գործ թիվ ԵԿԴ0266/01/11





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը (այսուհետ` Դատարան),

նախագահությամբ դատավոր` Արշակ Վարդանյանի,
քարտուղարությամբ` Անի Հովհաննիսյանի,

մասնակցությամբ`

մեղադրող, Երևան քաղաքի Մալաթիա-Սեբաստիա
վարչական շրջանի դատախազության ավագ
դատախազ` Սեդա Սարգսյանի,

տուժողներ` Ադամ Մանուչարյանի,
Սասուն Հայրապետյանի,

ամբաստանյալներ`

Ա.Հարությունյանի պաշտպան(հանրային)` Անժելա Հոբոսյանի

Ն.Բլեյանի պաշտպան` Վահան Ենգիբարյանի,

2012թ. մարտի 23-ին դռնբաց դատական նիստում քննեց քրեական գործն ըստ մե¬ղադ¬րանքի`
1. Ա ր ա մ Է դ ո ւ ա ր դ ի Հ ա ր ո ւ թ յ ո ւ ն յ ա ն ի`
(ծնված 1986թ. ապրիլի 28-ին, Երևան քաղաքում, ազգութ¬¬յամբ հայ, ՀՀ քաղա¬քա¬ցի, բարձրագույն կրթու¬թյամբ, ամուսնացած, խնամքին չորս անձ, որոնցից երեքը մինչև տասնչորս տարեկան անչափահաս, նախ¬կինում չդատ¬ապարտված, չի աշխատում, հաշվառ¬ված և բնակվում է Երևանի Շինարարների 15-րդ շենքի 17-րդ բնակարանում)

2. Ն ա ր ե կ Գ ա գ ի կ ի Բ լ ե յ ա ն ի`
(ծնված 1989թ. մարտի 6-ին, Երևան քաղաքում, ազգութ¬¬յամբ հայ, ՀՀ քաղա¬քա¬ցի, միջնա¬կարգ կրթու¬թյամբ, ամուրի, նախ¬կինում չդատապարտ¬ված, աշխատում է «Աշգոր» ՍՊ ընկերությունում որպես բանվոր, հաշվառված և բնակվում է Երևան քաղաքի Առաքելյան 70-րդ շենքի թիվ 19 բնակարանում)

3. Է դ գ ա ր Հ ա ր ո ւ թ յ ո ւ ն ի Մ ն ա ց ա կ ա ն յ ա ն ի`
(ծնված 1987թ. օգոստոսի 29-ին, Երևան քաղաքում, ազգութ¬¬յամբ հայ, ՀՀ քաղա¬քա¬ցի, միջնակարգ մասնագիտական կրթու¬թյամբ, ամուրի, նախ¬կինում չդատապարտ¬ված, չի աշխատում, հաշվառ¬ված և բնակվում է Երևան քաղաքի 16-րդ թաղամասի 41-րդ շենքի 72-րդ բնակարանում)


1. Գործի դատավարական նախապատմությունը.
Թիվ 16131211 քրեական գործն հարուցվել է 2011թ. սեպտեմբերի 26-ին ՀՀ քրեական օրենսգրքի 258-րդ հոդվածի 3-րդ մասի հատկանիշներով ՀՀ ոստիկա¬նության քննչական գլխա¬վոր վարչության Երևան քաղաքի քննչական վարչության Մալաթիայի քննչական բաժնում։
2011թ. նոյեմբերի 18-ին Արամ Հարությունյանին, Նարեկ Բլեյանին և Էդգար Մնացա¬կանյանին մե¬ղադրանք է առաջադրել ՀՀ քրեական օրենսգրքի 258-րդ հոդվածի 3-րդ մասի 1-ին կետով։ Նույն օրը վերջիններիս նկատմամբ որպես խափանման միջոց է ընտրվել չհե¬ռանալու մասին ստորագրութ¬յուն։
2011թ. դեկտեմբերի 13-ին Արամ Հարությունյանին առաջադրված մեղադրանքի ծավալը փոփոխվել և լրացվել է, նրան նոր մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին և 2-րդ կետերով։
2011թ. դեկտեմբերի 13-ին նախաքննական մարմինը, առանց վերացնելու կամ փոփոխելու մեղադրյալ Ա.Հարությունյանի նկատմամբ ընտրած խափանման միջոցը, դիմել է Երևանի Մալաթիա-Սեբաստիա վարչական շրջանի ընդ¬հանուր իրավասության դատարան` վերջինիս նկատմամբ կալանքը որպես խափանման միջոց ընտրելու միջնորդությամբ։ Դատարանը, նույն օրը քննության առնելով մեղադրյալ Արամ Հարությունյանի նկատմամբ որպես խափանման միջոց կալանք կիրառելու մասին նախաքննական մարմնի միջնորդությունը, այն մերժել է` պատճառա¬բանելով, որ Ա.Հարությունյանը չի խախտել իր նկատմամբ ընտրված ավելի մեղմ խափանման միջոցի` չհեռանալու մասին ստորագրության պահանջները` փաստացի վերահաս¬տատելով Ա.Հարությունյանի նկատմամբ 2011թ. նոյեմբերի 18-ին ընտրված այդ խափանման մի¬ջոցի հիմնավորվածությունը։
2011թ. դեկտեմբերի 14-ին սույն քրեական գործից թիվ 16131211/1 համարով անջատվել է անհայտ անձի կողմից Ադամ Մանուչարյանին և Վոլոդիա Ղարաբաղցյանին միջին ծան¬րութ¬յան մարմնական վնաս¬վածք հասցնելու վերաբերյալ մասը, որով նախաքննությունը շարու¬նակվել է առանձին վարույթում։
2011թ. դեկտեմբերի 23-ին քրեական գործն Արամ Հարությունյանի վերաբերյալ ՀՀ քրեական օրենսգրքի 258-րդ հոդվածի 3-րդ մասի 1-ին և 2-րդ կետերով, իսկ Նարեկ Բլեյանի և Էդգար Մնացականյանի վերաբերյալ 258-րդ հոդ¬վածի 3-րդ մասի 1-ին կետով հաստատված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատա¬րան և 2011թ. դեկտեմբերի 26-ին ընդունվել վա¬րույթ։

