ԵԿԴ/0275/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ա.ՀՈՎՀԱՆՆԻՍՅԱՆԻ
Ս.ՊԵՏՐՈՍՅԱՆԻ
մասնակցությամբ`
մեղադրողներ Ս.ԱԲՐԱՀԱՄՅԱՆԻ
Հ.ԷՅՐԱՄՋՅԱՆԻ
տուժողներ Լ.ԱՍԱՏՐՅԱՆԻ
Մ.ԱՄԻՐՅԱՆԻ
Ս.ԲԱԶԵՅԱՆԻ
Ռ.ՄԻՔԱՅԵԼՅԱՆԻ
Լ.ՕՐԲԵԼՅԱՆԻ
Գ.ՄՈՒՐԱԴՅԱՆԻ
ամբաստանյալ Մ.ՔՈՉԱՐՅԱՆԻ
պաշտպան Ռ.ՍԱՖԱՐՅԱՆԻ

2013թ. մայիսի 6-ին դատարանում` դռնբաց դատական նիստում, քննեց գործն ըստ մե-ղադրանքի` Մարիամ Ջանիբեկի Քոչարյանի` ծնված 22.04.1976թ. Կոտայքի մարզի Նոր-Հաճն քաղաքում, ազգությամբ հայ, ՀՀ քաղաքացի, իր հայտարարությամբ՝ ամուսնացած և խնամքին 4 անձ, 8-ամյա կրթությամբ, առողջ, չի աշխատում, դատվածություն չունեցող, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 10.12.2012թ. դատավճռով ՀՀ քրեական օրենսգրքի 178-րդ հոդվածի 2-րդ մասի 2-րդ կետով դատապարտվել է 700.000 (յոթ հարյուր հազար) դրամ տուգանքի, նույն դատարանի 11.03.2013թ. որոշմամբ տուգանքի վճարումը հետաձգվել է մեկ տարի ժամկետով՝ մինչև 2014թ. մարտի 11-ը, բնակվում է՝ ք.Երևան, Արհեստավորների 1-ին փողոց, տուն հ. 53, արգելանքի տակ չէ, մեղադրվում է ՀՀ քրեական օրենսգրքի 178-րդ հոդվածի 1-ին մասով, 178-րդ հոդվածի 2-րդ մասի 2-րդ կետով և 178-րդ հոդվածի 1-ին մասով։

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի քննիչ Է.Պետրոսյանը 22.08.2011թ. որոշմամբ ՀՀ քրեական օրենսգրքի 178-րդ հոդվածի 1-ին մա-սով և 178-րդ հոդվածի 2-րդ մասի 2-րդ կետով հարուցել է թիվ 15117611 քրեական գործն ու այն ընդունել իր վարույթ։
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ռ.Նազարյանը 29.08.2011թ. որոշմամբ թիվ 15117611 քրեական գործն ընդունել է իր վարույթ։
Քննիչի 10.12.2011թ. որոշմամբ Մ.Քոչարյանը ներգրավվել է որպես մեղադրյալ և նրան մեղադրանք է առաջադրվել ՀՀ քրեական օրենսգրքի 178-րդ հոդվածի 1-ին մասով և 178-րդ հոդ-վածի 2-րդ մասի 2-րդ կետով ու նրա նկատմամբ՝ որպես խափանման միջոց, ընտրվել է ստորա-գրություն չհեռանալու մասին։
2011թ. դեկտեմբերի 27-ին թիվ 15117611 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության առաջին ատյանի դատարան` ըստ էության քննելու համար։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան առաջին ատյանի դատարանի (դատավոր Գ.Պողոսյան) 2012թ. հունվարի 9-ի որոշմամբ Մարիամ Ջանիբեկի Քոչարյանի վերաբերյալ ՀՀ քրեական օրենսգրքի 178-րդ հոդվածի 1-ին մա-սով ու 178-րդ հոդվածի 2-րդ մասի 2-րդ կետով քրեական գործն ընդունվել է վարույթ, իսկ 2012թ. հունվարի 23-ի որոշմամբ նշանակվել է դատաքննության։
Ամբաստանյալ Մ.Քոչարյանին ՀՀ քրեական օրենսգրքի 178-րդ հոդվածի 1-ին մասով և 178-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. «խարդախության եղանակով կատարել է ուրիշի գույքի զգալի և խոշոր չափերի հափշտակութ-յուններ։
Այսպես.
