Գործ թիվ ԵԿԴ/0015/01/12





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Ժենյա Ավետիսյանի,

մասնակցությամբ`

մեղադրող, Երևանի Կենտրոն
և Նորք-Մարաշ վարչական շրջանների
դատախազության ավագ դատախազ` Լևոն Չարխիֆալակյանի,

Ա.Մուրադյանի պաշտպան` Վաղարշակ Գևորգյանի,

Ա.Առուստամյանի պաշտպան` Երեմ Սարգսյանի,

2012թ. մայիսի 18-ին դռնբաց դատական նիստում արա¬գաց¬ված դատական քննութ¬յան կարգով քննեց քրեական գործն ըստ մե¬ղադ¬րանքի`
1. Ա ր մ ե ն Մ յ ա ս ն ի կ ի Մ ու ր ա դ յ ա ն ի `
(ծնված 1963թ. մայիսի 31-ին, Արարատի մարզի Վեդի քաղաքում, ազգութ¬¬յամբ հայ, ՀՀ քաղա¬քա¬ցի, միջնա¬կարգ մասնագիտական կրթու¬թյամբ, ամուսնացած, նախ¬¬կինում չդատ¬ված, չի աշխատում, հաշվառ¬ված և բնակ¬վում է Արարատի մարզի Վեդի քաղաքի Արա¬րատ¬յան փո¬ղոցի թիվ 1 տանը, խնամքին 2 անձ, 2011թ. նոյեմբերի 25-ից մինչև դեկտեմբերի 15-ը գտնվել է նախնական կալանքի տակ)

2. Ա ս ա տ ո ւ ր Մ ի շ ա յ ի Ա ռ ո ւ ս տ ա մ յ ա ն ի `
(ծնված 1977թ. օգոստոսի 14-ին, Արարատի մարզի Վեդի քաղաքում, ազգութ¬¬յամբ հայ, ՀՀ քաղա¬քա¬ցի, միջնա¬կարգ կրթու¬թյամբ, ամուս¬նա¬ցած, նախ¬կինում չդատ¬ված, չի աշխատում, հաշվառված և բնակվում է Արարատի մարզի Վեդի քաղաքի Արարատյան փողոցի 36-րդ շենքի թիվ 3 բնակարանում, խնամքին 4 անձ, որոնցից երկուսը` մինչև 14 տարեկան անչափահաս, 2011թ. նոյեմբերի 25-ից մինչև դեկտեմբերի 15-ը գտնվել է նախնական կալանքի տակ)

1. Գործի դատավարական նախապատմությունը.
Թիվ 15137011 քրեական գործն հարուցվել է 2011թ. նոյեմբերի 25-ին ՀՀ քրեական օրենսգրքի 268-րդ հոդվածի 2-րդ մասի 2-րդ կետի հատ¬¬կանիշներով ՀՀ ոստիկա¬նության քննչա¬կան գլխավոր վարչության Երևան քաղաքի քննչական վարչության Կենտրոնականի քննչական բաժնում։
2011թ. նոյեմբերի 25-ին Արմեն Մուրադյանը և Ասատուր Առուստամյանը ձերբակալվել են, 2011թ. նոյեմբերի 26-ին ՀՀ քրեական օրենսգրքի 268-րդ հոդվածի 2-րդ մասի 2-րդ կետով ներգրավվել են որպես մեղադրյալներ։ Նույն օրը նրանց նկատմամբ որպես խափանման միջոց է ընտրվել կալանավորումը։
2011թ. դեկտեմբերի 15-ին Կենտրոն և Նորք-Մարաշ վարչական շրջանների դատախա¬զության ավագ դատա¬խազի որոշմամբ Արմեն Մուրադյանի և Ասատուր Առուստամյանի նկատ¬մամբ որպես խափանման միջոց կիրառված կալանավորումը վերացվել է, նախաքննա¬կան մարմինը նույն օրը նրանց նկատմամբ որպես խափանման միջոց է ընտրել չհեռանալու մասին ստորագրություն։
2012թ. փետրվարի 13-ին սույն քրեական գործից թիվ 13107512 համարով անջատվել է անհայտ անձի կողմից Արմեն Մուրադյանին խոշոր չափի 13.94 գրամ քաշով «չորացված մարիխուանա» տեսակի թմրամիջոց իրացնելու վերաբերյալ մասը։
2012թ. փետրվարի 21-ին քրեական գործն Արմեն Մուրադյանի և Ասատուր Առուստամ¬յա¬նի նկատմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով հաստատված մե¬ղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջան¬¬¬¬¬ների ընդհանուր իրավասության դատա¬րան և 2012թ. փետրվարի 22-ին ընդունվել վա¬րույթ։

Առաջադրված մեղադրանքի բովանդակությունը.
