գործ թիվ ԵԿԴ0257/01/11






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ



Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը,

նախագահությամբ դատավոր` Արշակ Վարդանյանի
քարտուղարությամբ` Ժենյա Ավետիսյանի

մասնակցությամբ`

մեղադրող, Երևանի Կենտրոն և
Նորք-Մարաշ վարչական շրջանների
դատախազության ավագ դատախազ` Արսեն Բեգինյանի

պաշտպան` Ժորա Հարությունյանի,

2011թ. դեկտեմբերի 21-ին դռնբաց դատական նիստում արա¬գաց¬ված դատական քննութ¬յան կարգով քննեց քրեական գործն ըստ մե¬ղադ¬րանքի`
Ա ր տ ե մ Ե ր ջ ա ն ի կ ի Մ ի ն ա ս յ ա ն ի
(ծնված 1972թ. նոյեմբերի 15-ին, Երևան քաղաքում, ազգութ¬¬յամբ հայ, ՀՀ քաղա¬քա¬ցի, միջնակարգ կրթու¬թյամբ, ամուսնացած, խնամքին` երեք անձ, չի աշխա¬տում, նախ¬կինում չդատ¬ված, բնակվում է Երևանի Ն.Շենգավիթի 1-ին փողոցի 11-րդ տանը, որպես խա¬փանման միջոց է ընտրվել չհեռանալու մասին ստո¬րագրություն)

Գործի դատավարական նախապատմությունը.
Թիվ 13147311 քրեական գործն հարուցվել է 2011թ. հուլիսի 14-ին ՀՀ քրեական օրենսգրքի 178-րդ հոդվածի 2-րդ մասի 1-ին կետի հատկանիշներով ՀՀ ոստիկա¬նության քննչական գլխավոր վարչության Երևան քաղաքի Կենտրոնականի քննչական բաժնում։
2011թ. դեկտեմբերի 5-ին Արտեմ Մինասյանի նկատմամբ որպես խափանման միջոց է ընտրվել չհե¬ռանալու մասին ստորագրութ¬յուն։
2011թ. դեկտեմբերի 5-ին նախաքննության մարմինը Արտեմ Մինասյանին մե¬ղադրանք է առաջադրել ՀՀ քրեական օրենսգրքի 178-րդ հոդվածի 2-րդ մասի 1-ին կետով։
2011թ. դեկտեմբերի 12-ին սույն քրեական գործից առանձնացվել է մեղադրյալ Արթուր Մանուկյանի վերաբերյալ մասը, որով նախաքննությունը շարունակվում է թիվ 13147311/1 համա¬րով։
2011թ. դեկտեմբերի 15-ին սույն քրեական գործն Արտեմ Մինասյանի նկատմամբ ՀՀ քրեա¬կան օրենսգրքի 178-րդ հոդվածի 2-րդ մասի 1-ին կետով հաստատված մեղադրական եզրակա¬ցութ¬յամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրա¬վա¬սության դատարան և 2011թ. դեկտեմբերի 16-ին ընդունվել վարույթ։

Առաջադրված մեղադրանքի բովանդակությունը.
Արտեմ Մինասյանը, 2011թ. ապրիլի 29-ին` ժամը 15։00-ի սահմաններում, Երևանի Հյուսի¬սային պողոտա 2 հասցեի դիմաց գտնվող «Բիլայն» ընկերության գրասենյակի մոտ ընկերոջ` Արթուր Մանուկյանի հետ նախնական համաձայնության գալով, վերջինիս ծանոթ Կարինե Մխիթար¬յանի համար նույն գրասենյակից ապառիկ կարգով «նեթբուք» տեսակի երկու դյուրակիր համա¬կարգիչ իբր ձեռք բերելու և դրանք շուկայականից ցածր գնով Մխիթարյանին վաճառելու պատրվա¬կով, նրանից խաբեությամբ վերցրել է 300.000 ՀՀ դրամ գումար և չարաշահելով Մխիթարյանի վստահությունը` հափշտակել այն և պատճառել զգալի չափի նյութական վնաս։
Վերոնշյալ արարքը կատարելու համար Արտեմ Մինասյանին մեղադրանք է առա¬ջադրվել ՀՀ քրեական օրենսգրքի 178-րդ հոդվածի 2-րդ մասի 1-ին կետով։

