ԵԿԴ/0016/01/12




ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«22» ապրիլի 2013թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան)


Նախագահող դատավոր
դատական նիստերի քարտուղարներ

մեղադրող
տուժողներ



պաշտպաններ



Մ.Պապոյան
Ռ.Ավետյան
Կ.Կարապետյան
Բ.Պետրոսյան Հ.Գրիգորյան Ն.Դավթյան Է.Այվազյան Լ.Իսպիրյան
Լ.Ներսեսյան
Կ.Սարյան
Վ.Մարտիրոսյան
դռնբաց դատական նիստում քննեց քրեական գործն ըստ մեղադրանքի`
Կարեն Պետիկի Միքայելյանի` ծնված 1958 թվականի սեպտեմբերի 14-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, աշխատել է Երևանի քաղաքապետարանի առևտրի և սպասարկումների վարչությունում` որպես գլխավոր մասնագետ, ամուսնացած, նախկինում չդատապարտված, բնակվել է Երևան քաղաքի Ռուբինյանց փողոցի 2/1 շենքի 34-րդ բնակարանում, մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով և 178-րդ հոդվածի 3-րդ մասի 1-ին կետով, արգելանքի տակ է 2011 թվականի մայիսի 27-ից, և
Գագիկ Անդրանիկի Դանիելյանի` ծնված 1957 թվականի մարտի 4-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատապարտված, աշխատել է Երևանի Կենտրոն վարչական շրջանի առևտրի, սպասարկումների և գովազդի բաժնում` որպես առաջատար մասնագետ, հաշվառված է Երևան քաղաքի Նոր Նորքի 8-րդ զանգվածի 9-րդ շենքի 3-րդ բնակարանում, բնակվել է Երևան քաղաքի Անդրանիկի փողոցի 62-րդ շենքի 6-րդ բնակարանում, մեղադրանք է առաջադրվել ՀՀ քրեական օրենսգրքի 38-311-րդ հոդվածի 3-րդ մասի 3-րդ կետով և 38-178-րդ հոդվածի 3-րդ մասի 1-ին կետով, արգելանքի տակ է 2011 թվականի հունիսի 3-ից:
1. Գործի դատավարական նախապատմությունը.
2011 թվականի մայիսի 27-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ ՀՀ քրեական օրենսգրքի 311-րդ հոդվածի 3-րդ մասի 3-րդ կետով նախատեսված հանցագործության հատկանիշներով հարուցվել և վարույթ է ընդունվել թիվ 69103411 քրեական գործը:
2011 թվականի մայիսի 28-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Կարեն Պետիկի Միքայելյանին մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով:
2011 թվականի հունիսի 6-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Գագիկ Անդրանիկի Դանիելյանին մեղադրանք է առաջադրվել ՀՀ քրեական օրենսգրքի 38-312-րդ հոդվածի 2-րդ մասով և 313-րդ հոդվածի 1-ին մասով:
2011 թվականի մայիսի 28-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Կարեն Պետիկի Միքայելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 311-րդ հոդվածի 1-ին մասով, 311-րդ հոդվածի 3-րդ մասի 3-րդ կետով և 311-րդ հոդվածի 4-րդ մասի 2-րդ կետով:
2011 թվականի նոյեմբերի 8-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Գագիկ Անդրանիկի Դանիելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, 38-312-րդ հոդվածի 2-րդ մասով և 38-312-րդ հոդվածի 3-րդ մասի 1-ին կետով:
2011 թվականի դեկտեմբերի 16-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Գագիկ Անդրանիկի Դանիելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով, 38-312-րդ հոդվածի 2-րդ մասով և 38-312-րդ հոդվածի 3-րդ մասի 1-ին կետով:
2011 թվականի դեկտեմբերի 17-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Հովհաննես Սուրենի Գրիգորյանի նկատմամբ ՀՀ քրեական օրենսգրքի 312-րդ հոդվածի 2-րդ մասով քրեական հետապնդում չի իրականացվել վերջինի կողմից Կարեն Միքայելյանին կաշառք տալու մասին ՀՀ ոստիկանությանը կամավոր հայտնելու հիմքով:
2011 թվականի դեկտեմբերի 19-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Կարեն Պետիկի Միքայելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 311-րդ հոդվածի 1-ին մասով, 311-րդ հոդվածի 3-րդ մասի 3-րդ կետով, 178-րդ հոդվածի 2-րդ մասի 2-րդ և 5-րդ կետերով և 178-րդ հոդվածի 3-րդ մասի 1-ին կետով:
2012 թվականի փետրվարի 2-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Աշոտ Ալեքսանդրի Իսրայելյանի նկատմամբ ՀՀ քրեական օրենսգրքի 313-րդ հոդվածի 1-ին մասով քրեական հետապնդում չի իրականացվել` 2011 թվականի մայիսի 26-ին ՀՀ Ազգային ժողովի կողմից ընդունված համաներման ակտին համապատասխան:
2012 թվականի փետրվարի 8-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշումներով թիվ 69103411 քրեական գործով Նորիկ Ազատի Դավթյանի նկատմամբ ՀՀ քրեական օրենսգրքի 312-րդ հոդվածի 1-ին մասով, Արմենուհի Նիկոլայի Ջիգոյանի նկատմամբ ՀՀ քրեական օրենսգրքի 312-րդ հոդվածի 3-րդ մասի 1-ին կետով, Լարիսա Սաշայի Իսպիրյանի նկատմամբ ՀՀ քրեական օրենսգրքի 312-րդ հոդվածի 2-րդ մասով վերջինների կողմից Կարեն Միքայելյանին կաշառք տալու մասին ՀՀ ոստիկանությանը կամավոր հայտնելու հիմքով:
2012 թվականի փետրվարի 8-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Մնոյանի որոշմամբ թիվ 69103411 քրեական գործով Աիդա Թադևոսի Նալբանդյանի նկատմամբ ՀՀ քրեական օրենսգրքի 313-րդ հոդվածի 1-ին մասով քրեական հետապնդում չի իրականացվել` վերջինի կողմից գործում զղջալու հիմքով:
Կարեն Պետիկի Միքայելյանին մեղադրանք է առաջադրվել այն արարքների համար, որ նա, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված Երևան քաղաքի առևտրի և սպասարկման ոլորտի օբյեկտների արդիականացման ծրագրի աշխատանքային հանձնաժողովի և Երևանի քաղաքապետի 2007 թվականի հունիսի 21-ի թիվ 1754-Ա որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ, այսինքն` հանդիսանալով պաշտոնատար անձ, 2007 թվականի գարնանը և ամռանը, Երևան քաղաքի Արգիշտի փողոցի թիվ 1 հասցեում գտնվող Երևանի քաղաքապետարանի մոտ, անձամբ, Երևան քաղաքի Արաբկիր համայնքի աշխատակազմի առևտրի, սպասարկումների և տրանսպորտի բաժնի առաջին կարգի մասնագետ, Գագիկ Անդրանիկի Դանիելյանի միջոցով, Լարիսա Սաշայի Իսպիրյանից ստացել է խոշոր չափերով` 971.604 ՀՀ դրամին համարժեք 800 ԱՄՆ և 2.000 ԱՄՆ դոլար կաշառք` անհատ ձեռներեց Լարիսա Իսպիրյանի օգտին, հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի 2-րդ շենքի դիմաց տեղադրված, Լարիսա Իսպիրյանին պատկանող մետաղյա տաղավարն արդիականացնելու, դրա չափերն ընդլայնելու գործընթացներին և քաղաքապետի կողմից հիշյալ տաղավարն արդիականացնելու վերաբերյալ որոշման ընդունմանը նպաստելու համար: Այսինքն` Կարեն Միքայելյանը կատարել է արարք, որը նախատեսված է ՀՀ քրեական օրենսգրքի 311-րդ հոդվածի 3-րդ մասի 3-րդ կետով:
Բացի այդ, Կարեն Միքայելյանն, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, այսինքն` հանդիսանալով պաշտոնատար անձ, 2007 թվականի գարնանը, Երևան քաղաքի Արաբկիրի վարչական շրջանի շենքում, Նորիկ Ազատի Դավթյանից պահանջել և Արաբկիր վարչական շրջանի առևտրի, սպասարկումների և տրանսպորտի բաժնի պետ Աշոտ Ալեքսանդրի Իսրայելյանի միջոցով Նորիկ Դավթյանից ստացել է զգալի չափերով` 181.065 ՀՀ դրամին համարժեք 500 ԱՄՆ դոլար կաշառք` Նորիկ Դավթյանի օգտին, հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի 2-րդ շենքի դիմաց գտնվող, Նորիկ Դավթյանին պատկանող մետաղյա կրպակն արդիականացնելու գործընթացին և քաղաքապետի կողմից հիշյալ տաղավարն արդիականացնելու վերաբերյալ որոշման ընդունմանը նպաստելու համար: Այսինքն` Կարեն Միքայելյանը կատարել է արարք, որը նախատեսված է ՀՀ քրեական օրենսգրքի 311-րդ հոդվածի 1-ին մասով:
Բացի այդ, Կարեն Միքայելյանն, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, չունենալով առևտրի և սպասարկման ոլորտի օբյեկտները կամ անշարժ գույքն օրինականացնելու լիազորություններ, Էլլա Այվազյանից խարդախությամբ առանձնապես խոշոր չափերի գույք հափշտակելու նպատակով, Արմենուհի Ջիգոյանին պատկանող, Երևան քաղաքի Վրացական փողոցի 15-րդ շենքին հարող մասում գտնվող կրպակի ընդլայնված տարածքն օրինականացնելու և վերջինի կողմից նշված կրպակը Էլլա Այվազյանին վաճառելու գործընթացին նպաստելու կեղծ խոստմամբ, 2010 թվականի հոկտեմբերին, Արաբկիր վարչական շրջանի առևտրի, սպասարկումների և գովազդի բաժնի առաջատար մասնագետ Գագիկ Անդրանիկի Դանիելյանի միջոցով, չարաշահելով Էլլա Այվազյանի և Արմենուհի Ջիգոյանի վստահությունը, հանդես գալով որպես այդ բնագավառում պաշտոնատար անձի լիազորություններ և գործառույթներ ունեցող անձ, կաշառք ստանալու պատրվակով, Արմենուհի Ջիգոյանից պահանջել է 10.000 ԱՄՆ դոլար կաշառք: Այնուհետև, Կարեն Միքայելյանը 2010 թվականի հոկտեմբերի 22-ին Երևանի քաղաքապետարանի մոտ, Արմենուհի Ջիգոյանից ստացել և հափշտակել է վերջինի կողմից կրպակի վաճառքի գումարից Էլլա Այվազյանից որպես կանխավճար վերցրած առանձնապես խոշոր չափերով` 3.598.700 ՀՀ դրամին համարժեք 10.000 ԱՄՆ դոլարը: Այսինքն` Կարեն Միքայելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 3-րդ մասի 1-ին կետով:
Բացի այդ, Կարեն Միքայելյանն, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, չունենալով անշարժ գույքը կամ ապօրինի կառույցները օրինականացնելու լիազորություններ, Հովհաննես Սուրենի Գրիգորյանից խարդախությամբ խոշոր չափերով գույք հափշտակելու նպատակով, չարաշահելով վերջինի և իր ծանոթ Աիդա Թադևոսի Նալբանդյանի վստահությունը, վերջինին խաբեությամբ վստահեցրել է, որ կարող է իր լիազորությունների շրջանակներում իրականացնել Երևան քաղաքի Հ.Էմին փողոցի 43-րդ հասցեում գտնվող, Հովհաննես Գրիգորյանին պատկանող ապօրինի կառույցն օրինականացնելու գործընթացը, որի համար, հանդես գալով որպես այդ բնագավառում պաշտոնատար անձի լիազորություններ և գործառույթներ ունեցող անձ, կաշառք ստանալու պատրվակով, Աիդա Նալբանդյանի միջոցով Հովհաննես Գրիգորյանից պահանջել է 2.500 ԱՄՆ դոլար կաշառք: Այնուհետև, 2011 թվականի մայիսի 27-ին` ժամը 11:30-ի սահմաններում, Երևան քաղաքի Արգիշտի փողոցի 1-ին հասցեում գտնվող Երևանի քաղաքապետարանի` իր թիվ 201 աշխատասենյակում Աիդա Թադևոսի Նալբանդյանից ստացել է Հովհաննես Գրիգորյանից պահանջած խոշոր չափերով` 944.000 ՀՀ դրամին համարժեք 2.500 ԱՄՆ դոլարը և հափշտակել այն: Այսինքն` Կարեն Միքայելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 2-րդ մասի 2-րդ և 5-րդ կետերով:
Գագիկ Անդրանիկի Դանիելյանին մեղադրանք է առաջադրվել այն արարքների համար, որ նա անհատ ձեռներեց Լարիսա Սաշայի Իսպիրյանին պատկանող Երևան քաղաքի Մամիկոնյանց փողոցի 2-րդ շենքի դիմաց տեղադրված մետաղյա տաղավարը Երևանի խորհրդի 2006 թվականի մարտի 10-ի թիվ 3/1 որոշմամբ հաստատված Երևան քաղաքում գործող առևտրի և սպասարկման ոլորտի օբյեկտների արդիականացման 2006-2008 թվականների ծրագրի իրականացման շրջանակներում արդիականացնելու, դրա չափերն ընդլայնելու և տաղավարն օրինականացնելու համար 2007 թվականի գարնանը և ամռանը, առաջարկելու եղանակով դրդել է Լարիսա Իսպիրյանին որպես կաշառք խոշոր չափերով` 971.604 ՀՀ դրամին համարժեք 2.800 ԱՄՆ դոլար տալ իր ծանոթ` Երևանի քաղաքապետարանի առևտրի և սպասարկումների վարչության գլխավոր մասնագետ, միաժամանակ Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված աշխատանքային հանձնաժողովի անդամ, պաշտոնատար անձ հանդիսացող Կարեն Պետիկի Միքայելյանին:
Այսպես. 2007 թվականի գարնանը Գագիկ Դանիելյանը Լարիսա Իսպիրյանին հայտնել է, որ Երևանի քաղաքապետարանի աշխատակից, իր ծանոթ Կարեն Միքայելյանին կաշառք տալու միջոցով հնարավոր է նրան պատկանող մետաղյա տաղավարն արդիականացնել, դրա չափերն ընդլայնել և տաղավարն օրինականացնել: Լարիսա Իսպիրյանը համաձայնվել և ցանկություն է հայտնել կաշառք տալու միջոցով արդիականացնել, ընդլայնել և օրինականացնել իր տաղավարը: Այնուհետև, Գագիկ Դանիելյանը Լարիսա Իսպիրյանի օգտին կատարվող գործողությունների դիմաց որպես կաշառք պահանջվող գումարի չափը Կարեն Միքայելյանից ճշտելով, 2007 թվականի գարնանը Լարիսա Իսպիրյանից ստացել և Կարեն Միքայելյանին է փոխանցել 800 ԱՄՆ դոլար, իսկ 2007 թվականի ամռանը` 2.000 ԱՄՆ դոլար` վերջինի կողմից հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի 2-րդ շենքի դիմաց տեղադրված, Լարիսա Իսպիրյանին պատկանող մետաղյա տաղավարն արդիականացնելու, դրա չափերն ընդլայնելու գործընթացներին նպաստելու համար: Այսինքն` Գագիկ Դանիելյանը կատարել է արարք, որը նախատեսված է ՀՀ քրեական օրենսգրքի 38-312-րդ հոդվածի 2-րդ մասով:
Բացի այդ, Գագիկ Անդրանիկի Դանիելյանը խարդախությամբ Սեդա Սադի Ներսիսյանից զգալի չափերով գույք հափշտակելու նպատակով, Երևան քաղաքի Ազատության փողոցի 25-րդ շենքի դիմաց տեղադրված Սեդա Ներսիսյանի կրպակն արդիականացնելու, օրինականացնելու և տարածքը մեծացնելու համար պետական մուծումներ կատարելու պատրվակով, 2007 թվականի գարնանը Սեդա Ներսիսյանի վստահությունը չարաշահելու եղանակով նրանից խարդախությամբ հափշտակել է զգալի չափերով` 286.864 ՀՀ դրամին համարժեք 800 ԱՄՆ դոլար` Սեդա Ներսիսյանին պատճառելով գույքային վնաս: Այսինքն` Գագիկ Դանիելյանը կատարել է արարք, որը նախատեսված է ՀՀ քրեական օրենսգրքի 178-րդ հոդվածի 1-ին մասով:
Բացի այդ, 2010 թվականի հոկտեմբերին, Գագիկ Դանիելյանն իր գործողություններով` Երևանի քաղաքապետարանում համապատասխան պաշտոնատար անձի հետ կապեր ունենալու, նրան կաշառք տալու հնարավորության, կաշառքի չափի մասին Արմենուհի Ջիգոյանին հայտնելու, խորհուրդներ տալու և առաջարկություններ անելու եղանակով վերջինին դրդել է առանձնապես խոշոր չափերով` 10.000 ԱՄՆ դոլար կաշառք տալ Երևանի քաղաքապետարանի առևտրի և սպասարկումների վարչության գլխավոր մասնագետ, միաժամանակ Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված աշխատանքային հանձնաժողովի և Երևանի քաղաքապետի 2007 թվականի հունիսի 21-ի թիվ 1754-Ա որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ, պաշտոնատար անձ հանդիսացող Կարեն Պետիկի Միքայելյանին, իր` Երևան քաղաքի Վրացական փողոցի 15-րդ շենքի հարող մասում գտնվող կրպակի ընդլայնված 16քմ. տարածքն օրինականացնելու և կրպակի սեփականացման գործընթացն իրականացնելու նպատակով: Այնուհետև, 2010 թվականի հոկտեմբերի 22-ին` ժամը 17:00-ի սահմաններում, Գագիկ Դանիելյանը նպաստելով Արմենուհի Ջիգոյանի և Կարեն Միքայելյանի միջև կայացած համաձայնությունը իրականացնելուն, իր առաջարկով Արմենուհի Ջիգոյանի հետ միասին, Երևանի քաղաքապետարանի մոտ հանդիպել են Կարեն Միքայելյանին, որտեղ Արմենուհի Ջիգոյանը Գագիկ Դանիելյանի ներկայությամբ Կարեն Միքայելյանին է փոխանցել որպես կաշառք պահանջված առանձնապես խոշոր չափերի` 3.598.700 ՀՀ դրամին համարժեք 10.000 ԱՄՆ դոլար կաշառքը: Այսինքն` Գագիկ Դանիելյանը կատարել է արարք, որը նախատեսված է ՀՀ քրեական օրենսգրքի 38-312-րդ հոդվածի 3-րդ մասի 1-ին կետով:
2012 թվականի փետրվարի 22-ին Կարեն Պետիկի Միքայելյանի և Գագիկ Անդրանիկի Դանիելյանի վերաբերյալ թիվ 69103411 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0016/01/12 համարը:
2012 թվականի հոկտեմբերի 3-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0016/01/12 քրեական գործով Գագիկ Անդրանիկի Դանիելյանի նկատմամբ ՀՀ քրեական օրենսգրքի 178-րդ հոդվածի 1-ին մասով քրեական հետապնդումը դադարեցվել է` տուժող Սեդա Ներսեսյանի հաշտվելու հիմքով:
2013 թվականի մարտի 15-ին` դատական քննության ընթացքում, մեղադրող` ՀՀ գլխավոր դատախազության կոռուպցիոն և կազմակերպված հանցագործությունների գործերով վարչության պետի տեղակալ Բ.Պետրոսյանի որոշմամբ Կարեն Պետիկի Միքայելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 311-րդ հոդվածի 3-րդ մասի 3-րդ կետով և 178-րդ հոդվածի 3-րդ մասի 1-ին կետով` այն արարքների համար, որ նա, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված Երևան քաղաքի առևտրի և սպասարկման ոլորտի օբյեկտների արդիականացման ծրագրի աշխատանքային հանձնաժողովի և Երևանի քաղաքապետի 2007 թվականի հունիսի 21-ի թիվ 1754-Ա որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ, այսինքն` հանդիսանալով պաշտոնատար անձ, 2007 թվականի գարնանը և ամռանը, Երևան քաղաքի Արգիշտի փողոցի թիվ 1 հասցեում գտնվող Երևանի քաղաքապետարանի մոտ, անձամբ, Երևան քաղաքի Արաբկիր համայնքի աշխատակազմի առևտրի, սպասարկումների և տրանսպորտի բաժնի առաջին կարգի մասնագետ, Գագիկ Անդրանիկի Դանիելյանի միջոցով, Լարիսա Սաշայի Իսպիրյանից ստացել է խոշոր չափերով` 971.604 ՀՀ դրամին համարժեք 800 ԱՄՆ և 2.000 ԱՄՆ դոլար կաշառք` անհատ ձեռներեց Լարիսա Իսպիրյանի օգտին, հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի 2-րդ շենքի դիմաց տեղադրված, Լարիսա Իսպիրյանին պատկանող մետաղյա տաղավարը արդիականացնելու, դրա չափերն ընդլայնելու գործընթացներին և քաղաքապետի կողմից հիշյալ տաղավարն արդիականացնելու վերաբերյալ որոշման ընդունմանը նպաստելու համար:
Բացի այդ, Կարեն Միքայելյանն, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, այսինքն` հանդիսանալով պաշտոնատար անձ, 2007 թվականի գարնանը, Երևան քաղաքի Արաբկիրի վարչական շրջանի շենքում, Նորիկ Ազատի Դավթյանից պահանջել և Արաբկիր վարչական շրջանի առևտրի, սպասարկումների և տրանսպորտի բաժնի պետ Աշոտ Ալեքսանդրի Իսրայելյանի միջոցով Նորիկ Դավթյանից ստացել է զգալի չափերով` 181.065 ՀՀ դրամին համարժեք 500 ԱՄՆ դոլար կաշառք` Նորիկ Դավթյանի օգտին, հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի 2-րդ շենքի դիմաց գտնվող, Նորիկ Դավթյանին պատկանող մետաղյա կրպակն արդիականացնելու գործընթացին և քաղաքապետի կողմից հիշյալ տաղավարն արդիականացնելու վերաբերյալ որոշման ընդունմանը նպաստելու համար:
Բացի այդ, Կարեն Միքայելյանը, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, չունենալով առևտրի և սպասարկման ոլորտի օբյեկտները կամ անշարժ գույքն օրինականացնելու լիազորություններ, Էլլա Այվազյանից խարդախությամբ առանձնապես խոշոր չափերի գույք հափշտակելու նպատակով, Արմենուհի Ջիգոյանին պատկանող, Երևան քաղաքի Վրացական փողոցի 15-րդ շենքին հարող մասում գտնվող կրպակի ընդլայնված տարածքն օրինականացնելու և վերջինի կողմից նշված կրպակը Էլլա Այվազյանին վաճառելու գործընթացին նպաստելու կեղծ խոստմամբ, 2010 թվականի հոկտեմբերին, Արաբկիր վարչական շրջանի առևտրի, սպասարկումների և գովազդի բաժնի առաջատար մասնագետ Գագիկ Անդրանիկի Դանիելյանի միջոցով, չարաշահելով Էլլա Այվազյանի և Արմենուհի Ջիգոյանի վստահությունը, հանդես գալով որպես այդ բնագավառում պաշտոնատար անձի լիազորություններ և գործառույթներ ունեցող անձ, կաշառք ստանալու պատրվակով, Արմենուհի Ջիգոյանից պահանջել է 10.000 ԱՄՆ դոլար կաշառք: Այնուհետև, Կարեն Միքայելյանը 2010 թվականի հոկտեմբերի 22-ին Երևանի քաղաքապետարանի մոտ, Արմենուհի Ջիգոյանից ստացել և հափշտակել է վերջինի կողմից կրպակի վաճառքի գումարից Էլլա Այվազյանից որպես կանխավճար վերցրած առանձնապես խոշոր չափերով` 3.598.700 ՀՀ դրամին համարժեք 10.000 ԱՄՆ դոլարը:
Բացի այդ, Կարեն Միքայելյանը, աշխատելով Երևանի քաղաքապետարանի առևտրի և սպասարկումների վարչությունում որպես գլխավոր մասնագետ, միաժամանակ լինելով վերը նշված հանձնաժողովների անդամ, չունենալով անշարժ գույքը կամ ապօրինի կառույցները օրինականացնելու լիազորություններ, Հովհաննես Սուրենի Գրիգորյանից խարդախությամբ խոշոր չափերով գույք հափշտակելու նպատակով, չարաշահելով վերջինի և իր ծանոթ Աիդա Թադևոսի Նալբանդյանի վստահությունը, վերջինին խաբեությամբ վստահեցրել է, որ կարող է իր լիազորությունների շրջանակներում իրականացնել Երևան քաղաքի Հ.Էմին փողոցի 43-րդ հասցեում գտնվող, Հովհաննես Գրիգորյանին պատկանող ապօրինի կառույցն օրինականացնելու գործընթացը, որի համար, հանդես գալով որպես այդ բնագավառում պաշտոնատար անձի լիազորություններ և գործառույթներ ունեցող անձ, կաշառք ստանալու պատրվակով, Աիդա Նալբանդյանի միջոցով Հովհաննես Գրիգորյանից պահանջել է 2.500 ԱՄՆ դոլար կաշառք: Այնուհետև, 2011 թվականի մայիսի 27-ին` ժամը 11:30-ի սահմաններում, Երևան քաղաքի Արգիշտի փողոցի 1-ին հասցեում գտնվող Երևանի քաղաքապետարանի` իր թիվ 201 աշխատասենյակում Աիդա Թադևոսի Նալբանդյանից ստացել է Հովհաննես Գրիգորյանից պահանջած խոշոր չափերով` 944.000 ՀՀ դրամին համարժեք 2.500 ԱՄՆ դոլարը և հափշտակել այն:
2013 թվականի մարտի 15-ին` դատական քննության ընթացքում, մեղադրող` ՀՀ գլխավոր դատախազության կոռուպցիոն և կազմակերպված հանցագործությունների գործերով վարչության պետի տեղակալ Բ.Պետրոսյանի որոշմամբ Գագիկ Անդրանիկի Դանիելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 38-311-րդ հոդվածի 3-րդ մասի 3-րդ կետով և 38-178-րդ հոդվածի 3-րդ մասի 1-ին կետով` այն արարքների համար, որ նա, աշխատելով Երևան քաղաքի Արաբկիր վարչական շրջանի առևտրի, սպասարկումների և տրանսպորտի բաժնի առաջատար մասնագետ, աշխատանքի բերումով տեղեկանալով, որ իր հետ մտերիմ փոխհարաբերությունների մեջ գտնվող Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանը, միաժամանակ հանդիսանում է Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված Երևան քաղաքի առևտրի և սպասարկման ոլորտի օբյեկտների արդիականացման ծրագրի աշխատանքային հանձնաժողովի և Երևանի քաղաքապետի 2007 թվականի հունիսի 21-ի թիվ 1754-Ա որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ և հանձնաժողովների կազմում իրեն վերապահված լիազորությունների շրջանակներում, իր պաշտոնեական դիրքն օգտագործելով, կարող է նպաստել Արաբկիր վարչական շրջանում գտնվող տաղավարներն արդիականացնելու, դրանց չափերն ընդլայնելու գործընթացներին և Երևանի քաղաքապետի կողմից տաղավարներն արդիականացնելու վերաբերյալ որոշումների ընդունմանը, օժանդակել է Կարեն Միքայելյանին Լարիսա Սաշայի Իսպիրյանից խոշոր չափերով` 971.604 ՀՀ դրամին համարժեք 800 ԱՄՆ և 2.000 ԱՄՆ դոլար կաշառք ստանալուն` վերջինին պատկանող մետաղյա տաղավարն արդիականացնելու, դրա չափերն ընդլայնելու գործընթացներին և քաղաքապետի կողմից հիշյալ տաղավարն արդիականացնելու վերաբերյալ որոշման ընդունմանը նպաստելու համար:
Բացի այդ, Գագիկ Դանիելյանը, տեղյակ լինելով, որ Կարեն Միքայելյանը, հանդիսանալով վերը նշված հանձնաժողովի անդամ, չունենալով առևտրի և սպասարկման ոլորտի օբյեկտները կամ անշարժ գույքն օրինականացնելու լիազորություններ, օժանդակել է Կարեն Միքայելյանին Էլլա Այվազյանից խարդախությամբ առանձնապես խոշոր չափերի գույք հափշտակելու նպատակով, Արմենուհի Ջիգոյանին պատկանող, Երևան քաղաքի Վրացական փողոցի 15-րդ շենքին հարող մասում գտնվող կրպակի ընդլայնված տարածքն օրինականացնելու և վերջինի կողմից նշված կրպակը Էլլա Այվազյանին վաճառելու գործընթացին նպաստելու առիթով կաշառք ստանալու պատրվակով, Էլլա Այվազյանից 3.598.700 ՀՀ դրամին համարժեք 10.000 ԱՄՆ դոլար հափշտակելուն:
Այսպես. Գագիկ Դանիելյանն անհատ ձեռներեց Լարիսա Սաշայի Իսպիրյանին պատկանող Երևան քաղաքի Մամիկոնյանց փողոցի 2-րդ շենքի դիմաց տեղադրված մետաղյա տաղավարը Երևանի խորհրդի 2006 թվականի մարտի 10-ի թիվ 3/1 որոշմամբ հաստատված Երևան քաղաքում գործող առևտրի և սպասարկման ոլորտի օբյեկտների արդիականացման 2006-2008 թվականների ծրագրի իրականացման շրջանակներում արդիականացնելու, դրա չափերն ընդլայնելու և տաղավարն օրինականացնելու համար 2007 թվականի գարնանը և ամռանը առաջարկելու եղանակով դրդել է Լարիսա Իսպիրյանին որպես կաշառք խոշոր չափերով` 971.604 ՀՀ դրամին համարժեք 2.800 ԱՄՆ դոլար տալ իր ծանոթ` Երևանի քաղաքապետարանի առևտրի և սպասարկումների վարչության գլխավոր մասնագետ, միաժամանակ Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված աշխատանքային հանձնաժողովի անդամ, պաշտոնատար անձ հանդիսացող Կարեն Պետիկի Միքայելյանին: 2007 թվականի գարնանը Գագիկ Դանիելյանը Լարիսա Իսպիրյանին հայտնել է, որ Երևանի քաղաքապետարանի աշխատակից, իր ծանոթ Կարեն Միքայելյանին կաշառք տալու միջոցով հնարավոր է նրան պատկանող մետաղյա տաղավարն արդիականացնել, դրա չափերն ընդլայնել և տաղավարն օրինականացնել: Լարիսա Իսպիրյանը համաձայնվել և ցանկություն է հայտնել կաշառք տալու միջոցով արդիականացնել, ընդլայնել և օրինականացնել իր տաղավարը: Այնուհետև Գագիկ Դանիելյանը, Լարիսա Իսպիրյանի օգտին կատարվող գործողությունների դիմաց որպես կաշառք պահանջվող գումարի չափը Կարեն Միքայելյանից ճշտելով, 2007 թվականի գարնանը Լարիսա Իսպիրյանից ստացել և Կարեն Միքայելյանին է փոխանցել 800 ԱՄՆ դոլար, իսկ 2007 թվականի ամռանը` 2.000 ԱՄՆ դոլար, վերջինի կողմից, հանձնաժողովների կազմում իրեն վերապահված լիազորությունների շրջանակներում իր պաշտոնեական դիրքն օգտագործելով, Երևան քաղաքի Մամիկոնյանց փողոցի թիվ 2 շենքի դիմաց տեղադրված, Լարիսա Իսպիրյանին պատկանող մետաղյա տաղավարն արդիականացնելու, դրա չափերն ընդլայնելու գործընթացներին նպաստելու համար:
Բացի այդ, 2010 թվականի հոկտեմբերին, Գագիկ Դանիելյանն իր գործողություններով` Երևանի քաղաքապետարանի աշխատակից Կարեն Միքայելյանի հետ մտերիմ կապեր ունենալու, նրան կաշառքի պատրվակով գումար տալու հնարավորության, գումարի չափի մասին Արմենուհի Ջիգոյանին հայտնելու, խորհուրդներ և տեղեկատվություն տրամադրելու եղանակով վերջինին առաջարկել է առանձնապես խոշոր չափերով` 10.000 ԱՄՆ դոլար կաշառք տալ Երևանի քաղաքապետարանի առևտրի և սպասարկումների վարչության գլխավոր մասնագետ, միաժամանակ Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված աշխատանքային հանձնաժողովի և Երևանի քաղաքապետի 2007 թվականի հունիսի 21-ի թիվ 1754-Ա որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ Կարեն Պետիկի Միքայելյանին, իր` Երևան քաղաքի Վրացական փողոցի 15-րդ շենքին հարող մասում գտնվող կրպակի ընդլայնված 16քմ տարածքն օրինականացնելու և կրպակի սեփականացման գործընթացն իրականացնելու նպատակով:
Այնուհետև` 2010 հոկտեմբերի 22-ին` ժամը 17:00-ի սահմաններում, Գագիկ Դանիելյանը, նպաստելով Արմենուհի Ջիգոյանի և Կարեն Միքայելյանի միջև կայացած համաձայնությունն իրականացնելուն, իր առաջարկով, Արմենուհի Ջիգոյանի հետ միասին, Երևանի քաղաքապետարանի մոտ հանդիպել են Կարեն Միքայելյանին, որտեղ Արմենուհի Ջիգոյանը, Գագիկ Դանիելյանի ներկայությամբ, Կարեն Միքայելյանին է փոխանցել որպես կաշառք պահանջված առանձնապես խոշոր չափերի` 3.598.700 ՀՀ դրամին համարժեք 10.000 ԱՄՆ դոլարը:
2. Ապացույցների հետազոտում և գնահատում.
