ԵԿԴ/0271/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
03 ապրիլի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ

մասնակցությամբ`
մեղադրող Վ.ԳԵՎՈՐԳՅԱՆԻ
տուժողներ Ղ.ՄԱՐՏԻՐՈՍՅԱՆԻ
Ս.ՄԱՐՏԻՐՈՍՅԱՆԻ
Ա.ՄԿՐՏՉՅԱՆԻ
Ա.ԳԱՍՈՅԱՆԻ
Ս.ԵՐԵՄՅԱՆԻ
ամբաստանյալ Ս.ԳՐԻԳՈՐՅԱՆԻ
պաշտպան Է.ԱՐԱՄՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
Սարգիս Դավիթի Գրիգորյանի` ծնված 31.01.1982թ. ԼՂՀ Շահումյանի շրջանի Գյուլիս-տան գյուղում, ազգությամբ հայ, իր հայտարարությամբ` ՀՀ քաղաքացի, փաստացի ամուսնա-ցած և խնամքին մեկ անձ, 8-ամյա կրթությամբ, առողջ, չի աշխատել, ՀՀ-ում հաշվառում չունի, բնակվել է` Կոտայքի մարզ, գյուղ Պտղնի, նախկինում դատված. 1. նախկին Նոյեմբերյանի շրջանի ժող.դատարանի 26.12.1996թ. դատավճռով նախկին ՀՀ քրեական օրենսգրքի 86-րդ հոդ-վածի 3-րդ և 1-ին մասով` նույն օրենսգրքի 40-րդ հոդվածի կիրառմամբ և 37-րդ հոդվածի համա-ձայն, դատապարտվել է ազատազրկման 2 տարի ժամկետով, 05.03.1997թ. 1 տարի 2 ամիս 26 օր ժամկետով պայմանական վաղաժամկետ ազատվել է պատիժը կրելուց, 2. Երևան քաղաքի նախկին Խորհրդային շրջանի ժող.դատարանի 15.10.1997թ դատավճռով նախկին ՀՀ քրեական օրենսգրքի 86-րդ հոդվածի 3-րդ և 89-րդ հոդվածի 3-րդ մասերով` նույն օրենսգրքի 38-39-րդ հոդ-վածների համաձայն, դատապարտվել է ազատազրկման 4 տարի 3 ամիս ժամկետով, դատա-րանի որոշմամբ ՀՀ քրեական օրենսգրքի 86-րդ հոդվածի 3-րդ և 89-րդ հոդվածի 3-րդ մասերը վե-րաորակվել են 86-րդ հոդվածի 2-րդ և 89-րդ հոդվածի 2-րդ մասերով և սահմանվել է ազատա-զըրկում 2 տարի ժամկետով, 3. նախկին Կոտայքի շրջանի ժող.դատարանի 24.07.1998թ. դատա-վճռով նախկին ՀՀ քրեական օրենսգրքի 203-րդ հոդվածի 1-ին մասով` նույն օրենսգրքի 38-39-րդ հոդվածների համաձայն, դատապարտվել է ազատազրկման 2 տարի ժամանակով, 29.02.2000թ. 4 ամիս 3 օր ժամկետով պայմանական վաղաժամկետ ազատվել է պատիժը կրելուց, 4. Երևան քաղաքի նախկին Մալաթիա-Սեբաստիա համայնքի առաջին ատյանի դատարանի 28.02.2003թ. դատավճռով նախկին ՀՀ քրեական օրենսգրքի 86-րդ հոդվածի 2-րդ, 89-րդ հոդվածի 2-րդ, 93-րդ հոդվածի 1-ին և 2-րդ, 96-րդ հոդվածի 1-ին մասերով և 223-րդ հոդվածով` նույն օրենսգրքի 37-րդ հոդվածի համաձայն, դատապարտվել է ազատազրկման 4 տարի 6 ամիս ժամկետով, 5. Արմա-վիրի մարզի առաջին ատյանի դատարանի 10.12.2004թ. դատավճռով ՀՀ քրեական օրենսգրքի 178-րդ հոդվածի 3-րդ մասի 3-րդ և 34-178-րդ հոդվածի 3-րդ մասի 3-րդ կետերով` նույն օրենս-գրքի 66-րդ և 67-րդ հոդվածների համաձայն, դատապարտվել է ազատազրկման 7 տարի ժամ-կետով, պատժից ազատվել է 12.03.2011թ-ին, արգելանքի տակ է 2011թ. հուլիսի 22-ից, մեղա-դըրվում է ՀՀ քրեական օրենսգրքի 178-րդ հոդվածի 1-ին, 34-178-րդ հոդվածի 1-ին մասերով, 178-րդ հոդվածի 2-րդ մասի 2-րդ և 34-178-րդ հոդվածի 2-րդ մասի 2-րդ կետերով:
Ամբաստանյալ Ս.Գրիգորյանին ՀՀ քրեական օրենսգրքի 178-րդ հոդվածի 1-ին, 34-178-րդ հոդվածի 1-ին մասերով, 178-րդ հոդվածի 2-րդ մասի 2-րդ և 34-178-րդ հոդվածի 2-րդ մասի 2-րդ կետերով մեղադրանք է առաջադրվել այն բանի համար, որ նա. ՙխարդախությամբ ուրիշի գույքը հափշտակելու դիտավորությամբ 2011թ. մայիսի 28-ից մինչև հուլիսի 21-ն ընկած ժամա-նակահատվածում, քաղաքացիներին և ՀՀ տարբեր գյուղական համայնքների ղեկավարներին խաբեությամբ ներկայանալով որպես հայ-ռուսական, հայ-ամերիկյան կամ հայ-կանադական բարեգործական կազմակերպության ներկայացուցիչ` Երևան քաղաքի տարբեր տարածքներում հանդիպել է նրանց և, բարեգործական տարբեր ծրագրեր իրականացնելու կեղծ խոստումներով վերջիններիս վստահությունը չարաշահելով, տարբեր պատրվակներով նրանցից խաբեությամբ ստացել և հափշտակել է զգալի և խոշոր չափերի գումարներ:
Այսպես.
Սարգիս Դավիթի Գրիգորյանը, հեռուստաեթերից տեղեկանալով Վանաձոր քաղաքի բնակչուհի Ինգա Վահանի Կիրակոսյանի անչափահաս որդու բուժման հետ կապված վերջինիս կարիքի մեջ գտնվելու մասին, նրա գույքին խարդախությամբ տիրանալու դիտավորությամբ 2011թ. մայիսի 28-ին զանգահարել է նրան և, խաբեությամբ ներկայանալով որպես ՙՇանթ՚ հե-ռուստաընկերության աշխատակից, հայտնել է իր պատրաստակամությունը` նրանց դրամական օգնություն ցույց տալուն, ինչի հետ կապված վերջինիսª երեխայի անձնագրով և բժշկական փաստաթղթերով հրավիրել է Երևան: Պայմանավորվածության համաձայն, նույն օրը Երևա-նում հանդիպելուց հետո նրա հետ միասին մեկնել են Երևանի թիվ 1 համալսարանական հիվան-դանոցի տարածք` իբրև մեկ այլ հիվանդի դրամական օգնություն տրամադրելու: ՙՇանթ՚ հե-ռուստաընկերության անունից 500.000 ՀՀ դրամ օգնություն ցուցաբերելու կեղծ խոստումներով Սարգիս Գրիգորյանը, չարաշահելով Ինգա Կիրակոսյանի վստահությունը, նրանից պարտքով խնդրել է թիվ 1 համալսարանական հիվանդանոցում իբրև վճարվելիք 115.000 ՀՀ դրամը` խոս-տացված 500.000 ՀՀ դրամի հետ միասին նույն օրը վերադարձնելու պայմանով, սակայն գու-մարն ստանալուց և հիվանդանոցի շենք մտնելուց հետո հետնամուտքից դուրս գալով` հեռացել էª հափշտակելով Ինգա Կիրակոսյանի զգալի չափերի` 115.000 ՀՀ դրամ գումարը:
Հանցավոր մտադրությունը հաջողությամբ ավարտին հասցնելուց հետո Սարգիս Գրիգոր-յանը, խարդախությամբ ուրիշի գույքին տիրանալու դիտավորությամբ օգտագործելով իր տրա-մադրության տակ եղած ՙՍփյուռ՚ տեղեկատվական գրքույկում առկա տվյալները, 2011թ. մայիս-հուլիս ամիսներին, հեռախոսակապով ՀՀ տարբեր գյուղական համայնքների ղեկավար-ներին խաբեությամբ ներկայանալով որպես բարեգործական կազմակերպության ներկայացու-ցիչ` իբրև բարեգործական ծրագրի շրջանակներում նրանց տարբեր տեսակի օգնություններ տրամադրելու կեղծ խոստումներով, նրանց վստահությունը չարաշահելով, կանխավճար մուծե-լու, մանր չունենալու և այլ պատրվակներով, տարբեր օրերին նրանցից խաբեությամբ ստացել և հափշտակել էª 9-ը դեպքով զգալի, իսկ 2 դեպքովª խոշոր չափերի գումարներ, բացի այդ, 1-ական դեպքերով փորձել է խարդախությամբ հափշտակել զգալի և խոշոր չափերի գումարներ.
1. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ, 2011թ. մայիսի վերջերին, հեռախոսակապով Սյունիքի մարզի Լոր համայնքի ղեկավար Դավիթ Լորիկի Առուստամյանին ներկայանալով որպես հայ-ռուսական երիտասարդական բա-րեգործական կազմակերպության ներկայացուցիչ և ՙՀ 2՚ հեռուստաընկերության աշխատակից, իբրև բարեգործության շրջանակներում համայնքի մանկապարտեզի երեխաներին ու դպրոցի ա-շակերտներինª գրենական պիտույքներ, իսկ համայնքի բնակիչներինª շուկայականից էժան գնով ազոտական պարարտանյութ տրամադրելու գործընթացը կազմակերպելու համար, պայմանա-վորվածության համաձայն 2011թ. մայիսի 30-ին նրա հետ հանդիպել է Երևան քաղաքի Կեն-տրոնի թաղապետարանի շենքի մոտակայքում և, չարաշահելով վերջինիս վստահությունը, թա-ղապետարանում պետական մուծումներ կատարելու պատրվակով, նրանից խաբեությամբ ստացել է 45.000 ՀՀ դրամ, ապա շենք մտնելուց հետո անհետացել էª հափշտակելով Դավիթ Առուստամյանի վերը նշվածª զգալի չափերի գումարը:
2. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ, 2011թ. հունիսի 1-ին, մեկնել է Արմավիրի մարզի Նորակերտ գյուղ, որտեղ, համայնքի ղե-կավար Շահեն Կարապետյանին խաբեությամբ ներկայանալով որպես ռուս-հայկական բարե-գործական կազմակերպության ներկայացուցիչ, հայտնել է իր պատրաստակամությունը բարե-գործության շրջանակներում համայնքին երկու համակարգիչներ և էժան գնով պարարտանյութ տրամադրելուն, նաև գյուղի երեխաներին համայնքի կողմից տրամադրած ավտոբուսներով զվարճացնելու համար Երևան տեղափոխելուն: Պայմանավորվածության համաձայն գյուղա-պետի խնդրանքով գյուղապետարանի ավագ մասնագետª Արմենակ Կարապետի Գասոյանը նույն օրը, ժամը 18-ի սահմաններում, հանդիպել է Սարգիս Գրիգորյանին, որը Երևան քաղաքի Կորյունի փողոցի մոտակայքում, չարաշահելով Արմենակ Գասոյանի վստահությունը, մուծում-ներ կատարելու համար մանր գումար չունենալու պատրվակով նրանից խաբեությամբ ստացել է 69.000 ՀՀ դրամ, ապա մտել է մոտակա շենքերից մեկի մուտք և անհետացելª հափշտակելով վեր-ջինիս վերը նշվածª զգալի չափերի գումարը:
3. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Գեղարքունիքի մարզի Լճաշեն համայնքի ղեկավար Կորյուն Հարությունի Մարգարյանին հեռախոսակապով ներկայանալով որպես բարեգործª ՙՍամվել՚ անունով, խարդախությամբ նրա գույքին տիրանալու դիտավորությամբ, իբրև բարեգործության շրջանակներում համայնքի մանկապարտեզի երեխաներին ու դպրոցի աշակերտներին գումարներ, համակարգիչներ, իսկ համայնքինª շուկայականից էժան գնով ազոտական պարարտանյութ տրամադրելու գործընթա-ցը կազմակերպելու համար, պայմանավորվածության համաձայն 2011թ. հունիսի 1-ին, ժամը 17-ի սահմաններում, նրա հետ հանդիպել է Երևան քաղաքի Մալաթիա հիվանդանոցի մոտակայ-քում: Պայմանավորված վայրում հանդիպելով վերջինիս` Սարգիս Գրիգորյանը, չարաշահելով Կորյուն Մարգարյանի վստահությունը, փորձել է խաբեությամբ տիրանալ նրա զգալի չափերիª 37.600 ՀՀ դրամին համարժեք 100 ԱՄՆ դոլար գումարինª այդ պահին իր մոտ գումար չունենալու պատրվակով նրանից խնդրել է 100 ԱՄՆ դոլար, սակայն մերժում ստանալով, իր կամքից ան-կախ հանգամանքներով հանցավոր մտադրությունը չի կարողացել իրականացնել: Ապա կրկին խնդրելուց հետո 30.000 ՀՀ դրամ ստանալով, աննկատ հեռացել էª տիրանալով նշված գումա-րին:
4. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Գեղարքունիքի մարզի Վահան համայնքի ղեկավար Գուրգեն Արամայիսի Բալյանի հետ հեռախոսազրույցի ընթացքում խաբեությամբ հանդես գալով որպես հայ-ռուսական բարեգոր-ծական կազմակերպության աշխատակից և ներկայացնելով, թե տուն ունի հարևանությամբ գտնվող Արծվաշեն գյուղում, իբրև բարեգործության շրջանակներում համայնքի մանկապար-տեզի երեխաներին ու դպրոցի աշակերտներին փափուկ աթոռներ, համայնքին 3 համակարգիչ-ներ, նաևª 20 պարկից ավելի գնելու դեպքում ազոտական պարարտանյութի մեկ պարկըª 3.000 ՀՀ դրամով տրամադրելու կեղծ խոստումներով, բարեգործական գործընթացը կազմակերպելու հա-մար, պայմանավորվել է 2011թ. հունիսի 10-ին, ժամը 11-ի սահմաններում հանդիպել Երևան քա-ղաքի Մալաթիա-Սեբաստիա թաղապետարանի շենքի մոտ: Պայմանավորված վայրում հանդի-պելով համայնքի ղեկավարի տեղակալ Արշակ Մկրտչյանին, իբրև բարեգործության դիմաց վճարվելիք սիմվոլիկ գումար, նրանից խաբեությամբ պահանջել և ստացել է 90.000 ՀՀ դրամ, ապա չարաշահելով վերջինիս վստահությունըª թե թաղապետարանի շենքում փաստաթղթային ձևակերպումներ է կատարելու, շենք մտնելուց հետո անհետացել էª հափշտակելով Արշակ Մկրտչյանի վերը նշվածª զգալի չափերի գումարը:
5. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Գեղարքունիքի մարզի Թթուջուր համայնքի ղեկավար Սամվել Սերյոժայի Ստեփանյանին հեռախոսակապով ներկայանալով որպես հայ-ռուսական մանկական կազմակերպության ներ-կայացուցիչ, իբրև բարեգործության շրջանակներում համայնքի մանկապարտեզի երեխաներին խաղալիքներ, համայնքինª 3 համակարգիչ, նաևª 20 պարկից ավելի գնելու դեպքում ազոտական պարարտանյութի մեկ պարկըª 4.000 ՀՀ դրամով տրամադրելու կեղծ խոստումներով, բարեգոր-ծական գործընթացը կազմակերպելու համար, 2011թ. հունիսի 10-ին, ժամը 11-ի սահմաններում, պայմանավորվածության համաձայն նրա հետ հանդիպել է Երևան քաղաքի Մալաթիա-Սեբաս-տիա թաղապետարանի շենքի մոտ, որտեղ, չարաշահելով վերջինիս վստահությունը, իբրև փաս-տաթղթերի ձևակերպման համար, որպես կանխավճար, խաբեությամբ նրանից պահանջել և ստացել է 107.000 ՀՀ դրամ, ապա շենք մտնելուց հետո անհետացել էª հափշտակելով Սամվել Ստեփանյանի վերը նշվածª զգալի չափերի գումարը:
6. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Վայոց Ձորի մարզի Խաչիկ համայնքի ղեկավար Վարդան Ներսիսյանին հեռախոսակա-պով ներկայանալով որպես հայ-ռուսական բարեգործական կազմակերպության ներկայացու-ցիչ, իբրև բարեգործության շրջանակներում համայնքի մանկապարտեզի երեխաներին խաղա-լիքներ, համայնքինª 3 համակարգիչ, նաևª 20 պարկից ավելի գնելու դեպքում ազոտական պա-րարտանյութի մեկ պարկըª 3.500 ՀՀ դրամով տրամադրելու կեղծ խոստումներով, պայմանա-վորվածության համաձայն, 2011թ. հունիսի 10-ին, ժամը 11-ի սահմաններում, Երևան քաղաքի Սայաթ-Նովա փողոցումª Տիկնիկային թատրոնի մոտակայքում հանդիպել է վերջինիս և, պա-րարտանյութի համար կանխավճար մուծելու պատրվակով, նրա վստահությունը չարաշահելով, խաբեությամբ պահանջել և ստացել է 100.000 ՀՀ դրամ, ապա իբրև փաստաթղթային ձևակեր-պումներ կատարելու համար ներս է մտել մոտակա շենքերից մեկը, որտեղից անհետացել էª խարդախությամբ հափշտակելով Վարդան Ներսիսյանի վերը նշվածª զգալի չափերի գումարը:
7. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Կոտայքի մարզի Աղավնաձոր համայնքի ղեկավար Մխիթար Դանիելյանին ներկայանա-լով որպես հայ-ամերիկյան բարեգործական կազմակերպության ներկայացուցիչ, իբրև բարե-գործության շրջանակներում համայնքին չորս համակարգիչ, նաև 20 պարկից ավելի գնելու դեպ-քում ազոտական պարարտանյութի մեկ պարկըª 4.000 ՀՀ դրամով տրամադրելու կեղծ խոս-տումներով, պայմանավորվածության համաձայն, 2011թ. հունիսի 15-ին, ժամը 13-ի սահմաննե-րում, Երևան քաղաքի թիվ 1 համալսարանական հիվանդանոցի մոտակայքում հանդիպել է վեր-ջինիս և, իբրև ընկերոջը մանր գումար տալու և որոշ ժամանակ անց գումարը վերադարձնելու պատրվակով, նրանից խաբեությամբ պահանջել և ստացել է 135.000 ՀՀ դրամ, ապա, նրա վստահությունը չարաշահելով, մոտակա շենք մտելուց հետո անհետացել էª խարդախությամբ հափշտակելով Մխիթար Դանիելյանի վերը նշվածª զգալի չափերի գումարը:
8. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Շիրակի մարզի Վահրամաբերդ համայնքի ղեկավար Աղվան Մարտիրոսյանին ներկայա-նալով որպես հայ-ռուսական երիտասարդական կազմակերպության ներկայացուցիչ, իբրև բա-րեգործության շրջանակներում համայնքի մանկապարտեզի երեխաներին և դպրոցի աշակերտ-ներին սնունդ և գույք, իսկ համայնքինª շուկայականից էժան գնով պարարտանյութ տրամա-դրելու կեղծ խոստումներով, պայմանավորվածության համաձայն, 2011թ. հունիսի 15-ին, Երևան քաղաքի Նոր Նորքի թաղապետարանի շենքի մոտակայքում հանդիպել է վերջինիս և, չարաշա-հելով նրա վստահությունը, որպես պահանջվող քանակի պարարտանյութի համար վճարվելիք գումարի կանխավճար, նրանից խաբեությամբ պահանջել և ստացել է 610.000 ՀՀ դրամ, ապա շենք մտնելուց հետո անհետացել էª խարդախությամբ հափշտակելով Աղվան Մարտիրոսյանի վերը նշվածª խոշոր չափերի գումարը:
9. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ հեռախոսակապով Սյունիքի մարզի Աջաբաջ համայնքի ղեկավարին ներկայանալով որ-պես հայ-ռուսական բարեգործական կազմակերպության աշխատակից, իբրև բարեգործության շրջանակներում համայնքին մեկ հատ համակարգիչ, համայնքի անապահով ընտանիքներինª մեկական պարկ ազոտական պարարտանյութ, իսկ 10 տոննայից ավել գնելու դեպքումª մեկ պարկըª 4.000 ՀՀ դրամով տրամադրելու կեղծ խոստումներով, պայմանավորվածության համա-ձայն, 2011թ. հունիսի 25-ին, ժամը 17-ի սահմաններում Երևան քաղաքի Կորյուն 7 հասցեի շենքի մոտակայքում հանդիպել է գյուղապետարանի գլխավոր հաշվապահ Գագիկ Հայրապետյանի հետ, որից պահանջվող քանակի պարարտանյութի համար վճարվելիք գումարի պատրվակով, նրա վստահությունը չարաշահելով, խաբեությամբ պահանջել և ստացել է 500.000 ՀՀ դրամ, ապա շենք մտնելուց հետո անհետացել էª խարդախությամբ հափշտակելով Գագիկ Հայրապե-տյանի վերը նշվածª զգալի չափերի գումարը:
10. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ հեռախոսակապով Սյունիքի մարզի Ալվանք համայնքի ղեկավար Վարուժան Երիցայի Թումանյանին ներկայանալով որպես հայ-ռուսական երիտասարդական կազմակերպության ներկայացուցիչ, իբրև բարեգործության շրջանակներում համայնքի մանկապարտեզի և դպրոցի երեխաներինª նվերներ, համայնքինª համակարգիչ, նաև մեկ պարկըª 4.000 ՀՀ դրամովª ազոտա-կան պարարտանյութ տրամադրելու կեղծ խոստումներով, պայմանավորվածության համաձայն, 2011թ. հունիսի 27-ին, ժամը 16-ի սահմաններում, Երևան քաղաքի Նոր Նորքի թաղապետարանի շենքի մոտ հանդիպել է գյուղապետարանի հաշվապահª Հայկանուշ Լևիկի Հովսեփյանին, ապա, նրանից պահանջվող քանակի պարարտանյութի համար վճարվելիք գումարի կանխավճարը ստանալու պատրվակով, նրա վստահությունը չարաշահելովª իբրև դրամարկղ մուտք անելու համար 840.000 ՀՀ դրամ խաբեությամբ ստանալով, շենք մտնելուց հետո անհետացել էª խար-դախությամբ հափշտակելով Հայկուշ Հովսեփյանի վերը նշվածª խոշոր չափերի գումարը:
11. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ, հեռախոսակապով Տավուշի մարզի Բերդավան համայնքի ղեկավար Արարատ Գաբրիել-յանին ներկայանալով որպես հայ-ռուս-կանադական բարեգործական կազմակերպության ներ-կայացուցիչ, գյուղատնտեսության նախարարության հետ համատեղ բարեգործական ծրագրի շրջանակներում համայնքինª համակարգիչներ, նաև մեկ պարկըª 3.000 ՀՀ դրամով ազոտական պարարտանյութ տրամադրելու կեղծ խոստումներով, պայմանավորվածության համաձայն, 2011թ. հունիս ամսին Երևան քաղաքի Մալաթիա-Սեբաստիա թաղապետարանի շենքի մոտ հանդիպել է գյուղապետի տեղակալª Սմբատ Մուղդուսյանին, որից իբրև պահանջվող քանակի պարարտանյութի համար վճարվելիք գումարի կանխավճար, դրամարկղ մուտք անելու պատր-վակով, խաբեությամբ ստացել է 100.000 ՀՀ դրամ, ապա նրա վստահությունը չարաշահելովª շենք մտնելուց հետո անհետացել էª խարդախությամբ հափշտակելով Սմբատ Մուղդուսյանի վե-րը նշվածª զգալի չափերի գումարը:
12. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ, Սյունիքի մարզի Շինուհար համայնքի ղեկավար Սմբատ Երեմյանին հեռախոսակապով ներկայանալով որպես Տորոնտոյի հայ-կանադական բարեգործական կազմակերպության ներ-կայացուցիչ, բարեգործական ծրագրի շրջանակներում համայնքի մանկապարտեզի և դպրոցի երեխաներին գրենական պիտույքներ, հագուստներ, նաև համայնքին շուկայականից էժան գնով ազոտական պարարտանյութ տրամադրելու կեղծ խոստումներով, պայմանավորվածության հա-մաձայն 2011թ. հուլիսի 20-ին Երևան քաղաքի Շենգավիթի թաղապետարանի շենքի մոտ հան-դիպել է վերջինիս և, իբրև կոմունալ վճարումների համար անհրաժեշտ պակասող գումար, նրա-նից խաբեությամբ պահանջել և ստացել է 35.000 ՀՀ դրամ, ապա, չարաշահելով վերջինիս վստահությունը, շենք մտնելուց հետո անհետացել էª խարդախությամբ հափշտակելով Սմբատ Երեմյանի վերը նշվածª զգալի չափերի գումարը:
13. Սարգիս Գրիգորյանը, խարդախությամբ ուրիշի գույքը հափշտակելու դիտավորութ-յամբ Արարատի մարզի Խաչփառ համայնքի ղեկավար Ղազար Մարտիրոսյանին հեռախոսա-կապով ներկայանալով որպես հայ-կանադական բարեգործական հիմնադրամի ներկայացու-ցիչ, բարեգործական ծրագրի շրջանակներում համայնքի շահումյանցի բնակիչներին երեք հա-մակարգիչ, սոցիալապես անապահով ընտանիքներինª յուրաքանչյուր պարկը 4.000 ՀՀ դրամով ազոտական պարարտանյութ տրամադրելու կեղծ խոստումներով, գումարի մի մասը հետագա-յում վճարելու պայմանով, 2011թ. հուլիսի 21-ին` ժամը 17-ի սահմաններում, պայմանավորվա-ծության համաձայն Երևան քաղաքի Հանրապետության Հրապարակում հանդիպել է համայն-քի ղեկավարի լիազորված անձինª գյուղապետարանի գլխավոր մասնագետ Վահրամ Հայրա-պետյանին, որից ստանալով պարարտանյութի քանակի դիմաց փոխադարձ համաձայնութ-յամբ վճարելիք կանխավճարը կազմող 115.000 ՀՀ դրամ և 1.200 ԱՄՆ դոլար գումարները, իբրև ընկերության գրասենյակում դրանք վճարելու համար հեռացել է, սակայն հանցանքըª խարդա-խությամբ 115.000 ՀՀ դրամն ու 439.752 ՀՀ դրամին համարժեք 1.200 ԱՄՆ դոլարը, ընդհանուր խոշոր չափերիª 554.752 ՀՀ դրամի հափշտակությունը չի կարողացել ավարտին հասցնել իր կամքից անկախ հանգամանքներով, քանի որ նույն պահին բռնվել է ոստիկանության աշխատա-կիցների կողմից՚:
Ամբաստանյալ Ս.Գրիգորյանը` մինչև դատաքննությունը սկսվելը, միջնորդեց դատական քննությունն անցկացնել արագացված կարգով ու հայտարարեց, որ միջնորդությունը ներկայաց-նում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները:
Դատարանի որոշմամբ ամբաստանյալի միջնորդությունը բավարարվել է և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ս.Գրիգորյանը կատարել է հանցանքներ` նախատես-ված ՀՀ քրեական օրենսգրքի 178-րդ հոդվածի 1-ին, 34-178-րդ հոդվածի 1-ին մասերով, 178-րդ հոդվածի 2-րդ մասի 2-րդ և 34-178-րդ հոդվածի 2-րդ մասի 2-րդ կետերով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատիժների տեսակն ու չափը որո-շելիս, դատարանը հաշվի է առնում ինչպես նրա կատարած հանցագործությունների բնույթը, հանրության համար վտանգավորության աստիճանը և հետևանքները, այնպես էլ արագացված կարգով անցկացված դատաքննության ընթացքում ուսումնասիրված` նրա անձը բնութագրող տվյալներն ու պատասխանատվությունը և պատիժը մեղմացնող ու ծանրացնող հանգամանք-ները, նախկինում նրա կատարած հանցագործությունների քանակը« բնույթը և ծանրությունը, ինչպես նաև դրանց համար պատասխանատվության ենթարկվելուց ու պատիժը կրելուց հետո նրա չուղղվելու հանգամանքը:
