գործ թիվ ԵԿԴ0230/01/11






ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ



Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը, հետևյալ կազմով`

նախագահությամբ դատավոր` Արշակ Վարդանյանի
քարտուղարությամբ` Ժենյա Ավետիսյանի

մասնակցությամբ`

մեղադրող, Երևանի Կենտրոն
և Նորք-Մարաշ վարչական շրջանների
դատախազության ավագ դատախազ` Արսեն Բեգինյանի

հանրային պաշտպան` Վարդան Գրիգորյանի,

2011թ. դեկտեմբերի 16-ին դռնբաց դատական նիստում արա¬գաց¬ված դատական քննութ¬յան կարգով քննեց քրեական գործն ըստ մե¬ղադ¬րանքի`
Վ ա ր դ ա ն Լ ե ն ս ե ր ի Ղ ա հ ր ա մ ա ն յ ա ն ի
(ծնված 1988թ. մայիսի 9-ին, Երևան քաղաքում, ազգութ¬¬յամբ հայ, ՀՀ քաղա¬քա¬ցի, միջնակարգ կրթու¬թյամբ, ամուրի, նախ¬կինում չդատ¬ված, չի աշխատում, հաշվառված և բնակվում է Երևանի Վարդաշենի 9-րդ փողոցի 62դ շենքի 12-րդ բնակարանում, որպես խափանման միջոց է ընտրվել չհեռանալու մասին ստորագրություն)

Գործի դատավարական նախապատմությունը.
Սույն քրեական գործն հարուցվել է 2011թ. նոյեմբերի 10-ին ՀՀ քրեական օրենսգրքի 235-րդ հոդվածի 4-րդ մասի հատկանիշներով ՀՀ ոստիկա¬նության քննչական գլխավոր վարչության Երևանի Կենտրոնականի քննչական բաժնում քննվող թիվ 15133611 քրեական գործի նյութերով։
2011թ. նոյեմբերի 10-ին Վարդան Ղահրամանյանի նկատմամբ որպես խափանման միջոց է ընտրվել չհե¬ռանալու մասին ստորագրութ¬յուն։
2011թ. նոյեմբերի 11-ին նախաքննության մարմինը Վարդան Ղահրամանյանին մե¬ղադրանք է առաջադրել ՀՀ քրեական օրենսգրքի 235-րդ հոդվածի 4-րդ մասով։
2011թ. նոյեմբերի 21-ին քրեական գործը Վարդան Ղահրամանյանի նկատմամբ ՀՀ քրեա¬կան օրենսգրքի 235-րդ հոդվածի 4-րդ մասով հաստատված մեղադրական եզրակացությամբ ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավասության դատարան և 2011թ. նոյեմբերի 23-ին ընդունվել վարույթ։


Առաջադրված մեղադրանքի բովանդակությունը.
Վարդան Ղահրամանյանը 2011թ. հոկտեմբերի 18-ին Երևանի «Էրեբունի» թանգարանին հարակից օղակաձև այգում` Գ.Մահարու փողոցին հարակից մայթով քայլելիս, խոտերի մեջ նկա¬տել է սառը զենք հանդիսացող սև գույնի մետաղյա կռփազենք, այն վերցրել ու պահել է բաճկոնի գրպանում։
2011թ. հոկտեմբերի 19-ի երեկոյան հանդիպել է ընկերներ Վարդան Դավթյա¬նին, Վահե Պողոսյանին, Աշոտ Խաչատրյանին և Տիգրան Աբրահամյանին, այնուհետև վերջինիս վարած «ՎԱԶ-21010» մակնիշի 18 ՍՕ 227 պետհամարանիշի ավտոմեքենայով զվարճանալու նպատակով ուղևորվել են Երևանի Կենտրոն վարչական շրջան։ Աբովյան փողո¬ցում ճանապարհային երթևեկության կանոնների խախտում թույլ տալու կապակցությամբ ոստի¬կա¬նութ¬յան ՊՊԾ գնդի աշխատակիցները Տ.Աբրահամյանի մեքենան կանգնեցրել են։ Ամբաստան¬յալ Վարդան Ղահրամանյանը և նրա ընկերները դուրս են եկել մեքենայից և մոտեցել ոստիկաններին։ Ոստիկանները Տ.Աբրահամյանից պահանջել են ներկայացնել վարորդական իրավունքի վկայական, սակայն վերջինս հայտնել է, որ վկայական չունի։ Զրույցի ընթացքում ոստիկան Արկադի Բաղդասարյանը, նկատելով Վարդան Ղահրամանյանի գրպանի անսովոր փքվածությունը, առաջարկել է դատարկել գրպանի պարունակությունը, որին ի պատասխան Ղահրամանյանը նախ` գրպանից հանել և Ա.Բաղդասարյանին է ներկայացրել ապօրինի կրած սառը զենք հանդիսացող կռփազենքը, ապա` բերման է ենթարկվել ոստիկանության Կենտրո¬նականի բաժին։
Վերոնշյալ արարքը կատարելու համար Վարդան Ղահրամանյանին մեղադրանք է առա¬ջադրվել ՀՀ քրեական օրենսգրքի 235-րդ հոդվածի 4-րդ մասով։

