Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

31 հունվարի 2012թ. ք. Երևան

ԵԿԴ-0231/01/11

Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Ն. Բաղդասարյան,
քարտուղար` Ռ. Բադիրյան,

մասնակցությամբ`
մեղադրող,
Երևանի Կենտրոն և Նորք-Մարաշ
վարչական շրջանների դատախազության
ավագ դատախազ Ա. Բեգինյանի,

պաշտպան Հ. Բաղդասարյանի,

տուժողներ Ռ. Խլղաթյանի,
Մ. Աբգարյան,
Զ. Թունյան, Մ. Օհանյան,
Ջ. Նավասարդյան,
Ա. Ամիրխանյան,
Ա. Կիրակոսյան,
Ս. Ստեփանյան,
Է. Հարությունյան,
Հ. Մկրտչյան,
Գ. Օրդուխանյան,

տուժողներ և քաղաքացիական հայցվորներ
Ա. Համբարձումյանի,
Ա. Շամբարյանի,
Ժ. Սարգսյանի,
Ս. Ավալյանի,
Ս. Ավետիսյանի,
Թ. Գասպարյան,





դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
1. Արմեն Ջիվանի Շամիրյանի`
ծնված 1973թ. հունիսի 3-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնացած, նախկինում բազմիցս դատված`
1/ Երևանի Մյասնիկյանի շրջանի ժողդատարանի 13.06.1990թ. դատավճռով, ՀՀ նախորդ քրեական օրենսգրքի 143-րդ հոդվածի 2-րդ մասով դատապարտվել է ուղղիչ աշխատանքների 1 տարի ժամկետով,
2/ Երևանի Շահումյանի շրջանի ժողդատարանի 20.04.1993թ դատավճռով, ՀՀ նախորդ քրեական օրենսգրքի 86-րդ հոդվածի 4-րդ մասով և 94-րդ հոդվածի 3-րդ մասով, նույն օրենսգրքի 37-րդ հոդվածի կիրառմամբ դատապարտվել է ազատազրկման 8 տարի ժամկետով,
3/ Արթիկի շրջանի ժողդատարանի 20.08.1997թ. դատավճռով, ՀՀ նախորդ քրեական օրենսգրքի 203-րդ հոդվածի 2-րդ մասով, նույն օրենսգրքի 38-րդ, 39-րդ հոդվածների կիրառմամբ դատապարտվել է ազատազրկման 2 տարի 2 ամիս ժամկետով,
4/ Երևանի Մալաթիա-Սեբաստիա համայնքի առաջին ատյանի դատարանի 20.05.1999թ. դատավճռով, ՀՀ նախորդ քրեական օրենսգրքի 89-րդ հոդվածի 4-րդ մասով, նույն օրենսգրքի 38-րդ, 39-րդ հոդվածների կիրառմամբ դատապարտվել է ազատազրկման 6 տարի 6 ամիս ժամկետով, նույն դատարանի 07.05.2000թ. որոշմամբ արարքը վերաորակվել է ՀՀ նախորդ քրեական օրենսգրքի 89-րդ հոդվածի 3-րդ մասով և պատիժ է նշանակվել ազատազրկում 4 տարի 6 ամիս ժամկետով,
5/ Երևանի Աջափնյակ և Դավթաշեն համայնքների առաջին ատյանի դատարանի 25.09.2001թ. դատավճռով, ՀՀ նախորդ քրեական օրենսգրքի 92-րդ հոդվածի 2-րդ մասով, 180-րդ հոդվածի 2-րդ մասով, 86-րդ հոդվածի 2-րդ մասով, նույն օրենսգրքի 37-րդ, 38-րդ, 39-րդ հոդվածների կիրառմամբ դատապարտվել է ազատազրկման 4 տարի 6 ամիս ժամկետով, 01.08.2003թ. ազատվել է պատժի կրումից` ՀՀ քրեական օրենսգրքի 69-րդ հոդվածի 3-րդ մասի համաձայն,
6/ Երևանի Արաբկիր և Քանաքեռ-Զեյթուն համայնքների առաջին ատյանի դատարանի 14.04.2006թ. դատավճռով, ՀՀ քրեական օրենսգրքի 34-178-րդ հոդվածի 3-րդ մասի 3-րդ կետով, 178-րդ հոդվածի 3-րդ մասի 3-րդ կետով, 324-րդ հոդվածի 2-րդ մասով, ՀՀ քրեական օրենսգրքի 66-րդ հոդվածի կիրառմամբ դատապարտվել է ազատազրկման 6 տարի ժամկետով, ՀՀ քրեական և զինվորական գործերով վերաքննիչ դատարանի կողմից 17.07.2006թ. ՀՀ քրեական օրենսգրքի 178-րդ հոդվածի 3-րդ մասի 3-րդ կետով դատապարտվել է ազատազրկման 5 տարի ժամկետով,
7/ Երևանի Աջափնյակ և Դավթաշեն համայնքների առաջին ատյանի դատարանի 10.08.2006թ. դատավճռով, ՀՀ քրեական օրենսգրքի 178-րդ հոդվածի 3-րդ մասի 3-րդ կետով, ՀՀ քրեական օրենսգրքի 66-րդ հոդվածի 6-րդ մասի կիրառմամբ դատապարտվել է ազատազրկման 5 /հինգ/ տարի 6 /վեց/ ամիս ժամկետով, 23.10.2009թ. պայմանական վաղաժամկետ ազատվել է պատժի` 1 տարի 6 ամիս 18 օր չկրած մասից, դատվածությունները չմարված, չի աշխատում, մշտական բնակության վայր չունի, կալանքի տակ է 02.06.2011թ.-ից, մեղադրվում է ՀՀ քրեական օրենսգրքի 178-րդ հոդվածի 3-րդ մասի 2-րդ կետով,