Որպես ամբաստանյալ Ս.Գրիգորյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա համաձայնվեց մեղադրանքի հետ և զղջաց կատարած հանցանքների համար:
Որպես ամբաստանյալ Ս.Գրիգորյանի պատասխանատվությունն ու պատիժը ծանրաց-նող հանգամանք` դատարանը հաշվի է առնում հանցանքը կատարելու առանձնապես վտան-գավոր ռեցիդիվը:
Դատարանը, հաշվի առնելով վերոգրյալները, գտնում է, որ ամբաստանյալի կատարած հանցագործությունների համար նախատեսված նվազ խիստ պատժատեսակները չեն կարող ապահովել պատժի նպատակները, և ամբաստանյալը պետք է դատապարտվի ազատազրկման, ինչն անհրաժեշտ ու բավարար է նաև սոցիալական արդարությունը վերականգնելու և նրա կող-մից նոր հանցագործությունների կատարումը կանխելու համար:
Տուժողները հայցադիմումներ չեն ներկայացրել դատարան:
Քննության առնելով իրեղեն ապացույցների տնօրինման հարցը` դատարանը գտնում է, որ Արարատի մարզի Խաչփառ համայնքի երեխաների վերաբերյալ ցուցակները և լիազորագիրը պետք է պահվեն քրեական գործի հետ միասին, իսկ 1.200 ԱՄՆ դոլարն ու 115.000 ՀՀ դրամը վե-րադարձվեն տուժող Ղազար Մարտիրոսյանին:
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119-րդ, 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Սարգիս Դավիթի Գրիգորյանին ճանաչել մեղավոր ՀՀ քրեական օրենսգրքի 178-րդ հոդ-վածի 1-ին, 34-178-րդ հոդվածի 1-ին մասերով, 178-րդ հոդվածի 2-րդ մասի 2-րդ և 34-178 հոդվա-ծի 2-րդ մասի 2-րդ կետերով ու նրան.
ՀՀ քրեական օրենսգրքի 178-րդ հոդվածի 1-ին մասով որակված 10 դրվագներով և 34-178-րդ հոդվածի 1-ին մասով դատապարտել ազատազրկման 1-ական (մեկական) տարի ժամկետով,
ՀՀ քրեական օրենսգրքի 178-րդ հոդվածի 2-րդ մասի 2-րդ կետով որակված 2 դրվագներով և 34-178-րդ հոդվածի 2-րդ մասի 2-րդ կետով դատապարտել ազատազրկման 3-ական (երեք-ական) տարի ժամկետով:
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները մասնակի-որեն գումարելու միջոցով, որպես վերջնական պատիժ` նշանակել ազատազրկում 7 (յոթ) տարի ժամկետով:
Իրեղեն ապացույցներից Արարատի մարզի Խաչփառ համայնքի երեխաների վերաբեր-յալ ցուցակները և լիազորագիրը պահել քրեական գործի հետ միասին, իսկ 1.200 ԱՄՆ դոլարն ու 115.000 ՀՀ դրամը վերադարձնել տուժող Ղազար Մարտիրոսյանին:
Ս.Գրիգորյանի նկատմամբ ընտրված խափանման միջոցը` կալանավորումը, թողնել ան-փոփոխ` մինչև դատավճռի օրինական ուժի մեջ մտնելը:
Պատժի կրման սկիզբը հաշվել 2011թ. հուլիսի 22-ից:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