Արմեն Մուրադյանն առանց իրացնելու նպատակի ապօրինի ձեռք է բերել խոշոր չափի` ընդհանուր 13.94 գրամ «չորացված մարիխուանա» տեսակի թմրամիջոց, որից 8.4 գրամն ապօրի¬¬նի պահել է բաճկոնի աջ գրպանում, իսկ 5.54 գրամն` իր անձնական օգտագործման «Մերսեդես» մակնիշի, «55 ԼԼ 008» պետհամարանիշի ավտոմեքենայի սրահում։
2011թ. նոյեմբերի 25-ին` ժամը 13։30-ին, ամբաստանյալ Արմեն Մուրադյանը բերման է ենթարկվել ՀՀ ոստիկա¬նության կազմակերպված հանցավորության դեմ պայքարի գլխավոր վարչություն, որտեղ նրա անձնական խուզար¬կությամբ և ավտոմեքենայի զննությամբ հայտնա¬բերվել և առգրավ¬վել է ապօրինի ձեռք բերած և պահած խոշոր չափի` 13.94 գրամ ընդհանուր քաշով «չորացված մարիխուանա» տեսակի թմրամիջոցը։
Ասատուր Առուստամյանն առանց իրացնելու նպատակի` ապօրինի ձեռք է բերել խոշոր չափի` 2.06 գրամ «հաշիշ» տեսակի թմրամիջոց, որը հետագա գործածման համար ապօրինի պահել է տաբատի աջ գրպանում։
2011թ. նոյեմբերի 25-ին` ժամը 13։30-ին, ամբաստանյալ Ասատուր Առուստամյանը բերման է ենթարկվել ՀՀ ոստիկա¬նության կազմակերպված հանցավորության դեմ պայքարի գլխավոր վարչություն, որտեղ նրա անձնական խուզար¬կությամբ հայտնաբերվել և առգրավ¬վել է ապօրինի ձեռք բերած և պահած խոշոր չափի` 2.06 գրամ քաշով «հաշիշ» տեսակի թմրամի¬ջոցը։
Վերոնշյալ հանցավոր արարքի կատարման համար ամբաստանյալներ Արմեն Մուրադ¬յանին և Ասատուր Առուստամյանին մեղադրանք է առաջադրվել ՀՀ քրեական օրենսգրքի 268-րդ հոդ¬վածի 2-րդ մասի 2-րդ կետով։

Արագացված դատական քննություն.
Մինչ դատաքննություն սկսելն ամբաստանյալներ Արմեն Մուրադյանը և Ասատուր Առուս¬տամ¬յանը միջնորդեցին գործը քննել դատական քննության արագացված կարգով` հայտարա¬րելով, որ վերոնշյալ միջնոր¬դությունը ներկա¬յացնում են կամավոր, նախապես խորհրդակցելով պաշտպանների հետ, գիտակ¬ցում են արագացված կարգով դատաքննութ¬յուն անցկացնելու իրավական հետևանքները։ Ամբաստանյալներն հայտարարեցին նաև, որ առաջադրված մե¬ղադրանքն իրենց պարզ և հասկանալի է, համաձայն են դրա հետ, ավելին` առաջադրված մե¬ղադրանքում իրենց լիովին մեղավոր են ճանաչում։ Մեղադրողը, մինչև դատաքննություն սկսելը փոխելով իր սկզբնական դիրքորո¬շումը, հայտնեց, որ գործն արագացված դա¬տաքննության կարգով քննելու դեմ չի ա¬ռարկում։
Դատարանը, քննության առնելով ամբաստանյալների վերոնշյալ միջնոր¬դութ¬յունը, հաշվի առնելով մե¬ղադրող կողմի դիրքորոշումը և փաստելով, որ առկա են ՀՀ քրեական դատավա¬րության օրենսգրքի 375.1 և 375.2 հոդվածներով նախա¬տեսված հիմ¬քն ու պայմանները, գործը քննեց արագացված դա¬տաքննության կարգով։

Դատարանի իրավական վերլուծությունները.