Սվետլանա Սլոյի Սուլթանյանի զգալի չափերի գույքը հափշտակելու միասնական հան-ցավոր մտադրությամբ, 2007թ. մարտ-դեկտեմբեր ամիսներին, չարաշահելով նրա վստահությու-նը, վաճառելու և գումարը հետագայում վճարելու պատրվակով, ք.Երևան, Արհեստավորների 2-րդ փող. 100տ. հասցեում գտնվող վերջինիս տանը, վերցրել է 75.000 ՀՀ դրամ արժողության տար-բեր տեսակի կանացի հագուստներ և մահճակալի ծածկոց, իսկ վերանորոգելու պատրվակով` 25.000 ՀՀ դրամ արժողության «LG» ֆիրմայի բջջային հեռախոսը, ու խաբեությամբ հափշտա-կել է դրանք` Ս.Սուլթանյանին պատճառելով ընդհանուր` 100.000 ՀՀ դրամի զգալի չափերի գույ-քային վնաս։
Բացի այդ, 2010թ. սեպտեմբեր ամսին, ք.Երևան, Եր.Քոչարի 21շ., 12բն. հասցեի բնակչու-հի Լիլիթ Սամվելի Ասատրյանի և նույն տանը բնակվող նրա ընտանիքի անդամներ ու բարե-կամներ, գործով մյուս տուժողներ` Մկրտիչ Թաթոսի Ամիրյանի, Լիա Բաբկենի Բանդուրյանի, Սաթենիկ Սամվելի Բազեյանի, Թամարա Թադևոսի Ամիրյանի զգալի չափերի գումարները հա-փըշտակելու միասնական հանցավոր մտադրությամբ, կրկին խարդախությամբ հափշտակել է նրանց ընդհանուր` 337.000 ՀՀ դրամ գումարները։ Այսպես, խաբելով Լիլիթ Սամվելի Ասատըր-յանին` նրա անվամբ «Փարոս» համակարգում սոցիալական նպաստ ձևակերպելու և նրա ամուս-ին Արմեն Ամիրյանին «Շանթ» գործարանում, որպես կաթի տեխնոլոգ աշխատանքի տեղավո-րելու պատրվակներով, վերը նշված տանը ստացել է համապատասխանաբար` 120.000 և 20.000 ՀՀ դրամ գումարներ ու հափշտակել դրանք` Լ.Ասատրյանին պատճառելով ընդհանուր` 140.000 ՀՀ դրամի զգալի չափերի գույքային վնաս։ Ապա Լ.Ասատրյանի սկեսրայր Մկրտիչ Թաթոսի Ամիրյանին խաբելով` դեռևս Սովետական Միության տարիներից նրա անվամբ խնայդրամար-կըղում եղած ավանդները վերադարձնելու պատրվակով, վերը նշված տանը վերջինիցս ստացել է 35.000 ՀՀ դրամ գումար և հափշտակել այն։ Այնուհետև Լ.Ասատրյանի սկեսուր Լիա Բաբկենի Բանդուրյանին խաբելով` նախկինում նրա մորը պատկանող տունը վերադարձնելու պատրվա-կով, վերը նշված տանը վերջինիցս ստացել է 90.000 ՀՀ դրամ գումար ու հափշտակել այն։ Միևնույն ընթացքում Լ.Ասատրյանի ամուսնու եղբոր կնոջը` Սաթենիկ Սամվելի Բազեյանին խա-բելով` նրա աղջկան` Աննա Ամիրյանին, «Օրինաց երկիր» կուսակցության գրասենյակում որպես համակարգչային օպերատոր, աշխատանքի տեղավորելու պատրվակով, վերը նշված տանը Ս.Բազեյանից ստացել է 36.000 ՀՀ դրամ գումար և հափշտակել այն։ Բացի այդ, Լ.Ասատրյանի ամուսնու մյուս եղբոր աղջկան` Թամարա Թադևոսի Ամիրյանին, խաբելով` նրան «Օրինաց երկիր» կուսակցության գրասենյակում՝ որպես համակարգչային օպերատոր, աշխատանքի տե-ղավորելու պատրվակով, վերը նշված տանը վերջինիցս ստացել է 36.000 ՀՀ դրամ գումար և հա-փըշտակել այն։
Բացի այդ, Ռոզա Խաչիկի Միքայելյանի խոշոր չափերի գույքը և գումարը հափշտակելու միասնական հանցավոր մտադրությամբ 2010թ. հոկտեմբեր ամսից մինչև 2011թ. մարտ ամիսն ընկած ժամանակահատվածում չարաշահելով նրա վստահությունը` վաճառելու և գումարը հե-տագայում վճարելու պատրվակով, ք.Երևան, Կրիվոյի 26տ. հասցեում գտնվող վերջինիս տանը վերցրել է 904.400 ՀՀ դրամ արժողության տարբեր տեսակի հագուստներ և իրեր, իսկ 2011թ. ապ-րիլ ամսին, բանկի միջոցով տուն ձեռք բերելու նպատակով հիփոթեքային վարկ ձևակերպելու պատրվակով` 375.000 ՀՀ դրամին համարժեք 1.000 ԱՄՆ դոլար գումար ու խաբեությամբ հա-փըշտակել դրանք` Ռ.Միքայելյանին պատճառելով ընդհանուր` 1.279.400 ՀՀ դրամի խոշոր չա-փերի գույքային վնաս։