2. Էդուարդ Համիկի Հարությունյանի`
ծնված 1949թ. ապրիլի 15-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնալուծված, խնամքին ոչ ոք, նախկինում դատված`
1/ Օրջոնիկիձեի շրջանի ժողդատարանի 02.04.1987թ. դատավճռով, ՀՀ նախորդ քրեական օրենսգրքի 17-186-րդ հոդվածի 2-րդ մասով դատապարտվել է ազատազրկման 10 տարի ժամկետով, նախագահի 20.05.1993թ. հրամանագրով ներում է շնորհվել և ազատվել է պատժի հետագա կրումից,
2/ Երևանի Շահումյանի շրջանի ժողդատարանի 02.09.1996թ. դատավճռով, ՀՀ նախորդ քրեական օրենսգրքի 89-րդ հոդվածի 4-րդ մասով դատապարտվել է ազատազրկման 9 տարի ժամկետով, արարքը վերաորակվել է ՀՀ նախորդ քրեական օրենսգրքի 89-րդ հոդվածի 3-րդ մասով և պատիժ է նշանակվել ազատազրկում 6 տարի ժամկետով,
3/ Երևանի Շենգավիթ համայնքի առաջին ատյանի դատարանի 06.10.2005թ. դատավճռով, ՀՀ քրեական օրենսգրքի 178-րդ հոդվածի 2-րդ մասի 2-րդ և 3-րդ կետերով դատապարտվել է ազատազրկման 4 /չորս/ տարի ժամկետով` առանց տուգանքի, 29.04.2008թ. պայմանական վաղաժամկետ ազատվել է պատժի 1 տարի 2 ամիս 28 օր չկրած մասից, դատվածությունները չմարված, չի աշխատում, մշտական բնակության վայր չունի, կալանքի տակ է 02.06.2011թ.-ից,, մեղադրվում է ՀՀ քրեական օրենսգրքի 178-րդ հոդվածի 3-րդ մասի 2-րդ կետով,