2. Ապացույցների հետազոտում և գնահատում
Դատաքննությամբ հետազոտված ապացույցներով Դատարանը հաստատված հա¬մա¬րեց այն, որ Արամ Հարությունյանը, Էդգար Մնացականյանը և Նարեկ Բլեյանը, Թեհմինե Հարությունյանի ծննդյան տարեդարձը նշելու առթիվ 2011թ. սեպտեմ¬բերի 25-ի ժամը 20-ից գտնվելով Երևան քաղաքի Լենինգրադյան փողոցի սկզբնամասում գործող «Հավանա» սրճարանում, գործածած ալկոհոլի ազդեցությամբ ժամը 23։30-ի սահմաններում անհիմն վիճաբա¬նել և բռնություն են գործադրել տուժողներ Ադամ Մանուչարյանի և Սասուն Հայրապետյանի հետ, որի ընթացքում դիտավորությամբ շուրջ 30 րոպե տևողությամբ բարձրաձայն հայհոյել և կոպիտ կերպով խախտել են հասարակական կարգը` բացահայտ անհարգալից վերաբերմունք ցուցա¬բերելով Ս. Հայրապետյանի, Ա.Մանուչարյանի, ինչպես նաև «Հավանա» ռեստորանային համալիրի հաճախորդների և սպասարկող անձնակազմի նկատ¬մամբ։ Այդ ընթացքում Արամ Հարությունյանը դիմադրություն է ցույց տվել և հարվածել «Հավանա» սրճարանում հասարա¬կական կարգի պահպանության գծով իր պարտակա¬նութ¬յուն¬¬¬ները կատարող նույն համալիրի անվտանգության աշխա¬տակից Սասուն Հայրապետ¬յա¬նին։
Վերոնշյալ հանցավոր արարքների կատարման համար ամբաստանյալ Արամ Հարութ¬յուն¬յանին մեղադրանք է առաջադրվել ՀՀ քրեական օրենսգրքի 258-րդ հոդվածի 3-րդ մասի 1-ին և 2-րդ կետերով, Նարեկ Բլեյանին և Էդգար Մնացականյանին` ՀՀ քրեական օրենսգրքի 258-րդ հոդվածի 3-րդ մասի 1-ին կետով։
Առաջադրված մեղադրանքներում ամբաստանյալներն իրենց մեղավոր չէին ճանաչել, սակայն դատաքննության ընթացքում փոխելով սկզբնական դիրքորոշումները` իրենց լիովին մե¬¬ղա¬վոր ճանաչեցին և օգտվելով իրենց դատավարական իրավունքներից` հրաժարվեցին դեպքի վերաբերյալ ցուցմունք տալ։
Ամբաստանյալներին առաջադրված մեղադրանքներն հիմնավորվել են պատշաճ իրա¬վա¬կան ընթացակարգերի շրջանակներում դատաքննությամբ հետա¬զոտ¬ված և գնահատված ներ¬քոհիշ¬յալ ապա¬ցույց¬ներով.
Տուժող Ադամ Գրիգորի Մանուչարյանի ցուցմունքով.
Վերջինս Դատարանում հայտնեց, որ 2011թ. սեպտեմբերի 25-ի երեկոյան ժամանցի նպատակով իր ընտանիքի անդամների, ընկեր Վահե Հարությունյանի և կնքահոր` Վոլոդիա Ղարաբաղցյա¬նի հետ գնացել են «Հավանա» ռեստորանային համալիր, տեղ զբաղեցրել 1-ին հարկում` պարահրապարակի դիմաց, գտնվող սեղանի շուրջ։ Բջջային հեռախոսով զրուցելու նպատակով դուրս է եկել ռեստորանային համալիրի մուտքի մոտ, ուր նկատել է Վահե Հարությունյանին` կանգնած չորս անծանոթ երիտասարդների հետ, որոնցից նիհար կազմված¬քով, սև շորերով երիտասարդը` ինչպես հետագայում պարզվել է` Նարեկ Բլեյանը, վիճաբանել է Վահեի հետ, քաշքշել վերջինիս։ Բլեյանը եղել է խմած, նրան սաստել և պահանջել է դադա¬րեցնել ցանկացած խոսակցություն և վեճ` պատճառաբանելով, որ ընտանիքներով են։ Պահանջել է նաև, որ Բլեյանը հեռանա, սակայն վերջինս հակաճառել է` նշելով, թե դեռ բան ունի ասելու։ Հավաքված երիտասարդների մեջ է եղել նաև բարձրա¬հասակ, շիկահեր, սպիտակ վերնազգեստով մի տղա, ինչպես հետագայում պարզվել է` Արամ Հարությունյանը։
Մոտ 40 րոպե անց կրկին իր բջջային հեռախոսին զանգ է եկել, զանգին պա¬տաս¬խանելու նպատակով համալիրի սրահից դուրս է եկել և մուտքի մոտ հեռախոսով զրուցելիս նկատել է նույն երիտասարդներին։ Այդ պահին դեմքի աջ հատ¬վածում անսպասելի հարված է ստացել, որից վայր է ընկել գետնին, կորցրել գիտակցությունը, որը վերականգնվել է միայն հիվանդանո¬ցում։ Հետագայում Վահե Հարությունյանից է տեղեկացել, որ նրան այդ տղաներն հրավիրել են դուրս, զրուցել ինչ-որ Թեհմինեի հետ պարելու և պարի ընթացքում վերջինիս վայր ընկելու հանգամանքների կապակցությամբ։
Նշեց նաև, որ հետագայում Վահե Հարությունյանի խոսքերից տեղեկացել է նաև, որ այդ երիտասարդներն իրեն հարվածել են նաև գետնին ընկած ընթացքում, Վահեն փորձել է կանխել, սակայն փոխարենը հարվածներ են ստացել թե նա, թե Վոլոդիա Ղարաբաղցյանը։ Վահեի խոսքերից է տեղյակ, որ այդ վեճի ընթացքում բազմաթիվ մարդիկ են հավաք¬վել։
Տուժող Վոլոդիա Ղարա¬բաղցյա¬նի հրապարակված և հետազոտված նախաքննական ցուցմունքով` այն մասին, որ հանդիսանում է Ադամ Մանուչարյանի երե¬խաների կնքահայրը։ 2011թ. սեպտեմբերի 25-ին Վահեի և Ադամի ընտանիքի հետ միասին գնացել են «Հավանա» ռեստորանային համալիր։ Ժամը 23։30-ի սահ¬մաններում, երբ արդեն որոշել են համալիրից հեռանալ, Ադամի բջջային հեռախոսին զանգ է եկել, որին պատասխա¬նելու համար վերջինս սրահից դուրս է եկել։ Քիչ անց, երբ «Հավանա» ռեստորանային համալիրից ինքը ևս դուրս է եկել, տեսել է, որ Ադամը ընկած է մուտքի մոտ` գետնին, իսկ մի քանի երիտասարդներ ոտքերով նրան հարվածում են։ Ադամին օգնելու և գետնից բարձրացնելու նպատակով մոտեցել է նրանց, նախատել և պահանջել է դադարեցնել գետնին հայտնված Ադամին հարվածելը։ Ադամին օգնություն ցույց տալու ժամանակ իրեն ևս հար¬վածել են, որից աջ ծնկի հատվածում մարմնական վնասվածք է ստացել։ Հարվածողներից մեկը եղել է սև շորերով, նիհարավուն կազմվածքով, մյուսը` շեկ մազերով բարձրահասակ մի տղա, իսկ մյուսներին, նրանց հագուստները դժվարացել է վերհիշել և նկարագրել։ Իր բջջա¬յին հեռախո¬սով անմիջապես զանգահարել է ոստիկանություն և հայտնել դեպքի մասին, իսկ վիճաբանության ավարտից հետո Ադամին տեղափոխել են հիվանդանոց։


