ԵԿԴ/0007/01/12







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«2» մարտի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Աֆանդյան
տուժող Լ.Բադալյանի
պաշտպան Է.Չինարյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Ավետիս Արթուրի Մխիթարյանի` ծնված 1988 թվականի մարտի 4-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, նախկինում չդատապարտված, աշխատում է «Արմենտ Ալյանս» ՍՊ ընկերությունում` որպես գլխավոր հաշվապահ, հաշվառված է Երևան քաղաքի Էստոնական փողոցի 4-րդ շենքի 25-րդ բնակարանում, մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով, արգելանքի տակ է 2011 թվականի դեկտեմբերի 29-ից,
1. Գործի դատավարական նախապատմությունը.
2011 թվականի դեկտեմբերի 29-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ ՀՀ քրեական օրենսգրքի 316-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 15142111 քրեական գործը:
2011 թվականի դեկտեմբերի 30-ին ՀՀ ոստիկանության Կենտրոնականի քննչական բաժնի ավագ քննիչ Ա.Պողոսյանի որոշմամբ թիվ 15142111 քրեական գործով Ավետիս Արթուրի Մխիթարյանին մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով:
2012 թվականի փետրվարի 1-ին Ավետիս Արթուրի Մխիթարյանի վերաբերյալ թիվ 15142111 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0007/01/12 համարը:
Ավետիս Արթուրի Մխիթարյանին մեղադրանք է առաջադրվել ՀՀ քրեական օրենսգրքի 316-րդ հոդվածի 1-ին մասով` այն արարքի համար, որ նա 2011 թվականի դեկտեմբերի 28-ին` ժամը 23:10-ի սահմաններում, գտնվելով ալկոհոլային խմիչքներ օգտագործած վիճակում, Երևան քաղաքի Բաղրամյան և Մոսկովյան փողոցների հատման մասում իր կողմից վարվող «ՎԱԶ-21214» մակնիշի ավտոմեքենայով բախվել է Վրույր Բորիսի Սարգսյանի կողմից վարվող «ՎԱԶ-2107» մակնիշի ավտոմեքենային, որից հետո ծառայողական պարտականությունների հետ կապված առողջության համար ոչ վտանգավոր բռնություն գործադրելով` ձեռքով հարվածել է իշխանության ներկայացուցիչ հանդիսացող, դեպքի վայր ժամանած ՀՀ ոստիկանության ճանապարհային ոստիկանության 1-ին սպայական գումարտակի 1-ին սպայական վաշտի 1-ին սպայական դասակի տեսուչ Լևոն Ռազմիկի Բադալյանի դեմքի շրջանին:
2. Արագացված դատական քննություն.
Մինչ դատաքննությունն սկսելն ամբաստանյալ Ավետիս Արթուրի Մխիթարյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Ավետիս Արթուրի Մխիթարյանը կատարել է արարք` նախատեսված ՀՀ քրեական օրենսգրքի 316-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագիրը, սթափության վիճակի զննության թիվ 104464 արձանագրությունը, բնութագրերը, հղիության վերաբերյալ տղեկանքը, ընտանիքի կազմի վերաբերյալ տեղեկանքը, հաշմանդամության տեղեկանքի, առողջական վիճակի վերաբերյալ փաստաթղթերի, ամուսնության թիվ ԱԲ037455 և ծննդյան թիվ ԱԲ128898 վկայականների պատճենները, եկավ հետևյալ եզրահանգման.
Ավետիս Մխիթարյանի անձը դրականորեն բնութագրող հանգամանքներ են ամուսնացած լինելը, բարձրագույն կրթություն ունենալը և կատարածի համար զղջալը:
Ավետիս Մխիթարյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երեխայի (Արթուր Ավետիսի Մխիթարյան` ծնված 2011 թվականի հունիսի 3-ին) և հղի կնոջ առկայությունը:
Դատարանը գտնում է, որ Ավետիս Մխիթարյանի պատասխանատվությունն ու պատիժը մեղմացնող հանգամանքներ պետք է դիտել նաև վատառողջ (երկրորդ խմբի հաշմանդամ) լինելը, նախկինում արատավորված` դատապարտված չլինելը և դրականորեն բնութագրվելը:
ՀՀ քրեական օրենսգրքի 63-րդ հոդվածի 1-ին մասի 14-րդ կետի համաձայն` պատասխանատվությունը և պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Դատարանը, նկատի ունենալով, որ Ավետիս Մխիթարյանը քրեական օրենսգրքով նախատեսված արարքը կատարել է ալկոհոլի ազդեցության տակ (Ավետիս Մխիթարյանի մոտ հայտնաբերվել է 3-րդ աստիճանի ալկոհոլոյին խմածություն), գտնում է, որ նրա պատասխանատվությունն ու պատիժը ծանրացնող հանգամանք է հանցանքն ալկոհոլի ազդեցության տակ կատարելը:
Կատարած արարքի համար ամբաստանյալ Ավետիս Մխիթարյանը ենթակա է քրեական պատասխանատվության և պատժի:
Դատարանը, հաշվի առնելով Ավետիս Մխիթարյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ Ավետիս Մխիթարյանի կատարած արարքի համար ՀՀ քրեական օրենսգրքի 316-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ավետիս Մխիթարյանի պատժի կրման սկիզբը պետք է հաշվել 2011 թվականի դեկտեմբերի 29-ից, քանի որ նա ձերբակալվել է այդ օրը, իսկ 2011 թվականի դեկտեմբերի 30-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Ավետիս Մխիթարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերը դատարանի նախաձեռնությամբ ամբաստանյալ Ավետիս Մխիթարյանից ենթակա չեն բռնագանձման, քանի որ տուժողը, հնարավորություն ունենալով իր շահերը դատարանում ներկայացնել, ամբաստանյալին որևէ պահանջ չի ներկայացրել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Ավետիս Արթուրի Մխիթարյանին մեղավոր ճանաչել ՀՀ քրեական օրենսգրքի 316-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով` պատժի կրման սկիզբը հաշվելով 2011 թվականի դեկտեմբերի 29-ից:
Ավետիս Արթուրի Մխիթարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