Գործի դատավարական նախապատմությունը
Թիվ 13132411 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2011թ. հունիսի 02-ին, ՀՀ քրեական օրենսգրքի 178-րդ հոդվածի 2-րդ մասի 1-ին կետով։
Թիվ 57200611 քրեական գործը ՀՀ Արմավիրի մարզի դատախազությունում հարուցվել է 2011թ. օգոստոսի 20-ին, ՀՀ քրեական օրենսգրքի 178-րդ հոդվածի 1-ին մասով և ուղարկվել է ՀՀ ոստիկանության Երևան քաղաքի քննչական վարչություն` նախաքննություն կատարելու համար։
31.08.2011թ. թիվ 57200611 քրեական գործն ընդունվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնի քննիչի վարույթ և կատարվել է նախաքննություն։
Քննիչի 31.08.2011թ. որոշմամբ թիվ 57200611 քրեական գործը միացվել է թիվ 13132411 քրեական գործին և նախաքննությունը շարունակվել է 13132411 համարի տակ։
Քննիչի 16.11.2011թ. որոշմամբ Էդուարդ Համիկի Հարությունյանի նկատմամբ, նրա կողմից նկարագրված` Հունաստան մեկնման արտոնագիր ձևակերպելու համար խարդախությամբ գումարներ հափշտակելու երկու դրվագներով քրեական հետապնդում չի իրականացվել` հանցագործության դեպքի բացակայության պատճառաբանությամբ։
Քննիչի նույն օրվա մեկ այլ որոշմամբ Էդուարդ Համիկի Հարությունյանի նկատմամբ, նրա կողմից Գայանե Մնացականի Գևորգյանին պատկանող, «ԳԱԶ 24» մակնիշի ավտոմեքենան խարդախությամբ հափշտակելու դրվագով քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի նույն օրվա մեկ այլ որոշմամբ Արմեն Ջիվանի Շամիրյանի նկատմամբ, նրա կողմից նկարագրված` խարդախությամբ երկու հատ համակարգիչներ հափշտակելու դրվագներով քրեական հետապնդում չի իրականացվել` հանցագործության դեպքի բացակայության պատճառաբանությամբ։
Արմեն Ջիվանի Շամիրյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 2-րդ կետով հետևյալ արարքի համար. «որ նա` նախնական համաձայնության գալով գործով մյուս մեղադրյալ Էդուարդ Համիկի Հարությունյանի հետ, խարդախություններ կատարելու նպատակով, ստեղծել են միավորված, կայուն, կազմակերպված հանցավոր խումբ և միասնական հանցավոր մտադրությամբ` շարունակաբար, 2010թ. դեկտեմբերից մինչև 2011թ. մայիսի 11-ն ընկած ժամանակահատվածում, ՀՀ տարածքի տարբեր քաղաքներում` Երևանում, Չարենցավանում, Սևանում, Արմավիրում, Մեծամորում, պատահական շենքերի մուտքերի պատերին փակցրել են բարձր աշխատավարձով աշխատանքի տեղավորելու վերաբերյալ տպագրված հայտարարություններ` դրանցում նշելով իրենց հեռախոսահամարները, այնուհետև իրենց զանգահարած անձանցից պահանջել են տարատեսակ փաստաթղթեր, որպես պարտադիր փաստաթուղթ պահանջելով 1-2 օրվա ընթացքում ներկայացնել նաև դատվածության վերաբերյալ տեղեկանք, քաջատեղյակ լինելով, որ օրենքով սահմանված կարգով պետական մարմինների կողմից այն տրամադրվում է 7-10 օրվա ընթացքում, որից հետո իրենց դիմած գործով տուժողներից վերոհիշյալ տեղեկանքը գոյություն չունեցող ծանոթի` իբր պետական ծառայող հանդիսացող անձի միջոցով նշված ժամկետում տրամադրելու պատրվակով, Երևան քաղաքի ինչպես Կենտրոնի, այնպես էլ այլ վարչական տարածքների տարբեր վայրերում Ա. Շամիրյանը կամ Է. Հարությունյանը հանդիպելով տուժողներին և նրանց ներկայանալով որպես արտաքին գործերի նախարարության աշխատակիցներ, վերոգրյալ պատրվակով ստացել են խոշոր չափերի` ընդհանուր 815.000 ՀՀ դրամ գումար և խարդախությամբ հափշտակել դրանք։ Բացի այդ, միայնակ, միևնույն ժամանակահատվածում, կրկին խարդախություն կատարելու միասնական հանցավոր մտադրությամբ, մեկ այլ եղանակով խաբեությամբ հափշտակել է նաև Գագիկ Տելեմակի Օրդուխանյանի զգալի չափերի` 215.000 ՀՀ դրամ արժողության գույքը։
Այսպես.
Ա. Շամիրյանը վերոհիշյալ պատրվակով, նույն խմբով, այսինքն Էդուարդ Համիկի Հարությունյանի հետ, խաբեությամբ և վստահությունը չարաշահելու եղանակով Զոյա Արտաշեսի Թունյանին բարձր աշխատավարձով ՀՀ-ում Ֆրանսիայի դեսպանի երեխաներին պահելու և խնամելու աշխատանքի տեղավորելու և դրա համար կարճ ժամկետում նրան ՀՀ արդարադատության նախարարությունից դատվածության վերաբերյալ տեղեկանք տրամադրելու պատրվակով Զ. Թունյանից պահանջել և 2010 դեկտեմբերի 27-ին ՀՀ կառավարության շենքի մոտ ստացել է 80.000 ՀՀ դրամ գումար, բացի այդ, նույն օրը երեկոյան` պատճառաբանելով, թե իբր տրամադրված գումարը չի բավականացնում, Երևան քաղաքի Ս. Տարոնցի փողոցի 3 շենքի մոտակայքում նրանից ստացել է ևս 15.000 ՀՀ դրամ գումար և խաբեությամբ հափշտակել այն։
Բացի այդ, նույն խմբով, նույն պատրվակով, խաբեությամբ և վստահությունը չարաշահելու եղանակով Թամարա Սամսոնի Գասպարյանին ՀՀ-ում Ֆրանսիայի դեսպանատանը հաշվապահի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Թ. Գասպարյանից պահանջել և 2011 հունվարի 8-ին Թումանյանի անվան տուն-թանգարանի մոտ ստացել է 110.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, վերոհիշյալ խմբով, այսինքն Էդուարդ Համիկի Հարությունյանի հետ, խաբեությամբ և վստահությունը չարաշահելու եղանակով, Սիրակ Էդիկի Ավալյանին ՀՀ-ում Հունաստանի դեսպանատան կողմից նորակառույց շենքի շինարարությունում աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ս. Ավալյանից պահանջել և 2011թ փետրվար ամսին Երևան քաղաքի Աբովյան փողոցի վրա գտնվող «Մարկո Պոլո» սրճարանի մոտ Է. Հարությունյանը ստացել է 25.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Միհրան Երվանդի Օհանյանին առաջարկել են ՀՀ-ում Հունաստանի դեսպանատան համար Ջրվեժ թաղամասում առանձնատուն կառուցել և այդ շինարարությունում աշխատանքի տեղավորելու և կարճ ժամկետում արտաքին գործերի նախարարությունից չորս անձանց դատվածության վերաբերյալ տեղեկանք տրամադրելու համար, Մ. Օհանյանից պահանջել և 2011թ փետրվար ամսին Երևան քաղաքի Շիրակ հյուրանոցի դիմացի այգում Է. Հարությունյանը ստացել է 300 եվրոյին համարժեք 150.