Տուժող Սասուն Հայրապետյանի ցուցմունքով.
Վերջինս Դատարանում հայտնեց, որ 2011թ. սեպտեմբերի 25-ին` ժամը 19։00-ից, որպես «Հավանա» ռեստորանային համալիրի անվտանգության աշխատակից, գտնվել է «Հավանա» ռեստորանային համալիրում` կատարելով իր պարտականությունները։ Ժամը 23։30-ի սահմաններում իրեն է մոտեցել ռեստորանային համալիրի մենեջեր Հրաչյա Մարտիրոսյանը և տեղեկացրել, որ սրճարանի դիմաց մարդիկ են հավաքված` խնդրելով պար¬զել պատճառը։ Դուրս գալով մուտքի մոտ` նկատել է անգիտակից վիճակում գետնին ընկած Ադամ Մանուչարյանին, ում բարձրացրել և նստեցրել է աթոռին` փորձելով ուշքի բերել։ Մոտ 3-4 մետր հեռավորության վրա հավաքված են եղել 15-20 անձ, որոնցից ակտիվությամբ առանձնացել են չորս երիտասարդներ, ովքեր բարձրաձայն հայհոյել են։ Ադամ Մանուչարյանի ընկեր Վահե Հարություն¬յանը մոտենալով հարցրել է, թե ով է Ադամին հարվածել, արդյոք կարող է պատասխան տալ դրա համար, որին արձագանքել են նույն չորս-հինգ երիտասարդ¬ները` ընդունելով, որ նրանք են հարվածել և շարունակել հայհոյանքները։ Այդ երիտասարդներից մեկը սև շորերով էր, նիհարավուն կազմվածքով, մյուսը սպիտակ վերնազգեստով բարձրահասակ տղա էր։ Հասկանալով, որ հայհոյող երիտասարդների և Վահե Հարությունյանի միջև վիճն անխուսա¬փելի է` վերջինիս գրկել է և փորձել հեռացնել, սակայն այդ պահին ուժեղ հարված է ստացել որովայնի ձախ հատվածին, որից կքանստել, այնուհետև տեղափոխվել է հիվանդանոց։ Նշեց նաև, որ միջադեպը տևել է մոտ 10-15 րոպե։
Տուժող Սասուն Հայրապետյանը հայտնեց նաև, որ իրեն հարվածելու պատճառն ըստ էութ¬յան եղել է այն, որ վեճը կանխելու նպատակով միջամտել և ցանկացել է Վահե Հարություն¬յանին հեռացնել վիճաբանության վայրից։ Նշեց նաև, որ հետագայում խոսակցութ¬¬յուններից է լսել, որ այդ օրվա վեճը ծագել է մի շիկահեր աղջկա պատճառով։
Վկա Վահե Հարությունյանի հրապարակված և հետազոտված նախաքննական ցուցմունքով ` այն մասին, որ իր ընկեր Ադամ Մանուչարյանի, վերջինիս ընտանիքի անդամների և Վոլոդիա Ղարաբաղցյանի հետ 2011թ. սեպ¬տեմ¬բերի 25-ին` ժամը 18։30-ի սահմաններում, գնացել են «Հավանա» ռեստորա¬նային համալիր և նստել առաջին հարկում` պարահրապարակի դիմաց։ Որոշ ժամանակ անց պարահրա¬պա¬րակում պատահաբար հանդիպել է իր նախկին աշխատան¬քային ընկեր Արամ Հարություն¬յանին, տեղեկացել, որ նույն համալիրում է գտնվում Թեհմինե Հարությունյանի ծննդյան տարեդարձը նշելու առիթով։ Թեհմինեին ևս ճանաչել է, խնդրել է իր անունից վերջինիս շնոր¬հավորել։ Մոտ 15 րոպե անց պարահրապարակում հանդիպել է Թեհմինեին, անձամբ շնորհավորել ծննդյան օրվա առթիվ և անվանական երգ պատվիրել և հրավիրել պարելու։ Պարելու ընթացքում Թեհմինեն պատահաբար վայր է ընկել և վնասել ձեռքը, որից հետո բարձրացել իր ընկերների մոտ։ Որոշ ժամանակ անց, երբ ինքը կրկին ցանկացել է պարել, պարահրապարակում իրեն է մոտեցել մինչ այդ անծանոթ, սև շորերով, նիհարավուն կազմվածքով Նարեկ Բլեյանը, առաջարկել դուրս գալ` ասելով, որ խոսելու բան կա։ Վերջինիս մինչ այդ տեսել էր պարահրապարակում Թեհմինեի ու նրա սեղանակիցների հետ պարելու ժամանակ։ «Հավանայի» մուտքից դուրս գալուց հետո Նարեկ Բլեյանը պահանջել է մյուս անգամ Թեհմինեի հետ չպարել։ Այդ թեմայի շուրջ զրույցի ընթացքում մոտեցել է իր ընկեր Ադամ Մանուչարյանը` հիշեցնելով, որ ընտա¬նիքներով են` առաջարկել է խնդիրներ չստեղծել։ Նարեկ Բլեյանը, գտնվելով խմած վիճակում, հակաճառել է, որից զրույցն ավելի է բորբոքվել։ Ադամ Մանուչարյանը նրան հրել է` դրանով իսկ փորձելով ավարտել անիմաստ խոսակցությունը։ Նարեկ Բլեյանն անխոս հեռացել է, իրենք էլ ներս են մտել «Հավանա» և շարունակել զվարճանալը` կարծելով, թե ամեն ինչ դրանով ավարտվեց։
Մոտ 40 րոպե անց, երբ նստած են եղել սեղանի շուրջ, Ադամը բջջային հեռախոսա¬զանգին պատասխանելու նպատակով համալիրից դուրս է եկել։ Քիչ անց կասկածելի ձայներ լսելով` հետևել է Ադամին և տեսել, որ խառնաշփոթ իրավիճակ է, Ադամն արյունոտ վիճակում նստած է աթոռի վրա, նրան օգնություն են ցույց տալիս Վոլոդիա Ղարաբաղցյանը և մի քանի անծանոթներ։ Մոտենալով նրանց` զայրացած հետաքրքրվել է, թե ով է Ադամին հարվածել, որի կապակցությամբ իրեն ընդառաջ եկած անձանց մեջ եղել է նաև Նարեկ Բլեյանը։ Իրենց միջև քաշքշուկ է սկսվել, որին միջամտել են համալիրի անվտանգութ¬յան աշխատակիցները։ Դրանից հետո Ադամ Մանուչարյանին տեղափոխել են հիվանդանոց։
Վկա Թեհմինե Հարությունյանի` հրապարակված և հետազոտված նախաքննական ցուց¬մուն¬քով` այն մասին, որ 2011թ. սեպտեմբերի 25-ին իր ծննդյան օրը նշելու համար ընկերոջը` Արամ Հարությունյանին խնդրել է «Հավանա» ռեստորանային համալիրում սեղան պատվիրել։ Նույն օրը` ժամը 20։00-ի սահման¬ներում, իր մի քանի ընկերուհիների և ընկերների, այդ թվում` Արամ Հարությունյանի, Էդգար Մնացա¬կանյանի, Նարեկ Բլեյանի և Մարիամ Հարությունյանի հետ գտնվել են «Հավանա» ռեստորանային համալիրի «VIP» բացօթյա սրահում, նշել իր ծննդյան տարեդարձը։ Նույն օրը` ժամը 22։00-ի սահմաններում, «Հավանա» ռեստորանային համալիրի պարահրա¬պա¬րակում պարելու ժամանակ պատահա¬բար հանդիպել է իր վաղեմի ծանոթ Վահե Հարությունյանին, ով իմանալով, որ իր ծննդյան օրն է, անվանական երգ է պատվիրել և հրավիրել պարելու։ Եղել են բավականաչափ խմած, որի հետևանքով