ԵԿԴ/0013/01/12
Ո Ր Ո Շ ՈՒ Մ

ՔՐԵԱԿԱՆ ՊԱՏԱՍԽԱՆԱՏՎՈՒԹՅՈՒՆԻՑ ԱԶԱՏԵԼՈՒ ՄԱՍԻՆ

10 ապրիլի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների առաջին ատյանի դատարանը` նախագահությամբ` դատավոր Գ.Պողոսյանի, քարտուղարությամբ` Ա.Մար-տիրոսյանի, մասնակցությամբ` մեղադրող Գ.Գասպարյանի, ամբաստանյալ Հ.Դարբինյանի, պաշտպան Ս.Մկրտչյանի, դատարանում` դռնբաց դատական նիստում, քննելով գործն ըստ մեղադրանքի Հովհաննես Էդմոնդի Դարբինյանի` ծնված 01.03.1986թ. Արմավիրի մարզի Շե-նավան գյուղում, ազգությամբ հայ, ՀՀ քաղաքացի, ամուսնացած, խնամքին 4 անձ, 8-ամյա կրթությամբ, առողջ, չի աշխատում, չդատված, բնակվում է` Արմավիրի մարզ, գ.Շենավան, 6-րդ փողոց, տուն հ. 7, արգելանքի տակ չէ, մեղադրվում է ՀՀ քրեական օրենսգրքի 361-րդ հոդ-վածի 1-ին մասով,
Պ Ա Ր Զ Ե Ց

Ամբաստանյալ Հ.Դարբինյանին ՀՀ քրեական օրենսգրքի 361-րդ հոդվածի 1-ին մա-սով մեղադրանք է առաջադրվել այն բանի համար, որ նա. ՙՀանդիսանալով ՀՀ ՊՆ 95532 զո-րամասի 2-րդ հրաձգային գումարտակի 3-րդ հրաձգային վաշտի 3-րդ հրաձգային դասակի 3-րդ ջոկի դիպուկահար, պայմանագրային զինծառայող` կոչումով եֆրետոր, պարտավոր լինե-լով ներկայանալ զինվորական ծառայության, առանց հարգելի պատճառի երեք ամսվա ըն-թացքում երեք և ավելի անգամ մինչև երեք օր տևողությամբ ինքնակամ թողել է զորամասը և չի ներկայացել ծառայության:
Այսպես.
Հ.Դարբինյանը 16.09.2011թ.-ից մինչև 17.09.2011թ., 25.11.2011թ. ժամը 12:00 մինչև 28.11.2011թ. ժամը 09:00, 01.12.2011թ. մինչև 02.12.2011թ. և 08.12.2011թ. մինչև 12.12.2011թ. առանց հարգելի պատճառի ինքնակամ թողել է զորամասի տարածքը և չի ներկայացել ծա-ռայության՚:
Ամբաստանյալ Հ.Դարբինյանը դատական քննության ընթացքում միջնորդեց կիրա-ռել արագացված դատական քննության կարգ ու հայտարարեց, որ այն ներկայացնում է կա-մավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճա-նաչում և գիտակցում է արագացված կարգով դատական քննություն անցկացնելու հետևանք-ները:
Դատարանի որոշմամբ ամբաստանյալի միջնորդությունը բավարարվել է և կիրառվել է արագացված դատական քննության կարգ:
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Հ.Դարբինյանը կատարել է հանցանք` նախատեսված ՀՀ քրեական օրենսգրքի 361-րդ հոդվածի 1-ին մասով:
Միաժամանակ, նկատի ունենալով, որ ամբաստանյալ Հ.Դարբինյանն առաջին ան-գամ կատարել է ոչ մեծ ծանրության հանցանք, 08.12.2012թ-ից արձակվել է ՀՀ զինված ուժե-րի պահեստազոր, ծառայության ընթացքում երկու անգամ` 10.03.2011թ-ին և 11.10.2011թ-ին խրախուսվել է, ներկայումս չի աշխատում, նրա խնամքին են գտնվում կինը, մինչև 14 տա-րեկան երկու և 24.03.2012թ. ծնված երեխաները, հաշվի առնելով նրա պատասխանատվու-թյունը և պատիժը ծանրացնող հանգամանքների բացակայությունը, նրա դրական բնութա-գիրը, դատարանը գտնում է, որ նա դադարել է հանրության համար վտանգավոր լինելուց և իրադրության փոփոխման հիմքով կարող է և պետք է ազատվի քրեական պատասխանա-տըվությունից, ու նրա նկատմամբ պետք է դադարեցվի քրեական հետապնդումը և կարճվի քրեական գործի վարույթը:
Դատարանը, քննության առնելով ամբաստանյալի նկատմամբ կիրառված խափան-ման միջոցի հարցը, գտնում է, որ Հ.Դարբինյանի նկատմամբ կիրառված խափանման միջո-ցը` ստորագրություն չհեռանալու մասին, որոշումն ուժի մեջ մտնելուց հետո պետք է վերաց-վի:
Վերոգրյալների հիման վրա ու ղեկավարվելով ՀՀ քրեական դատավարության օրենս-գրքի 35, 3753 և ՀՀ քրեական օրենսգրքի 74 հոդվածներով` դատարանը

Ո Ր Ո Շ Ե Ց

Հովհաննես Էդմոնդի Դարբինյանին իրադրության փոփոխման հիմքով ազատել քրեական պատասխանատվությունից` նրա նկատմամբ դադարեցնելով քրեական հետա-պընդումն ու կարճելով քրեական գործի վարույթը:
Հ.Դարբինյանի նկատմամբ կիրառված խափանման միջոցը` ստորագրություն` չհե-ռանալու մասին, որոշումն ուժի մեջ մտնելուց հետո վերացնել:
Որոշումը կարող է բողոքարկվել ՀՀ քրեական վերաքննիչ դատարան` հրապարակվե-լու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