Ամբաստանյալ Գագիկ Դանիելյանը դատական քննության ընթացքում առաջադրված մեղադրանքներում իրեն մեղավոր չճանաչեց և ցուցմունք տվեց այն մասին, որ 2003-2010 թվականերին ինքն աշխատել է Արաբկիրի թաղապետարանի առևտրի և սպասարկումների բաժնում` որպես մասնագետ: Իր լիազորություններն են եղել հսկողություն սահմանել բոլոր տուրքերի գծով, հաշվառել կրպակները և համապատասխան փաստաթղթերը ներկայացնել Երևանի քաղաքապետարան: 2000 թվականից ինքը ճանաչում է Կարեն Միքայելյանին: Ինքն ու Կարենը միասին աշխատել են Երևանի քաղաքապետարանի առևտրի և սպասարկումների վարչությունում: Կարեն Միքայելյանն ի պաշտոնե իր նկատմամբ որևէ լիազորություն չի ունեցել: 2007 թվականի գարնանը Երևանի քաղաքապետարանն արդիականացման ծրագիրը իրականացնելու նպատակով Արաբկիրի թաղապետարանում ժողով է կազմակերպել, որի նպատակն է եղել Երևան քաղաքի Ազատության 25 և Մամիկոնյանց 2 հասցեներում գտնվող կրպակների արդիականացման ծրագիր վերաբերյալ զրուցել դրանք օգտագործողների հետ: Այդ նպատակով ինքը կրպակների բոլոր օգտագործողներին ծանուցագրեր է բաժանել, որպեսզի նրան ներկայանան ժողովին: Այդ ժողովին ներկայացել է նաև Լարիսա Իսպիրյանի ամուսինը Մանվելը: Ժողովի ավարտից հետո Մանվելը գնացել է իր աշխատասենյակ և պատմել է, որ ժողովի ժամանակ կրպակների արդիականացման ծրագրի հետ կապված ելույթ է ունեցել Կարենը: Ինքը Մանվելին ասել է, որ Կարենի հետ լավ փոխհարաբերությունների մեջ է գտնվում, որի պատճառով նա իրեն խնդրել է, որպեսզի ինքը տեղեկանա, թե որքան գումար է անհրաժեշտ կրպակն օրինականացնելու համար: Մի քանի օր հետո, Մանվելը զանգահարել է իրեն և ինքը նրան հայտնել է, որ Կարենը նրա կրպակն օրինականացնելու համար 800 ԱՄՆ դոլար է պահանջել: Դրանից երկու օր հետո Մանվելը գնացել է իր աշխատասենյակ և խնդրել այդ գումարը փոխանցել Կարենին: Այնուհետև՝ 4-5 ամիս անց, Մանվելն իրեն ասել է, որ նրա կրպակը 9քմ է, սակայն նրան ավելի մեծ տարածք է անհրաժեշտ, իսկ ինքը Կարենից իմացել է, որ դրա համար կպահանջվի ևս 2.000 ԱՄՆ դոլար: Մանվելն իրեն տվել է նաև 2.000 ԱՄՆ դոլար, որն ինքը նույնպես փոխանցել է Կարենին: 2010 թվականի աշնանը Մանվելն իրենից ետ է պահանջել տված գումարները, քանի որ կրպակի ընդլայնման և օրինականացման գործընթացը ձգձգվել և չի ստացվել: Ինքը գնացել է Կարենի մոտ և պահանջել է Մանվելի տված գումարը, սակայն Կարենն այն չի վերադարձրել և դրա փոխարեն խոստացել է օգնել, որպեսզի վերանորոգեն կրպակը: Կարենի ձերբակալվելուց հետո ինքը Մանվելին իր անձնական միջոցներից փոխանցել է 1.000 ԱՄՆ դոլար և ասել, որ Կարենը ձերբակալվել է և մնացածը կտա դուրս գալուց հետո: Քննիչի մոտ ցուցմունք տալուց ինքը գրել է, որ իրեն գումարը փոխանցել է Լարիսան, քանի որ իրեն խոստացել են, որ եթե այդպես գրի, ապա կթույլատրեն գնալ տուն, սակայն իրեն խաբել ու կալանավորել են: Իրականում այդ գումարը իրեն տվել է Մանվելը: 2010 թվականի հոկտեմբերին իր մոտ գնացել Արմենուհի Ջիգոյանը և խնդրել է, որպեսզի ինքը նրան օգնի: Նա ունեցել է 20քմ մակերեսով կրպակ, որից 16քմ եղել է անօրինական, և նա խնդրել է, որպեսզի այդ 16քմ տարածքն օրինականացվի: Ինքը Արմենուհուն ասել է, որ թաղապետարանը նման գործողություններ չի իրականացնում, իսկ նա, իմանալով, որ ինքը նախկինում աշխատել է քաղաքապետարանում, խնդրել է իրեն միջնորդել, որպեսզի քաղաքապետարանում իրեն օգնեն այդ հարցով, իսկ ինքը պատասխանել է, որ կպարզի և կզանգահարի նրան: Մի քանի օր անց ինքն Արմենուհուն հայտնել է, որ այդ գործողությունները կատարելու համար նրանից կպահանջվի 10.000 ԱՄՆ դոլար: Դրանից երկու օր անց Արմենուհին զանգահարել է իրեն և ասել, որ ցանկանում է տալ այդ գումարը և նրա հետ գալու է նաև մի կին, ով ցանկանում է գնել նրա կրպակը: Արմենուհին, Էլլա Այվազյանի և երկու տղամարդու հետ գնացել է իր սենյակ, որտեղ նրանք ինչ-որ առուվաճառքի պայմանագիր են կնքել, որի ընթացքում ինքը դուրս է եկել իր աշխատասենյակից: Այդ ժամանակ ինքն իմացել է, որ Արմենուհին 23.000 ԱՄՆ դոլարով կրպակը ցանկանում է վաճառել Էլլային, ով որպես կանխավճար տվել է 10.000 ԱՄՆ դոլար: Այդ ժամանակ նրանք ցանկացել են այդ 10.000 ԱՄՆ դոլարը տալ իրեն, իսկ ինքը պատասխանել է, որ այդ գումարը կտան նրան, ով պետք է կատարի օրինականացման գործողությունը: Ինքն ասել է, որ երեկոյան կգնան Երևանի քաղաքապետարան` Կարենի մոտ, ով մանրամասն կբացատրի, թե ինչ են անելու: Երեկոյան գնացել են քաղաքապետարան, ինքը զանգահարել է Կարենին, ով դուրս է եկել և Արմենուհին 10.000 ԱՄՆ դոլարը տվել է Կարենին: Դրանից հետո Արմենուհին անընդհատ զանգահարել է իրեն, իսկ ինքն էլ զանգահարել է քաղաքապետարան և նորություն լինելու դեպքում փոխանցել է նրան: Վերջին անգամ, երբ Արմենուհին զանգահարել է և ասել, որ Էլլան շատ զայրացած է, ինքը նրան ասել է, որ զանգահարեն Կարենին: Նրանք զանգահարել են Կարենին, իսկ Կարենն ասել է, որ կվերադարձնի 4.000 ԱՄՆ դոլար, իսկ գումարի մնացած մասն էլ հետո կվերադարձնի: Դրանից հետո ինքն իմացել է, որ Արմենուհին ու Էլլան գնացել են քաղաքապետարան, հանդիպել Կարենի հետ, սակայն այդպես էլ կրպակը չի օրինականացվել: Իսկ ինչ վերաբերում է Սեդա Ներսիսյանից գումար վերցնելու դրվագին, ապա ինքը հրաժարվում է ցուցմունք տալ:
Ամբաստանյալ Գագիկ Դանիելյանը դատական քննության ընթացքում լրացուցիչ ցուցմունք տվեց այն մասին, որ ինքը Կարեն Միքայելյանին ոչ մի ձևով չի օգնել, ինքն ուղղակի միջնորդ է հանդիսացել:
Ամբաստանյալ Գագիկ Դանիելյանը նախնական քննության ընթացքում` 2011 թվականի հունիսի 1-ին ցուցմունք է տվել այն մասին, որ 2003 թվականից մինչև 2011 թվականի փետրվարն աշխատել է Երևանի Արաբկիր վարչական շրջանի առևտրի, սպասարկումների և գովազդի բաժնում` որպես առաջատար մասնագետ: 2011 թվականի մարտից աշխատել է Երևանի Կենտրոն վարչական շրջանի առևտրի, սպասարկումների և գովազդի բաժնում` որպես առաջատար մասնագետ: 2010 թվականի հոկտեմբերին իր մոտ գնացել է Արմենուհի Ջիգոյանը, ում ճանաչել է որպես Արաբկիր համայնքի բնակչուհի, ինչպես նաև Վրացական փողոցի վրա գտնվող կրպակի սեփականատեր: Արմենուհին իրեն խնդրել է, որ նշված կրպակը, որը իրականում ունեցել է 20քմ մակերես, սակայն օրինական է եղել միայն 4քմ, ինքը նրան օգնի, որպեսզի օրինականացվի ամբողջ 20քմ: Ինքը Արմենուհուն ասել է, որ այդ հարցով իրենք չեն զբաղվում և իրեն կարող են օգնել Երևանի քաղաքապետարանի աշխատակիցները, միաժամանակ ասելով, որ Երևանի քաղաքապետարանում ունի ընկեր, ով այդ հարցում կարող է օգնել: Մի քանի օր անց Արմենուհին զանգահարել է իրեն և հարցրել է, թե ինքն իր ընկերոջ Կարենի հետ ճշտել է այդ հարցը, թե ոչ: Այդ ժամանակ Կարենն իրեն արդեն ասել էր, որ 10.000 ԱՄՆ դոլարով այդ հարցը կկարգավորի: Ինքը Արմենուհուն ասել է Կարենի կողմից նշված գումարի չափը, իսկ վերջինը համաձայնել է և իրենք պայմանավորվել են հանդիպել Կարենին և ավելի մանրամասն խոսել: Դրանից հետո իր աշխատասենյակ են գնացել Արմենուհին և Էլլա անունով մի կին, ում Արմենուհին ներկայացրել է որպես նրա կրպակի գնորդ և ասել է, որ այդ 10.000 ԱՄՆ դոլարը Էլլան կվճարի կրպակի գումարից, որպես օրինականացման համար պահանջված գումար, իսկ մնացած 13.000 ԱՄՆ դոլարն Էլլան նրան կվճարի այն ժամանակ, երբ կրպակն օրինականացվի: Արմենուհին իրեն ասել է, որ կրպակը վաճառում է 23.000 ԱՄՆ դոլարով: Այդ ժամանակ Էլլան պայուսակի միջից հանել է ծրարով գումարը, սկսել հաշվել և ասել, որ ստացական պետք է գրվի, իսկ ինքն ասել է, որ ինքը դուրս է գնում, որպեսզի նրանք առանցին իրենց հաշիվները պարզեն: Այդ ժամանակ Էլլայի հետ գնացած են եղել նաև երկու տղամարդ: Երբ ինքը ներս է մտել, Արմենուհին արդեն ստացականը գրած և ստորագրած է եղել, որի բովանդակությունը եղել է այն, որ Արմենուհին Էլլայից վերցնում է 10.000 ԱՄՆ դոլար և տալիս է իրեն նշված կրպակի օրինականացման և սեփականության վկայական տրամադրելու համար: Ինքը նշված ստացականը չի ստորագրել, քանի որ այդ գումարը պետք է տրվեր Կարենին, այլ ոչ թե իրեն: Արմենուհին այդ 10.000 ԱՄՆ դոլարը տվել է իրեն, որպեսզի ինքն այն տա Կարենին, սակայն ինքը հրաժարվել է վերցնել և ասել է, որ միասին կգնան Կարենի մոտ և գումարը կտան նրան: Ինքը զանգահարել ու պայմանավորվել է Կարենի հետ և ինքն ու Արմենուհին գնացել են Երևանի քաղաքապետարանի մոտ, որտեղ Կարենն Արմենուհուն ասել է, որ 2-3 ամսվա ընթացքում կրպակը կօրինականացվի և նա Արմենուհուն կտա սեփականության վկայականը: Արմենուհին համաձայնվել է և Կարենին տվել 10.000 ԱՄՆ դոլար: Կարենին գումարը տալուց մի քանի ամիս հետո Արմենուհին ամեն օր զանգահարել է իրեն և Կարենին` պահանջելով կամ գումարը կամ գործի կատարումը, իսկ Կարենը պատճառաբանել է, որ քաղաքապետարանի ղեկավարությունը փոխվել է, դրա համար որոշումն ուշանում է, սակայն կրպակն օրինականացվելու է և թող Արմենուհին մի քիչ էլ սպասի: 2011 թվականի մարտին իրեն զանգահարել է Արմենուհին և հայտնել, որ Էլլան ցանկանում է բողոքել, իսկ այդ մասին հայտնել է Կարենին: Վերջինն իրեն ասել է, որ ցանկանում է 4.000 ԱՄՆ դոլար վերադարձնել Արմենուհուն, որպեսզի մի քիչ էլ սպասի և երբ որոշումը կլինի, այդ ժամանակ ետ կվերցնի այդ 4.000 ԱՄՆ դոլարը: Դրանից հետո ինքն ու Արմենուհին Երևանի քաղաքապետարանի մոտ հանդիպել են Կարենին և վերջինն Արմենուհուն վերադարձրել 4.000 ԱՄՆ դոլար, պայմանով, որ Արմենուհին մի քիչ էլ սպասի, իսկ որոշումը լինելուց հետո, նշված 4.000 ԱՄՆ դոլարը Արմենուհին կրկին պետք է վերադարձներ Կարենին, քանի որ ըստ պայմանավորվածության կրպակը պետք է օրինականացվեր 10.000 ԱՄՆ դոլարով: Մինչև օրս Կարենն Արմենուհուն ստել է և կրպակի օրինականացումը չի արել, ինչպես նաև վերցրած գումարը ետ չի տվել: Ինքը նշված 10.000 ԱՄՆ դոլարից ոչ մի ակնկալիք կամ սպասելիք չի ունեցել, իր` վերջիններին ծանոթացնելու նպատակը եղել է այն, որ օգնի Արմենուհուն օրինականացնել կրպակը:
Ամբաստանյալ Գագիկ Դանիելյանը նախնական քննության ընթացքում` 2011 թվականի հոկտեմբերի 18-ին լրացուցիչ ցուցմունք է տվել այն մասին, որ Լարիսա Իսպիրյանին ճանաչում է շուրջ հինգ տարի: Ինքը պնդում է, որ վերոհիշյալ գործարքում ոչ մի շահ չի ունեցել, ինքն ուղղակի փորձել է օգնել նրան` առանց որևէ նյութական օգուտ ակնկալելու: Կարեն Միքայելյանն իրեն 10.000 ԱՄՆ դոլարից գումար չի տվել: Ինքն ուղղակի փորձել է Արմենուհուն օգտակար լինել` առանց որևէ նյութական շահ ակնկալելու, ինքը խաբվել է Կարենի կողմից: Կարենն իրեն վստահեցրել է, որ վերը թվարկած անձանց հարցերի լուծումը մտնում է նրա իրավասությունների մեջ: Միայն մեկուսարանում հայտնվելուց հետո է հասկացել, որ Կարենը նման իրավասություն չի ունեցել:
Ամբաստանյալ Կարեն Միքայելյանը դատական քննության ընթացքում ՀՀ քրեական օրենսգրքի 178-րդ հոդվածի 3-րդ մասի 1-ին կետով առաջադրված մեղադրանքներում իրեն լիովին մեղավոր ճանաչեց, իսկ 311-րդ հոդվածի 3-րդ մասի 3-րդ կետով առաջադրված մեղադրանքներում իրեն մեղավոր չճանաչեց և ցուցմունք տվեց այն մասին, որ ինքն աշխատել է Երևանի քաղաքապետարանի առևտրի և սպասարկումների վարչությունում` որպես գլխավոր մասնագետ: Ինքն ի պաշտոնե որոշումներ կայացնելու կամ կարգադրություններ տալու լիազորություններ չի ունեցել: Ինքն իր ենթակայության տակ ծառայողներ չի ունեցել և նյութական պատասխանատու անձ չի հանդիսացել: Երևանի քաղաքապետի հանձնարարությամբ 2005-2006 թվականներին սկսվել է կրպակների արդիականացման ծրագիրը, որից հետո ստեղծվել է համապատասխան հանձնաժողով: Որպես նշված վարչության աշխատակից ինքը ներգրավվել է Երևան քաղաքի առևտրի և սպասարկումների ոլորտի օբյեկտների արդիականացման ծրագրի աշխատանքային հանձնաժողովի և Երևանի քաղաքապետի որոշմամբ ստեղծված վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ, սակայն այդ հանձնաժողովում ինքը լրացուցիչ լիազորություններ չի ունեցել: Իր լիազորությունն ու պարտականությունն է եղել հաշվառել բոլոր կրպակներն ու տաղավարները և հավաքել դրանց փաստաթղթերը: Երևանի քաղաքապետարանի առևտրի և սպասարկումների վարչության բոլոր աշխատակիցները լիազորված են եղել կրպակների արդիականացման հետ կապված փաստաթղթեր պահանջելու, հաշվառելու և տեղում խոսելու անձանց հետ: Գագիկ Դանիելյանն աշխատել է Արաբկիրի թաղապետարանի առևտրի և սպասարկումների բաժնում, և իրենց միջև եղել է զուտ աշխատանքային փոխհարաբերություններ: Կրպակների արդիականացման գործառույթների կատարման հետ կապված ինքը Գագիկին խնդրանք կամ հանձնարարական չի տվել: Լարիսա Իսպիրյանի կրպակը արդիականացնելու՝ մեծացնելու, օրինականացնելու և համապատասխան գրանցում կատարելու, կապակցությամբ իրեն դիմել է Գագիկը, իսկ ինքը նրան պատասխանել է, որ 2.800 ԱՄՆ դոլարի վճարելու դեպքում ինքը կարող է այն անել: Դրանից հետո Գագիկն իրեն փոխանցել է նշված գումարը, իսկ ինքը մտածել է, որ եթե Լարիսայի կրպակի վերաբերյալ որոշումը կայացվի ի նպաստ նրա, ապա ինքը կասի, որ այդ հարցը լուծվել է իր կողմից և գումարը կծախսեր իր անձնական կարիքների համար: Սակայն գումարը վերցնելուց երկու ամիս հետո Գագիկն իրեն ասել է, որ Լարիսան ետ է պահանջում տված գումարը: Գագիկն իրեն ասել է, որ նրա անձնական միջոցներից նա 1.000 ԱՄՆ դոլարին համարժեք ՀՀ դրամ է վերադարձրել Լարիսային: 2007 թվականի գարնանն ինքը պատահական հանդիպել է Նորիկ Դավթյանին: Այդ ժամանակ Նորիկն իրեն խնդրել է օգնել օրինականացնել և արդիականացնել Ազատության պողոտայում գտնվող նրա կրպակը: Նորիկը համոզված է եղել, որ նրա կրպակի օրինականացման և արդիականացման հետ կապված պետք է կատարվեն վճարումներ և այդ նպատակով նա, Աշոտ Իսրայելյանի միջոցով, իրեն փոխանցել է 500 ԱՄՆ դոլար, սակայն իրականում որևէ վճարում կատարելու անհրաժեշտություն չի եղել: Նշված գումարն ինքը ծախսել է իր անձնական կարիքների համար: Նորիկին պատկանող կրպակը քանդելուց հետո, նա իրենից ետ է պահանջել տված գումարը: Արմինե Ջիգոյանի կրպակը օրինականացնելու կապակցությամբ, 2010 թվականի ամռանը կամ աշնանը, իրեն կրկին դիմել է Գագիկը: Այդ հարցի լուծման համար ինքը պահանջել է 10.000 ԱՄՆ դոլար: Այնուհետև, Երևանի քաղաքապետարանի մոտ` ավտոմեքենայի մեջ, Արմենուհի Ջիգոյանն իրեն տվել է նշված գումարը, իսկ ինքը նրան ասել է, որ կրպակի օրինականացման հարցը կլուծվի 3-4 ամսվա ընթացքում: Հետագայում Արմենուհին ետ է պահանջել տված գումարը և ինքը նրան ետ է վերադարձրել 4.000 ԱՄՆ դոլար` ասելով, որ եթե հարցը չլուծվի ինքը գումարի մնացած մասն էլ կվերադարձնի: Հովհաննես Գրիգորյանի տան` 27քմ տարածքն, օրինականացնելու կապակցությամբ իրեն դիմել է Աիդա Նալբանդյանը: Ինքը համաձայնել է օգնել և դրա համար պահանջել է 2.500 ԱՄՆ դոլար, որը Երևանի քաղաքապետարանում իրեն փոխանցել է Աիդան: Նշված բոլոր դեպքերում ինքը նպատակ չի ունեցել որևէ ձևով օգնել վերոգրյալ անձանց, այլ ցանկացել է նրանց տված գումարները ծախսել իր անձնական կարիքների համար, մտածելով որ նրանց խնդիրներն օրենքով սահմանված կարգով կլուծվեն:
Ամբաստանյալ Կարեն Միքայելյանը դատական քննության ընթացքում լրացուցիչ ցուցմունք տվեց այն մասին, որ Երևանի քաղաքապետարանում որոշումներն ընդունվում են միանձնյա` քաղաքապետի կողմից: Ինքը որևէ ձևով չի մասնակցել որոշումների ընդունմանը և չէր էլ կարող մասնակցել: Իր պաշտոնի անձնագրում նշված իրավասությունները սահմանափակվում են Երևանի քաղաքապետարանի առևտրի և սպասարկումների վարչության իրավասության շրջանակներում: Անհրաժեշտության դեպքում նշված վարչության պետի հանձնարարությամբ, համապատասխան թաղապետարանի աշխատակիցների հետ, ինքը հավաքել է կրպակների վերաբերյալ բոլոր փաստաթղթերը, կատարել հաշվառում և դասակարգում: Այդ փաստաթղթերի դասակարգումը կատարվել է Երևանի քաղաքապետարանի իրավաբանական վարչության աշխատակիցների խնդրանքով, որպեսզի նրանք իրավական եզրակացություն կազմելիս ավելի հեշտ կողմնորոշվեն: Կրպակների արդիականացման ծրագրի իրականացման նպատակով ստեղծված հանձնաժողովին ինքը որևէ առաջարկ` կրպակը անհրաժեշտ է արդիականացնել, օրինականացնել կամ ապամոնտաժել, չի ներկայացրել:
Տուժող Լարիսա Իսպիրյանը դատական քննության ընթացքում ցուցմունք տվեց այն մասին, որ ինքը 1995 թվականից հանդիսանում է անհատ ձեռներեց և իր կրպակը գտնվում է Երևան քաղաքի Մամիկոնյանց փողոցում: Ըստ փաստաթղթերի կրպակը եղել է 5քմ, սակայն փաստացի այն եղել 9քմ: Գագիկ Դանիելյանը կրպակների բոլոր օգտագործողներին ասել է, որ կրպակների արդիականացման ծրագրով պետք է նոր կրպակաշար կառուցվի: Այդ ժամանակ իրենց ցույց են տվել նոր կրպակաշարի հատակագիծը, և կրպակների օգտագործողներից, այդ թվում նաև իրենից, ըստ կրպակների չափսերի, գումար պահանջել: Իրենից պահանջել են 2.800 ԱՄՆ դոլար: Ինքը սկզբում Գագիկին տվել է 800 ԱՄՆ դոլար, իսկ հետո 2.000 ԱՄՆ դոլար և սպասել նոր կրպակաշարի կառուցմանը: Գագիկն իրեն ասել է, որ այդ գումարը տալու է Երևանի քաղաքապետարանի առևտրի և սպասարկման վարչության աշխատակից Կարեն Միքայելյանին, քանի որ նա պետք է իրականացներ այդ ծրագիրը: 2011 թվականին, երբ սկսել են կրպակները ապամոնտաժել, ինքը զանգահարել է Գագիկին, ով ասել է, որ կրպակները լինելու են, որ դա անօրինական գործողություն է և եթե իրենք չթողնեն, ապա կրպակները չեն ապամոնտաժի: Սակայն 2011 մայիսին բոլոր կրպակները, այդ թվում նաև իրենը, ապամոնտաժվել են: Գագիկն իրեն 2.800 ԱՄՆ դոլարից վերադարձրել է մոտ 1.000 ԱՄՆ դոլարին համարժեք ՀՀ դրամ, իսկ մնացած` 1.800 ԱՄՆ դոլարը չի վերադարձրել` ասելով, որ հետո կվերադարձնի: Իր ամուսինը աշխատում է ոստիկանությունում, և այդ գումարն ինքն է տվել Գագիկին, այլ ոչ թե իր ամուսինը: Իր ամուսինը հետո է տեղեկացել, որ ինքը գումար է տվել Գագիկին: Ինքն այդ գումարը Արաբկիրի թաղապետարանի մոտ տվել է Գագիկին` որպես կրպակի արդիականացման համար կաշառք:
Վկա Մանվել Ասպատուրյանը դատական քննության ընթացքում ցուցմունք տվեց այն մասին, որ ճանաչում է Կարեն Միքայելյանին և Գագիկ Դանիելյանին: «Ռայկոմ» թաղամասում իրենք ունեցել են առևտրի կրպակ, որը եղել է 5քմ, սակայն նախագծով նախատեսված է եղել 9քմ: Ինքը բազմիցս դիմել է թաղապետարանին, որպեսզի թույլատրեն իրեն իրական չափերով վերակառուցել և արդիականացնել կրպակը: 2004-2007 թվականների ընթացքում կրպակի ընդլայնման հարցով ինքը զրուցել է Գագիկի հետ: Այնուհետև ինքն իմացել է, որ «Ռայկոմ» թաղամասում կրպակաշար է կառուցվելու, որի հետ կապված Արաբկիրի թաղապետարանում հրավիրվել է ժողով: Այդ ժողովին մասնակցել է իր կինը` Լարիսա Իսպիրյանը: Կրպակի օրինականացմամբ զբաղվել է իր կինը: Այդ ժամանակահատվածում ինքը Երևան քաղաքում քիչ է գտնվել և տեղյակ չի եղել, որ իր կինը Գագիկին կաշառք է տվել: Իր կինը կրպակի վերանորոգման և վերակառուցման համար մոտ 2.800 ԱՄՆ դոլար գումար է տվել Գագիկին: Այդ մասին ինքն իմացել է իր կնոջ կողմից հաղորդում տալու օրը: Մինչ այդ իր կինն իրեն ասել է, որ կրպակաշարի հետ կապված գումարներ պետք է հավաքվեն, ինքն էլ ասել է, որ ինչպես ճիշտ է գտնում, նա այդպես անի: Մինչև հաղորդում տալը Գագիկն իր կնոջը մոտ 1.000 ԱՄՆ դոլար վերադարձրել է: Այնուհետև Գագիկի որդին զանգահարել է իրեն ու խնդրել է, որ հանդիպեն: Իրենք հանդիպել են և նա խնդրել է, որ իրենք բողոքը ետ վերցնեն: Ինքը Գագիկի հետ չի պայմանավորվել 2.800 ԱՄՆ դոլարի վերաբերյալ: Անձամբ իր հետ Գագիկը նման զրույց չի ունեցել:
ՀՀ կենտրոնական բանկի պաշտոնական կայքի (www.cba.am) համաձայն` 2007 թվականի գարուն-ամառ ընկած ժամանակահատվածում 1 ԱՄՆ դոլարի ամենացածր փոխարժեքը եղել է 336,45 ՀՀ դրամ:
Լարիսա Սաշայի Իսպիրյանի կողմից 2013 թվականի ապրիլի 10-ին ներկայացված քաղաքացիական հայցի համաձայն` տուժող Լարիսա Իսպիրյանը խնդրել է ամբաստանյալ Կարեն Պետիկի Միքայելյանից հօգուտ իրեն բռնագանձել 1.800 ԱՄՆ դոլարին համարժեք 740.000 ՀՀ դրամ:
Նորիկ Դավթյանը նախնական քննության ընթացքում ցուցմունք է տվել այն մասին, որ Արաբկիրի թաղապետարանի կողմից Երևան քաղաքի Ազատության պողոտայում իրեն հատկացրել է 6քմ տարածք: Նշված տարածքում ինքը տեղադրել է 6քմ մետաղյա կրպակ և զբաղվել մանրածախ առևտրով: Այնուհետև Արաբկիրի թաղապետարանի թույլտվությամբ ինքը այդ տաղավարը մոտ 10քմ ընդլայնել է: Այդ ընդլայնված տարածքի վերաբերյալ կնքվել է հողի վարձակալության պայմանագիր, իսկ 6քմ վերաբերյալ ինքն ունեցել է սեփականության վկայական: Այնուհետև նույն հասցեում ինքը ևս մեկ 6քմ չափսերի մետաղական կրպակ է տեղադրել: Նշված երկու կրպակների համար իր անունով կատարել է համապատասխան վճարումներ: 2007 թվականին Արաբկիրի թաղապետարանի առևտրի և սպասարկումների բաժնի աշխատակիցները շրջայց են կատարել և իրեն հայտնել են, որ կրպակները պետք է արդիականացվեն և կառուցվեն նմանատիպ կրպակաշարեր: Դրանից մի քանի օր հետո ինքը գնացել է Արաբկիրի թաղապետարանի առևտրի և սպասարկման բաժնի պետ Աշոտ Իսրայելյանի աշխատասենյակ, որտեղ բացի նրանից, եղել է նաև Երևանի քաղաքապետարանի առևտրի և սպասարկման վարչության գլխավոր մասնագետ, Կարեն Միքայելյանը: Այդ ժամանակ Կարենն իրեն մանրամասն բացատրել է, որ քաղաքապետարանի կողմից իրականացվում է կրպակների արդիականացման ծրագիր: Ինքը հավանություն է տվել Կարենի առաջարկած ծրագրին և համաձայնվել է: Երբ ինքը համաձայնվել է, կրպակի արդիականացման համար Կարենն իրենից պահանջել է 500 ԱՄՆ դոլար: Կարենն իրեն ասել է, որ գումարը երկու օրվա ընթացքում ինքը պետք է տանի Արաբկիրի թաղապետարան, իսկ եթե նա թաղապետարանում չլինի, ապա այդ գումարը ինքը պետք է տա Աշոտին, որպեսզի վերջինն այն փոխանցի նրան: Հաջորդ օրը, պայմանավորվածության համաձայն ինքը 500 ԱՄՆ դոլարը տվել է Աշոտին, որպեսզի վերջինն այն փոխանցի Կարենին: Դրանից հետո ինքը հաճախակի Աշոտից հետաքրքրվել է, թե երբ է նշված գործընթացն իրականացվելու, իսկ Աշոտն ամեն անգամ ասել է, որ մոտ ժամանակներում կլինի: Կարենն իրեն ասել է, որ արդիականացման գործընթացը կտևի 5-6 ամիս: Սակայն գումարը տալուց հետո շուրջ մեկ տարի նշված գործընթացը չի իրականացվել: 2011 թվականի ապրիլին ինքը խոսակցություններից լսել է, որ իրենց հասցեում գտնվող կրպակները ոչ թե արդիականացնելու են, այլ ապամոնտաժելու են: Մի քանի օր հետո իր կրպակի աշխատողներն իրեն ասել են, որ Արաբկիրի թաղապետարանի առևտրի և սպասարկման բաժնի աշխատակիցները հայտնել են, որ պետք է դադարեցնեն առևտուրը, քանի որ կրպակներն ապամոնտաժվելու են: Ինքն անմիջապես զանգահարել է Աշոտին և հայտնել այդ մասին, իսկ նա պատասխանել է, որ տեղյակ է, որ դա Երևանի քաղաքապետարանի որոշումն է և ինքը զայրացած պահանջել է ետ վերադարձնել իր 500 ԱՄՆ դոլարը: Աշոտն իրեն ասել է, որ Կարենի հետ կխոսի, քանի որ նա այդ գումարը տվել է Կարենին: Այնուհետև ինքը զանգահարել է Կարենին և պահանջել է, որպեսզի նա ետ վերադարձնի իր 500 ԱՄՆ դոլարը, իսկ նա իրեն պատասխանել է, որ ոչ ոք իրավասու չէ իրենց կրպակները հանել: Այնուհետև իրենց կրպակներն ապամոնտաժվել են: Դրանից հետո ինքը կրկին զանգահարել է Կարենին և պահանջել, որպեսզի վերադարձնի գումարը, սակայն նա մինչև օրս չի վերադարձրել: Այնուհետև ինքը հեռուստացույցով տեղեկացել է, որ Կարենն այլ քաղաքացուց խոշոր չափերի կաշառք ստանալու համար ձերբակալվել է ու ինքը որոշել է, որպեսզի ներկայանա իրավապահ մարմիններին և հայտնի կատարվածի մասին: Իր և Կարենի միջև պետական մուծում կատարելու վերաբերյալ խոսակցություն չի եղել, Կարենն իրեն ընդամենն ասել է, որ իր կրպակն արդիականացնելու համար 500 ԱՄՆ դոլար է հարկավոր, որպեսզի նա այդ գործն անի: Ինքը չգիտի, թե Կարենն այդ գումարն իրենից պահանջել և ստացել է որպես պետական մուծում, թե որպես կաշառք:
Վկա Էդվարդ Գանձանակյանը դատական քննության ընթացքում ցուցմունք տվեց այն մասին, որ Կարեն Միքայելյանին ճանաչում է մոտ 7-8 տարի, նա հանդիսանում է իր ընկերը: Ինքն իր ընկերներից լսել է, որ Կարենը ստել է և գումար է աշխատել: Արաբկիր վարչական շրջանում ինքը կրպակ է ունեցել, և իր կրպակի կողքը գտնվող կրպակը պատկանել է Նորիկ անունով մի անձի: Կարենը Նորիկից 500 ԱՄՆ դոլար է վերցրել, որպեսզի նրա կրպակը արդիականացվի, սակայն Նորիկի կրպակը քանդել են: Կարենն իրեն զանգահարել ու ասել է, որպեսզի ինքը Նորիկին փոխանցի, որ նա մի քանի օրից նրա գումարը վերադարձնելու է: Այդ մասին ինքը ասել է Նորիկին: Ինքը մեկ անգամ Կարենին հարցրել է, թե ինչպես կարող է իր կրպակը արդիականացնել, իսկ վերջինը պատասխանել է, որ դա իր լիազորությունների մեջ չի մտնում:
Վկա Աշոտ Իսրայելյանը դատական քննության ընթացքում ցուցմունք տվեց այն մասին, որ 2007 թվականին կրպակների արդիականացման ծրագրին ծանոթանալու նպատակով իրենք գնացել են Արաբկիրի թաղապետարան, որտեղ Երևանի քաղաքապետարանի աշխատակից Կարեն Միքայելյանը ներկայացրել է կրպակների արդիականացման ծրագիրը: Կարենը Նորիկ Դավթյանին բացատրել է վճարումների հետ կապված գործընթացները: Նորիկը Կարենին վճարումներ կատարելու համար 500 ԱՄՆ դոլար պետք է հանձներ, սակայն Նորիկը վատառողջ լինելու պատճառով խնդրել է իրեն, որպեսզի այդ գումարն ինքը թողնի թաղապետարանում, որպեսզի Կարենը հաջորդ օրը վերցնի: Այդ վճարումները կատարվել են կրպակների արդիականացման համար, սակայն Նորիկի կրպակն այդպես էլ չի օրինականացվել, իսկ գումարը Կարենը ետ չի վերադարձրել:
Վկա Աշոտ Իսրայելյանը նախնական քննության ընթացքում ցուցմունք է տվել այն մասին, որ 2005 թվականից աշխատել է Երևանի Արաբկիր համայնքի թաղապետարանում` որպես առևտրի և սպասարկումների բաժնի պետ, իսկ 2008 թվականից նույն բաժնում` որպես գլխավոր մասնագետ: 2007 թվականի գարնանը Երևանի քաղաքապետարանի առևտրի և սպասարկումների վարչության կողմից ստուգայցեր են իրականացվել Երևան քաղաքի Ազատության պողոտայում գործող «Ռայկոմ» կոչվող տարածքի կրպակներում, որի արդյունքում մի շարք կրպակատերերի հրավիրել են Արաբկիրի թաղապետարան` կրպակների արդիականացման հետ կապված պարզաբանումներ տալու համար: Արաբկիրի թաղապետարան են հրավիրվել վերը նշված տարածքի կրպակատերերից Նորիկ Դավթյանը, ով նշված տարածքում զբաղվել է մսամթերքի առևտրով: Ինքը Նորիկին նախկինում ճանաչել է աշխատանքի բերումով և վերջինը գալով թաղապետարան, իր աշխատասենյակում հանդիպել և զրուցել է Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Միքայելյանի հետ: Այդ ժամանակ Կարենը Նորիկին է ներկայացրել արդիականացման ծրագիրը և ասել, որ առանց այդ ծրագրի իրականացման չեն կարող շարունակել աշխատանքները տաղավարներում, քանի որ դրանք պետք է համապատասխանեցվեին քաղաքաշինական նորմերին: Զրույցի ընթացքում Կարենը Նորիկին ասել է, որ նա այդ գործընթացը կարող է կազմակերպել, որի դիմաց Նորիկից պահանջել է 500 ԱՄՆ դոլար: Ինքը Կարենի և Նորիկի ամբողջ զրույցին չի մասնակցել, քանի որ հաճախակի դուրս ու ներս է արել, սակայն իմացել է, որ նրանք գումարի շուրջ պայմանավորվել են, սակայն քանի որ Նորիկի մոտ այդ պահին գումար չի եղել, պայմանավորվել են, որ Նորիկը գումարը կտանի իր մոտ, իսկ ինքն այն կփոխանցի Կարենին: Մի քանի օր անց Նորիկը գնալով իր աշխատասենյակ, իրեն է տվել 500 ԱՄՆ դոլարը, այն Կարենին փոխանցելու համար: Հաջորդ օրը պայմանավորվածության համաձայն ինքն այդ գումարը թաղապետարանում տվել է Կարենին: Կարենը վերը նշված տարածքի տաղավարների սեփականատերերից որոշ մարդկանց հետ զրուցել է արդիականացման ծրագրի հետ կապված, սակայն ինքը տեղյակ չէ, թե նրանցից գումարներ վերցրել է, թե ոչ: Դրանից հետո եղել են դեպքեր, որ ինչպես Նորիկն, այնպես էլ որոշ կրպակատերեր հետաքրքրվել են, թե ինչ է եղել արդիականացման ծրագիրը: Ինքը նույնպես հետաքրքրվել է Կարենից, իսկ նա պատասխանել է, որ գործն ընթացքի մեջ է, շուտով այդ հարցը կլուծվի և ասել է, որ կրպակատերերը հանգիստ լինեն: 2011 թվականի մայիսին Նորիկը զանգահարել է իրեն ու ասել, որ 500 ԱՄՆ դոլարը ետ է ցանկանում, քանի որ ոչինչ չի արվել այդ ուղղությամբ, իսկ ինքը նրան պատասխանել է, որ նա տեղյակ է, որ ինքը գումարն ամբողջությամբ տվել է Կարենին: Ինքը Նորիկին ասել է, որ Կարենից կարող է գումարը պահանջել: Դրանից հետո ինքը լսել է, որ Նորիկի կրպակն ապամոնտաժվել է: Դրանից հետո Նորիկն անընդհատ զանգահարել է, ինչպես իրեն, այնպես էլ Կարենին` պահանջելով ետ վերադարձնել 500 ԱՄՆ դոլարը: Կարենը Նորիկի գումարը այդպես էլ ետ չի վերադարձրել: Հետագայում ինքը հեռուստացույցով տեղեկացել է, որ Կարենն այլ քաղաքացուց կաշառք ստանալու համար ձերբակալվել է:
ՀՀ կենտրոնական բանկի պաշտոնական կայքի (www.cba.am) համաձայն` 2007 թվականի գարնանը 1 ԱՄՆ դոլարի ամենացածր փոխարժեքը եղել է 347,87 ՀՀ դրամ:
Տուժող Էլլա Այվազյանը դատական քննության ընթացքում ցուցմունք տվեց այն մասին, որ ինքը որոշել է տարածք գնել: Այդ ժամանակ իր ամուսնու ընկերն իրեն ասել է, որ Արմենուհի Ջիգոյանի ինչ-որ տարածք է վաճառում: Այնուհետև ինքը, իր ամուսինը և ամուսնու ընկերը` Հայկ Բաբայանը, հանդիպել են Արմենուհու ամուսնուն, ով ասել է, որ վաճառվող տարածքն ամբողջությամբ սեփականաշնորհված չէ, միայն տարածքի 4քմ մակերեսն է սեփականաշնորհված, իսկ 16քմ անօրինական է: Ինքն ասել է, որ իրենք տարածքը կգնեն միայն ամբողջությամբ սեփականաշնորհված լինելու դեպքում, իսկ նա ասել է, որ տարածքն ամբողջությամբ օրինականացնելու համար պահանջվում է 10.000 ԱՄՆ դոլար, որն իրենք չունեն: Արմենուհին տարածը վաճառել է 23.000 ԱՄՆ դոլարով: Իրենք պայմանավորվել են Արմենուհուն տալ 10.000 ԱՄՆ դոլար, որպեսզի նա օրինականացնի տարածքը, իսկ դրանից հետո տան մնացած գումարը: Արմենուհին ասել է, որ իրենք էլ կարող են գնալ նրա հետ, որպեսզի տեսնեն, թե որտեղ է այդ գումարը տալիս և ինչպես է այդ գործընթացը կատարվում: 2010 թվականի հոկտեմբերի 22-ին իրենք հանդիպել են Արաբկիրի թաղապետարանի մոտ և մտել թաղապետարան: Այդ ժամանակ Գագիկ Դանիելյանն ասել է, որ հնարավոր է այդ տարածքի անօրինական մասը օրինականացնել 10.000 ԱՄՆ դոլարով և բացատրել, թե ինչպես է գործընթացը լինելու ու ասել է, որ այդ գործընթացը կտևի 3-6 ամիս: Գագիկն ասել է նաև, որ այդ ընթացքում նրան չանհանգստացնեն և երբ այն կավարտվի նա իրենց տեղյակ կպահի: Իրենք որոշել են գումարը տալու վերաբերյալ ստացական գրել, և ստացականը գրելուց հետո 10.000 ԱՄՆ դոլարը տվել են Արմենուհուն: Այդ ընթացքում Գագիկը դուրս է գնացել և գումարի փոխանցման պահը չի տեսել: Հետո Գագիկը վերադարձել է և երբ Արմենուհին ցանկացել է ծրարով գումարը տալ նրան, նա չի վերցրել և ասել է, որ երեկոյան միասին կգնան և գումարը կտան Երևանի քաղաքապետարանի աշխատակցին: Դրանից հետո Արմենուհին իրենից 500 ԱՄՆ դոլար է ուզել, իսկ հետո ևս 1.500 ԱՄՆ դոլար, որոնք ինքը տվել է նրան: Գումարները տալուց մոտ երեք ամիս հետո ինքն անհանգստացել է, անընդհատ զանգահարել է Արմենուհուն, հետաքրքրվել, թե իրենց գործն ինչ փուլում է, իսկ Արմենուհին ասել է, որ հանգիստ լինի, որ իրենց գործը կլինի: Այնուհետև ինքը ետ է պահանջել իր գումարը, քանի որ կասկածել է, որ ինչ-որ բան այն չէ, իսկ Արմենուհին ասել է, որ անհանգստանալու ոչինչ չկա, քանի որ պետական վճարում է կատարվել: Ինքն ու Արմենուհին գնացել են Երևանի քաղաքապետարանի մոտ և հանդիպել Կարեն Միքայելյանին, որտեղ Կարենն ասել է, որ իրենց գործը պատրաստ է և միայն մնացել քաղաքապետի ստորագրությունը, որը կլինի 15 օրվա ընթացքում: Այնուհետև Արմենուհին իմանալով, որ ինքն անհանգստացած է և կարող է դիմել դատարան, զանգահարել է իրեն և ասել, որ գործն հաստատ լինելու է և որպեսզի ինքը վստահ լինի, կարող է նրա տարածքը անվարձահատույց և անժամկետ տրամադրել իրեն: Ինքը համաձայնել է, սակայն հետագայում հեռուստատեսությամբ տեսել է, որ Կարենը ձերբակալվել է:
Վկա Արմենուհի Ջիգոյանը դատական քննության ընթացքում ցուցմունք տվեց այն մասին, որ ինքը ցանկացել է 23.000 ԱՄՆ դոլարով վաճառել Երևան քաղաքի Վրացական փողոցում գտնվող իր կրպակ, որը եղել է 20քմ, սակայն 4քմ եղել օրինական: Էլլա Այվազյանը ցանկացել է գնել իր կրպակը: Մինչ այդ Արաբկիրի թաղապետարանի աշխատակից Գագիկ Դանիելյանն իրեն ասել է, որ իր կրպակի անօրինական մասը կարող են 10.000 ԱՄՆ դոլարով օրինականացնել: Այդ մասին ինքը ասել է Էլլային, և պայմանավորվել, որ նա իրեն սկզբում վճարի 10.000 ԱՄՆ դոլար, իսկ կրպակը օրինականացնելուց հետո ևս 13.000 ԱՄՆ դոլար: 2010 թվականի հոկտեմբերին ինքը, Էլլան, նրա ամուսինը ու նրանց բարեկամներից ևս մեկ անձ գնացել են Արաբկիրի թաղապետարան, բարձրացել են Գագիկի աշխատասենյակ, որտեղ վերջինն ասել է, որ Երևանի քաղաքապետարանում ծանոթ ունի, ով պատրաստ է այդ կրպակն օրինականացնել: Գագիկի աշխատասենյակում իրենք գրել են ստացական, համաձայն որի` ինքն Էլլայից վերցրել է 10.000 ԱՄՆ դոլար և կրպակի օրինականացման համար այն փոխանցել է Գագիկին: Ստացականը գրելուց և գումարը վերցնելուց հետո ինքը ցանկացել է գումարը փոխանցել Գագիկին, սակայն նա չի վերցրել և ասել է, որ իրենք միասին գումարը կտան այդ գործընթացն իրականացնող անձին: Դրանից հետո ինքն ու Գագիկը հանդիպել են Կարեն Միքայելյանի հետ, ով ասել է, որ կրպակի օրինականացումը կտևի մոտ երկու ամիս: Այդ ժամանակ Գագիկի ներկայությամբ ինքը 10.000 ԱՄՆ դոլարը տվել է Կարենին: Սակայն Կարենն անընդհատ ձգձգել է կրպակի օրինականացման գործընթացը: 2011 թվականին Կարենը 4.000 ԱՄՆ դոլար ետ է վերադարձրել, սակայն ինքն այդ գումարը ծախսել է: Իրենց միջև կաշառքի մասին խոսակցություն չի եղել, և ինքը կարծել է, որ այդ 10.000 ԱՄՆ դոլարով պետք է համապատասխան վճարումներ կատարվի:
Վկա Արմենուհի Ջիգոյանը նախնական քննության ընթացքում ցուցմունք է տվել այն մասին, որ Արաբկիրի թաղապետարանի համապատասխան թույլտվությամբ ինքը տեղադրել է 4քմ կրպակ: 2005 թվականին իր կրպակ է գնացել Երևանի քաղաքապետարանի առևտրի և սպասարկման բաժնի աշխատակից Կարեն Միքայելյանը և ասել է, որ պետք է ապամոնտաժվի կրպակը և տեղափոխվի այլ վայր: Դրանից հետո իր կրպակը տեղափոխվել է Երևան քաղաքի Վրացական փողոցի 15-րդ շենքի մոտ: Տեղափոխումից հետո ինքն այդ 4քմ կրպակի համար ստացել է սեփականության վկայական, իսկ հողը եղել է վարձակալությամբ: Դրանից հետո ինքը կրպակն ընդլայնել է և դարձրել 20քմ, սակայն 16քմ եղել է անօրինական: 2010 թվականին ինքը որոշել է վաճառել կրպակը, որի համար հայտարարություն է տվել: Մի քանի ամիս հետո իրենց տուն է գնացել Էլլա Այվազյանը և ցանկություն հայտնել գնել կրպակը: Էլլան իրեն ասել է, որ ցանկանում է գնել կրպակը, իսկ ինքը նրան ասել է, որ կրպակի 4քմ օրինական է, իսկ 16քմ անօրինական, սակայն Արաբկիրի թաղապետարանում ծանոթ ունի, ով խոստացել է միջնորդել Երևանի քաղաքապետարանի մի աշխատակցի ու նրա միջոցով օրինականացնել ապօրինի տարածքը: Էլլայի հետ հանդիպումից առաջ ինքը զանգահարել է Գագիկին և ասել է, որ իրեն հարկավոր է օրինականացնել կրպակի ապօրինի տարածքը և կնքել հողի վարձակալության պայմանագիր: Գագիկն իրեն ասել է, որ Երևանի քաղաքապետարանի առևտրի և սպասարկման գլխավոր մասնագետ Կարեն Միքայելյանի միջոցով գումարի դիմաց կարող է այդ հարցը լուծել ու խոստացել այդ հարցի շուրջ խոսել Կարենի հետ: Մի քանի օր հետո ինքը զանգահարել է Գագիկին ու հարցրել, թե ինչ է եղել, իսկ նա ասել է, որ խոսել է Կարենի հետ, ով կրպակի ապօրինի մասն օրինականացնելու համար պահանջել է 10.000 ԱՄՆ դոլար կաշառք: Ինքը համաձայնել է այդ առաջարկին և ասել է, որ մի քանի օրից գումարը կտա: Երբ Էլլան գնացել է իրենց տուն, ինքը նրան պատմել է այդ մասին: Ինքն ու Էլլան պայմանավորվել են, որ ինքը նրան կրպակը վաճառի 23.000 ԱՄՆ դոլարով, որից 10.000 ԱՄՆ դոլարը պետք է տրվի օրինականացնելու համար: Դրանից հետո ինքը զանգահարել է Գագիկին և ասել, որ գնորդ կա, որ ուզում են նրա հետ հանդիպել, իսկ նա էլ իրեն ասել է, որ գնան նրա աշխատավայր: Ինքը զանգահարել է Էլլային և ասել է, որ ինքը պայմանավորվել է Արաբկիրի թաղապետարանի աշխատակցի հետ: Հաջորդ օրն Արաբկիրի թաղապետարանի մոտ ինքը հանդիպել է Էլլային ու միասին գնացել են Գագիկի աշխատասենյակ: Ինքը ծանոթացրել է Գագիկին ու Էլլային և ասել է, որ նրա պահանջած 10.000 ԱՄՆ դոլարը բերել են: Էլլան Գագիկի ներկայությամբ ծրարով իրեն տվել է այդ գումարը, որն ինքն փոխանցել է Գագիկին: Այդ ժամանակ Էլլան իրեն ասել է, որպեսզի գումարը տալու վերաբերյալ ստացական գրեն: Ինքը Գագիկի աշխատասենյակում իր ձեռքով գրել է ստացական, այն մասին, որ ինքն Էլլայից ստացել է 10.000 ԱՄՆ դոլար և տվել է Գագիկին Երևան քաղաքի Վրացական 15-րդ շենքին հարող տարածքում իրեն պատկանող կրպակը սեփականաշնորհելու համար: Ինքն ու Էլլան ստորագրել են ստացականը ու տվել են Գագիկն, որպեսզի նա էլ ստորագրի, սակայն նա հրաժարվել է ստորագրել ասելով, որ իմաստ չկա ստորագրել, քանի որ գործն անպայման լինելու է: Գագիկը Էլլայի ներկայությամբ իրեն ետ է տվել այդ գումարն ասելով, որ նա երեկոյան կպայմանավորվի Կարենի հետ, որպեսզի միասին գնան ու գումարը տան նրան: Դրանից հետո ինքն ու Գագիկը գնացել են Երևանի քաղաքապետարանի մոտ և հանդիպել Կարենին: Այդ ժամանակ Գագիկն իրեն ասել է, որ Կարենն աշխատում է Երևանի քաղաքապետարանի առևտրի և սպասարկման վարչությունում որպես ավագ մասնագետ ու նա է գումարի դիմաց անելու գործը: Կարենն իրեն ասել է, որ կրպակի ապօրինի հատվածի սեփականաշնորհման գործընթացը կտևի մոտ երեք ամիս: Գագիկն իրեն ասել է, որ ինքը 10.000 ԱՄՆ դոլարը տա Կարենին և ինքը ծրարի մեջ դրված 10.000 դոլարը, փաստաթղթերի հետ միասին տվել է Կարենին: Նա վերցրել է գումարը և ասել, որպեսզի ինքն անհոգ լինի, որ նշված ժամկետում այդ գործը կլինի: Այնուհետև ինքը շուրջ 2-3 անգամ զանգահարել է Կարենին, իսկ նա ասել է, որպեսզի ինքն անհոգ լինի, գործն անպայման կլինի: 2011 թվականի փետրվարին Էլլան ցանկություն է հայտնել անձամբ հանդիպել Կարենին և զրուցել գործի մասին: Ինքն ու Էլլան Երևանի քաղաքապետարանի մոտ հանդիպել են Կարենին, և Կարենն իրենց խոստացել է, որ գործը կլինի: Սակայն գործը կրկին ուշացել է և Էլլան ետ է պահանջել տված գումարը: Դրանից հետո ինքը կրկին զանգահարել է Կարենին, ով ասել է, որ 10.000 ԱՄՆ դոլարից 4.000 ԱՄՆ դոլարը կարող է վերադարձնել և ինքը Երևանի քաղաքապետարանի մոտ հանդիպել է Կարենին, ով իրեն ետ է տվել 4.000 ԱՄՆ դոլար: Կարենը այդ գումարը տալուց ասել է, որ գործը լինելու է, որ այդ գումարի մասին Էլլային ոչինչ չասի, քանի որ գործը լինելուց հետո ինքը գումարը պետք է վերադարձնի: Սակայն դրանից հետո գործը կրկին ձգձգվել է և ինքն անընդհատ զանգահարել է Կարենին, որպեսզի նա վերադարձնի մնացած գումարը և Կարենն իրեն խոստացել է ետ վերադարձնել գումարը, սակայն չի վերադարձրել:
Վկա Բորիս Ազիբեկյանը դատական քննության ընթացքում ցուցմունք տվեց այն մասին, որ ինքն ու իր կինը խոսել են Արմենուհի Ջիգոյանի հետ և պայմանավորվել, որպեսզի գնեն նրա կրպակը: Կրպակի մակերեսը եղել է 20քմ, որից 16քմ եղել է անօրինական: Իրենք պայմանավորվել են կրպակը գնելու համար վճարել 23.000 ԱՄՆ դոլար, որից 10.000 ԱՄՆ դոլարը տվել են Արմենուհուն, որպեսզի նա կրպակն ամբողջությամբ օրինականացնի և վաճառի իրենց: Արմենուհին իրենց ասել է, որ Արաբկիրի թաղապետարանում ծանոթ ունի, ով նրան օգնելու է կրպակի օրինականացման հարցում: Արմենուհին պայմանավորվել է Գագիկ Դանիելյանի հետ, որպեսզի հանդիպեն և գումարը տան նրան: Ինքը, իր կինը և իր ընկերը` Հայկ Բաբայանը, գնացել են Արաբկիրի թաղապետարան, այնտեղ իրենց միացել է նաև Արմենուհին և իրենք բարձրացել են Գագիկի աշխատասենյակ, որպեսզի գումարը տան, սակայն Գագիկն ասել է, որ իրենք իրենց հարցերը լուծեն և դուրս է գնացել սենյակից: Իրենք 10.000 ԱՄՆ դոլարը հաշվել են և դրել ծրարի մեջ: Այնուհետև Գագիկը վերադարձել է և Արմենուհու հետ պայմանավորվել, որ այդ գումարը հանձնեն Երևանի քաղաքապետարանի աշխատակից Կարեն Միքայելյանին, ով պետք է լուծեր կրպակի օրինականացման հարցը, սակայն այդպես էլ կրպակի օրինականացման հարցը չի լուծվել և իրենց ոչ մի գումար ետ չի վերադարձվել:
Վկա Հայկ Բաբայանը դատական քննության ընթացքում ցուցմունք տվեց այն մասին, որ շուրջ 4 տարի է ինչ ճանաչում է Բորիս Ազիբեկյանին և նրա կնոջը` Էլլա Այվազյանին: Նրանք ցանկացել են տարածք գնել, իսկ Արմենուհի Ջիգոյանը ցանկացել է Երևան քաղաքի Գրիբոյեդովի փողոցում գտնվող տարածքը վաճառել: Այդ տարածքը եղել է 20քմ, որից 16քմ եղել է անօրինական: Նրանք պայմանավորվել են սկզբում վճարել 10.000 ԱՄՆ դոլար, որպեսզի տարածքը օրինականացվի, իսկ մնացած 13.000 ԱՄՆ դոլարը վճարել օրինականացվելուց հետո: 2010 թվականի հոկտեմբերին, գումարը փոխանցելու համար ինքը, Բորիսը և Էլլան, գնացել են Արաբկիրի թաղապետարան, որպեսզի ինքը վկա լինի այդ գումարի փոխանցմանը: Արաբկիրի թաղապետարանում իրենց է միացել նաև Արմենուհին և իրենք գնացել են Գագիկ Դանիելյանի աշխատասենյակ: Այնտեղ իր ներկայությամբ Էլլան Արմենուհուն տվել է 10.000 ԱՄՆ դոլար:
Վկա Հայկ Բաբայանը նախնական քննության ընթացքում ցուցմունք է տվել այն մասին, որ շուրջ 4-5 տարի ճանաչում է Բորիս Ազիբեկյանին: Բորիսի կինը` Էլլա Այվազյանը, զբաղվում է դերձակությամբ և ունի կրպակ: Էլլան ցանկացել է ունենալ սեփական կրպակ և այդ պատճառով հարմար կրպակ է փնտրել, որպեսզի գնի այն: Ինքը Բորիսից և Էլլայից տեղեկացել է, որ Էլլան մի կրպակ է գտել Երևան քաղաքի Վրացական 15-րդ շենքի մոտ, որը պատկանել է Արմենուհի Ջիգոյանին: Արմենուհին այդ կրպակը ցանկացել է վաճառել 23.000 ԱՄՆ դոլարով, սակայն կրպակի միայն 4քմ է եղել օրինական, իսկ 20քմ եղել է անօրինական: Արմենուհին Էլլային ասել է, որ Արաբկիրի թաղապետարանում և Երևանի քաղաքապետարանում ծանոթներ ունի և 10.000 ԱՄՆ դոլարով կարող է այն օրինականացնել: Արմենուհին Էլլայի հետ պայմանավորվել է, որ այդ 10.000 ԱՄՆ դոլարը միասին տանեն և տան Արաբկիրի թաղապետարանի աշխատակցին այդ գործը կազմակերպելու համար: Էլլան իրեն ասել է, որ հաջորդ օրը` 2010 թվականի հոկտեմբերի 22-ին, պետք է տանի և գումարը տա ու խնդրել է, որպեսզի ինքը, Բորիսի հետ միասին գնան Արաբկիրի թաղապետարան` գումարը տալու: 2010 թվականի հոկտեմբերի 22-ին՝ առավոտյան, ինքը, Էլլան և Բորիսը գնացել են Արաբկիրի թաղապետարանի մոտ և այնտեղ հանդիպել Արմենուհուն: Էլլան և Արմենուհին մտել են թաղապետարան, իսկ ինքն ու Բորիսը սպասել են նրանց: Էլլան իր հետ վերցրել էր 10.000 ԱՄՆ դոլար: Որոշ ժամանակ անց Էլլան զանգահարել է Բորիսին և ասել, որպեսզի իրենք բարձրանան 4-րդ հարկ: Ինքն ու Բորիսը բարձրացել են վերև, մտել են մի սենյակ, որտեղ եղել են Արմենուհին ու Էլլան, և Արմենուհին գրել է մի ստացական, համաձայն որի` նա Էլլայից ստացել է 10.000 ԱՄՆ դոլար Գագիկ Դանիելյանին տալու համար, Երևան քաղաքի Վրացական 15-րդ շենքին հարող տարածքում գտնվող կրպակն օրինականացնելու համար, հետագայում վաճառելու նպատակով, իսկ Էլլան Արմենուհուն հետագայում պետք է վճարեր 13.000 ԱՄՆ դոլար: Էլլան իր ու Բորիսի ներկայությամբ Արմենուհուն տվել է 10.000 ԱՄՆ դոլար, որը հաշվել և դրել է ծրարի մեջ: Այդ ժամանակ ներս է մտել մի տղամարդ և ծանոթանալով նրա հետ իրենք իմացել են, որ նա Գագիկ Դանիելյանն է` Արաբկիրի թաղապետարանի աշխատողը: Ինքն ու Բորիսը ևս ստորագրել են այդ ստացականի տակ: Արմենուհին ծրարով գումարը դրել է Գագիկի սեղանին, իսկ Գագիկը նրան ասել է, որ գումարը պահի և երեկոյան` ժամը 17:00-ի սահմաններում, միասին կգնան Երևանի քաղաքապետարանի մոտ և կտան քաղաքապետարանի աշխատակցին: Արմենուհին Էլլային առաջարկել է միասին գնալ քաղաքապետարանի մոտ գումարը տալու համար, սակայն Էլլան պատասխանել է, որ նա Արմենուհու հետ գործ ունի, որ ուրիշի հետ գործ չունի: Գագիկն իրենց ասել է, որ այդ գործը 3-6 ամիս հետո կլինի և հավաստիացրել է, որ այդ հարցը կլուծվի: Հետագայում ինքը Էլլայից և Բորիսից հետաքրքրվելով իմացել է, որ Արմենուհին նույն օրը Գագիկի հետ 10.000 ԱՄՆ դոլարը տարել և տվել են քաղաքապետարանի աշխատակցին, ում անունը Կարեն է: Սակայն հետագայում այդ գործը ձգձգվել է և Էլլան նույնիսկ ցանկացել է բողոքել ու ետ վերցնել գումարը: Այնուհետև իրենք հեռուստատեսությամբ իմացել են, որ քաղաքապետարանի աշխատակից Կարեն Միքայելյանը ձերբակալվել է, ով նույն Կարենն է եղել, ով պետք է իրականացներ կրպակի օրինականացման գործը և ում էլ Արմենուհին տվել է 10.000 ԱՄՆ դոլարը: Դրանից հետո Էլլան գնացել է ոստիկանություն և հաղորդում տվել կատարվածի մասին:
2010 թվականի հոկտեմբերի 22-ի պայմանագրի համաձայն` Արմենուհի Ջիգոյանը Էլլա Այվազյանից վերցրել է 10.000 (տաս հազար) ԱՄՆ դոլար, այդ գումարը տալով Գագիկ Դանիելյանին Երևան քաղաքի Վրացական փողոցի 15-րդ շենքին հարող մասում գտնվող կրպակի օրինականացման համար: Էլլա Այվազյանը հետագայում, օրինականացումից հետո պետք է վճարի Արմենուհի Ջիգոյանին 13.000 ԱՄՆ դոլար: Պայմանագիրը հաստատված է Հայկ Բաբայանի, Բորիս Ազիբեկյանի, Էլլա Այվազյանի և Արմենուհի Ջիգոյանի ստորագրություններով:
ՀՀ կենտրոնական բանկի պաշտոնական կայքի (www.cba.am) համաձայն` 2010 թվականի հոկտեմբերի 22-ին 1 ԱՄՆ դոլարի փոխարժեքը եղել է 359,87 ՀՀ դրամ:
Էլլա Լևանի Այվազյանի կողմից 2012 թվականի հունիսի 5-ին ներկայացված քաղաքացիական հայցի համաձայն` տուժող Էլլա Այվազյանը խնդրել է ամբաստանյալ Կարեն Պետիկի Միքայելյանից հօգուտ իրեն բռնագանձել 10.000 ԱՄՆ դոլար: Սակայն դատական վիճաբանությունների փուլում Էլլա Այվազյանը հայտնել է, որ հաշվի առնելով այն, որ իր տված 10.000 ԱՄՆ դոլարից 4.000 ԱՄՆ դոլարը վերադարձվել է Արմենուհի Ջիգոյանին, ապա նա խնդրել է, որպեսզի Կարեն Միքայելյանից հօգուտ իրեն բռնագանձել 6.000 ԱՄՆ դոլար:
Տուժող Հովհաննես Գրիգորյանը դատական քննության ընթացքում ցուցմունք տվեց այն մասին, որ իր տան 27քմ տարածքը եղել է ապօրինի: 2005 թվականին ինքն այդ ապօրինի տարածքն օրինականացնելու հարցով դիմել է Երևանի քաղաքապետարան, սակայն իրեն ասել են, որ չի թույլատրվում այն օրինականացնել: Աիդա Նալբանդյանը եղել է Արաբկիրի թաղապետարանի ավագանու անդամ: Ինքն ընտրությունների ժամանակ օգնել է նրան, իսկ նա էլ խոստացել է օգնել իրեն, որպեսզի այդ 27քմ տարածքը օրինականացվի: Աիդան իրեն ասել է, որ ծանոթ ունի, ով այդ հարցում կարող է օգնել իրեն: Դրանից հետո Աիդան իրեն ասել է, որ այդ ապօրինի տարածքն օրինականացնելու համար անհրաժեշտ է 2.500 ԱՄՆ դոլար: Ինքն Աիդայի հետ գնացել է Երևանի քաղաքապետարանի մոտ, որտեղ ինքը մնացել է դրսում, իսկ Աիդան մտել է քաղաքապետարան և ինչ-որ մեկին փոխանցել իր տված 2.500 ԱՄՆ դոլարը: Երևանի քաղաքապետարանից դուրս գալուց հետո, Աիդան իրեն ասել է, որ կարծես թե իրենց գործողություններն ապօրինի են և իրենք պետք է դիմեն ոստիկանություն: Ինքն ու Աիդան գնացել են ոստիկանություն, Աիդան մտել է շենք, իսկ ինքը սպասել է ոստիկանության շենքի դիմաց, որից հետո ինքն էլ է մտել շենք: Հովհաննես Գրիգորյանը խնդրել է 2.500 ԱՄՆ դոլարը վերադարձնել իրեն:
Տուժող Հովհաննես Գրիգորյանը նախնական քննության ընթացքում` 2011 թվականի մայիսի 27-ին ցուցմունք է տվել այն մասին, որ բնակվում է Երևան քաղաքի Հ.Էմին փողոցի 43-րդ տանը: 2005 թվականին հայրը մահացել է և նրա մահից հետո տունը որպես ժառանգություն մնացել է իրեն, սակայն կտակ չի եղել և տունը սեփականության վկայական չունի, քանի որ տան 27քմ տարածքը համարվում է ապօրինի կառույց: Հոր մահից հետո ինքը ցանկացել է տունը սեփականաշնորհել և ապօրինի կառույցն էլ օրինականացնել: 2008 թվականի այդ նպատակով ինքը դիմել է Երևանի քաղաքապետարան, սակայն գրավոր կարգով մերժում է ստացել, որ 27քմ տարածքն ապօրինի է, քանի որ այն կառուցված է պետական հողի վրա: 2011 թվականի փետրվարին ինքը պատահական հանդիպել է իր վաղեմի ծանոթ Աիդա Նալբանդյանին և խոսքի մեջ ասել է իր վերը նշված խնդրի մասին: Աիդան երկար տարիներ եղել է Արաբկիրի թաղապետարանի ավագանու անդամ: Աիդան իրեն ասել է, որ կաշխատի օրենքի շրջանակներում իրեն օգնել այդ հարցում և միաժամանակ իրենից ուզել է քաղաքապետարանի մերժման պատասխանը, որը մի քանի օր անց ինքը տվել է նրան: Դրանից հետո ինքը զանգահարել է Աիդային` իմանալու, թե ինչ է եղել իր գործը: Նա իրեն ասել է, որ զբաղվել է այդ հարցով, ծանոթ ունի Երևանի քաղաքապետարանում: Իր այդ ծանոթը ապօրինի կառույցների հարցերով զբաղվող հանձնաժողովի անդամ է և այդ անձը, ում անունը Կարեն է, խոստացել է 3.000 ԱՄՆ դոլար կաշառքի դիմաց օրինականացնել իր տան 27քմ ապօրինի տարածքը: Ինքը Աիդային ասել է, որ 3.000 ԱՄՆ դոլար չունի ու կարող է տալ միայն 1.000.000 ՀՀ դրամ և ինքը Աիդային խնդրել է, որ այդ գումարի չափը համաձայնեցնի Կարենի հետ: Հաջորդ օրն ինքը զանգահարել է Աիդային իմանալու, թե ինչ է եղել, իսկ Աիդան իրեն ասել է, որ 1.000.000 ՀՀ դրամով գործը կլինի: Մի քանի օր անց ինքն իր ոսկյա զարդերը գրավ է դրել Դավիթաշենի «Երևան Սիթի» խանութի դիմաց գտնվող բանկում և գրավի դիմաց իրեն տվել են 1.000.000 ՀՀ դրամ: 2011 թվականի ապրիլի վերջին ինքն այդ գումարը տվել է Աիդային: Այնուհետև մայիսի սկզբին 2-3 անգամ զանգահարել է Աիդային ու հետաքրքրվել, թե ինչ ընթացքի մեջ է իր գործը, իսկ Աիդան պատասխանել է, որ ընթացքի մեջ է և սպասում է Կարենի զանգին, որպեսզի գումարը տանի տա նրան: Այնուհետև ինքն ու Աիդան գնացել են Երևանի քաղաքապետարանի մոտ, որտեղ Աիդան զանգահարել է Կարենին և ասել, որ իրենք Երևանի քաղաքապետարանի մոտ են: Այդ ժամանակ Կարենն Աիդային հրավիրել է նրա մոտ, իսկ ինքը մնացել է դրսում: Մոտ 15 րոպե անց Աիդան դուրս է եկել և ասել, որ գումարն ամբողջությամբ տվել է Կարենին: Մի քանի րոպե քայլելով փողոցով և իրար հետ զրուցելով, ինքն ու Աիդան հասկացել են, որ հակաօրինական արարք են կատարել, զղջացել են և այնտեղից գնացել են ՀՀ ոստիկանության ԿՀԴՊԳՎ և հայտարարություն տվել կատարվածի մասին:
Վկա Հովհաննես Ղալեչյանը դատական քննության ընթացքում ցուցմունք տվեց այն մասին, որ 2010 թվականի մարտի 25-ից մինչև 2011 թվականի դեկտեմբերի 6-ն աշխատել է Երևանի քաղաքապետարանի աշխատակազմի առևտրի և սպասարկումների վարչությունում` որպես առաջատար մասնագետ: Ինքը ճանաչում է Կարեն Միքայելյանին և Գագիկ Դանիելյանին: Կարենն աշխատել է նույն վարչությունում` որպես գլխավոր մասնագետ: Ինքն ու Կարենը նույն աշխատասենյակում են աշխատել: 2011 թվականի մայիսի 27-ին Կարենն իրեն խնդրել է, որպեսզի զանգահարի ընդունարան և անցագիր պատվիրի: Դրանից հետո ընդունարանից անցագրով մի կին է բարձրացել և եկել իրենց աշխատասենյակ, իսկ Կարենն իրեն խնդրել է մի քանի րոպեով դուրս գալ: Ինքը դուրս է եկել և երբ վերադարձել է, տեսել է, որ Կարենը սենյակում չէ: Մեկ ժամ անց ՀՀ ոստիկանության ԿՀԴՊԳՎ աշխատակիցներ խուզարկել են իրենց աշխատասենյակը, այնտեղից վերցրել են մի քանի փաստաթղթեր և իրեն հրավիրել են ոստիկանության բաժին: Կարենն իրեն չի ասել, թե ինչու է ցանկանում տեսնել այդ կնոջը: Ի պաշտոնե Կարենի լիազորությունն է եղել հսկողություն իրականացնել Երևան քաղաքի առևտրի և հանրային սննդի օբյեկտներում:
Վկա Աիդա Նալբանդյանը նախնական քննության ընթացքում ցուցմունք է տվել այն մասին, որ 1996-2008 թվականներն աշխատել է Երևան քաղաքի Արաբկիրի թաղապետարանում` որպես ավագանու անդամ: Ինքն աշխատանքի բերումով շփվել է Արաբկիր համայնքի բազմաթիվ բնակիչների հետ, այդ թվում նաև Հովհաննես Գրիգորյանի հետ: 2011 թվականի ապրիլին ինքը փողոցում պատահական հանդիպել է Հովհաննեսին: Զրույցի ընթացքում Հովհաննեսն իրեն ասել է, որ 2005 թվականին հոր մահից հետո ժառանգություն է ստացել Երևան քաղաքի Հ.Էմինի 43-րդ տունը, որտեղ կա շուրջ 30քմ ապօրինի կառույց: Հովհաննեսը նաև իրեն ասել է, որ 2005 թվականից սկսած դիմել է տարբեր մարմիններին, այդ թվում նաև Երևանի քաղաքապետարան` հիշյալ ապօրինի կառույցն օրինականացնելու համար, սակայն այդ հարցը մինչև օրս չի լուծվել: Նա իրեն խնդրել է հնարավորության դեպքում օգնել նրան այդ կառույցի օրինականացման հարցում: Ինքը խոստացել է նրան հետաքրքրվել և հնարավորության դեպքում օգնել: Ինքն Արաբկիրի թաղապետարանում աշխատելու ժամանակ, Գագիկ Դանիելյանի միջոցով ծանոթացել է Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետ Կարեն Միքայելյանի հետ, ով այդ ժամանակ հանդիսացել է նաև Երևանի քաղաքապետի հրամանով ստեղծված ապօրինի շինությունների ուսումնասիրման և օրինականացման հանձնաժողովի անդամ: Այդ իսկ պատճառով ինքը որոշել է Հովհաննեսին պատկանող ապօրինի շինության օրինականացման հարցով դիմել Կարենին: 2011 թվականի ապրիլին ինքը գնացել է Երևանի քաղաքապետարան, որտեղ հանդիպել է Կարենի հետ և նրան ներկայացրել է խնդիրը: Կարենը խոստացել է իրեն օգնել Հովհաննեսին պատկանող ապօրինի շինության օրինականացման հարցում և դրա համար պահանջել է 3.000 ԱՄՆ դոլար: Այդ մասին ինքը տեղեկացրել է Հովհաննեսին, իսկ վերջինն էլ համաձայնել է: Մի քանի օր անց Հովհաննեսը իրեն է տվել 1.000.000 ՀՀ դրամ, որն ինքը պետք է փոխանցեր Կարենին: Գումարը տալուց Հովհաննեսն իրեն ասել է, որ ոսկյա զարդերն է գրավ դրել և վերցրել այդ գումարը: Քանի որ Կարենն իրեն ասել է, որպեսզի ինքը սպասի մինչև նա հարցերը կարգավորի, ինքը Հովհաննեսի տված գումարը ծախսել է իր անձնական կարիքների համար: Այդ ընթացքում ինքը մի քանի անգամ իր` 093-09-88-57 բջջային հեռախոսահամարից զանգահարել է Կարենի բջջային հեռախոսահամարին և հետաքրքրվել է վերոհիշյալ հարցի վերաբերյալ: Կարենն իրեն ասել է, որ նա այդ հարցը կլուծի: 2011 թվականի մայիսի 23-ից 25-ն ընկած ժամանակահատվածում Կարենը զանգահարել է իրեն և ասել, որ Հովհաննեսի տան ապօրինի շինությունը օրինականացնելու հարցը կարգավորվում է և պահանջել է 3.000 ԱՄՆ դոլարը: Քանի որ ինքը Հովհաննեսի տված գումարը ծախսել էր, Կարենին խնդրել է սպասել երկու օր, ասելով, որ Հովհաննեսը դեռևս գումարը չի տվել: Միաժամանակ ինքը սկսել է սակարկել, որպեսզի Կարենն այդ հարցը կարգավորի 2.500 ԱՄՆ դոլարով, ինչին նա համաձայնել է: 2011 թվականի մայիսի 26-ին ինքն իր աղջկանից պարտքով 2.500 ԱՄՆ դոլար է վերցրել: Ինքը զանգահարել է Կարենին և ասել, որ գումարն իր մոտ է ու կարող է տալ: Իրենք պայմանավորվել են հանդիպել, որպեսզի ինքը գումարը փոխանցի Կարենին: Ինքը Հովհաննեսի հետ գնացել են Երևանի քաղաքապետարանի մոտ և ինքը մոտենալով անցագրային բաժին իր անունով անցագիր է վերցրել ու բարձրացել է քաղաքապետարանի երկրորդ հարկում գտնվող Կարենի աշխատասենյակ: Աշխատասենյակում, բացի Կարենից գտնվել է ևս մեկ աշխատող` Հովհաննես անունով, ով Կարենի խնդրանքով դուրս է եկել սենյակից: Երբ սենյակում գտնվել են ինքը և Կարենը, ինքը նրա պահանջով տվել է 2.500 ԱՄՆ դոլարը: Կարենը վերցնելով գումարը, այն դրել է սեղանի դարակներից մեկում և իրեն ասել է, որ ամեն ինչ նորմալ է, մի քանի օրվա ընթացքում Հովհաննեսի ապօրինի կառույցի օրինականացման հարցը կլուծվի: Այնուհետև ինքը դրսում սպասող Հովհաննեսին ասել է, որ գումարը տվել է և նրա տան ապօրինի կառույցի հարցը շուտով կլուծվի: Հովհաննեսի հետ զրուցելուց հասկացել են, որ իրենք սխալ են կատարել, որ համաձայն գործող կարգի ապօրինի շինություններն առանց որևէ դժվարությունների օրինականացվում են և հասկանալով, որ իրենց կատարածը քրեորեն պատժելի արարք է, իրենք որոշել են կամովին ներկայանալ ՀՀ ոստիկանության ԿՀԴՊԳՎ և պատմել կատարվածի մասին: Ինքը լսել է իրեն ներկայացված 3 ձայնասկավառակները և այդ ձայնասկավառակներում առկա են իր և Կարենի միջև խոսակցությունները, որոնք վերաբերում են Հովհաննեսի տան ապօրինի կառույցն օրինականացնելու, ինչպես նաև գումարի հարցերի շուրջ խոսակցությանը:
Վկա Աիդա Նալբանդյանը նախնական քննության ընթացքում լրացուցիչ ցուցմունք է տվել այն մասին, որ ինքը չի հիշում, թե ով է իրեն ասել, որ Կարեն Միքայելյանը հանդիսացել է ապօրինի շինությունների ուսումնասիրման և օրինականացման հանձնաժողովի անդամ և ինքը չի իմացել, թե իր լսածն իրողություն է եղել, թե ոչ: Կարենն իրեն չի ասել, թե ում միջոցով և ինչ եղանակով պետք է օրինականացնի Հովհաննեսի ապօրինի կառույցը, այլ ասել է, որ ինքը կարող է լուծել այդ հարցը: Կարենը նաև իրեն չի ասել, որ ունի համապատասխան լիազորություններ ապօրինի կառույցը օրինականացնելու համար: Ինքն ընդամենը վստահել է նրան և երաշխիքը եղել է այն, որ ինքը նրան վաղուց է ճանաչել, ինչպես նաև այն, որ նա քաղաքապետարանի աշխատող է եղել:
Վկա Էլլա Գրիգորյանը դատական քննության ընթացքում ցուցմունք տվեց այն մասին, որ ինքը դեպքի մանրամասները լավ չի հիշում, քանի որ բավականին ժամանակ է անցել: Ինքը հիշում է, որ մոտ 1 տարի առաջ իր մայրը` Աիդա Նալբանդյանը իրենից պարտքով մոտ 2.000 ԱՄՆ դոլար է վերցրել, որը ինքը պարտքով տվել է մորը, իսկ նա ետ է վերադարձրել: Ինքը չի իմացել և չի էլ հարցրել մորը, թե այդ գումարն ինչի համար է անհրաժեշտ եղել:
Վկա Էլլա Գրիգորյանը նախնական քննության ընթացքում ցուցմունք է տվել այն մասին, որ 2003-2007 թվականներն աշխատել է Արաբկիրի թաղապետարանում` որպես կրթության բաժնի առաջատար մասնագետ: Ինքն ամուսնու վաստակած, ինչպես նաև ԱՄՆ-ից ուղարկված գումարներից հավաքել էր մոտ 3.000 ԱՄՆ դոլար: 2011 թվականի մայիսի 26-ի երեկոյան իր մայրը գնացել է իրենց տուն և իրեն ասել է, որ նրան շտապ 2.500 ԱՄՆ դոլար է հարկավոր: Ինքը մորն ասել է, որ տանն ունի խնայած գումար և կարող է նրան տալ 2.500 ԱՄՆ դոլար: Մայրը վերցնելով գումարը խոստացել է, որ մի քանի օրից այն ետ կվերադարձնի: Մայրն իրեն ոչինչ չի ասել և ինքն էլ չգիտի, թե այդ գումարն ինչի համար է անհրաժեշտ եղել: Ինքը երկու օր անց հեռուստացույցով տեղեկացել է, որ 2.500 ԱՄՆ դոլար կաշառք ստանալու համար բռնվել է Երևանի քաղաքապետարանի աշխատակից Կարեն Միքայելյանը, իսկ հետագայում մայրն իրեն պատմել է, որ նա է այդ գումարը տվել Կարենին:
Անձնական խուզարկություն կատարելու 2011 թվականի մայիսի 27-ի արձանագրության համաձայն` Կարեն Պետիկի Միքայելյանը սև անդրավարտիքի ձախ գրպանից ներկայացրել է մուգ կապույտ թաշկինակի հետ միասին 1.500 ԱՄՆ դոլար, իսկ բաց կապույտ վերնաշապիկի դրսի ձախ գրպանից ներկայացրել է օպտիկական ակնոց և 1.000 ԱՄՆ դոլար, ինչպես նաև սև անդրավարտիքի ետևի աջ գրպանից ներկայացրել է իր անվամբ Երևանի քաղաքապետարանի կողմից տրված թիվ 267 կարմիր կազմով վկայական, որի մեջ առկա է եղել սևագիր թուղթ` «Հ.Քոչարի 20/9 Կ.Պետրոսյան, Համբարձումյան 18/4 Է.Պողոսյան, Բակունցի 55 Է.Մխիթարյան, Դրոյի 14/1 Ս.Պետրոսյան» գրառումներով: Բացի վերը նշվածից Կարեն Միքայելյանը ներկայացրել է նաև «Սամսունգ D700» տեսակի բջջային հեռախոս, որի մեջ տեղադրված է եղել 077-92-29-72 բջջային հեռախոսահամարը: Կարեն Միքայելյանը հայտարարել է, որ իր մոտից անձնական խուզարկությամբ հայտնաբերված և ներկայացված ընդհանուր` 2.500 ԱՄՆ դոլարը 2011 թվականի մայիսի 27-ին` ժամը 11:30-ի սահմաններում, Երևանի քաղաքապետարանի թիվ 201 աշխատասենյակում պայմանավորվածության համաձայն իրեն է տվել Աիդա Նալբանդյանը:
Առգրավում կատարելու մասին 2011 թվականի հուլիսի 12-ի արձանագրության համաձայն` առգրավվել է 2011 թվականի մայիսի 27-ին Աիդա Նալբանդյանի կողմից Երևանի քաղաքապետարանի վարչական շենք մուտք գործելու անցագիրը, որի վրա առկա է անցագրի հերթական 34 համարը:
Երևանի քաղաքապետարանի թիվ 34 անցագրի համաձայն` 2011 թվականի մայիսի 27-ին` ժամը 11:27-ին, Երևանի քաղաքապետարանի 2-րդ հարկի 201-րդ սենյակ մուտք գործելու համար, անցագիր է տրվել Աիդա Նալբանդյանին, իսկ 2011 թվականի մայիսի 27-ին` ժամը 11:30-ին, Աիդա Նալբանդյանը դուրս է եկել Երևանի քաղաքապետարանի շենքից:
Իրեղեն ապացույց ճանաչելու մասին 2011 թվականի հուլիսի 12-ի որոշման համաձայն` թիվ 69103411 քրեական գործով Կարեն Պետիկի Միքայելյանի անձնական խուզարկությամբ հայտնաբերված, Աիդա Նալբանդյանից ստացած 2.500 ԱՄՆ դոլարը` 25 հատ 100 ԱՄՆ դոլարանոց թղթադրամներով, ճանաչվել է իրեղեն ապացույց:
ՀՀ կենտրոնական բանկի պաշտոնական կայքի (www.cba.am) համաձայն` 2011 թվականի մայիսի 27-ին 1 ԱՄՆ դոլարի փոխարժեքը եղել է 377,60 ՀՀ դրամ:
Զննություն կատարելու մասին 2011 թվականի հուլիսի 9-ի արձանագրության համաձայն` զննության է ենթարկվել Կարեն Պետիկի Միքայելյանի հեռախոսային խոսակցությունների գաղտնալսման ձայնասկավառակը: Սկավառակում առկա է 5-398-11 համարի ֆայլ, որում առկա են 29 ֆայլեր: Բոլոր ֆայլերը համապատասխան գրառումներով են, որտեղ նշված են ձայնասկավառակի 5-398-11 համարը, հեռախոսային խոսակցության տարին, ամիսը, օրը, ժամը, րոպեն և վայրկյանը, ինչպես նաև Կարեն Միքայելյանի` 077-92-29-72 բջջային հեռախոսահամարը և տարբեր բջջային հեռախոսահամարներ, որոնց միջև տեղի են ունեցել հեռախոսազանգերն ու խոսակցությունները:
1) 5-398-11_20-16-02_26.04.2011_96036748_077922972 գրառումը կրող ֆայլում առկա է Արմենուհի Ջիգոյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 3 րոպե 59 վայրկյան տևողությամբ, հետևյալ բովանդակությամբ.
Ա.Ջ. - «Կարեն էսօր քո հեռախոսի վրա զանգել են` 261711 համարից, քեզ զանգել են դու չես վեկալել»:
Կ.Մ. - «Չեմ իմանում»:
Ա.Ջ. - «Ինձ էր զանգել Էլլան ասում էր, առավոտվանից զանգում եմ իրան, հեռախոսը չի վեկալում, հիմա էտ մարդը, որ ես Գագոյի ասելով տարել եմ փողը տվել եմ. ամսի 10-ի վրով թուղթը ստորագրել եմ, հիմա ասումա, պիտի զանգեմ իրա հետ խոսամ, որ ինքը ինձ հաստատ ասի, որ ամսի 10-ին իմ որոշումը դնի սեղանին, ես քեզ չեմ վստահում: Ես էն ժամանակվանից քո համարը տվել եմ զանգելա քեզ, էդ ժամանակվանից քո համարը պահելա»:
Կ.Մ. - «Արի վաղը կզանգվենք, ես չեմ իմանում զանգելա, թե չէ»:
Ա.Ջ. - «Կարեն ես քեզ ասում եմ, որ Էլլան քեզ զանգելա, զանգելա ինձ ասում ա, Նելի ջան առավոտվանից զանգում եմ իրան չի վեկալում: Ես քեզ կոնկրետ ասում եմ, էսօր զանգել ասում ա իմ որոշումը 10-ին տալու են, թե չէ»:
Կ.Մ. - «Ես չեմ իմանում, որ համարով ա զանգում»:
Ա.Ջ. - «Դե ես իրա համարը տալիս եմ, տես հետը ուզում ես խոսա, չխոսաս, մտածենք տենանք ինչ ենք անում»:
Կ.Մ. - «Ասա, վաղը առավոտ թող զանգի ինձ, համարը տուր»:
Ա.Ջ. - «Գրի 261711, ասումա տենամ իմ որոշումը ամսի 10-ին տալուա, թե չէ»:
Կ.Մ. - «Դե ասա առավոտ թող զանգի»:
2) 5-398-11_20-23-09_26.04.2011_77922972_096036748 գրառումը կրող ֆայլում առկա է Կարեն Միքայելյանի և Արմենուհի Ջիգոյանի միջև տեղի ունեցած հեռախոսային խոսակցության ձայնագրառումը` 1 րոպե 28 վայրկյան տևողությամբ, հետևյալ բովանդակությամբ.
Կ.Մ. - «Երկու անգամ, ժամը 2 անց 14-ին ու 15-ին, մի րոպեյվա ընթացքում 2 հատ զանգելա, նոր գտա»:
Ա.Ջ. - «Հիմա ես գնացել եմ, խոսացել եմ, որ ամսի մեկով ես իրա հետ մտնում եմ իմ խանութ կիսովի, էտ 4.000 դոլարն էլ տարա տվեցի ինքը վեկալավ»:
Կ.Մ. - «Ես առավոտը խորհրդակցության եմ»:
Ա.Ջ. - «Ինձ թվումա, որ կզանգի քեզ, ինքը պայմանավորվելա իրավաբանի հետ, ուզումա քո մոտ գա ամսի տասով իրան որոշում եք տալու, որովհետև ինձ զանգեց, ասեց իրավաբանի հետ պայմանավորվել եմ, որ գնանք իրա մոտ, ինքը հիմա գալույա քո մոտ, հիմա ինքը որ գա քո մոտ, իրավաբանը քեզ տենա, հիմա ես չեմ իմանում ինչեր տակից կհելնի, հիմա մարդիկ ձայնագրություններով են ման գալիս: Հեսա իրավաբանն էլ եկավ քեզի դեմքով տեսավ վսյո: Ուզում ես համարը իրա մի վեկալ, կամ որ վեկալես հեռախոսով խոսա, չգիտեմ, ինքը ոնց ասումա, ասումա իրավաբանին պտի տանեմ իրա մոտ»:
Կ.Մ. - «Լավ վաղը ես ու դու կզանգվենք»:
3) 5-398-11_20-35-40_26.04.2011_93289836_077922972 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 3 րոպե 22 վայրկյան տևողությամբ, հետևյալ բովանդակությամբ.
Կ.Մ. - «Ասումա ինքը քո համարը վաղուցվանից ունի, ասումա էսօր մի 2-3 անգամ քեզա զանգել ասումա պիտի ադվակատի հետ գա իմ մոտ»:
Գ.Դ. - «Լավ հիմի էտի ինչա, ուզումա մուտիտներ անի, դրա համար եմ ասում էտի մուտիտներա անում, են ժամանակ 4 էր բան անում 5 սարքեք, եթե պետքա կեսը թող ընենց անի կեսը ընենց, էտի ըտենց մուտիտներա անում, արդեն ես հասկացա, որ ինքն ա ավելի բան անում, հեսա ես կզանգեմ կասեմ քեզ ովա ըտենց բան ասել 10.000-ը, ես ասել եմ 4.000 տալիս ենք, եթե գործը չլինի, էտ իրա 10.000-ը էլի հետ կտանք, բայց գործը, էտի ուշացրել ենք դրա համար ենք տալիս, բայց գործը ըլնելույա»:
Կ.Մ. - «Դե հենա դու ես ասել էլի փաստորեն»:
Գ.Դ. - «Քո ասածն եմ ասել, ասել եմ գործը անելու ենք, էտ էլ կամպեսացիա, 6.000-ով գործ ենք անելու»:
Կ.Մ. - «Հա, բայց ինքը ասումա, եթե հանկարծ մինչև ամսի 10-ը չտվիք, 10.000 հետ եք տալի»:
Գ.Դ. - «Իրա էտ 4.000-ի 10.000, չէ 1.000 էլ կարողա մեզ տան, որովհետև էն ժամանանակ ասում էր ըտենց»:
Կ.Մ. - «Ասում եմ դու ասել ես 10-ն ենք հետ տալիս...»:
Գ.Դ. - «Արա Կարեն ես ըտենց բան ոնց կարամ ասեմ, Կարեն էտ փողը ես եմ վեկալել կամ ես եմ տալու, որ ես էլ ասեմ»:
Կ.Մ. - «Ասումա ինձ Գագոն ոնց ասելա, ես ըտենց էլ ասել եմ, էտ 4.000 ասումա տվել եմ ու ասումա էն վախտով, Գագոն ասելա էս 4-ը վերցրա, եթե հարցը չլուծվի 10-ն էլ հետ ենք տալի, ասումա»:
Գ.Դ. - «Բա չասեցիր այ ախպեր ջան, այ Նելի դու ինձ 1.000 էիր ասում, հենա 1.000 հետ կտայինք քեզ, էլ խի էինք 4-ը տալի, էտ մարդը 1.000 էր կամպեսացիա ուզում»:
Կ.Մ. - «Դե ասումա, իսկ դուք 4 տվեցիք, լավա ասումա, ապրեք ասումա, հիմա էլ ասումա էտքանը քիչա, վաղը ադվակատի հետ գալու ա քու մոտ»:
Գ.Դ. - «Սուտա ասում, հեսա ես կզանգեմ կխոսամ հետը, վարյանտ չկա, որ ադվակատի հետ գա, բա դու էլ 4-ը խի էիր տվել, մենք էտ 4-ը տվինք, որ մինչև ամսի 10-ը ձենը կտրի, էտ ինչ մուտիտներա ես չեմ հասկանում, փաստորեն կարող ա էտի իրա փողնա, մուտիտներա անում, սպասի հեսա զանգեմ հետը խոսամ»:
4) 5-398-11_20-39-50_26.04.2011_77922972_093289836 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 2 րոպե 27 վայրկյան տևողությամբ, հետևյալ բովանդակությամբ.
Կ.Մ. - «Լսի, հիմի էսի վաղը ասումա ինքը պտի զանգի պտի գա, ինչ ենք անելու»:
Գ.Դ. - «Ոչ մի բան էլ չի անելու, սուտա ասում, վաղը չի գա, դու չասեցիր, որ պայմանավորվել ենք ամսի 10-ին»:
Կ.Մ. - «Չէ, չէ, զանգելա էսօր իսկականից երկու հատ զանգա, ես պրոստը պատահական չեմ վեկալել, զբաղված եմ եղել»:
Գ.Դ. - «Դու էլ կասես պայմանավորվել ենք ամսի 10-ին, ամսի 10-ին նոր կգաք իմ մոտ»:
Կ.Մ. - «Ասումա էտի վտանգավոր կենդանիա, եթե զանգա տալիս ուրեմն զապիսա անում»:
Գ.Դ. - «Դե թող ինքը գա խոսա հետը, հեսա, որ ինքը զանգի, կասեմ խոսացել ենք մենք, պայմանավորվել ենք, 4.000 տարել տվել ես, պայմանավորվել ենք, կարողա ինչ-որ բաներա լսել, որ չի լինում, բան, ըտենց բաներա լսել»:
Կ.Մ. - «Չգիտեմ, ինձ ասումա ամսի 1-ից մտնումա իմ օբյեկտը, մտնումա ընդեղ սկսումա աշխատել, բայց ասումա եթե ամսի 10-ին թղթերը չելավ, ասումա բացի էտ 4-ից 10.000 փող էք տալիս»:
Գ.Դ. - «Բա դու ինչ ասիր»:
Կ.Մ. - «Դե ես չէի կարա խոսաի»:
Գ.Դ. - «Հեսա երևի ինքնա զանգում, երկրորդ զանգա գալիս, ալո»:
Կ.Մ. - «Էսօր ինչ ես խոսացել ընդե»:
Գ.Դ. - «Էսօր չեմ խոսացել, քանի օր առաջ եմ խոսացել, երեկ չէ առաջին օրն եմ խոսացել»:
Կ.Մ. - «Բա ինձ ասումա էսօր եք խոսացել»:
Գ.Դ. - «Դե սուտա ասում, զանգա գալիս սպասի ես խոսամ»:
5) 5-398-11_20-43-14_26.04.2011_93289836_077922972 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 1 րոպե 51 վայրկյան տևողությամբ, հետևյալ բովանդակությամբ.
Գ.Դ. - «Հլը համարը դրա ասա, ինչ համարովա զանգել»:
Կ.Մ. - «Բա հենա զանգում էր քեզ»:
Գ.Դ. - «Չէ ինքը չէր, տանից էր»:
Կ.Մ. - «Լսի հմի ես չեմ ջոգում դրա ուզածը ինչա»:
Գ.Դ. - «Արա ես էլ հիմի ուզում եմ իմանամ, թե դրա ուզածը ինչա, կամ ես երբ եմ ըտենց բան ասել, որ են 4.000 հեչ, 10.000 տալու ենք դրան, ովա ըտենց բաներ ասել, հետո ինձ թվումա, որ արդեն, որ էտի ինքնա արդեն սկսելա մուտիտներ անել, ստից մտից բաներա, թող մտնի, ինքը ասեց, որ 2.000 վերցրել եմ ես էտ փողը, չեմ կարում տամ»:
Կ.Մ. - «Ախպեր դու չես ջոգում, թե էս ինչա անում, ինձ թվումա ինքը արդեն զբաղվածա շանտաժով, էտքան բան»:
Գ.Դ. - «Շանտաժով հո չի կարա ըտենց անի, սաղ էլ գիտեն որ տվել ես, ես կասեմ ես քեզ ըտենց բան ասել եմ, եթե ձայնագրել ես հլը դե տուր, էտ որտիցա ըտենց բան լսե, որ 4-ը վեկալ, հետո բանա: Ասի 4 վեկալում եք, իսկ գործը որ լինումա էտի արդեն քվիդ ենք լինում»:
6) 5-398-11_20-47-09_26.04.2011_77922972_093289836 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 24 վայրկյան տևողությամբ, հետևյալ բովանդակությամբ.
Կ.Մ. - «Լսում ես»:
Գ.Դ. - «Հա»:
Կ.Մ. - «036748, բայց 96-ով»:
Գ.Դ. - «Հա, լավ»:
7) 5-398-11_21-06-45_26.04.2011_93289836_077922972 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 2 րոպե 16 վայրկյան տևողությամբ, հետևյալ բովանդակությամբ.
Գ.Դ. - «Լսի ես զանգեցի խոսացի, ասեցի ինչ էս ստից, ինչ էս ասել, բա ես ըտենց, որ գործը պտի ըլնի, հետո էտ բանը, հա ասի էտ գործը ըլնելու դեպքում, ասի բա ինչ էս ասել 4.000 կամպեսացիայա, էտ փողը հետ չեն ուզի, 10.000 էլ, ասումա ես ընտենց չեմ ասել ես ասել եմ, որ եթե գործը ըլնի էտ 4-ը հետ չենք տալու էլի: Դե վոպշմ էտի պարզա, էտի ըտենցա, իմ ասելով ա: Հիմա ինչ մնում ա դրան, ասում ա կարողա դրանք չեն հավատում, որ ամսի 10-ին ըլնելու ա, դրա համարել էլ ուզում ենք քո հետ խոսանք, դու խոսաս, որ ամսի 10-ին լինելուա էտ գործը, հիմա ինչ պատասխանեմ դրանց, ասի հանգիստ թողեք մարդկանց, ասի թող աշխատեն, ասի էտ գործը մինչև ամսի 10-ը պետքա արվի»:
Կ.Մ. - «Արի սենց անենք, ես վաղը կզանգեմ քեզ, կպայմանավորվենք էտ անասունի հետ, բայց առանձին կարելիա հանդիպել»:
Գ.Դ. – Չէ, բայց էտ Նելին ասումա ես զանգեմ ինչ ասեմ իրան, հիմա Նելին պտի զանգի իրան, ասեմ վաղը զանգի»:
Կ.Մ. - «Հա թող վաղը զանգի»:
Գ.Դ. - «Լավ, լավ»:
8) 5-398-11_21-09-17_26.04.2011_93289836_077922972 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 34 վայրկյան տևողությամբ, հետևյալ բովանդակությամբ.