պարելու ժամանակ պարահրապարակում վայր է ընկել և վնասել ձեռքը։ Ցավից տրամադրությունն ընկել է, ուստի լացելով բարձրացել է «VIP» բացօթյա սրահ` սեղանակիցների մոտ։ Որոշ ժամանակ անց Էդգար Մնացականյանը բարձրացել է իրենց մոտ և տեղեկացրել, որ համալիրից հեռանում են։ Երբ հասել են «Հավանա» ռեստորանային համալիրի մուտքի մոտ, նկատել է այդտեղ հավաք¬ված մարդկանց, վիճաբանություն և բարձր ժխոր։ Այդտեղ տեսել է նաև Նարեկ Բլեյանին և Կարոյին, որոնց Մարինայի վարած ավտոմեքենայով հասցրել են Երևան քաղաքի Կիևյան փողոց, սակայն Նարեկը վատ է զգացել և մեքենայից իջնելով` գնացել է ոստիկանության բաժին, ուր ոստիկաններն արդեն բերման էին ենթարկել Արամ Հարություն¬յանին և Էդգար Մնացականյա¬նին։ Նշել է, որ վիճաբանության հնարավոր պատճառը Վահե Հարությունյանի հետ պարելու ըն¬թաց¬քում իր վայր ընկնելն էր։ Ընդունել է, որ վիճա¬բանության արդյունքում ընդհատվել է իր ծննդյան օրվա կապակցությամբ կազմակերպ¬ված խնջույքը։
Վկա Մարիամ Հարությունյանի ցուցմունքով` այն մասին, որ 2011թ. սեպտեմբերի 25-ին մաս¬նակցել է իր ընկերուհի Թեհմինե Հարությունյանի ծննդյան տարեդարձի կապակցությամբ «Հավանա» ռեստորանային համալիրում կազմակերպված խնջույքին։ Համալիրի երկրորդ հարկի «VIP» բացօթյա սրահում նստած են եղել Մերին, Թեհմինեն, վերջինիս ընկեր Արամ Հարությունյանը` չորս ընկերներով, որոնց չի ճանաչել։ Մոտավորապես 40 րոպե այնտեղ գտնվելով` հեռացել է համալիրից, իսկ ժամը 24։00-ի սահման¬ներում, Թեհմինեն զանգահարել և պատմել է, որ իր հեռանալուց հետո նրան ինչ-որ մեկը նեղացրել է, որի կապակցությամբ Արամ Հարությունյանն ու նրա ընկերները վիճաբանել են և այդ պահին գտնվում են ոստիկանությու¬նում։
Վկա Արմինա Քյարամյանի ցուցմունքով` այն մասին, որ 2011թ. սեպտեմբերի 25-ին` ժամը 23։30-ի սահմաններում, սրահի մենեջեր Հասմիկ Ավետիսյանից տեղեկացել է, որ համալիրի մուտքի մոտ վիճաբանություն է։ Որպես «Հավանա» ռեստորանային համալիրի տնօրեն` մոտեցել և տեսել է, որ անգիտակից վիճակում գտնվող Ադամ Մանուչարյանին փորձում են ոտքի կանգնեցնել և նստեցնել աթոռին։ Արամ Հարությունյանը, ում կողքին այդ պահին գտնվել է նաև Էդգար Մնացականյանը, փորձել է թափահարելով ուշքի բերել Ադամին։ Այդ պահին սև շորերով, փոքրամարմին, նիհարավուն կազմվածքով, սև մազերով Նարեկ Բլեյանը հայհոյանքներ է տվել ու բորբոքել վիճաբանությունը, իսկ Արամ Հարությունյանը, գտնվելով ալկոհոլի ազդեցության տակ, ներս է մտել «Հավանա» ռեստորանային համալիր և սկսել հայհոյանքներ տալ ինչպես հյուրերի, այնպես էլ «Հավանա» ռեստորանային համալիրի տնօրինության հասցեին։ Չնայած իր հորդորներին` Արամ Հարությունյանը չի ենթարկվել և հայհոյելով դուրս է եկել սրճարանից։ Նրան հետևելով` նկատել է, որ մի քանի տղաներ քաշքշում են միմյանց, ինչը փորձել է կանխել իրենց անվտանգության աշխատակից Սասուն Հայրապետյանը։ Այդ ընթացքում Արամ Հարություն¬յանը հարվածել է Սասուն Հայրապետյանի ձախ կողքին, որից վերջինս կծկվել է։ Վիճաբանությունն ու անկարգությունը շարունակվել է նաև ահազանգով համալիր ժամանած ոստիկանների ներկայությամբ։
Դրանից հետո ոստիկանների առաջարկով դիտել են դեպքն արձանագրած «Հավանա» ռեստորանային համալիրի տեսախցիկների տեսաձայնագրությունները, որով երևացել է, որ «Հավանա» ռեստորանային համալիրում հաճախորդների ներկայությամբ հայհոյանքներ տված և անվտանգության աշխատակից Սասուն Հայրապետյանին հարվածած անձը սպիտակ վերնազգեստ կրող Արամ Հարությունյանն է։ Քյարամյանը հայտնեց նաև, որ դեպքն արտա¬ցոլող այդ տեսագրութ¬յուն¬ներն հետա¬գայում վնասվել են, և տեսագրությունը հնարավոր չի եղել վերականգնել։ Արմինա Քյարամյանը Դատարանում վերահաստատեց, որ վիճաբա¬նությունը տևել է շուրջ 40 րոպե, որի արդյունքում ընդհատվել է համալիրի նորմալ գործունեությունը, իսկ հաճա¬խորդները դեպքից վախեցել ու արագ հեռացել են։ Նշեց, որ այդ օրն Արամ Հարություն¬յանը, Էդգար Մնացականյանը և Նարեկ Բլեյանը աղջիկների հետ միասին նստած են եղել «Հավանա» ռեստորանային համալիրի երկրորդ հարկում գտնվող բացօթյա «VIP» սրահում` աղջիկներից մեկի ծննդյան տարեդարձը նշելու առիթով։
Գործով որպես վկա հարցաքննված, «Հավանա» ռեստորանային համալիրի մենեջեր Հասմիկ Ավետիսյանի ցուցմունքով` այն մասին, որ 2011թ. սեպտեմբերի 25-ին` ժամը 23։30-ի սահմաններում, սրճարանի ելքի մոտ նկատել է հավաքված 5-6 տղաների, որոնցից մեկը ձեռքով հարվածել է Ադամ Մանուչարյանին, ով վայր է ընկել գետնին, իսկ մյուսները սկսել են ոտքերով հարվածել նրան։ Մոտենալով` պարզել է, որ վիճաբանողներն իրենց հաճախորդներ են, որոնցից երկուսը մինչ այդ մի քանի անձանց հետ նստած են եղել սրճարանի առաջին հարկում գտնվող պարահրապարակին կից` ապակեպատ թեյարանում, իսկ գետնին ընկած տղային հարվածող 4-5 երիտասարդ¬ներն աղջիկների հետ նստած են եղել սրճարանի երկրորդ հարկում գտնվող բացօթյա «VIP» սրահում։ Միջամտել են համալիրի անվտանգության աշխատա¬կիցները, իսկ հարվածող¬ներից մեկը մոտեցել է անգիտակից վիճակում գետնին ընկած Ադամ Մանուչար¬յանին, բարձրացրել և նստեցրել է աթոռին` փորձելով ուշքի բերել։ Ադամ Մանուչարյանին մոտեցել և օգնություն է ցույց տվել նաև մոտ 60 տարեկան մի տղամարդ։ Տեսածի մասին տեղյակ է պահել համալիրի տնօրեն Արմինա Քյարամյանին, ով ևս