Բացի այդ, Լաուրա Ռուբենի Օրբելյանի խոշոր չափերի գույքը և գումարները հափշտա-կելու միասնական հանցավոր մտադրությամբ, չարաշահելով նրա վստահությունը, 2010թ. դեկ-տեմբեր ամսին, Գեղարքունիքի մարզի Շորժա գյուղում գտնվող նրա տունը բանկում գրավ դնե-լու և գումար ստանալու պատրվակով, ք.Երևան, Զավարյան 57/19շ., 13բն. հասցեում գտնվող վերջինիս տանը նրանից ստացել է 220.000 ՀՀ դրամ գումար։ Ապա գրավ դնելու և գումար ստա-նալու պատրվակով, վերցրել է 150.000 ՀՀ դրամ ընդհանուր արժողության արծաթե զարդերը, գնահատելու պատրվակով` 260.000 ՀՀ դրամ արժողության արծաթե գոտին, իսկ վաճառելու և գումարը հետագայում վճարելու պատրվակով` 36.000 ՀՀ դրամ արժողության հագուստներն ու խաբեությամբ հափշտակել է վերոգրյալ գույքն ու գումարները` Լ.Օրբելյանին պատճառելով ընդ-հանուր` 666.000 ՀՀ դրամի խոշոր չափերի գույքային վնաս։
Բացի այդ, 2011թ. հուլիսի 18-ին, Գայանե Մարսձելի Մուրադյանին խաբելով` նրա ան-վամբ «Փարոս» համակարգում սոցիալական նպաստ ձևակերպելու պատրվակով, ք.Երևան, Ար-հեստավորների 1-ին փող. 53տ. հասցեում գտնվող իր տանը Գ.Մուրադյանից ստացել է 20.000 ՀՀ դրամ գումար, իսկ նույն օրը` երեկոյան, Գ.Մուրադյանի` ք.Երևան, Ծխախոտագործների փող., 4տ. հասցեում գտնվող վերջինիս տանը նրանից ստացել է ևս 45.000 ՀՀ դրամ գումար և խարդա-խությամբ հափշտակել այդ գումարները` Գ.Մուրադյանին պատճառելով զգալի չափերի գույքա-յին վնաս։
Բացի այդ, 2011թ. հուլիս ամսին, չարաշահելով Մաքրուհի Թեմուրի Սահակյանի վստա-հությունը, վաճառելու և գումարը հետագայում վճարելու պատրվակով, վերցրել է 14 զույգ, ընդ-հանուր` 28.000 ՀՀ դրամ արժողության հողաթափեր, 2 զույգ, ընդհանուր` 5.000 ՀՀ դրամ արժո-ղության կանացի վերնազգեստներ, իսկ նրա թոռանը` Մերի Սահակյանին «Վիվա Սելլ» ընկե-րությունում որպես օպերատոր աշխատանքի տեղավորելու պատրվակով` 7.000 ՀՀ դրամ գու-մար, 10.000 ՀՀ դրամ արժողության ռուսական օղի և 6.000 ՀՀ դրամ արժողության կոնֆետներ ու խաբեությամբ հափշտակել է վերոգրյալ գույքն ու գումարը` Մ.Սահակյանին պատճառելով ընդ-հանուր` 56.000 ՀՀ դրամի զգալի չափերի գույքային վնաս»։
Դատաքննությամբ մեղադրող Հ.Էյրամջյանը «Առաջադրված մեղադրանքը փոփոխելու» և «Որպես մեղադրյալ ներգրավելու մասին» 31.01.2013թ. որոշումներով փոխեց ամբաստանյա-լին առաջադրված մեղադրանքն ու ՀՀ քրեական օրենսգրքի 178-րդ հոդվածի 1-ին մասով, 178-րդ հոդվածի 2-րդ մասի 2-րդ կետով և 178-րդ հոդվածի 1-ին մասով նրան մեղադրանք առաջադրեց այն բանի համար, որ նա. «խարդախությամբ հափշտակել է ուրիշի չգալի և խոշոր չափերով գույքը։
Այսպես.
2010թ. սեպտեմբեր ամսվա ընթացքում Երևան քաղաքի Եր.Քոչարի 21 շենքի 12 բնակա-րանի բնակչուհի Լիլիթ Ասատրյանի« վերջինիս ընտանիքի անդամներ ու բարեկամներ Մկրտիչ Ամիրյանի« Լիա Բանդուրյանի« Սաթենիկ Բազեյանի« Թամարա Ամիրյանի զգալի չափերով գույքը հափշտակելու միասնական դիտավորությամբ վերը նշված հասցեում խարդախությամբ հափշտակել է նրանց ընդհանուր առմամբ 337 հազար ՀՀ դրամը։
Այսպես.
