ԵԿԴ/0227/01/11






ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«20» դեկտեմբերի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Վ.Միլիտոնյան
պաշտպաններ Ա.Կարապետյան
Ն.Մեհրաբյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Վաղարշակ Հայկազի Սաֆարյանի` ծնված 1981 թվականի հոկտեմբերի 24-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, նախկինում չդատապարտված, չի աշխատում, բնակվել է Երևան քաղաքի Ամիրյան փողոցի 24-րդ շենքի 11-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով, արգելանքի տակ է 2010 թվականի նոյեմբերի 27-ից,
Վազգեն Արմենի Սեկոյանի` ծնված 1981 թվականի հունիսի 2-ին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, չամուսնացած, նախկինում չդատապարտված, չի աշխատում, բնակվում է Երևան քաղաքի Օրբելի փողոցի 8-րդ շենքի 43-րդ բնակարանում, մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով, խափանման միջոց է ընտրվել ստորագրություն չհեռանալու մասին:
1. Գործի դատավարական նախապատմությունը.
2010 թվականի նոյեմբերի 27-ին ՀՀ ոստիկանության Արաբկիրի քննչական բաժնի քննիչ Ն.Եղիկյանի որոշմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 269.1 հոդվածի 1-ին մասով նախատեսված հանցագործությունների հատկանիշներով հարուցվել և վարույթ է ընդունվել թիվ 14132910 քրեական գործը:
2010 թվականի նոյեմբերի 30-ին ՀՀ ոստիկանության Արաբկիրի քննչական բաժնի քննիչ Ն.Եղիկյանի որոշմամբ թիվ 14132910 քրեական գործով Վաղարշակ Հայկազի Սաֆարյանին մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով:
2011 թվականի փետրվարի 17-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910 քրեական գործն ընդունվել է վարույթ:
2011 թվականի հոկտեմբերի 25-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910 քրեական գործով Վազգեն Արմենի Սեկոյանին մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 268-րդ հոդվածի 3-րդ մասով և 269.1 հոդվածի 2-րդ մասով` այն արարքների համար, որ նա 2010 թվականի հունվարից մինչև նույն թվականի հուլիսի կեսերը, Վաղարշակ Սաֆարյանի և Արթուր Գրիգորյանի հետ նախնական համաձայնությամբ, վերջինի կողմից պատրաստված կեղծ դեղատոմսերն օգտագործելու միջոցով, առանց իրացնելու նպատակի, իրենց գործածման համար Երևան քաղաքի Աբովյան 37-8 հասցեում գործող, «Վիոլա և Ժասմին» ՍՊ ընկերությանը պատկանող դեղատնից ապօրինի ձեռք են բերել խոշոր և առանձնապես խոշոր չափերով «տրամադոլ» տեսակի հոգեմետ նյութ պարունակող դեղահաբեր և նույն ժամանակահատվածում կուլ տալու միջոցով գործածել են: Այսպես.
