Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

28 դեկտեմբերի 2011թ. ք. Երևան

ԵԿԴ-0242/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Է. Մկրտչյան,

մասնակցությամբ`
մեղադրող,
Հայաստանի Հանրապետության /այսուհետ ՀՀ/
գլխավոր դատախազության կոռուպցիոն
և կազմակերպված հանցագործությունների
գործերով վարչության պետի տեղակալ` Բ. Պետրոսյանի,

պաշտպան Ա. Զաքարյանի,


դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Արտյոմ Գրիգորի Հարությունյանի`
ծնված 1974թ. մայիսի 01-ին Արտաշատ քաղաքում, հայ, ՀՀ քաղաքացի, ամուսնացած, խնամքին ունի մինչև տասնչորս տարեկան երեք երեխա, չի աշխատում, նախկինում չդատված, բնութագրվում է դրական, վատառողջ է, բնակվել է Արտաշատ քաղաքի Մխչյան փողոցի թիվ 63 տանը, կալանքի տակ է 23.02.2011թ.-ից, մեղադրվում է ՀՀ քրեական օրենսգրքի 312-րդ հոդվածի 3-րդ մասի 1-ին կետով։


Գործի դատավարական նախապատմությունը
Թիվ 69101311 քրեական գործը ՀՀ ոստիկանության ՔԳՎ ՀԿԳ քննության վարչությունում հարուցվել է 2011թ. փետրվարի 23-ին, ՀՀ քրեական օրենսգրքի 312-րդ հոդվածի 3-րդ մասի 1-ին կետով։
Քննիչի 30.11.2011թ. որոշմամբ, թիվ 69101311 քրեական գործից անջատվել է Արտյոմ Գրիգորի Հարությունյանի վերաբերյալ մասը և մեղադրական եզրակացությամբ ուղարկվել է դատարան, իսկ Կարինե Գասպարյանի և մյուսների մասով նախաքննությունը շարունակվել է 69101311/1 համարի տակ։
Ամբաստանյալ Արտյոմ Գրիգորի Հարությունյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 312-րդ հոդվածի 3-րդ մասի 1-ին կետով հետևյալ արարքի համար. «որ նա` շենգենյան համաձայնության երկրների մուտքի արտոնագրեր ստանալու նպատակով դիմած ՀՀ քաղաքացիների անուններով ՀՀ-ում Հունաստանի Հանրապետության դեսպանատուն ներկայացվող փաստաթղթերի փաթեթներ նախապատրաստելու և այլ ծառայություններ մատուցելու համար վերցված 3000-3600 եվրո գումարներից, իրեն տրված 200 եվրո միջնորդավճարի դիմաց, 2010թ. հունիս ամսից մինչև 2011թ. փետրվար ամիսն ընկած ժամանակահատվածում, Ալբերտ Արշակյանի և մյուսների, թվով 17 քաղաքացիների անուններով, Աթենք քաղաքի հյուրանոցներում 1500-1900 եվրո արժեքի հյուրասենյակներ վարձելու դեպքի կապակցությամբ ՀՀ ոստիկանության ԿՀԴՊ գլխավոր վարչության 2-րդ վարչությունում նյութերի նախապատրաստման ընթացքում ապօրինի գործողություններ կատարելու, այն է` նյութերին ընթացք չտալու, կամ իր և ընկերների վերաբերյալ տեղեկությունները նյութերից հանելու համար 2011թ. փետրվարի 23-ին ժամը 11-ին Երևան քաղաքի Նալբանդյան փող 130 շենքում, ՀՀ ոստիկանության ԿՀԴՊ ԳՎ 2-րդ վարչության ՀԿԳ ավագ օպեր լիազոր, իշխանության ներկայացուցիչ հանդիսացող, պաշտոնատար անձ, Մելքոն Ռոմաիդի Մելքոնյանի աշխատասենյակում, անձամբ վերջինիս տվել է առանձնապես խոշոր չափերով 7.566.300 ՀՀ դրամին համարժեք 15.000 եվրո կաշառք և անմիջապես դեպքի վայրում բռնվել է ՀՀ ոստիկանության ԿՀԴՊ ԳՎ աշխատակիցների կողմից։»։
2011թ. դեկտեմբերի 07-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Արագացված դատական քննություն

Ամբաստանյալ Արտյոմ Գրիգորի Հարությունյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրողը միջնորդության դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Արտյոմ Գրիգորի Հարությունյանը կատարել է ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված արարք։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Արտյոմ Գրիգորի Հարությունյանը նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ, նախկինում դատված չի եղել, վատառողջ է, բնութագրվում է դրական, խնամքին ունի մինչև տասնչորս տարեկան երեք երեխաներ` Էմմա Արտյոմի Հարությունյանը (ծնված 30.03.1998թ.), Նորա Արտյոմի Հարությունյանը (ծնված 30.03.1998թ.) և Կոստանդին Արտյոմի Հարությունյանը (ծնված 18.09.2008թ.)։


