ԵԿԴ/0014/01/12


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
16 ապրիլի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ա.ԱՖԱՆԴՅԱՆԻ
տուժող Ա.ՄԱՐԳԱՐՅԱՆԻ
տուժողի ներկ. Դ.ՀՈՒՆԱՆՅԱՆԻ
ամբաստանյալ Ա.ՄԱՆՈՒԿՅԱՆԻ
պաշտպան Լ.ԳՐԻԳՈՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Արտակ Ֆրունզի Մանուկյանի` ծնված 03.05.1974թ. ք.Վարդենիսում, ազգությամբ հայ, ՀՀ քաղաքա-ցի, ամուսնացած, խնամքին 5 անձ, իր հայտարարությամբ` բարձրագույն կրթությամբ, վա-տառողջ, աշխատում է ՙԹամարա Ֆրունզե՚ ՍՊ ընկերությունում` որպես վաճառող, չդատ-ված, հաշվառված է` ք.Վարդենիս, Երևանյան փողոց, 15-րդ շենք, բնակարան հ. 2, բնակվում է` ք.Երևան, Գ.Զոհրապի փողոց, տուն հ. 37, արգելանքի տակ չէ, մեղադրվում է ՀՀ քրեական օրենսգրքի 112-րդ հոդվածի 1-ին մասով:
Ամբաստանյալ Ա.Մանուկյանին ՀՀ քրեական օրենսգրքի 112-րդ հոդվածի 1-ին մասով մեղադրանք է առաջադրվել այն բանի համար, որ նա. ՙ2011թ. հուլիսի 7-ին` ժամը 01.30-ի սահմաններում, Երևան քաղաքի Մյասնիկյան պողոտայի 1 հասցեի դիմաց գտնվող ՙՄակու՚ ռեստորանի դիմաց վիճաբանել է Արտեմ Խաչիկի Մարգարյանի հետ, որի ընթացքում գետ-նից վերցնելով փայտի կտոր` դրանով դիտավորությամբ հարվածել է Արտեմ Մարգարյանի գլխի աջ ճակատաքունքային շրջանին, որի հետևանքով նրա առողջությանը պատճառվել է կյանքին վտանգ սպառնացող ծանր վնասª գանգուղեղային ծանր բաց վնասվածքի ձևով, որն ուղեկցվել է գանգի թաղի և հիմի, այտոսկրի կոտրվածքներով, գլխուղեղի ծանր աստիճանի սալջարդով, աջ ճակատաքունքային հատվածների թիթեղանման սուբդուրալ հեմատոմայով, ձախից` ճակատային և ճակատ-գագաթային շրջանների սալջարդ վերքի ձևերով: Նշված հարվածից Ա.Մարգարյանը վայր է ընկել, ստանալով գլխի և ուսահոդի շրջանի այլ վնաս-վածքներ՚:
Ամբաստանյալ Ա.Մանուկյանը դատաքննությամբ միջնորդեց կիրառել արագացված դատական քննության կարգ ու հայտարարեց, որ այն ներկայացնում է կամավոր` պաշտպա-նի հետ խորհրդակցելուց հետո, առաջադրված մեղադրանքն իրեն պարզ է, համաձայն է մե-ղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակ-ցում է արագացված կարգով դատական քննություն անցկացնելու հետևանքները:
Դատարանի որոշմամբ ամբաստանյալի միջնորդությունը բավարարվել է և կիրառվել է արագացված դատական քննության կարգ:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Ա.Մանուկյանը կատարել է հանցանք` նախատեսված ՀՀ քրեական օրենսգրքի 112-րդ հոդվածի 1-ին մասով, որով և նա պետք է պատասխանատվության ենթարկվի:
Ամբաստանյալ Ա.Մանուկյանի նկատմամբ պատիժ նշանակելիս` պատժի չափը որո-շելիս, դատարանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը, այնպես էլ արագացված կարգով անցկացված դա-տաքննության ընթացքում ուսումնասիրված` նրա անձը բնութագրող տվյալներն ու պատաս-խանատվությունը և պատիժը մեղմացնող ու ծանրացնող հանգամանքները:
Որպես ամբաստանյալ Ա.Մանուկյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա կամովին ներկայացել է ոստի-կանություն, համաձայնվեց մեղադրանքի հետ և անկեղծորեն զղջաց կատարած հանցանքի համար, 2-րդ խմբի ցմահ հաշմանդամ է, նախկինում դատված չի եղել, կամովին հատուցել է տուժողին պատճառված նյութական վնասն ու տուժողը ներել է նրան, բնութագրվում է դրա-կան և նրա խնամքին են գտնվում 3-րդ խմբի հաշմանդամ մայրը, կինը, երկու անչափահաս ու մինչև 14 տարեկան մեկ երեխան:
Որպես ամբաստանյալ Ա.Մանուկյանի անձը բնութագրող հանգամանք` դատարանը հաշվի է առնում, որ նա զբաղվում է հանրօգուտ աշխատանքով:
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին:
Դատարանը, նկատի ունենալով ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող վերոգրյալ հանգամանքները և պատաս-խանատվությունն ու պատիժը ծանրացնող հանգամանքների բացակայությունը և, ելնելով ՀՀ քրեական օրենսգրքի 10-րդ և 61-րդ հոդվածներով սահմանված արդարության, պատասխա-նատվության անհատականացման ու պատիժ նշանակելու ընդհանուր սկզբունքներից, գըտ-նում է, որ ամբաստանյալ Ա.Մանուկյանի ուղղվելը հնարավոր է առանց պատիժը կրելուª պա-տիժը պայմանականորեն չկիրառելու միջոցով, ինչն անհրաժեշտ և բավարար է նաև սոցիա-լական արդարությունը վերականգնելու ու նրա կողմից նոր հանցագործությունների կատա-րումը կանխելու համար:
Դատարանը, քննության առնելով ամբաստանյալի նկատմամբ կիրառված խափան-ման միջոցի հարցը, գտնում է, որ նրա նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 357, 359, 360 ու 3753 հոդվածներով` դատարանը

Վ Ճ Ռ Ե Ց

Արտակ Ֆրունզի Մանուկյանին ճանաչել մեղավոր ՀՀ քրեական օրենսգրքի 112-րդ հոդվածի 1-ին մասով և դատապարտել ազատազրկման 3 (երեք) տարի ժամկետով:
ՀՀ քրեական օրենսգրքի 70-րդ հոդվածի կիրառմամբ Ա.Մանուկյանի նկատմամբ նշա-նակված պատիժը պայմանականորեն չկիրառել և սահմանել փորձաշրջան 1 (մեկ) տարի ժամկետով:
Ա.Մանուկյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