Արագացված դատական քննություն.
Մինչ դատաքննությունը սկսելն ամբաստանյալ Վարդան Ղահրամանյանը միջնորդեց գործը քննել դատական քննության արագացված կարգով` հայտարարելով, որ վերոնշյալ միջնոր¬դությունը ներկա¬յացնում է կամավոր, նախապես խորհրդակցելով պաշտպանի հետ, գիտակ¬ցում է արագացված կարգով դատաքննութ¬յուն անցկացնելու իրավական հետևանքները։ Ամբաստանյալ Ղահրամանյանն հայտարարեց նաև, որ առաջադրված մե¬ղադրանքն իրեն պարզ և հասկանալի է, համաձայն է դրա հետ և առաջադրված մեղադրանքում իրեն լիովին մեղավոր է ճանաչում։ Մեղադրողը, Դատարանում վերահաստատելով մեղադրական եզրակացությամբ հայտնած իր դիրքորոշումը, գործն արագացված դատաքննության կարգով քննելու դեմ չա¬ռարկեց։
Դատարանը, քննության առնելով ամբաստանյալ Վարդան Ղահրամանյանի վերոնշյալ միջնոր¬դութ¬յունը, հաշվի առնելով մե¬ղադրող կողմի դիրքորոշումը և փաստելով, որ առկա են ՀՀ քրեական դատավա¬րության օրենսգրքի 375.1 և 375.2 հոդվածներով նախա¬տեսված հիմ¬քերն ու պայմանները, որոշեց գործը քննել արագացված դա¬տաքննության կարգով։