Դատարանի իրավական վերլուծությունները
Առաջադրված մեղադրանքն ամբաստանյալ Արտյոմ Գրիգորի Հարությունյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Արտյոմ Գրիգորի Հարությունյանի կողմից, նրա մեղավորությամբ, պաշտոնատար անձին առանձնապես խոշոր չափերով կաշառք տալն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Արտյոմ Գրիգորի Հարությունյանի նկատմամբ պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա տալով ինքնախոստովանական ցուցմունքներ` անկեղծորեն զղջացել է կատարածի համար, նախկինում դատված չի եղել, վատառողջ է, բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում խնամքին մինչև տասնչորս տարեկան երեք երեխաների առկայությունը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Արտյոմ Գրիգորի Հարությունյանն իր կատարած` Հայաստանի Հանրապետության քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով ամբաստանյալի գույքի վրա դրված կալանքի հարցը` դատարանը գտնում է, որ ամբաստանյալ Արտյոմ Գրիգորի Հարությունյանի գույքի /այդ թվում «Մերսեդես-Բենց-Ե-320» մակնիշի 77PL001 պետհամարանիշի ավտոմեքենայի, նույնացման համարը` WDB2100651B171072, շարժիչի համարը` 11294130764523/ վրա նախաքննության մարմնի 03.03.2011թ. որոշմամբ դրված կալանքը պետք է վերացնել։
Քննարկելով իրեղեն ապացույցների հարցը` դատարանը գտնում է հետևյալը.
ՀՀ քրեական դատավարության օրենսգրքի 115-րդ հոդվածի համաձայն
«1. Իրեղեն ապացույցներ են այն առարկաները, որոնք հանցագործության գործիք են ծառայել կամ իրենց վրա հանցագործության հետքեր են պահպանել, կամ հանցավոր գործողությունների օբյեկտներ են եղել, ինչպես նաև հանցավոր ճանապարհով ձեռք բերված դրամը, այլ արժեքները և մյուս բոլոր առարկաները, որոնք կարող են հանցագործությունը հայտնաբերելու, գործի փաստական հանգամանքները պարզելու, մեղավորներին ի հայտ բերելու, մեղադրանքը հերքելու կամ պատասխանատվությունը մեղմացնելու միջոցներ ծառայել։
2. Առարկան իրեղեն ապացույց է ճանաչվում քրեական վարույթն իրականացնող մարմնի որոշմամբ։
(…)»։
ՀՀ քրեական դատավարության օրենսգրքի 119-րդ հոդվածի համաձայն
«1) հանցագործության գործիքները, ինչպես նաև շրջանառությունից հանված առարկաները բռնագրավվում և հանձնվում են համապատասխան պետական հիմնարկներին, իսկ արժեք չներկայացնելու դեպքում` ոչնչացվում են.
(…)»։
Նախաքննության մարմնի 2011թ. փետրվարի 26-ի որոշմամբ, 15.000 եվրո և 22.880 եվրո գումարները ճանաչել են իրեղեն ապացույց։ Հետևաբար, դատավճռի օրինական ուժի մեջ մտնելուց հետո, իրեղեն ապացույց ճանաչված 15.000 եվրո գումարը պետք է որպես եկամուտ հանձնել պետությանը, իսկ 22.880 եվրո գումարը պետք է թողնել քրեական գործից անջատված մասով վարույթն իրականացնող մարմնի տնօրինմանը։
«Նոկիա 1616-2» մոդելի բջջային հեռախոսն իր 099-55-67-01 համարի քարտով և 16.000 ՀՀ դրամ գումարը պետք է վերադարձնել Արտյոմ Հարությունյանին, իսկ օպերատիվ տեսաձայնագրառման վերաբերյալ լազերային սկավառակը պետք է պահել քրեական գործի հետ միասին։
Քննարկելով խափանման միջոցի հարցը` դատարանը գտնում է, որ ամբաստանյալ Արտյոմ Գրիգորի Հարությունյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`

Վ Ճ Ռ Ե Ց

Ամբաստանյալ Արտյոմ Գրիգորի Հարությունյանին մեղավոր ճանաչել Հայաստանի Հանրապետության քրեական օրենսգրքի 312-րդ հոդվածի 3-րդ մասի 1-ին կետով նախատեսված հանցանքում և դատապարտել ազատազրկման 3 /երեք/ տարի ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2011թ. փետրվարի 23-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Արտյոմ Գրիգորի Հարությունյանի գույքի /այդ թվում «Մերսեդես-Բենց-Ե-320» մակնիշի 77PL001 պետհամարանիշի ավտոմեքենայի, նույնացման համարը` WDB2100651B171072, շարժիչի համարը` 11294130764523/ վրա նախաքննության մարմնի 03.03.2011թ. որոշմամբ դրված կալանքը վերացնել։
Դատավճռի օրինական ուժի մեջ մտնելուց հետո, 26.02.2011թ. որոշմամբ իրեղեն ապացույց ճանաչված, 15.000 եվրո գումարը որպես եկամուտ հանձնել պետությանը, իսկ 22.880 եվրո գումարը թողնել քրեական գործից անջատված մասով վարույթն իրականացնող մարմնի տնօրինմանը։
«Նոկիա 1616-2» մոդելի բջջային հեռախոսն իր 099-55-67-01 համարի քարտով և 16.000 ՀՀ դրամ գումարը վերադարձնել Արտյոմ Հարությունյանին, իսկ օպերատիվ տեսաձայնագրառման վերաբերյալ լազերային սկավառակը պահել քրեական գործի հետ միասին։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