գործ թիվ ԵԿԴ0254/01/11





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը,


նախագահությամբ դատավոր` Արշակ Վարդանյանի
քարտուղարությամբ` Ժենյա Ավետիսյանի

մասնակցությամբ`

մեղադրող, Երևանի Կենտրոն և Նորք-Մարաշ
վարչական շրջանների դատախազության
ավագ դատախազ` Սերգեյ Աբրահամյանի

տուժող` Վալերի Աբաղյանի


2012թ. հունվարի 27-ին դռնբաց դատական նիստում քննեց քրեական գործն ըստ մեղադրանքի`

Վ ա ր ո ւ ժ ա ն Ա ր թ ո ւ ր ի Գ յ ո ւ ր ջ ի ն յ ա ն ի
(ծնված 1982թ. դեկտեմբերի 02-ին, Երևանում« ազ¬գությամբ հայ« ՀՀ քաղաքացի« բարձրագույն կրթությամբ« ամուսնացած, խնամքին երկու անչա¬փա¬հաս, բարձրագույն կրթությամբ« աշխա¬տում է «Պռոնտո» ՍՊ ընկերության գործադիր տնօրեն, նախ¬կի¬¬նում չդատա¬պարտ¬ված« հաշվառ¬ված` Երևանի Աբովյան փողոցի 22-րդ շենքի 3-րդ բնակարանում, փաս¬¬տացի բնակվում է Կոտայքի մարզի Ձորաղբյուր 3-րդ այգետարածք, 8-րդ թաղամասի թիվ 14 տանը, որպես խա¬փանման միջոց է ընտրվել չհեռանալու մասին ստո¬րագրությունը)


1. Գործի դատավարական նախապատմությունը.
Մասնավոր հետապնդման թիվ 15117511 քրեական գործն հարուցվել է ՀՀ քրեական օրենսգրքի 117-րդ հոդվածի հատկանիշներով 2011թ. օգոստոսի 22-ին ՀՀ ոստիկա¬նության քննչական գլխավոր վարչության Երևան քաղաքի վարչության Կենտրոնականի քննչական բաժնում` քաղաքացի Վալերի Աբաղյանի հաղորդման հիման վրա։
2011թ. նոյեմբերի 17-ին Վարուժան Գյուրջինյանին մեղադրանք է առաջադրվել ՀՀ քրեա¬կան օրենսգրքի 117-րդ հոդվածով, նույն օրը նրա նկատմամբ որպես խափանման միջոց է ընտրվել չհեռանալու մասին ստորագրություն։
2011թ. դեկտեմբերի 15-ին քրեական գործը Վարուժան Գյուրջինյանի նկատմամբ ՀՀ քրեական օրենսգրքի 117-րդ հոդվածով հաստատված մեղադրական եզրա¬կացությամբ ուղարկվել է Երևանի Կենտրոն և Նորք-Մարաշ վարչական շրջանների ընդ¬հանուր իրավա¬սության դա¬տարան /այսուհետ` Դատարան/ և ընդուն¬¬վել է վարույթ։