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, խաբեությամբ և վստահությունը չարաշահելու եղանակով, Մարիետա Սարգսի Աբգարյանի որդուն` Հովհաննես Վազգենի Վարդանյանին բարձր աշխատավարձով արտասահմանյան կազմակերպությունում խոհարարի աշխատանքի տեղավորելու և անհրաժեշտ փաստաթղթեր ձևակերպելու համար, Մ. Աբգարյանից պահանջել և 2011թ. փետրվար ամսին Երևան քաղաքի Հյուսիսային պողոտայում ստացել է 20.000 ՀՀ դրամ գումար և խաբեությամբ հափշտակել է այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ջանիկ Անատոլիի Նավասարդյանին ՀՀ-ում Հունաստանի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ջ. Նավասարդյանից պահանջել և 2011թ մարտ ամսվա սկզբներին Երևան քաղաքի Զաքյան 2 հասցեի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Արտակ Ալբերտի Համբարձումյանին ՀՀ-ում Իտալիայի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Համբարձումյանից պահանջել և 2011թ մարտ ամսին Երևան քաղաքի կենտրոնական բանկի դիմաց գտնվող այգում Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Սվետլանա Բագրատի Ավետիսյանին ՀՀ-ում Հունաստանի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ս. Ավետիսյանից պահանջել և 2011թ մարտի 17-ին Երևան քաղաքի Հանրապետություն մետրոկայարանի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անահիտ Գրիգորի Ամիրխանյանին ՀՀ-ում Հունաստանի դեսպանատան աշխատակցի 11 ամյա երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Ամիրխանյանից պահանջել և 2011թ մարտի 18-ին Երևան քաղաքի Սասունցի Դավիթ կայարանի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անժելա Ժորայի Կիրակոսյանին բարձր աշխատավարձով հավաքարարի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Կիրակոսյանից պահանջել և 2011թ. մարտի 29-ին Երևան քաղաքի Մաշտոցի պողոտայի վրա գտնվող Մարգարյան հիվանդանոցի մոտ Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Սերյոժա Հրաչիկի Ստեփանյանի կնոջը` Արմինե Սերյոժայի Ստեփանյանին ՀՀ-ում Իտալիայի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, վերջինիս ամուսնուց` Սերյոժա Ս. Ստեփանյանից պահանջել և 2011թ ապրիլ ամսին Երևան քաղաքի պետական կրկեսի մոտ Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Էլլա Գեորգիի Հարությունյանին ՀՀ-ում Ֆրանսիայի դեսպանատան աշխատակցի տան տնտեսուհու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Է. Հարությունյանից պահանջել և 2011թ ապրիլ ամսին Երևան քաղաքի Մաշտոցի 42 հասցեի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Համլետ Խաչիկի Մկրտչյանին ՀՀ-ում Հունաստանի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Հ. Մկրտչյանից պահանջել և 2011թ ապրիլ ամսին Երևան քաղաքի պետական Կրկեսի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անուշ Բենիամինի Շամբարյանին ՀՀ-ում Հունաստանի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Շամբարյանից պահանջել և 2011թ ապրիլի 11-ին Երևան քաղաքի Մարգարյան դիվանդանոցի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ռոմելա Արգամի Խլղաթյանին բարձր աշխատավարձով դայակի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ռ. Խլղաթյանից պահանջել և 2011թ. ապրիլի 21-ին և 22-ին Երևան քաղաքի մետրոպոլիտենի « Երիտասարդական մետրոյի հարևանությամբ Է. Հարությունյանը համապատասխանաբար ստացել է 10.000 և 20.000 ՀՀ դրամ գումար և խաբեությամբ հափշտակել են հիշյալ 30.000 ՀՀ դրամը։
Բացի այդ, ամիսների ընթացքում, կրկին խաբեությամբ, Գագիկ Տելեմակի Օրդուխանյանի վստահությունը չարաշահելու եղանակով, գումարը մեկ ամիս անց վերադարձնելու պատրվակով ապրիլ ամսին վերցրել է 180.000 ՀՀ դրամ արժողության փափուկ կահույքը, իսկ մայիս ամսին` 35.000 ՀՀ դրամ արժողության հեռուստացույցի տակդիր ու հափշտակել է հիշյալ` զգալի չափի` ընդհանուր 215.000 ՀՀ դրամ արժողության գույքը։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ժենյա Սերյոժայի Սարգսյանին ՀՀ-ում Գերմանիայի դեսպանի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ժ. Սարգսյանից պահանջել և 2011թ մայիսի 11-ին Երևան քաղաքի Գործարանային մետրոյի հարևանությամբ Է. Հարությունյանը ստացել է 25.000 ՀՀ դրամ գումար և խաբեությամբ հափշտակել են այն։»։
Էդուարդ Համիկի Հարությունյանին մեղադրանք է առաջադրվել ՀՀ քրեական օրենսգրքի 178-րդ հոդվածի 3-րդ մասի 2-րդ կետով հետևյալ արարքի համար. «որ նա` նախնական համաձայնության գալով գործով մյուս մեղադրյալ Արմեն Ջիվանի Շամիրյանի հետ, խարդախություններ կատարելու նպատակով, ստեղծել են միավորված, կայուն, կազմակերպված հանցավոր խումբ և միասնական հանցավոր մտադրությամբ` շարունակաբար, 2011թ. փետրվար ամսից մինչև 2011թ. մայիսի 11-ն ընկած ժամանակահատվածում, ՀՀ տարածքի տարբեր քաղաքներում` Երևանում, Չարենցավանում, Սևանում, Արմավիրում, Մեծամորում, պատահական շենքերի մուտքերի պատերին փակցրել են բարձր աշխատավարձով աշխատանքի տեղավորելու վերաբերյալ տպագրված հայտարարություններ` դրանցում նշելով իրենց հեռախոսահամարները, այնուհետև դրա շուրջ իրենց զանգահարած անձանցից պահանջել են տարատեսակ փաստաթղթեր, որպես պարտադիր փաստաթուղթ պահանջելով 1-2 օրվա ընթացքում ներկայացնել նաև դատվածության վերաբերյալ տեղեկանք, քաջատեղյակ լինելով, որ օրենքով սահմանված կարգով պետական մարմինների կողմից այն տրամադրվում է 7-10 օրվա ընթացքում, որից հետո իրենց դիմած գործով տուժողներից վերոհիշյալ տեղեկանքը գոյություն չունեցող ծանոթի` իբր պետական ծառայող հանդիսացող անձի միջոցով նշված ժամկետում տրամադրելու պատրվակով, Երևան քաղաքի ինչպես Կենտրոնի, այնպես էլ այլ վարչական տարածքների տարբեր վայրերում Ա. Շամիրյանը կամ Է. Հարությունյանը հանդիպելով տուժողներին և նրանց ներկայանալով որպես արտաքին գործերի նախարարության աշխատակիցներ, վերոգրյալ պատրվակով ստացել են խոշոր չափերի` ընդհանուր 795.000 ՀՀ դրամ գումար և խարդախությամբ հափշտակել դրանք։
Այսպես.