Արագացված դատական քննություն.
Մինչ դատաքննությունը սկսելն ամբաստանյալ Արտեմ Մինասյանը միջնորդեց գործը քննել դատական քննության արագացված կարգով` հայտարարելով, որ վերոնշյալ միջնոր¬դությունը ներկա¬¬յացնում է կամավոր, նախապես խորհրդակցելով պաշտպանի հետ, գիտակ¬ցում է արա¬գացված կարգով դատաքննութ¬յուն անցկացնելու իրավական հետևանքները։ Ամբաստանյալ Մինասյանն հայտարարեց նաև, որ առաջադրված մե¬ղադրանքն իրեն պարզ և հասկանալի է, համա¬ձայն է դրա հետ և առաջադրված մեղադրանքում իրեն լիովին մեղավոր է ճանաչում, տու¬ժողին պատճառված վնասն կամովին և ամբողջությամբ վերականգնել է։ Մեղադրողը, Դատարա¬նում վերահաստատելով մեղադրական եզրակացությամբ հայտնած իր դիրքորոշումը, գործն արագացված դատաքննության կարգով քննելու դեմ չա¬ռարկեց, տուժող Կարինե Խաչատրյանը դատարանին հասցեագրած դիմումով` ևս։
Դատարանը, քննության առնելով ամբաստանյալ Արտեմ Մինասյանի վերոնշյալ միջնոր¬դութ¬յունը, հաշվի առնելով մե¬ղադրողի ու տուժողի դիրքորո¬շումները և փաստելով, որ առկա են ՀՀ քրեական դատավա¬րության օրենսգրքի 375.1 և 375.2 հոդվածներով նախա¬տեսված հիմ¬քերն ու պայման¬ները, որոշեց գործը քննել արագացված դա¬տաքննության կարգով։

