ԵԿԴ/0277/01/11




ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«6» դեկտեմբերի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան)

Նախագահող դատավոր Մ.Պապոյան
դատական նիստերի քարտուղարներ Ռ.Ավետյան
Կ.Կարապետյան
մեղադրող Վ.Միլիտոնյան
պաշտպաններ Է.Չինարյան
Մ.Թովմասյան
Գ.Գալիկյան
Ն.Սարգսյան

դռնբաց դատական նիստում քննեց քրեական գործն ըստ մեղադրանքի`
Մարատ Արամայիսի Սարգսյանի` ծնված 1982 թվականի հունվարի 14-ին Ստեփանակերտ քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում դատապարտված, հաշվառված է Ստեփանակերտ քաղաքի Մետաքսագործների փողոցի 27 տանը, մեղադրանք է առաջադրվել ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով, և
Աշոտ Շմավոնի Աբելյանի` ծնված 1989 թվականի հուլիսի 1-ին Էջմիածին քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, չի աշխատում, նախկինում դատապարտված, հաշվառված է Արմավիրի մարզի Արաքս գյուղում, մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով, արգելանքի տակ է 2011 թվականի ապրիլի 23-ից, և
Էրիկ Հակոբի Մակինյանի` ծնված 1985 թվականի հունվարի 13-ին Ալավերդի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում չդատապարտված, բնակվել է Երևան քաղաքի Նորագյուղ թաղամասի 67-րդ տանը, մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով, արգելանքի տակ է 2011 թվականի ապրիլի 23-ից:


1. Գործի դատավարական նախապատմությունը.
2011 թվականի ապրիլի 23-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Հարությունյանի որոշմամբ ՀՀ քրեական օրենսգրքի 266-րդ հոդվածի 2-րդ մասի 1-ին, 2-րդ կետերով և 266-րդ հոդվածի 3-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 69102311 քրեական գործը:
2011 թվականի ապրիլի 26-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Հարությունյանի որոշմամբ թիվ 69102311 քրեական գործով Աշոտ Շմավոնի Աբելյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 1-ին, 2-րդ կետերով և 266-րդ հոդվածի 3-րդ մասի 2-րդ կետով:
2011 թվականի ապրիլի 26-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Հարությունյանի որոշմամբ թիվ 69102311 քրեական գործով Էրիկ Հակոբի Մակինյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 1-ին, 2-րդ կետերով և 266-րդ հոդվածի 3-րդ մասի 1-ին կետով:
2011 թվականի հունիսի 1-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Հարությունյանի որոշմամբ թիվ 69102311 քրեական գործով Հովհաննես Միշայի Գևորգյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 3-րդ մասի 1-ին կետով:
2011 թվականի հունիսի 17-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործն ընդունվել է վարույթ:
2011 թվականի սեպտեմբերի 20-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործով Մարատ Արամայիսի Սարգսյանին մեղադրանք է առաջադրվել ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով:
2011 թվականի նոյեմբերի 30-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործով Էրիկ Հակոբի Մակինյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով:
2011 թվականի դեկտեմբերի 6-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործով Աշոտ Շմավոնի Աբելյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով:
2011 թվականի դեկտեմբերի 7-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործով Հովհաննես Միշայի Գևորգյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 38-215-րդ հոդվածի 2-րդ մասով, 34-266-րդ հոդվածի 3-րդ մասով և 34-268-րդ հոդվածի 2-րդ մասի 2-րդ կետով:
2011 թվականի դեկտեմբերի 14-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Ա.Շախկյանի որոշմամբ թիվ 69102311 քրեական գործից անջատվել է Հովհաննես Միշայի Գևորգյանի և այլ անձանց վերաբերյալ մասը, որին շնորհվել է 69102311/1 համարը:
2011 թվականի դեկտեմբերի 26-ին Մարատ Արամայիսի Սարգսյանի, Էրիկ Հակոբի Մակինյանի և Աշոտ Շմավոնի Աբելյանի վերաբերյալ թիվ 69102311 քրեական գործը մեղադրական եզրակացությամբ ուղարկվել է Դատարան, որտեղ քրեական գործին շնորհվել է ԵԿԴ/0277/01/11 համարը:
Մարատ Արամայիսի Սարգսյանին մեղադրանք է առաջադրվել ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով, այն արարքի համար, որ նա ՀՀ քրեական օրենսգրքի 178-րդ հոդվածի 3-րդ մասով և 325-րդ հոդվածի 1-ին մասով դատապարտված լինելով 11 տարի ազատազրկման և գտնվելով ՀՀ ԱՆ «Նուբարաշեն» քրեակատարողական հիմնարկում, իր հետ նույն խցում պատիժ կրող դատապարտյալ Հովհաննես Միշայի Գևորգյանի հետ նախնական համաձայնությամբ, իրացնելու նպատակով առանձնապես խոշոր չափի թմրամիջոց ձեռք բերելու և պատիժը կրելու ընթացքում տարբեր անձանց նկատմամբ գոյացած պարտքերի դիմաց նրանց թմրամիջոցներ իրացնելու ուղղակի դիտավորությամբ, պատվիրել է իր ծանոթ` Երևան քաղաքի 16-րդ թաղամասի 47-րդ շենքի 89-րդ բնակարանի բնակիչ Վահագն Խաչատուրի Գուլոյանին, թմրամիջոցի չպարզված գնորդներից և միջնորդ անձանցից որպես կանխավճար հավաքել դրա ձեռքբերման համար անհրաժեշտ 1.520 ԱՄՆ դոլարը` առանց վերջինին տեղեկացնելու գումարի հավաքման իրական մտադրության մասին: Այնուհետև, Հովհաննես Գևորգյանի կողմից նրա ծանոթ` ԻԻՀ քաղաքացի ոմն Բեյնամի հետ թմրամիջոցի ձեռքբերման հարցով հեռախոսով պայմանավորվածություն ունենալուց հետո, առանձնապես խոշոր չափի` մոտ 200 գրամ ափիոն տեսակի թմրամիջոցի արժեքը կազմող 1.520 ԱՄՆ դոլարը Վահագ Գուլոյանի միջոցով Երևանի ՋԷԿ-ի մոտ` նախկին «Հայկոոպի» պահեստների տարածքում գործող պարսկական ապրանքների տոնավաճառի աշխատակից ոմն Դավիթին, իսկ վերջինի միջոցով Բեյնամիին փոխանցելուց հետո 2011 թվականի ապրիլի 22-ին, իր ծանոթներ Էրիկ Հակոբի Մակինյանին և Աշոտ Շմավոնի Աբելյանին ուղարկել է Մեղրիի սահմանամերձ տարածք, որտեղ, տարածքին ծանոթ Հովհաննես Գևորգյանի կողմից հեռախոսազանգերով ուղղորդելու միջոցով, նրանց պատվիրել է կայանել Բեյնամի հետ պայմանավորված վայրում: 2011 թվականի ապրիլի 23-ին, լուսադեմին` ժամը 07:00-ի սահմաններում, Բեյնամի կողմից Իրանական հատվածից արտանետված փաթեթները Էրիկ Մակինյանն ու Աշոտ Աբելյանը Մարատ Սարգսյանի պատվերով ապօրինի փոխադրել են Երևան, սակայն վերջինի հանցավոր մտադրությունը` առանձնապես խոշոր չափերի` 186,6 գրամ ափիոն տեսակի թմրամիջոցն իրացնելու նպատակով չի կարողացել ձեռք բերել իր կամքից անկախ հանգամանքներով, քանի որ ՃՈ Նորագավիթի հենակետի մոտ ոստիկանության աշխատակիցների կողմից կասկածանքի տակ բերման ենթարկված Աշոտ Աբելյանի մոտից հայտնաբերվել և առգրավվել է թմրամիջոցի վերը նշված քանակությունը:
Աշոտ Շմավոնի Աբելյանին մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով` այն արարքների համար, որ նա իր ծանոթներ` ՀՀ ԱՆ «Նուբարաշեն» ՔԿ հիմնարկի կալանավորներ Հովհաննես Միշայի Գևորգյանի և Մարատ Արամայիսի Սարգսյանի խնդրանքով և նրանց հետ հեռախոսակապով ձեռք բերած պայմանավորվածության համաձայն, 2011 թվականի ապրիլի 22-ին` ժամը 21:00-ի սահմաններում, Էրիկ Հակոբի Մակինյանի հետ միասին, վերջինին պատկանող` «ՎԱԶ-2107» մակնիշի 88PP882 պետհամարանիշի ավտոմեքենայով մեկնել է Մեղրի քաղաք, որտեղ հաջորդ օրը` ապրիլի 23-ին` ժամը 07:00-ի սահմաններում, Հովհաննես Գևորգյանի կողմից տրված ցուցումներով կայանել են Իրանի Իսլամական Հանրապետության սահմանամերձ տարածքում: Այնուհետև` տեղեկանալով, որ Մեղրի մեկնելու իրական նպատակը Հովհաննես Գևորգյանի և Մարատ Սարգսյանի համար, վերջինների ձեռք բերած պայմանավորվածությամբ, իրանական կողմից արտանետված թմրամիջոցի քանակությունը Երևան փոխադրելն ու ինչ-որ անձի միջոցով նրանց փոխանցելն է, օժանդակել է Մարատ Սարգսյանին և Հովհաննես Գևորգյանին` առանձնապես խոշոր և խոշոր չափերի թմրամիջոց ձեռք բերելուն, այն է` առանց իրացնելու նպատակի, ապօրինի ձեռք է բերել իրանական կողմից արտանետված` առանձնապես խոշոր չափերի` 186,8 գրամ ափիոն և խոշոր չափի` 4,9 գրամ հաշիշ տեսակի թմրամիջոցները, որոնք Էրիկ Մակինյանի հետ միասին ապօրինի փոխադրել են Կապան քաղաք, որտեղից թմրամիջոցներն ապօրինի Երևան փոխադրելու նպատակով, բաժանվելով Էրիկ Մակինյանից, նստել է «Միտսուբիշի» մակնիշի 21ԼՍ679 պետհամարանիշի երթուղային ավտոմեքենան, սակայն ճանապարհին` Մասիս քաղաքի ՃՈ հենակետի մոտից կասկածանքի տակ բերման է ենթարկվել ՀՀ ոստիկանության ԿՀԴՊ գլխավոր վարչություն, որտեղ նշված ավտոմեքենայի զննությամբ հայտնաբերվել ու առգրավվել են նրա կողմից ավտոմեքենայի երրորդ շարքի նստատեղի դիմաց նետված հիշյալ թմրամիջոցների քանակությունները: Այսպիսով` Աշոտ Շմավոնի Աբելյանը, Էրիկ Հակոբի Մակինյանի հետ նախնական համաձայնությամբ, օժանդակել է Հովհաննես Գևորգյանի և Մարատ Սարգսյանի կողմից առանց իրացնելու նպատակի, առանձնապես խոշոր չափերի ափիոն և խոշոր չափերի հաշիշ տեսակի թմրամիջոցների ապօրինի ձեռք բերմանը, այդ նպատակով ապօրինի ստացել, պահել և փոխադրել է դրանք:
Էրիկ Հակոբի Մակինյանին մեղադրանք է առաջադրվել ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով և 38-268-րդ հոդվածի 3-րդ մասով` այն արարքների համար, որ նա ՀՀ ԱՆ «Նուբարաշեն» ՔԿ հիմնարկի կալանավորներ Հովհաննես Միշայի Գևորգյանի և Մարատ Արամայիսի Սարգսյանի կողմից տրված տաքսի ծառայության պատվերով, նրանց հետ հեռախոսակապով ձեռք բերած պայմանավորվածության համաձայն, 2011 թվականի ապրիլի 22-ին` ժամը 21:00-ի սահմաններում, Աշոտ Շմավոնի Աբելյանի հետ միասին, իրեն պատկանող` «ՎԱԶ-2107» մակնիշի 88PP882 պետհամարանիշի ավտոմեքենայով մեկնել է Մեղրի քաղաք, որտեղ հաջորդ օրը` ապրիլի 23-ին` ժամը 07:00-ի սահմաններում, Հովհաննես Գևորգյանի ցուցումով ավտոմեքենան կայանել է Իրանի Իսլամական Հանրապետության սահմանամերձ տարածքում: Այնուհետև` տեղեկանալով, որ Մեղրի մեկնելու իրական նպատակը Հովհաննես Գևորգյանի և Մարատ Սարգսյանի համար, վերջինների ձեռք բերած պայմանավորվածությամբ, իրանական կողմից արտանետված թմրամիջոցի քանակությունը Երևան փոխադրելն ու ինչ-որ անձի միջոցով նրանց փոխանցելն է, օժանդակել է Մարատ Սարգսյանին և Հովհաննես Գևորգյանին` առանձնապես խոշոր և խոշոր չափերի թմրամիջոց ձեռք բերելուն, այն է` առանց իրացնելու նպատակի, ապօրինի ձեռք է բերել իրանական կողմից արտանետված` առանձնապես խոշոր չափերի` 186,8 գրամ ափիոն և խոշոր չափի` 4,9 գրամ հաշիշ տեսակի թմրամիջոցները, որոնք Աշոտ Աբելյանի հետ միասին ապօրինի փոխադրել են Կապան քաղաք, որտեղից թմրամիջոցներն ապօրինի Երևան փոխադրելու նպատակով` Աշոտ Աբելյանին «Միտսուբիշի» մակնիշի 21ԼՍ679 պետհամարանիշի երթուղային ավտոմեքենան նստեցնելով` ճանապարհել է Երևան: Մասիս քաղաքի ՃՈ հենակետի մոտից ՀՀ ոստիկանության ԿՀԴՊ գլխավոր վարչություն կասկածանքի տակ բերման ենթարկված երթուղային ավտոմեքենայի զննությամբ` Աշոտ Աբելյանի նստատեղի դիմաց հայտնաբերվել ու առգրավվել է վերը նշված թմրամիջոցների քանակությունները: Այսպիսով` Էրիկ Հակոբի Մակինյանը, Աշոտ Շմավոնի Աբելյանի հետ նախնական համաձայնությամբ, օժանդակել է Հովհաննես Գևորգյանի և Մարատ Սարգսյանի կողմից առանց իրացնելու նպատակի, առանձնապես խոշոր չափերի ափիոն և խոշոր չափերի հաշիշ տեսակի թմրամիջոցների ապօրինի ձեռք բերմանը, այդ նպատակով ապօրինի ստացել, պահել և փոխադրել է դրանք:
2012 թվականի մայիսի 18-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0277/01/11 քրեական գործով Աշոտ Շմավոնի Աբելյանի նկատմամբ ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով քրեական հետապնդումը դադարեցվել է համաներման ակտի ընդունման հիմքով:
2012 թվականի մայիսի 18-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0277/01/11 քրեական գործով Էրիկ Հակոբի Մակինյանի նկատմամբ ՀՀ քրեական օրենսգրքի 38-268-րդ հոդվածի 2-րդ մասի 2-րդ կետով քրեական հետապնդումը դադարեցվել է համաներման ակտի ընդունման հիմքով:
2. Ապացույցների հետազոտում և գնահատում.