Լիլիթ Ասատրյանին «Փարոս» համակարգում սոցիալական նպաստ ձևակերպելու և նրա ամուսնուն՝ Արմեն Ամիրյանին, «Շանթ» գործարանում՝ որպես կաթի տեխնոլոգ, աշխատանքի տեղավորելու պատրվակներով խաբեությամբ Լիլիթ Ասատրյանից վերցրել է ընդհանուր առ-մամբ 140 հազար ՀՀ դրամ գումար և խարդախությամբ հափշտակել է այն։ Ապա« Մկրտիչ Ամիր-յանին խաբեության ենթարկելով« դեռևս Խորհրդային Միության տարիներից նրա անվամբ խնայդրամարկղում եղած ավանդները վերադարձնելու պատրվակով վերջինիցս վերցրել է 35 հազար ՀՀ դրամ գումար և խարդախությամբ հափշտակել այն։ Այնուհետև« Լիա Բանդուրյանին խաբեության ենթարկելով՝ նախկինում նրա մորը պատկանող տունը վերադարձնելու պատըր-վակով, վերջինիցս վերցրել է 90 հազար ՀՀ դրամ գումար և խարդախությամբ հափշտակել է այն։ Նույն ժամանակահատվածում Սաթենիկ Բազեյանի աղջկան՝ Աննա Ամիրյանին, «Օրինաց Երկիր» կուսակցության գրասենյակում՝ որպես համակարգչային օպերատոր, աշխատանքի տե-ղավորելու պատրվակով Սաթենիկ Բազեյանից խաբեությամբ վերցրել և հափշտակել է 36 հա-զար ՀՀ դրամ գումարը։ Թամարա Ամիրյանին «Օրինաց Երկիր» կուսակցությունում՝ որպես հա-մակարգչային օպերատոր, աշխատանքի տեղավորելու պատրվակով վերջինիցս խաբեությամբ ստացել և խարդախությամբ հափշտակել է 36 հազար ՀՀ դրամ գումարը։
Այնուհետև« 2011թ. ապրիլ ամսին բանկից՝ բնակարան գնելու նպատակով հիփոթեքային վարկի ձևակերպման գործընթացը լուծելու պատրվակով Երևան քաղաքի Կրիվոյի 26 տանը խաբեության եղանակով Ռոզա Միքայելյանից վերցրել և հափշտակել է 375 հազար ՀՀ դրամ գումարին համարժեք 1000 ԱՄՆ դոլար և խարդախությամբ հափշտակել է այն։
Լաուրա Օրբելյանի խոշոր չափերի գույքը հափշտակելու միասնական հանցավոր դի-տավորությամբ« չարաշահելով վերջինիս վստահությունը« 2010թ. դեկտեմբեր ամսին, Գեղարքու-նիքի մարզի Շորժա գյուղում գտնվող նրա տունը բանկում գրավ դնելու և նրա համար գումար ստանալու պատրվակով Երևան քաղաքի Զավարյան 57/19 շենքի 13 բնակարում վերցրել է 220 հազար ՀՀ դրամ գումար և խարդախությամբ հափշտակել է այն։ Ապա, գրավ դնելու և գումար ստանալու պատրվակով Լ.Օրբելյանից վերցրել է 150 հազար ՀՀ դրամ ընդհանուր արժողութ-յամբ արծաթյա զարդերը« գնահատելու տալու պատրվակով՝ 260 հազար ՀՀ դրամ արժողութ-յամբ արծաթյա գոտին« հափշտակել է այն՝ վերջինիս պատճառելով 630 հազար ՀՀ դրամի նյու-թական վնաս։
Այսինքն« Մարիամ Քոչարյանը կատարել է հանցագործություններ« որոնք նախատեսված են ՀՀ քր. օր-ի 178 հոդվածի 1-ին մասով և 178 հոդվածի 2-րդ մասի 2-րդ կետով։
Բացի այդ« Մարիամ Քոչարյանը Գայանե Մուրադյանից խաբեության միջոցով՝ նրա ան-վամբ «Փարոս» համակարգում սոցիալական նպաստ ձևակերպելու պատրվակով« 2011թ. հուլի-սի 18-ին՝ իր՝ Երևան քաղաքի Արհեստավորների 1-ին փողոցի 53 տանը« այնուհետև՝ նույն օրը երեկոյան, Երևան քաղաքի Ծխախոտագործների փողոցի 4-րդ տանը վերցրել է ընդհանուր առ-մամբ 65 հազար ՀՀ դրամ գումար և խարդախությամբ հափշտակել է այն։
Այսինքն, Մարիամ Քոչարյանը կատարել է հանցագործություն« որը նախատեսված է ՀՀ քր. օր-ի 178 հոդվածի 1-ին մասով»։

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալ Մարիամ Քոչարյանը 2010թ. սեպտեմ-բեր ամսվա ընթացքում տուժողներ՝ նույն ընտանիքի անդամներ և հարազատներ, Լիլիթ Ասա-տըրյանից« Մկրտիչ Ամիրյանից« Լիա Բանդուրյանից« Սաթենիկ Բազեյանից ու Թամարա Ամիր-յանից խարդախությամբ հափշտակել է ընդհանուր առմամբ 337 հազար ՀՀ դրամ։
Այսպես.