փորձել է ուշքի բերել Ադամին։ Այդ ժամանակ սրճարանի ներսից դուրս է եկել Վահե Հարությունյանը, ով տեսնելով Ադամի անգիտակից վիճակը` սկսել է հայհոյել և հետաքրքրվել, թե ով է Ադամին հարվածել` խոստանալով, որ այդ անձը դրա համար պատասխան է տալու։ Այդ պահին Ադամին հարվածած տղաները շրջվել են դեպի Վահե Հարությունյանը` վիճաբանելով ու հարվածելով նրան։ Ինքը միջամտել է և փորձել բաժանել` երիտասարդին պահելով, որպեսզի չհարվածեն վերջինիս, սակայն հարվածող 3-4 տղաներից մեկը, ցանկանալով հարվածել Վահե Հարություն¬յա¬նին, հարվածել է իր ձախ ոտքի ներքևի հատվածին, որից այն այտուցվել է։ Համալիրի անվտանգութ¬յան աշխատակից Սասուն Հայրապետյանը նույնպես փորձել է կանխել վիճաբանությունը, սակայն տղաներից հարված է ստացել և ցավից հայտնվել գետնին։ Շտապօգնություն են կանչել, որի բրիգադը Սասունին ու Ադամին տեղափոխել են հի¬վանդանոց։ Նշեց նաև, որ հավաքվածներից առավել ակտիվ են եղել երեքը, որոնցից մեկը սև շորերով, փոքրամարմին, նիհարավուն կազմվածքով սևամաշկ երիտասարդ էր, մյուս երկուսը բարձրա¬հասակ էին, մեկը` շիկահեր, առանց կոճակների սպիտակ գույնի վերնազգեստով, մյուսը` թուխ մաշկով։ Հայտնեց, որ այդ երեք տղաներն էլ հարվածել են Ադամ Մանուչարյանին, տվել բարձրաձայն հայհոյանքներ։
Գործով որպես վկա հարցաքննված, «Հավանա» ռեստորանային համալիրի մենեջեր Հրաչյա Մարտիրոսյանի ցուցմունքով ` այն մասին, որ 2011թ. սեպտեմբերի 25-ին` ժամը 16։00-ի սահմաններում, երկու երիտասարդ մոտեցել են իրեն և «Հավանա» ռեստորանային համալիրի երկրորդ հարկում գտնվող «VIP» բացօթյա սրահում 14 անձի համար սեղան պատվիրել։ Ժամը 23։00-ի սահ¬մաններում, դուրս է եկել համալիրից և նկատել, որ հավաքվել են մոտ 25-30 մարդ, իսկ վիճաբանողների մեջ ճանաչել է այն երիտասարդներին, ովքեր պատվիրել էին սրճարանի երկրորդ հարկում գտնվող «VIP» բացօթյա սրահը։ Երբ համալիրի անվտանգության աշխա¬տակից Սասուն Հայրապետյանը փորձել է հանդարտեցնել վիճաբանողներին, նրան ևս հար¬վածել են, որի հետևանքով Սասունն էլ է տեղափոխվել հիվանդանոց։
Դատաքննության ընթացքում հրապարակված և հետազոտված, գործով վկա Արշակ Պետրոսյանի ցուցմունքով` այն մասին, որ 2011թ. սեպտեմբերի 25-ին` ժամը 20։00-ի սահմաններում, «Հավանա» ռեստորանային համալիրի «VIP» բացօթյա սրահ են եկել նախօրոք սեղան պատ¬վի¬րած 5 երիտասարդներ և 4 աղջիկներ, որոնց, որպես մատուցող, ինքն է սպա¬սարկել։ Ժամը 23։30-ի սահմաններում, երբ գտնվել է սրճա¬րանի երկրորդ հարկում, երաժշտութ¬յունն ընդհատ¬վել է, լսվել են հայհոյանքի ու վիճաբա¬նության բարձր ձայներ։ Երկրորդ հարկից տեսել է, որ սրճա¬րանի դիմաց մարդիկ են հավաքվել ու վիճաբանում են։ Մոտենալով նրանց` նկատել է, որ համալիրի անվտանգության աշխատակից Սասուն Հայրապետ¬յանը գտնվում է վատ վիճակում, իսկ աթո¬ռի վրա գտնվող մի երիտասարդի օգնություն են ցուցաբերում։ Տնօրեն Արմինա Քյարամ¬յանի խնդրանքով անգիտակից վիճակում գտնվող տղայի համար ջուր է բերել, որից հետո նկատել է, որ «Հավանա» ռեստորանային համալիրի «VIP» բացօթյա սրահում իր սպասարկած սեղանի շուրջ մինչ այդ նստած տղաներն ակտիվ վիճաբանության մեջ են ինչ-որ մարդկանց հետ։
Դատաբժշկական փորձաքննության 2011 սեպտեմբերի 27-ի թիվ 2804 եզրակացությամբ, համաձայն որի` Նարեկ Բլեյանի ստացած մարմնական վնասվածքները` աջ և ձախ դաս¬տակ¬ների, ձախ ծնկահոդի, ձախ ոտնաթաթի շրջանների քերծվածքների ձևով, պատ¬ճառվել են բութ առարկաներով և առողջության թեթև վնասի հատկանիշներ չեն պարունակում։
Դատաբժշկական փորձաքննության 2011 հոկտեմբերի 10-ի թիվ 2809 եզրակացությամբ, համաձայն որի` Ադամ Մանուչարյանի մարմնական վնասվածքները` աջ այտային և ճակա¬տային շրջանի սալջարդերի, աջ վերին և ստորին կոպերի, աջ աչքի սպիտակու¬ցաթաղանթի արյունազեղումների, աջ դաստակի առաջին մատի եղունգային ֆալանգի քերծվածքի, աջ հայմորյան խոռոչի, ստորին ծնոտի և այտային աղեղի կոտրվածքների ձևով, որոնք ուղեկցվել են փակ գանգուղեղային վնասվածքով, հասցվել են բութ, կոշտ առարկաներով, որոնք առա¬ջացրել են առողջությանը միջին ծանրության վնաս, առողջության տևական քայքայումով։
Դատաբժշկական փորձաքննության 2011 հոկտեմբերի 19-ի թիվ 2834 եզրակացությամբ, համաձայն որի` Վոլոդիա Ղարաբաղցյանի ստացած մարմնական վնասվածքները` աջ ծնկան հոդի ներսային մակերեսի արյունազեղման և արյունահավաքի ձևերով` հասցվել են բութ, կոշտ առարկաներով, հնարավոր է նշված ժամկետում և որոշման մեջ նկա¬րագրված գոր¬ծի հանգա¬մանքներում։ Դրանք Ղարաբաղցյանի առողջությանը պատճառել են միջին ծանրության վնաս` առող¬ջութ¬յան տևական քայքայումով։
Դատակենսաբանական փորձաքննության 2011թ. հոկտեմբերի 19-ի թիվ 413 եզրակա¬ցությամբ, համաձայն որի` փորձաքննությանը ներկայացված Էդգար Մնացականյանի վեր¬նազգեստի վրա հայտնաբերված կասկածելի հետքերում հաստատվել է արյան առկայութ¬յուն, որը պատկանում է մարդու և ըստ արյան ABO իզոշճաբանական համակարգի, կարող էր առա¬ջանալ տուժող Ադամ Մանուչարյանից։
Իրեղեն ապացույց ճանաչված և գործին կցված` դեպքի օրն Էդգար Մնացականյանի կրած սպիտակ գույնի վերնաշապիկի, ինչպես նաև ամբաստանյալների արտաքին տվյալների նկարագրութ¬յունը բովանդակող` ՀՀ ոստիկանության Մալաթիայի բաժնի 2011թ. նոյեմբերի 8-ի թիվ 9719 գրութ¬յան առկայությամբ։