Վազգեն Սեկոյանը, Վաղարշակ Սաֆարյանի և Արթուր Գրիգորյանի հետ նախնական համաձայնությամբ, վերջինի կողմից պատրաստված հոգեմետ նյութ ստանալու իրավունք տվող կեղծ փաստաթղթեր, այն է` նկարելու եղանակով կեղծված անհրաժեշտ կնիքների դրոշմներով, մտացածին բժիշկ Գայանե Աշոտի Մարտիրոսյանի անունից լրացված և տարբեր հիվանդների անվամբ դուրս գրված հոգեմետ դեղի համար դեղատոմսեր, օգտագործելու միջոցով, առանց իրացնելու նպատակի, իրենց կողմից գործածելու դիտավորությամբ 2010 թվականի հունվարի 12-ից մինչև 2010 թվականի հուլիսի 15-ը` հունվար ամսին թվով 8, փետրվարին` 17, մարտին` 13, ապրիլին` 22, մայիսին` 22, հունիսին` 15, հուլիսին` 6 դեպքերով, Երևան քաղաքի Աբովյան 37-8 հասցեում գործող, «Վիոլա և Ժասմին» ՍՊ ընկերությանը պատկանող դեղատնից ապօրինի ձեռք են բերել յուրաքանչյուր դեպքում առանձնապես խոշոր չափերով` 5 գրամից ավելի «տրամադոլ» տեսակի հոգեմետ նյութ պարունակող 100 հաբից ավել` ընդհանուր մոտ 22.935 «տրամադոլ 50 մգ» դեղահաբեր:
Բացի այդ, Վազգեն Սեկոյանը, Վաղարշակ Սաֆարյանի և Արթուր Գրիգորյանի հետ նախնական համաձայնությամբ, նույն եղանակով և կրկին առանց իրացնելու նպատակի, իրենց կողմից գործածելու դիտավորությամբ, 2010 թվականի հունվարի 7-ից մինչև 2010 թվականի հուլիսի 17-ը` հունվար ամսին թվով 12, փետրվարին` 10, մարտին` 12, ապրիլին` 6, մայիսին` 8, հունիսին` 12, հուլիսին` 6 դեպքերով նույն դեղատնից ապօրինի ձեռք են բերել յուրաքանչյուր դեպքում խոշոր չափերով` 5 գրամ «տրամադոլ» տեսակի հոգեմետ նյութ պարունակող 100` ընդհանուր մոտ 6.600 «տրամադոլ 50 մգ» դեղահաբեր:
Ձեռք բերված վերը նշված «տրամադոլ 50 մգ» դեղահաբերի ամբողջ քանակությունը Վազգեն Սեկոյանը, Վաղարշակ Սաֆարյանը և Արթուր Գրիգորյանն օրական 30-40 հաբ կուլ տալու միջոցով գործածել են 2010 թվականի հունվարից մինչև 2010 թվականի հուլիսի 17-ն ընկած ժամանակահատվածում:
2011 թվականի հոկտեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910 քրեական գործով Վաղարշակ Հայկազի Սաֆարյանին առաջադրված մեղադրանքը փոփոխվել, լրացվել է և նրան նոր մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 268-րդ հոդվածի 3-րդ մասով և 269.1 հոդվածի 2-րդ մասով` այն արարքների համար, որ նա 2010 թվականի հունվարից մինչև նույն թվականի հուլիսի կեսերը, Վազգեն Սեկոյանի և Արթուր Գրիգորյանի հետ նախնական համաձայնությամբ, իսկ հուլիսի կեսերից մինչև 2010 թվականի նոյեմբերի 27-ը Արմեն Վարդանյանի ու Արթուր Գրիգորյանի հետ նախնական համաձայնությամբ, վերջինի կողմից պատրաստված կեղծ դեղատոմսերն օգտագործելու միջոցով, առանց իրացնելու նպատակի, իրենց գործածման համար Երևան քաղաքի Աբովյան 37-8 հասցեում գործող, «Վիոլա և Ժասմին» ՍՊ ընկերությանը պատկանող դեղատնից ապօրինի ձեռք են բերել խոշոր և առանձնապես խոշոր չափերով «տրամադոլ» տեսակի հոգեմետ նյութ պարունակող դեղահաբեր և նույն ժամանակահատվածում կուլ տալու միջոցով գործածել են: Հիշյալ ժամանակահատվածում Վաղարշակ Սաֆարյանը Արթուր Գրիգորյանի հետ նախնական համաձայնությամբ կեղծ դեղատոմսեր օգտագործելու միջոցով նույն դեղատնից և նպատակով ապօրինի ձեռք են բերել նաև «վալիում» տեսակի դեղահաբեր և կրկին կուլ տալու եղանակով գործածել են: Այսպես.