ՀՀ քրեական օրենսգրքի 268-րդ հոդվածի 2-րդ մասի 2-րդ կետով Արմեն Մուրադյանին և Ասատուր Առուստամյանին առա¬ջադրված մեղադրանքը, դրանում նրանց մեղավորությունը Դատարանը հաստատված համարեց` ամբաստանյալ Ասատուր Առուստամյանի խոստո¬վա¬նա¬կան ցուցմունքով, վկաներ Կարեն Սահակյանի, Արմեն Բաղդասարյանի, Յուրիկ Գրիգորյանի, Հրանտ Միրիջանյանի, Գևորգ Երիցյանի, Տիգրան Սահակյանի, Կարեն Գրիգորյանի, Ալբերտ Ազատյանի, Տիգրան Կարապետյանի, Հարություն Ալեքսանյանի, Արայիկ Ներսիսյանի, Արամ Դավթյանի ցուցմունքներով, 2011թ. նոյեմբերի 25-ին կատարված Ասատուր Առուստամյանի և Արմեն Մուրադյանի խուզարկության, ինչպես նաև վերջինիս ավտոմեքենայի զննության արձանագրություններով, հայտնաբերված և իրեղեն ապացույց ճանաչված խոշոր չափի` 2.06 գրամ հաշիշ և 13.94 գրամ չորացված մարիխուանա տեսակի թմրամիջոցների առկայությամբ, դատաքիմիական փոր¬ձաքննութ¬յան 2011թ. նոյեմբերի 25-ի թիվ 554Ք, 555Ք և 556Ք, 2011թ. դեկտեմբերի 2-ի թիվ 562Ք եզրակացություններով, տոքսիկո¬քիմիական փորձաքննության 2011թ. դեկտեմբերի 1-ի թիվ 1093 և 1094 եզրակա¬ցություններով, դատա¬նարկոլոգիական ամբուլատոր փորձաքննության 2011թ. դեկտեմբերի 14-ի թիվ 0276-11 և 0277-11 եզրակա¬ցություն¬ներով, ապացույց ճանաչված` Արմեն Մուրադյանին և Ասատուր Առուստամյանին ոստի¬¬կանության ԿՀԴՊԳ վարչություն բերման ենթարկելու վերաբերյալ կազմված արձա¬նագրութ¬յունների առկայությամբ։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն եզրահանգման, որ ամբաստանյալներ Արմեն Մուրադյանին և Ասատուր Առուստամ¬յանին առաջադրված մեղադրանքի հիմքում դրված այդ ապա¬ցույցներն ըստ էության համապա¬տասխանում են ՀՀ քրեական դատա¬վարութ¬յան օրենսգրքով սահմանված թույլատրելիության և վերաբե¬րե¬լիութ¬յան, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարա¬րության չա¬փանիշ¬ներին։
Դատարանը գտնում է, որ Արմեն Մուրադյանին և Ասատուր Առուստամյանին մեղ¬սագրվող արարքը` առանց իրացնելու նպատակի խոշոր չափի թմրամիջոց ապօրինաբար ձեռք բերելը և պահելը, ՀՀ քրեական օրենսգրքի 268-րդ հոդ¬վածի 2-րդ մասի 2-րդ կետով որակված է ճիշտ, հետևա¬բար` վերջիններս քրեական պատաս¬խա¬նատ¬վության և պատժի ենթակա են այդ հոդվածի այդ կետով։
Ամբաստանյալների նկատմամբ նշանակվող պատժի տեսակը և չափը, ինչպես նաև պատիժը կրելու անհրաժեշտության հարցը որոշելիս Դատարանը հաշվի է առնում հետևյա¬լը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կա¬տարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտանգավորության աստիճանով և բնույթով, հանցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
Օրենքի և դատարանի առջև հավասարության սկզբունքն ամրագրած ՀՀ քրեական դա¬տա¬¬¬վարական օրենսգրքի 8-րդ հոդվածի համաձայն՝ որոշակի փաստական հանգամանքներ ունե¬ցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատա¬կան ակտի հիմնավորումները, այդ թվում՝ օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժա¬մանակ։