Տուժող Լիլիթ Ասատրյանի համար «Փարոս» համակարգում սոցիալական նպաստ ձևա-կերպելու և նրա ամուսնուն՝ վկա Արմեն Ամիրյանին, «Շանթ» գործարանում՝ որպես կաթի տեխ-նոլոգ, աշխատանքի տեղավորելու պատրվակներով տուժող Լ.Ասատրյանից վերցրել է ընդհա-նուր առմամբ 140 հազար դրամ, նրա սկեսրայրից՝ տուժող Մկրտիչ Ամիրյանից, դեռևս Խորհըր-դային Միության տարիներից վերջինիս անվամբ խնայդրամարկղում եղած ավանդները վերա-դարձնելու պատրվակով՝ վերցրել է 35 հազար դրամ, նրա սկեսրոջից՝ տուժող Լիա Բանդուրյա-նից, նախկինում վերջինիս մորը պատկանած տունը վերադարձնելու պատրվակով՝ վերցրել է 90 հազար գումար, նրա ամուսնու եղբոր կնոջից՝ տուժող Սաթենիկ Բազեյանից, վերցրել 36 հազար դրամ՝ վերջինիս աղջկան՝ վկա Աննա Ամիրյանին, «Օրինաց Երկիր» կուսակցության գրասեն-յակում՝ որպես համակարգչային օպերատոր, աշխատանքի տեղավորելու պատրվակով, նրա ամուսնու եղբոր դուստր՝ տուժող, Թամարա Ամիրյանից, վերցրել է 36 հազար դրամ՝ վերջինիս «Օրինաց Երկիր» կուսակցությունում՝ որպես համակարգչային օպերատոր, աշխատանքի տե-ղավորելու պատրվակով և, չվերադարձնելով նշված գումարները, հափշտակել է դրանք։
Բացի այդ, 2011թ. ապրիլ ամսին՝ բնակարան գնելու նպատակով տուժող Ռոզա Միքայել-յանի համար հիփոթեքային վարկի ձևակերպման գործընթացը բանկում լուծելու պատրվակով, ամբաստանյալը ք.Երևանի Կրիվոյ փողոցի հ. 26 տանը նրանից վերցրել է 375 հազար ՀՀ դրա-մին համարժեք 1.000 ԱՄՆ դոլար, սակայն խաբեությամբ հափշտակել է այն։
2010թ. դեկտեմբեր ամսվա ընթացքում՝ ք.Երևանի Զավարյան փողոցի 57/19 շենքի հ. 13 բնակարում, ամբաստանյալ Մ.Քոչարյանը տուժող Լաուրա Օրբելյանից վեցրել է ընդհանուր առմամբ 630 հազար դրամ՝ Գեղարքունիքի մարզի Շորժա գյուղում գտնվող նրա տունը բանկում գրավադնելու և նրա համար գումար ստանալու, 150 հազար դրամ ընդհանուր արժողությամբ նրա արծաթյա զարդերի գրավադրմամբ գումար ստանալու և 260 հազար դրամ արժողությամբ նրա արծաթյա գոտին գնահատելու տալու պատրվակներով« և չարաշահելով վերջինիս վստա-հությունը՝ հափշտակել դրանք։
2011թ. հուլիսի 18-ին իր՝ ք.Երևանի Արհեստավորների 1-ին փողոցի հ. 53 տանը« և նույնը օրը՝ երեկոյան, ք.Երևանի Ծխախոտագործների փողոցի հ. 4 տանը, ամբաստանյալ Մ.Քոչար-յանը տուժող Գայանե Մուրադյանից վերցրել է ընդհանուր առմամբ 65 հազար դրամ՝ նրա ան-վամբ «Փարոս» համակարգում սոցիալական նպաստ ձևակերպելու պատրվակով« սակայն խա-բեությամբ հափշտակել է այն։

Ապացույցների հետազոտում և գնահատում.