Ամբաստանյալ Մարատ Սարգսյանը դատական քննության ընթացքում առաջադրված մեղադրանքում իրեն մեղավոր չճանաչեց և ցուցմունք տվեց այն մասին, որ Էրիկ Մակինյանին և Աշոտ Աբելյանին չի ճանաչում: Ինքն ու Հովհաննես Գևորգյանը եղել են ՀՀ ԱՆ «Նուբարաշեն» քրեակատարողական հիմնարկի թիվ 36 խցում, սակայն ինքը Հովհաննեսի հետ չի շփվել: Մի օր` ժամը 20:30-ի սահմաններում մոտ 10 անձ գնացել են թիվ 36 խուց և սկսել զննել այն: Դրանից հետո իրեն հարցաքննել են և փորձել պարզել թե 096-88-88-08 հեռախոսահամարը իրենն է, թե ոչ: Այնուհետև Հովհաննեսին տարել են դատախազություն, որից հետո իրեն մեղադրանք է առաջադրվել, որի հետ ինքը որևէ կապ չունի: Դեպքի օրն ինքն ընդհանրապես Էրիկ Մակինյանի և Աշոտ Աբելյանի հետ չի խոսել: 096-88-88-08 հեռախոսահամարն իրենն է, սակայն դրանից օգտվել են թիվ 36 խցում գտնվող բոլոր անձիք:
Ամբաստանյալ Մարատ Սարգսյանը դատական քննության ընթացքում լրացուցիչ ցուցմունք տվեց այն մասին, որ դատարանում լսված հեռախոսային խոսակցության ձայնագրառման մեջ առկա ձայնը, ինչպես նաև փորձաքննության համար վերցրած ձայնային նմուշը իրենը չէ: Թիվ 36 խցում, բացի իրենից Մարատ անունով այլ անձ չի եղել: Էրիկ Մակինյանը եղել է իրենց խցի ներքևի` թիվ 15 խցում: Սույն գործը հարուցելուց հետո Էրիկը պատուհանից ասել է, որ իրեն նամակ է ուղարկում, որպեսզի ինքը այն կարդա: Էրիկի կողմից ուղարկված նամակներն ինքը ներկայացրել է դատարանին:
Ամբաստանյալ Աշոտ Աբելյանը դատական քննության ընթացքում առաջադրված մեղադրանքում իրեն մեղավոր ճանաչեց և օգտվելով իր իրավունքից հրաժարվեց ցուցմունք տալ:
Ամբաստանյալ Աշոտ Աբելյանը նախնական քննության ընթացքում` 2011 ապրիլի 23-ին, ցուցմունք է տվել այն մասին, որ իր հորեղբոր աղջկա ամուսինը` Հովհաննեսը, խարդախություն կատարելու համար դատապարտվել է ազատազրկման և պատիժը կրում է «Նուբարաշեն» քրեակատարողական հիմնարկում, ում հետ ինքը գտնվում է մտերիմ փոխհարաբերությունների մեջ: Ինքն ու Հովհաննեսը պարբերաբար շփվում են հեռախոսի միջոցով: Նա 096-88-88-08 բջջային հեռախոսահամարից և այլ հեռախոսահամարներից զանգահարել է իր 077-10-45-05 հեռախոսահամարին: 2011 թվականի ապրիլի 22-ին` ժամը 19:00-ի սահմաններում, Հովհաննեսը նշված հեռախոսահամարից զանգահարել է իր հեռախոսահամարին և հարցրել, թե արդյոք ինքը կարող է գնալ Ղարաբաղ, որից հետո հեռախոսը փոխանցել է նրա խցակից Հովհաննեսին, որպեսզի նա մանրամասնի, թե ինչի համար է ինքը գնալու Ղարաբաղ: Հովհաննեսը հեռախոսով իրեն խնդրել է, որպեսզի ինքը գնա Աջափնյակ թաղամասում գտնվող «Սթար» սուպերմարկետի մոտ, որտեղ իրեն կմոտենա սպիտակ գույնի «ՎԱԶ-2107» մակնիշի ավտոմեքենա, ինչպես նաև մեկ այլ անձ, ով իրեն կտա 70.000 ՀՀ դրամ: Նշված գումարից 50.000 ՀՀ դրամն ինքը պետք է տա նշված մեքենայի վարորդին, իսկ 20.000 ՀՀ դրամը պետք է պահի իր մոտ որպես ճանապարհածախս: Նա իրեն ասել է, որ նշված մեքենայով ինքը պետք է գնա Ղարաբաղ, որտեղից գումար վերցնի և վերադառնա, իսկ վերադառնալուց հետո այդ գումարն իրենից կվերցնեին: Դրանից հետո ինքը գնացել է նշված «Սթար» սուպերմարկետի մոտ, որտեղ իրեն մոտեցել է սպիտակ գույնի 88PP882 պետհամարանիշով «ՎԱԶ-2107» մակնիշի ավտոմեքենա: Նշված մեքենայով ինքը ուղևորվել է դեպի Արարատ տանող ճանապարհ: Նույն օրը` ժամը 21:00-ի սահմաններում, ինքը նկատել է, որ ճանապարհի վրա գտնվող ցուցափեղկին գրված է Մեղրի, ինչից հասկացել է, որ գտնվում է Մեղրի քաղաքում, այլ ոչ թե Ղարաբաղում: Այդ ժամանակ ինքը մեքենայի վարորդ Էրիկին հարցրել է, թե երբ են հասնելու Ղարաբաղ, իսկ նա ասել է, որ արդեն անցել են Ղարաբաղը: Մեղրի քաղաքում պարբերաբար Էրիկի հեռախոսին զանգահարել են, իսկ նա մեքենան կանգնեցրել է, առանձնացել և խոսել է: Ինքն ու Էրիկը մեքենայով հասել են Հայաստանի Հանրապետության և Իրանի Իսլամական Հանրապետության սահմանի մոտ, սակայն ոչ մաքսակետի մոտ: Էրիկն իրեն տարել է ողջ սահմանի երկայնքով փշալարերով պատված իրեն անծանոթ մի վայր, որտեղ կիսակառույց շինություն է եղել: Ինքը հասկացել է, որ Էրիկն այնտեղ առաջին անգամ չէ, որ եղել է: Ժամը 07:30-ի սահմաններում, Էրիկը հեռախոսազրույց է ունեցել, որի ընթացքում ասել է. «տեսա լավ գալիս են» և հեռախոսը անջատել է: Այդ ժամանակ ինքը նույնպես տեսել է, որ սահմանի մյուս կողմից երկու անձ մոտեցել են Արաքս գետին և այնտեղից դեպի իրենց կողմ նետել երկու հատ փաթեթ, որոնց պարունակությունը չի երևացել: Իրենք, վերցնելով այդ փաթեթները, նստել են մեքենան և ուղևորվել դեպի Երևան: Հասնելով Կապան քաղաք Էրիկը մեքենան կանգնեցրել է, իջել մեքենայից, առանձնացել և հեռախոսազրույց ունեցել, որից հետո իրեն ասել է, որ նա մնում է, որ իրեն տաքսիով ճանապարհի, միաժամանակ հեռախոսը փոխանցել է իրեն և նույնն իրեն ասել է իր հորեղբոր աղջկա ամուսնու խցակից Հովհաննեսը: Դրանից հետո Էրիկն իրեն տաքսիով ճանապարհել է դեպի Երևան: Ճանապարհին նույն հեռախոսահամարով իր հորեղբոր աղջկա ամուսնու խցակից Հովհաննեսը զանգահարել է իրեն, և ինքը հասկանալով, որ իր մոտ եղած փաթեթներում թմրամիջոց է, նրան ասել է, թե ինչ արեցին իր հետ, իսկ նա պատասխանել է, որ դա թմրամիջոց է, և երբ ինքը գա Երևան, իրենից դրանք կվերցնեն: Ճանապարհին Հովհաննեսն իրեն մի քանի անգամ զանգահարել է և հարցրել, թե ուր է հասել: Հասնելով Նորագավիթ իրենց կանգնեցրել է ճանապարհային ոստիկանը, որից հետո մեքենային մոտեցել են քաղաքացիական հագուստով անձինք և ինքն իսկույն հասկացել է, որ նրանք ոստիկաններ են ու իր մոտ եղած փաթեթները գցել է մեքենայի հատակին: Դրանից հետո իրեն և տաքսու վարորդին բերման են ենթարկել ոստիկանություն: Երբ ինքն Էրիկին հարցրել է, թե ինչու են գնացել Մեղրի, նա պատասխանել է, որ նրան հեռախոսով ասել են, որ Մեղրի քաղաքից պետք է վերցնեն գումարը:
Ամբաստանյալ Աշոտ Աբելյանը նախնական քննության ընթացքում` 2011 ապրիլի 26-ին, ցուցմունք է տվել այն մասին, որ Հովհաննեսի խնդրանքով 2011 թվականի ապրիլի 22-ի` երեկոյան, ինքն ու Էրիկ Մակինյանը, վերջինի վարած «ՎԱԶ-2107» մակնիշի ավտոմեքենայով գնացել են Մեղրի քաղաք և մյուս օրը` ժամը 07:00-ի սահմաններում, Հովհաննեսի ցուցումով մոտեցել են սահմանի մի հատվածին, որտեղ իրանական կողմից երկու անծանոթ անձինք նետել են երկու փաթեթ, որոնք ինքն ու Էրիկը վերցրել են և գնացել Կապան քաղաք: Այդ ժամանակ ինքն հասկացել է, որ այդ փաթեթների մեջ թմրամիջոցներ են եղել: Կապան քաղաքում Էրիկն իրեն ասել է, որ գործեր ունի, որի պատճառով ինքը վերցրել է այդ փաթեթները և նստել է երթուղային մեքենա և ուղևորվել դեպի Երևան: Սակայն ճանապարհին` Մասիսի ոստիկանության հենակետում, մեքենան կանգնեցրել են և ինքը հասկանալով, որ մեքենան կանգնեցնողները ոստիկաններ են, փաթեթները գցել է մեքենայի մեջ, որոնք ոստիկանները գտել են:
Ամբաստանյալ Աշոտ Աբելյանը նախնական քննության ընթացքում` 2011 դեկտեմբերի 1-ին, ցուցմունք է տվել այն մասին, որ իր հորեղբոր աղջիկ Աննայի ամուսինը` Հովհաննեսը պատիժ է կրել ՀՀ ԱՆ «Նուբարաշեն» քրեակատարողական հիմնարկի թիվ 36 խցում: 2010 թվականի հուլիսից ինքը երկու ամիս ժամկետով եղել է կալանավորված և գտնվել է ՀՀ ԱՆ «Նուբարաշեն» քրեակատարողական հիմնարկում: Այդ ժամանակ ինքը հեռակա կարգով ծանոթացել է ղարաբաղցի Մարատի հետ: Մի քանի անգամ հեռախոսով, ինչպես նաև պատուհանից զրուցել է նրա հետ: 2011 թվականի ապրիլի 22-ին իրեն զանգահարել է իր հորեղբոր աղջկա ամուսին Հովհաննեսը և ասել է, որ ղարաբաղցի Մարատը ցանկանում է խոսել իր հետ ու հեռախոսը փոխանցել է նրան: Մարատն իրեն խնդրել է, որ ինքը գնա Ղարաբաղ և այնտեղից գումար բերի: Նա իրեն ասել է, որ ինքը գնա Աջափնյակ թաղամասում գտնվող «Սթար» սուպերմարկետի մոտ, որտեղ իրեն կմոտենա մի երիտասարդ: Ինքը գնացել է նշված վայր, որտեղ իրեն մոտեցել է մի երիտասարդ և տվել 70.000 ՀՀ դրամ: Դրանից հետո ինքը նստել է «ՎԱԶ-2107» մակնիշի 88PP882 պետհամարանիշով մի մեքենա, որի վարորդի անունը Էրիկ է եղել, և Մարատի ասելով Էրիկին տվել 50.000 ՀՀ դրամ և իրենք ուղևորվել են Ղարաբաղ: Ճանապարհին Մարատն անընդհատ զանգահարել է և հարցրել, թե ուր են հասել և այլն: Նա իրեն զանգահարել է 096-88-88-08, 098-43-00-43 և եթե չի սխալվում 095-83-74-54 հեռախոսահամարներով: Հոգնած լինելու պատճառով ինքը ճանապարհին քնել է, իսկ առավոտյան արթնացել է և տեսել, որ մտնում են Մեղրի քաղաք: Այդ ժամանակ Էրիկն ասել է, որ իրեն զանգահարել են և ասել, որ Մեղրի գնա: Էրիկին հեռախոսով բացատրել են տեղը և նա մեքենան վարել է Հայաստանի և Իրանի սահմանի մոտ: Երբ հասել են սահմանի մոտ Մարատն իրեն ասել է, որ ուշադիր լինի դեպի սահմանի կողմը, որտեղից իրենց են մոտեցել երկու անձ: Այդ երկու անձինք դեպի իրենց կողմն են գցել երկու սպիտակ թղթի մեջ փաթաթված գնդերը, որոնք ինքը վերցրել է: Դրանից հետո Մարատը իմանալով, որ գնդերը իրենց մոտ են, իրեն ասել է, որ ետ վերադառնան Երևան: Վերադառնալու ճանապարհին, երբ հասել են Կապան, Էրիկն ասել է, որ գործեր ունի Կապանում և չի կարող իրեն Երևան տանել: Դրանից հետո նա Կապանի հյուրանոցի մոտ իրեն իջեցրել է և ինքը երթուղային տաքսի նստելով ուղևորվել է Երևան: Գնդերը տեսնելուց հետո ինքը կասկածել է, որ դրանք գումար չեն, միևնույն ժամանակ վախեցել է, որ դրանք կարող են թմրամիջոցներ լինեն: Ճանապարհին Մարատն ավելի հաճախակի է սկսել զանգահարել իրեն և հարցրել է, թե արդյոք ամեն ինչ նորմալ է և որևէ խնդիր չկա: Դրանից հետո ինքը համոզվել է, որ այն ինչը ինքը տեղափոխում է Երևան թմրամիջոց է և զանգելով Մարատին հարցրել է, թե ինչու են իրեն գցել կրակի մեջ: Այդ ժամանակ Մարատը ասել է, որ անհանգստանալու բան չկա, որ իր մոտինը «քաշելու» համար նախատեսված թմրամիջոց է, որն իրենից կվերցնեն և կփոխանցեն նրան: Ինքը շատ է վախեցել և որոշել է այդ թմրամիջոցները հասցնել Մարատի ասած մարդուն և ազատվել դրանից, սակայն դա չի ստացվել, քանի որ իրեն բռնել են և բերման ենթարկել: Իր հետ հեռախոսով խոսել և պայմանավորվել է Մարատը, այլ ոչ թե Հովհաննեսը, բացի այդ ինքը թմրամիջոցները պետք է փոխանցեր Մարատի ասած մարդկանց, որպեսզի նրանք էլ իրենց հերթին այն փոխանցեին Մարատին:
Ամբաստանյալ Աշոտ Աբելյանը նախնական քննության ընթացքում` 2011 դեկտեմբերի 7-ին, ցուցմունք է տվել այն մասին, որ 2011 թվականի ապրիլի 22-ին Մարատ Սարգսյանի ասելով Էրիկ Մակինյանի հետ նրա մեքենայով գնացել են Մեղրի քաղաք, սակայն մինչ այդ ինքն իմացել է, թե գնալու է Ղարաբաղ գումար վերցնելու: Մեղրիում Էրիկը մեքենան կանգնեցրել է սահմանի մոտ: 2011 թվականի ապրիլի 23-ին` ժամը 07:00-ի սահմաններում, Իրանի Իսլամական Հանրապետության կողմից երկու անձ մոտեցել են սահմանին և այնտեղից երկու փաթեթ գցել իրենց կողմ: Նշված փաթեթները վերցնելով ինքն ու Էրիկը մեքենայով ուղևորվել են Երևան: Մեքենայի մեջ ինքը սկսել է կասկածել, որ այդ փաթեթների մեջ գումար է: Այնուհետև Էրիկը մնացել է Կապանում, իսկ ինքը վերցնելով այդ փաթեթները երթուղային տաքսիով ուղևորվել է դեպի Երևան: Ճանապարհին, երբ Մարատը զանգահարել է իրեն, ինքը հարցրել է նրան, թե ինչու են իրեն անտեղի գցել կրակի մեջ, իսկ նա պատասխանել է, որ վախենալու բան չկա, քանի որ փաթեթների մեջ ընդամենը թմրամիջոց է, որն իրենից կվերցնեն և կփոխանցեն նրան: Մարատն իրեն ասել է, որ ինքը ընդամենը դրանք բերի Երևան, որից հետո ոչ մի բանի հետ գործ չի ունենալու:
Ամբաստանյալ Էրիկ Մակինյանը դատական քննության ընթացքում առաջադրված մեղադրանքում իրեն մեղավոր ճանաչեց և օգտվելով իր իրավունքից հրաժարվեց ցուցմունք տալ:
Ամբաստանյալ Էրիկ Մակինյանը նախնական քննության ընթացքում` 2011 ապրիլի 23-ին, ցուցմունք է տվել այն մասին, որ «ՎԱԶ-2107» մակնիշի 88PP882 պետհամարանիշի սպիտակ ավտոմեքենան իրենն է, որն ինքը վարում է որպես տաքսի: Մոտ մեկ ամիս առաջ իր 094-25-00-15 հեռախոսահամարին մի անձ, ով ներկայացել է Հովհաննես անունով, զանգահարել 096-88-88-08 հեռախոսահամարից, և ասել է, որ դատապարտված է, գտնվում է նեղության մեջ ու խնդրել, որպեսզի հարկ եղած դեպքում ինքը նրան օգնի: Դրանից հինգ օր անց Հովոն կրկին զանգահարել է և հարցրել, թե ինքը նրա ընկերոջը կարող է տանել Ղարաբաղ, իսկ ինքը համաձայնվել է: Նույն օրը` ժամը 20:00-ի սահմաններում, Հովհաննեսի ասելով ինքը գնացել է Էրեբունի բժշկական կենտրոնի մոտ, որտեղ իր մեքենան է նստել անծանոթ մի անձ և նրա հետ ուղևորվել են դեպի Ղարաբաղ: Ղարաբաղ գնալու համար իրեն վճարել են 60.000 ՀՀ դրամ: Ճանապարհին իրեն կրկին զանգահարել է Հովհաննեսը և ասել է, որ պայմանավորվածությունը փոխվել է, և ինքը պետք է գնա Մեղրի քաղաք: Հասնելով Մեղրի քաղաք մեքենայի ուղևորը զանգահարել է և ասել, որ Մեղրիում են: Այնուհետև Մեղրի քաղաքը անցնելուց հետո թեքվել են աջ և ուղևորի խնդրանքով կանգնել: Սահմանի մոտ ուղևորը դուրս է եկել մեքենայից, իսկ ինքը հեռացել է, որից հետո մոտ 5 րոպե անց Հովհաննեսը զանգահարել է իրեն և ասել, որպեսզի ինքը վերադառնա և ուղևորին վերցնի: Ուղևորին վերցնելուց հետո իրենք վերադարձել են Երևան, սակայն Նորագավիթ չհասած առաջին գազալցակայանի մոտ ուղևորին իջեցրել է: Դրանից մոտ 15 օր անց Հովիկը կրկին զանգահարել է իրեն և ասել, թե կարող է նա նրա ընկերոջը Ղարաբաղ տանել, որին ինքը կրկին համաձայնել է: Իր մեքենայով ինքը գնացել է Բութանիա և Մուրացան փողոցների խաչմերուկ, որտեղ իր մեքենան է նստել նույն նախորդ ուղևորը և իրենք գնացել են դեպի Ղարաբաղ: Ճանապարհին Հովհաննեսը զանգահարել է իրեն և ասել, որ ինքը պետք է Մեղրի գնա: Հասնելով Մեղրի ուղևորը նույն վայրում դուրս է եկել մեքենայից և պահանջել հեռանալ` սպասելով Հովհաննեսի զանգին: Դրանից մոտ 5 րոպե անց Հովհաննեսը զանգահարել է իրեն, որից հետո ինքը մոտեցել է ուղևորին, և նրա հետ վերադարձել են Երևան: 2011 թվականի ապրիլի 22-ին` ժամը 15:00-ի սահմաններում, իրեն կրկին զանգահարել է Հովհաննեսը և խնդրել, որպեսզի ինքը նրա մորաքրոջ տղայի հետ գնա Ղարաբաղ` 50.000 ՀՀ դրամ և ինչ-որ այլ իր բերելու համար: Նա իրեն ասել է, որպեսզի ինքը գնա Աջափնյակում գտնվող «Սթար» խանութի մոտ, որտեղ իրեն կմոտենա նրա մորաքրոջ տղան և միասին կգնան: Նույն օրը` ժամը 20:00-ի սահմաններում, ինքը մեքենայով գնացել է «Սթար» խանութի մոտ, որտեղ իրեն մոտեցել է Աշոտ անունով մի երիտասարդ, իրենք գնացել են դեպի Ղարաբաղ: Ճանապարհին Հովհաննեսը զանգահարել է և իրեն և Աշոտին և մի քանի անգամ փոխել պայմանը, թե կոնկրետ ուր պետք է գնան` Ղարաբաղ, թե Մեղրի: Ճանապարհի մեծ մասը Աշոտը քնած է եղել: Ի վերջո, Հովհաննեսը զանգահարել է իրեն և ասել, որպեսզի գնան Մեղրի: Դրանից հետո Հովհաննեսը զանգահարել է և ասել թե կոնկրետ որտեղ մեքենան կանգնեցնեն, իսկ հետո պահանջել, որպեսզի ինքն ու Աշոտը մեքենայից դուրս գան` ասելով, որ բաներ են գցում, վերցնեն և վերադառնան: Այդ ժամանակ ինքը նկատել է, որ Իրանի Իսլամական Հանրապետության կողմից երկու անձ թափանցիկ ժապավենով երկու փաթեթ են նետել իրենց կողմ, որոնք Աշոտը վերցրել է, և իրենք ուղևորվել են դեպի Երևան: Մեքենայում ինքը հասկացել է, որ փաթեթների մեջ թմրամիջոց է, որի պատճառով Աշոտին ասել է, որ իբր Կապանում գործ ունի և նրան չի կարող Երևան տանել: Աշոտը Կապանում նստել է տաքսի ավտոմեքենա և ուղևորվել Երևան, իսկ ինքը ճանապարհին պարբերաբար կանգնել է, ինչի պատճառով 1 ժամ ուշ է հասել Երևան: Ինքը չի կռահել, որ թմրամիջոց են ձեռք բերում, քանի որ Հովհաննեսն իրեն ասել է, որ գումար են վերցնելու: Իր ներկայությամբ Աշոտը հեռախոսով չի խոսել թմրամիջոցի մասին, նա նույնիսկ, երբ իմացել է, որ Ղարաբաղի փոխարեն գնացել են Մեղրի, զարմացել է: Ինքը գումարի կարիք ունենալու պատճառով է դիմել այդ քայլին և որպես տաքսու վարձավճար ստացել է իր ծառայության գումարը:
Ամբաստանյալ Էրիկ Մակինյանը նախնական քննության ընթացքում` 2011 ապրիլի 26-ին, ցուցմունք է տվել այն մասին, որ մոտ երկու ամիս առաջ Հովհաննես անունով մի անձ 096-88-88-08 հեռախոսահամարով զանգահարել է իր 094-25-00-15 հեռախոսահամարին և խնդրել, որպեսզի անհրաժեշտության դեպքում որպես տաքսի ավտոմեքենայի վարորդ վարձավճարով տեղափոխել ուղևոր` ասելով, որ դատապարտված է, նեղության մեջ է: Դրանից 5 օր անց Հովհաննեսը կրկին զանգահարել է և ասել, որ Ղարաբաղից գումար է անհրաժեշտ վերցնել: Հովհաննեսի ցուցումով ինքը անծանոթ անձի հետ երկու անգամ գնացել է Մեղրի քաղաք: Վերջին անգամ` 2011 թվականի ապրիլի 22-ին, Հովհաննեսի խնդրանքով ինքը գնացել է Աջափնյակում գտնվող «Սթար» խանութի մուտքի մոտ, որտեղ իր մեքենան է նստել անծանոթ մի տղա, և նրա հետ միասին ուղևորվել են Մեղրի: Հասնելով սահմանի մոտ Հովհաննեսը կրկին զանգահարել է և ասել, որ Իրանի Իսլամական Հանրապետության կողմից փաթեթներ են գցելու, որոնք իրենք պետք է վերցնեն և վերադառնան Երևան: Աշոտը վերցրել է այդ փաթեթները, որից հետո ինքը հասկանալով, որ դրանց մեջ թմրամիջոց է, Աշոտին տարել է Կապան, և այդտեղ 1 ժամ մնալուց հետո միայնակ վերադարձել Երևան: Ինքը իրականում տեղյակ չի եղել, որ Հովհաննեսն իրեն ուղարկել է Մեղրի թմրամիջոց բերելու նպատակով:
Ամբաստանյալ Էրիկ Մակինյանը նախնական քննության ընթացքում` 2011 հունիսի 16-ին, ցուցմունք է տվել այն մասին, որ որպես կասկածյալ տված ցուցմունքը իրականությանը չի համապատասխանում, քանի որ ցուցմունքում նշել է, որ Իրանի Իսլամական Հանրապետության տարածքից երկու անծանոթ անձ փաթեթներ են նետել դեպի Հայաստանի Հանրապետության տարածք և ինքը այդ ժամանակ հասկացել է, որ փաթեթների մեջ թմրամիջոց է, սակայն ինքը իրականում փաթեթների մասին տեղյակ չի եղել և նույնիսկ իր մտքով անգամ չի անցել, որ փաթեթների մեջ կարող է թմրամիջոց լինել: Ինքը նախորդ ցուցմունքում հայտնել է, որ ինքը հասկացել է, որ փաթեթների մեջ թմրամիջոց է, քանի որ առաջին անգամ է գտնվել ոստիկանության շենքում, հոգեպես ճնշված լինելով այդպես է հայտնել, սակայն ինքն իրականում որևէ առնչություն չունի թմրամիջոցի ապօրինի շրջանառության հետ: Արտանետված փաթեթներն ինքը չի վերցրել, դրանք վերցրել է Աշոտը և նա ճանապարհին հեռախոսով խոսել է Հովհաննեսի հետ, որից ինքը հասկացել է, որ ինչ-որ բան այն չէ, որի պատճառով Աշոտին իջեցրել է Կապան քաղաք: Ինքը նախկինում երբևէ չի գնացել հայ-իրանական սահմանի մոտ: Իրանի Իսլամական Հանրապետության սահմանամերձ տարածք գնալիս իրեն հեռախոսով ուղղորդել է Հովհաննեսը:
Ամբաստանյալ Էրիկ Մակինյանը նախնական քննության ընթացքում` 2011 նոյեմբերի 30-ին, առաջադրված մեղադրանքում իրեն մեղավոր չի ճանաչել և ցուցմունք է տվել այն մասին, որ ինքը երբևէ որևէ մեկին թմրամիջոց չի իրացրել: Իրականում մինչ Աշոտին հանդիպելը իրեն պատվիրել են գնալ Ղարաբաղ: Ճանապարհին իրեն պատվեր տվողը զանգահարել է և ասել, որ պլանները փոխվել են և ինքը պետք է գնա Մեղրի: Իրեն ասել են, որ գումար վերցնելու համար են գնում Մեղրի: Երբ հասել են Մեղրի, իրեն հեռախոսով ուղղորդել են դեպի այն վայրը, որտեղ ինքը փշալարեր է տեսել: Այդ ժամանակ փշալարերի այն կողմից մոտեցել են երկու անձ և դեպի իրենց կողմ գցել երկու գնդեր: Այդ գնդերն Աշոտը վերցրել է, և իրենք ուղևորվել են դեպի Երևան: Տեսնելով այդ գնդերը ինքը հասկացել է, որ դրանք չեն կարող գումար լինել, և իրեն խաբել են: Ճանապարհին ինքը նախ կասկածել է, ապա աստիճանաբար համոզվել, որ Աշոտի մոտ եղած գնդերը, ոչ թե գումար են, այլ թմրամիջոց, քանի որ դրանք նետվել են իրանական սահմանից և դրանց ետևից իրենց ուղարկողները կալանավորված են: Այդ պատճառով ինքը սկսել է անհանգստանալ և խորամանկության դիմելով Աշոտին ստել է, թե Կապանում գործեր ունի և նրան այդ գնդերով հանդերձ երթուղային տաքսիով ճանապարհել է Երևան: Դրանից մի քանի ժամ անց մտածելով, որ ինքը արդեն ազատվել է` ուղևորվել է Երևան:
Ամբաստանյալ Էրիկ Մակինյանը նախնական քննության ընթացքում` 2011 դեկտեմբերի 1-ին, առաջադրված մեղադրանքում իրեն լիովին մեղավոր է ճանաչել, զղջացել կատարած արարքի համար և ցուցմունք տվել այն մասին, որ ինքն իրականում սկզբից իմացել է, որ գնում է Ղարաբաղ գումար բերելու նպատակով: Ճանապարհին իրեն զանգահարել են 096-88-88-08 հեռախոսահամարով` ոմն Հովհաննես, և ասել, որ Ղարաբաղի փոխարեն գնա Մեղրի: Ինքը Աշոտի հետ գնացել է Մեղրի և մոտեցել Իրանի Իսլամական Հանրապետության սահմանին: Դրանից հետո երկու անձ իրանական կողմից նետել են երկու գնդեր, որոնք Աշոտը վերցրել է, և իրենք ուղևորվել են դեպի Կապան քաղաք: Այդտեղ ինքը հասկացել է, որ այդ գնդերը թմրամիջոցներ են և վախենալով այդ ամենից դրանք Աշոտի հետ միասին տեղափոխել է Կապան քաղաք, որից հետո երթուղային տաքսիով Աշոտին ճանապարհել է Երևան: Ինքը մի քանի ժամ մնացել է Կապան քաղաքում, որպեսզի ամեն ինչ հանդարտվի, և վերադարձել է Երևան:
Սույն քրեական գործի մեղադրանքի հետ առնչվող մեկ այլ քրեական գործով մեղադրյալ Հովհաննես Գևորգյանը դատական քննության ընթացքում օգտվելով իր իրավունքից հրաժարվեց ցուցմունք տալ:
Սույն քրեական գործի մեղադրանքի հետ առնչվող մեկ այլ քրեական գործով մեղադրյալ Հովհաննես Գևորգյանը նախնական քննության ընթացքում` 2011 թվականի մայիսի 27-ին, ցուցմունք է տվել այն մասին, որ 2010 թվականի դեկտեմբերի 20-ից պատիժ է կրում ՀՀ ԱՆ «Նուբարաշեն» քրեակատարողական հիմնարկում: Ինքը Էրիկ Մակինյանին և Աշոտ Աբելյանին չի ճանաչում: Քրեակատարողական հիմնարկում ինքը որևէ հեռախոսահամար չի գործածել, իսկ 096-88-88-08 հեռախոսահամարն իրեն անծանոթ է: Էրիկին և Աշոտին ինքը տեսել է հեռուստատեսությամբ` «Արմենիա» հեռուստաընկերության ալիքով, երբ նրանց բռնել են ափիոն տեսակի թմրամիջոց իրացնելու համար: 095-83-74-54 հեռախոսահամարն իրեն անծանոթ է, ինքը դրա բաժանորդին չի ճանաչում: Ինքը Էրիկից և Աշոտից երբևէ չի փորձել առանձնապես խոշոր չափերի ափիոն և խոշոր չափերի հաշիշ տեսակի թմրամիջոցներ ձեռք բերել:
Սույն քրեական գործի մեղադրանքի հետ առնչվող մեկ այլ քրեական գործով մեղադրյալ Հովհաննես Գևորգյանը նախնական քննության ընթացքում` 2011 թվականի դեկտեմբերի 6-ին, ցուցմունք է տվել այն մասին, որ ինքը Էրիկ Մակինյանին և Աշոտ Աբելյանին դեմքով չի ճանաչում, սակայն միմյանց հետ հեռախոսով շփվել են: Իր հետ միասին թիվ 36 խցում պատիժ է կրել Ստեփանակերտ քաղաքի բնակիչ Մարատ Սարգսյանը: Մարատի միջոցով ինքը հեռախոսով ծանոթացել է Էրիկի և Աշոտի հետ: Պատիժ կրելու ժամանակ մեքենա վերանորոգելու և այլ անձնական հարցերի համար ինքը Մարատից պարտքով 600.000 ՀՀ դրամ է վերցրել: Դրանից հետո ինքը չի կարողացել այդ պարտքը տալ, որի պատճառով Մարատին առաջարկել է այդ գումարին համարժեք թմրամիջոց տալ, որին Մարատը համաձայնվել է, քանի որ այդ գումարը, որը նա իրեն պարտքով է տվել, նա էլ պարտքով է վերցրած եղել այլ անձանցից: Մարատն այդ մասին ասել է այդ անձանց, ովքեր համաձայնել են գումարի դիմաց թմրամիջոց վերցնել: Ինքը Մարատին ասել է, որ Իրանի Իսլամական Հանրապետությունում ծանոթ ունի, ով կարող է մոտենալ Մեղրիի սահմանին և թմրամիջոց նետել հայկական կողմը: Թմրամիջոց ձեռք բերելու համար գումար է անհրաժեշտ եղել, որը Մարատը հայթայթել է: Ինքն ու Մարատը պայմանավորվել են, որ 1 գրամ ափիոնը Իրանից գնեն 6 ԱՄՆ դոլարով, իսկ հետո դրա 1 գրամը 7.000 ՀՀ դրամով տան: Ինքը օգտվել է Մարատի հեռախոսից: Նա ունեցել է 2 հեռախոսահամար` 096-88-88-08 և 098-43-00-43: Մարատը ունեցել է մի ծանոթ, ում անունը Վահագ է եղել: Հենց Վահագն է զբաղվել իր և Մարատի փողային հարցերով: Այսինքն` հարկ եղած դեպքում իրենք զանգահարել են Վահագին և նա Երևան քաղաքի տարբեր մասերից տարբեր անձանցից հավաքել է իրենց ասած գումարները և դրանք հանձնել այլ անձանց: Ինքն ունեցել է «ՎԱԶ-2121» մակնիշի 33ԼՕ133 պետհամարանիշով ավտոմեքենա, որը Մարատի միջոցով տվել է Վահագին, որպեսզի նա վերանորոգի և հարկ եղած դեպքում այդ մեքենայով գնա իրենց ասած փողերի ետևից: 2011 թվականի ապրիլի 22-ին ինքը Վահագի միջոցով 1.520 ԱՄՆ դոլար գումար է փոխանցել «տեցի կռուգ» կոչվող պահեստում աշխատող ազգությամբ պարսիկ Դավութին, որպեսզի նա այդ գումարը փոխանցի Իրանում գտնվող իր ծանոթ Բեյնամիին: Դավութը տեղյակ չի եղել, թե այդ գումարը ինչի համար է փոխանցվում, այլ 20 ԱՄՆ դոլարի դիմաց փոխանցել է մնացած 1.500 ԱՄՆ դոլարը: Դրանից հետո ինքը Բեյնամիից տեղեկացել է, որ գումարը հասել է: Ինքը Բեյնամիի 009-821-439-200-73 հեռախոսահամարին զանգահարել է Մարատի 098-43-00-43 հեռախոսահամարով, և պայմանավորվել, որպեսզի նա 2011 թվականի ապրիլի 23-ի` առավոտյան, թմրամիջոցը նետի, իսկ իրենց ուղարկած անձը մոտենա սահմանին և վերցնի նետված թմրամիջոցը: Ինքը Մարատին ասել է, որ ծանոթ մարդ չունի, որպեսզի ուղարկի թմրամիջոցը վերցնի, իսկ նա ասել է, որ Էրիկն ու Աշոտը կգնան ու կբերեն: Իրենք Էրիկին ու Աշոտին չեն ասել, թե ուր պետք է նրանք գնան և խաբել են, թե իբր նրանք գնում են գումար բերելու: Այդ ընթացքում Մարատը Էրիկին ու Աշոտին ուղարկել է Մեղրի, իսկ մինչ գնալը Վահագի միջոցով, որպես ճանապարհածախս, նրանց փոխանցել է 70.000 ՀՀ դրամ: 2011 թվականի ապրիլի 23-ի` ժամը 07:00-ի սահմաններում, Էրիկն ու Աշոտը հասել են Մեղրի, որից հետո ինքը հեռախոսով Էրիկին բացատրել է ճանապարհը և նա մեքենայով կանգնել է սահմանի մոտ: Իրենք Աշոտի հետ խոսել են 096-10-45-05 հեռախոսահամարով, իսկ Էրիկի հետ` 094-25-00-15 հեռախոսահամարով: Իրականում Էրիկն ու Աշոտը մինչ Մեղրի գնալը չեն իմացել, որ գնում են թմրամիջոց բերելու, իսկ հետո, երբ նրանք վերցրել են գնդերը, հասկացել են, թե ինչ է դրանց մեջ, որի պատճառով Էրիկը հրաժարվել է Աշոտին բերել Երևան: Երբ Էրիկն ու Աշոտը թմրամիջոցները վերցրել են և գնացել Կապան, ինքը քնել է, իսկ այդ ժամանակ նրանց հետ կապի մեջ է եղել Մարատը և սկսել հեռախոսով հսկել նրանց վերադարձը: Էրիկն Աշոտին տարել է Կապան և երթուղային տաքսիով ճանապարհել Երևան: Մինչ Երևան հասնելը Աշոտին ոստիկանները բռնել են և մոտից հայտնաբերել ափիոն ու հաշիշ տեսակի թմրամիջոցներ: Հաշիշ տեսակի թմրամիջոցն ուղարկված է եղել իր օգտագործման համար: Դրանից անմիջապես հետո Մարատը արթնացրել է իրեն և ասել, որ Աշոտին բռնել են, իսկ մի քանի ժամ անց, երբ Էրիկը մեքենայով գնացել է Երևան, նրան նույնպես բռնել են: Աշոտն ու Էրիկը մինչև Մեղրի հասնելը և թմրամիջոցներ վերցնելը որևէ բանից տեղյակ չեն եղել, իսկ դրանից հետո Մարատը նրանց խնդրել է դրանք տեղափոխել Երևան, որտեղ նրանցից դրանք պետք է վերցնեին:
Սույն քրեական գործի մեղադրանքի հետ առնչվող մեկ այլ քրեական գործով մեղադրյալ Հովհաննես Գևորգյանը նախնական քննության ընթացքում` 2011 թվականի դեկտեմբերի 7-ին, լրացուցիչ ցուցմունք է տվել այն մասին, որ 2011 թվականի ապրիլի 21-ին պայմանավորվել է իր խցակից Մարատի հետ էժան գնով թմրամիջոց ձեռք բերելու և այն թանկ գնով պարտքերի դիմաց պարտքատերերին փոխանցելու շուրջ: Դրանից հետո իրենք 1.500 ԱՄՆ դոլար են ուղարկել Իրանի Իսլամական Հանրապետությունում գտվող իր ծանոթ Բեյնամիին, որից հետո` 2011 թվականի ապրիլի 23-ին, նա Մեղրիի սահմանի մոտ իրենց կողմից այնտեղ ուղարկված Էրիկին և Աշոտին փոխանցել է մոտ 200 գրամ ափիոն և 5 գրամ հաշիշ տեսակի թմրամիջոցներ, որոնք փաթեթավորված են եղել երկու տարբեր փաթեթներում: Ափիոն տեսակի թմրամիջոցը եղել է իրենն ու Մարատինը, իսկ հաշիշ տեսակի թմրամիջոցը Բեյնամինն ուղարկել է իր օգտագործման համար:
Վկա Դավիթ Հովհաննիսյանը դատական քննության ընթացքում ցուցմունք տվեց այն մասին, որ Էրիկ Մակինյանը Կապան քաղաքում նստել է իր «Միցսուբիշի» մակնիշի ավտոմեքենան, որպեսզի գա Երևան, սակայն ճանապարհին` Նորագավիթի մոտ, ոստիկանները կանգնեցրել են մեքենան և նրա մոտից հայտնաբերել թմրամիջոց:
Վկա Հովհաննես Ավագյանը դատական քննության ընթացքում ցուցմունք տվեց այն մասին, որ 2010 թվականի վերջին կամ 2011 թվականի սկզբին, մոտ չորս ամիս, ինքը եղել է ՀՀ ԱՆ «Նուբարաշեն» քրեակատարողական հիմնարկի թիվ 36 խցում: Այդ ժամանակ նշված խցում եղել են 18 անձ, այդ թվում նաև Մարատ Սարգսյանը: Իրենց խցակիցներից ոչ ոք իրեն չի խնդրել փոխանցել Աշոտի հեռախոսահամարը: Նախնական քննության ընթացքում տված ցուցմունքը հրապարակելուց հետո վկան հայտնեց, որ իրենց խցակիցներից մեկը, սակայն չի հիշում, թե ով, իրենից ուզել է Աշոտի համարը, իսկ ինքն ասել է, որ այն պայուսակի մեջ է և կարող է անձամբ վերցնել:
Վկա Հովհաննես Ավագյանը նախնական քննության ընթացքում ցուցմունք է տվել այն մասին, որ 2010 թվականի փետրվարին կալանավորվել է: Սկզբից պատիժը կրել է ՀՀ ԱՆ «Նուբարաշեն» քրեակատարողական հիմնարկում: Իր կնոջ հորեղբոր տղան Աշոտ Աբելյան է, ում հետ ինքը մտերիմ է: 2010 թվականին Աշոտը նույնպես կալանավորվել է և գտնվել է ՀՀ ԱՆ «Նուբարաշեն» քրեակատարողական հիմնարկում, իսկ նրա ազատվելուց հետո իրենք ավելի են մտերմացել: 2011 թվականի ապրիլին, կոնկրետ օր չի հիշում, իր խցակիցներից մեկը, ում անունը հստակ չի կարող նշել, իրենից հարցրել է Աշոտի հեռախոսահամարը: Ինքը նրան փոխանցել է Աշոտի հեռախոսահամարը և որքան գիտի նա Աշոտին պետք է խնդրեր, որպեսզի նա գնար ինչ-որ տեղ, գումար վերցներ և փոխանցեր մեկ այլ անձի: Դրանից հետո ինքը քնել է և տեղյակ չի եղել, թե ինչ է կատարվել: Հաջորդ օրը ինքը տեղեկացել է, որ Աշոտին բռնել են և նրա մոտից թմրամիջոց հայտնաբերել:
Վկա Վահագն Գուլոյանը դատական քննության ընթացքում ցուցմունք տվեց այն մասին, որ 2005 թվականից մինչև 2010 թվականն ինքն աշխատել է բենզալցակայանում: Մարատ Սարգսյանի հետ ծանոթացել է նրա հորեղբոր որդի Կարենի միջոցով: Այդ ժամանակ Մարատը պատիժ է կրել ՀՀ ԱՆ «Նուբարաշեն» քրեակատարողական հիմնարկում: Ինքն անշահախնդիր օգնել է Մարատին և նրա խնդրանքով գումարներ է տարել-բերել: Այդ գումարների չափը եղել է 10.000 ՀՀ դրամից մինչև 3.000 ԱՄՆ դոլար: Մի անգամ Մարատի ցուցումով իրեն կես գլանակի չափ թմրամիջոց են տվել, որը պահել է իր մոտ, իսկ հաջորդ օրը տվել է մեկ ուրիշի: Բացի այդ դեպքից թմրամիջոց փոխանցելու հետ կապված այլ դեպքեր չեն եղել: «Երևան ՋԷԿ»-ի մոտ ինքը Մարատի թելադրանքով Դավութ անունով մի անձի 1.520 ԱՄՆ դոլար գումար է փոխանցել: Ինքը Հովհաննես Գևորգյանի ասելով է Դավութի գտնվելու վայրը գտել և նրան փոխանցել գումարը: 2011 թվականի ապրիլին Մարատի ուղղորդմամբ «Սթար» սուպերմարկետի մոտ ինչ-որ անձի գումար է փոխանցել, որից հետո Մարատից տեղեկացել է, որ այդ անձին ձերբակալել են: Մարատի խնդրանքներն ինքը կատարել է «Նիվա» մակնիշի ավտոմեքենայով, որը եղել է Հովհաննեսի մեքենան: Նշված մեքենան Մարատի թելադրանքով ինքը 3.000 ԱՄՆ դոլարով վաճառել է և այդ գումարից 1.520 ԱՄՆ դոլարը փոխանցել է Դավութին:
Վկա Արշավիր Նավասարդյանը դատական քննության ընթացքում ցուցմունք տվեց այն մասին, որ 2011 թվականի հունիսի 16-ին Մարատ Սարգսյանը զանգահարել է իրեն և խնդրել, որպեսզի 096-88-88-08 հեռախոսահամարն ինքը ուղարկի Ղարաբաղ: Ինքը «Բիլայն» կենտրոնում այդ համարը փոխել է իր անունով և ուղարկել է: Այդ համարով Մարատը մի քանի օր հետո զանգահարել է իրեն:
Վկա Հովհաննես Իսպիրյանը դատական քննության ընթացքում ցուցմունք տվեց այն մասին, որ ինքը Էրիկ Մակինյանի հետ միասին եղել է ՀՀ ԱՆ «Նուբարաշեն» քրեակատարողական հիմնարկի թիվ 15 խցում: Քրեակատարողական հիմնարկում խցերից խուց տեղափոխվող նամակագրության վերաբերյալ ինքը որևէ տեղեկություն չունի:
Վկա Գևորգ Ալպեևը դատական քննության ընթացքում ցուցմունք տվեց այն մասին, որ ինքը Մարատ Սարգսյանի հետ միասին եղել է ՀՀ ԱՆ «Նուբարաշեն» քրեակատարողական հիմնարկի թիվ 36 խցում: Քրեակատարողական հիմնարկում խցերի միջև կա նամակագրական կապ: Թիվ 36 խցում գտնվելու ժամանակ Էրիկը Մարատին երկու անգամ նամակ է ուղարկել, որոնք ինքը փոխանցել է Մարատին:
Վկա Հովհաննես Անտոնյանը դատական քննության ընթացքում ցուցմունք տվեց այն մասին, որ ինքը Մարատ Սարգսյանի հետ միասին եղել է ՀՀ ԱՆ «Նուբարաշեն» քրեակատարողական հիմնարկի թիվ 36 խցում: Այդ ժամանակահատվածում Մարատին Էրիկից նամակ է եկել:
Վկա Կարեն Ֆիթլջյանը դատական քննության ընթացքում ցուցմունք տվեց այն մասին, որ ինքը Մարատ Սարգսյանի հետ միասին եղել է ՀՀ ԱՆ «Նուբարաշեն» քրեակատարողական հիմնարկի թիվ 36 խցում: Ինքը երբևէ չի տեսել և լսել, որ խցից խուց նամակ է փոխանցվում:
2011 թվականի դեկտեմբերի 1-ի Մարատ Սարգսյանի և Աշոտ Աբելյանի առերես հարցաքննության արձանագրության համաձայն` Աշոտ Աբելյանը հայտնել է, որ Մարատ Սարգսյանին ճանաչում է հեռակա կարգով: Իր հորեղբոր աղջկա ամուսին Հովհաննեսը պատիժ է կրել «Նուբարաշեն» քրեակատարողական հիմնարկի թիվ 36 խցում: Այդ նույն խցում պատիժ է կրել նաև Մարատ Սարգսյանը: 2011 թվականի ապրիլի 22-ին նշված խցից իրեն զանգահարել է Հովհաննեսը և ասել, որ Մարատը իրեն բան ունի ասելու: Այնուհետև Հովհաննեսը հեռախոսը փոխանցել է Մարատին, և Մարատն իրեն ասել է, որպեսզի ինքը գնա Ղարաբաղ և գումար բերի: Մարատն իրեն ասել է, որպեսզի ինքը «կվարտալում» գտնվող «Սթար» սուպերմարկետի մոտ հանդիպի տաքսու վարորդին, ում անունը Էրիկ է: Մարատն իրեն նաև ասել է, որ այդ խանութի մոտ իրեն կմոտենան և 70.000 ՀՀ դրամ կտան, որպես տաքսու վարորդի և ճանապարհածախսի գումար: Նշված վայրից իրենք ուղևորվել են դեպի Ղարաբաղ, իսկ 2011 թվականի ապրիլի 23-ի առավոտյան, երբ ինքն արթնացել է, նկատել է, որ Մեղրի քաղաքի մոտակայքում են: Դրանից հետո իրենք մեքենայով մոտեցել են սահմանին, որի մյուս կողմից երկու անձ դեպի իրենց նետել են սպիտակ թղթով փաթեթավորված երկու գնդեր: Նշված գնդերն իրենք վերցրել են և ուղևորվել դեպի Երևան: Ճանապարհին իրեն անընդհատ զանգահարել է Մարատը և հետաքրքրվել, թե ինքն ուր է հասել: Երբ ինքն ասել է, թե կարող է իրեն գցել «կրակը», Մարատն ասել է, որ անհանգստանալու ոչինչ չկա, քանի որ այդ գնդերը ընդամենը «քաշելու» բաներ են, որոնք Երևանում իրենից կվերցնեն: Սակայն ինքը չի հասցրել գնալ Երևան, որովհետև Նորագավիթում բռնել են: Իսկ Մարատ Սարգսյանը հայտնել է, որ Աշոտ Աբելյանը ճիշտ չի ասում: Նման բան չի եղել: Աշոտին «բռնել է տվել» Հովհաննեսը: Ինքը թմրամիջոցներից տեղյակ չի եղել և զանգահարելով Աշոտին ընդամենը ասել է, որ նրա ձեռքում ինչ կա շպրտի, որովհետև ինքը տեղյակ չի եղել, թե դա ինչ է եղել: Արձանագրությունում առկա է քննիչի կողմից կազմված գրառում այն մասին, որ «Առերես հարցաքննության ժամանակ առերես հարցաքննվող Մարատ Սարգսյանը սպառնաց Աշոտ Աբելյանին` ասելով. «ուզումա քեզ տանեն միլիցեքի բերդ, ես քեզանից ստանալու եմ», հետո ավելացրել է, որ ավելի լավ է ճիշտը ասի: Դրանից հետո հայտարարել է, որ եթե իրեն նշված մեղադրանքը ապացուցվի ինքն իրեն վնասելու է»: Մարատ Սարգսյանը հրաժարվել է արձանագրությունը ստորագրելուց:
2011 թվականի դեկտեմբերի 2-ի Մարատ Սարգսյանի և Վահագն Գուլոյանի առերես հարցաքննության արձանագրության համաձայն` Վահագն Գուլոյանը հայտնել է, որ Մարատ Սարգսյանի հետ ծանոթացել է նրա մորաքրոջ տղայի` Կարենի միջոցով: Ինքը Կարենին ճանաչել է բենզալցակայանում աշխատելու ժամանակ: Կարենը և Մարատի կալանավայրում եղել են նույն խցում: Կարենի հետ հեռախոսով խոսելու ժամանակ ինքը սկսել է շփվել նաև Մարատի հետ: Մարատի ասելով ինքը տարբեր անձանցից վերցրել է գումարներ և փոխանցել այլ անձանց: 2011 թվականի ապրիլի 21-ին Մարատի ասելով ինքը Երևան քաղաքի Հրազդան մարզադաշտի մոտ հանդիպել է ղարաբաղցի մի տաքսու վարորդի, ումից վերցրել է թմրամիջոց, որն հաջորդ օրը նորից նրա ասելով Աջափնյակ թաղամասում փոխանցել է մեկ այլ տաքսու վարորդի, որպեսզի նա այն տանի Մարատին: 2011 թվականի ապրիլի 22-ին Մարատի ասելով ինքը Աջափնյակում գտնվող «Սթար» սուպերմարկետի մոտ հանդիպել է մի երիտասարդի և նրան փոխանցել 70.000 ՀՀ դրամ: Մարատն իրեն զանգահարել է 096-88-88-08, ինչպես նաև մեկ այլ բջջային հեռախոսահամարով, որի առաջին երեք նիշը չի հիշում, իսկ մնացածը եղել են` 43-00-43: Իսկ Մարատ Սարգսյանը հայտնել է, որ ինքը չգիտի, թե արդյոք Վահագն Գուլոյանի ասածը ճիշտ է, թե ոչ: Վահագին ինքն ուղարկել է տաքսու վարորդից ծխախոտ վերցնելու, որն ուղարկված է եղել Ղարաբաղից: Այն թմրամիջոց չի եղել: Ինքը չի հիշում, որ ինքը Վահագին ասած լինի, որ 70.000 ՀՀ դրամ փոխանցի ինչ-որ անձի: Մարատ Սարգսյանը հրաժարվել է արձանագրությունը ստորագրելուց:
Ավտոմեքենան զննելու մասին 2011 թվականի ապրիլի 23-ի արձանագրության համաձայն` 2011 թվականի ապրիլի 23-ի, ՀՀ ոստիկանության ԿՀԴՊԳ վարչության բակում զննության է ենթարկվել «Միցսուբիշի Շայոտ» մակնիշի 21ԼՍ679 պետհամարանիշի ավտոմեքենան: Նշված ավտոմեքենայի երրորդ շարքի նստատեղի դիմացի մասում, հատակին հայտնաբերվել է տետրի թղթով և կպչուն ժապավենով փաթեթավորված երկու հատ գնդեր: Նշված գնդերում առկա մուգ շագանակագույն ափիոնանման զանգվածը կշռվել է և ընդհանուրը կազմել մոտ 216 գրամ: Այնուհետև այն առգրավվել, փաթեթավորվել և կնքվել է:
Փորձագետի 2011 թվականի ապրիլի 23-ի թիվ 149-Ք եզրակացության համաձայն` փորձաքննության ներկայացված` ընդհանուր 186,8 գրամ հաստատուն քաշով նյութերը հանդիսանում են ափիոն տեսակի թմրամիջոց, իսկ 4,9 գրամ նյութը` հաշիշ տեսակի թմրամիջոց:
Գաղտնալսման էլեկտրոնային կրիչի զննության համաձայն` «5-372-11_01-11-11_22..04.2011_37496888808_in_077640509» ձայնագրառման մեջ Ա-ն ասում է «էս ինչ արյուն են վերցնում էս ...ները, ներվայնացած եմ արա հորս արև, նոր որ զանգում էիր է ցավտ տանեմ, հենա մեր ախպերն էլ էր զանգում, ասումա խնդրում եմ, դրան ասի ախպեր լավ չեմ թող մի հատ ետ ...ին զանգի: Հենա մեր ընկերը զանգելա դրան, դրա հետ մոտիկին` ետ Եղոյին, ասելա ախպեր համբերի կզանգեմ, լսում ես Արմեն էս ...ը սրան որ դուրսը մի երկու հոգու բանա տվել, էնի կարանտինումա, էս ...ը մի քիչ հուշտա լինում ախպեր, էս ...ը զանգելա տղերքին ասումա ես կտանեմ կգցեմ, ես ընենց տեղ կգցեմ, որ կբացատրեմ իրանք կգան կվերցնեն, տղերքը մինչև հիմա քաղաքում են»: Բ-ն ասում է «Էս ուշ ժամին վտանգավորելա, ինչքան ուշ էնքան վատ»: Ա-ն ասում է «Արմ ջան տղերքն էլ են ասում, էտ ...ի տղուն էլ են ասել, զանգել են դրան ասում են արա ինչքան շուտ, էնքան լավ արա, 30 հատ իրանցնա, էսի 5 հատ իրա կողմից բանա արել, դե էսի ասումա 17-18 հատ քարտ էլ Արմենիննա, իմ կողմից էլ գրեֆ եմ անում 3 հատ քարտա ինչա, բա էն վախտ, որ ես իրան ասի տվեցի էնի չի պրծել հլը, բա ասեիր էն վախտ միանգամից էտի: Դրան տղերքը ասեցին, որ հանկարծ էտի մեր ձեռը բռնեն, ագռավի բան կսարքեն: Հորս արև վախենումել եմ էս համարիսա զանգում, էն կարգի որ հեռախոսս տվել եմ ձեռը ասում եմ զանգի դրա հետ խոսա, Արմ մենակ դրա մոտ, էտի հաստատ ունի ու շատ էլ դվիժենիա արել, հենց մերը վեկալի մեր ախպոր համարա ու քո համարելա ախպեր ջան, հենց վերցնի ես կզանգեմ քեզ կասեմ, կողիցսա խոսում միկրաֆոնով, որ լսեմ տենամ ինչա ասում ախպեր: Դա այդտեղից սրան ասումա արա կարողա ինձ բռնելես տալի, համբերի ես գիտեմ ոնցեմ անում: Արմ ջան եթե ուշ էլ վերցնեն տղերքը հորս արև դրանք էն տղերքն են, ... ըլնեմ եթե մի կապ վրից վերցնեն: Եթե ուշանա Կարենը ես իմ ախպերներին կասեմ կպահի իրանց մոտ ցերեկը թեկուզ բան կանի, ես կզանգեմ կասեմ, ես էլ եմ փշերի վրա, էն փողը որ իրանք վերցնեն հանգիստ կարամ քնեմ: Ես քեզ զանգելու եմ Արմ ջան»:
«5-372-11_01-49-54_22.04.2011_98430043_out_077373131» ձայնագրառման մեջ Ա-ն ասում է «Վահագ ջան քնած էիր ցավտ տանեմ, ախպեր էտեղից 1.800 դոլար վռազ պետքա 3-րդ մաս տարվի, առավոտ էլի վեկալվի, էլի ջիգյար, մի ձև կարաս իջացնես, մնացածը թող տունը մնա էտի վերցրա, տաքսու փող էլ վերցրա շուտ իջի 3-րդ մաս, մեր էն նույն ախպորը, Էտի շուտ տուր արի ցավտանեմ: Բ-ն ասում է «լավ ախպեր»:
«5-372-11_11-07-08_23.04.2011_96888808_out_096104505» ձայնագրառման մեջ Ա-ն ասում է «Ինչ կա ցավտ տանեմ, շատ կա հլը», Բ-ն ասում է «հա ընենց նորմալ», Ա-ն ասում է «լսի, որ մոտիկանալու լինես ասա, որ ասեմ գան դեմդ, լավ ցավտ տանեմ»:
«5-373-11_11-42- 52_23.04.2011_37496104505_in_096888808» ձայնագրառման մեջ Ա-ն ասում է «ինչ կա ցավտ տանեմ,», Բ-ն ասում է «վիվաս անջատում եմ Արմենթելին զանգի», Ա-ն ասում է «Վայք հասելեք», Բ-ն ասում է «պտի որ»:
«5-373-11_12-30-16_23.04.2011_37496104505_in_096888808» ձայնագրառման մեջ Ա-ն ասում է «շատ կա, որտեղեք», Բ-ն ասում է «Սարավանք», Ա-ն ասում է «Աշ, որ մոտիկանաս խաբար կանես»:
«5-372-11_12-33-05_23.04.2011_96888808_out_094250015» ձայնագրառման մեջ Ա-ն ասում է «ինչ կա նորմալա սաղ», Բ-ն ասում է «հա, մի քիչ խախանդվի կզանգեմ, էտ պահերը տենամ ինչ արին, որ հանգիստ գնամ, եթե նորմալ լինի կգնամ», Ա-ն ասում է «բա ով պտի վերցներ էնի», Բ-ն ասում է «ախպորս կասեմ վերցնի տանի տա, որտեղա հարմար», Ա-ն ասում է «3-ի, 4-ի կողմերը ես կզանգեմ կասեմ»:
«5-373-11_12-37-43_23.04.2011_94250015_in_096888808» ձայնագրառման մեջ Ա-ն ասում է «ախպորս ասելեմ, ճամփին մի բան նստի գնա» Բ-ն ասում է «իմ պահով խնդիր չկար», Ա-ն ասում է «ըտեղա խառնված, մոտիկ մարդ կա Երևանովա գալիս, իրան վերցնելուա գա»:
«5-373-11_14-13-06_23.04.2011_37496104505_in_096888808» ձայնագրառման մեջ Ա-ն ասում է «20 րոպեից կլինես, թե չե», Բ-ն ասում է «հա, արագ էլ գալիս ենք», Ա-ն ասում է «հեսա մարդա իջնում` երեկվա ախպերը, սպասելուա քեզ», Բ-ն ասում է «ասա թող երեկվա մրգից էլի բերի հետը», Ա-ն ասում է «հա, ասելեմ քեզ բան տա, էտ մրգիցել տա, ծնունդ էս լինելու իրիկունը», Բ-ն ասում է «հա ոնց չէ»:
«5-372-11_03-22-22_25.04.2011_98430043_out_093645975» ձայնագրառման մեջ Ա-ն ասում է «արա ցավտ տանեմ բան չի անում հարիֆը, վաղը ասումա կխոսամ, հենա կողքս պառկածա, 2 հոգի բռնավան, մեկն էլ էլի մեզ մոտիկա, իրանք հետ գալուց ավտոն փոխել են, որ էս մի տղեն ուրիշ ավտոյով գա, ետ տղեն ուրիշ ավտոյով էկելա, էս երկրորդ տղեն իրա ավտոյով 4 ժամ մնացելա ըտեղ, գալուց, որ էս դեմի հարիֆին բռնել են, 4 ժամ հետո էս մեկին բռնին, առաջինը որ պատմած չլիներ երկրորդին չէին բռնի, չէին գա մեր խուց»: Բ-ն ասում է «սպասեք, քննիչին տեսեք չորեքշաբթի ում են տանելու», Ա-ն ասում է «ես չկամ դրա մեջ, ըստեղ մտնում են մի ժամ ման են գալի բան չեն գտնում» Բ-ն ասում է «թվերով համարդ ասում են, թե չէ», Ա-ն ասում է «չէ թվերով չեն ասում, բայց իրանք եկել են մի հատ քարտ են ճարել, գիտեին թե ետ քարտնա, եկան մեր մոտ ասին ումնա սա, անուն ազգանունը թող ասի, էտ տղեն անուն ազգանունը ասելա, բայց էտի չի, իսկ ինչ կարելիա անել», Բ-ն ասում է «Մարատ ջան ոչ մի բան, մնումա էտ բռնվողը իրան տղավարի պահի, եթե ասի բերել են դրա համար 7-ից 15 էթումա, եթե ասի վերցրել եմ իմ համար 2-ից 6-ովա էթում», Ա-ն ասում է «իսկ, որ մեկը վիզ առնի», Բ-ն ասում է «չէ, որ մեկը իջավ վիզ առավ էն հարիֆի 7-ից 15-ը հաստատվումա, եթե կարաք բռնվածի բարեկամներին ասեք թող ինքը վիզ առնի, ասի բերել եմ իմ համար, ոչ մեկի անունը թող չտա, կարա ասի բերել եմ, որ կուլ տամ, Ա-ն ասում է «հիմա սպասենք ինքը գա տենանք ինչա, հետո էլի որոշենք, հիմա էն մեկը պախկվածա, էնի որ բռնվավ, ոնցոր իրա բանկը փակվումա, ում որ բռնել են էտի գիտի դրան, տան տեղն էլ գիտի, չբռնվողը թռելա: Իրան ես ասել եմ զգույշ, զանգի ժամանակ ես իրան ասել եմ քցի ու իրան բռնել են, դեմից մորքուրիս տղեն պտի գնար, բայց չգնաց, ըտեղից մի մասը տանելու էր դներ մի տեղ, որ սրա մարդը գնար վերցներ, ընկերս որ պիտի գնար իրա հետ հանդիպեր, իմ ընկերն էլ կալոնկում սմենի պետեր, ինքը գնումա ընտեղ մի ժամ շուտ սատկաա լինում, ինքը Նիվայով պիտի գնար, բայց փոխում ուրիշ ավտոյովա գնում, ինքը 2-ին մտելա Նորագավիթ, 3-ին իրանք պիտի հանդիպեին քաղաքում մի հատ տեղ, բայց ընկերս հասկանումա, որ ըտեղ սատկա կա, ինձ ասումա զանգի թող ցվրվի պոչ կա, ես զանգում եմ ասում եմ իջի էտի սիկտիրցրու վրիցդ ու էտ ժամանակ ավտոյի մեջ մարդա լինում ու իրան բռնում են, զանգել եմ հետի տղուն ասել եմ ընկեր հետինիդ բռնել են, որ ցվրվի, էսօր իմացել եմ, որ իրան էլ են բռնել, ըստեղ սաղ գիտեն, որ էտի իմ համարնա», Բ-ն ասում է«համարդ և հեռախոսդ փոխի»:
«5-372-11_19-48-08_26.04.2011_98430043_out_094011659» ձայնագրառման մեջ Ա-ն ասում է «Հովո խառնա դուրսը, ոնցոր էն Եղոյին էլ են բռնել, ուղղակի ուզում եմ Աշոտի հետ խոսամ, որ քո անունը, բա ախպերը ինչա ասել», Բ-ն ասում է «դրան էր քրվում, ես ասի, որ Աշոտը եկելա Երևան բռնել են, մի 4 ժամ հետո էլ վարորդին են բռնել»:
«5-372-11_00-33-09_25.04.2011_98430043_out_094642442» ձայնագրառման մեջ Ա-ն ասում է «լսի ցավտանեմ, որ բան ըլնի ես ախպորը միհատ գիր գրեմ, գրեմ, որ ուզումեմ տենամ, լավա ես իրան տենամ պարզ հետը խոսամ էլի ախպեր, բայց հորս արև Հովոյից, որ իրա աներձագի համարը ուզել ենք, ընենց չի, որ չենք ասել, որ բան չկա», Բ-ն ասում է «դրանց ասեք բան չխոսան, հավայի խոսան ձեզի գցեն շառի մեջ, չէր ուզում թող չեթար, ես կասեմ ախպորը քեզի բան չեն անի ինչես խառնվել իրար», Ա-ն ասում է «քեզ երկու բառով ասեմ, որ սրանք էն թեման են տանում, որ 47-ից էլ են էլի զանգում Նիվի հարցով, սրանք ասում են, որ Նիվի փողը վեկալել էս ում ես տվել, հմի ես ախպորը ասել եմ ցավտանեմ չեմ ուզեցե կամերում իմանան, թեկուզ Հովոն էլ իմանա, էտի ես ուզեցել եմ վեկալեն, դե Հովոն ասելա խոսքի Փիփրին պարտք էի, ես կարամ ասեմ ես էտ փողերը ուզում էի վեկալեի տաի քեզ, ես տենց ասի ախպորը, հմի ինչ իմանամ կամերում հազար ձևի մարդ կա, ինչ իմանամ ում եմ տալիս կամ ինչ եմ անում, ախպորը ես բացատրի», Բ-ն ասում է «ինձ ինչի համար ես պարտք», Ա-ն ասում է «չէ ես պարտք չեմ, ես տենց եմ ասել, որ չմտածեն ախպեր, էտի իմ փողսեր, ինքը ինձ տվողեր, ես վեկալում էի, որ տաի խոսքի քեզ, ես խոսքի ախպորը, որ խոսք տված եմ եղել, Մերսեդեսի հարցը, որ լուծվի դրա համար եմ արել, որ պետք էլ չի իմանան ինչը ոնցա, լսի էսի ուզումա էն Պարսոյին շպրտի, ես դրա դավերյան էտ ձև եմ մտել, որ ինքը դրան շպրտեր, ես էլ իրան շպրտեի ախպեր, դե դրան, որ շպրտեր էլ չեր կարա բան վեկալեր, ճամփեն փակվում էր, ես էլ իրան շպրտեյի ու ոնց պետք էր կանեինք ախպեր: Հմի էս հարիֆն էլ ատկազ չի անում, մոր հետ ես էլ եմ խոսացել, սրա մերը էսօր պտի հանդիպեր էտ տղու մոր հետ, մերը խառնված զանգումա ինձ ասումա կարողա տղուս ըստե տփեն», Բ-ն ասում է «դու դրանց մի նայի», Ա-ն ասում է «մորը ասել եմ բան չկա մորքուր ջան արխային մնա բան, ինքը ասումա քեզ եմ էլի հավատում, ասում եմ չէ ոչ մի բան չկա»:
«5-372-11_07-32-19_23.04.2011_96888808_out_096104505» ձայնագրառման մեջ Ա-ն ասում է «Ինչ կա, ոնցեք», Բ-ն ասում է «ցենտր, ես ասի ժամը 9-ին քաղաք կլնեմ», Ա-ն ասում է «ապեր հեռախոսով ոչ մի խոսակցություն ոչ մի բան, նայի մորքուրիդ տղին պադվադիտ չանես, գալուց որ բան ըլնի միհատ զանգի, մենք էլ կզանգենք ցավտանեմ»:
«5-372-11_10-59-45_23.04.2011_96888808_out_096104505» ձայնագրառման մեջ Ա-ն ասում է «ախպեր հեռախոսը անջատում եմ, կզանգեմ», Բ-ն ասում է «մի անջատի, չանջատես, վաբշե չանջատես»:
«5-372-11_11-24-04_23.04.2011_96888808_in_094250015» ձայնագրառման մեջ Ա-ն ասում է «ախպեր էն պահն եղավ ասեմ վերցնեն», Բ-ն ասում է «ապեր մի ժամ ժամուկեսից կլնի, հիմա էլ կլնի, ուղղակի տեղա գնացել, ժամ-ժամուկեսից զանգի կլնի, մենք ենք էլի տեղ ուղղարկել ախպեր»:
«5-372-11_13-17-39_22.04.2011_96888808_out_077373131» ձայնագրառման մեջ Ա-ն ասում է «ապե ես վառոդների դեմը կանգնած եմ», Բ-ն ասում է «դե մտի ներս, թողում են ոտով իջի մտի, հարցրու աֆտաբ յուղի տոչկան որնա ու գնա ետ տաղավարի դեմը կանգնի, տաղավարի համարը ինձ ասա»:
«5-372-11_13-19-49_22.04.2011_96888808_out_077373131» ձայնագրառման մեջ Ա-ն ասում է «էն օրը որ փող տվեցիր Օրբելի, մտի տես ծանոթ մարդ կա, հլը տուր Մարատին միհատ, ապե էտեղ շառոտ դվիժենի չկա, որտև ըստեղ պագոն կա դրա համար եմ ասում», Բ-ն ասում է «չէ ախպե էտեղ հազար մարդա մտնում դուրս գալի շուկայա, լսի մտի ասա Դավիթը ովա կամ Հուսեյնը, հենց Դավիթը գա կզանգես»:
«5-372-11_19-02-13_24.04.2011_98430043_in_79672749030» ձայնագրառման մեջ Ա-ն ասում է «Մարատ բարիգուն ախպեր», Բ-ն ասում է «Մարատը չի, Մարատի ախպերնա, կյաժնա, էտ ինչա եղել Կարեն, Մարատն ուրա, ինչ տաքսու խոսակցությունա եղել», Ա-ն ասում է «Մարատի մոտիկներից մեկին զախվատ են արել ճանապարհին, տաքսիներին են բռնել ինչ, ախպեր եթե չեմ սխալվում էտ մարդը կուրսիեր ուր էր էթում, էտ գործը էտ տաքսիստնա վեկալե, ետ նորագյուղցի Էրիկնա վեկալե, ասենք ինքը առաջին անգամ չի գնում էլի, որ ինքը խամա», Ա-ն ասում է «Հովոյի հետ ինչ կա Կար», Բ-ն ասում է «բան չկա մեռնեմ քեզ, մենք ենք զանգե, պռոստո զանգում ենք էտ Էրիկին երեկվանից, ասինք միհատ զանգենք Հովոյից հարցնենք բռնել են, չեն բռնել», Ա-ն ասում է «կարողա էտի հետո երգի մերգի ձեր մոմենտով», Բ-ն ասում է «չեմ իմանում, չէ, ինչ պտի երգի, Մարատը, էտի որ տաքսիից գնացելա, էտի հարազատ մարդա էլի, էտի իրա վրաա վեկալե, ասելա սաղ իմնա էլի, հիմա էտ մարդուն տարել են ԿՊԶ, երեքշաբթի կամ չորեքշաբթի բերելու են ստեղ, ազատվել էր էտ տղեն ստեյից, 63-ումա եղել Աշոտա անունը, Էջմիածնցի Աշոտը, քաղաք մտնելուց Նորագավիթի պոստում վեկալան ախպեր սաղին, տաքսիստը առանձին ուրիշ բանով էր գալիս, ինքը ուրիշ բանով, նրան առանձին, նրան առանձին տարան»:
«5-372-11_13-26-44_22.04.2011_96888808_out_077373131» ձայնագրառման մեջ Ա-ն ասում է Բ-ին «չկա ախպեր ասումա չգիտենք երբ կգա», Բ-ն ասում է «դե տուր էտ աշխատողին ասեմ», Բ-ն ասում է «Դավոն, Հուսեյնը ուր են, դե Դավոյին կասես 1.520 դոլար փող թողի ինքը գիտի»:
Փորձագետի 2011 թվականի հոկտեմբերի 25-ի թիվ 27521106 եզրակացության համաձայն` փորձաքննությանն են տրամադրված «Memorex» ֆիրմայի արտադրության լազերային երկու սկավառակներ:
Առաջին սկավառակի (թողարկման սերիական համարը` «1205013117263064») վրա առկա են տարբեր թվային անվանումներով 43 ֆայլեր: Այս ֆայլերից 23-ը «wav» ֆորմատի են և հանդիսանում են ձայնագրված հեռախոսային խոսակցություններ: Իսկ մնացած` 20 ֆայլերը, «txt» ֆորմատի են և դրանք ուղղակի պարունակում են տեղեկություններ վերը նշված ֆայլերի` հեռախոսային խոսակցությունների վերաբերյալ (մասնավորապես հեռախոսազանգերի ժամանակացույցերը, հեռախոսահամարները և այլն):
Երկրորդ սկավառակի (թողարկման սերիական համարը`«1205013117263067») վրա առկա են տարբեր թվային անվանումներով 8 ֆայլեր: Այս ֆայլերից 4-ը «wav» ֆորմատի են և հանդիսանում են ձայնագրված հեռախոսային խոսակցություններ: Իսկ մնացած` 4-ը, «txt» ֆորմատի են և դրանք ինչպես և առաջին սկավառակի դեպքում պարունակում են տեղեկություններ վերը նշված ֆայլերի` հեռախոսային խոսակցությունների վերաբերյալ:
Տրամադրված լազերային սկավառակների վրա առկա ֆայլերից` «5-372-11_23-03-43_20.04.2011_96888808_in_093990900», «5-372-11_22-43-00_21.04.2011_96888808_out _077373131», «5-372-11_22-48-54_21.04.2011_96888808_out_098932442», «5-372-11_22-58-24_21.04.2011_37496888808_out_077373131», «5-372-11_01-11-11_22.04.2011_ 3749688 88 08_in_077640509», «5-372-11_01-49-54_22.04.2011_98430043_out_077373131», «5-372-11_07-32-19_23.04.2011_96888808_out_096104505», «5-372-11_11-07-08_23.04.2011_96888 808_out_096104505», «5-373-11_11-42-52_23.04.2011_37496104505_in_096888808», «5-373-11_12-30-16_23.04.2011_37496104505_in_096888808», «5-372-11_12-33-05_23.04.2011 _96888808_out_094250015», «5-373-11_12-37-43_23.04.2011_94250015_in_096888808», «5-373-11_14-13-06_23.04.2011_37496104505_in_096888808», «5-372-11_00-33-09_25.04.2011 _98430043_out_094642442», «5-372-11_03-22-22_25.04.2011_98430043_out_093645975», «5-372-11_15-50-00_25.04.2011_98430043_in_093450438», «5-372-11_19-48-08_26.04.2011 _98430043_out_094011659» և «5-372-11_16-11-39_27.04.2011_98430043_in_095801672» ֆայլերի խոսակցություններին մի կողմից ամբողջությամբ մասնակցող, «5-372-11_13-19-49_22.04.2011_96888808_out_077373131» ֆայլի խոակցությունը մի կողմից մասամբ մասնակցող, «5-372-11_22-56-17_24.04.2011_98430043_out_098146699» և «5-372-11_15-09-59_25.04.2011_98430043_out_077130491» ֆայլի խոսակցություններին մի կողմից հիմնականում մասնակցող, տղամարդու կողմից արտասանված բանավոր խոսքերը (ձայները) պիտանի են նույնացմանն ուղղված հետազոտություններ անցկացնելու համար և դրանք պատկանում են Մարատ Արամայիսի Սարգսյանին:
Վերը նշված և մնացած այլ ֆայլերի խոսակցությունների մասնակիցների բանավոր խոսքերը (ձայները) պիտանի չեն նույնացմանն ուղղված հետազոտություններ անցկացնելու համար` անձը անհատականացնող բավարար հատկանիշների բացակայության պատճառով: Հետևաբար` և պարզել, թե սկավառակների վրա առկա խոսակցություններին մասնակցում են Հովհաննես Գևորգյանը, Էրիկ Մակինյանը, Աշոտ Աբելյանը, Հովհաննես Ավագյանը և Կարեն Սարգսյանը, թե ոչ` հնարավոր չէ:
Փորձագետի 2011 թվականի հոկտեմբերի 25-ի թիվ 27521106 եզրակացությանը կից հաշիվ-ապրանքագիր հանդիսացող հանձնման-ընդունման արձանագրության համաձայն` փորձաքննության համար վճարման ենթակա գումարը կազմում է 55.200 (հիսունհինգ հազար երկու հարյուր) ՀՀ դրամ:
Իրեղեն ապացույց ճանաչելու մասին 2011 թվականի ապրիլի 24-ի որոշման համաձայն` իրեղեն ապացույց են ճանաչվել 186,8 գրամ ափիոն և 4,9 գրամ հաշիշ տեսակի թմրամիջոցները:
Գույքի վրա կալանք դնելու մասին 2011 թվականի ապրիլի 28-ի որոշման համաձայն` կալանք է դրվել Աշոտ Շմավոնի Աբելյանի գույքի վրա:
Գույքի վրա կալանք դնելու մասին 2011 թվականի ապրիլի 28-ի որոշման համաձայն` կալանք է դրվել Էրիկ Հակոբի Մակինյանի գույքի վրա:
Այլ փաստաթուղթ ճանաչելու մասին 2011 թվականի դեկտեմբերի 10-ի որոշման համաձայն` Աշոտ Աբելյանին և Էրիկ Մակինյանին բերման ենթարկելու մասին արձանագրությունները, նրանց բացատրությունները, հեռախոսահամարների և թիվ 36 խցից առգրավված հեռախոսահամարների վերծանումների էլեկտրոնային կրիչները, ինչպես նաև գաղտնալսման էլեկտրոնային կրիչները ճանաչվել են ապացույց:
Ձերբակալման մասին 2011 թվականի ապրիլի 23-ի արձանագրության համաձայն` 2011 թվականի ապրիլի 23-ին` ժամը 22:00-ին, Աշոտ Շմավոնի Աբելյանը ձերբակալվել է:
Կալանավորումը որպես խափանման միջոց կիրառելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի ապրիլի 26-ի որոշման համաձայն` Աշոտ Շմավոնի Աբելյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2011 թվականի ապրիլի 23-ից:
Ձերբակալման մասին 2011 թվականի ապրիլի 23-ի արձանագրության համաձայն` 2011 թվականի ապրիլի 23-ին` ժամը 23:00-ին, Էրիկ Հակոբի Մակինյանը ձերբակալվել է:
Կալանավորումը որպես խափանման միջոց կիրառելու վերաբերյալ միջնորդությունը քննության առնելու մասին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի ապրիլի 26-ի որոշման համաձայն` Էրիկ Հակոբի Մակինյանի նկատմամբ որպես խափանման միջոց ընտրվել է կալանավորումը` երկու ամիս ժամկետով, կալանավորման սկիզբը հաշվվել է 2011 թվականի ապրիլի 23-ից:
ՀՀ ոստիկանության ինֆորմացիոն կենտրոնի պահանջագրի համաձայն` 2010 թվականի հունիսի 2-ի Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավճռով Մարատ Արամայիսի Սարգսյանը մեղավոր է ճանաչվել ՀՀ քրեական օրենսգրքի 34-178-րդ հոդված 3-րդ մասի 1-ին կետով, 178-րդ հոդված 3-րդ մասի 1-ին կետով, 176-րդ հոդված 2-րդ մասի 1-ին կետով և դատապարտվել ազատազրկման` 11 (տասնմեկ) տարի ժամկետով և տուգանք` 600.000 ՀՀ դրամի չափով: 2011 թվականի օգոստոսի 29-ին Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի որոշմամբ տուգանքը փոխարինվել է 2.200 ժամ հանրային աշխատանքներով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի հունիսի 2-ի դատավճռի պատճենի համաձայն` Մարատ Արամայիսի Սարգսյանը մեղավոր է ճանաչվել ՀՀ քրեական օրենսգրքի 34-178-րդ հոդվածի 3-րդ մասի 1-ին կետով, 178-րդ հոդվածի 3-րդ մասի 1-ին կետով, 176-րդ հոդվածի 2-րդ մասի 2-րդ կետով, 183-րդ հոդվածի 1-ին մասով, 185-րդ հոդվածի 1-ին մասով, 200-րդ հոդվածի 1-ին մասով, 38-325-րդ հոդվածի 1-ին մասով, 325-րդ հոդվածի 1-ին մասով և ՀՀ քրեական օրենսգրքի 66-րդ հոդվածով սահմանված կարգով նրա նկատմամբ պատիժ է նշանակվել ազատազրկում 11 (տասնմեկ) տարի ժամկետով` գույքի կեսի բռնագրավմամբ, սակայն ոչ ավելի 26.300.000 (քսանվեց միլիոն երեք հարյուր հազար) ՀՀ դրամ գումարից և տուգանք` նվազագույն աշխատավարձի վեցհարյուրապատիկի` 600.000 (վեց հարյուր հազար) ՀՀ դրամ գումարի չափով: Պատժի կրման սկիզբը հաշվվել է 2009 թվականի մայիսի 20-ից:
ՀՀ ԱՆ Քրեակատարողական վարչության այլընտրանքային պատիժների կատարման բաժնի Էրեբունի և Նուբարաշեն բաժանմունքի պետի 2012 թվականի նոյեմբերի 30-ի թիվ Ե 40/16-4-516 գրության համաձայն` Երևան քաղաքի Էրեբունի և Նուբարաշեն վարչական շրջանների ընդհանուր իրավասության առաջին ատյանի դատարանի 2011 թվականի օգոստոսի 29-ի թիվ ԵԷԴ/0150/13/11 որոշմամբ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի հունիսի 2-ի դատավճռով Մարատ Արամայիսի Սարգսյանի նկատմամբ նշանակված 600.000 (վեց հարյուր հազար) ՀՀ դրամի չափով տուգանքը փոխարինվել է 2.200 ժամ հանրային աշխատանքներով: 2011 թվականի սեպտեմբերի 6-ի որոշմամբ Մարատ Արամայիսի Սարգսյանի նկատմամբ նշանակված 2.200 ժամ հանրային աշխատանքներ պատժի կատարումը կասեցվել է:
ՀՀ ոստիկանության ինֆորմացիոն կենտրոնի պահանջագրի համաձայն` Արմավիրի մարզի ընդհանուր իրավասության առաջին ատյանի դատարանի դատավճռով Աշոտ Շմավոնի Աբելյանը մեղավոր է ճանաչվել ՀՀ քրեական օրենսգրքի 258-րդ հոդված 4-րդ մասով և ՀՀ քրեական օրենսգրքի 64-րդ հոդվածի կիրառմամբ դատապարտվել ազատազրկման` 9 (ինը) ամիս 12 (ինը) օր ժամկետով:
2011 թվականի փետրվարի 8-ի Արմավիրի մարզի ընդհանուր իրավասության առաջին ատյանի դատարանի դատավճռի պատճենի համաձայն` Աշոտ Շմավոնի Աբելյանը մեղավոր է ճանաչվել ՀՀ քրեական օրենսգրքի 258-րդ հոդված 4-րդ մասով և ՀՀ քրեական օրենսգրքի 64-րդ հոդվածի կիրառմամբ դատապարտվել ազատազրկման` 1 (մեկ) տարի ժամկետով: Նշանակված պատժի ժամկետին հաշվակցվել է անազատության մեջ եղած ժամանակահատվածը` 2 (երկու) ամիս 18 (տասնութ) օրը, և նրան թողնվել է կրելու ազատազրկում` 9 (ինը) ամիս 12 (ինը) օր ժամկետով: Դատավճռով որոշվել է Աշոտ Շմավոնի Աբելյանի պատժի կրման սկիզբը հաշվել նրան կալանավորելու պահից:
2011 թվականի մայիսի 18-ի ՀՀ վերաքննիչ քրեական դատարանի որոշման պատճենի համաձայն` մեղադրողի վերաքննիչ բողոքը մերժվել է: Արմավիրի մարզի ընդհանուր իրավասության առաջին ատյանի դատարանի 2011 թվականի փետրվարի 8-ի դատավճիռը քրեական գործով ըստ մեղադրանքի Աշոտ Շմավոնի Աբելյանի` ՀՀ քրեական օրենսգրքի 258-րդ հոդված 4-րդ մասով, թողնվել է ուժի մեջ` հիմք ընդունելով վերաքննիչ դատարանի պատճառաբանությունները:
ՀՀ ԱՆ «Նուբարաշեն» քրեակատարողական հիմնարկի պետի տեղակալի 2012 թվականի մայիսի 14-ի թիվ Ե 40/18-3-2719 գրության համաձայն` Արմավիրի մարզի ընդհանուր իրավասության առաջին ատյանի դատարանի 2011 թվականի փետրվարի 8-ի դատավճռով Աշոտ Շմավոնի Աբելյանը մեղավոր է ճանաչվել ՀՀ քրեական օրենսգրքի 258-րդ հոդված 4-րդ մասի 1-ին կետով և ՀՀ քրեական օրենսգրքի 64-րդ հոդվածի կիրառմամբ նա դատապարտվել է ազատազրկման` 1 (մեկ) տարի ժամկետով: Նշանակված պատժի ժամկետին հաշվակցվել է անազատության մեջ եղած ժամանակահատվածը` 2 (երկու) ամիս 18 (տասնութ) օրը, և նրան թողնվել է կրելու ազատազրկում` 9 (ինը) ամիս 12 (ինը) օր ժամկետով: Աշոտ Շմավոնի Աբելյանի պատժի կրման սկիզբը եղել է 2011 թվականի հուլիսի 20-ից, իսկ վերջը` 2012 թվականի մայիսի 2-ին:
ՀՀ ոստիկանության ինֆորմացիոն կենտրոնի պահանջագրի համաձայն` Էրիկ Հակոբի Մակինյանը նախկինում դատապարտված չի եղել:
Արաքս համայնքի ղեկավարի կողմից տրված բնութագրի համաձայն` Աշոտ Շմավոնի Աբելյանը բնութագրվում է դրական:
Կենտրոն վարչական շրջանի թիվ 3 լիազոր ներկայացուցչի կողմի հաստատված բնութագրի համաձայն` Էրիկ Հակոբի Մակինյանը բնութագրվում է դրական:
Ամուսնության թիվ 125030 վկայականի պատճենի համաձայն` Էրիկ Հակոբի Մակինյանը և Ռուզաննա Ռուբենի Գևորգյանը ամուսիններ են:
Ծննդյան թիվ 001385 վկայականի պատճենի համաձայն` 2009 թվականի օգոստոսի 27-ին ծնված Դավիթ Էրիկի Մակինյանի հայրը Էրիկ Հակոբի Մակինյանն է:
Ծննդյան թիվ 099855 վկայականի պատճենի համաձայն` 2011 թվականի հունվարի 8-ին ծնված Էլեն Էրիկի Մակինյանի հայրը Էրիկ Հակոբի Մակինյանն է:
Այսպիսով, Դատարանը գտնում է, որ մտացածին են և գործով ձեռք բերված օբյեկտիվ տվյալներով հերքվում են ամբաստանյալ Մարատ Սարգսյանի ցուցմունքներն այն մասին, որ իրեն առաջադրված մեղադրանքի հետ ինքը որևէ կապ չունի, դեպքի օրն ինքն Էրիկ Մակինյանի և Աշոտ Աբելյանի հետ չի խոսել, դատարանում լսված հեռախոսային խոսակցության ձայնագրառման մեջ առկա ձայնն իրենը չէ:
Վերը նշված ապացույցները վերլուծելու և համադրելու արդյունքում Դատարանը հաստատված է համարում գործի լուծման համար նշանակություն ունեցող հետևյալ փաստական հանգամանքները.
-Մարատ Սարգսյանը և Հովհաննես Գևորգյանը միասին պատիժ են կրել ՀՀ ԱՆ «Նուբարաշեն» քրեակատարողական հիմնարկի թիվ 36 խցում,
-Մարատ Սարգսյանը և Հովհաննես Գևորգյանը որոշել են Իրանի Իսլամական Հանրապետությունից ձեռք բերել թմրամիջոց,
-Մարատ Սարգսյանը և Հովհաննես Գևորգյանը որոշել են Իրանի Իսլամական Հանրապետությունից ձեռք բերած թմրամիջոցը որպես պարտքի մարում, ձեռքբերման գնից ավելի թանկ գնով, տալ այլ անձանց,
-Իրանի Իսլամական Հանրապետությունից թմրամիջոց ձեռք բերելու համար Հովհաննես Գևորգյանը պայմանավորվել է Իրանի Իսլամական Հանրապետությունում բնակվող ոմն Բեյնամի հետ,
-Մարատ Սարգսյանի ծանոթ Վահագն Գուլոյանի, այնուհետև Հովհաննես Գևորգյանի ծանոթ ոմն Դավութի միջոցով Մարատ Սարգսյանը և Հովհաննես Գևորգյանը թմրամիջոց ձեռք բերելու համար 1.500 ԱՄՆ դոլար են փոխանցել ոմն Բեյնամիին,
-ոմն Բեյնամիի կողմից Իրանի Իսլամական Հանրապետությունից Հայաստանի Հանրապետություն արտանետվող թմրամիջոցը Երևան քաղաք բերելու նպատակով Մարատ Սարգսյանը և Հովհաննես Գևորգյանը դիմել են Էրիկ Մակինյանին և Աշոտ Աբելյանին,
-2011 թվականի ապրիլի 22-ին Էրիկ Մակինյանը և Աշոտ Աբելյանը գնացել են Մեղրի քաղաք,
-2011 թվականի ապրիլի 23-ին` ժամը 07:00-ի սահմաններում, ոմն Բեյնամինն Իրանի Իսլամական Հանրապետությունից Հայաստանի Հանրապետություն է նետել երկու փաթեթ,
-երկու փաթեթներից մեկի մեջ եղել է 186,8 գրամ հաստատուն քաշով ափիոն տեսակի թմրամիջոց, իսկ մյուսի մեջ` 4,9 գրամ հաշիշ տեսակի թմրամիջոց,
-ոմն Բեյնամիի կողմից Իրանի Իսլամական Հանրապետությունից Հայաստանի Հանրապետություն նետված երկու փաթեթներն Էրիկ Մակինյանը և Աշոտ Աբելյանը վերցրել են,
-Էրիկ Մակինյանը և Աշոտ Աբելյանը նշված երկու փաթեթները վերցնելուց հետո տեղեկացել են, որ դրանք թմրամիջոցներ են,
-Էրիկ Մակինյանը և Աշոտ Աբելյանը տեղյակ չեն եղել, որ Մարատ Սարգսյանը և Հովհաննես Գևորգյանը որոշել են նշված թմրամիջոցը որպես պարտքի մարում, ձեռքբերման գնից ավելի թանկ գնով, տալ այլ անձանց,
-Էրիկ Մակինյանը և Աշոտ Աբելյանը նշված երկու փաթեթները միասին տեղափոխել են Կապան քաղաք,
-Կապան քաղաքում Աշոտ Աբելյանը նշված երկու փաթեթները վերցրել է և երթուղային տաքսիով ուղևորվել Երևան,
-Կապան-Երևան ճանապարհին` ՃՈ Նորագավիթի հենակետի մոտ, ոստիկանները երթուղային տաքսու մեջ հայտնաբերել և առգրավել են նշված երկու փաթեթները,
-186,8 գրամ հաստատուն քաշով ափիոն տեսակի թմրամիջոցով պետք է մարվեր գոյացած պարտքերը,
-4,9 գրամ հաշիշ տեսակի թմրամիջոցը պետք է օգտագործեր Հովհաննես Գևորգյանը:
3. Դատարանի իրավական վերլուծությունները.