Կ.Մ. - «Մոռացա ասեմ, դու դրան ասա, էտ Էլայա ինչ ... (հայհոյում է), թող դրան ասի, բացատրի, որ իմ համարը մոռանա, թող մի քիչ չոր կոպիտ ասի, թող ասի, եթե պտի զանգ տաս էտ համարին ու էշ-էշ խոսաս, էտ հարցը փակվում է և վերջ»:
Գ.Դ. - «Հա, լավ ախպեր»:
9) 5-398-11_13-06-34_27.04.2011_93289836_077922972 գրառումը կրող ֆայլում առկա է Գագիկ Դանիելյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 10 րոպե 38 վայրկյան տևողությամբ, հետևյալ բովանդակությամբ.
Կ.Մ. - «Հա ապեր»:
Գ.Դ. - «Հա բա չզանգեցիր, ինչ պտի անենք, ասիր կզանգեմ առավոտը կպայմանավորվենք»:
Կ.Մ. - «Երեկ, որ ընձի զանգել էր էտ տավարը, ասումա ինքը իրա ադվակատի հետ պտի հելնի գա քո մոտ, ես հասկանում եմ, որ էտի չլնելու բանա, ոնց կլինի, ես ընդե գրել մրել իրեան տվել եմ, ինքը ասումա չէ, ես պտի էթամ, Կարենը պտի գրի, ինքը պտի գրի, հմի դու ասա, ինչ անեմ»:
Գ.Դ. - «Էդքանի մասին գրի, էտքան տվել էս գրի, որ էսքան տվել եմ, էնի ասումա ես տվել եմ ես գրել եմ, դու գործ ըլնելը մի գրի, գրի էսքանը տվել եմ»:
Կ.Մ. - «Լսի չես հասկանում, դու պատկերացնում ես ինչ ես ասում, այսինքն հելնի գա ստե»:
Գ.Դ. - «Մի տե նորմալ պայմանավորվենք էտ աղջկա հետ»:
Կ.Մ. - «Դու հասկանում էս դու ինչ ես ասում մոտավորապես, էտ մարդուն ես, ես իմ ստեի գլխավոր դերակատարների մասով, ապուշ մի հատ շանտաժիստի մեկն ա ու դու ասում ես հետը հանդիպեմ բան ման գրեմ»:
Գ.Դ. - «Էրեկ են Մելինեն բերանը շախ տվեց, ես գիտեմ, որ չի լինելու, խի եք իզուր տեղը մարդկանց խաբում, ավելի լավ չի փողը վեկալեք գցեք իրանց, մարդը վախեցած ա, որ չի լինելու էտ գործը, շուխուռ են գցում, բաներ են անում»:
Կ.Մ. - «Էտ ում հետ են հադիպում»:
Գ.Դ. - Չհասկացա, շատ մոտիկ մարդա, ղեկավարա, ասի կարողա թաղապետին են տեսել, ասեց չէ, թաղապետարանից ա, անուն չտվեց, ասեց եթե Կարենը կարանա տենց անի ուրեմն անունս կփոխեք, Կարենը ոչ մի գործ չի կարում անի, տենց բաներա խոսացել: Հիմա ես վախում եմ, շուխուռները վաղը մյուս օրը ուրիշ տեղից էլ սկսեն հետաքրքրվել: Պետքա մի հատ դրանց հետ խոսացվի, ասվի 100 տոկոսով մինչև ամսի 10-ը լինելուա, դրանք վախեցած են»:
Կ.Մ. - «Ինձ թվումա էտի սաղ Մելիննա անում, ինքնա սաղ կազմակերպում»:
Գ.Դ. - «Ասումա, զգուշացնում ա, որ գալուա ամսի 10-ը չի լինելու»:
Կ.Մ. - «Ինչ անեմ, վրազ փող ճարեմ տամ ձեռը»:
Գ.Դ. - «Չգիտեմ մի բան մտածի»:
Այնուհետև Գագիկ Դանիելյանը և Կարեն Միքայելյանը զրուցում են 15 տարի կառուցապատման իրավունքով շինության վերաբերյալ, որում գործի համար կարևոր նշանակություն ունեցող տվյալներ չկան:
10) 5-398-11_12-23-45_03.05.2011_37455370102_077922972 գրառումը կրող ֆայլում առկա է Կարեն Միքայելյանի և մի տղամարդու միջև տեղի ունեցած հեռախոսային խոսակցության ձայնագրառումը` 1 րոպե 9 վայրկյան տևողությամբ, հետևյալ բովանդակությամբ.
Տ. - «Ալո»:
Կ.Մ. - «Ալո»:
Տ. - «Կարեն բարի օր»:
Կ.Մ. - «Բարլուս»:
Տ. - «Կարեն»:
Կ.Մ. - «Հա ջան»:
Տ. - «Հիմա լսի, սենց մի հատ բան եմ ասում քեզ, դու մինչև ամսի 10-ին որոշումը ստույգ կարում ես տաս ինձ»:
Կ.Մ. - «Ոնց որ թե կարում եմ, այ ցավդ տանեմ, բա ինչով եմ զբաղված»:
Տ. - «Հլը լսի մի վայրկյան բան եմ ասում, ինձի բան պետք չի, ես էլ ոչ ներվեր ունեմ, ոչ էլ բան, ամսի 10-ին կամ որոշումն ես տալիս կամ էլ վաղը մյուս օրը 7.000 դոլարը»:
Կ.Մ. - «Հա դե բա տենց էլ պտի լինի»:
Տ. - «Հա էլ ուրիշ տարբերակ չի լինելու, մի ժամ երկու ժամ»:
Կ.Մ. - «Չէ, չէ, չէ այ ցավդ տանեմ, ոչ մի տարբերակ, ուրեմն ոչ մի ձևի, ոչ մի տեսակի տարբերակ չի կարա լինի»:
Տ. - «Ամսի 10-ին պատալոկ կամ որոշումը կամ 7.000 դոլարը»:
Կ.Մ. - «Հա հա բա էտի նենց ես ասում, ոնց որ ես չգիտեմ, ես օր ու գիշեր դրա մասին գիտեմ էլ, ուրեմն ասում եմ քեզ, ուղիղ 20-25 րոպե առաջ Գագոն էր զանգել, նույն բանը ինքն էր հարցնում, այ քեզ բան»:
Տ. - «Էղավ»:
11) 5-398-11_14-58-04_09.05.2011_37491470101_077922972 գրառումը կրող ֆայլում առկա է Նորիկ Դավթյանի և Կարեն Միքայելյանի միջև տեղի ունեցած հեռախոսային խոսակցության ձայնագրառումը` 3 րոպե 22 վայրկյան տևողությամբ, հետևյալ բովանդակությամբ.
Կ.Մ. - «Դա»:
Ն.Դ. - «Կարեն ջան բարլուս, ապեր Նորիկն ա Ռայկոմից»:
Կ.Մ. - «Հա Նոր, իմացա Նորիկ ջան»:
Ն.Դ. - «Ախպեր ջան Էդոն խոսաց քո հետ»:
Կ.Մ. - «Հա մի 10 րոպե առաջ»:
Ն.Դ. - «Հիմի եկել են էս մայիսի 9-ի օրով այ ախպեր սենց բան են անում, սենց բան ով ա տեսել, խի սենց բանա լինում»:
Կ.Մ. - «Նորիկ աշխատումա բուտկեդ»:
Ն.Դ. - «Հա բա ինչա անում, աշխատողներն եկել ասել են վեշերը հանեք քաղաքապետարանից ասել են, որ հանեք»:
Կ.Մ. - «Էտի ձեր Մուշեղյան Էդոյի ֆոկուսներն ա»:
Ն.Դ. - «Հա որ մեկի հետ էլ խոսում եմ ասումա միլիոն տոկոս սաղ դրա ...»:
Կ.Մ. - «Հա ինքնա էտի իրա ... ա, ... մտնելու մեկ էլ իրա բանը ցույց տալու»:
Այնուհետև Կարեն Միքայելյանը Նորիկ Դավթյանին խոստանում է, որ վաղը կգնա աշխատանքի վայր և կիմանա, թե ինչ կարող է անել նրա կրպակը չապամոնտաժելու համար:
12) 5-398-11_21-32-53_10.05.2011_91599919_077922972 գրառումը կրող ֆայլում առկա է Կարեն Միքայելյանի և Աշոտ Իսրայելյանի միջև տեղի ունեցած հեռախոսային խոսակցության ձայնագրառումը` 1 րոպե 17 վայրկյան տևողությամբ, հետևյալ բովանդակությամբ.
Կ.Մ. - «Հա Աշ ջան, հա»:
Ա.Ի. - «Կարեն»:
Կ.Մ. - «Հա ջանա»:
Ա.Ի. - «Դու ուր ես ախպեր»:
Կ.Մ. - «Ես գործով մի հատ տեղ եմ, ցավդ տանեմ, ասա Աշ ջան»:
Ա.Ի. - «Կար ջան, հմի Նորիկի հետ նստած ենք սենց դեմ ու դեմ»:
Կ.Մ. - «Հասկացա»:
Ա.Ի. - «Հա, մի հատ խնդրանք էլի քեզ ցավդ տանեմ, մի հատ կարաս Նորիկին ասես էդ գումարը դու ես տալու, թե ով ա տալու»:
Կ.Մ. - «Լսի արի հմի ես չեմ կարա խոսամ, մարդ կա հետս ուրեմն, դու գիտես ինչ եմ ասելու դու ասա վաղը կհանդիպենք հա իրար հետ»:
Ա.Ի. - «Վաղը կհանդիպենք իրար հետ»:
Կ.Մ. - «Հա, դիր ավտոն, քշի գործիս տեղ, վեկալ իրան, իրար հետ իջեք ներքև, վաղը կխոսանք, վաղը 11-ի 12-ի յաները Աշոտ քշի արի ներքև, գործիս տեղը, էղավ»:
Ա.Ի. - «Էղավ լավ»:
13) 5-398-11_22-50-54_10.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 5 րոպե 25 վայրկյան տևողությամբ, հետևյալ բովանդակությամբ.
Կ.Մ. - «Հա, հա»:
Գ.Դ. - «Արա դե ասեցի դու զանգի էլի էտ զիբիլին Նելիա ա ինչա, դու բան անեիր, դու ուզեիր, էտ աղջիկը զանգեց ասեց ուրա որոշումը, ասեցի չգիտեմ, չեն զանգել, չկա, ասեց դե ես վաղը գնում եմ, չնեղանաք, ես էլ խոսում եմ ատբոյ դրեց, ես էլ խոսում եմ Նելի, Նելի տենում եմ Նելի չկա, դու պտի բան անեիր խոսաիր»:
Կ.Մ. - «Չէ, ես..., ավելի վատ կլնիներ»:
Գ.Դ. - «Արա ընդհակառակաը դու կասեիր ուզում եմ մի հատ նրան տենամ, մի բան կմատածեիր, մի բան կասեիր, կհամոզեիր, հիմա ըտենց թողնում ես ինչ ուզի անի հա, ամաչում ես զանգես Կարեն»:
Կ.Մ. - «Չե այ մարդ, չէ չէ հորս արեև»:
Գ.Դ. - «Դե լավ սպասենք տենանք վաղը ինչա լինում»:
Կ.Մ. - «Հլը մի հատ էլ զանգի էտ անասունին»:
Գ.Դ. - «Ատբոյ տվեց, չէր ուզում լսեր որ չերկարացնեի, մի հատ սպասի զանգա գալիս»:
Այնուհետև Գագիկ Դանիելյանը միանում և սկսում է զրուցել Արմենուհի Ջիգոյանի հետ հետևյալ բովանդակությամբ.
Գ.Դ. - «Ալո»:
Ա.Ջ. - (խիստ զայրացած տոնով) «Գագո Կարենը ուրա, ասա, թող էտի հեռախոսը վեկալի»:
Գ.Դ. - «Վեկալումա ես նոր հետը խոսում էի, նոր իրա հետ էի խոսում»:
Ա.Ջ. - «Բա ուրա էտ ոչխարը, ինձի ասումա փողը կբերեմ, կտա, թող փողը բերի տա, վաղը ես հելա գնացի քաղաքապետարան մի հատ Կարեն էլ կողից եմ դնելու»:
Գ.Դ. - «Ես հենց նոր էտեի ասում, թողնում ես խոսամ»:
Ա.Ջ. - «Զանգելա ասումա ես էտ գումարը քեզնից եմ պահանջելու»:
Գ.Դ. - «Փողը տալիսա, կարողա փողից հրաժարվի»:
Ա.Ջ. - «Զանգում եմ ամսի 4-ին ասում եմ Կարեն ինչ ես ասում, ասումա ամսի տասին որոշումը չեղավ անպայման ուրեմն գումարն եմ տալիս, դե բեր տուր»:
Գ.Դ. - «Հա տալիս ա, հլը լսի տես ինչ եմ ասում, թող վաղը իրանք հանդիպեն, իրանք խոսան, ինքն էլ փողը կտա»:
Ա.Ջ. - «Ես ոչ մեկի հետ հանդիպելու չունեմ, ես որոշումը չեմ ուզում, Գագո, հայերեն եմ ասում, 7.000 դոլարը վաղը Կարենը դնի սեղանին, չէ մի հատ Կարեն կողից եմ սարքելու, ձեռ եք առե ձեզի սաղտ, յոթ ամիս ա ձեռ եք ինձ առնում»:
Գ.Դ. - «Վաղը կգնաք կվեկալեք, լսեցիր»:
Ա.Ջ. - «Սաղին գիժ արեցիք այ մարդ, գժվելա ասումա քեզի դատի եմ տալու, առաջինը քեզ են հավքելու տանեն ասումա, ու ասումա էտ ամբողջ դատարանի վարձերով, գումարներով, 6 ամսվա տոկոսներով տալու էս, չհասկացա փուռն եք տալի, եկեք ձեր հարցերը լուծեք, վաղը իջնելու եմ քաղաքապետարան կամ փողն ա դեմս դնելու կամ որոշումը ֆսյո»:
Գ.Դ. - «Լավ հեսա զանգում եմ Կարենին»:
14) 5-398-11_22-56-36_10.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 38 րոպե 4 վայրկյան տևողությամբ, հետևյալ բովանդակությամբ.
Գ.Դ. - «Ալո»:
Կ.Մ. - «Հա»:
Գ.Դ. - «Ինքն էր զանգում»:
Կ.Մ. - «Հետո»:
Գ.Դ. - «Հետո, հետո, լաչառությունը գցած, վաղը ես մտնում եմ քաղաքապետարան, կամ որոշումնա տալիս կամ փողը»:
Կ.Մ. - «Հա»:
Գ.Դ. - «Կամ 7.000 դոլարը կամ որոշումը, երկուսից մեկը»:
Կ.Մ. - «Դե մինչև վաղը պտի մի բան արվի, Գագ»:
Գ.Դ. - «Ես էլ ասի, հա վաղը կհանդիպենք, գնում ենք ընդե կամ փողը կամ որոշումը»:
Կ.Մ. - «Զանգի թող հանդարտվի, հանգստացրա, ասա հանդարտվի, ասա հա ոնց դու ասում ես վաղը կամ են կամ են, կզանգվենք, ասա ինքը մեռելատաննա բարեկամնա մեռել դրա համար չի կարում վերցնի, չի կարում խոսա, երևի անջատվելա հեռախոսը ասա, վաղը կզանգի»:
Գ.Դ. - «Լավ»:
Այնուհետև ձայնագրառումն ընդհատվում է խշոցով:
15) 5-398-11_12-14-32_11.05.2011_37491599919_077922972 գրառումը կրող ֆայլում առկա է Կարեն Միքայելյանի և Աշոտ Իսրայելյանի միջև տեղի ունեցած հեռախոսային խոսակցության ձայնագրառումը` 2 րոպե 36 վայրկյան տևողությամբ, հետևյալ բովանդակությամբ.
Ա.Ի. - «Կար, հմի դրան ոնց բան անենք, կպելա էտ բանը ուզումա»:
Կ.Մ. - «Հա պտի տանք իրան»:
Ա.Ի. - «Երբ կարանք տանք»:
Կ.Մ. - «Էսօր, վաղը, ասա մինչև ուրբաթ օրը քո մոտա միլիոն տոկոս»:
Ա.Ի. - «Հա»:
Կ.Մ. - «Հա, հա, ինչա խոսում լսի հմի քեզ ինչ եմ ասում, էտ ապուշը, որ եկել են են ընդե են վախտով, եկել էր իրա կրպակաշարի կազմով, ընդե մի հատ էլ բուտկա ունի էտ բուդկի համար, բացի դրանից հետո էլ էն Գագոյին մի օր վեկալե եկել էր, հլը դրա խելքը, են 500 դոլարը, որ տվել էր էտ բուդկի համար էր, կարողա քեզ թվումա էշերի հետ ես հանդիպել, հետո ներողություն խնդրեց հելավ ... եղավ»:
Ա.Ի. - «Հա»:
Կ.Մ. - «Լսի դաժե, ինձ զանգեց երեկ չէ առաջին օրը ասեց ապե իմ քսեռոքսը հանում են, ասի ինչ քսեռոքս, ասի էն կրպակաշարի մեջի բուդկեն բա չէ էն բուդկեն կա, առանձին քսեռոքս, ասի հա ասածդ ինչա, բա ախպեր, բա վոնց անենք մի բան անենք չհանեն էսյան էնյան, ասի լավագույն դեպքում ես կարամ իմանամ, եթե քաղաքապետին զեկուցված չի, եթե հասցեները ֆիկսված չեն մարդկանցով կփորձեմ քեզ օգնեմ»:
Ա.Ի. - «Հա»:
Կ.Մ. - «Վայ ցավդ տանեմ ու ատբոյ տվեց, ֆսյո»:
Ա.Ի. - «Հիմի էլ ինձ բանա անում, ասումա բա ախպեր ջան չէ են իմ փողս հետ տվեք»:
Կ.Մ. - «Ասա կտանք, ոչ մի պրոբլեմ չկա: Ինչքան ըտից բուտկեք հանեն, էնքան մեզի ձեռա տալիս, էնքան քիչ կմնա, ավելի հեշտ կլինի քաղաքապետին համոզելը էն մնացածները ինչ որ բան անել»:
Ա.Ի. - «Դե ես իրան ասեմ մինչև ուրբաթ հարուր տոկոս կլինի»:
Կ.Մ. - «Հա այ ախպեր հա»:
Ա.Ի. - «Դե լավ էտի տանք պրծնենք էտի ռադը քաշի գնա»:
Կ.Մ. - «Լավ Աշ ջան»:
16) 5-398-11_18-51-11_13.05.2011_91599919_077922972 գրառումը կրող ֆայլում առկա է Կարեն Միքայելյանի և Աշոտ Իսրայելյանի միջև տեղի ունեցած հեռախոսային խոսակցության ձայնագրառումը` 6 րոպե 37 վայրկյան տևողությամբ, հետևյալ բովանդակությամբ.
Ա.Ի. - «Հա Կար ջան»:
Կ.Մ. - «Ասա Աշ ջան»:
Ա.Ի. - «Կար դու երբ ես դուրս գալիս քաղաքապետարանից»:
Կ.Մ. - «Չեմ իմանում, ցավտ տանեմ, մորս արև չեմ իմանում, էտ ինչ հարցա, որ հեռախոսով չենք կարում խոսանք»:
Ա.Ի. - «Ասի մի հատ հանդիպենք իրար հետ, ինքն էլ լինի դու բացատրես էտ մարդկանց»:
Կ.Մ. - «Այսինքն քանի հոգի են»:
Ա.Ի. - «Դե էտ Նորիկնա ինչ զիբիլա»:
Կ.Մ. - «Ես իմաստը չեմ հասկանում, որ քեզնից կպրչկվելա էտ Նորիկը, 2 անգամ Գագոյի հետ էկելա իմ մոտ»:
Ա.Ի. - «Եկելա ասումա ես բերել էտ փողը քեզ եմ տվել, հիմա էլ ուզում եմ, ես իրան բացատրում եմ, ասում եմ բեր փողը տուր, ասի դու խոսացել ես Կարենի հետ չէ, Կարեննա քեզ ասել 500 ես քո մոտ փողի անուն տվել եմ, դու բերիր տվիր ես էլ փոխանցել եմ էտ մարդուն, ըտենցա եղել չէ Կարեն»:
Կ.Մ. - «Խոսալը իմ հետ չի խոսացել, բայց էն մնացածը գիտեմ»:
Ա.Ի. - «Ոնց չի խոսացել արա կաբինետում, որ նստած էինք»:
Կ.Մ. - «Հա, կանչել էինք եկավ ընդեղ բլբլթաց էսյան էնյան, այ Աշոտ ջան ստե մտածելու առիթ չկա ինքը Էդոյին էր ասել, ասելա պրոբլեմ չկա»:
Ա.Ի. - «Հիմա ասումա իմ փողը հետ եմ ուզում մի ժամից փողս բերեք տվեք ինձ»:
Կ.Մ. - «Դե էտի իրա գժականա խոդ տվել»:
Ա.Ի. - «Դե հիմա ասումա ես բերել եմ քեզ եմ տվել, ասի կարողա ես քեզ ասել եմ բեր ինձ փող տուր, ասի դու բերել տվել ես, որ ես տամ Կարենին, քո գործերի համար»:
Կ.Մ. - «Ասեմ, որ իրա քսերոքսի հետ էտի բացարձակ կապ չունի»:
Ա.Ի. - «Քսերոքս-մերոքս մեջտեղը չկա ախպեր ջան ես չեմ իմանում, ինքը ասումա իմ 500 հետ տվեք, դրա համար ասում եմ էտ մարդուն հանդիպենք, ասենք ախպեր ջան ինձանից յան տուր»:
Կ.Մ. - «Արա քո հետ խոսալուց առաջ երեկ չէ առաջին օրը զանգել մի ժամ հեռախոսով հետս խոսացելա»:
Ա.Ի. - «Մի հատ կասես ինչ ասեմ իրան»:
Կ.Մ. - «Ախպեր բա որ 2 տարի առաջ ասում էի արի փողդ վեկալ ... եղի, խի չեկավ»:
Ա.Ի. - «Դե հիմա սաղ էտի դրելա մի կողմ»:
Կ.Մ. - «Այ ախպեր դու ստեղ ինչ կապ ունես»:
Ա.Ի. - «Չեմ իմանում, ասումա փողը բերել եմ քո մոտ եմ թողել, քեզնից էլ ուզում եմ»:
Կ.Մ. - «Էտի մի քիչ յանը տարածա»:
Ա.Ի. - «Դե կարողա յանը տարածա, չեմ իմանում, ասա տենամ դրա հետ ինչ անեմ, մի հատ հանդիպենք Կարեն ջան»:
Կ.Մ. - «Արա լսի վաղը հանգիստ օրա, արի վաղը հանդիպենք ախպեր ջան»:
Ա.Ի. - «Չէ ախպեր ջան ժամա դրել հիմա արի մի հատ հանդիպենք, մի հատ պատերազմ չլինի»:
Կ.Մ. - «Ինչ մարդ-մուրդով ա գալու»:
Ա.Ի. - «Չգիտեմ ինչովա գալու, ումովա գալու, գալույա յանմ ստանա էտ փողը»:
Կ.Մ. - «Հլը մի րոպե զանգեմ են Էդոյին»:
Ա.Ի. - «Հա զանգես դրան ինչ անես, ասելույա բեր իմ փողը տուր»:
Կ.Մ. - «Ես էլ չեմ ուզում կռիվ դավի լինի»:
Ա.Ի. - «Որ գա ավել-պակաս խոսա ... հլնելույա, մի հատ արի բացատրի որ համը չհլնի էլի»:
Կ.Մ. - «Տենամ երբենք վերջացնում կզանգեմ քեզ»:
Ա.Ի. - «Դե խաբար արա, որովհետև սպասումա»:
Կ.Մ. - «2 րոպեից կզանգեմ քեզ»:
17) 5-398-11_18-24-29_16.05.2011_77922972_091470101 գրառումը կրող ֆայլում առկա է Կարեն Միքայելյանի և Նորիկ Դավթյանի միջև տեղի ունեցած հեռախոսային խոսակցության ձայնագրառումը` 2 րոպե 26 վայրկյան տևողությամբ, հետևյալ բովանդակությամբ.
Ն.Դ. - «Երբա էտ փողը լինելու»:
Կ.Մ. - «Էսօր վաղը կլինի էտի պրոբլեմ չի, դու հլը ասա ինչ էլավ, էտի խի թողիր հանեն»:
Ն.Դ. - «Այ ախպեր սաղ ազգ ու տակը ամեն օր ես չեմ կարա տանեմ կայնցնեմ ընդե էթում ես ընդե իրար ուտում են»:
Կ.Մ. - «Խի ես կայնում ընդե, ես քեզ ուրիշ բան ասի դու պրեզիդենտական կապնվար»:
Ն.Դ. - «Գնացի պրեզիդենտական, ասին կպատասխանեն»:
Կ.Մ. - «Աչքիս մինչև պատասխանելը հանում են»:
Ն.Դ. - «Հա իրար բերան թքած են, ոնց որ դու չգիտես ես պտի ասեմ»:
Կ.Մ. - «Չէ որդուց պտի իմանամ, այսինքն ընդե խաբար էին»:
Ն.Դ. - «Սաղ էլ իրար բերան թքած են ուրդե էթում ես ինադու էնքան են ձգում, որ վաբշե ոչ մի բան չլինի»:
Կ.Մ. - «Տուր դատարան, մեկի ձեռը տուր թղթերդ տուր դատարան, թող փոխհատուցում տան, դատավորից պահանջի, ասա օրը ցերեկով եկան, առանց օրենքի, առանց կարգի տվին, ջարդին, հանին, պահանջում եմ հատուցել վնասը»:
Ն.Դ. - «Այ ախպեր ջան ինչ դատարան, մինչև տանք էսի երկիրա»:
Կ.Մ. - «Քո համար եմ ասում գոնե մի 1.500 դոլար հատուցում տան»:
Ն.Դ. - «Այ ախպեր ջան շնից ծնված են սրանք, մարդ չեն, ինչի մասին ես խոսում, դրանը վկայական չկար սկի»:
Կ.Մ. - «Հա, Կենտրոնում էլ չկար տվին դատարան, հատուցում պահանջեցին, ստացան փողը, 1.000 դոլար ստացան 4 քառակուսուն»:
Ն.Դ. - «Էսօր կտաս»:
Կ.Մ. - «Չէ վաղը երևի»:
Ն.Դ. - «Ախպեր ջան ինձ օր ասա»:
Կ.Մ. - «Վաղը 12-ի յաները կտենամ, եթե եղավ կհանդիպեմ կտամ քեզ»:
Ն.Դ. - «Լավ»:
18) 5-398-11_19-17-30_16.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 15 րոպե 32 վայրկյան տևողությամբ, հետևյալ բովանդակությամբ.
Կ.Մ. - «Հա Գագ»:
Գ.Դ. - «Ապե նորիս սկսվեց, բուդկեք են ասել էսօր երկու հատ պտի հանենք, 2-3 հոգու ասել են պտի հանվի, մեկը Մանվելինը, մեկը են գողական Կարեն Զեյթունյանը, էն որ 500 դոլարա տվել, մեկ էլ Մանվելինը հմի դրանց ինչ պտի անենք, ում կարաս ասես բացի Կառլենից, Կառլենը չի կարա»:
Կ.Մ. - «Դու ասել էիր Կառլենին»:
Գ.Դ. - «Դե ես ասել էի Կառլենին, էսօր ասում եմ ասումա քաղաքապետարանով ա, մեր մոտով չի: Ում կարելի ա ասել, որ Անտոնյանին ասի, դրանք էլ հարց լուծող տղերք են, սպասում են, որ իրանց գործերը լինի փողերը տան արա: Մոսկվայից զանգում են ահով բանով, բա 500 դոլարը պահել ես, ասի հա բայց մնացածը հետ եմ տվել չէ, ինչա հիմա էտի տվել էս, որ նորմալ պտի իրականացնես, հիմի էլ հանում են դրան էին սպասում, ինչ անենք ասա»:
Կ.Մ. - «Չգիտեմ»:
Գ.Դ. - «Էն Էդոյին ասա էն գազ էդոյին դու չես կարում չես կարում, Անտոնյանին ասի էտ երկուսը պահեն»:
Կ.Մ. - «Ես եմ Անտոնյանին ասել, ասեց էտի Մուշեղյանը ցուցակը կազմելա, ինքն էլ քաղաքապետին զեկուցելա, ինքն էլ իրա վրայից ցրումա»:
Գ.Մ. - «Հմի, որ վաղը փողերը ուզեն, որդուցենք տալու, 500 մեկ, հլը 2.000-ը ես չգիտեմ որդից եմ ճարելու, դու էլ 800-ը, նորից ընկնելու ենք հեռախոս անջատենք, արա: Գոնե ես էն ժամանակ 2.000-ը վերցրած չլինեի, քո վրա կմնար, հմի ես 2.000 որդից եմ ճարելու, էսօրվա օրով Նորիկի 500-ը չես կարում տաս, որդուց ես 800 տալու»:
Այնուհետև Կարեն Միքայելյանը և Գագիկ Դանիելյանը զրուցում են նշված իրավիճակից դուրս գալու, ելքեր որոնելու, նշված գումարները հայթայթելու հարցերի շուրջ:
19) 5-398-11_18-54-34_23.05.2011_77922972_093289836 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 11 րոպե 54 վայրկյան տևողությամբ, հետևյալ բովանդակությամբ.
Կարեն Միքայելյանը և Գագիկ Դանիելայնը զրուցում են Երևան քաղաքի Ազատության պողոտայի վրա տեղադրված կրպակների ապամոնտաժման հարցերի շուրջ, այնուհետև Գագիկ Դանիելյանը Կարեն Միքայելյանին հարցնում է.
Գ.Դ. - «Լավ հլը ասա էտ Մանվելի հարցով ինչ անենք, մի բանով օգնի, ինչ ասենք ասա»:
Կ.Մ. - «Դե ես վաղը ուզում եմ դրանցից փող վեկալեմ ու տամ քեզ»:
Գ.Դ. - «Չէ, չէ, հիմա հասկացա, որ լինի ըտենց լավ կլինի, բա էսօրա պետք մի հատ կապնվենք, էսօր կապնվես ասես 2 օր ինձ ժամանակ տու»:
Կ.Մ. - «Արա դե էտի ախր միլիցայա, ես դրան զանգեմ տենց բան խոսամ»:
Գ.Դ. - «Մեկա ես նենց բան չեմ արել, ախպեր, ես ասել եմ կա, դրածա ընդեղ ու ես ասել եմ ստեղա, քո մոտա, չեմ ասել էտի իմ մոտա, ես իմ սենց ես իմ ընենց, ասել եմ ընդեղա հա»:
Կ.Մ. - «Դե էտ դեպքում հետը կապնվի ասա հիվանդանոցից նոր վաղը դուրսա գրվում»:
Գ.Դ. - «Ես քոզ ասել եմ էլի, ինքը կնկա հետա եկել, կնիկը ընդից ասեց չէ, հենց հիմայա պետք, ասեց 27-ը մինչև, ասի հարց չկա, ուրեմն վաղը անպայման կլինի, բա չէ ասեց, կնիկը ասեց էսօր ա պետք, ասի էսօր որդուց բան անեմ, պառկածա տունը, վաղը նոր կգա գործի»:
Այնուհետև Կարեն Միքայելյանը և Գագիկ Դանիելյանը շարունակում են զրուցել, թե ինչպես պետք է տան գումարը և Գագիկ Դանիելյանը ասում է, որ ինքը վաղը գումարը կճարի և կտա:
20) 5-398-11_11-31-40_25.05.2011_77922972_093289836 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 3 րոպե 24 վայրկյան տևողությամբ, հետևյալ բովանդակությամբ.