Ամբաստանյալ Մ.Քոչարյանն առաջադրված մեղադրանքում իրեն մեղավոր չճանաչեց` պատճառաբանելով, որ որոշ տուժողներից գումարներ վերցրել է, սակայն դրանք խարդախու-թյամբ չի վերցրել և հափշտակել ու պարտավորվում է վերադարձնել։
Ամբաստանյալ Մ.Քոչարյանի ցուցմունքի համաձայն՝ տուժող Լիլիթ Ասատրյանի համար նպաստ դասավորելու, իսկ նրա ամուսնուն աշխատանքի տեղավորելու հետ կապված ոչինչ չի խոստացել, այլ նրանցից պարտքով՝ տոկոսով, գումար է վերցրել, որը Լիլիթի ամուսինն է իրեն տվել։ Նրա սկեսրայրի և սկեսրոջ հետ չի շփվել, նրանցից գումար չի վերցրել, Թամարա Ամիր-յանին չի ճանաչում, իսկ Աննա Ամիրյանին «Օրինաց Երկիր» կուսակցության գրասենյակում աշխատանքի տեղավորելու խոստում չի տվել, չնայած եղել է «Օրինաց Երկիր» կուսակցության անդամ, վստահված անձ, մինչ օրս էլ աշխատում է այնտեղ և ունի շատ լավ համբավ։
Տուժող Ռոզա Միքայելյանից 1.000 ԱՄՆ դոլար չի վերցրել, նա ստում է, քանի որ ապրիլ ամսին նա իր հարևանուհուն 800 ԱՄՆ դոլար է պարտք եղել, որը վերցրած է եղել տոկոսով և չէր կարող իրեն 1.000 ԱՄՆ դոլար տալ։
Տուժող Լաուրա Օրբելյանից գումար չի վերցրել և նրա գյուղի տունը բանկում գրավ չի դրել, այլ նրանից գնել է արծաթյա զարդեր և մեկ հատ ոսկյա մատանի, որոնց համար վճարել է, իսկ հետագայում դրանք վաճառել է «Վերնիսաժ»-ում։
Տուժող Գայանե Մուրադյանից պարտքով 60.000 ՀՀ դրամ է վերցրել, քանի որ 6 ամիս նպաստ ստանալիս չի եղել։
Տուժող Լիլիթ Ասատրյանի ցուցմունքի համաձայն՝ ամբաստանյալը, ով իր դստեր համա-դասարանցու մայրն է, հաճախակի հյուրընկալվել է իրենց տանն ու, մտերմանալով իրենց հետ և ծանոթանալով իրենց առօրյա կյանքին, 2010թ. սեպտեմբերից մինչև հոկտեմբերի կեսը քիչ-քիչ իրենցից կորզել է գումարներ։ Մասնավորապես, իրեն առաջարկել է «Փարոս»-ում նպաստ ձևա-կերպել անչափահաս երեխաների համար և դրա համար խաբեությամբ վերցրել է 120 հազար դրամ, իսկ ամուսնուն «Շանթ» գործարանում՝ որպես կաթի տեխնոլոգ, աշխատանքի տեղավո-րելու համար վերցրել է 20 հազար դրամ՝ իբր խալաթի և քարտի համար։ Մինչև կպարզվեր, որ խաբվել է, նա հասցրել է խաբել նրա սկեսրայրին՝ դեռևս Խորհրդային Միության տարիներից վերջինիս անվամբ խնայդրամարկղում եղած ավանդները վերադարձնելու պատրվակով նրա-նից վերցնելով 35 հազար դրամ, սկեսրոջը՝ նախկինում վերջինիս մորը պատկանած տունը վե-րադարձնելու պատրվակով նրանից վերցնելով 90 հազար գումար, ամուսնու եղբոր կնոջը՝ նրա դստերն «Օրինաց Երկիր» կուսակցության գրասենյակում՝ որպես համակարգչային օպերատոր, աշխատանքի տեղավորելու պատրվակով նրանից վերցնելով 36 հազար դրամ, և ամուսնու եղբոր դստերը՝ «Օրինաց Երկիր» կուսակցությունում՝ որպես համակարգչային օպերատոր, աշխա-տանքի տեղավորելու պատրվակով նրանից նույնպես վերցնելով 36 հազար դրամ։
Ամբաստանյալը հափշտակել է վերը նշված գումարները։ Նա, չունենալով սրբություն, մեկ անգամ դիմել է իրեն և, ասելով, որ քույրը մահանում է, գումար է խնդրել իրենից, որը ստացել է, սակայն հետագայում ասել է, որ իր ամուսինը տոկոսով է նրան տվել այդ գումարը՝ մինչդեռ ամուսինը նրան չի տեսել և չի էլ ճանաչում։
Ամբաստանյալին վստահել են նաև այն պատճառով, որ նա ներկայացել է որպես «Օրի-նաց Երկիր» կուսակցության աշխատող և ասել է, ով ծանոթ է շատ պատգամավորների հետ, իրեն պահել է հարազատի նման և երեխաների համար կոնֆետներ ու խմորեղեն է բերել իրենց տուն։
Վկա Արմեն Ամիրյանի նույնաբովանդակ ցուցմունքի համաձայն՝ իրեն «Շանթ» գործա-րանում աշխատանքի տեղավորելու համար ամբաստանյալն իր կնոջից վերցրել է 20 հազար դրամ, որը հափշտակել է։