Դատարանի իրավական վերլուծությունները.
ՀՀ քրեական օրենսգրքի 235-րդ հոդվածի 4-րդ մասով Վարդան Ղահրամանյանին առա¬ջադրված մեղադրանքը Դատարանը հաստատված համարեց` հաշվի առնելով ամբաստանյալ Ղահրամանյանի խոստովանա¬կան ցուցմունք¬ները, ամբաստանյալ Վ.Ղահրամանյանի մասնակ¬ցությամբ կատարված քննչական փորձարարության արձանագրությունը, վկաներ Տիգրան Աբրահամյանի, Վահե Պողոսյանի, Վարդան Դավթյանի, Աշոտ Խաչատրյանի, Վաչագան Մանուկյանի, Արկադի Բաղդասարյանի, Արտյոմ Գրիգորյանի ցուցմունքները, իրեղեն ապացույց ճանաչված, սառը զենք հանդիսացող կռփազենքի առկայությունը, սառը զենքի փորձաքննության 2011թ. հոկտեմբերի 24-ի թիվ 2101 եզրակացությունը, որպես ապացույց ճանաչված` ոստիկա¬նության Երևան քաղաքի վարչության ՊՊԾ գնդի 3-րդ հատուկ գումարտակի ոստիկան Արկադի Բաղդա¬սար¬յանի զեկուցագիրը։
Նախաքննությամբ ձեռք բերված վերոնշյալ ապացույցները գնահատելիս` Դատարա¬նը եկավ այն եզրահանգման, որ Վարդան Ղահրամանյանին առաջադրված մեղադրանքի հիմքում դրված այդ ապա¬ցույցներն ըստ էության համապա¬տասխանում են ՀՀ քրեական դատա¬վարութ¬յան օրենսգրքով սահմանված թույլատրելիության և վերաբերելիության, իսկ համակ¬ցութ¬¬¬յամբ գործի ճիշտ լուծման տեսանկյու¬նով` բավարարության չափանիշներին։ Դատարանը գտնում է, որ Վ.Ղահրամանյանին մեղսագրվող արարքը` ապօրինի կերպով սառը զենք կրելը, ՀՀ քրեական օրենսգրքի 235-րդ հոդ¬վածի 4-րդ մա¬սով որակված է ճիշտ, վերջինս քրեական պատաս¬խա¬նատ¬վության և պատժի է ենթակա այդ հոդվածով։
Միաժամանակ Դատարանը գտնում է, որ ՀՀ քրեական դատավարական օրենսգրքի 37-րդ և ՀՀ քրեական օրենսգրքի 72-րդ հոդվածով նախատեսված հիմքով /գործուն զղջալ/ Վարդան Ղահրամանյանին քրեական պատասխանատվությունից ազատելու վերաբերյալ վերջինիս պաշտպան Վարդան Գրիգորյանի միջնորդությունն անհիմն է և ենթակա է մերժման, քանի որ այդ հիմքով քրեական պատաս¬խա¬նատվությունից ազատելը պայմանավորված է վարույթն իրականացնող մարմնի, տվյալ դեպ¬քում` Դատարանի հայեցողությամբ։ Բացի այդ, վերոնշյալ հիմքով անձը քրեական պատաս¬խա¬նատ¬վությունից կարող է ազատվել ՀՀ քրեական օրենսգրքի 72-րդ հոդվածի 1-ին մասով թվարկված բոլոր պայմանների միաժամանակյա առկայության պայմաններում, ինչը «Իրավական ակտերի մասին» ՀՀ օրենքի 45-րդ հոդվածի 10-րդ մասի պահանջն է։ Տվյալ դեպքում թեև ամբաստանյալ Ղահրամանյանը ոստիկանի պահանջով է ներ¬կայացրել ապօրինաբար կրած, սառը զենք հանդիսացող կռփազենքը, սակայն այն չի կարող նույնացվել հանցանքը կատարելուց հետո կամովին մեղայականով ներկայացնելու հետ, որը ՀՀ քրեական օրենսգրքի 72-րդ հոդվածի 1-ին մասով նախատեսված հիմքով անձին քրեական պա¬տասխանատ¬վությունից ազատելու պայմաններից է։
Ամբաստանյալ Վարդան Ղահրամանյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հանցանք կատարած անձի նկատմամբ կիրառվող պատիժը և քրեաիրավական ներգործության այլ միջոց¬ները պետք է լինեն արդարացի, համապա¬տասխանեն հանցանքի ծանրությանը, այն կատարելու հանգամանքներին, հանցավորի անձնավորությանը, անհրաժեշտ և բավարար լինեն նրան ուղղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագործության համար մեղավոր ճանաչված անձի նկատմամբ նշանակվում է արդարացի պատիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հանցագործության՝ հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում՝ պատասխանատվությունը և պատիժը մեղմացնող կամ ծանրացնող հանգամանքներով։
Այսպիսով, պատիժն համարվում է արդարացի, եթե դատարանը ճիշտ է գնահատում գործի բոլոր հանգամանքները, հանցավորի անձը բնութագրող բոլոր տվյալները և քրեական օրենքով նախատեսված պահանջներից ելնելով՝ հանցագործության մեջ մեղավոր անձի նկատմամբ նշանակում է այնպիսի պատիժ, որն անհրաժեշտ ու բավարար է այդ անձին ուղղելու և նրա կողմից նոր հանցանքի կատարումը կանխելու համար։
Օրենքի և դատարանի առջև հավասարության սկզբունքն ամրագրած ՀՀ քրեական դատավարական օրենսգրքի 8-րդ հոդվածի համաձայն՝ որոշակի փաստական հանգամանքներ ունեցող գործով ՀՀ Վճռաբեկ դատարանի կամ Մարդու իրավունքների եվրոպական դատա¬րա¬նի դատական ակտի հիմնավորումները, այդ թվում՝ օրենքի մեկնաբանությունները, պարտադիր են դատարանի համար նույնանման փաստական հանգամանքներով գործի քննության ժամանակ։
ՀՀ Վճռաբեկ դատարանը Ա.Պապիկյանի վերաբերյալ ՀՀ վճռաբեկ դա¬տարանի 2007թ. հոկտեմբերի 26-ի ՎԲ-149/07 գործով մեկնաբանելով ՀՀ քրեական օրենսգրքի 62-րդ հոդվածի 2-րդ մասով նախատեսված նորմը` նշել է, որ այն Դատարանին օժտել է անձի պատասխա¬նատվությունը մեղմացնող հանգամանքների կիրառման լայն հայեցողությամբ, քանի որ պատիժ նշանակելիս Դատարանը կարող է հաշվի առնել նաև մեղմացնող այնպիսի հանգամանքներ, որոնք նույն հոդվածի առաջին մասում նշված չեն։
Սույն գործով որպես պատասխանատվությունը և պատիժը մեղմացնող այդպիսի հանգա¬մանքներ Դատարանը հաշվի ա¬ռավ այն, որ ամբաստանյալ Վարդան Ղահրամանյանը կատարել է ոչ մեծ ծանրության հանցանք, որում անկեղծորեն զղջացել և իրեն լիովին մե¬ղավոր է ճանաչել, նախկինում դատապարտված չի եղել, բնութագրվում է դրականորեն։ Վերոնշյալ հանգա¬մանք¬ներն հաստատվել են քրեական գործի նյութերում առկա փաստական տվյալ¬ներով, իրական են և ողջամտորեն նվազեցնում են Ղահրամանյանի անձի հանրային վտանգա¬վո¬րությունը։
Դատարանը, հաշվի առնելով ամբաստանյալ Վարդան Ղահրամանյանի անձը, նրան մեղսագրվող հանցավոր արարքի ոչ մեծ ծանրությունը, դրա կատարման հանգամանք¬ները, գտնում է, որ Ղահրամանյանի նկատմամբ անհրաժեշտ է նշանակել պատիժ` առանց հասարա¬կությունից մեկուսացնելու, և այդ պատիժն արդարացի ու ինքնին բավարար է նրան ուղղելու և նոր հանցա¬գոր¬ծությունները կանխելու համար։
Ամբաս¬տան¬յալ Ղահրամանյանի նկատմամբ նշանակվող պատժի չափը որոշելիս Դատա¬րանը հաշվի առավ արագացված կար¬գով դատական քննության կարգով մեղադրական դա¬տավճիռ կայացնելիս պատիժ նշա¬նա¬կելու` ՀՀ քրեական դատա¬վա¬րական օրենսգրքի 375.3-րդ հոդվածի 6-րդ մասով սահմանված սկզբունքը։
Դատարանը գտնում է, որ գործով իրեղեն ապացույց հանդիսացող կռփազենքն անհրաժեշտ է թողնել ՀՀ ոստիկանության փոր¬ձաքրեա¬գիտական վարչության տնօրինության ներքո։ Գործով քաղաքացիական հայց չի ներկայացվել, ամբաստանյալ Վ.Ղահրամանյանի գույքի նկատմամբ արգելանք չի կիրառվել։
Դատարանը գտնում է նաև, որ ամբաստանյալ Վ.Ղահրամանյանի նկատմամբ որպես խա¬¬¬փանման միջոց ընտրված չհեռանալու մասին ստորագրությունը փոփոխելու կամ վերացնելու հիմ¬քերը բացա¬կա¬յում են։
Գնահատելով նախաքննությամբ ձեռք բերված ապացույց¬ները, ուսումնասիրելով ամբաս¬տանյալ Վարդան Ղահրամանյանի անձը բնութագրող տվյալները, պատասխանատ¬վութ¬յունն ու պատիժը մեղմացնող հանգամանքները, հաշվի առնելով պատասխանատվությունն ու պատիժը ծանրացնող հանգա¬մանքների բացա¬կայությունը, ղեկավարվելով ՀՀ քրեական դատավարա¬կան օրենսգրքի 119-րդ, 357-360-րդ, 364-365-րդ, 369-373-րդ, 375-րդ, ինչպես նաև 375.1-375.4-րդ հոդված¬ներով, Դատա¬րանը