ՀՀ Վճռաբեկ դատարանը Ա.Պապիկյանի վերաբերյալ 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը` նշել է, որ այն դատարանին օժտել է անձի պատասխա¬նատ¬վությունը մեղմացնող հան¬գամանքների կիրառման լայն հայեցողությամբ, քանի որ պատիժ նշանակելիս դատարանը կարող է հաշվի առնել նաև մեղմացնող այնպիսի հանգամանքներ, որոնք նույն հոդվածի առաջին մասում նշված չեն։
Սույն գործով որպես պատասխանատվությունը և պատիժը մեղմացնող այդպիսի հանգա¬մանքներ, ինչպես նաև անձը բնութագրող տվյալներ Դատարանը հաշվի ա¬ռավ այն, որ ամբաստանյալներն իրենց լիովին մեղավոր են ճանաչել, անկեղծորեն զղջացել են կատարածի համար, բնութագրվում են դրականորեն, նախկինում դատապարտված և արատավորված չեն։
Որպես ամբաստանյալ Արմեն Մուրադյանի պատասխանատվությունը և պատիժը մեղ¬մաց¬նող հանգամանք¬ներ` Դատարանը հաշվի է առնում նաև վերջինիս վատառողջ լինելը, խնամքին` չաշխատող կնոջ` Եղիսաբեթ Փանոսյանի և թոշակառու մոր` Ռիմիկ Մուրադյանի առկայությունը։
Որպես ամբաստանյալ Ասատուր Առուստամյանի պատասխանատվությունը և պատիժը մեղ¬մաց¬նող հանգամանք¬ներ` Դատարանը հաշվի է առնում խնամքին մինչև 14 տարեկան երկու անչափահաս զավակների` 2007թ. ապրիլի 25-ին ծնված Միշա Առուստամյանի և 2008թ. հոկտեմբերի 31-ին ծնված` Մելինե Առուստամյանի, թոշակառու մոր` Ամալյա Առուստամյանի և չաշխատող կնոջ` Հեղնար Կարապետյանի առկայությունը։
Վերոնշյալ հանգա¬մանք¬ներն հաստատվել են քրեական գործի նյութերում առկա փաս¬տա¬կան տվյալ¬ներով, իրական են և ողջամտորեն նվազեցնում են ամբաստանյալների հան¬րային վտանգա¬վո¬րությունը։
Դատաքիմիական փորձաքննության 2011թ. դեկտեմբերի 1-ի թիվ 1093, ինչպես նաև թիվ 1094 եզրակացությունների համաձայն` համապատասխանաբար Արմեն Մուրադյանի և Ասատուր Առուստամյանի մեզի փորձանմուշներում հայտնաբերվել են կանաբիսի խմբի թմրա¬միջոցների թմրալկալոիդների հետքեր, սակայն Դատարանը, ղեկավարվելով ՀՀ քրեական դատա¬վարական օրենսգրքի 63-րդ հոդվածի 2-րդ մասի պահանջով և ելնելով նրանց մեղ¬սագրվող հանցագործության բնույթից, հաշվի առնելով, որ թմրամիջոցի գործածումը չի նպաստել մեղսագրվող հանցանքների կատարմանը, թմրամիջոցների ազդեցության տակ այդ հանցանքներ կա¬¬տա¬րելը որպես պատասխանատվությունը և պատիժը ծանրացնող հանգա¬մանք չի գնա¬հատում։
Ամբաստանյալների պատասխանատվությունը և պատիժը ծանրացնող այլ հանգա¬մանքներ Դատարանը չարձա¬նագրեց։
Պատժի նպատակներն ապահովելու տեսանկյու¬նով անդրադառնալով ամբաս¬տանյալ¬ների նկատմամբ նշանակվող պատժի տե¬սակին և այն կրելու անհրաժեշտության հարցին` Դատա¬րանը փաստում է, որ ՀՀ քրեական օրենսգրքի 268-րդ հոդվածի 2-րդ մասի 2-րդ կետով սահման¬ված հանցակազմը, որպես պատժատեսակ, նախա¬տեսում է միայն ազատազրկում, հետևաբար` քննարկման է ենթակա ամբաս¬տանյալներից յուրաքանչյուրի նկատմամբ ազա¬տազրկման ձևով նշանակվող պատժի չափը, ինչպես նաև պատիժը ռեալ կրելու կամ չկրելու հարցը, այսինքն` ՀՀ քրեական օրենսգրքի 70-րդ հոդվածի կիրառման նպատա¬կահարմա¬րութ¬յունն ու հիմնավորվա¬ծությունը։