Ամբաստանյալը խաբել է նաև իր հարազատներին և չի վերադարձրել տարբեր պատըր-վակներով նրանցից վերցրած գումարները։
Տուժող Լիա Բանդուրյանի ցուցմունքի համաձայն՝ իրենց տանը հաճախ հյուրընկալվող Մարիամ Քոչարյանը, տարբեր պատրվակներով խաբելով իրեն և իր հարազատներին, գումար-ներ է վերցրել իրենցից և չի վերադարձրել։ Մասնավորապես՝ խաբելով, որ կարող է նախկինում իր մորը պատկանած տունը վերադարձնել, իրենից վերցրել է 90.000 դրամ և հափշտակել այն։
Տուժող Մկրտիչ Ամիրյանի ցուցմունքի համաձայն՝ դեռևս Խորհրդային Միության տարի-ներից իր անվամբ խնայդրամարկղում եղած ավանդները վերադարձնելու պատրվակով ամբաս-տանյալն իրենից վերցրել է 35 հազար դրամ, որը չի վերադարձրել, չնայած նրանից պահանջել է վերադարձնել այդ գումարը, երբ նա ասել է, որ իր ավանդների հարցը չի լուծվում։
Նա ներկայացել է որպես «Օրինաց երկիր» կուսակցության անդամ, իրեն վստահեցրել է, որ լավ շրջապատ ունի, շուտ կդասավորի և կաստանա իր ավանդները, սակայն խաբել է։
Տուժող Սաթենիկ Բազեյանի ցուցմունքի համաձայն՝ 2010թ. սեպտեմբեր ամսին ամբաս-տանյալը, խաբելով իրեն, իր դստերը` Աննա Ամիրյանին, «Օրինաց Երկիր» կուսակցության գրա-սենյակում որպես համակարգչային օպերատոր աշխատանքի տեղավորելու պատրվակով իրե-նից վերցրել է 36.000 դրամ գումար և հափշտակել է այն։
Վկա Աննա Ամիրյանի նույնաբովանդակ ցուցմունքի համաձայն՝ իրեն «Օրինաց Երկիր» կուսակցության գրասենյակում որպես համակարգչային օպերատոր աշխատանքի տեղավորելու պատրվակով ամբաստանյալն իր մորից վերցրել է 36.000 դրամ և հափշտակել է այն։
Տուժող Թամարա Ամիրյանի ցուցմունքի համաձայն՝ ամբաստանյալը, խոստանալով որ-պես համակարգչային օպերատոր իրեն աշխատանքի տեղավորել «Օրինաց Երկիր» կուսակ-ցության գրասենյակում, իրենից վերցրել է 36.000 դրամ, սակայն խաբել է և հափշտակել է իր գումարը։
Տուժող Ռոզա Միքայելյանի ցուցմունքի համաձայն` 2011թ. ապրիլին՝ իր տանը, ամբաս-տանյալն ասել է, որ բանկի ղեկավարի հետ շատ լավ է և կարող է իր համար վարկով տուն դա-սավորել։ Վստահելով նրան և իր դուստր Անուշիկ Սմբատյանից վերցնելով 500 ԱՄՆ դոլար՝ իր ճարած 500 ԱՄՆ դոլարի հետ միասին տվել է ամբաստանյալին, սակայն նա խաբել է և հափըշ-տակել է իր 1.000 ԱՄՆ դոլարը։
Վկա Անուշիկ Սմբատյանի նույնաբովանդակ ցուցմունքի համաձայն՝ իր մոր՝ Ռ.Միքա-յելյանի համար հիպոտեքով տուն դասավորելու խոստումով ամբաստանյալը վերցրել է 1.000 ԱՄՆ դոլար, որից 500-ն ինքն է տվել մորը։ Սակայն ամբաստանյալը խաբել է և հափշտակել է նշված գումարը։
Տուժող Գայանե Մուրադյանի ցուցմունքի համաձայն` «Փարոս» ծրագրով ստացել է նպաստ, սակայն 2011թ. մարտ ամսից դադարեցվել է նպաստի վճարումը, քանի որ քաղաքում հաշվառում չի ունեցել։ Ամբաստանյալը, ում հետ նույն փոստային բաժանմունքում է ստանալիս եղել նպաստը, և նա իրեն ներկայացած է եղել որպես «Օրինաց Երկիր» կուսակցության Կենտ-րոն համայնքի մասնաճյուղի շտաբի պետ, 2011թ. հուլիսի 17-ին տեղեկանալով, որ նպաստ չի ստանում, ասել է, որ «Փարոս»-ի բաժնի պետ Արսենյանի հետ հարազատական կապ ունի, խոս-տացել է լուծել իր հարցը։ Դրա համար հաջորդ օրը նա վերցրել է սոցիալական անապահովու-թյան իր գիրքը, երեխաների ծննդյան վկայականները և իր անձնագիրը, ինչպես նաև՝ 65000 դրամ՝ իբր պետական վճարումներ կատարելու համար, սակայն խաբել է և հափշտակել է նշված գումարը
Վկա Հովհաննես Նահապետյանի նույնաբովանդակ ցուցմունքի համաձայն՝ ամբաս-տանյալը, խաբելով իր կնոջը՝ Գ.Մուրադյանին, և խոստանալով նրա անվամբ «Փարոս» համա-կարգում նպաստ ձևակերպել, 2011թ. հուլիսի 18-ին նրանից վերցրել է 65.000 դրամ, որը հափըշ-տակել է։

Դատարանի վերլուծություն.