2.Ապացույցների հետազոտում և գնահատում.
Դատաքննությամբ հետազոտված ապացույցներով Դատարանը հաստատված համարեց այն, որ ամբաստանյալ Վարուժան Գյուրջինյանը, հանդիսանալով «Պռոնտո» ՍՊ ընկերության գործադիր տնօրեն, իրականացրել է Երևանի Բուզանդի փողոցի 7-րդ շենքի 11-ից 37-րդ բնակարանները սպասարկող մուտքում` 2011թ. հունիսի 27-ին տեղի ունեցած հրդե¬հից բնակիչներին պատճառված վնասից վերականգնման աշխատանքները։
2011թ. հուլիսի 18-ին` ժամը 12։40-ի սահմաններում, նույն շենքի բնակիչ, գործով տուժող Վալերի Աբաղյանը վերանորոգման աշխատանքների ընթացքի վերաբերյալ պարզա¬բանումներ է պահանջել ամբաստանյալ Գյուրջինյանից, ով ցավագին ընդունելով` սկսել է վիճաբանել տուժող Աբաղյանի հետ, ձեռքով հարվածելով նրա գլխին, ինչի հետևանքով դիտավորությամբ Աբաղյանի առողջությանը պատճառել է առողջությանը կարճատև քայաքայող թեթև մարմնական վնաս` գանգուղեղային տրավմայի երևույթների ձևով։
Ամբաստանյալ Վարուժան Գյուրջինյանն իր վերոնշյալ գործողությունները դադա¬րեցրել է միայն գործով վկա Արմեն Սապոնջյանի միջամտության արդյունքում։
Նշված հանցավոր արարքը կատարելու համար Վարուժան Գյուրջինյանին մեղադրանք է առաջադրվել ՀՀ քրեական օրենսգրքի 117-րդ հոդվածով։
Առաջադրված մեղադրանքում ամբաստանյալ Վարուժան Գյուրջինյանը, ինչպես նա¬խաքննութ¬յան, այնպես էլ դատաքննության ընթացքում իրեն մեղավոր չճանաչեց` ընդունելով, որ թեև վիճաբանություն եղել է, սակայն Վալերի Աբաղյանին չի հարվածել և նրա առող¬¬ջությանը որևէ վնաս պատճառել չէր կարող։ Իր անհամաձայ¬նությունն հայտնեց դատաբժշկական փորձաքննության 2011թ. օգոստոսի 9-ի թիվ 2023 եզրակացության հետևությունների հետ, յուրովի մեկնաբանելով տուժող Աբաղյանի դա¬տաքննա¬կան ցուցմունքը, պատճառաբանեց, թե իբր դեպքի օրը բժշկի մոտ չի գնացել, հետևաբար` դատաբժշկական եզրակա¬ցությունը չի կարող արժանահավատ լինել։ Տուժող Աբաղյանի գլխին հայտնաբերված մարմնական վնասվածքի վերա¬բերյալ հայտնեց, որ Աբաղյանն իրեն զրպարտում է և այդ վնասվածքն առաջացել է այլ հանգա¬մանքներում։
Ամբաստանյալ Վ.Գյուրջինյանի պատճառաբանություններն անհիմն են ու մտա¬ցա¬ծին, հետապնդում են քրեական պատասխանատվությունից ու պատժից խուսափելու նպա¬տակ, դրանք հերքվել, իսկ առաջադրված մեղադրանքն հիմնավորվել է պատշաճ իրավական ընթացակարգերի շրջանակներում դատաքննությամբ հետա¬զոտ¬ված ներքոհիշ¬յալ ապա¬ցույց¬ներով.
Տուժող Վալերի Աբաղյանի ցուցմունքով.
Վերջինս, իրազեկվելով մասնավոր մեղադրանքի վերաբերյալ սույն գործով ամբաս¬տանյալ Վարուժան Գյուրջինյանի հետ հաշտվելու իր իրավունքի մասին, որի դեպքում քրեական հետապնդումը ենթակա է դադարեցման, ողջ դատական քննության ընթացքում հաշտության դիմում չներկայացրեց, խնդրեց Գյուրջինյանին ենթարկել քրեական պատաս¬խա¬¬նատվության, որի կապակցությամբ գործի վարույթը շարու¬նակվեց ընդհանուր կարգով։