Գ.Դ. - «Եկել են»:
Կ.Մ. - «Նոր գնացին եկել էին, հոր հետ, ես ճանաչում եմ հորը, հոր հետ եկան, համաձայնության եկանք, բայց ստե մի հատ բայց կա, ասի երբ ես գալի, ասումա կարողա էսօր գամ, կարողա վաղը, էթամ էտ բաները վեկալեմ, էտ ինչ որ քեզ պետքա հանենք սաղ, պատրաստենք, կարողա վաղը գամ, վոբշմ էսօր, վաղը միլիոն տոկոսով, զանգում եմ վրազ վեկալեմ գամ 2.5 վեկալումա գա»:
Գ.Դ. - «Այ քեզ բան»:
Կ.Մ. - «Դու պտի շտապ կարգով մի տեղից Աիդանա, ովա պտի մի տեղից գտնես»:
Գ.Դ. - «Չեմ կարա»:
Կ.Մ. - «Պտի մի ձև խառնվենք իրար, գտնենք, հմի իրիգունը կգա, կգա, վաղը կգա-կգա, պրոբլեմ չկա, կտանք իրանց»:
Գ.Դ. - «Հմի Աիդային ասեմ, կասի շուտ ասեիր, 2.000-ից ավել չի կարա Աիդան»:
Կ.Մ. - «Նենց բացատրի հանկարծ ուխոդ չլինի, 2.000 ճարի, հլը մի երկու տեղ էլ ես հեսա զանգեմ, էն մարդը վերջնականապես պայմանավորվել ենք, բացարձակ, թու-թու-թու, ոչ մի պրոբլեմ չի կարա լինի, հմի մարդ ես կարողա մինչև իրիգուն զանգ տա, կարողա վաղը, նաղդի պայմանավորվել ենք, սկսում ենք»:
Գ.Դ. - «Լավ, որ իրիգունը զանգեց, չէիր կարա ասեիր պատրաստ եկեք»:
Կ.Մ. - «Ասել եմ արա, մեռա ասելով, ասեցի, ասեց հա, ինչ ասեմ, լակոտա երեխայա»:
21) 5-398-11_15-06-25_25.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 6 րոպե 10 վայրկյան տևողությամբ, հետևյալ բովանդակությամբ.
Կարեն Միքայելյանը Գագիկ Դանիելյանին պատմում է, որ ինչ-որ Գագոյի տարել և ցույց է տվել մի շինություն, որը ունի զուգարան և վերջինն իրեն ասել է, որ ներկա պահին գումար չունի, որ իր հարցերը լուծի: Կարեն Միքայելյանը և Գագիկ Դանիելյանը շարունակում են զրուցել, թե որտեղից կարող են գումար ճարել իրենց հարցերը լուծելու համար և պայմանավորվում են լրացուցիչ զանգահարել իրար:
22) 5-398-11_16-04-40_25.05.2011_77922972_093098857 գրառումը կրող ֆայլում առկա է Կարեն Միքայելյանի և Աիդա Նալբանդյանի միջև տեղի ունեցած հեռախոսային խոսակցության ձայնագրառումը` 1 րոպե 9 վայրկյան տևողությամբ, հետևյալ բովանդակությամբ.
Կ.Մ. - «Դա»:
Ա.Ն. - «Կարեն ջան, կադաստրի շեֆի մոտ էի, Գեղամի մոտ էի չկարողացա խոսամ»:
Կ.Մ. - «Հա էն քո տված փաստաթղթերը գնացին հասան տեղ»:
Ա.Ն. - «Վայ մեռնեմ ես քո ջանին, լավ հասան տեղ»:
Կ.Մ. - «Հա»:
Ա.Ն. - «Բա երբ գամ»:
Կ.Մ. - «Բայց ես ոչ մի տվյալ չունեմ, ինձանից տվյալ են ուզում»:
Ա.Ն. - «Հիմա երբ հանդիպենք»:
Կ.Մ. - «Դե երբ հարմարա, ինչ ասեմ, բայց դու որևէ տվյալ գիտես»:
Ա.Ն. - «Ինչ տվյալ ասա ասեմ»:
Կ.Մ. - «Ոնց, ամենակարևոր տվյալն են ուզում: Եթե ունես տվյալ ինձ ասա, ես զանգեմ հանգստացնեմ դրանց»:
Ա.Ն. - «Լսի 2 օրվա տվյալա, եղավ ցավդ տանեմ»:
Կ.Մ. - «Այսինքն ժամը 2-ին են ուզում գան, հա»:
Ա.Ն. - «Հա»:
Կ.Մ. - «Դե լավ ցավդ տանեմ»:
23) 5-398-11_18-46-11_25.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 5 րոպե 7 վայրկյան տևողությամբ, հետևյալ բովանդակությամբ.
Կ.Մ. - «Հա Գագ»:
Գ.Դ. - «Լսի նոր զանգեց էտի, ասեց բա …»:
Կ.Մ. - «Լսի ինչ եմ ասում, վաղը էտի բան կլինի, էս Աիդայի հետ խոսացի, ասեցի սենց պտի լինի, ասեց Կարեն պտի զանգեմ համաձայնեցնեմ, դե ասի զանգի համաձայնեցրա, որովհետև եթե նորմալա, վաղը պտի սկսենք, որ պատրաստ լինի, ասեց կայնի էթում եմ ընդե էթամ խոսամ պայմանավորվեմ ու ծնգցնեմ քեզ, դե ասի համաձայնացրա, որ պտի սկսենք, եթե էտի եղավ, էնի եղավ, էնա վաղը առավոտը ժամը մինչև 12-ը 1-ը սաղ հարցերը լուծված կլնինի էլի պռակտիկորեն, երկուս համարյա կլինի, դու հեչ բան չես ճարել»:
Գ.Դ. - «Ոչ մի բան, ապե, ես դրա համար ասեցի էն 1.000-ը որ ասի կարողա էտ բան անեինք, ասեցինք, դե կեսը մոտս ա, կեսը չէ, կզանգեմ, կասեմ էսօր իրիկունը մի բան մտածեմ էսա տենամ, հմի ասեմ չեկավ էտ մարդը, որ պետքա բերեր, էլի, բան արա էտ անունը ինչա, վաղվա վրա գցեմ, բայց որ ասեմ կարողա ասի …»:
Կ.Մ. - «Հլը շուտա մի զանգի ուշ զանգի, ինքը հիմա գիտի դու զբաղված ես էտ հարցով, հիմա դու ընկել ես գնում ես, երևի գնացել ես ինչ որ մի տեղ, բան, ոբշմ դու հարցով ես զբաղված, հիմի Գագոյի հետ խոսացիր դու»:
Գ.Դ. - «Չե դե իրիկունը ասի կխոսամ»:
Կ.Մ. - «Գագոյի հետ հանգիստ, բան, հը ինչ եղավ, ոնց եղավ»:
Գ.Դ. - «Բա են բանը արա, վաղը չի գալու էնի»:
Կ.Մ. - «Սպասում եմ զանգին, արա, եկան, երկու ախպերով, հետո եկան էլի երկու ախպերով, հետո եկան երկու ախպերով ու հորով, էսօր զաթի հորը քֆրտել եմ, ասի ընտանիքով գուլյատ եք անում, էս ինչ բաներ եք խոսում ասի, թերթերում տպեք, հրատարակեք, վայ Կարեն ջան, ինչ ես ասում, դու գիտես, հին մարդ եմ, տղերքին ասեց ֆսյո, բերաններդ փակում եք, ով ինչ հարց ունի, ասում եք ոչ մի բան չի լինում, սաղ քաղաքապետարանն էլ ... են ասի տենց կասեք, հասկացար, ասեց ֆսյո, պրծանք, բայց դե մարդ ես, գնացին, ասին կկապնվենք, երեկ վերջին անգամ ժամը 12-ին եմ հետները խոսացել, գնալուց հետո ոչ մի զանգ չի եղել: Ընդե Աիդան միլիոն տոկոս մեջը մտելա, չի կարող պատահել»:
Գ.Դ. - «Էտ նույն մարդնա էլի որ ավտո ունի պտի ծախի էտ Ժոռն ա»:
Կ.Մ. - «Էտի նույն մարդնա»:
Գ.Դ. - «Հա, լավ իսկ Աիդան վաղը …»:
Կ.Մ. - «Պտի զանգ տա, արա, լսի, էտի Աիդայի հետ կապ չունի, էտ որ ինքը փողիա սպասում, ինքը էտ մարդկանց հետ պտի համաձայնեցնի, եթե հա յա պտի վեկալի, ասելու են դե վեկալ արի ստեղ»:
Գ.Դ. - «Լավ ես հլը Աիդային նորից կզանգեմ»:
Կ.Մ. - «Լավ հլը մի րոպե կայնի, Աիդանա զանգում»:
Գ.Դ. - «Հա»:
Կ.Մ. - «Հա»:
24) 5-398-11_18-53-42_25.05.2011_93098857_077922972 գրառումը կրող ֆայլում առկա է Կարեն Միքայելյանի և Աիդա Նալբանդյանի միջև տեղի ունեցած հեռախոսային խոսակցության ձայնագրառումը` 3 րոպե 39 վայրկյան տևողությամբ, հետևյալ բովանդակությամբ.
Կ.Մ. - «Դա»:
Ա.Ն. - «Կարեն կարաս խոսաս»:
Կ.Մ. - «Հա խի չեմ կարա»:
Ա.Ն. - «Կարեն ջան 2 ու կեսով մեռնեմ ջանիտ էլի, 2 ու կես, օրվա մեջ հարցերը լուծեմ պրծնեմ էլի, ինչ կլինի ցավդ տանեմ, մի հատ էլ կա բերում եմ 3 օր հետո, դու ընդե բան արա որովհետև ինձ նայի Կարեն»:
Կ.Մ. - «Արի սենց պայմանավորվենք, ոնց են հմի կազմակերպում, ես սաղ հարցերը լուծել եմ, պայմանավորվել եմ, հիմա ինչ մնումա …»:
Ա.Ն. - «Հա, հասկացա, էս երկու օրնա վաղնա կամ մյուս օրնա, բան կպրծնեմ ես, էղավ»:
Կ.Մ. - «Ես պտի հլը էտի համոզվեմ Աիդա ջան»:
Ա.Ն. - «Համոզվի մեռնեմ ջանիդ: Ու ճիշտը որ ասեմ ես իմ դարդն եմ, թե ընդե ինչա: Կարեն մի բան ասեմ անկեղծ, քուրտ եմ էլի մենք իրար հետ խոսում ենք»:
Կ.Մ. - «Հա»:
Ա.Ն. - «Քանի որ սկզբից վարիանտ եղավ էտ անելու համար, ինձի ասեցին Աիդ 2 բեր արվումա, էս մարդը չկարողացավ ճարել մինչև բանկ մինչև ես են, մինչ զալոգ դրեց, էս էն ուշացա, մինչև հասցրեցի արդեն էտ վարիանտը անցել եր էլի էտ պահը»:
Կ.Մ. - «Էտ երբ»:
Ա.Ն. - «Էտի մի ամիս առաջ էր Կարեն»:
Կ.Մ. - «Դե բա տենում ես»:
Ա.Ն. - «Աստծով եմ երդվում որ դու, դրա համար, հիմա ոչինչ»:
Կ.Մ. - «Իզուր մի երդվի, լսի ինչ եմ ասում»:
Ա.Ն. - «Ասա»:
Կ.Մ. - «Հիմա մենք արդեն 4-5 օր մենք ունենք թազա էտ բնագավառում մարդ, հասկանում ես»:
Ա.Ն. - «Հա, էլ ինքը չի»:
Կ.Մ. - «Չէ, Նարեկն ա չէ բա հիմա»:
Ա.Ն. - «Հա լավ»:
Կ.Մ. - «Հա ամեն ինչ շատ լավա, ընտիր հասկանում ա, ես էլ հիմա մտածում եմ ես ընդե մեջտեղը որպես ինչ եմ ըլնելու, մեխի գլուխ երևի»:
Ա.Ն. - «Չէ, լսի Կարեն, տես ինչ եմ ասում, իրան ասա ինքը երկուսա բան արել, 5-ն էլ բան արա քեզ»:
Կ.Մ. - «Չէ էտի ըտենց չի»:
Ա.Ն. - «Չէ»:
Կ.Մ. - «Չէ, ըտենց բանի անհրաժեշտություն չկա»:
Ա.Ն. - «Լավ»:
Կ.Մ. - «Չէ, չէ»:
Ա.Ն. - «Լավ դու տես ինչ ես անում, լավ Կարեն ջան, լավ մեռնեմ ջանիդ»:
Կ.Մ. - «Դե են վախտ ուրեմն ես, նայի ինչ եմ ասում»:
Ա.Ն. - «Ասա»:
Կ.Մ. - «Հետները պայմանավորվի ու վաղը հանդիպենք, խառաշո»:
Ա.Ն. - «Հա եղավ Կարեն ջան»:
Կ.Մ. - «Բայց կարողա էտ էլ չունի, ասի չկա»:
Ա.Ն. - «Չէ կա կամ վաղը կամ մյուս օրը, որովհետև էլի քցեց բանկ, որ չծախսի էլի»:
Կ.Մ. - «Ոնց քցեց բանկ»:
Ա.Ն. - «Վերցրեց փողը, ասեց որ չծախսեմ տունը, բան»:
Կ.Մ. - «Արի Աիդ ջան, ավելի լավ չի լինի էս աստավիտ անենք, թողնենք մի երկու -երեք ամիս հետո սրանով կզբաղվենք էլի»:
Ա.Ն. - «Չէ, չէ, չէ»:
Կ.Մ. - «Թե բա կամ վաղը կամ մյուս օրը, կամ էն մյուս օր»:
Ա.Ն. - «Չէ, չէ, ուրբաթ օրը տալիսա, վերջ, ուրբաթ օրը ես բերում եմ ֆսյո, ուրբաթ օրը փողը ստանաս, էղավ Կարեն ջան»:
Կ.Մ. - «Լավ, դե ուրեմն էլ չեմ զանգում, ուրբաթ ժամը 11-ի, 12-ի կողմերը կհանդիպենք, լավ»:
Ա.Ն. - «Լավ Կարեն ջան»:
25) 5-398-11_18-57-51_25.05.2011_77922972_093289836 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 3 րոպե 20 վայրկյան տևողությամբ, հետևյալ բովանդակությամբ.
Գ.Դ. - «Հա»:
Կ.Մ. - «Լսի, ես պայմանավորվել եմ Աիդայի հետ, ես չգիտեմ դու պտի մի բան անես, դու շարունակի Աիդայից բանը ուզել, ընենց չլինի, որ ինքը հանկարծ մտածի, որ իմ ու քո թեման իրար հետ կապվածա»:
Գ.Դ. - «Չէ, ես հիմա Աիդային ուրիշ բան եմ ասելու, իրա փողի մասին եմ ասելու, քանիսինա գալու վաղը Աիդան»:
Կ.Մ. - «Վաղը չի գալիս, ասեցի վաղը, ասումա Կարեն վաղը հաստատ ձև չկա»:
Գ.Դ. - «Հա էն մոմենտով»:
Կ.Մ. - «Չէ, լսի վաղը չէ մյուս օրը ժամը 12-ին ժամադրված ենք մենք, ասեց ես քեզ էլ ոչ զանգում եմ ոչ էլ բան եմ անում, վաղը չէ մյուս օրը ժամը 12-ին գալիս եմ ընդեղ, զանգում եմ իջնում ես ներքև տալիս եմ»:
Գ.Դ. - «Ուրեմն էդի փուստ գնաց, չեղավ վաղվա համար»:
Կ.Մ. - «Հիմա վաղը չէ մյուս օրը էտ հարցերը հաստատ լուծում եմ, բայց դու մի բան արա գնա դիր Աիդային (հայհոյում է), անպայման թող հանի փողը տա, մի բան արա»:
Գ.Դ. - «Նոր զանգեցի ադբոյ տվեց, չեմ իմանում խի»:
Կ.Մ. - «Դե կարողա իմ հետ էր խոսում դրա համար»:
Գ.Դ. - «Լավ, հլը մի հատ զանգեմ տենամ ինչա ասում»:
Կ.Մ. - «Հլը դու Գագոյի հետ համենայն դեպս»:
Գ.Դ. - «Դե ես Գագոյի հետ կխոսամ, Գագոյինը մեծ գումար ա»:
Կ.Մ. - «Ես իրան բացատրել եմ, որ ինքը էտի բերումա վաղը ամենաուշը 1-ին, եթե չէ, կարա ընդհանրապես չերևա, ասեց էտ գումարը որ պտի բերեմ քեզ տամ»:
Գ.Դ. - «Լավ հլը սպասի զանգեմ Աիդային տենամ ինչա ասում»:
26) 5-398-11_19-06-41_25.05.2011_93289836_077922972 գրառումը կրող ֆայլում առկա է Կարեն Միքայելյանի և Գագիկ Դանիելյանի միջև տեղի ունեցած հեռախոսային խոսակցության ձայնագրառումը` 3 րոպե 16 վայրկյան տևողությամբ, հետևյալ բովանդակությամբ.
Կ.Մ. - «Հա ախպեր»:
Գ.Դ. - «Հա, ոչ մի բան, զանգեցի ասումա ոչ մի կոպեկ չեմ կարում ճարեմ»:
Կ.Մ. - «Ընչի»:
Գ.Դ. - «Ես շատ գիտեմ, էսօր 4 անգամ խոսքը փոխեց, մեկ ասեց կճարեմ, մեկ ասեց հեսա զանգեմ մի կես ժամից, մի 5 րոպեից, սենց-սենց, մի քիչ առաջ էլ ասեց էսօր իրիկունը փողի եմ սպասում, կամ էսօր իրիկուն կամ վաղը առավոտ, հիմա էլ ասումա ոչ մի կոպեկ չի լինում, չեմ կարում ճարեմ, այ քեզ բան»:
Կ.Մ. - «Գագոն ասում էր փողը որ դու ուզում ես, ես էտի ունեմ ասումա, պտի շինարարության փողը պայմանավորվեմ, ընենց չլինի հանկարծ հարցը լուծեմ, շինարարության փողը չունենամ: Գագոյից չես կարա վեկալես»:
Գ.Դ. - «Ես չեմ կարա Գագոյից փող ուզեմ, չէ, ես տոկոսով չեմ ուզում»:
Կ.Մ. - «Խի ախպեր»:
Այնուհետև Կարեն Միքայելյանն ու Գագիկ Դանիելյանը սկսում են զրուցել Գագոյից տոկոսով փող վերցնելու հարցի շուրջ, որին Գագիկ Դանիելյանը չի համաձայնվում:
27) 5-398-11_19-15-48_25.05.2011_77922972_091431206 գրառումը կրող ֆայլում առկա է Կարեն Միքայելյանի և Էդվարդ Գանձանակյանի միջև տեղի ունեցած հեռախոսային խոսակցության ձայնագրառումը` 4 րոպե 43 վայրկյան տևողությամբ, հետևյալ բովանդակությամբ.
Կարեն Միքայելյանը և Էդվարդ Գանձանակյանը զրուցում են Երևան քաղաքի Արաբկիրի թաղապետ Մուշեղյանի կողմից կրպակները ապամոնտաժելու հարցի շուրջ և ասում, որ մնացել է ընդամենը 5-6 կրպակ, որոնք նույնպես Մուշեղյանը ցանկանում է ապամոնտաժել և անպայման ապամոնտաժելու է:
28) 5-398-11_19-48-22_25.05.2011_37491431206_077922972 գրառումը կրող ֆայլում առկա է Կարեն Միքայելյանի և Էդվարդ Գանձանակյանի միջև տեղի ունեցած հեռախոսային խոսակցության ձայնագրառումը` 11 րոպե 25 վայրկյան տևողությամբ, հետևյալ բովանդակությամբ.
Կարեն Միքայելյանը և Էդվարդ Գանձանակյանը կրկին զրուցում են Երևան քաղաքի Արաբկիրի թաղապետ Մուշեղյանի կողմից կրպակները ապամոնտաժելու հարցի շուրջ և համոզված են, որ մնացած 5-6 կրպակները Մուշեղյանը անպայման ապամոնտաժելու է:
Այնուհետև Կարեն Միքայելյանն ասում է.
Կ.Մ. - «Էն Աշոտը սաղ օրը զանգելա, չեմ վեկալել հեռախոսը»:
Է.Գ. - «Մեր Աշոտը»:
Կ.Մ. - «Դե ես գիտեմ խի ա զանգում, էն Նորոյի համարա զանգում»:
Է.Գ. - «Բան չեմ կարա ասեմ Պետրովիչ, բայց Նորոյի փողը պտի տանք անպայման»:
Կ.Մ. - «Դե էտ եմ ուզում անեմ էլի»:
Այնուհետև կրկին սկսում են զրուցել կրպակների ապամոնտաժման մասին, որից հետո Կարեն Միքայելյանը ավելացնում է.
Կ.Մ. - «Լսի Նորոյին ոնց անենք մի 2 օր հանգստանա, ես վաղը կամ մյուս օրը էդ հարցը հաստատ կլուծվի ախպեր ջան, էն Աշոտին դավադիտա անում, էն էլ զանգումա ինձ»:
Է.Գ. - «Ախպեր կասենք 2 օր կհանգստանա, բան չի ասի»:
Կ.Մ. - «Թե կարաս ասա էլի, թող 2 օր բան չանի մինչև տենանք էլի»:
Է.Գ. - «Դե հեսա կասեմ կզանգեմ քեզ»:
Կ.Մ. - «Լավ»:
29) 5-398-11_19-45-19_26.05.2011_93098857_077922972 գրառումը կրող ֆայլում առկա է Կարեն Միքայելյանի և Աիդա Նալբանդյանի միջև տեղի ունեցած հեռախոսային խոսակցության ձայնագրառումը` 1 րոպե 51 վայրկյան տևողությամբ, հետևյալ բովանդակությամբ.
Կ.Մ. - «Դա»:
Ա.Ն. - «Կարեն ջան, բարի երեկո, Աիդան ա»:
Կ.Մ. - «Հա Աիդա ջան»:
Ա.Ն. - «Ոնց ես»:
Կ.Մ. - «Ոչինչ»:
Ա.Ն. - «Կարեն ջան հիմա ես դրան եմ սպասում, վաղը ոնց որ պայմանավորվել ենք, ես ուրիշից եմ վերցրել, ինքը տվելա, բայց ինչ ճիշտնա հիմա ասեմ, Արագածին եմ տվել, Ախոյան, էն պատգամավոր, ասեց Աիդա կաթողիկոսը ասելա, որ 371 միլիոն պիտի գա, որովհետև էջմիածնում գործա արել, մի քանի օրով տուր, տվել եմ, հիմա էլ ըսենց խայտառակ վիճակա, բայց ընկերուհուցս եմ խնդրել, գնացելա հիմա մեկից վեկալի պարտքով, մինչև ինքը տա ես տամ, Կարեն ջան էս վիճակն ա, ես դասավորում եմ»:
Կ.Մ. - «Հիմա մենք վաղը հանդիպում ենք»:
Ա.Ն. - «Ինձ թվում ա հա, որ ճարի բերի ես քեզ իրիկունը լրացուցիչ կզանգեմ»:
Կ.Մ. - «Հա կզանգես, բայց ես պայմանավորվել եմ, պտի վաղը մինչև ժամը 1-ը հանդիպենք, ես մարդկանց հետ պայմանավորվել եմ, լավ»:
Ա.Ն. - «Լավ, լավ»:
Վկա Սուրեն Մաքսապետյանը դատական քննության ընթացքում ցուցմունք տվեց այն մասին, որ աշխատել է Երևանի քաղաքապետարանի բնապահպանության վարչության պետի տեղակալի պաշտոնում: Կրպակների արդիականացման ծրագրի իրականացման նպատակով ստեղծվել է հանձնաժողով, որի կազմում ընդգրկվել է նաև ինքը: Կարենը չի հանդիսացել պաշտոնատար անձ, նա նշված հանձնաժողովում կատարել է նույն գործառույթները, ինչը պարտավոր էր կատարելու Երևանի քաղաքապետարանի առևտրի և սպասարկումների վարչությունում:
Վկա Վազգեն Ղազարյանը դատական քննության ընթացքում ցուցմունք տվեց այն մասին, որ ճանաչում է Կարեն Միքայելյանին և Գագիկ Դանիելյանին, նրանց հետ գտնվում է աշխատանքային փոխհարաբերությունների մեջ: Կրպակների արդիականացման ծրագիրն իրականացնելու նպատակով ստեղծվել է հանձնաժողով, որի կազմում ընդգրկված են եղել նաև ինքը և Կարենը: Կարենի գործառույթն է եղել հավաքել կրպակների փաստաթղթերը: Կարենը չէր կարող հանձնաժողովի առաջարկներ ներկայացնել, քանի որ առաջարկները ներկայացվել են քաղաքաշինական և բնապահպանական նորմերից ելնելով, այսինքն համապատասխան մասնագետներն են նման առաջարկներ ներկայացրել: Կրպակների արդիականացման հարցերում որոշման նախագիծը կազմել է ինքը, այլ ոչ թե Կարենը: Այդ հանձնաժողովում իր գործառույթը եղել է որոշման նախագիծ պատրաստելը: Իրենց վարչության կողմից փաստաթղթերը (կրպակի վկայական, գլխավոր հատակագիծ, վարձակալության պայմանագիր, ԱՁ-ի կամ ՍՊԸ-ի վկայական, կրպակի լուսանկար) ներկայացվել են հանձնաժողովին: Կարենը չէր կարող նպաստել որևէ որոշման կայացմանը:
Վկա Վազգեն Ղազարյանը նախնական քննության ընթացքում ցուցմունք է տվել այն մասին, որ 1988 թվականից աշխատում է Երևանի քաղաքապետարանում: 2001 թվականից մինչև 2007 թվականը ինքը զբաղեցրել է Երևանի քաղաքապետարանի աշխատակազմի առևտրի և սպասարկումների վարչության պետի տեղակալի պաշտոնը: 2006 թվականի մարտի 10-ի Երևանի խորհրդի 3/1 որոշմամբ հաստատվել է Երևան քաղաքում գործող առևտրի և սպասարկման ոլորտի օբյեկտների արդիականացման 2006-2008 թվականների ծրագիրը: Նշված ծրագրով ստեղծվել է աշխատանքային հանձնաժողով, որի կազմում որպես հանձնաժողովի անդամներ ընդգրկվել են Երևանի քաղաքապետարանի առևտրի և սպասարկումների վարչության, բնապահպանության վարչության, իրավաբանական վարչության, «Քաղաքաշինություն» ՊՓԲ ընկերության աշխատակիցներ, այդ թվում Երևանի թաղային համայնքների ճարտարապետական և առևտրի բաժնի պետերը: Վերը նշված որոշմամբ հանձնաժողովը լիազորվել է ուսումնասիրելու և հաշվառելու Երևան քաղաքի պողոտաներում, փողոցներում և խճուղիներում տեղակայված առևտրի և սպասարկման օբյեկտները, դրանց հետագա գոյության և գործունեության տեղափոխման, արդիականացման կամ վերակառուցման նպատակահարմարության վերաբերյալ համապատասխան առաջարկություններ ներկայացնելու Երևանի քաղաքապետին և դրանց հիման վրա նրա կողմից համապատասխան որոշում կայացնելու նպատակով: Հանձնաժողովի կազմում ընդգրկված անդամները տեղում համալիր ուսումնասիրություններ են կատարել, միասին ձևավորել են նրանց առաջարկները, որոնց արդյունքում քննարկումներ են տեղի ունեցել հանձնաժողովի նախագահի մոտ, որից հետո Երևանի քաղաքապետի մոտ: Հանձնաժողովը, այդ թվում նաև նրա անդամներն, ինքնուրույն որոշում կայացնելու իրավասություններ չեն ունեցել: Նշված ծրագրի շրջանակներում որոշ փողոցներում իրականացվել են հաշվառման աշխատանքներ, սակայն ձևավորված և համալիր առաջարկություններ չեն եղել և Երևանի քաղաքապետին չի ներկայացվել ոչ մի փաստաթուղթ: Ինչպես Կարեն Միքայելյանը, այնպես էլ որևէ այլ անձ իրեն չի դիմել այս կամ այն կրպակի արդիականացման, վերակառուցման և օրինականացման համար:
Վկա Արման Էդոյանը նախնական քննության ընթացքում ցուցմունք է տվել այն մասին, որ 2011 թվականի մարտի 1-ից աշխատում է Երևանի քաղաքապետարանում` որպես առևտրի և սպասարկումների վարչության պետի տեղակալ: Երևանի քաղաքապետարանի առևտրի և սպասարկումների վարչության լիազորությունները սպառիչ սահմանված են «Առևտրի և ծառայությունների մասին» ՀՀ օրենքով և ՀՀ վարչական իրավախախտումների վերաբերյալ օրենսգրքով, որոնցով էլ առաջնորդվել և գործել է նշված վարչությունը: Կարեն Միքայելյանի` որպես առևտրի և սպասարկումների վարչության գլխավոր մասնագետ, լիազորությունները սահմանված են եղել Երևանի քաղաքապետի 2009 թվականի հուլիսի 29-ի համար թիվ 7149Ա որոշմամբ` հանրային ծառայության պաշտոնի անձնագրով: Իր աշխատանքի օրոք, ինչպես վարչությունն, այնպես էլ Կարենը Երևանում ինքնակամ ապօրինի կառույցների օրինականացման, կրպակների տեղադրման թույլտվության, ապամոնտաժման, արդիականացման, ընդլայնման և հողի վարձակալության լիազորություններ չեն ունեցել: Այդ գործառույթներն իրականացնում են Երևանի քաղաքապետարանի համապատասխան ստորաբաժանումները: Հովհաննես Գրիգորյանի, Արմենուհի Ջիգոյանի, Նորիկ Դավթյանի, Լարիսա Իսպիրյանի կամ որևէ այլ քաղաքացու համար ապօրինի կառույցների իրականացման, կրպակների տեղադրման թույլտվության, ապամոնտաժման, արդիականացման, ընդլայնման և հողի վարձակալության հարցերով գործառույթների հետ կապված Կարենն իրեն չի դիմել ու չէր էլ կարող դիմել, քանի որ նման գործառույթներն իրենց վարչության իրավասություններից դուրս են:
Երևանի խորհրդի 2006 թվականի մարտի 10-ի թիվ 3/1 որոշման համաձայն` Երևան քաղաքի պողոտաներում, փողոցներում և խճուղիներում տեղակայված առևտրի և սպասարկման օբյեկտների հետագա գոյության և գործունեության, ինչպես նաև տեղափոխման, արդիականացման կամ վերակառուցման նպատակահարմարությունը որոշելու, Երևանի քաղաքապետին հիմնավորված ու համալիր լուծումների տարբերակներ առաջարկելու, վերը նշված օբյեկտների իրավական կարգավիճակը ճշտելու և ՀՀ քաղաքացիական ու հողային օրենսգրքերի պահանջներին համապատասխանեցնելու նպատակով ստեղծվել է աշխատանքային հանձնաժողով: Հանձնաժողովի նախագահն է հանդիսացել Երևանի քաղաքապետի տեղակալ Ա.Սահակյանը, հանձնաժողովի նախագահի տեղակալներն են հանդիսացել Երևանի քաղաքապետարանի աշխատակազմի առևտրի և սպասարկումների վարչության պետ Կ.Գևորգյանը և Երևանի քաղաքապետարանի աշխատակազմի ճարտարապետության և քաղաքաշինության վարչության պետի տեղակալ Մ.Հարությունյանը, հանձնաժողովի անդամներն են հանդիսացել Երևանի քաղաքապետարանի աշխատակազմի առևտրի և սպասարկումների վարչության պետի տեղակալ Վ.Ղազարյանը, Երևանի քաղաքապետարանի աշխատակազմի բնապահպանության վարչության պետի տեղակալ Ս.Մաքսապետյանը, Երևանի քաղաքապետարանի աշխատակազմի իրավաբանական վարչության գլխավոր մասնագետ Հ.Ամյանը, Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետ Կ.Միքայելյանը, Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետ Հ.Շահբազյանը, Երևանի քաղաքապետարանի աշխատակազմի առևտրի և սպասարկումների վարչության առաջատար մասնագետ Հ.Գրիգորյանը, Երևանի քաղաքապետարանի «Քաղաքաշինություն» ՊՓԲԸ աշխատակից Ա.Հովակիմյանը, Երևանի քաղաքապետարանի «Քաղաքաշինություն» ՊՓԲԸ աշխատակից Կ.Մանուշյանը և Երևանի քաղաքապետարանի «Քաղաքաշինություն» ՊՓԲԸ աշխատակից Ա.Ստեփանոսյանը:
Երևանի քաղաքապետի 2007 թվականի հունիսի 21-ի թիվ 1754-Ա որոշման պատճենի համաձայն` ստեղծվել է վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողով: Հանձնաժողովի նախագահն է հանդիսացել Երևանի քաղաքապետարանի աշխատակազմի իրավաբանական վարչության պետի տեղակալ Ա.Ամյանը, հանձնաժողովի նախագահի տեղակալն է հանդիսացել Երևանի քաղաքապետարանի աշխատակազմի քաղաքաշինության և հողի վերահսկողության վարչության պետի ժամանակավոր պաշտոնակատար Գ.Մկրտչյանը, հանձնաժողովի անդամներն են հանդիսացել Երևանի քաղաքապետարանի աշխատակազմի ֆինանսական և սոցիալ-տնտեսական զարգացման վարչության պետի տեղակալ Հ.Ասատրյանը, Երևանի քաղաքապետարանի աշխատակազմի բնապահպանության վարչության պետի տեղակալ Ս.Մաքսապետյանը, Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետ Կ.Միքայելյանը, իսկ հանձնաժողովի քարտուղարն է հանդիսացել Երևանի քաղաքապետարանի աշխատակազմի քաղաքաշինության և հողի վերահսկողության վարչության տեղեկատվության և ժամանակակից տեխնոլոգիաների բաժնի պետ Ս.Գյուլբուդաղյանը: Սահմանվել է, որ հանձնաժողովի իրականացնում է Վարչական իրավախախտումների վերաբերյալ ՀՀ օրենսգրքի համաձայն Երևանի քաղաքապետի կողմից քննության ենթակա վարչական իրավախախտումների վերաբերյալ գործերի նախապատրաստման, վարման և հաշվառման աշխատանքները ու առաջարկություն է ներկայացնում Երևանի քաղաքապետին քննության արդյունքում վարչական ակտ ընդունելու վերաբերյալ:
Երևանի քաղաքապետի 2011 թվականի փետրվարի 10-ի թիվ 303-Ա որոշման պատճենի համաձայն` ստեղծվել է վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողով: Հանձնաժողովի նախագահն է հանդիսացել Երևանի քաղաքապետարանի աշխատակազմի անշարժ գույքի կառավարման վարչության պետ Ա.Ամյանը, հանձնաժողովի նախագահի տեղակալն է հանդիսացել Երևանի քաղաքապետարանի աշխատակազմի քաղաքաշինության և հողի վերահսկողության վարչության պետ Հ.Ասատրյանը, հանձնաժողովի անդամներն են հանդիսացել Երևանի քաղաքապետարանի աշխատակազմի ճարտարապետության և քաղաքաշինության վարչության հողհատկացման, հողօգտագործման և նախագծային փաստաթղթերի ձևակերպման տարածքային երկրորդ բաժնի պետ Պ.Ամպարջյանը, Երևանի քաղաքապետարանի աշխատակազմի բնապահպանության վարչության գլխավոր մասնագետ Ս.Մաքսապետյանը, Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետ Կ.Միքայելյանը և Երևանի քաղաքապետարանի «Քաղաքաշինություն» ՓԲ ընկերության իրավախորհրդատու Տ.Աբգարյանը, իսկ հանձնաժողովի քարտուղարն է հանդիսացել Երևանի քաղաքապետարանի աշխատակազմի իրավաբանական վարչության նորմատիվ իրավական ակտերի մշակման և իրավական փորձաքննության բաժնի առաջին կարգի մասնագետ Ս.Կեչիյանցը:
Երևանի քաղաքապետարանի վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի նախագահ Ա.Ամյանի 2011 թվականի օգոստոսի 11-ի թիվ 44/27139 գրությամբ հայտնվել է, որ Երևանի քաղաքապետի 2007 թվականի հունիսի 21-ի թիվ 1754-Ա որոշման համաձայն վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման, հաշվառման աշխատանքներ իրականացնող հանձնաժողովը իրականացնում է «Վարչական իրավախախտումների վերաբերյալ» ՀՀ օրենսգրքի համաձայն Երևանի քաղաքապետի կողմից քննության ենթակա վարչական իրավախախտումների վերաբերյալ գործերի նախապատրաստման, վարման և հաշվառման աշխատանքներն ու առաջարկություն է ներկայացնում Երևանի քաղաքապետին քննության արդյունքում վարչական ակտ ընդունելու վերաբերյալ: Միաժամանակ հայտնվել է, որ հանձնաժողովում քաղաքացիներ Հովհաննես Սուրենի Գրիգորյանի, Լարիսա Սաշայի Իսպիրյանի, Արմենուհի Նիկոլայի Ջիգոյանի, Նորիկ Ազատի Դավթյանի վերաբերյալ նյութեր առկա չեն և Կարեն Միքայելյանը, որպես հանձնաժողովի անդամ` մետաղական տաղավարներն արդիականացնելու, դրանց չափերն ընդլայնելու, տաղավարներն օրինականացնելու, ինչպես նաև ապօրինի կառույցն օրինականացնելու գործընթացներին նպաստելու համար լիազորություններ չի ունեցել:
Երևանի քաղաքապետարանի աշխատակազմի քարտուղար Վ.Ստեփանյանի 2011 թվականի հոկտեմբերի 31-ի թիվ 03/15-41813հ գրությամբ տեղեկացվել է, որ Երևանի խորհրդի 2006 թվականի մարտի 10-ի թիվ 3/1 որոշմամբ հաստատվել է Երևան քաղաքում գործող առևտրի և սպասարկման ոլորտի օբյեկտների արդիականացման ծրագիր, որը սակայն ամբողջությամբ չի իրագործվել ժամկետում: Նշված որոշմամբ ստեղծված հանձնաժողովի կողմից ներկայացված առաջարկությունների հիման վրա Երևանի քաղաքապետի կողմից 2006 թվականի մայիսի 18- թիվ 789-Ա և 2006 թվականի օգոստոսի 3-ի թիվ 1276-Ա որոշումներով հաստատվել են միայն մի քանի փողոցների, օրինակ` Կոմիտասի և Տիգրան Մեծի պողոտաների կառուցապատման ու քաղաքաշինական միջավայրի կանոնավորման համալիր ծրագրերը, իսկ Ազատության և Մամիկոնյանց փողոցների վերաբերյալ Երևանի քաղաքապետարանի կողմից նման որոշումներ չեն կայացվել: Երևանի քաղաքապետի 2009 թվականի մարտի 31-ի թիվ 1843-Ա որոշմամբ նախատեսվել է ավարտին հասցնել ծրագիրը, սակայն Երևանի փողոցներում, այդ թվում` Ազատություն և Մամիկոնյանց, առկա առևտրի և սպասարկման օբյեկտների արդիականացման վերաբերյալ որոշում չի կայացվել: Միաժամանակ հայտնվել է, որ արդիականացման համար վճար սահմանված չի եղել, իսկ Կարեն Միքայելյանի գործառույթները, որպես հանձնաժողովի անդամ, սահմանված է Երևանի խորհրդի որոշման մեջ:
Երևանի քաղաքապետարանի աշխատակազմի քարտուղար Ս.Մակարյանի 2011 թվականի դեկտեմբերի 13-ի թիվ 03/15-48693հ գրությամբ հայտնվել է, որ Երևանի քաղաքապետարանի աշխատակազմի առևտրի և սպասարկումների վարչությունը ինքնակամ (ապօրինի) կառուցված առևտրի և սպասարկման ոլորտի օբյեկտների, ինքնակամ կառուցված անշարժ գույքի, նշված օբյեկտների ինքնակամ կառուցված (ավելացված) հատվածների կամ ինքնակամ զբաղեցրած հողամասերի օրինականացման գործընթացներին չի մասնակցում: Ինքնակամ (ապօրինի) կառուցված առևտրի և սպասարկման ոլորտի օբյեկտների, ինքնակամ կառուցված անշարժ գույքի, նշված օբյեկտների ինքնակամ կառուցված (ավելացված) հատվածների կամ ինքնակամ զբաղեցրած հողամասերի օրինականացման գործընթացներ իրականացնելու նպատակով Երևանի քաղաքապետարանում Երևանի քաղաքապետի 2006 թվականի դեկտեմբերի 21-ի թիվ 2250-Ա և 2010 թվականի նոյեմբերի 12-ի թիվ 5299-Ա որոշումներով ստեղծվել են համապատասխան աշխատանքային խմբեր, որոնց կազմում Երևանի քաղաքապետարանի աշխատակազմի առևտրի և սպասարկումների վարչության նախկին աշխատակից Կարեն Պետիկի Միքայելյանն ընդգրկված չի եղել:
Երևանի քաղաքապետարանի «Քաղաքաշինություն» ՓԲ ընկերության տնօրեն Է.Բարսեղյանի 2012 թվականի փետրվարի 8-ի թիվ 20/02-04 գրությամբ հայտնվել է, որ «Քաղաքաշինություն» ՓԲ ընկերության կողմից մատուցվող ծառայությունների սակագները հաստատված են Երևանի քաղաքապետի կողմից: Երևանի քաղաքապետի 2001 թվականի հուլիսի 12-ի թիվ 742 որոշմամբ 2001 թվականից սակագները կազմել են. «Հատակագծի նախապատրաստում և կազմում»` 10.167 ՀՀ դրամ, «Գեոդեզիական չափագրում»` 13.100 ՀՀ դրամ: Երևանի քաղաքապետի 2007 թվականի հունիսի 11-ի թիվ 1547-Ա որոշմամբ 2007 թվականից սակագները կազմել են. «Հատակագծի նախապատրաստում և կազմում»` 15.250 ՀՀ դրամ, «Գեոդեզիական չափագրում»` 20.075 ՀՀ դրամ: Երևանի քաղաքապետի 2009 թվականի դեկտեմբերի 10-ի թիվ 9690-Ա որոշմամբ 2009 թվականից մինչև այժմ գործում են հետևյալ սակագները. «Հատակագծի նախապատրաստում և կազմում»` 25.300 ՀՀ դրամ, «Գեոդեզիական չափագրում»` 30.315 ՀՀ դրամ: 2006-2008 թվականների ծրագրերի իրականացման շրջանակներում տեղափոխված կամ վերակառուցված առևտրի և սպասարկման ոլորտի օբյեկտների գեոդեզիական հանույթի և գլխավոր հատակագծի տրամադրման համար վճարումները կատարվել են տվյալ ժամանակահատվածի գործող սակագներով:
Երևանի քաղաքապետարանի աշխատակազմի առևտրի և սպասարկումների վարչության պետ Ա.Եդոյանի 2012 թվականի ապրիլի 20-ի թիվ 15/01-18297 գրությամբ հայտնվել է, որ Կարեն Պետիկի Միքայելյանը, աշխատելով Երևանի քաղաքապետարանի աշխատակազմի առևտրի և սպասարկումների վարչությունում որպես գլխավոր մասնագետ, լիազորված չէր իշխանության ներկայացուցչի իրավասությամբ կամ իրավասու չէր իրականացնելու կազմակերպչական-տնօրինչական կամ վարչատնտեսական գործառույթներ:
Երևանի քաղաքապետարանի աշխատակազմի առևտրի և սպասարկումների վարչության պետ Ա.Եդոյանի 2012 թվականի օգոստոսի 29-ի թիվ 15/01-41827 գրությամբ հայտնվել է, որ Երևանի քաղաքապետարանի աշխատակազմի առևտրի և սպասարկումների վարչության նախկին մասնագետ Կարեն Պետիկի Միքայելյանը, միաժամանակ լինելով Երևանի խորհրդի 2006 թվականի մարտի 10-ի թիվ 3/1 որոշմամբ ստեղծված Երևան քաղաքի առևտրի և սպասարկման օբյեկտների արդիականացման աշխատանքային հանձնաժողովի կազմում որպես անդամ, ունեցել է մետաղյա տաղավարներն արդիականացնելու, դրանց չափերն ընդլայնելու, տաղավարներն օրինականացնելու նպատակով ուսումնասիրություններ կատարելու և դրանց արդյունքները հանձնաժողովի նիստերում քննարկելու համար ներկայացնելու լիազորություններ:
Երևանի քաղաքապետի 2003 թվականի ապրիլի 2-ի թիվ 645-Ա որոշմամբ հաստատված Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետի քաղաքացիական ծառայության պաշտոնի անձնագրի պատճենի համաձայն`
1. Հայաստանի Հանրապետության Երևանի քաղաքապետարանի (այսուհետ` Քաղաքապետարան) աշխատակազմի առևտրի և սպասարկումների վարչության գլխավոր մասնագետի պաշտոնն ընդգրկվում է քաղաքացիական ծառայության գլխավոր պաշտոնների խմբի 3-րդ ենթախմբում:
2. Վարչության գլխավոր մասնագետին «Քաղաքացիական ծառայության մասին» ՀՀ օրենքով սահմանված կարգով պաշտոնի նշանակում և պաշտոնից ազատում է Քաղաքապետարանի աշխատակազմի ղեկավարը:
3. Վարչության գլխավոր մասնագետն անմիջականորեն ենթակա և հաշվետու է վարչության պետին:
4. Վարչության գլխավոր մասնագետն իրեն ենթակա աշխատողներ չունի:
5. Վարչության գլխավոր մասնագետի բացակայության դեպքում վարչության պետի տեղակալը (տեղակալներից մեկը), վարչության գլխավոր մասնագետը, վարչության առաջատար մասնագետը փոխարինում են նրան: Վարչության գլխավոր մասնագետը վարչության գլխավոր մասնագետի, վարչության առաջատար մասնագետի բացակայության դեպքում փոխարինում է նրանց:
6. Վարչության գլխավոր մասնագետը`
ա) վարչության պետի կամ վարչության պետի տեղակալի (տեղակալների) հանձնարարությամբ մասնակցում է վարչության ընթացիկ աշխատանքների կազմակերպմանը, ծրագրմանը, ղեկավարմանը և վերահսկմանը, օժանդակում է վարչության ավելի ցածր պաշտոն զբաղեցնող քաղաքացիական ծառայողներին, ինչպես նաև համակարգում է նրանց աշխատանքները,
բ) կատարում է վարչության պետի կամ վարչության պետի տեղակալի (տեղակալների) հանձնարարականները,
գ) պատասխանատվություն է կրում օրենքների, Երևանի քաղաքապետի որոշումների և կարգադրությունների, Երևանի խորհրդի որոշումների, այլ իրավական ակտերի պահանջները և իրեն վերապահված լիազորությունները չկատարելու կամ ոչ պատշաճ կատարելու, կամ վերազանցելու, ինչպես նաև տրված հանձնարարականները չկատարելու կամ ոչ պատշաճ կատարելու համար:
7. Վարչության գլխավոր մասնագետը, վարչության պետի կամ վարչության պետի տեղակալի (տեղակալների) հանձնարարությամբ, մասնակցում է վարչության առջև դրված գործառույթներից բխող հիմնախնդիրների լուծմանը և որոշումների ընդունմանը:
8. Վարչության գլխավոր մասնագետը`
ա) աշխատակազմի ներսում աշխատակազմի կառուցվածքային ստորաբաժանումների ղեկավարների և աշխատողների հետ շփվում և հանդես է գալիս որպես ներկայացուցիչ իր լիազորությունների շրջանակներում,
բ) վարչության պետի հանձնարարությամբ աշխատակազմից դուրս շփվում և հանդես է գալիս որպես ներկայացուցիչ, մասնակցում է Հայաստանի Հանրապետության և օտարերկրյա պետությունների, միջազգային և այլ կազմակերպությունների իրավասու մարմինների ներկայացուցիչների հետ հանդիպումներին, խորհրդակցություններին, գիտաժողովներին, սեմինարներին, ինչպես նաև հանդես է գալիս առաջարկություններով, զեկուցումներով, հաշվետվություններով և այլն:
9. Վարչության գլխավոր մասնագետն իրեն վերապահված լիազորությունների շրջանակներում, ինչպես նաև վարչության պետի կամ վարչության պետի տեղակալի (տեղակալների) հանձնարարությամբ բացահայտում, վերլուծում և գնահատում է վարչության առջև դրված գործառույթներից բխող մասնագիտական նշանակության խնդիրներ, ինչպես նաև դրանց տալիս է ստեղծագործական և այլընտրանքային լուծումներ:
10. Վարչության գլխավոր մասնագետը`
ա) ունի բարձրագույն կրթություն, քաղաքացիական ծառայության առաջատար պաշտոնների առնվազն 2-րդ ենթախմբում առնվազն երկու տարվա ստաժ կամ առնվազն հինգ տարվա քաղաքացիական ծառայության ստաժ և քաղաքացիական ծառայության 2-րդ դասի առաջատար ծառայողի դասային աստիճան, կամ վերջին երեք տարվա ընթացքում քաղաքական կամ հայեցողական պաշտոններում առնվազն մեկ տարվա աշխատանքային ստաժ, կամ գիտական աստիճան և առնվազն երեք տարվա մասնագիտական ստաժ, կամ մինչև 2004 թվականի հունվարի 1-ը պետական կառավարման ոլորտի առնվազն երեք տարվա աշխատանքային ստաժ,
բ) ունի իր լիազորությունների հետ կապված իրավական ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն,
գ) տիրապետում է անհրաժեշտ տեղեկատվությանը,
դ) ունի համակարգչով և ժամանակակից այլ տեխնիկական միջոցներով աշխատելու ունակություն:
11. Վարչության գլխավոր մասնագետը`
ա) վարչության պետի կամ վարչության պետի տեղակալի (տեղակալների) հանձնարարությամբ մասնակցում է առևտրի և սպասարկումների բնագավառում տարածքային քաղաքականության իրականացմանն ուղղված Երևանի քաղաքապետի որոշումների ու կարգադրությունների, Երևանի խորհրդի որոշումների նախագծերի մշակմանն ու պատրաստմանը և ներկայացնում է վարչության պետին կամ տեղակալին,
բ) վարչության պետի կամ վարչության պետի տեղակալի հանձնարարությամբ մասնակցում է Երևանի քաղաքապետի կողմից կայացրած որոշումների և կարգադրությունների կատարման ու վերահսկման աշխատանքներին,
գ) վարչության պետի կամ վարչության պետի տեղակալի (տեղակալների) հանձնարարությամբ, ՀՀ օրենսդրության համապատասխան, ապահովում է քաղաքացիների և կազմակերպությունների դիմումների և գրությունների ընթացքը,
դ) վարչության պետի կամ վարչության պետի տեղակալի (տեղակալների) հանձնարարությամբ նախապատրաստում է զեկուցագրեր, տեղեկանքներ, հաշվետվություններ և այլ գրություններ,
ե) վարչության պետի կամ վարչության պետի տեղակալի (տեղակալների) հանձնարարությամբ նախապատրաստում է վարչության առջև դրված գործառույթներից և խնդիրներից բխող իրավական ակտերի նախագծեր, առաջարկություններ, եզրակացություններ, այլ փաստաթղթեր, ինչպես նաև դրանց վերաբերյալ մեթոդական պարզաբանումներ և ուղեցույցներ,
զ) վարչության պետի կամ վարչության պետի տեղակալի (տեղակալների) հանձնարարությամբ մասնակցում է վարչության աշխատանքային ծրագրերի մշակման աշխատանքներին,
է) իր լիազորությունների շրջանակներում, ինչպես նաև վարչության պետի կամ վարչության պետի տեղակալի (տեղակալների) հանձնարարությամբ, նախապատրաստում է առաջարկություններ, տեղեկանքներ, հաշվետվություններ, զեկուցագրեր և այլ գրություններ,
ը) վարչության պետին կամ վարչության պետի տեղակալին (տեղակալներին), ըստ անհրաժեշտության, ներկայացնում է առաջարկություններ` վարչության աշխատանքներին մասնագետներ, փորձագետներ, գիտական հաստատությունների ներկայացուցիչներ ներգրավելու և աշխատանքային խմբեր կազմավորելու համար,
թ) վարչության պետին կամ վարչության պետի տեղակալին (տեղակալներին), ըստ անհրաժեշտության, ներկայացնում է զեկուցումներ` իր կողմից սպասարկվող ոլորտին առնչվող համապատասխան մարմիններում կատարվող աշխատանքների վիճակի մասին,
ժ) իրականացնում է սույն պաշտոնի անձնագրով սահմանված այլ լիազորություններ:
Վարչության գլխավոր մասնագետն ունի օրենքով, այլ իրավական ակտերով նախատեսված այլ իրավունքներ (սոցիալական երաշխիքներ) և կրում է այդ ակտերով նախատեսված այլ պարտականություններ (սահմանափակումներ):
12. Վարչության գլխավոր մասնագետին օրենքով սահմանված կարգով շնորհվում է Հայաստանի Հանրապետության քաղաքացիական ծառայության 3-րդ դասի խորհրդականի դասային աստիճան:
Երևանի քաղաքապետի 2009 թվականի հուլիսի 29-ի թիվ 7149-Ա որոշմամբ հաստատված Երևանի քաղաքապետարանի աշխատակազմի առևտրի և սպասարկումների վարչության գլխավոր մասնագետի համայնքային ծառայության պաշտոնի անձնագրի պատճենի համաձայն`
1. Երևանի քաղաքապետարանի աշխատակազմի (այսուհետ` աշխատակազմ) առևտրի և սպասարկումների վարչության գլխավոր մասնագետի պաշտոնն ընդգրկվում է համայնքային ծառայության առաջատար պաշտոնների խմբի 2-րդ ենթախմբում:
2. Վարչության գլխավոր մասնագետին «Համայնքային ծառայության մասին» ՀՀ օրենքով սահմանված կարգով պաշտոնում նշանակում և պաշտոնից ազատում է աշխատակազմի քարտուղարը:
3. Վարչության գլխավոր մասնագետն անմիջականորեն ենթակա և հաշվետու է վարչության պետին:
4. Վարչության գլխավոր մասնագետն իրեն ենթակա աշխատողներ չունի:
5. Վարչության գլխավոր մասնագետի բացակայության դեպքում նրան փոխարինում է վարչության այլ գլխավոր մասնագետներից մեկը կամ վարչության առաջատար մասնագետներից մեկը` քարտուղարի հայեցողությամբ: Օրենքով նախատեսված դեպքերում վարչության գլխավոր մասնագետին փոխարինում է համայնքային ծառայության կադրերի ռեզերվում գտնվող` սույն պաշտոնի անձնագրի պահանջները բավարարող անձը, իսկ դրա անհնարինության դեպքում այլ անձը` ՀՀ օրենսդրությամբ սահմանված կարգով և ժամկետներում: Վարչության գլխավոր մասնագետը վարչության այլ մասնագետներից մեկի կամ վարչության առաջատար մասնագետներից մեկի բացակայության դեպքում փոխարինում է նրանց` քարտուղարի հայեցողությամբ:
6. Վարչության գլխավոր մասնագետը`
ա) վարչության պետի հանձնարարությամբ իրեն հանձնարարված բնագավառներում կազմակերպում և ծրագրում է աշխատանքները,
բ) կատարում է վարչության պետի հանձնարարականները,
գ) պատասխանատվություն է կրում իրավական ակտերի պահանջները և իրեն վերապահված լիազորությունները և տրված հանձնարարականները չկատարելու կամ ոչ պատշաճ կատարելու, լիազորությունները վերազանցելու համար:
7. Վարչության գլխավոր մասնագետը մասնակցում է որոշումների ընդունմանը և հանձնարարականների կատարմանը, ինչպես նաև վարչության պետի հանձնարարությամբ լուծում է հիմնախնդիրներ:
8. Վարչության գլխավոր մասնագետը`
ա) վարչության ներսում շփվում է իր լիազորությունների շրջանակներում,
բ) աշխատակազմի ներսում իր լիազորությունների շրջանակներում շփվում է աշխատակազմի այլ աշխատողների հետ, ինչպես նաև վարչության պետի հանձնարարությամբ հանդես է գալիս որպես ներկայացուցիչ,
գ) առանձին դեպքերում վարչության պետի հանձնարարությամբ աշխատակազմից դուրս շփվում և պարբերաբար հանդես է գալիս որպես ներկայացուցիչ, մասնակցում է ՀՀ այլ համայնքների և այլ կազմակերպությունների իրավասու մարմինների ներկայացուցիչների հետ հանդիպումներին, խորհրդակցություններին, գիտաժողովներին, սեմինարներին, ինչպես նաև հանդես է գալիս առաջարկություններով, զեկուցումներով և այլն,
9. Վարչության գլխավոր մասնագետը վարչության պետի հանձնարարությամբ իր լիազորությունների շրջանակներում բացահայտում, վերլուծում և գնահատում է վարչության առջև դրված մասնագիտական նշանակության խնդիրներ, ինչպես նաև դրանց ստեղծագործական և այլընտրանքային լուծումների վերաբերյալ առաջարկություններ է ներկայացնում վարչության պետին:
10. Վարչության գլխավոր մասնագետը`
ա) ունի բարձրագույն կրթություն, համայնքային կամ քաղաքացիական ծառայության պաշտոններում առնվազն երկու տարվա ստաժ կամ վերջին երեք տարվա ընթացքում քաղաքական կամ հայեցողական կամ քաղաքացիական պաշտոններում առնվազն մեկ տարվա աշխատանքային ստաժ կամ վերջին հինգ տարվա ընթացքում համայնքի ավագանու անդամի աշխատանքային գործունեության առնվազն երկու տարվա փորձ կամ առնվազն երեք տարվա մասնագիտական աշխատանքային ստաժ կամ մինչև 2015 թվականի հունվարի 1-ը համայնքային ծառայության, պետական կառավարման ոլորտի կամ համայնքային ենթակայության հիմնարկների ղեկավար պաշտոններում առնվազն մեկ տարվա աշխատանքային ստաժ,
բ) ունի «Քաղաքացիական», «Հողային», «Վարչական իրավախախտումների վերաբերյալ» ՀՀ օրենսգրքերի, «Երևան քաղաքում տեղական ինքնակառավարման մասին», «Համայնքային ծառայության մասին», «Տեղական ինքնակառավարման մասին», «Առևտրի և ծառայությունների մասին», «Սպառողների իրավունքների պաշտպանության մասին», «Տեղական տուրքերի և վճարների մասին», «Գնումների մասին», «Լիցենզավորման մասին», «Քաղաքաշինության մասին», «Գույքի նկատմամբ իրավունքների պետական գրանցման մասին», «Բաժնետիրական ընկերությունների մասին», «Վարչարարության հիմունքների և վարչական վարույթի մասին», «Անասնաբուժության մասին» և «Իրավական ակտերի մասին» ՀՀ օրենքների, աշխատակազմի և վարչության կանոնադրությունների ու իր լիազորությունների հետ կապված իրավական այլ ակտերի անհրաժեշտ իմացություն, ինչպես նաև տրամաբանելու, տարբեր իրավիճակներում կողմնորոշվելու ունակություն,
գ) տիրապետում է անհրաժեշտ տեղեկատվությանը,
դ) ունի համակարգչով և ժամանակակից այլ տեխնիկական միջոցներով աշխատելու ունակություն,
ե) տիրապետում է ռուսերենին (ազատ) և մեկ այլ օտար (կարդում, կարողանում է բացատրվել) լեզվի:
11. Վարչության գլխավոր մասնագետը`
ա) վարչության պետի կամ վարչության պետի տեղակալի հանձնարարությամբ մասնակցում է առևտրի և սպասարկումների բնագավառին ուղղված Երևանի ավագանու և քաղաքապետի որոշումների, կարգադրությունների, նախագծերի մշակմանն ու պատրաստմանը և ներկայացնում է վարչության պետին կամ տեղակալին,
բ) վարչության պետի կամ վարչության պետի տեղակալի հանձնարարությամբ մասնակցում է Երևանի ավագանու և քաղաքապետի որոշումների, կարգադրությունների կատարման ու վերահսկման աշխատանքներին, որոնց կատարման կազմակերպումն ու պատասխանատվությունը դրված է վարչության վրա,
գ) իր լիազորությունների սահմաններում մասնակցում է առևտրի, հանրային սննդի և կենցաղային ծառայությունների ոլորտում հայտնաբերված վարչական իրավախախտումների մասին արձանագրությունների կազմմանը,
դ) կատարում է վարչության պետի հանձնարարությունները` ժամանակին և պատշաճ որակով,
ե) իր կողմից մշակված իրավական ակտերի նախագծերի, ծրագրային փաստաթղթերի և նյութերի փորձաքննության ուղարկելու անհրաժեշտության մասին առաջարկություններ է ներկայացնում վարչության պետին,
զ) անհրաժեշտության դեպքում` վարչության պետի համաձայնությամբ կամ հանձնարարությամբ, մասնակցում է համապատասխան տեղական ինքնակառավարման մարմինների և այլ կազմակերպությունների կողմից կազմակերպվող քննարկումներին և այլ միջոցառումներին,
է) անհրաժեշտության դեպքում, իր լիազորությունների սահմաններում, նախապատրաստում և վարչության պետին է ներկայացնում առաջարկություններ, տեղեկանքներ, հաշվետվություններ, միջնորդագրեր, զեկուցագրեր և այլ գրություններ,
ը) իրականացնում է քաղաքացիների դիմում-բողոքների սահմանված կարգով քննարկումը և արդյունքները ներկայացնում է վարչության պետին,
թ) իրականացնում է պաշտոնի անձնագրով սահմանված այլ լիազորություններ: Վարչության գլխավոր մասնագետն ունի օրենքով, իրավական այլ ակտերով նախատեսված այլ իրավունքներ և կրում է այդ ակտերով նախատեսված այլ պարտականություններ:
12. Վարչության գլխավոր մասնագետին օրենքով սահմանված կարգով շնորհվում է Հայաստանի Հանրապետության համայնքային ծառայության 2-րդ դասի առաջատար ծառայողի դասային աստիճան:
Ձերբակալման մասին 2011 թվականի մայիսի 27-ի արձանագրության համաձայն` 2011 թվականի մայիսի 27-ին` ժամը 15:00-ին, Կարեն Պետիկի Միքայելյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի մայիսի 28-ի որոշման համաձայն` Կարեն Պետիկի Միքայելյանի նկատմամբ որպես խափանման միջոց ընտրվել է կալանավորումը:
Ձերբակալման մասին 2011 թվականի հունիսի 3-ի արձանագրության համաձայն` 2011 թվականի հունիսի 3-ին` ժամը 19:00-ին, Գագիկ Անդրանիկի Դանիելյանը ձերբակալվել է:
Կալանավորումը որպես խափանման միջոց ընտրելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի հունիսի 6-ի որոշման համաձայն` Գագիկ Անդրանիկի Դանիելյանի նկատմամբ որպես խափանման միջոց ընտրվել է կալանավորումը:
Գույքի վրա կալանք դնելու մասին 2011 թվականի հունիսի 2-ի որոշման համաձայն` թիվ 69103411 քրեական գործով կալանք է դրվել Կարեն Պետիկի Միքայելյանին պատկանող գույքի վրա:
Գույքի վրա կալանք դնելու մասին 2011 թվականի դեկտեմբերի 13-ի որոշման համաձայն` թիվ 69103411 քրեական գործով կալանք է դրվել Գագիկ Անդրանիկի Դանիելյանին պատկանող գույքի վրա:
ՀՀ ոստիկանության ինֆորմացիոն կենտրոնի պահանջագրի համաձայն` Կարեն Պետիկի Միքայելյանը նախկինում դատապարտված չի եղել:
ՀՀ ոստիկանության ինֆորմացիոն կենտրոնի պահանջագրի համաձայն` Գագիկ Անդրանիկի Դանիելյանը նախկինում դատապարտված չի եղել:
Երևանի թիվ 8 կլինիկական հիվանդանոցի էնդոկրինոլոգիական բաժանմունքի վարիչի կողմից տրված թիվ 190/19 էպիկրիզի թարգմանության համաձայն` Կարեն Պետիկի Միքայելյանը հիվանդ է շաքարային դիաբետով և բուժվում է ինսուլինով:
ՀՀ աշխատանքի և սոցիալական հարցերի նախարարության բժշկասոցիալական փորձաքննության գործակալության թիվ 940685 տեղեկանքի պատճենի համաձայն` Կարեն Պետիկի Միքայելյանը հանդիսանում է երրորդ կարգի հաշմանդամ:
«Զեյթուն-98» համատիրության նախագահի կողմից տրված բնութագրի համաձայն` Կարեն Պետիկի Միքայելյանը բնութագրվում է դրականորեն:
Դատարանը գտնում է, որ մտացածին են և սույն քրեական գործով ձեռք բերված օբյեկտիվ տվյալներով հերքվում են ամբաստանյալ Գագիկ Դանիելյանի ցուցմունքներն այն մասին, որ ինքը Կարեն Միքայելյանին ոչ մի ձևով չի օժանդակել, այլ ինքն ուղղակի միջնորդ է հանդիսացել, ինչպես նաև ինքը Լարիսա Իսպիրյանի հետ որևէ պայմանավորվածություն չի ունեցել և նրանից որևէ գումար չի վերցրել, այլ նրա կրպակի արդիականացման վերաբերյալ իրեն դիմել, պայմանավորվել և գումարը տվել է նրա ամուսինը` Մանվել Ասպատուրյանը:
3. Դատարանի իրավական վերլուծությունները.