Ամբաս¬տան¬յալներ Արմեն Մուրադյանի և Ասատուր Առուստամյանի նկատմամբ ազա¬տազրկման ձևով նշա¬նակվող պատժի չափը որոշելիս Դատա¬րանը հաշվի է առնում արա¬գաց¬ված կար¬գով դատական քննության կարգով մեղադրական դա¬տավճիռ կայացնելիս պատիժ նշա¬նա¬կելու` ՀՀ քրեական դատա¬վա¬րության օրենսգրքի 375.3-րդ հոդվածի 6-րդ մասով սահ¬ման¬ված կանոնը, համաձայն որի` այն չի կարող գերազանցել երկու տարին։
Ամբաստանյալների նկատմամբ պատիժ նշանակելիս Դատարանը հաշվի է առնում նաև այն, որ մինչդատական վարույթի ընթացքում` 2011թ. նոյեմբերի 25-ից մինչև դեկտեմբերի 15-ը, սույն գործով ամբաստանվող Արմեն Մուրադյանը և Ասատուր Առուստամյանը 21 օր տևողութ¬յամբ գտնվել են նախնական կալանքի տակ, ուստի նրանց նկատմամբ նշանակվող պատժին, ՀՀ քրեական օրենսգրքի 69-րդ հոդվածի համաձայն, պետք է հաշվակցել այդ ժամա¬նակա¬հատ¬վածը։
ՀՀ քրեական օրենսգրքի 70-րդ հոդվածի 1-ին մասի համաձայն` եթե դատարանը կա¬լանքի, ազատազրկման կամ կարգապահական գումարտակում պահելու ձևով պատիժ նշա¬նակելիս հանգում է հետևության, որ դատապարտյալի ուղղվելը հնարավոր է առանց պա¬տիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ Նույն հոդվածի 2-րդ մասի համաձայն` պատիժը պայմանականորեն չկիրառելիս դատա¬րանը հաշվի է առնում հանցավորի անձը բնութագրող տվյալները, պատաս¬խա¬նատվութ¬յունը և պատիժը մեղմացնող և ծանրացնող հանգամանքները։
ՀՀ քրեական օրենսգրքի վերոնշյալ դրույթների մեկնաբանությունից ակնհայտ է, որ պա¬տիժը պայմանականորեն չկիրառելու հետ կապված ինչպես հանցագործությունների տեսակ¬նե¬րի, հանցավոր արարքի վտանգավորության աստիճանի ու բնույթի, այնպես էլ անձանց շրջա¬նակի հետ կապ¬ված որևէ հատուկ սահմանափակում օրենսդիրը չի նախատեսել, այսինքն` պատի¬ժը պայմանականորեն չկիրառելու հիմք է համարվում դատարանի համոզ¬վածությունն առ այն, որ դատապարտյալի ուղղվելն հնարավոր է առանց որոշակի պատժա¬տեսակները ռեալ կրե¬լու (նման մեկնաբանություն է արել նաև ՀՀ Վճռաբեկ դատա¬րանը Հասմիկ Պետրոսյանի վերա¬բերյալ թիվ ԱՐԱԴ/0050/01/08 քրեական գործով 2009թ. հունիսի 29-ին կայացրած որոշմամբ)։
Դատարանի այդ համոզվածությունը կարող է կայանալ պատասխանատվությունը և պա¬տիժը մեղմացնող, ՀՀ քրեական օրենսգրքի 62-րդ հոդվածով նախատեսված (ինչպես նաև չնախատեսված, բայց Դատարանի համոզմամբ այդ¬պիսին դիտարկվող) և 63-րդ հոդվածում սպառիչ թվարկված, պատասխանատվությունը և պատիժը ծանրացնող հանգամանքների գնա¬հատման արդյունքներով։