Դատարանի իրավական վերլուծությունները.
ՀՀ քրեական օրենսգրքի 178-րդ հոդվածի 2-րդ մասի 1-ին կետով Արտեմ Մինասյանին առա¬ջադրված մեղադրանքը Դատարանը հաստատված համարեց` հաշվի առնելով ամբաստանյալ Մինասյանի խոստովանա¬կան ցուցմունք¬ները, տուժող Կարինե Մխիթարյանի, վկա Հովհաննես Աբրահամյանի ցուցմունքները, որպես ապացույց ճանաչված` Արթուր Մանուկյանի բացատրութ¬յունները, ինչպես նաև հեռախոսային վերծանումներն ու վերծանումները զննության ենթարկելու վերաբերյալ կազմված արձանագրությունը։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն եզրահանգման, որ Արտեմ Մինասյանին առաջադրված մեղադրանքի հիմքում դրված այդ ապա¬ցույցներն ըստ էության համապա¬տասխանում են ՀՀ քրեական դատա¬վարութ¬յան օրենսգրքով սահմանված թույլատրելիության և վերաբերելիության, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարարության չափանիշներին։ Դատարանը գտնում է, որ Ա.Մինասյանին մեղսագրվող արարքը` ուրիշի զգալի չափի գույքը խաբեությամբ հափշտա¬կութ¬յունը, որը կատարվել է մի խումբ անձանց կողմից նախնական համաձայնությամբ, ՀՀ քրեական օրենսգրքի 178-րդ հոդ¬վածի 2-րդ մա¬սի 1-ին կետով որակված է ճիշտ, վերջինս քրեական պա¬տաս¬¬խա¬նատ¬վության և պատժի է ենթակա այդ հոդվածով։
Ամբաստանյալ Արտեմ Մինասյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղ¬ղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
Սույն գործով որպես պատասխանատվությունը և պատիժը մեղմացնող այդպիսի հանգա¬մանքներ Դատարանը հաշվի ա¬ռավ այն, որ ամբաստանյալ Արտեմ Մինասյանը կատարել է մի¬ջին ծանրության հանցանք, որում անկեղծորեն զղջացել և իրեն լիովին մե¬ղավոր է ճանաչել, նախ¬կինում դատապարտված չի եղել, բնութագրվում է դրականորեն, խնամքին ունի երեք անչափահաս երեխա, ընտանիքի միակ կերակրողն է, կամովին և ամբողջութ¬յամբ հատուցել է տուժողին պատճառած նյութական վնասը։
Վերոնշյալ հանգա¬մանք¬ներն հաստատվել են քրեական գործի նյութերում առկա փաս¬տական տվյալ¬ներով, իրական են և ողջամտորեն նվազեցնում են Արտեմ Մինասյանի անձի հանրային վտանգա¬վո¬րությունը։
Ամբաստանյալ Արտեմ Մինասյանի պատասխանատվությունը և պատիժը ծանրացնող որևէ հանգամանք դատարանը չարձանագրեց։
Ամբաստանյալի նկատմամբ նշանակվող պատժի տեսակը որոշելիս` Դատարանը հաշվի առավ ՀՀ քրեական օրենսգրքի 61-րդ հոդվածի 3-րդ մասի պահանջն առ այն, որ հանցա¬գործության հա¬մար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
Տվյալ դեպքում, հաշվի առնելով ամբաստանյալ Արտեմ Մինասյանի կատարած հան-ցանքի բնույթն ու հանրության համար վտանգավորության աստիճանը` այդ թվում խմբի կազմում հանցանք կատարելու հանգամանքը, դատարանը գտնում է, որ ՀՀ քրեական օրենսգրքի 178-րդ հոդվածի 2-րդ մասի 1-ին կետով նրա կատարած հանցագործության համար նախատեսված նվազ խիստ պատժատեսակը չի կարող ապահովել պատժի նպատակները, և ամբաստանյալ Մինասյանը պետք է դատա¬պարտվի ազատազրկման, ինչն արդարացի և անհրաժեշտ է սոցիա¬լական արդարությունը վերականգնելու և ամբաստանյալի կողմից նոր հանցագործությունների կատարումը կանխելու համար։
Ամբաս¬տան¬յալ Արտեմ Մինասյանի նկատմամբ նշանակվող պատժի չափը որոշելիս Դատարանը հաշվի առավ այն, որ ՀՀ քրեական օրենսգրքի 178-րդ հոդվածի 2-րդ մասի պատ¬ժամասը «ՀՀ քրեական օրենսգրքում փոփոխություններ և լրացումներ կատարելու մասին» 2011թ. մայիսի 23-ին ընդունված ՀՀ օրենքով փոփոխվել է, ազատազրկման առավելագույն չափը վեցից նվազել է հինգի։ Ամբաստանյալ Արտեմ Մինասյանը հանցանքը կատարել է 2011թ. ապրիլի 29-ին, այսինքն` նախքան օրենքի այս փոփոխությունն ուժի մեջ մտնելը, սակայն պատիժը մեղմացնող այս օրենքին, ՀՀ քրեական օրենսգրքի 13-րդ հոդվածի 1-ին մասի ուժով, պետք է տրվի հետադարձ ուժ, և այն պետք է տարածվի նաև ամբաստանյալ Մինաս¬յանի նկատմամբ։ Դատա¬րանը հաշվի առավ նաև արագացված դատական քննության կարգով մե¬ղադրա¬կան դա¬տավճիռ կայացնելիս պատիժ նշա¬նա¬կելու` ՀՀ քրեական դատա¬վա¬րական օրենսգրքի 375.3-րդ հոդվածի 6-րդ մասով սահմանված սկզբունքը` նշանակվող պատժաչափի հաշ¬վարկ¬ման ելակետ ընդունելով ՀՀ քրեական օրենսգրքի 178-րդ հոդվածի 2-րդ մասով նախա¬տես¬ված առավել խիստ պատժատեսա¬կ ազատազրկման առավելագույն սահմանը` 5 տարին։
Դատարանը, ամբաստանյալ Մինասյանի նկատմամբ պատիժ նշանակելիս, կիրառելով 2011թ. մայիսի 26-ին ուժի մեջ մտած «Հայաստանի Հանրապետության անկախության հռչակման 20-րդ տարեդարձի կապակցութ¬յամբ համաներում հայտարարելու մասին» ՀՀ Ազգային ժողովի որոշ¬ման պահանջները, գտնում է, որ անհրաժեշտ է նույն որոշման 1-ին հոդ¬վածի 1-ին կետի հիմքով ամբաստանյալ Մինասյանին ազատել սույն դատավճռով նշանակվող պատժի կրումից։
Դատարանը գտնում է նաև, որ ամբաստանյալ Արտեմ Մինասյանի նկատմամբ որպես խա¬¬¬փանման միջոց ընտրված չհեռանալու մասին ստորագրությունը փոփոխելու կամ վերացնելու հիմ¬քերը բացա¬կա¬յում են։
Հաշվի առնելով, որ գործով տուժող Կարինե Մխիթարյանին պատճառված նյութական վնասը դեռևս նախաքննության փուլում ամբաստանյալ Արտեմ Մինասյանը կամովին և ամբող¬ջությամբ վերականգնվել է, որպիսի հանգամանքն հաստատվեց նաև տուժող Մխիթարյանի` դատարանին 2011թ. դեկտեմբերի 21-ին հասցեագրած դիմումով, դատարանը քաղաքացիական հայցի հարցն համարում է լուծված։
Գնահատելով նախաքննությամբ ձեռք բերված ապացույց¬ները, ուսումնասիրելով ամբաս¬տանյալ Արտեմ Մինասյանի անձը բնութագրող տվյալները, պատասխանատ¬վութ¬յունն ու պատիժը մեղմացնող հանգամանքները, հաշվի առնելով պատասխանատվությունն ու պատիժը ծանրացնող հանգա¬մանքների բացա¬կայությունը, ղեկավարվելով ՀՀ քրեական դատավարության օրենսգրքի 357-360-րդ, 364-365-րդ, 369-373-րդ, 375-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց՝