Վերոգրյալ փաստերի հիման վրա Դատարանը գալիս է այն եզրահանգման, որ Մարատ Արամայիսի Սարգսյանը, Հովհաննես Միշայի Գևորգյանի հետ միասին, իրացնելու նպատակով, 2011 թվականի ապրիլի 23-ին ցանկացել է ձեռք բերել առանձնապես խոշոր չափերի` 186,6 գրամ ափիոն տեսակի թմրամիջոց, սակայն հանցագործությունն ավատին չի հասցվել` իր կամքից անկախ հանգամանքներով:
Այսինքն` Մարատ Արամայիսի Սարգսյանը կատարել է արարք, որը համապատասխանում է ՀՀ քրեական օրենսգրքի 34-266-րդ հոդվածի 3-րդ մասի 1-ին կետի հատկանիշներին:
Ապացուցված է Մարատ Արամայիսի Սարգսյանի մեղավորությունը ՀՀ քրեական օրենսգրքի 34-266-րդ հոդվածի 3-րդ մասի 1-ին նախատեսված արարք կատարելու մեջ:
Դատարանը գտնում է, որ Մարատ Սարգսյանի պատասխանատվությունն ու պատիժը ծանրացնող հանգամանք է հանցանքը կատարելու ռեցիդիվը, քանի որ նա դատվածություն ունի նախկինում դիտավորյալ հանցագործություններ կատարելու համար, որոնց դատվածությունները մարված չեն:
Դատարանը միաժամանակ արձանագրում է, որ Մարատ Սարգսյանի պատասխանատվությունն ու պատիժը մեղմացնող, ինչպես նաև նրա անձը բնութագրող հանգամանքներ սույն գործում առկա չեն:
Կատարած արարքի համար Մարատ Սարգսյանը ենթակա է քրեական պատասխանատվության և պատժի:
Դատարանը, հաշվի առնելով Մարատ Սարգսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, պատասխանատվությունն ու պատիժը ծանրացնող հանգամանքը, պատասխանատվությունն ու պատիժը մեղմացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 266-րդ հոդվածի 3-րդ մասի սանկցիայով որպես հիմնական պատիժ նախատեսված է միայն ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով: Դատարանը միաժամանակ գտնում է, որ Մարատ Սարգսյանի նկատմամբ չպետք է նշանակել ՀՀ քրեական օրենսգրքի 266-րդ հոդվածի 3-րդ մասի սանկցիայով նախատեսված լրացուցիչ պատիժը` գույքի բռնագրավումը:
ՀՀ քրեական օրենսգրքի 67-րդ հոդվածի 1-ին կետի համաձայն` եթե դատավճիռ կայացնելուց հետո, բայց մինչև պատժի լրիվ կրելը դատապարտյալը նոր հանցանք է կատարել, ապա դատարանը նոր դատավճռով նշանակված պատժին լրիվ կամ մասնակիորեն գումարում է նախորդ դատավճռով նշանակված պատժի չկրած մասը: Նույն հոդվածի 5-րդ մասի համաձայն` դատավճիռների համակցությամբ պատիժ նշանակելիս լրացուցիչ պատիժների միացումը կատարվում է սույն օրենսգրքի 66-րդ հոդվածով սահմանված կանոններով:
ՀՀ քրեական օրենսգրքի 66-րդ հոդվածի 5-րդ մասի համաձայն` հանցանքների համակցությամբ նշանակված հիմնական պատժին կարող են միացվել համակցությունը կազմող հանցանքների համար նշանակված լրացուցիչ պատիժները: Լրացուցիչ պատիժները լրիվ կամ մասնակիորեն գումարելու դեպքում վերջնական լրացուցիչ պատիժը չի կարող գերազանցել սույն օրենսգրքի ընդհանուր մասով պատժի տվյալ տեսակի համար սահմանված առավելագույն ժամկետը կամ չափը:
ՀՀ քրեական օրենսգրքի 68-րդ հոդվածի 1-րդ մասի 3-րդ կետի համաձայն` դատավճիռների համակցությամբ պատիժները լրիվ կամ մասնակիորեն գումարելիս ազատազրկման մեկ օրվան համապատասխանում է հանրային աշխատանքների երեք ժամը: Իսկ նույն հոդվածի 2-րդ մասի համաձայն` գույքի բռնագրավման ձևով պատիժը ազատազրկման հետ գումարելիս ի կատար է ածվում առանձին:
Դատարանը, նկատի ունենալով, որ Մարատ Սարգսյանը պատժի չկրած մասի ընթացքում կատարել է դիտավորյալ հանցանք, գտնում է, որ նրա նկատմամբ վերջնական պատիժ պետք է նշանակել ՀՀ քրեական օրենսգրքի 67-րդ հոդվածով սահմանված կարգով` սույն դատավճռով նշանակված պատժին մասնակիորեն գումարելով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի հունիսի 2-ի դատավճռով նշանակված պատժի չկրած մասը, որը նա պետք է կրի:
Տվյալ դեպքում հարկ է նկատել, որ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի հունիսի 2-ի դատավճռով Մարատ Սարգսյանի նկատմամբ նշանակվել է երեք տեսակի պատիժ` ազատազրկում, գույքի բռնագրավում և տուգանք: Սույն դատավճռի հրապարակման օրվա դրությամբ Մարատ Սարգսյանին նկատմամբ նշանակված ազատազրկման ձևով պատժից մնացել է կրելու 8 (ութ) տարի 5 (հինգ) ամիս 16 (տասնվեց) օր, իսկ գույքի բռնագրավման և տուգանքի ձևով նշանակված պատիժները չեն կատարվել: Ավելին` տուգանքի ձևով նշանակված պատիժը փոխարինվել է 2.200 ժամ հանրային աշխատանքներով, ինչը ՀՀ քրեական օրենսգրքի 68-րդ հոդվածի կիրառմամբ հավասար է 2 (երկու) տարի 1 (մեկ) օր ժամկետով ազատազրկման:
Դատարան միաժամանակ գտնում է, որ Մարատ Սարգսյանի նկատմամբ սույն դատավճռով նշանակված վերջնական պատժի կրման սկիզբը պետք է հաշվել սույն դատավճռի հրապարակման օրվանից` 2012 թվականի դեկտեմբերի 6-ից:
Վերոգրյալ փաստերի հիման վրա Դատարանը գալիս է այն եզրահանգման, որ Աշոտ Շմավոնի Աբելյանը Էրիկ Հակոբի Մակինյանի հետ միասին, Հովհաննես Միշայի Գևորգյանի և Մարատ Արամայիսի Սարգսյանի խնդրանքով, վերջիններին փոխանցելու նպատակով, 2011 թվականի ապրիլի 23-ին` ժամը 07:00-ի սահմաններում, Մեղրի քաղաքում գտնվող հայ-իրանական սահմանի մոտ ապօրինի ձեռք է բերել առանձնապես խոշոր չափերի` 186,8 գրամ ափիոն տեսակի թմրամիջոց, որն Էրիկ Մակինյանի հետ միասին փոխադրել է Կապան քաղաք, այնուհետև միայնակ դեպի Երևան քաղաք:
Այսինքն` Աշոտ Շմավոնի Աբելյանը կատարել է արարք, որը համապատասխանում է ՀՀ քրեական օրենսգրքի 38-268-րդ հոդվածի 3-րդ մասի հատկանիշներին:
Ապացուցված է Աշոտ Աբելյանի մեղավորությունը ՀՀ քրեական օրենսգրքի 38-268-րդ հոդվածի 3-րդ մասով նախատեսված արարք կատարելու մեջ:
Դատարանը գտնում է, որ Աշոտ Աբելյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Աշոտ Աբելյանի պատասխանատվությունն ու պատիժը մեղմացնող հանգամանք պետք է դիտել դրականորեն բնութագրվելը:
Դատարանը միաժամանակ արձանագրում է, որ Աշոտ Աբելյանի պատասխանատվությունն ու պատիժը ծանրացնող հանգամանքներ սույն քրեական գործում առկա չեն:
ՀՀ քրեական օրենսգրքի 22-րդ հոդվածի 1-ին մասի համաձայն` հանցագործությունների ռեցիդիվ է համարվում դիտավորությամբ հանցանք կատարելն այն անձի կողմից, ով դատվածություն ունի նախկինում դիտավորությամբ կատարված հանցանքի համար:
Դատարանը գտնում է, որ Աշոտ Աբելյանի նախկին դատվածությունը չի կարող հիմք հանդիսանալ, որպեսզի նրա պատասխանատվությունն ու պատիժը ծանրացնող հանգամանք դիտել հանցագործությունների ռեցիդիվը, քանի որ նրա վերաբերյալ ՀՀ վերաքննիչ քրեական դատարանի դատական ակտը կայացվել է 2011 թվականի մայիսի 18-ին, այսինքն` սույն քրեական գործով նրան մեղսագրվող արարքի կատարումից հետո, ինչն օբյեկտիվորեն չի կարող գնահատվել, որպես ռեցիդիվի առկայություն, քանի որ նա սույն քրեական գործով մեղսագրվող արարքի կատարման ժամանակ դատվածություն չի ունեցել նախկինում դիտավորությամբ կատարված հանցանքի համար:
Կատարած արարքի համար Աշոտ Աբելյանը ենթակա է քրեական պատասխանատվության և պատժի:
Դատարանը, հաշվի առնելով Աշոտ Աբելյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքը, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Աշոտ Աբելյանի կատարած արարքի համար ՀՀ քրեական օրենսգրքի 268-րդ հոդվածի 3-րդ մասի սանկցիայով նախատեսված է պատիժ ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Աշոտ Աբելյանի պատժի կրման սկիզբը պետք է հաշվել 2011 թվականի ապրիլի 23-ից, քանի որ նա ձերբակալվել է այդ օրը, իսկ 2011 թվականի ապրիլի 26-ի նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Աշոտ Աբելյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 8-րդ կետի 5-րդ ենթակետի համաձայն` ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործություն կատարելու համար դատապարտված անձանց պատժաչափի չկրած մասը պետք է կրճատել մեկ քառորդով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը, սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Աշոտ Աբելյանի նկատմամբ Համաներման որոշման կիրառման համար:
Դատարանը, հիմք ընդունելով վերոգրյալը, գտնում է, որ Համաներման որոշման կիրառմամբ Աշոտ Աբելյանի պատժաչափի չկրած մասը պետք է կրճատել մեկ քառորդով:
Վերոգրյալ փաստերի հիման վրա Դատարանը գալիս է այն եզրահանգման, որ Էրիկ Հակոբի Մակինյանը Աշոտ Շմավոնի Աբելյանի հետ միասին, Հովհաննես Միշայի Գևորգյանի և Մարատ Արամայիսի Սարգսյանի խնդրանքով, վերջիններին փոխանցելու նպատակով, 2011 թվականի ապրիլի 23-ին` ժամը 07:00-ի սահմաններում, Մեղրի քաղաքում գտնվող հայ-իրանական սահմանի մոտ ապօրինի ձեռք է բերել առանձնապես խոշոր չափերի` 186,8 գրամ ափիոն տեսակի թմրամիջոց, որն Աշոտ Աբելյանի հետ միասին փոխադրել է Կապան քաղաք:
Այսինքն` Էրիկ Հակոբի Մակինյանը կատարել է արարք, որը համապատասխանում է ՀՀ քրեական օրենսգրքի 38-268-րդ հոդվածի 3-րդ մասի հատկանիշներին:
Ապացուցված է Էրիկ Մակինյանի մեղավորությունը ՀՀ քրեական օրենսգրքի 38-268-րդ հոդվածի 3-րդ մասով նախատեսված արարք կատարելու մեջ:
Դատարանը գտնում է, որ Էրիկ Մակինյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Էրիկ Մակինյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Դավիթ Էրիկի Մակինյան` ծնված 2009 թվականի օգոստոսի 27-ին և Էլեն Էրիկի Մակինյան` ծնված 2011 թվականի հունվարի 8-ին) առկայությունը:
Դատարանը գտնում է, որ Աշոտ Աբելյանի պատասխանատվությունն ու պատիժը մեղմացնող հանգամանք պետք է դիտել նաև նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Էրիկ Մակինյանի պատասխանատվությունն ու պատիժը ծանրացնող հանգամանքներ սույն քրեական գործում առկա չեն:
Կատարած արարքի համար Էրիկ Մակինյանը ենթակա է քրեական պատասխանատվության և պատժի:
Դատարանը, հաշվի առնելով Էրիկ Մակինյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Էրիկ Մակինյանի կատարած արարքի համար ՀՀ քրեական օրենսգրքի 268-րդ հոդվածի 3-րդ մասի սանկցիայով նախատեսված է պատիժ ազատազրկման ձևով, գտնում է, որ ՀՀ քրեական օրենսգրքի 48-րդ հոդվածով սահմանված պատժի նպատակներին հասնելու համար նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Էրիկ Մակինյանի պատժի կրման սկիզբը պետք է հաշվել 2011 թվականի ապրիլի 23-ից, քանի որ նա ձերբակալվել է այդ օրը, իսկ 2011 թվականի ապրիլի 26-ի նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Էրիկ Մակինյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 8-րդ կետի 5-րդ ենթակետի համաձայն` ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործություն կատարելու համար դատապարտված անձանց պատժաչափի չկրած մասը պետք է կրճատել մեկ քառորդով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը, սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Էրիկ Մակինյանի նկատմամբ Համաներման որոշման կիրառման համար:
Դատարանը, հիմք ընդունելով վերոգրյալը, գտնում է, որ Համաներման որոշման կիրառմամբ Էրիկ Մակինյանի պատժաչափի չկրած մասը պետք է կրճատել մեկ քառորդով:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2011 թվականի ապրիլի 24-ի որոշմամբ իրեղեն ապացույց ճանաչված` 186,8 գրամ ափիոն և 4,9 գրամ հաշիշ տեսակի թմրամիջոցների հարցը պետք է թողնել լուծելու թիվ 69102311/1 քրեական գործով:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածով նախատեսված դատական ծախսերն ամբաստանյալներից դատարանի նախաձեռնությամբ ենթակա չեն բռնագանձման, քանի որ նշված հոդվածի 1-ին մասի 1-ին կետով նախատեսված դատական ծախս սույն քրեական գործով չկա: Ամբաստանյալներից բռնագանձման ենթակա չեն նաև ՀՀ քրեական դատավարության օրենսգրքի 168-րդ հոդվածի 1-ին մասի 2-րդ և 4-6-րդ կետերով նախատեսված դատական ծախսերը, քանի որ 6-րդ կետով նախատեսված ծախս սույն քրեական գործով առկա չէ, իսկ 2-րդ, 4-րդ, 5-րդ կետերով նախատեսված դատական ծախսերի վերաբերյալ տվյալները բացակայում են: Ավելին` նման պահանջ դատարանին չի ներկայացվել: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մասի 3-րդ կետով նախատեսված դատական ծախսին, ապա Դատարանը գտնում է, որ Մարատ Արամայիսի Սարգսյանից, Աշոտ Շմավոնի Աբելյանից և Էրիկ Հակոբի Մակինյանից, համապարտության կարգով, պետք է բռնագանձել 2011 թվականի հոկտեմբերի 25-ի թիվ 27521106 փորձաքննության համար վճարվելիք գումարը` է 55.200 (հիսունհինգ հազար երկու հարյուր) ՀՀ դրամը (հիմք` փորձագետի 2011 թվականի հոկտեմբերի 25-ի թիվ 275211062011 եզրակացությանը կից հաշիվ-ապրանքագիր հանդիսացող հանձնման-ընդունման արձանագրություն):
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը:
Դատարանը, նկատի ունենալով, որ վերոգրյալ հիմնավորմամբ ամբաստանյալներից որպես դատական ծախս պետք է բռնագանձել փորձաքննության համար վճարվելիք գումարը, գտնում է, որ 2011 թվականի ապրիլի 28-ի որոշումներով համապատասխանաբար Աշոտ Շմավոնի Աբելյանի և Էրիկ Հակոբի Մակինյանի գույքի վրա դրված կալանքը պետք է թողնել անփոփոխ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 238-րդ, 309-րդ, 357-360-րդ, 365-րդ, 369-372-րդ և 374-րդ հոդվածներով` Դատարանը
ՎՃՌԵՑ

Մարատ Արամայիսի Սարգսյանին մեղավոր ճանաչել ՀՀ քրեական օրենսգրքի 34-266-րդ հոդվածի 3-րդ մասի 2-րդ կետով և պատիժ նշանակել ազատազրկում` 8 (ութ) տարի ժամկետով` առանց գույքի բռնագրավման:
ՀՀ քրեական օրենսգրքի 67-րդ հոդվածով սահմանված կարգով` սույն դատավճռով նշանակված պատժին մասնակիորեն գումարել Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2010 թվականի հունիսի 2-ի դատավճռով Մարատ Արամայիսի Սարգսյանի նկատմամբ նշանակված պատժի չկրած մասի` 8 (ութ) տարի 5 (հինգ) ամիս 14 (տասնչորս) օր ժամկետով ազատազրկման, գույքի կեսի բռնագրավման, սակայն ոչ ավելի 26.300.000 (քսանվեց միլիոն երեք հարյուր հազար) ՀՀ դրամի, ինչպես նաև 2 (երկու) տարի 1 (մեկ) օր ժամկետով ազատազրկման (նվազագույն աշխատավարձի վեցհարյուրապատիկի` 600.000 (վեց հարյուր հազար) ՀՀ դրամի չափով տուգանքը փոխարինվել է 2.200 ժամ հանրային աշխատանքներով, որը համապատասխան է 2 (երկու) տարի 1 (մեկ) օր ժամկետով ազատազրկման) 7 (յոթ) տարի ժամկետով ազատազրկումը և գույքի կեսի բռնագրավումը, սակայն ոչ ավելի 26.300.000 (քսանվեց միլիոն երեք հարյուր հազար) ՀՀ դրամը և Մարատ Արամայիսի Սարգսյանի նկատմամբ վերջնական պատիժ նշանակել ազատազրկում` 15 (տասնհինգ) տարի ժամկետով` գույքի կեսի բռնագրավմամբ, սակայն ոչ ավելի 26.300.000 (քսանվեց միլիոն երեք հարյուր հազար) ՀՀ դրամը:
Մարատ Արամայիսի Սարգսյանի նկատմամբ սույն դատավճռով նշանակված վերջնական պատժի կրման սկիզբը հաշվել 2012 թվականի դեկտեմբերի 6-ից:
Աշոտ Շմավոնի Աբելյանի մեղավոր ճանաչել ՀՀ քրեական օրենսգրքի 38-268-րդ հոդվածի 3-րդ մասով և պատիժ նշանակել ազատազրկում` 2 (երկու) տարի 6 (վեց) ամիս ժամկետով` պատժի կրման սկիզբը հաշվելով 2011 թվականի ապրիլի 23-ից:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 8-րդ կետի 5-րդ ենթակետի կիրառմամբ Աշոտ Շմավոնի Աբելյանի պատժաչափի չկրած մասը կրճատել մեկ քառորդով:
Աշոտ Շմավոնի Աբելյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Էրիկ Հակոբի Մակինյանի մեղավոր ճանաչել ՀՀ քրեական օրենսգրքի 38-268-րդ հոդվածի 3-րդ մասով և պատիժ նշանակել ազատազրկում` 2 (երկու) տարի ժամկետով` պատժի կրման սկիզբը հաշվելով 2011 թվականի ապրիլի 23-ից:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 8-րդ կետի 5-րդ ենթակետի կիրառմամբ Էրիկ Հակոբի Մակինյանի պատժաչափի չկրած մասը կրճատել մեկ քառորդով:
Էրիկ Հակոբի Մակինյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2011 թվականի ապրիլի 24-ի որոշմամբ իրեղեն ապացույց ճանաչված 186,8 գրամ ափիոն և 4,9 գրամ հաշիշ տեսակի թմրամիջոցների հարցը թողնել լուծելու թիվ 69102311/1 քրեական գործով:
Մարատ Արամայիսի Սարգսյանից, Աշոտ Շմավոնի Աբելյանից և Էրիկ Հակոբի Մակինյանից, համապարտության կարգով, հօգուտ Հայաստանի Հանրապետության, որպես դատական ծախս, բռնագանձել 55.200 (հիսունհինգ հազար երկու հարյուր) ՀՀ դրամ:
2011 թվականի ապրիլի 28-ի որոշումներով համապատասխանաբար Աշոտ Շմավոնի Աբելյանի և Էրիկ Հակոբի Մակինյանի գույքի վրա դրված կալանքը թողնել անփոփոխ:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում:

ԴԱՏԱՎՈՐ Մ.ՊԱՊՈՅԱՆ