Հաշվի առնելով ամբաստանյալներ Արմեն Մուրադյանի և Ասատուր Առուստամյանի անձի դրա¬կան բնութագիրը, նախկինում դատապարտված չլինելու և ընտանեական ու առողջական վի¬ճակը բնութագրող վերոնշյալ հանգա¬մանք¬ները, պատաս¬խա¬նատվությունը և պատիժը ծան¬րացնող հանգա¬մանքների բացա¬կայութ¬յունը, նրանց վե¬րագրվող հանցագոր¬ծութ¬յան բնույթն ու վտանգա¬վորության աստիճանը` Դա¬տարանը, վերջին¬ներիս նկատմամբ ազա¬տազրկման ձևով պատիժ նշանակելով, հանգում է այն համոզ¬վա¬ծության, որ նրանց ուղղվելը և նոր հանցա¬գործություններ կանխելը հնարավոր է առանց պա¬տիժը ռեալ կրելու` այն պայմա¬նականորեն չկիրառելու պայմանով։
Ամբուլատոր դատա¬նարկոլոգիական հանձնաժողովային փորձաքննության 2011թ. դեկտեմբերի 14-ի թիվ 0276-11 և 0277-11 եզրակա¬ցությունների համաձայն` ամբաստանյալներ Արմեն Մուրադյանի և Ասատուր Առուստամյանի մոտ թմրանյութի գործածումը կրում է էպիզոդիկ բնույթ, վերջիններս հարկադիր բուժման կարիք չեն զգում, հետևաբար` Դատա¬րանը նրանց նկատմամբ բժշկա¬կան բնույթի հարկադրան¬քի միջոց չի նշանակում։ Միևնույն ժամանակ, թմրամիջոցի գործածումից կախում չունենալու վերաբերյալ փորձագիտական հանձ¬նա¬¬ժողովի հետևությունը, ամբաս¬տանյալների անձը դրականորեն բնու¬թագրող, պատաս¬խանատվությունը և պատիժը մեղմանցող վերը թվարկված հանգամանքների հետ հա¬մադրելով և հաշվի առնելով` Դատարանը գտնում է, որ նրանց նկատմամբ 1(մեկ) տարի ժամկետով փոր¬ձաշրջան սահմանելը լիովին բավարար է` պատժի նպատակներն ապահովելու տեսանկյու¬¬նով։
Դատարանը, անդրադառնալով ամբաստանյալների նկատմամբ ընտրված խափանման միջոցի հարցին, գտնում է, որ ամբաստանյալներ Արմեն Մուրադյանի և Ասատուր Առուս¬տամ¬յանի նկատմամբ որպես խա¬¬¬¬փան¬ման միջոց ընտրված չհեռանալու մասին ստո¬րագրութ¬յունն անհրաժեշտ է վերացնել` դատավճիռն օրինական ուժի մեջ մտնելուց հետո։ Միաժամանակ քննարկելով ամբաստանյալներ Արմեն Մուրադյանին և Ասատուր Առուս¬տամյանին անա¬զա¬տության մեջ պահելու ժամկետներն հաշվակցելու հարցը` Դատարանը գտնում է, որ ամբաս¬տանյալների նկատմամբ ազատազրկման ձևով նշանակվող պատժի ժամկետին անհրա¬ժեշտ է հաշվակցել 2011թ. նոյեմբերի 25-ից մինչև 2011թ. դեկտեմբերի 15-ն ընկած ժամա¬նա¬կահատ¬վածում նրանցից յուրաքանչյուրին անա¬զա¬տության մեջ պահելու 21 օրը։
Քննարկելով իրեղեն ապացույցների տնօրինման հարցը` Դատարանը գտնում է, որ գոր¬ծով իրեղեն ապացույց ճանաչված, դատարանում պահվող` Ասատուր Առուստամյանի անձ¬նական խուզարկությամբ հայտնաբերված 2.06 գրամ «հաշիշ» տեսակի թմրամիջոցը (փոր¬ձագի¬տական հետա¬¬¬զո¬տությամբ ծախսվել է 0.1 գրամը) պետք է ոչնչացնել, իսկ Արմեն Մուրադ¬յանի անձնական խուզարկությամբ և վերջինիս ավտոմեքենայի զննությամբ հայտնա¬բեր¬ված ընդհա¬նուր 13.94 գրամ (փորձագիտական հետա¬¬¬զո¬տությամբ ծախսվել է 0.2 գրամը) «չորացված մարի¬խուանա» տեսակի թմրամիջոցն անհրաժեշտ է վերադարձնել նախաքննա¬կան մարմնին` սույն քրեական գոր¬ծից անջատված թիվ 13107512 քրեական գործին կցելու նպա¬տակով։