Է. Հարությունյանը վերոհիշյալ պատրվակով, վերոհիշյալ խմբով, այսինքն Արմեն Ջիվանի Շամիրյանի հետ, խաբեությամբ և վստահությունը չարաշահելու եղանակով, Զոյա Արտաշեսի Թունյանին բարձր աշխատավարձով ՀՀ-ում Ֆրանսիայի դեսպանի երեխաներին պահելու և խնամելու աշխատանքի տեղավորելու և դրա համար կարճ ժամկետում նրան ՀՀ արդարադատության նախարարությունից դատվածության վերաբերյալ տեղեկանք տրամադրելու պատրվակով Զ. Թունյանից պահանջել և 2010 դեկտեմբերի 27-ին ՀՀ կառավարության շենքի մոտ Ա. Շամիրյանը ստացել է 80.000 ՀՀ դրամ գումար, բացի այդ, նույն օրը երեկոյան` պատճառաբանելով, թե իբր տրամադրված գումարը չի բավականացնում, Երևան քաղաքի Ս. Տարոնցի փողոցի 3 շենքի մոտակայքում Ա. Շամիրյանը նրանից ստացել է ևս 15.000 ՀՀ դրամ գումար և խաբեությամբ հափշտակել այն։
Բացի այդ, նույն խմբով, այսինքն Արմեն Ջիվանի Շամիրյանի հետ, նույն պատրվակով, խաբեությամբ և վստահությունը չարաշահելու եղանակով Թամարա Սամսոնի Գասպարյանին ՀՀ-ում Ֆրանսիայի դեսպանատանը հաշվապահի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Թ. Գասպարյանից պահանջել և 2011 հունվարի 8-ին Թումանյանի անվան տուն-թանգարանի մոտ Ա. Շամիրյանը ստացել է 110.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Սիրակ Էդիկի Ավալյանին ՀՀ-ում Հունաստանի դեսպանատան կողմից նորակառույց շենքի շինարարությունում աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ս. Ավալյանից պահանջել և 2011թ փետրվար ամսին Երևան քաղաքի Աբովյան փողոցի վրա գտնվող «Մարկո Պոլո» սրճարանի մոտ Է. Հարությունյանը ստացել է 25.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Միհրան Երվանդի Օհանյանին առաջարկել են ՀՀ-ում Հունաստանի դեսպանատան համար Ջրվեժ թաղամասում առանձնատուն կառուցել և այդ շինարարությունում աշխատանքի տեղավորելու և կարճ ժամկետում արտաքին գործերի նախարարությունից չորս անձանց դատվածության վերաբերյալ տեղեկանք տրամադրելու համար, Մ. Օհանյանից պահանջել և 2011թ փետրվար ամսին Երևան քաղաքի Շիրակ հյուրանոցի դիմացի այգում Է. Հարությունյանը ստացել է 300 եվրոյին համարժեք 150.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ջանիկ Անատոլիի Նավասարդյանին ՀՀ-ում Հունաստանի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ջ. Նավասարդյանից պահանջել և 2011թ մարտ ամսվա սկզբներին Երևան քաղաքի Զաքյան 2 հասցեի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Արտակ Ալբերտի Համբարձումյանին ՀՀ-ում Իտալիայի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Համբարձումյանից պահանջել և 2011թ մարտ ամսին Երևան քաղաքի կենտրոնական բանկի դիմաց գտնվող այգում Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Սվետլանա Բագրատի Ավետիսյանին ՀՀ-ում Հունաստանի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ս. Ավետիսյանից պահանջել և 2011թ մարտի 17-ին Երևան քաղաքի Հանրապետություն մետրոկայարանի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անահիտ Գրիգորի Ամիրխանյանին ՀՀ-ում Հունաստանի դեսպանատան աշխատակցի 11 ամյա երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Ամիրխանյանից պահանջել և 2011թ մարտի 18-ին Երևան քաղաքի Սասունցի Դավիթ կայարանի մոտ Է. Հարությունյանը ստացել է 50.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անժելա Ժորայի Կիրակոսյանին բարձր աշխատավարձով հավաքարարի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Կիրակոսյանից պահանջել և 2011թ. մարտի 29-ին Երևան քաղաքի Մաշտոցի պողոտայի վրա գտնվող Մարգարյան հիվանդանոցի մոտ Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Սերյոժա Հրաչիկի Ստեփանյանի կնոջը` Արմինե Սերյոժայի Ստեփանյանին ՀՀ-ում Իտալիայի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, վերջինիս ամուսնուց` Սերյոժա Ստեփանյանից պահանջել և 2011թ ապրիլ ամսին Երևան քաղաքի պետական կրկեսի մոտ Է. Հարությունյանը ստացել է 30.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Էլլա Գեորգիի Հարությունյանին ՀՀ-ում Ֆրանսիայի դեսպանատան աշխատակցի տան տնտեսուհու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Է. Հարությունյանից պահանջել և 2011թ ապրիլ ամսին Երևան քաղաքի Մաշտոցի 42 հասցեի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Համլետ Խաչիկի Մկրտչյանին ՀՀ-ում Հունաստանի դեսպանատանը վարորդի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Հ. Մկրտչյանից պահանջել և 2011թ ապրիլ ամսին Երևան քաղաքի պետական Կրկեսի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Անուշ Բենիամինի Շամբարյանին ՀՀ-ում Հունաստանի դեսպանատան աշխատակցի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ա. Շամբարյանից պահանջել և 2011թ ապրիլի 11-ին Երևան քաղաքի Մարգարյան դիվանդանոցի մոտ Է. Հարությունյանը ստացել է 40.000 ՀՀ դրամ գումար և խաբեությամբ հափշտակել են այն։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ռոմելա Արգամի Խլղաթյանին բարձր աշխատավարձով դայակի աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ռ. Խլղաթյանից պահանջել և 2011թ. ապրիլի 21-ին և 22-ին Երևան քաղաքի մետրոպոլիտենի «Երիտասարդական» կայարանի հարևանությամբ Է. Հարությունյանը համապատասխանաբար ստացել է 10.000 և 20.000 ՀՀ դրամ գումար և խաբեությամբ հափշտակել են հիշյալ 30.000 ՀՀ դրամը։
Բացի այդ, նույն պատրվակով, նույն խմբով, խաբեությամբ և վստահությունը չարաշահելու եղանակով, Ժենյա Սերյոժայի Սարգսյանին ՀՀ-ում Գերմանիայի դեսպանի երեխայի խնամքով զբաղվելու աշխատանքի տեղավորելու և կարճ ժամկետում արտաքին գործերի նախարարությունից դատվածության վերաբերյալ տեղեկանք տրամադրելու համար, Ժ. Սարգսյանից պահանջել և 2011թ մայիսի 11-ին Երևան քաղաքի մետրոպոլիտենի «Գործարանային» կայարանի հարևանությամբ Է. Հարությունյանը ստացել է 25.000 ՀՀ դրամ գումար և խաբեությամբ հափշտակել են այն։»։
2011թ. նոյեմբերի 21-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։ 22.11.2011թ. քրեական գործն ընդունվել է դատավոր Մ. Պապոյանի վարույթ։ 07.12.2011թ. որոշում է կայացվել` ԵԿԴ-0231/01/11 (13132411) քրեական գործն ըստ ընդդատության ուղարկելու մասին։
2011թ. դեկտեմբերի 09-ին ԵԿԴ-0231/01/11 (13132411 քրեական գործը ստացվել է Երևան քաղաքի Շենգավիթ վարչական շրջանի ընդհանուր իրավասության առաջին ատյանի դատարան։




