ԵԿԴ/0258/01/11






ՈՐՈՇՈՒՄ

ՔՐԵԱԿԱՆ ԳՈՐԾԻ ՎԱՐՈՒՅԹԸ ԿԱՐՃԵԼՈՒ ԵՎ
ՔՐԵԱԿԱՆ ՀԵՏԱՊՆԴՈՒՄԸ ԴԱԴԱՐԵՑՆԵԼՈՒ ՄԱՍԻՆ

14.03.2012թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ նաև` Դատարան)` նախագահող դատավոր Մ.Պապոյան, քարտուղարությամբ Ռ.Ավետյանի, մասնակցությամբ մեղադրող Վ.Միլիտոնյանի, ամբաստանյալ Սահակ Գոռի Պետրոսյանի, օրինական ներկայացուցիչ Վ.Ավետյանի, պաշտպան Ա.Առաքելյանի, դռնբաց դատական նիստում քննելով քրեական գործն ըստ մեղադրանքի Սահակ Գոռի Պետրոսյանի (ծնված 1963 թվականի մարտի 18-ին Երևան քաղաքում, ազգությամբ հայ, ՀՀ քաղաքացի, ութամյա կրթությամբ, ամուսնացած, նախկինում չդատապարտված, չի աշխատում, հաշվառված է Երևան քաղաքի Բրյուսովի փողոցի 58-րդ տանը, խափանման միջոց է ընտրվել ստորագրություն չհեռանալու մասին)` ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով

Պ Ա Ր Զ Ե Ց

2010 թվականի նոյեմբերի 27-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 69107910 քրեական գործը:
2010 թվականի նոյեմբերի 29-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69107910 քրեական գործով Սահակ Գոռի Պետրոսյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն բանի համար, որ նա առանց իրացնելու նպատակի խոշոր չափերի ափիոն տեսակի թմրամիջոց և պրեկուրսոր հանդիսացող քացախաթթվի անհիդրիդ ապօրինի ձեռք բերելու նպատակով 2010 թվականի նոյեմբեր ամսվա վերջերին Երևան քաղաքի Գրիգոր Լուսավորիչ փողոցի վրա գտնվող Ալեքսանդր Մյասնիկյանի արձանի մոտ հանդիպել է Գարեգին Յուրիկի Միսակյանի հետ, ապա վերջինին վճարելով 150.000 ՀՀ դրամ, առանց իրացնելու նպատակի, իր գործածման համար ապօրինի ձեռք է բերել խոշոր չափերի` 10 գրամ ափիոն տեսակի թմրամիջոց և 15մլ ծավալով պրեկուրսոր հանդիսացող քացախաթթվի անհիդրիդ: Սահակ Պետրոսյանը նշված թմրամիջոցի և քացախաթթվի անհիդրիդի մի մասը` խոշոր չափերի 8,2 գրամ ափիոնը և 1,8մլ ծավալով քացախաթթվի անհիդրիդը գործածել է, իսկ մնացած` խոշոր չափերի` 1,8 գրամ ափիոն տեսակի թմրամիջոցը և 1,8 մլ ծավալով պրեկուրսոր հանդիսացող քացախաթթվի անհիդրիդն ապօրինի պահել է իր մոտ, որը 2010 թվականի նոյեմբերի 26-ին հայտնաբերվել է ՀՀ ոստիկանության Երևան քաղաքի վարչության աշխատակիցների կողմից` նրա անձնական խուզարկությամբ:
2010 թվականի նոյեմբերի 30-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69107910 քրեական գործով Գարեգին Յուրիկի Միսակյանը ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով ներգրավվել է որպես մեղադրյալ:
2010 թվականի դեկտեմբերի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69107910 քրեական գործով Գարեգին Յուրիկի Միսակյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ, 2.1 կետերով և 266-րդ հոդվածի 4-րդ մասով:
2010 թվականի դեկտեմբերի 24-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Ա.Հովհաննիսյանի որոշմամբ թիվ 69107910 քրեական գործից անջատվել է Սահակ Գոռի Պետրոսյանի և Գարեգին Յուրիկի Միսակյանի վերաբերյալ մասը, որին շնորհվել է 69107910/1 համարը:
2010 թվականի դեկտեմբերի 29-ին Սահակ Գոռի Պետրոսյանի և Գարեգին Յուրիկի Միսակյանի վերաբերյալ թիվ 69107910/1 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որտեղ քրեական գործին շնորհվել է ԵԿԴ/0377/01/10 համարը:
2011 թվականի հունվարի 10-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Գ.Ավետիսյանի որոշմամբ թիվ ԵԿԴ/0377/01/10 քրեական գործն ընդունվել է վարույթ:
2011 թվականի հոկտեմբերի 27-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Մ.Պապոյանի որոշմամբ թիվ ԵԿԴ/0377/01/10 քրեական գործն ընդունվել է վարույթ:
2011 թվականի դեկտեմբերի 15-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0377/01/10 քրեական գործից անջատվել է Սահակ Գոռի Պետրոսյանի վերաբերյալ մասը, որին շնորհվել է ԵԿԴ/0258/01/11 համարը: Նույն որոշմամբ թիվ ԵԿԴ/0258/01/11 քրեական գործով վարույթը կասեցվել է:
2011 թվականի դեկտեմբերի 21-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի դատավոր Մ.Պապոյանի որոշմամբ թիվ ԵԿԴ/0258/01/11 քրեական գործը կասեցված վիճակում ընդունվել է վարույթ:
2012 թվականի մարտի 1-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0258/01/10 քրեական գործով վարույթը վերսկսվել է:
Քրեական գործի դատական քննության ընթացքում ամբաստանյալ Սահակ Գոռի Պետրոսյանը և նրա օրինական ներկայացուցիչ Վ.Ավետյանը խնդրել են «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման կիրառմամբ թիվ ԵԿԴ/0258/01/11 քրեական գործի վարույթը կարճել և Սահակ Գոռի Պետրոսյանի նկատմամբ քրեական հետապնդումը դադարեցնել:
ՀՀ ոստիկանության ինֆորմացիոն կենտրոնի պահանջագրի համաձայն` Սահակ Գոռի Պետրոսյանը նախկինում դատապարտված չի եղել:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ», իսկ նույն հոդվածի 5-րդ մասը սահմանում է, որ «դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը»:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 6-րդ կետի 2-րդ ենթակետի համաձայն` «քրեական հետապնդում պետք է չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում»:
ՀՀ քրեական օրենսգրքի 266-րդ հոդվածի 4-րդ մասի սանկցիան որպես պատիժ նախատեսում է տուգանք` նվազագույն աշխատավարձի առավելագույնը երկուհարյուրապատիկի չափով, կամ կալանք` առավելագույնը երեք ամիս ժամկետով, իսկ ՀՀ քրեական օրենսգրքի 268-րդ հոդվածի 2-րդ մասի սանկցիան` ազատազրկում` առավելագույնը երեք տարի ժամկետով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` Համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում են ՀՀ քրեական օրենսգրքի 266-րդ հոդվածի 4-ին մասը և 268-րդ հոդվածի 2-րդ մասը, այսինքն` ՀՀ քրեական օրենսգրքի 266-րդ հոդվածի 4-ին մասով և 268-րդ հոդվածի 2-րդ մասով նախատեսված արարքներ կատարած անձանց նկատմամբ համաներման կիրառումը սահմանափակված չէ:
Սույն քրեական գործի նյութերում բացակայում է նաև Համաներման որոշման 9-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ Սահակ Գոռի Պետրոսյանի նկատմամբ Համաներման որոշման կիրառման համար:
Դատարանը, հիմք ընդունելով վերը նշվածը, գտնում է, որ Համաներման որոշման կիրառմամբ սույն քրեական գործի վարույթը պետք է կարճել և Սահակ Գոռի Պետրոսյանի նկատմամբ ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով քրեական հետապնդումը դադարեցնել:
Դատարանը գտնում է, որ Սահակ Գոռի Պետրոսյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև սույն որոշման օրինական ուժի մեջ մտնելը:
Ելնելով վերոգրյալից, ղեկավարվելով ՀՀ քրեական դատավարության օրենսգրքի 35-րդ, 41-րդ, 313-րդ և 379-րդ հոդվածներով և հիմք ընդունելով «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշումը` Դատարանը

Ո Ր Ո Շ Ե Ց

Թիվ ԵԿԴ/0258/01/11 քրեական գործի վարույթը կարճել և Սահակ Գոռի Պետրոսյանի նկատմամբ ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով քրեական հետապնդումը դադարեցնել` համաներման ակտի ընդունման հիմքով:
Սահակ Գոռի Պետրոսյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև սույն որոշման օրինական ուժի մեջ մտնելը:
Որոշումը կարող է բողոքարկվել Հայաստանի Հանրապետության քրեական վերաքննիչ դատարան` հրապարակման օրվանից մեկամսյա ժամկետում:


ԴԱՏԱՎՈՐ Մ.ՊԱՊՈՅԱՆ