Վ Ճ Ռ Ե Ց՝

Վարդան Լենսերի Ղահրամանյանին ճանաչել մեղավոր ՀՀ քրեական օրենսգրքի 235-րդ հոդ¬վածի 4-րդ մասով նախատեսված հանցա¬գործության կատարման մեջ, նրա նկատմամբ նշանակել պատիժ` տուգանք 300 000 /երեք հարյուր հազար/ ՀՀ դրամի չափով, որի կատարումն հանձնա¬րարել ՀՀ ԱՆ քրեակատարողական վարչության այլընտրանքային պատիժների կա¬տարման ստո¬րաբա¬ժան¬մանը։
Վարդան Ղահրամանյանի նկատմամբ որպես խափանման միջոց ընտրված չհե¬ռանալու մասին ստո¬րագրությունը թողնել անփոփոխ` մինչև սույն դատավճիռն օրի¬նական ուժի մեջ մտնելը։
Գործով իրեղեն ապացույց ճանաչված և ՀՀ ոստիկանության փոր¬ձաքրեա¬գիտական վարչությունում պահվող կռփազենքը թողնել վեր¬ջինիս տնօրինությանը` դատավճիռն օրինական ուժի մեջ մտնե¬լուց հետո։
Դատավճիռը կարող է հրապարակման օրվանից մե¬կամսյա ժամկետում բողո¬քարկվել ՀՀ վերաքննիչ քրեական դատարան` բացառությամբ ՀՀ քրեական դատա¬վարության օրենսգրքի 395-րդ հոդ¬¬վածի 1-ին կետով նախատեսված հիմքի։


ԴԱՏԱՎՈՐ՝ Ա.ՎԱՐԴԱՆՅԱՆ