Արագացված դատական քննություն

Ամբաստանյալներ Արմեն Ջիվանի Շամիրյանը և Էդուարդ Համիկի Հարությունյանը միջնորդեցին դատական քննությունն անցկացնել արագացված կարգով։ Նրանցից յուրաքանչյուրը հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Դատական նիստին ներկայացած տուժողներ Ա. Համբարձումյանը, Ա. Շամբարյանը, Ժ. Սարգսյանը, Ռ. Խլղաթյանը, Ս. Ավալյանը և Ս. Ավետիսյանը միջնորդության դեմ չառարկեցին։
Մեղադրողը միջնորդության դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալներից յուրաքանչյուրը` Արմեն Ջիվանի Շամիրյանը և Էդուարդ Համիկի Հարությունյանը կատարել են ՀՀ քրեական օրենսգրքի 178-րդ հոդվածի 3-րդ մասի 2-րդ կետով նախատեսված արարքներ։
Քրեական գործի դատական քննության ընթացքում, տուժողներ և քաղաքացիական հայցվորներ Թամարա Գասպարյանի, Ժենյա Սարգսյանի, Անուշ Շամբարյանի, Սիրակ Ավալյանի, Արտակ Համբարձումյանի և Սվետլանա Ավետիսյանի կողմից ներկայացվել են հայցադիմումներ` ամբաստանյալներից գումարների բռնագանձման պահանջների մասին։