3. Դատարանի իրավական վերլուծությունները.
Պատշաճ իրավական ընթացակարգերի շրջանակներում հետազոտված ապացույցների գնահատման արդյունքներով Դատարանը հաստատված է համարում այն, որ ամբաստանյալ Արամ Հարությունյանը կատարել է հանցավոր արարք, որը նախատեսված է ՀՀ քրեական օրենսգրքի 258-րդ հոդվածի 3-րդ մասի 1-ին և 2-րդ կետերով, իսկ Էդգար Մնացական¬յանը և Նարեկ Բլեյանը` ՀՀ քրեական օրենսգրքի 258-րդ հոդվածի 3-րդ մասի 1-ին կետով նախա¬տես¬ված հանցավոր արարքներ։ Նրանց վերագրվող արարքները կատարվել են մեղավո¬րութ¬յամբ, որակված են ճիշտ, և ամբաստանյալներն քրեա¬կան պա¬տաս¬¬խա¬նատ¬վության ու պատժի ենթա¬կա են ՀՀ քրեական օրենսգրքի 258-րդ հոդվածի 3-րդ մասի նշված կետերով։
Ամբաստանյալների նկատմամբ նշանակվող պատժի տեսակը և չափը որոշելիս Դատա¬րանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համապա¬տասխանեն հանցանքի ծան¬րությանը, այն կա¬տա¬րելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնու¬թագրող տվյալներով, այդ թվում՝ պատասխանատվությունը և պատիժը մեղմացնող կամ ծան¬րացնող հանգամանքներով։ Նույն հոդվածի 3-րդ մասի համա¬ձայն` հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Օրենքի և դատարանի առջև հավասարության սկզբունքն ամրագրած ՀՀ քրեական դատա¬վարական օրենսգրքի 8-րդ հոդվածի համաձայն՝ որոշակի փաստական հանգա¬մանք¬ներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դա¬տա¬¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամա¬նակ։
ՀՀ Վճռաբեկ դատարանը Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը` նշել է, որ այն Դատարանին օժտել է անձի պատասխա¬նատ¬վությունը մեղմացնող հանգամանքների կիրառման լայն հայեցողությամբ, քանի որ պատիժ նշանակելիս Դատարանը կարող է հաշվի առնել նաև մեղմացնող այնպիսի հանգա¬մանքներ, որոնք նույն հոդվածի առաջին մասում նշված չեն։
Սույն գործով որպես պատասխանատվությունը և պատիժը մեղմացնող հանգա¬մանքներ, ինչպես նաև անձը բնութագրող տվյալներ, Դատարանը հաշվի ա¬ռավ այն, որ ամբաստան¬յալներն անկեղծորեն զղջացել ու իրենց լիովին մե¬ղավոր են ճանաչել, նախկինում դատա¬պարտ¬ված և արատավորված չեն, բնութագրվում են դրականորեն, երիտասարդ են։
Դատարանը որպես ամբաստանյալներ Նարեկ Բլեյանի ու Էդգար Մնացականյանի պատաս¬խանատ¬վությունը և պատիժը մեղմացնող հանգամանք է գնահատում նաև վերջին¬ներիս կողմից ՀՀ զինված ուժերում ծառայելու փաստը։
Որպես ամբաստանյալ Արամ Հարությունյանի պատասխանատվությունը և պատիժը մեղմացնող հանգամանք` Դատարանը, հաշվի է առնում այն, որ վերջինս դեռևս 2007թ. հոկ¬տեմ¬¬բերի 26-ին ամուսնացել է Բելլա Խաչատրյանի հետ, խնամքին են գտնվում վերջինիս մինչև 14 տարեկան երեք զավակները` 2002թ. ապրիլի 8-ին ծնված Դիանա Զիրոյանը, 2005թ. սեպտեմբերի 18-ին ծնված Սյուզաննա Զիրոյանը և 2007թ. ապրիլի 10-ին ծնված` Ռաֆիկ Զիրոյանը։
Դատաքննությամբ հետազոտված ապացույցներով` սթափության վիճակի զննման վերա¬բերյալ 2011թ. սեպտեմբերի 26-ի թիվ 103425, 103426 և 103428 արձա¬նագրութ¬յուններով, հաս¬տատվել է, որ հանցանքը կատարելիս ամբաստանյալներ Արամ Հարություն¬յանը, Էդգար Մնացականյանը և Նարեկ Բլեյանը գտնվել են ալկոհոլի ազդեցության տակ։
Թեև վերոնշյալ հանգամանքը նախատեսված է պատասխանատվությունը և պատիժը ծան¬րացնող, ՀՀ քրեական օրենսգրքի 63-րդ հոդվածի 1-ին մասում սպառիչ թվարկված հանգա¬մանքների ցանկում, սակայն նույն հոդվածի 2-րդ մասի համաձայն` ելնելով հանցագործության բնույթից Դատարանը կարող է վերոնշյալ հանգամանքը ծանրացնող չհա¬մարել։
Ալկոհոլի ազդեցության տակ հանցանք կատարելը սույն գործով որպես ծանրացնող հան¬գա¬մանք գնահատելու հարցը քննարկելիս` Դատարանը կիրառելի է համարում Դ.Հով¬հաննիսյա¬նի վերաբերյալ ՀՀ Վճռաբեկ դատարանի 2009թ. դեկտեմբերի 18-ի թիվ ԵԱՔԴ/0078/01/09 որոշման մեջ արտահայ¬տած մեկնաբանությունը, համաձայն որի` այն որպես պատասխանատվությունը և պատիժը ծանրացնող հանգամանք գնահատելու համար դա¬¬տա¬¬րանը պարտավոր է հանգամանորեն պարզել և հաշվի առնել, թե հանցավոր արարքն իր բնույ¬թով կապվա՞ծ է արդյոք հանցանք կատարած անձի՝ ալկոհոլ օգտագործած լինելու հետ, այսինքն` ալկոհոլի օգտագոր¬ծումն հանցանքը կատարելուն նպաստող պայման հան¬դիսացել է, թե` ոչ։