Արտեմ Մինասյանին ճանաչել մեղավոր ՀՀ քրեական օրենսգրքի 178-րդ հոդվածի 2-րդ մասի 1-ին կետով նախատեսված հանցա¬գործության կատարման մեջ, նրան դատապարտել ազատազրկման 2/երկու/ տարի 6/վեց/ ամիս ժամկետով։
Կիրառելով 2011թ. մայիսի 26-ին ուժի մեջ մտած «ՀՀ անկախության հռչակման 20-րդ տարե¬դարձի կապակցությամբ համաներում հայտարարելու մասին» ՀՀ Ազգային ժողովի որոշ¬ման 1-ին հոդվածի 1-ին կետը` Արտեմ Մինասյանին ազատել նշանակված պատիժը կրելուց։
Արտեմ Մինասյանի նկատմամբ որպես խափանման միջոց ընտրված չհե¬ռանալու մասին ստո¬րագրությունը թողնել անփոփոխ` մինչև սույն դատավճիռն օրի¬նական ուժի մեջ մտնելը։
Գործով տուժող Կարինե Մխիթարյանի քաղաքացիական հայցն համարել լուծված` այն ամբողջությամբ վերականգնվելու հիմքով։
Դատավճիռը կարող է հրապարակման օրվանից մե¬կամսյա ժամկետում բողո¬քարկվել ՀՀ վերաքննիչ քրեական դատարան` բացառությամբ ՀՀ քրեական դատա¬վարության օրենսգրքի 395-րդ հոդ¬¬վածի 1-ին կետով նախատեսված հիմքի։


ԴԱՏԱՎՈՐ՝ Ա.ՎԱՐԴԱՆՅԱՆ