Դատարանի իրավական վերլուծությունները

Առաջադրված մեղադրանքն ամբաստանյալ Արմեն Ջիվանի Շամիրյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ Արմեն Ջիվանի Շամիրյանի կողմից, նրա մեղավորությամբ, կազմակերպված խմբի կողմից խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ամբաստանյալ Էդուարդ Համիկի Հարությունյանի կողմից, նրա մեղավորությամբ, կազմակերպված խմբի կողմից խարդախություն կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 178-րդ հոդվածի 3-րդ մասի 2-րդ կետով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները` ամբաստանյալ Արմեն Ջիվանի Շամիրյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ տալով ինքնախոստովանական ցուցմունքներ` անկեղծորեն զղջացել է կատարածի համար։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես նրա պատասխանատվությունը և պատիժը ծանրացնող հանգամանք դատարանը հաշվի է առնում առանձնապես վտանգավոր ռեցիդիվը։
Ամբաստանյալ Արմեն Ջիվանի Շամիրյանն իր կատարած` Հայաստանի Հանրապետության քրեական օրենսգրքի 178-րդ հոդվածի հոդվածի 3-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Նկատի ունենալով, որ ամբաստանյալ Արմեն Ջիվանի Շամիրյանի կողմից դիտավորյալ հանցանք է կատարվել 2006թ. օգոստոսի 10-ի դատավճռով նշանակված պատժի չկրած մասի ընթացքում, դատարանը գտնում է, որ ՀՀ քրեական օրենսգրքի 76-րդ հոդվածի 6-րդ մասի 3-րդ կետի հիման վրա, պատժից պայմանական վաղաժամկետ ազատելը ենթակա է վերացման և ամբաստանյալ Արմեն Ջիվանի Շամիրյանի նկատմամբ պատիժը ենթակա է նշանակման ՀՀ քրեական օրենսգրքի 67-րդ հոդվածով նախատեսված կանոններով։
Ամբաստանյալ Էդուարդ Համիկի Հարությունյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը հանցավորի անձը, այն, որ տալով ինքնախոստովանական ցուցմունքներ` անկեղծորեն զղջացել է կատարածի համար։ Ամբաստանյալի պատասխանատվությունը և պատիժը մեղմացնող հանգամանքներ դատարանը չի արձանագրում, իսկ որպես ամբաստանյալի պատասխանատվությունը և պատիժը ծանրացնող հանգամանք դատարանը հաշվի է առնում վտանգավոր ռեցիդիվը։
Ամբաստանյալ Էդուարդ Համիկի Հարությունյանն իր կատարած` Հայաստանի Հանրապետության քրեական օրենսգրքի 178-րդ հոդվածի հոդվածի 3-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Քննարկելով քաղաքացիական հայցերի և գույքային վնասի հատուցման հարցերը` դատարանը գտնում է, որ քաղաքացիական հայցվոր Թամարա Գասպարյանի հայցը ենթակա է բավարարման. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Թամարա Գասպարյանի բռնագանձման է ենթակա 110.000 /հարյուր տաս հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քննարկելով քաղաքացիական հայցվոր Ժենյա Սարգսյանի հայցը` ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից 28.000 /քսանութ հազար/ ՀՀ դրամ գումար բռնագանձելու մասին` դատարանը գտնում է, որ հայցը ենթակա է բավարարման մասնակիորեն` 25.000 /քսանհինգ հազար/ ՀՀ դրամ գումարի մասով, քանի որ դատական քննությամբ հաստատվել է տուժողի գույքի` դրամական միջոցների այդ չափի հափշտակությունը ամբաստանյալների կողմից։ Ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Ժենյա Սարգսյանի բռնագանձման է ենթակա 25.000 /քսանհինգ հազար/ ՀՀ դրամ գումար` որպես հանցագործության հետևանքով պատճառված վնասի հատուցում։ Մնացած մասով հայցը ենթակա է մերժման` անհիմն լինելու պատճառով։
Քննարկելով քաղաքացիական հայցվոր Անուշ Շամբարյանի հայցը` ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից 55.000 /հիսունհինգ հազար/ ՀՀ դրամ գումար բռնագանձելու մասին` դատարանը գտնում է, որ հայցը ենթակա է բավարարման մասնակիորեն` 40.000 /քառասուն հազար/ ՀՀ դրամ գումարի մասով, քանի որ դատական քննությամբ հաստատվել է տուժողի գույքի` դրամական միջոցների այդ չափի հափշտակությունը ամբաստանյալների կողմից։ Ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Անուշ Շամբարյանի բռնագանձման է ենթակա 40.000 /քառասուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։ Մնացած մասով հայցը ենթակա է մերժման` անհիմն լինելու պատճառով։
Քննարկելով քաղաքացիական հայցվոր Սիրակ Ավալյանի հայցը ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից 25.000 /քսանհինգ հազար/ ՀՀ դրամ գումար բռնագանձելու մասին` դատարանը գտնում է, որ այն ենթակա է բավարարման. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Սիրակ Ավալյանի բռնագանձման է ենթակա 25.000 /քսանհինգ հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քննարկելով քաղաքացիական հայցվոր Արտակ Համբարձումյանի հայցը` ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից 30.000 /երեսուն հազար/ ՀՀ դրամ գումար բռնագանձելու մասին` դատարանը գտնում է, որ այն ենթակա է բավարարման. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Արտակ Համբարձումյանի բռնագանձման է ենթակա 30.000 /երեսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քննարկելով քաղաքացիական հայցվոր Սվետլանա Ավետիսյանի հայցը ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից 70.000 /յոթանասուն հազար/ ՀՀ դրամ գումար բռնագանձելու մասին` դատարանը գտնում է, որ հայցը ենթակա է բավարարման մասնակիորեն` 50.000 /հիսուն հազար/ ՀՀ դրամ գումարի մասով, քանի որ դատական քննությամբ հաստատվել է տուժողի գույքի` դրամական միջոցների այդ չափի հափշտակությունը ամբաստանյալների կողմից։ Ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից հօգուտ տուժող Սվետլանա Ավետիսյանի բռնագանձման է ենթակա 50.000 /հիսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։ Մնացած մասով հայցը ենթակա է մերժման` անհիմն լինելու պատճառով։
Քննարկելով ամբաստանյալների գույքի վրա դրված կալանքի հարցը` դատարանը գտնում է, որ Արմեն Ջիվանի Շամիրյանի և Էդուարդ Համիկի Հարությունյանի գույքի վրա նախաքննության մարմնի 10.06.2011թ. որոշումներով դրված կալանքը պետք է թողնել անփոփոխ` մինչև դատավճռի կատարումը։
Քննարկելով խափանման միջոցի հարցը` դատարանը գտնում է, որ ամբաստանյալներից յուրաքանչյուրի` Արմեն Ջիվանի Շամիրյանի և Էդուարդ Համիկի Հարությունյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 154-րդ, 163-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`