Բացի այդ, ըստ էության վերահաստատելով նույնա¬բովանդակ նախաքննա¬կան ցուցմունք¬ները` Դատարանում հայտնեց, որ 2011թ. հուլիսի 18-ին` ժամը 12։40-ի սահման¬ներում, իրենց շենքի մուտքի մոտ հանդիպել է Վարուժան Գյուրջինյանին և հարցրել, թե երբ է կիսատ թողնված գործն ավարտելու, այսինքն յուրաքանչյուր բնակչից նախապես հավաքված 100.000 ՀՀ դրամ գումարի դիմաց բնակարանի հոսանքամատակարարման այրված հաղորդալարերը նորով փոխարինելու և հոսանքամատակարարումը վերա¬կանգ¬նելու։ Գյուրջինյանը այդ խոսքից զայրացել է, հայհոյել և վիճաբանել է իր հետ, այդ ընթաց¬քում ձեռքով հարվածել է իր գլխին և պատճառել մարմնական վնասվածք։ Նշվածի կապակցությամբ դիմել է ՀՀ ոստիկանության բաժին, այցելել հիվանդանոց և ստացել համա¬պատասխան բժշկական օգնություն։ Պահանջեց պատճառված նյութական և բարոյական վնասների, այդ թվում` բուժման համար արդենիսկ ծախսված 70.000 ՀՀ դրամի, դեռևս ընթացող բուժման և լիարժեք ապաքինման համար ծախսվելիք գումարների, ինչպես նաև իրեն պատճառված բարոյական վնասի հա¬տու¬ցում` դժվարանալով որոշակիացնել տվյալ պահին կրած իրական վնասի չափը։
Տուժող Վ.Աբաղյանն իր ցուցմունքները պնդել է նաև ամբաստանյալ Վ.Գյուրջինյանի հետ առերես հարցաքննվելիս։
Գործով որպես վկա հարցաքննված, նյարդավիրաբույժ Տիգրան Խաչատրյանի ցուցմունքներով.
Վերջինս հայտնեց, որ 2011թ. հուլիսի 18-ին` ժամը 16։30-ի սահմաններում, Երևանի պետական բժշկական համալսարանի թիվ 1 հիվանդանոց բուժօգնութ¬յան է դիմել Վալերի Աբաղյանը, ով հայտնել է, որ նույն օրը` ժամը 13։00-ի սահմաններում, վերջինիս գլխին բռունցքով հարվածել են, որից հետո ինքնազգացողությունը վատացել է, առաջացել են շշմածություն, ընդհանուր թուլություն, բերանի չորություն, ձախ ձեռքի և ոտքի թմրածություն և թուլություն։
Գործով որպես վկա հարցաքննված, բուժքույր Լիլիթ Բաբաջանյանի ցուցմունքներով, այն մասին, որ 2011թ. հուլիսի 18-ին` ժամը 16։50-ի սահմաններում, Երևանի պետական բժշկական համալսարանի թիվ 1 հիվանդանոց հիվանդանոցում բուժօգնության դիմած Վալերի Աբաղյանն հայտնել է, որ նույն օրը` ժամը 13։00-ի սահմաններում, Երևանի Բուզանդի 7-րդ շենքի մոտ տեղի ունեցած վիճաբանության ընթացքում գլխին բռունցքով հարվածել է իրենց շենքի աշխատողը, այդ պատճառով գանգատվել է գլխացավից, թուլությունից, բերանի չորությունից, ձախ ձեռքի և ոտքի թուլությունից։
Վկա Արմեն Սապոնջյանի ցուցմունքով` այն մասին, որ 2011թ. հուլիսի 18-ին` ժամը 12։00-ի սահմաններում, Երևանի Բուզանդի 7 հասցեում գործող իր գրասենյակի մոտ ականատես է եղել Վարուժան Գյուրջինյանի Վալերի Աբաղյանի հետ վիճաբանելիս, մոտեցել է նրանց և պահանջել դադարեցնել վիճաբանությունը։ Հայտնեց նաև, որ իր միջամտությունից հետո այդ անձինք միմյանց չեն հարվածել ու չեն հայհոյել։