Դատարանը, վերլուծելով ամբաստանյալին առաջադրված մեղադրանքն ու համակցութ-յան մեջ գնահատելով դատաքննությամբ հետազոտված ապացույցները, գործի հանգամանք-ների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույց-ների բավարար ամբողջությամբ հաստատվում է, որ ամբաստանյալը խարդախությամբ՝ խաբե-ության և վստահությունը չարաշահելու եղանակով, հափշտակել է տուժողների զգալի, իսկ մեկ դրվագով՝ խոշոր չափերով գույքը, այսինքն՝ կատարել է հանցագործություններ՝ նախատեսված ՀՀ քրեական օրենսգրքի 178-րդ հոդվածի 1-ին մասով, 178-րդ հոդվածի 2-րդ մասի 2-րդ կետով և 178-րդ հոդվածի 1-ին մասով, որոնցով և նա պետք է պատասխանատվության ենթարկվի։
Ամբաստանյալի նկատմամբ պատիժ նշանակելիս` պատժի տեսակն ու չափը որոշելիս, դատարանը հաշվի է առնում ինչպես նրա կատարած հանցագործությունների բնույթը, հանրու-թյան համար վտանգավորության աստիճանը և հետևանքները, այնպես էլ նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանքնե-րը։
Որպես ամբաստանյալի անձը բնութագրող տվյալ` դատարանը հաշվի է առնում, որ բացի վերը նշված հանցագործությունները՝ նա կատարել է նաև այլ հանցագործություն, որի համար, Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 10.12.2012թ. դատավճռով ՀՀ քրեական օրենսգրքի 178-րդ հոդ-վածի 2-րդ մասի 2-րդ կետով դատապարտվել է 700.000 դրամ տուգանքի։
Որպես ամբաստանյալի պատասխանատվությունն ու պատիժը մեղմացնող հանգա-մանք` դատարանը հաշվի է առնում, որ նրա խնամքին են գտնվում մինչև 14 տրեկան երկու երե-խան։
Դատական քննությամբ ամբաստանյալի պատասխանատվությունն ու պատիժը ծան-րացնող հանգամանքներ չարձանագրվեցին։
Քննության առնելով խափանման միջոցի հարցը` դատարանը գտնում է, որ ամբաստան-յալի նկատմամբ ընտրված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ։
Տուժողները քաղաքացիական հայցեր չհարուցեցին։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 357-360-րդ, 365-րդ և 369-372-րդ հոդվածներով` դատարանը

Վ Ճ Ռ Ե Ց

Մարիամ Ջանիբեկի Քոչարյանին ճանաչել մեղավոր ՀՀ քրեական օրենսգրքի 178-րդ հոդվածի 1-ին մասով, 178-րդ հոդվածի 2-րդ մասի 2-րդ կետով և 178-րդ հոդվածի 1-ին մասով։
ՀՀ քրեական օրենսգրքի 178-րդ հոդվածի 1-ին մասով Մարիամ Քոչարյանին դատա-պարտել 400.000 (չորս հարյուր հազար) դրամ տուգանքի։
«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 1-ին կետի 3-րդ ենթակետի կիրառմամբ Մարիամ Քոչարյանին ազատել պատժից։
ՀՀ քրեական օրենսգրքի 178-րդ հոդվածի 2-րդ մասի 2-րդ կետով Մարիամ Քոչարյանին դատապարտել 700.000 (յոթ հարյուր հազար) դրամ տուգանքի։
«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 1-ին կետի 3-րդ ենթակետի կիրառմամբ Մարիամ Քոչարյանին ազատել պատժից։
ՀՀ քրեական օրենսգրքի 178-րդ հոդվածի 1-ին մասով Մարիամ Քոչարյանին դատա-պարտել 500.000 (հինգ հարյուր հազար) դրամ տուգանքի։
ՀՀ քրեական օրենսգրքի 66-րդ հոդվածի համաձայն՝ նոր նշանակված և Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 10.12.2012թ. դատավճռով նշանակված պատիժները լրիվ գումարելու միջոցով, որ-պես վերջնական պատիժ՝ նշանակել 1.200.000 (մեկ միլիոն երկու հարյուր հազար) դրամ տու-գանք։
Մ.Քոչարյանի նկատմամբ կիրառված խափանման միջոցը` ստորագրություն` չհեռա-նալու մասին, թողնել անփոփոխ` մինչև դատավճռի օրինական ուժի մեջ մտնելը։
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