Ելնելով ամբաստանյալներ Արամ Հարությունյանին, Էդգար Մնացականյանին և Նարեկ Բլեյանին մեղսագրվող արարքների բնույթից, քննվող դեպքի հանգաման¬քներից` Դատարանը գտնում է, որ ալկոհոլի օգտա¬գործումը նախորդել և նպաստել է առանց նախնական համաձայ¬նության խմբակային խուլի¬գա¬նութ¬յան կա¬տար¬մանը, ուստի ալկոհոլի օգտագործումը գնահա¬տում է որպես ամբաս¬տանյալների պատասխանատվությունը և պա¬տիժը ծանրացնող հանգա¬մանք։
Վերոնշյալ հանգա¬մանք¬ներն հաստատվել են քրեական գործի նյութերում առկա փաս¬տա¬կան տվյալ¬ներով, իրական են և համապատասխանաբար նվազեցնում և ծանրաց¬նում են ամբաս¬¬տանյալ¬ների հան¬րային վտանգա¬վո¬րությունը։
ՀՀ քրեական օրենսգրքի 258-րդ հոդվածի 3-րդ մասով սահմանված հանցակազմերի պատ¬ժատեսակներն այլընտրանքային են` նախատեսում են տուգանք կամ ազատազրկում որոշակի ժամկետով, ուստի պատժի նպատակներն ապահովելու տեսանկյունով առաջնայինը սույն գործով ամբաստանյալների նկատմամբ նշա¬նակ¬վող պատժի տե¬սա¬կի ընտրության հարցն է։
Դատարանը, ղեկավարվելով ՀՀ քրեական դատավարության օրենսգրքի 61-րդ հոդվածի 3-րդ մասով, հաշվի առնելով Էդգար Մնացա¬կան¬յանի և Նարեկ Բլեյանի անձը, նրանց մեղ¬սագրվող հանցավոր արարքների բնույթը, դրանց կատարման հանգամանք¬ները` գտնում է, որ ամբաստանյալների նկատ¬մամբ անհրա¬ժեշտ է նշանակել պատիժ` առանց հասարա¬կությունից մեկուսացնելու, և այդ պատիժն արդա¬րացի ու ինքնին բավարար է նրանց ուղղելու և նոր հանցա¬գոր¬ծությունները կանխելու հա¬մար։
Թեև ամբաստանյալ Արամ Հարությունյանի կատա¬րած հանցանքը, ի համեմատություն Էդգար Մնացականյանի և Նարեկ Բլեյանի, առանձնանում է հանրային վտանգավորության ավելի բարձր աստիճանով` վերջինիս մեղ¬սագրվում է նաև խուլիգանության ընթացքում հասարակական կարգի պահպանության պար¬տա¬կանություններ կատարող անվտանգության աշխատակցին դիմադրություն ցույց տալը, սակայն ամբաստան¬յալ Ա.Հարությունյանի ամուս¬նացած լինելու, խնամքի տակ չորս ան¬ձանց, այդ թվում` մինչև 14 տարեկան երեք անչափա¬հասների առկայությունը, անկեղծորեն զղջալն ու իրենց լիովին մե¬ղավոր ճանաչելը, նախկինում դատա¬պարտ¬ված և արատավորված չլինելը, դրականորեն բնութագրվելն հաշվի առնելով` Դատարանը եզրակացնում է, որ պատժի նպատակներն ապահովելու տեսանկյու¬նով նրա նկատմամբ ևս անհրաժեշտ է նշա¬նակել պատիժ` առանց հասարա¬կությունից մեկուսացնելու, այդ պատիժն արդա¬րացի ու ինքնին բավարար է նրան ուղղելու և նոր հանցա¬գոր¬ծությունները կանխելու հա¬մար։ Միևնույն ժամանակ, Դատարանը գտնում է, որ ամբաստանյալ Ա.Հարությունյանի կատարած հանցանքի հանրային վտանգավորության աստիճանը բարձ¬րաց¬րած քննարկվող հանգամանքն անհրաժեշտ է հաշվի առնել նրա նկատմամբ տվյալ հոդ¬վածի պատժամասով սահմանված նվազ խիստ պատժա¬տեսակի` տուգանքի չափը որոշելիս` դրա առավելագույն չափը նշանակելու եղանակով։
Քննարկելով իրեղեն ապացույցների տնօրինման հարցը` Դատարանը գտնում է, որ դա¬տավճիռն օրինական ուժի մեջ մտնելուց հետո, գոր¬ծով իրեղեն ապացույց ճանաչված և Դատա¬րանում պահվող` Էդգար Մնացականյանի սպիտակ գույնի վերնաշապիկն անհրաժեշտ է վերադարձնել վերջինիս, իսկ ՀՀ ոստիկանության Մալաթիայի բաժնի 2011թ. նոյեմբերի 8-ի թիվ 9719 գրությունը թողնել սույն քրեական գործում։
Անդրադառնալով դատական ծախսերին և քննարկելով ամբաստանյալ Նարեկ Բլեյանից հօգուտ պետական բյուջեի 8000/ութ հազար/ ՀՀ դրամ գումարը, որպես նրան դատաբժշկա¬կան փորձաքննութ¬յան ենթարկելու համար կատարված ծախս, բռնագանձելու վերաբերյալ մեղադրողի ներկայացրած քաղաքացիական հայցին` Դատարանը գտնում է, որ ներկայաց¬ված քաղաքացիական հայցի հիմքն ու չափն ապացուցված են, այն լիովին ընդունեց նաև ամբաս¬տանյալը, հետևաբար` հայցը ենթակա է լրիվ բավարարման, իսկ գումարը, որպես դատական ծախս` բռնագանձման։
Ամբաստանյալ¬ների գույքի նկատմամբ արգելանք չի կիրառվել։
Քննարկելով խա¬¬¬փանման միջոցների հարցը` Դատարանը գտնում է, որ ամբաստան¬յալների նկատմամբ որպես խա¬¬¬փանման միջոց ընտրված չհեռանալու մասին ստորագրութ¬յունը անհրաժեշտ է վերացնել` դատավճիռն օրինական ուժի մեջ մտնելուց հետո։
Գնահատելով դատաքննությամբ հետազոտված ապացույց¬ները, ուսումնասիրելով ամբաս¬¬¬¬տան¬¬յալների անձը բնութագրող տվյալները, պատաս¬խանատ¬վութ¬յունն ու պատիժը մեղ¬մացնող և ծանրացնող հանգամանքները, ղեկա¬վարվելով ՀՀ քրեական դատավարա¬կան օրենսգրքի 119-րդ, 357-360-րդ, 168-րդ, 364-365-րդ, 369-373-րդ, 375-րդ հոդված¬ներով, Դատա¬րանը
Վ Ճ Ռ Ե Ց՝