Դատաբժշկական փորձաքննության 2011թ. օգոստոսի 09-ի թիվ 2023 եզրակա¬ցութ¬յամբ, համաձայն որի` Վալերի Աբաղյանի ստացած մարմնական վնասվածքը` գանգուղե¬ղային տրավմայի երևույթների ձևով, պատ¬ճառված է բութ առարկայի ազդեցութ¬յամբ, հնարավոր է գործի հանգամանքներում և նշված ժամանակին և պատճառել է առողջությանը թեթև վնաս` առողջության կարճատև քայքա¬յումով։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները վերաբերե¬լիության և թույլատրելիության, ըստ համակցության` գործի լուծման համար բավարարութ¬յան տե¬սանկյունից` Դատարանը հաստատված է համարում այն, որ ամբաստանյալ Վարուժան Գյուրջինյանը տուժող Վալերի Աբաղյանի առողջությունը դիտավորությամբ պատ¬ճառել է կարճատև քայքայող թեթև մարմնական վնասվածք, այսինքն` կատարել է հանցա¬վոր արարք« որն համապատաս¬խանում է ՀՀ քրեական օրենսգրքի 117-րդ հոդվածով նախատեսված հանցա¬գործության հատկանիշ¬ներին, հետևա¬բար` Վ.Գյուրջինյանը քրեա¬կան պա¬տաս¬¬խա¬նատ¬վության և պատժի է ենթակա այդ հոդվածով։
Ամբաստանյալ Վարուժան Գյուրջինյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համապա¬տասխանեն հանցանքի ծան¬րութ¬յանը, այն կատարելու հանգամանքներին, հանցավորի անձնավորությանը, անհրա¬ժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հան¬րության համար վտանգավորության աստիճանով և բնույթով, հանցավորի անձը բնու¬թագրող տվյալ¬ներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
ՀՀ քրեական օրենսգրքի 61-րդ հոդվածի 3-րդ մասի համաձայն` հանցագործության համար նախատեսված պատիժներից առավել խիստը նշանակվում է, եթե նվազ խիստ տեսակը չի կարող ապահովել պատժի նպատակները։
ՀՀ քրեական օրենսգրքի 117-րդ հոդվածով սահմանված հանցա¬կազմը, որպես պատժատեսակ, նախա¬տեսում է տուգանք և կալանք։ ՀՀ քրեական օրենսգրքի 57-րդ հոդվածի 2-րդ մասի համաձայն` կալանքը չի նշա¬նակվում դատավճիռը կայացնելու պահին (….) խնամքին մինչև ութ տարեկան երեխա ունե¬ցող անձանց նկատմամբ։
Դատաքննությամբ հետազոտված ապացույցների համաձայն` Վարուժան Գյուրջին¬յանը խնամքին ունի մինչև ութ տարեկան երկու երեխա, հետևաբար` ՀՀ քրեական օրենսգրքի 57-րդ հոդվածի ուժով ամբաստանյալ Վարուժան Գյուրջինյանի նկատ¬մամբ առավել խիստ պատժատեսակը` կալանքը, նշանակվել չի կարող, նրա նկատմամբ կարող է նշանակվել պատիժ` բացառապես տուգանքի ձևով, ինչն անհրա¬ժեշտ և բավարար է նրան ուղղելու և նոր հանցա¬գործությունները կանխելու համար։
Սույն գործով որպես պատասխանատվությունը և պատիժը մեղմացնող հանգա¬մանքներ Դատարանն հաշվի ա¬ռավ այն, որ ամբաստանյալ Վարուժան Գյուրջին¬յանը խնամքին ունի մինչև տասնչորս տարեկան երկու երեխա (2007թ. դեկտեմբերի 10-ին ծնված Կատրին Վարուժանի Գյուրջինյան և 2009թ. մայիսի 9-ին ծնված Վարդան Վարուժանի Գյուրջինյան), ոչ մեծ ծան¬րութ¬յան հանցանքը կատարել է հանգամանքերի պատահական զուգորդմամբ, նախ¬կինում դատապարտված չի եղել։