Վերոգրյալ ապացույցների հիման վրա Դատարանը գալիս է այն եզրահանգման, որ Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանը Երևան քաղաքի Մամիկոնյանց փողոցի 2-րդ շենքի դիմաց գտնվող և Լարիսա Իսպիրյանին պատկանող տաղավարը արդիականացնելու ու դրա չափերն ընդլայնելու համար 2007 թվականի գարնանը և ամռանը Երևան քաղաքի Արգիշտի փողոցի թիվ 1 հասցեում գտնվող Երևանի քաղաքապետարանի վարչական շենքի մոտ Երևան քաղաքի Արաբկիր համայնքի աշխատակազմի առևտրի, սպասարկումների և տրանսպորտի բաժնի առաջին կարգի մասնագետ Գագիկ Անդրանիկի Դանիելյանի միջոցով և նրա օժանդակությամբ, ստացել է 942.060 ՀՀ դրամին համարժեք 2.800 ԱՄՆ դոլար, սակայն այդ ուղղությամբ որևէ գործողություն չի կատարել և ապօրինի, անհատույց և շահադիտական նպատակներով տիրացել է նշված գումարին, իսկ Լարիսա Իսպիրյանին պատկանող տաղավարը 2011 մայիսին ապամոնտաժվել է:
Դատարանը, նկատի ունենալով, որ Կարեն Պետիկի Միքայելյանի կողմից կատարված վերոգրյալ արարքը որակվել է ՀՀ քրեական օրենսգրքի 311-րդ հոդվածի 3-րդ մասի 3-րդ կետով, հարկ է համարում մանրամասն անդրադառնալ դրա քրեաիրավական որակմանը:
Կարեն Միքայելյանին նշված արարքը կատարելու ժամանակ գործող խմբագրությամբ ՀՀ քրեական օրենսգրքի 311-րդ հոդվածի 1-ին մասը քրեական պատասխանատվություն է նախատեսել պաշտոնատար անձի կողմից կաշառք ստանալու համար, այսինքն` պաշտոնատար անձի կողմից անձամբ կամ միջնորդի միջոցով իր կամ այլ անձի համար դրամ, գույք, գույքի նկատմամբ իրավունք, արժեթղթեր կամ որևէ այլ առավելություն ստանալու համար` կաշառք տվողի կամ նրա ներկայացրած անձի օգտին պաշտոնատար անձի կողմից իր լիազորությունների շրջանակում որևէ գործողություն կատարելու կամ չկատարելու կամ իր պաշտոնեական դիրքն օգտագործելով այդպիսի գործողություն կատարելուն կամ չկատարելուն նպաստելու կամ ծառայության գծով հովանավորչության կամ թողտվության համար, իսկ ՀՀ քրեական օրենսգրքի 311-րդ հոդվածի 3-րդ մասի 3-րդ կետը` նույն արարքը, որը կատարվել է խոշոր չափերով:
Նշված արարքը կատարելու ժամանակ գործող խմբագրությամբ ՀՀ քրեական օրենսգրքի 178-րդ հոդվածի 1-ին մասը քրեական պատասխանատվություն է նախատեսել խարդախության` խաբեության կամ վստահությունը չարաշահելու եղանակով ուրիշի գույքի զգալի չափերով հափշտակության կամ ուրիշի գույքի նկատմամբ իրավունք ձեռք բերելու համար, իսկ նույն հոդվածի 2-րդ մասի 2-րդ կետը` խարդախության համար, որը կատարվել է խոշոր չափերով:
Դատարանը գտնում է, որ ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված հանցակազմը առկա է այն դեպքերում, երբ ուրիշի գույքի հափշտակություն կամ ուրիշի գույքի նկատմամբ իրավունք ձեռք բերելու համար անձը խաբեության կամ վստահությունը չարաշահելու եղանակով ապօրինի, անհատույց և շահադիտական նպատակներով տիրանում է ուրիշի գույքին կամ ուրիշի գույքի նկատմամբ ձեռք է բերում իրավունք:
Դատարանը, նկատի ունենալով, որ սույն քրեական գործով Կարեն Միքայելյանը, հանդիսանալով Երևանի քաղաքապետարանի առևտրի և սպասարկումների վարչության գլխավոր մասնագետ Երևան քաղաքի Մամիկոնյանց փողոցի 2-րդ շենքի դիմաց գտնվող տաղավարը արդիականացնելու ու դրա չափերն ընդլայնելու համար Լարիսա Իսպիրյանից ստացել է ընդհանուր խոշոր չափերի` 942.060 ՀՀ դրամին համարժեք 2.800 ԱՄՆ դոլար, սակայն չունենալով նման լիազորություն և հետևաբար չկատարելով դրանք, այսինքն` խաբեության եղանակով ապօրինի, անհատույց և շահադիտական նպատակներով տիրացել է նշված գումարին, գտնում է, որ նրա արարքը համապատասխանում է ՀՀ քրեական օրենսգրքի 178-րդ հոդվածի 2-րդ մասի 2-րդ կետով նախատեսված արարքի հատկանիշներին:
Ինչ վերաբերում է մեղադրանքի կողմի այն պնդմանը, որ Կարեն Միքայելյանը միաժամանակ հանդիսանալով Երևան քաղաքի առևտրի և սպասարկման ոլորտի օբյեկտների արդիականացման ծրագրի աշխատանքային հանձնաժողովի և վարչական իրավախախտումների գործերով հարուցված վարչական վարույթի շրջանակներում գործերի ուսումնասիրման, նախապատրաստման և հաշվառման աշխատանքներ իրականացնող հանձնաժողովի անդամ, ունեցել է կրպակներն արդիականացնելու, դրանց չափերն ընդլայնելու գործընթացներին և քաղաքապետի կողմից հիշյալ կրպակներն արդիականացնելու վերաբերյալ որոշման ընդունմանը նպաստելու լիազորություններ, ապա վերոգրյալ ապացույցների հիման վրա Դատարանը գտնում է, որ Կարեն Միքայելյանը, թեև եղել է նշված հանձնաժողովների անդամ, սակայն նա որևէ լիազորություն չի ունեցել և հետևաբար չէր կարող նպաստել տաղավարի արդիականացման և չափերի ընդլայնման վերաբերյալ Երևանի քաղաքապետի կողմից որոշման ընդունմանը:
ՀՀ քրեական դատավարության օրենսգրքի 309-րդ հոդվածի 1-ին մասի համաձայն` գործի քննությունը դատարանում կատարվում է միայն ամբաuտանյալի նկատմամբ և միայն այն մեղադրանքի uահմաններում, որով նրան մեղադրանք է առաջադրվել: Նույն հոդվածի 2-րդ մասի համաձայն` դատական քննության ընթացքում մեղադրանքի փոփոխություն թույլատրվում է, եթե դրանով չի վատթարանում ամբաստանյալի վիճակը և չի խախտվում ամբաստանյալի պաշտպանության իրավունքը:
Դատարանը, նկատի ունենալով, մեղադրանքի նման փոփոխությունով ամբաստանյալի վիճակը չի վատթարանում, այլ դրանով նրա վիճակը բարելավվում է, գտնում է, որ ամբաստանյալ Կարեն Միքայելյանի կողմից կատարված վերոգրյալ արարքի իրավաբանական որակումը` ՀՀ քրեական օրենսգրքի 311-րդ հոդվածի 3-րդ մասի 3-րդ կետից պետք է վերաորակել ՀՀ քրեական օրենսգրքի 178-րդ հոդվածի 2-րդ մասի 2-րդ կետով:
Վերոգրյալ ապացույցների հիման վրա Դատարանը գալիս է նաև այն եզրահանգման, որ Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանը Երևան քաղաքի Մամիկոնյանց փողոցի 2-րդ շենքի դիմաց գտնվող և Նորիկ Դավթյանին պատկանող տաղավարը արդիականացնելու համար 2007 թվականի գարնանը Երևան քաղաքի Արաբկիրի թաղապետարանի վարչական շենքում ստացել է 173.935 ՀՀ դրամին համարժեք 500 ԱՄՆ դոլար, սակայն այդ ուղղությամբ որևէ գործողություն չի կատարել և ապօրինի, անհատույց և շահադիտական նպատակներով տիրացել է նշված գումարին, իսկ Նորիկ Դավթյանին պատկանող տաղավարը 2011 մայիսին ապամոնտաժվել է:
Դատարանը, նկատի ունենալով, որ Կարեն Պետիկի Միքայելյանի կողմից կատարված վերոգրյալ արարքը մեղադրանքի կողմը որակել է որպես կաշառք ստանալ, և հաշվի առնելով Դատարանի վերոգրյալ իրավական վերլուծությունները, գտնում է, որ ամբաստանյալ Կարեն Միքայելյանի կողմից կատարված վերոգրյալ արարքը պետք է վերաորակել ՀՀ քրեական օրենսգրքի 178-րդ հոդվածի 1-ին մասով:
Վերոգրյալ ապացույցների հիման վրա Դատարանը գալիս է նաև այն եզրահանգման, որ Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանը Երևան քաղաքի Վրացական փողոցի 15-րդ շենքի մոտ գտնվող և Արմենուհի Ջիգոյանին պատկանող կրպակը օրինականացնելու համար 2010 թվականի հոկտեմբերի 22-ին Երևան քաղաքի Արգիշտի փողոցի թիվ 1 հասցեում գտնվող Երևանի քաղաքապետարանի վարչական շենքի մոտ Երևան քաղաքի Արաբկիր համայնքի աշխատակազմի առևտրի, սպասարկումների և տրանսպորտի բաժնի առաջին կարգի մասնագետ Գագիկ Անդրանիկի Դանիելյանի միջոցով և նրա օժանդակությամբ, ստացել է 3.598.700 ՀՀ դրամին համարժեք 10.000 ԱՄՆ դոլար, սակայն այդ ուղղությամբ որևէ գործողություն չի կատարել և ապօրինի, անհատույց և շահադիտական նպատակներով տիրացել է նշված գումարին: Այսինքն` Կարեն Պետիկի Միքայելյանը վստահությունը չարաշահելու եղանակով, կաշառք ստանալու պատրվակով, կատարել է ուրիշի գույքի առանձնապես խոշոր չափերով հափշտակություն:
Վերոգրյալ ապացույցների հիման վրա Դատարանը գալիս է նաև այն եզրահանգման, որ Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանը Երևան քաղաքի Հ.Էմին փողոցի 43-րդ հասցեում գտնվող և Հովհաննես Գրիգորյանին տան ապօրինի կառույցն օրինականացնելու համար 2011 թվականի մայիսի 27-ին` ժամը 11:30-ի սահմաններում, Երևան քաղաքի Արգիշտի փողոցի 1-ին հասցեում գտնվող Երևանի քաղաքապետարանի վարչական շենքի թիվ 201 աշխատասենյակում ստացել է 944.000 ՀՀ դրամին համարժեք 2.500 ԱՄՆ դոլար և ապօրինի, անհատույց և շահադիտական նպատակներով տիրացել է նշված գումարին: Այսինքն` Կարեն Պետիկի Միքայելյանը վստահությունը չարաշահելու եղանակով, կաշառք ստանալու պատրվակով, կատարել է ուրիշի գույքի խոշոր չափերով հափշտակություն:
ՀՀ վճռաբեկ դատարանի 2012 թվականի դեկտեմբերի 5-ի թիվ ԵԿԴ/0030/01/12 որոշման համաձայն` «(...) 14. Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգրքի 178-րդ հոդվածի 3-րդ մասը պատասխանատվություն էր նախատեսում առանձնապես խոշոր չափերով, կազմակերպված խմբի կամ ՀՀ քրեական օրենսգրքի 175-182-րդ, 222-րդ, 234-րդ, 238-րդ, 269-րդ հոդվածներով նախատեսված հանցանքների համար երկու կամ ավելի դատվածություն ունեցող անձի կողմից կատարված խարդախության համար:
Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգրքի 20-րդ հոդվածի 1-ին մասի 1-ին կետի համաձայն` «Հանցագործությունների համակցություն է համարվում սույն օրենսգրքի տարբեր հոդվածներով կամ նույն հոդվածի տարբեր մասերով նախատեսված երկու կամ ավելի հանցանք կատարելը, որոնցից ոչ մեկի համար անձը դատապարտված չի եղել»։
Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգրքի 21-րդ հոդվածի 1-ին մասի համաձայն` «Հանցագործությունների կրկնակիություն է համարվում սույն օրենսգրքի Հատուկ մասի միևնույն հոդվածով կամ հոդվածի մասով նախատեսված երկու կամ ավելի հանցանք կատարելը»:
Մեջբերված քրեաիրավական դրույթների վերլուծությունից երևում է, որ մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելն անձի կողմից առավել ծանրացնող հանգամանքներում կատարված երկու և ավելի խարդախությունը չէր կարող դիտվել որպես ՀՀ քրեական օրենսգրքի 20-րդ հոդվածի 1-ին մասի 1-ին կետով նախատեսված իրական համակցություն և ենթակա էր որակման ՀՀ քրեական օրենսգրքի 178-րդ հոդվածի 3-րդ մասի որևէ կետով:
15. «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքով խմբագրված` ՀՀ քրեական օրենսգրքի 20-րդ հոդվածի 1-ին մասի 1-ին կետի համաձայն` «Հանցագործությունների համակցություն է համարվում սույն օրենսգրքով (տարբեր հոդվածներով կամ միևնույն հոդվածով կամ հոդվածի միևնույն կամ տարբեր մասերով կամ կետերով) նախատեսված երկու կամ ավելի հանցանք կատարելը, որոնցից ոչ մեկի համար անձը դատապարտված չի եղել»:
«ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքով հանցագործությունների կրկնակիությունը սահմանող` ՀՀ քրեական օրենսգրքի 21-րդ հոդվածն ուժը կորցրած է ճանաչվել։
Մեջբերված քրեաիրավական դրույթների վերլուծությունից երևում է, որ մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգիրքը որպես հանցագործությունների բազմակիության տեսակ նախատեսում էր կրկնակիությունը և այն սահմանում որպես ՀՀ քրեական օրենսգրքի Հատուկ մասի միևնույն հոդվածով կամ հոդվածի մասով նախատեսված երկու կամ ավելի հանցանքի կատարում:
«ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքով ՀՀ քրեական օրենսգրքում կատարված փոփոխություններից հետո կրկնակիությունը` որպես հանցագործությունների բազմակիության տեսակ, վերացվեց, իսկ ՀՀ քրեական օրենսգրքի Հատուկ մասի միևնույն հոդվածով և հոդվածի միևնույն մասով նախատեսված երկու կամ ավելի հանցանք կատարելը դիտվեց որպես հանցագործությունների իրական համակցություն:
16. «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքով ՀՀ քրեական օրենսգրքում կատարված փոփոխություններից հետո գործող ՀՀ քրեական օրենսգրքի 178-րդ հոդվածի 3-րդ մասը պատասխանատվություն է նախատեսում առանձնապես խոշոր չափերով և կազմակերպված խմբի կողմից կատարված խարդախության համար:
Մեջբերված քրեաիրավական դրույթը վերլուծերով սույն որոշման 15-րդ կետում շարադրված վերլուծության համատեքստում` Վճռաբեկ դատարանն արձանագրում է, որ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելուց հետո անձի կողմից առավել ծանրացնող հանգամանքներում կատարված երկու և ավելի խարդախությունը պետք է դիտվի որպես ՀՀ քրեական օրենսգրքի 20-րդ հոդվածի 1-ին մասի 1-ին կետով նախատեսված իրական համակցություն և առանձին դրվագներով որակվի ՀՀ քրեական օրենսգրքի 178-րդ հոդվածի 3-րդ մասի որևէ կետով:
17. ՀՀ քրեական օրենսգրքի 13-րդ հոդվածի 2-րդ մասի համաձայն` «Արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի»:
ՀՀ քրեական օրենսգրքի 13-րդ հոդվածի 2-րդ մասի իմաստով` հանցանք կատարած անձի վիճակն այլ կերպ վատթարացնող օրենքն այն օրենքն է, որը քրեական պատասխանատվության և պատժի նշանակման, քրեական պատասխանատվությունից կամ պատժից ազատելու կարգի ու պայմանների հետ կապված` ոչ նպաստավոր պայմաններ է ստեղծում հանցանք կատարած անձի համար:
18. Մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված էր ազատազրկում` չորսից ութ տարի ժամկետով` գույքի բռնագրավմամբ կամ առանց դրա։
«ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելուց հետո գործող ՀՀ քրեական օրենսգրքի 66-րդ հոդվածի 4-րդ մասի համաձայն` «Եթե հանցանքների համակցությունն ընդգրկում է ծանր կամ առանձնապես ծանր հանցանքներ, ապա վերջնական պատիժը նշանակվում է պատիժները լրիվ կամ մասնակիորեն գումարելու միջոցով։ Ընդ որում, ազատազրկման ձևով վերջնական պատիժը չի կարող գերազանցել քսանհինգ տարին։ (...)»։
Մեջբերված քրեաիրավական դրույթները գնահատելով սույն որոշման 14-րդ և 16-րդ կետերում շարադրված վերլուծության լույսի ներքո` Վճռաբեկ դատարանն արձանագրում է, որ մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը կատարված առանձնապես խոշոր չափերով երկու խարդախության համար` ՀՀ քրեական օրենսգրքի 178-րդ հոդվածի 3-րդ մասի 1-ին կետով անձի նկատմամբ կարող էր նշանակվել առավելագույնը 8 տարի ժամկետով ազատազրկում։ Իսկ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելուց հետո կատարված առանձնապես խոշոր չափերով երկու խարդախության համար` ՀՀ քրեական օրենսգրքի 178-րդ հոդվածի 3-րդ մասի 1-ին կետով, ՀՀ քրեական օրենսգրքի 178-րդ հոդվածի 3-րդ մասի 1-ին կետով` անձի նկատմամբ կարող է նշանակվել առավելագույնը 16 տարի ժամկետով ազատազրկում։
19. Սույն գործի նյութերի ուսումնասիրությունից երևում է, որ Ս.Հակոբյանին որպես մեղադրյալ ներգրավելու մասին որոշման համաձայն` իրեն մեղսագրված խարդախություններից առաջինը Ս.Հակոբյանը կատարել է 2011 թվականի մարտ ամսին, իսկ երկրորդը` 2011 թվականի հուլիս ամսին։
Մեջբերված փաստական տվյալների վերլուծությունից երևում է, որ իրեն մեղսագրված խարդախություններից առաջինը Ս.Հակոբյանը կատարել է մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը, իսկ երկրորդը` դրանից հետո:
(...)
20. Սույն որոշման նախորդ կետում մեջբերված փաստական հանգամանքները գնահատելով սույն որոշման 14-18-րդ կետերում շարադրված վերլուծության լույսի ներքո` Վճռաբեկ դատարանն արձանագրում է, որ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքով խմբագրված` ՀՀ քրեական օրենսգրքի 20-րդ հոդվածի 1-ին մասի 1-ին կետը հանդիսանում է Ս.Հակոբյանի վիճակն այլ կերպ վատթարացնող օրենք, քանի որ դրանում սահմանված են նրա նկատմամբ պատժի նշանակման ոչ նպաստավոր պայմաններ։ Այլ խոսքով, մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը գործող ՀՀ քրեական օրենսգրքի 20-րդ և 21-րդ հոդվածների իմաստով` Ս.Հակոբյանի նկատմամբ կարող էր պատիժ նշանակվել ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ առավելագույնը 8 տարի ժամկետով։ «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելուց հետո գործող ՀՀ քրեական օրենսգրքի 20-րդ հոդվածի իմաստով` Ս.Հակոբյանի նկատմամբ պատիժ կարող է նշանակվել ՀՀ քրեական օրենսգրքի 178-րդ հոդվածի 3-րդ մասի 1-ին կետով՝ երկու առանձին դրվագով` առավելագույնը 16 տարի ժամկետով։
21. Վերոգրյալի հիման վրա` Վճռաբեկ դատարանը գտնում է, որ Վերաքննիչ դատարանն անտեսել է այն հանգամանքը, որ Առաջին ատյանի դատարանը բավարարել է մեղադրողի միջնորդությունը, Ս.Հակոբյանին մեղավոր է ճանաչել երկու դրվագով խարդախության համար` ՀՀ քրեական օրենսգրքի 178-րդ հոդվածի 3-րդ մասի 1-ին կետով, 178-րդ հոդվածի 3-րդ մասի 1-ին կետով և նշված հոդվածներով պատիժ է նշանակել` դրանով իսկ հետադարձ ուժ տալով Ս.Հակոբյանի վիճակն այլ կերպ վատթարացնող օրենքին։ Հետևաբար, Վճռաբեկ դատարանն արձանագրում է, որ սույն գործով Վերաքննիչ դատարանի կողմից թույլ է տրվել նյութական իրավունքի խախտում, որն արտահայտվել է ՀՀ քրեական օրենսգրքի 13-րդ հոդվածի 2-րդ մասի խախտմամբ, և այդ առումով Վերաքննիչ դատարանի որոշումն իրավաչափ չէ:
22. Վերոգրյալի հետ մեկտեղ, Վճռաբեկ դատարանն արձանագրում է, որ սույն որոշման 20-21-րդ կետերում ամրագրված մոտեցումները կիրառելի չեն այն դեպքում, երբ անձին մեղսագրված արարքներից մեկը կատարվել է նախքան «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը, իսկ մնացած` մեկից ավելի դրվագներով արտահայտված արարքները կատարվել են վկայակոչված օրենքն ուժի մեջ մտնելուց հետո` պայմանով, որ վերոնշյալ արարքներն ընդգրկված չեն եղել մեկ միասնական դիտավորության մեջ (...)»:
Ելնելով վերոգրյալից և նկատի ունենալով, որ Կարեն Պետիկի Միքայելյանի կողմից վերոգրյալ չորս արարքներից երեքը կատարվել են մինչև «ՀՀ քրեական օրենսգրքում փոփոխություններ և լրացումներ կատարելու մասին» 2011 թվականի մայիսի 23-ի ՀՕ-143-Ն օրենքն ուժի մեջ մտնելը, իսկ վերջին արարքը կատարվել է դրանից հետո, Դատարանը գտնում է, որ Կարեն Պետիկի Միքայելյանի կողմից կատարված վերոգրյալ չորս արարքների քրեաիրավական որակումը համապատասխանում է ՀՀ քրեական օրենսգրքի 178-րդ հոդվածի 3-րդ մասի 1-ին կետի հատկանիշներին:
Ապացուցված է Կարեն Պետիկի Միքայելյանի մեղավորությունը ՀՀ քրեական օրենսգրքի 178-րդ հոդվածի 3-րդ մասի 1-ին կետով նախատեսված արարքները կատարելու մեջ:
Կարեն Միքայելյանի անձը դրականորեն բնութագրող հանգամանքներ են ամուսնացած լինելը և բարձրագույն կրթություն ունենալը:
Դատարանը գտնում է, որ Կարեն Միքայելյանի պատասխանատվությունն ու պատիժը մեղմացնող հանգամանքներ պետք է դիտել վատառողջ, երրորդ կարգի հաշմանդամ լինելը, նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Կարեն Միքայելյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Կարեն Միքայելյանը ենթակա է քրեական պատասխանատվության և պատժի:
Դատարանը, հաշվի առնելով Կարեն Միքայելյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ նրա կատարած արարքների համար ՀՀ քրեական օրենսգրքի 178-րդ հոդվածի 3-րդ մասի սանկցիայով, որպես հիմնական պատիժ, նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի: Դատարանը միաժամանակ գտնում է, որ Կարեն Միքայելյանի նկատմամբ չպետք է նշանակել ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Դատարանը գտնում է, որ Կարեն Միքայելյանի պատժի կրման սկիզբը պետք է հաշվել 2011 թվականի մայիսի 27-ից, քանի որ նա այդ օրը ձերբակալվել է, իսկ 2011 թվականի մայիսի 28-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Կարեն Միքայելյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Վերոգրյալ ապացույցների և Դատարանի կողմից վերը նշված իրավական վերլուծությունների հիման վրա Դատարանը գալիս է այն եզրահանգման, որ Գագիկ Անդրանիկի Դանիելյանը 2007 թվականի գարնանը և ամռանը օժանդակել է` Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանի կողմից խարդախությամբ Լարիսա Իսպիրյանի 942.060 ՀՀ դրամին համարժեք 2.800 ԱՄՆ դոլար գումարին տիրանալուն:
Բացի այդ, Գագիկ Անդրանիկի Դանիելյանը 2010 թվականի հոկտեմբերի 22-ին, օժանդակել է` Երևանի քաղաքապետարանի առևտրի և սպասարկումների վարչության գլխավոր մասնագետ Կարեն Պետիկի Միքայելյանի կողմից խարդախությամբ Էլլա Այվազյանից 3.598.700 ՀՀ դրամին համարժեք 10.000 ԱՄՆ դոլար հափշտակելուն:
Այսինքն` Գագիկ Անդրանիկի Դանիելյանը կատարել է արարքներ, որոնք համապատասխանում են ՀՀ քրեական օրենսգրքի 38-178-րդ հոդվածի 3-րդ մասի 1-ին կետի հատկանիշներին:
Ապացուցված է Գագիկ Անդրանիկի Դանիելյանի մեղավորությունը ՀՀ քրեական օրենսգրքի 38-178-րդ հոդվածի 3-րդ մասի 1-ին կետով նախատեսված արարքները կատարելու մեջ:
Գագիկ Դանիելյանի անձը դրականորեն բնութագրող հանգամանքներ են ամուսնացած լինելը և բարձրագույն կրթություն ունենալը:
Գագիկ Դանիելյանի պատասխանատվությունն ու պատիժը մեղմացնող հանգամանք է պատճառված վնասի մի մասը կամովին վերականգնելը:
Դատարանը գտնում է, որ Գագիկ Դանիելյանի պատասխանատվությունն ու պատիժը մեղմացնող հանգամանքներ պետք է դիտել նաև հաշմանդամ կնոջը խնամելը և նախկինում արատավորված` դատապարտված չլինելը:
Դատարանը միաժամանակ արձանագրում է, որ Գագիկ Դանիելյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Գագիկ Դանիելյանը ենթակա է քրեական պատասխանատվության և պատժի:
Դատարանը, հաշվի առնելով Գագիկ Դանիելյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունը և պատիժը մեղմացնող հանգամանքները, պատասխանատվությունը և պատիժը ծանրացնող հանգամանքների բացակայությունը, ինչպես նաև այն, որ նրա կատարած արարքների համար ՀՀ քրեական օրենսգրքի 178-րդ հոդվածի 3-րդ մասի սանկցիայով, որպես հիմնական պատիժ, նախատեսված է միայն ազատազրկում, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ ՀՀ քրեական օրենսգրքի 38-178-րդ հոդվածի 3-րդ մասի 1-ին կետով պատիժ պետք է նշանակել ազատազրկման ձևով, որը նա պետք է կրի: Դատարանը միաժամանակ գտնում է, որ Գագիկ Դանիելյանի նկատմամբ չպետք է նշանակել ՀՀ քրեական օրենսգրքի 178-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ oրը հաշվելով մեկ oրվա դիմաց: Դատարանը գտնում է, որ Գագիկ Դանիելյանի պատժի կրման սկիզբը պետք է հաշվել 2011 թվականի հունիսի 3-ից, քանի որ նա այդ օրը ձերբակալվել է, իսկ 2011 թվականի հունիսի 6-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Գագիկ Դանիելյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2011 թվականի հուլիսի 12-ի որոշմամբ իրեղեն ապացույց ճանաչված 2.500 ԱՄՆ դոլարը պետք է վերադարձնել տուժող Հովհաննես Գրիգորյանին:
ՀՀ քրեական դատավարության օրենսգրքի 360-րդ հոդվածի 1-ին մասի 10-րդ կետի համաձայն` դատավճիռ կայացնելիս դատարանը լուծում է այն հարցը, թե քաղաքացիական հայցը ենթակա է արդյոք բավարարման, ում օգտին և ինչ չափով:
Սույն քրեական գործով տուժողներ Էլլա Լևանի Այվազյանը և Լարիսա Սաշայի Իսպիրյանը ներկայացրել են քաղաքացիական հայցեր` ամբաստանյալ Կարեն Պետիկի Միքայելյանից պահանջելով հանցագործությամբ իրենց պատճառված վնասը` համապատասխանաբար 6.000 ԱՄՆ դոլարը և 1.800 ԱՄՆ դոլարին համարժեք 740.000 ՀՀ դրամը: Դատարանը, նկատի ունենալով, որ սույն գործով ձեռք բերված ապացույցներով հաստատվում է, որ Կարեն Պետիկի Միքայելյանի կողմից Էլլա Լևանի Այվազյանին և Լարիսա Սաշայի Իսպիրյանին հանցագործությամբ պատճառվել է համապատասխանաբար 3.598.700 ՀՀ դրամին համարժեք 10.000 ԱՄՆ դոլարի և 942.060 ՀՀ դրամին համարժեք 2.800 ԱՄՆ դոլարի վնաս, որոնցից համապատասխանաբար վերադարձվել է 4.000 ԱՄՆ դոլար և 1.000 ԱՄՆ դոլար, գտնում է, որ Կարեն Պետիկի Միքայելյանի դեմ Էլլա Լևանի Այվազյանի և Լարիսա Սաշայի Իսպիրյանի կողմից ներկայացված քաղաքացիական հայցերի պահանջները պետք է բավարարել և Կարեն Պետիկի Միքայելյանից հօգուտ Էլլա Լևանի Այվազյանի բռնագանձել 2.159.220 (երկու միլիոն հարյուր հիսունինը հազար երկու հարյուր քսան) ՀՀ դրամ, իսկ հօգուտ Լարիսա Սաշայի Իսպիրյանի` 605.600 (վեց հարյուր հինգ հազար վեց հարյուր) ՀՀ դրամ` որպես հանցագործությամբ պատճառված վնաս:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալներ Կարեն Միքայելյանից և Գագիկ Դանիելյանից ենթակա չեն բռնագանձման, քանի որ վերոգրյալ հիմնավորմամբ տուժող Հովհաննես Գրիգորյանի գումարը պետք է վերադարձվի, իսկ տուժողներ Էլլա Այվազյանի և Լարիսա Իսպիրյանի քաղաքացիական հայցերը պետք է բավարարվի: Բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-6-րդ կետերով նախատեսված դատական ծախսերը, քանի որ մասի 3-րդ, 4-րդ և 6-րդ կետերով նախատեսված ծախս սույն քրեական գործով առկա չէ, իսկ 2-րդ և 5-րդ կետերով նախատեսված դատական ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Սույն գործով 2011 թվականի հունիսի 2-ին և 2011 թվականի դեկտեմբերի 13-ին կայացվել են Կարեն Պետիկի Միքայելյանի և Գագիկ Անդրանիկի Դանիելյանի գույքի վրա կալանք դնելու մասին որոշումներ: Դատարանը, գտնում է, որ 2011 թվականի հունիսի 2-ի որոշմամբ Կարեն Միքայելյանի գույքի վրա դրված կալանքը պետք է թողնել անփոփոխ, քանի որ տուժողներ Էլլա Այվազյանի և Լարիսա Իսպիրյանի կողմից ներկայացված քաղաքացիական հայցերը պետք է բավարարվեն, իսկ 2011 թվականի դեկտեմբերի 13-ի որոշմամբ Գագիկ Դանիելյանի գույքի վրա դրված կալանքը պետք է վերացնել, քանի որ Գագիկ Դանիելյանի նկատմամբ ՀՀ քրեական օրենսգրքի 38-178-րդ հոդվածի 3-րդ մասի 1-ին կետով նախատեսված արարքների համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը, ինչպես նաև նրա նկատմամբ սույն քրեական գործով քաղաքացիական հայց չի ներկայացվել և առկա չեն Գագիկ Դանիելյանից բռնագանձման ենթակա դատական ծախսեր, ուստի վերացել է Գագիկ Դանիելյանի գույքի վրա կալանք դնելուց բխող սահմանափակումների կիրառման անհրաժեշտությունը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 169-րդ, 238-րդ, 309-րդ, 357-360-րդ, 365-րդ, 366-րդ և 369-372-րդ հոդվածներով` Դատարանը

ՎՃՌԵՑ

Կարեն Պետիկի Միքայելյանին մեղավոր ճանաչել ՀՀ քրեական օրենսգրքի 178-րդ հոդվածի 3-րդ մասի 1-ին կետով և պատիժ նշանակել ազատազրկում` 5 (հինգ) տարի 6 (վեց) ամիս ժամկետով` առանց գույքի բռնագրավման` պատժի կրման սկիզբը հաշվելով 2011 թվականի մայիսի 27-ից:
Կարեն Պետիկի Միքայելյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Գագիկ Անդրանիկի Դանիելյանին մեղավոր ճանաչել ՀՀ քրեական օրենսգրքի 38-178-րդ հոդվածի 3-րդ մասի 1-ին կետով և պատիժ նշանակել ազատազրկում` 4 (չորս) տարի ժամկետով` առանց գույքի բռնագրավման` պատժի կրման սկիզբը հաշվելով 2011 թվականի հունիսի 3-ից:
Գագիկ Անդրանիկի Դանիելյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2011 թվականի հուլիսի 12-ի որոշմամբ իրեղեն ապացույց ճանաչված 2.500 ԱՄՆ դոլարը վերադարձնել տուժող Հովհաննես Գրիգորյանին:
Տուժող Էլլա Լևանի Այվազյանի քաղաքացիական հայցը բավարարել. Կարեն Պետիկի Միքայելյանից հօգուտ Էլլա Լևանի Այվազյանի, որպես հանցագործությամբ պատճառված վնաս, բռնագանձել 2.159.220 (երկու միլիոն հարյուր հիսունինը հազար երկու հարյուր քսան) ՀՀ դրամ:
Տուժող Լարիսա Սաշայի Իսպիրյանի քաղաքացիական հայցերը բավարարել. Կարեն Պետիկի Միքայելյանից հօգուտ Լարիսա Սաշայի Իսպիրյանի, որպես հանցագործությամբ պատճառված վնաս, բռնագանձել 605.600 (վեց հարյուր հինգ հազար վեց հարյուր) ՀՀ դրամ:
2011 թվականի հունիսի 2-ի որոշմամբ Կարեն Պետիկի Միքայելյանի գույքի վրա դրված կալանքը թողնել անփոփոխ, իսկ 2011 թվականի դեկտեմբերի 13-ի որոշմամբ Գագիկ Անդրանիկի Դանիելյանի գույքի վրա դրված կալանքը վերացնել:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