ԵԿԴ/0268/01/11





ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ


«6» փետրվարի 2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)` նախագահող դատավոր Մ.Պապոյան, քարտուղարությամբ Ռ.Ավետյանի, մասնակցությամբ մեղադրող Մ.Գեղամյանի, տուժող Տ.Թոխյանի, ամբաստանյալ Գևորգ Սանասարի Մուշեղյանի, դռնբաց դատական նիստում քննելով քրեական գործն ըստ մեղադրանքի Գևորգ Սանասարի Մուշեղյանի (ծնված 1982 թվականի մարտի 25-ին Երևան քաղաքում, ազգությամբ հայ, ՀՀ քաղաքացի, նախկինում չդատապարտված, բնակվում է Երևան քաղաքի Չարենցի 1-ին նրբանցքի 1-ին տանը, խափանման միջոց ընտրվել է ստորագրություն չհեռանալու մասին)` ՀՀ քրեական օրենսգրքի 118-րդ հոդվածով

ՊԱՐԶԵՑ

2011 թվականի հուլիսի 25-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ ՀՀ քրեական օրենսգրքի 118-րդ հոդվածով նախատեսված հանցագործության հատկանիշներով հարուցվել և վարույթ է ընդունվել թիվ 13148711 քրեական գործը:
2011 թվականի նոյեմբերի 17-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ ՀՀ քրեական օրենսգրքի 117-րդ հոդվածով նախատեսված հանցագործության հատկանիշներով հարուցվել և վարույթ է ընդունվել թիվ 15136211 քրեական գործը:
2011 թվականի նոյեմբերի 21-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ թիվ 15136211 քրեական գործը միացվել է թիվ 13148711 քրեական գործին և նախաքննությունը շարունակվել է 13148711 համարով:
2011 թվականի դեկտեմբերի 10-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ թիվ 13148711 քրեական գործով Գևորգ Սանասարի Մուշեղյանին մեղադրանք է առաջադրվել ՀՀ քրեական օրենսգրքի 117-րդ և 118-րդ հոդվածներով:
2011 թվականի դեկտեմբերի 19-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ թիվ 13148711 քրեական գործով Գալյա Հովհաննիսյանի առողջությանը դիտավորությամբ թեթև մարմնական վնասվածք պատճառելու դրվագով Գևորգ Սանասարի Մուշեղյանի նկատմամբ քրեական հետապնդումը դադարեցվել է` տուժող Գալյա Հովհաննիսյանի հաշտվելու հիմքով:
2011 թվականի դեկտեմբերի 19-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ թիվ 13148711 քրեական գործով Գևորգ Սանասարի Մուշեղյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 118-րդ հոդվածով:
2011 թվականի դեկտեմբերի 20-ին ՀՀ ոստիկանության Կենտրոնականի քննչական բաժնի քննիչ Գ.Մխեյանի որոշմամբ թիվ 13148711 քրեական գործով Սանասար Մուշեղյանի կողմից Տաթևիկ Թոխյանին հրելու դրվագով, ինչպես նաև նրա ու Գևորգ Մուշեղյանի կողմից խուլիգանություն կատարելու դրվագով Սանասար և Գևորգ Մուշեղյանիների նկատմամբ քրեական հետապնդում չի իրականացվել` նրանց արարքներում հանցակազմի բացակայության հիմքով:
2011 թվականի դեկտեմբերի 23-ին Գևորգ Սանասարի Մուշեղյանի վերաբերյալ թիվ 13148711 քրեական գործը մեղադրական եզրակացությամբ ուղարկվել է Դատարան, որին շնորհվել է ԵԿԴ/0268/01/11 համարը:
Գևորգ Սանասարի Մուշեղյանին մեղադրանք է առաջադրվել ՀՀ քրեական օրենսգրքի 118-րդ հոդվածով` այն արարքի համար, որ նա 2011 թվականի հունիսի 30-ին` ժամը 14:00-ի սահմաններում, Երևան քաղաքի Վարդանանց փողոցի «Գնունու» շուկային հարակից տարածքում ձեռքերով և ոտքերով հարվածելով ծեծի է ենթարկել Տաթևիկ Սեմյոնի Թոխյանին` վերջինին պատճառելով մարմնական վնասվածքներ` դեմքի, զույգ բազուկների, աջ ծնկային հոդի, ձախ սրունքի շրջանների արյունազեղուների ձևով, որոնք առողջության թեթև վնասի հատկանիշներ չեն պարունակել:
2012 թվականի փետրվարի 6-ի դատական նիստի ժամանակ տուժող Տաթևիկ Թոխյանը հայտնեց, որ հաշտվել է ամբաստանյալ Գևորգ Մուշեղյանի հետ, և նշեց, որ գիտակցում է հաշտվելու հետևանքները: Ամբաստանյալ Գևորգ Մուշեղյանը նույնպես հայտնեց, որ հաշտվել է տուժող Տաթևիկ Թոխյանի հետ, և նշեց, որ գիտակցում է հաշտվելու հետևանքները:
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համաձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ՀՀ քրեական դատավարության օրենսգրքով նախատեսված դեպքերում տուժողը հաշտվել է մեղադրյալի հետ:
ՀՀ քրեական օրենսգրքի 183-րդ հոդվածի 1-ին մասի համաձայն` ՀՀ քրեական օրենսգրքի 118-րդ հոդվածով նախատեսված հանցագործության վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման: Հաշտությունը թույլատրվում է մինչև դատավճիռ կայացնելու համար դատարանի խորհրդակցական սենյակ հեռանալը:
Դատարանը, նկատի ունենալով, որ տուժող Տաթևիկ Թոխյանը և ամբաստանյալ Գևորգ Մուշեղյանը հաշտվել են միմյանց հետ, գտնում է, որ թիվ ԵԿԴ/0268/01/11 քրեական գործի վարույթը պետք է կարճել և Գևորգ Մուշեղյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը դադարեցնել:
Դատարանը գտնում է, որ Գևորգ Մուշեղյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև սույն որոշման օրինական ուժի մեջ մտնելը:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 35-րդ, 41-րդ, 183-րդ և 313-րդ հոդվածներով` Դատարանը

ՈՐՈՇԵՑ

Թիվ ԵԿԴ/0268/01/11 քրեական գործի վարույթը կարճել և Գևորգ Սանասարի Մուշեղյանի նկատմամբ ՀՀ քրեական օրենսգրքի 118-րդ հոդվածով քրեական հետապնդումը դադարեցնել` տուժող Տաթևիկ Սեմյոնի Թոխյանի հաշտվելու հիմքով:
Գևորգ Սանասարի Մուշեղյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը:
Սույն որոշումը կարող է բողոքարկվել Հայաստանի Հանրապետության վերաքննիչ քրեական դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