական օրենսգրքի 268-րդ հոդվածի 1-ին մասով և դատապարտել ազատազրկման 6 (վեց) ամիս ժամկետով:
ՀՀ քրեական օրենսգրքի 70-րդ հոդվածի կիրառմամբ Ս.Ծատուրյանի նկատմամբ նշանակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով:
Ս.Ծատուրյանի նկատմամբ կիրառված խափանման միջոցը` ստորագրություն չհեռանա-լու մասին, թողնել անփոփոխ` մինչև դատավճռի օրինական ուժի մեջ մտնելը:
Իրեղեն ապացույցը` 3.3 գրամ ընդհանուր քաշով ՙՄարիխուանա՚ տեսակի թմրամիջոցը, ոչնչացնել:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