Պատասխանատվությունը և պատիժը մեղմացնող վերոնշյալ հանգամանքներն հաս¬տատված են գործով ձեռք բերված և դատաքննությամբ հետա¬զոտված, թույլատրելիութ¬յան ու վերաբերելիության չափանիշներին համապատասխանող ապացույց¬ներով և ող¬ջամտո¬րեն նվազեցնում են ամբաստանյալ Վարուժան Գյուրջինյանի արարքի հանրային վտան¬գավո¬րությունը։
Ամբաստանյալ Վարուժան Գյուրջինյանի պատասխանատվությունը և պա¬տիժը ծան¬րացնող հանգամանքներ Դատարանը չարձանագրեց։
Քննարկելով գործով տուժող Վալերի Աբաղյանին պատճառված վնասի հատուցման հարցը` Դատարանը գտնում է, որ վերջինիս քաղաքացիական հայցը պետք է թողնել առանց քննության` նրան իրավունք վերապահելով պատճառված վնասի հատուցման համար քաղա¬քացիական դատավարական կարգով դիմելու դատարան։ Նման հետևության Դատարանը հանգեց` հաշվի առնելով այն, որ տուժողի առողջությունը, ըստ նրա խոսքերի, դեռևս վերա¬կանգնման փուլում է, հետևաբար` բուժման ծախսերի վերջնական չափը կպարզվի միայն նրա ապաքինվելուց հետո։
Ամբաստանյալ Վարուժան Գյուրջինյանի գույքի նկատմամբ արգելանք չի կիրառվել, գործով իրեղեն ապացույց չկա։
Դատարանը գտնում է, որ ամբաստանյալ Վարուժան Գյուրջինյանի նկատմամբ որպես խա¬¬¬¬փան¬ման միջոց ընտրված չհեռանալու մասին ստորագրությունը փոփոխելու կամ վերացնելու հիմքերը բացա¬կա¬յում են` մինչ սույն դատավճռի ուժի մեջ մտնելը։
Գնահատելով դատաքննությամբ հետազոտված ապացույց¬ները, ամբաս¬տանյալ Վարուժան Գյուրջինյանի անձը բնութագրող տվյալները, այդ թվում` պատասխանատ¬վութ¬յունն ու պա¬տիժը մեղմացնող հանգամանքները, հաշվի առնելով նրա պատասխանատ¬վութ¬յունն ու պա¬տիժը ծանրացնող հանգամանքների բացակայությունը, ինչպես նաև նրան մեղսագրվող հան¬ցա¬գոր¬ծության բնույթն ու հանրության համար վտան¬գա¬¬¬վո¬րության աստի¬ճանը, ղեկավար¬վելով ՀՀ քրեական դատավա¬րա¬կան օրենսգրքի 357-360-րդ, 364-365-րդ, 367-րդ և 369-373-րդ հոդված¬ներով՝ Դատա¬րանը

Վ Ճ Ռ Ե Ց ՝

Վարուժան Արթուրի Գյուրջինյանին ճանաչել մեղավոր ՀՀ քրեական օրենսգրքի 117-րդ հոդ¬վածով նախատեսված հանցա¬գործության կատարման մեջ, նրա նկատմամբ նշանակել պատիժ` տուգանք 100.000 /հարյուր հազար/ ՀՀ դրամի չափով, որի կատարումն հանձնա¬րարել ՀՀ ԱՆ քրեակատարողական վարչության այլընտրանքային պատիժների կատարման ստո¬րաբա¬ժան¬մանը։
Վարուժան Գյուրջինյանի նկատմամբ որպես խափանման միջոց ընտրված չհեռանալու մա¬սին ստո¬րագրությունը թողնել անփոփոխ` մինչև սույն դատավճիռն օրինական ուժի մեջ մտնելը։
Քաղաքացիական հայցը թողնել առանց քննության` տուժող Վալերի Աղաբյանին իրավունք վերապահելով քաղաքացիական դատավարական կարգով դիմելու դատարան։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։

ԴԱՏԱՎՈՐ՝ Ա.ՎԱՐԴԱՆՅԱՆ