1. Արամ Էդուարդի Հարությունյանին ճանաչել մեղավոր ՀՀ քրեական օրենսգրքի 258-րդ հոդ¬վածի 3-րդ մասի 1-ին և 2-րդ կետերով նախատեսված հանցա¬գործության կատարման մեջ, նրա նկատ¬մամբ նշա¬նակել պատիժ` տուգանք 500.000 /հինգ հարյուր հազար/ ՀՀ դրամի չափով։
Արամ Հարությունյանի նկատմամբ որպես խափանման միջոց ընտրված չհե¬ռանալու մասին ստո¬րագրությունը վերացնել` սույն դատավճիռն օրի¬նական ուժի մեջ մտնելուց հետո։
2. Էդգար Հարությունի Մնացականյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցա¬գործության կատարման մեջ, նրա նկատմամբ նշա¬նակել պատիժ` տուգանք 350.000 /երեք հարյուր հիսուն հազար/ ՀՀ դրամի չափով։
Էդգար Մնացականյանի նկատմամբ որպես խափանման միջոց ընտրված չհե¬ռանալու մասին ստո¬րագրությունը վերացնել` դատավճիռն օրի¬նական ուժի մեջ մտնելուց հետո։
3. Նարեկ Գագիկի Բլեյանին ճանաչել մեղավոր ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցա¬գործության կատարման մեջ, նրա նկատմամբ նշա¬նակել պատիժ` տուգանք 350.000 /երեք հարյուր հիսուն հազար/ ՀՀ դրամի չափով։
Նարեկ Բլեյանի նկատմամբ որպես խափանման միջոց ընտրված չհե¬ռանալու մասին ստո¬րագրությունը վերացնել` դատավճիռն օրի¬նական ուժի մեջ մտնելուց հետո։
Գործով իրեղեն ապացույց ճանաչված, Դատարանում պահվող` Էդգար Հարությունի Մնացականյանի սպիտակ գույնի վերնաշապիկը վերադաձնել վերջինիս, իսկ ՀՀ ոստիկանության Մալաթիայի բաժնի պետի 2011թ. նոյեմբերի 8-ի թիվ 9719 գրությունը թողնել սույն քրեական գործում` դատավճիռն օրինական ուժի մեջ մտնե¬լուց հետո։
Որպես դատական ծախս` Նարեկ Գագիկի Բլեյանից հօգուտ պետական բյուջեի բռնագանձել 8.000 /ութ հազար/ ՀՀ դրամ։
Դատավճիռը կարող է հրապարակման օրվանից մե¬կամսյա ժամկետում բողո¬քարկվել ՀՀ վերաքննիչ քրեական դատարան։

ԴԱՏԱՎՈՐ՝ Ա.ՎԱՐԴԱՆՅԱՆ