Վ Ճ Ռ Ե Ց

Ամբաստանյալ Արմեն Ջիվանի Շամիրյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 3-րդ մասի 2-րդ կետով նախատեսված հանցանքում և դատապարտել ազատազրկման 5 /հինգ/ տարի 4 /չորս/ ամիս ժամկետով` առանց գույքի բռնագրավման։
ՀՀ քրեական օրենսգրքի 76-րդ հոդվածի 6-րդ մասի 3-րդ կետի կիրառմամբ, 2006թ. օգոստոսի 10-ի դատավճռով նշանակված պատժի չկրած մասից Արմեն Ջիվանի Շամիրյանին պայմանական վաղաժամկետ ազատելը վերացնել։
ՀՀ քրեական օրենսգրքի 67-րդ հոդվածի կիրառմամբ, նշանակված պատժին մասնակիորեն գումարել նախորդ` Երևանի Աջափնյակ և Դավթաշեն համայնքների առաջին ատյանի դատարանի 10.08.2006թ. դատավճռով նշանակված պատժի չկրած մասից ազատազրկում 1 /մեկ/ տարի 2 /երկու/ ամիս ժամկետով և ամբաստանյալ Արմեն Ջիվանի Շամիրյանի նկատմամբ վերջնական պատիժ նշանակել ազատազրկում 6 /վեց/ տարի 6 /վեց/ ամիս ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2011թ. հունիսի 02-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Էդուարդ Համիկի Հարությունյանին մեղավոր ճանաչել Հայաստանի Հանրապետության քրեական օրենսգրքի 178-րդ հոդվածի 3-րդ մասի 2-րդ կետով նախատեսված հանցանքում և դատապարտել ազատազրկման 5 /հինգ/ տարի 4 /չորս/ ամիս ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2011թ. հունիսի 02-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Քաղաքացիական հայցվոր Թամարա Գասպարյանի քաղաքացիական հայցը բավարարել. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Թամարա Գասպարյանի բռնագանձել 110.000 /հարյուր տաս հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քաղաքացիական հայցվոր Ժենյա Սարգսյանի քաղաքացիական հայցը բավարարել մասնակիորեն. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Ժենյա Սարգսյանի բռնագանձել 25.000 /քսանհինգ հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Մնացած մասով հայցը մերժել` անհիմն լինելու պատճառով։
Քաղաքացիական հայցվոր Անուշ Շամբարյանի քաղաքացիական հայցը բավարարել մասնակիորեն. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Անուշ Շամբարյանի բռնագանձել 40.000 /քառասուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Մնացած մասով հայցը մերժել` անհիմն լինելու պատճառով։
Քաղաքացիական հայցվոր Սիրակ Ավալյանի քաղաքացիական հայցը բավարարել. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Սիրակ Ավալյանի բռնագանձել 25.000 /քսանհինգ հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քաղաքացիական հայցվոր Արտակ Համբարձումյանի քաղաքացիական հայցը բավարարել. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Արտակ Համբարձումյանի բռնագանձել 30.000 /երեսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Քաղաքացիական հայցվոր Սվետլանա Ավետիսյանի քաղաքացիական հայցը բավարարել մասնակիորեն. ամբաստանյալներ Արմեն Ջիվանի Շամիրյանից և Էդուարդ Համիկի Հարությունյանից համապարտորեն, հօգուտ տուժող Սվետլանա Ավետիսյանի բռնագանձել 50.000 /հիսուն հազար/ ՀՀ դրամ գումար` որպես հանցագործության հետևանքով պատճառված վնասի հատուցում։
Մնացած մասով հայցը մերժել` անհիմն լինելու պատճառով։
Արմեն Ջիվանի Շամիրյանի և Էդուարդ Համիկի Հարությունյանի գույքի վրա նախաքննության մարմնի 10.06.2011թ. որոշումներով դրված կալանքը թողնել անփոփոխ` մինչև դատավճռի կատարումը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Ն. Ռ. ԲԱՂԴԱՍԱՐՅԱՆ