Նկատի ունենալով, որ ՀՀ քրեական դատավարական օրենսգրքի 375.3 հոդվածի 8-րդ մասի համաձայն` նույն օրենսգրքի 168-րդ հոդվածի 1-ին մասի 2-8-րդ կետերում թվարկված դա¬տական ծախսերն ամբաստանյալներից բռնագանձման ենթակա չեն, իսկ սույն քրեական գործով որևէ անձ տուժող չի ճանաչվել և քաղաքացիական հայց չի ներկայացրել` Դատարանը դատական ծախ¬սերի, ինչպես նաև քաղաքացիական հայցի հարցն համարում է լուծված։ Դատարանն արձա¬նագրում է նաև, որ ամբաստանյալների գույքի նկատմամբ արգելանք չի կիրառվել։
Գնահատելով մեղադրանքի հիմքում դրված ապացույց¬ները, ուսումնասիրելով ամբաս¬տան¬յալների անձը բնութագրող տվյալները, պատասխանատ¬վութ¬յունն ու պատիժը մեղ¬մացնող հան¬գամանքները, ղեկավարվելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց ՝
1. Արմեն Մյասնիկի Մուրադյանին ճանաչել մեղավոր ՀՀ քրեական օրենսգրքի 268-րդ հոդ¬վածի 2-րդ մասի 2-րդ կետով նախատեսված հանցա¬գործության կատարման մեջ, նրա նկատ¬մամբ նշանակել պատիժ` ազա¬տազրկում 1 (մեկ) տարի ժամկետով։ Նշանակված պատժին հաշվակցելով կալանքի տակ գտնվելու 21(քսանմեկ) օրը` Արմեն Մուրադյանի նկատ¬մամբ վերջնական պատիժ նշանակել ազատազրկում 11 (տասնմեկ) ամիս 9(ինը) օր ժամկետով։
Կիրառելով ՀՀ քրեական օրենսգրքի 70-րդ հոդվածը` Արմեն Մուրադյանի նկատմամբ ազատազրկման ձևով նշա¬նակված պատիժը պայմանականորեն չկիրառել և սահմանել փոր¬ձաշրջան 1(մեկ) տարի ժամկետով։
Արմեն Մուրադյանի նկատմամբ որպես խափանման միջոց ընտրված չհեռանալու վերա¬բերյալ ստորագրությունը վերացնել` դատավճիռն օրինական ուժի մեջ մտնելուց հետո։
2. Ասատուր Միշայի Առուստամյանին ճանաչել մեղավոր ՀՀ քրեական օրենսգրքի 268-րդ հոդ¬վածի 2-րդ մասի 2-րդ կետով նախատեսված հանցա¬գործության կատար¬ման մեջ, նրա նկատմամբ նշանակել պատիժ` ազա¬տազրկում 1(մեկ) տարի ժամկե¬տով։ Նշանակված պատժին հաշվակցելով կալանքի տակ գտնվելու 21/քսանմեկ/ օրը` Ասատուր Առուստամյանի նկատ¬¬մամբ վերջնական պատիժ նշանակել ազատազրկում 11(տասնմեկ) ամիս 9 (ինը) օր ժամկետով։
Կիրառելով ՀՀ քրեական օրենսգրքի 70-րդ հոդվածը` Ասատուր Առուստամյանի նկատ¬մամբ ազատազրկման ձևով նշա¬նակված պատիժը պայմանականորեն չկիրառել և սահմանել փորձաշրջան 1(մեկ) տարի ժամկետով։
Ասատուր Առուստամյանի նկատմամբ որպես խափանման միջոց ընտրված չհեռանալու վերաբերյալ ստորագրությունը վերացնել` դատավճռի օրինական ուժի մեջ մտնելուց հետո։
Գործով իրեղեն ապացույց ճանաչված, Դատարանում պահվող` 2.05 գրամ «հաշիշ» տե¬սակի թմրամիջոցը ոչնչացնել, իսկ Արմեն Մուրադյանի անձնական խուզարկությամբ և վեր¬ջինիս ավտոմեքենայի զննությամբ հայտնաբերված ընդհանուր 13.74 գրամ «չորացված մարի¬խուանա» տեսակի թմրամիջոցը վերադարձնել նախաքննական մարմնին` սույն քրեական գոր¬ծից անջատված թիվ 13107512 քրեական գործին կցելու նպա¬տակով։
Դատական ծախսերի հարցն համարել լուծված։
Դատավճիռը հրապարակման օրվանից մե¬կամսյա ժամկետում կարող է բողո¬քարկվել ՀՀ վերաքննիչ քրեական դատարան` բացառությամբ ՀՀ քրեական դատա¬վարության օրենսգրքի 395-րդ հոդ¬¬վածի 1-ին կետով նախատեսված հիմքի։

ԴԱՏԱՎՈՐ՝ Ա.ՎԱՐԴԱՆՅԱՆ