Վաղարշակ Սաֆարյանը, Վազգեն Սեկոյանի և Արթուր Գրիգորյանի հետ նախնական համաձայնությամբ, վերջինի կողմից պատրաստված հոգեմետ նյութ ստանալու իրավունք տվող կեղծ փաստաթղթեր, այն է` նկարելու եղանակով կեղծված անհրաժեշտ կնիքների դրոշմներով, մտացածին բժիշկ Գայանե Աշոտի Մարտիրոսյանի անունից լրացված և տարբեր հիվանդների անվամբ դուրս գրված հոգեմետ դեղի համար դեղատոմսեր, օգտագործելու միջոցով, առանց իրացնելու նպատակի, իրենց կողմից գործածելու դիտավորությամբ 2010 թվականի հունվարի 12-ից մինչև 2010 թվականի հուլիսի 15-ը` հունվար ամսին թվով 8, փետրվարին` 17, մարտին` 13, ապրիլին` 22, մայիսին` 22, հունիսին` 15, հուլիսին` 6 դեպքերով, Երևան քաղաքի Աբովյան 37-8 հասցեում գործող, «Վիոլա և Ժասմին» ՍՊ ընկերությանը պատկանող դեղատնից ապօրինի ձեռք են բերել յուրաքանչյուր դեպքում առանձնապես խոշոր չափերով` 5 գրամից ավելի «տրամադոլ» տեսակի հոգեմետ նյութ պարունակող 100 հաբից ավել` ընդհանուր մոտ 22.935 «տրամադոլ 50 մգ» դեղահաբեր:
Բացի այդ, Վաղարշակ Սաֆարյանը, Վազգեն Սեկոյանի և Արթուր Գրիգորյանի հետ նախնական համաձայնությամբ, նույն եղանակով և կրկին առանց իրացնելու նպատակի, իրենց կողմից գործածելու դիտավորությամբ, 2010 թվականի հունվարի 7-ից մինչև 2010 թվականի հուլիսի 17-ը` հունվար ամսին թվով 12, փետրվարին` 10, մարտին` 12, ապրիլին` 6, մայիսին` 8, հունիսին` 12, հուլիսին` 6 դեպքերով նույն դեղատնից ապօրինի ձեռք են բերել յուրաքանչյուր դեպքում խոշոր չափերով` 5 գրամ «տրամադոլ» տեսակի հոգեմետ նյութ պարունակող 100` ընդհանուր մոտ 6.600 «տրամադոլ 50 մգ» դեղահաբեր:
Նկարագրվածներից բացի, Վաղարշակ Սաֆարյանը, Արթուր Գրիգորյանի հետ նախնական համաձայնությամբ, նույն եղանակով, առանց իրացնելու նպատակի, իրենց կողմից գործածելու դիտավորությամբ 2010 թվականի նոյեմբերի 12-ին, 13-ին, 18-ին, 20-ին և 26-ին, 5 դեպքերով նույն դեղատնից ապօրինի ձեռք են բերել յուրաքանչյուր դեպքում առանձնապես խոշոր չափերով` 5 գրամից ավել «տրամադոլ» տեսակի հոգեմետ նյութ պարունակող 100 հաբից ավել` ընդհանուր մոտ 1.000 «տրամադոլ 50 մգ» դեղահաբեր:
Բացի այդ, Վաղարշակ Սաֆարյանը, Արմեն Վարդանյանի հետ նախնական համաձայնությամբ, առանց իրացնելու նպատակի, իրենց կողմից գործածելու դիտավորությամբ խոշոր չափերով «տրամադոլ» տեսակի հոգեմետ նյութ պարունակող դեղահաբեր ապօրինի ձեռք բերելու, իսկ Արթուր Գրիգորյանի հետ` նաև նրա կողմից պատրաստված նույն կեղծ դեղատոմսերն օգտագործելու վերաբերյալ նախնական համաձայնությամբ, 2010 թվականի հունվարի 8-ից մինչև 2010 թվականի նոյեմբերի 26-ը` հունվար ամսին թվով 3, հունիսին` 3, հուլիսին` 6, օգոստոսին` 16, սեպտեմբերին` 12, հոկտեմբերին` 21, նոյեմբերին` 13 դեպքերով նույն դեղատնից ապօրինի ձեռք են բերել յուրաքանչյուր դեպքում խոշոր չափերով` 5 գրամ «տրամադոլ» տեսակի հոգեմետ նյութ պարունակող 100` ընդհանուր մոտ 7.400 «տրամադոլ 50 մգ» դեղահաբեր:
Շարադրվածներից բացի, Վաղարշակ Սաֆարյանը, Արթուր Գրիգորյանի կողմից պատրաստված նմանատիպ կեղծ դեղատոմսերն օգտագործելու վերաբերյալ նրա հետ նախնական համաձայնությամբ, կրկին առանց իրացնելու նպատակի, իրենց կողմից գործածելու դիտավորությամբ, 2010 թվականի նոյեմբերի 2-ին, 11-ին, 16-ին, 19-ին և 24-ին, 5 դեպքերով նույն դեղատնից ապօրինի ձեռք են բերել ընդհանուր 225 հաբ «վալիում 5 մգ» դեղահաբեր:
Ձեռք բերված վերը նշված «տրամադոլ 50 մգ» և «վալիում 5 մգ» դեղահաբերի ամբողջ քանակությունը Վաղարշակ Սաֆարյանը և Արթուր Գրիգորյանն օրական 30-40 հաբ կուլ տալու միջոցով գործածել են 2010 թվականի հունվար-դեկտեմբեր ամիսներն ընկած ժամանակահատվածում, Վազգեն Սեկոյանը նույն քանակությամբ ու եղանակով` 2010 թվականի հունվարից մինչև 2010 թվականի հուլիսի 17-ն ընկած ժամանակահատվածում, իսկ Արմեն Վարդանյանը նույն եղանակով և 1 օրում 20-30 հաբ կուլ տալու միջոցով` 2010 թվականի հունվարից մինչև 2010 թվականի նոյեմբերի 26-ն ընկած ժամանակահատվածում:
2011 թվականի հոկտեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910 քրեական գործից անջատվել է Վաղարշակ Սաֆարյանի, Վազգեն Սեկոյանի և Արմեն Վարդանյանի վերաբերյալ մասը, որին շնորհվել է 14132910/1 համարը:
2011 թվականի հոկտեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910/1 քրեական գործով Հասմիկ Վաղարշակի Սաֆրազբեկյանի նկատմամբ քրեական հետապնդում չի իրականացվել` նրա արարքում հանցակազմի բացակայության հիմքով:
2011 թվականի հոկտեմբերի 26-ին ՀՀ ոստիկանության քննչական գլխավոր վարչության ՀԿԳ քննության վարչության ՀԿԳ ավագ քննիչ Տ.Կիրակոսյանի որոշմամբ թիվ 14132910/1 քրեական գործով Արմեն Արամի Վարդանյանի նկատմամբ քրեական հետապնդում չի իրականացվել` համաներման ակտի ընդունման հիմքով:
2011 թվականի նոյեմբերի 15-ին Վաղարշակ Հայկազի Սաֆարյանի և Վազգեն Արմենի Սեկոյանի վերաբերյալ թիվ 14132910/1 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան, որին շնորհվել է ԵԿԴ/0227/01/11 համարը:
2011 թվականի դեկտեմբերի 8-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0227/01/11 քրեական գործով Վաղարշակ Հայկազի Սաֆարյանի նկատմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով քրեական հետապնդումը դադարեցվել է` համաներման ակտի ընդունման հիմքով:
2011 թվականի դեկտեմբերի 8-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0227/01/11 քրեական գործով Վազգեն Արմենի Սեկոյանի նկատմամբ ՀՀ քրեական օրենսգրքի 268-րդ հոդվածի 2-րդ մասի 2-րդ կետով քրեական հետապնդումը դադարեցվել է` համաներման ակտի ընդունման հիմքով:
2. Արագացված դատական քննություն.
Մինչ դատաքննությունն սկսելն ամբաստանյալներ Վաղարշակ Հայկազի Սաֆարյանը և Վազգեն Արմենի Սեկոյանը միջնորդեցին դատական քննությունն անցկացնել արագացված կարգով և հայտնեցին, որ միջնորդությունը ներկայացրել են կամավոր, խորհրդակցել են իրենց պաշտպանների հետ, գիտակցում են արագացված կարգով դատական քննություն անցկացնելու հետևանքները, առաջադրված մեղադրանքներն իրենց պարզ են, համաձայն են մեղադրանքների հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Վաղարշակ Հայկազի Սաֆարյանը կատարել է արարքներ` նախատեսված ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով, իսկ ամբաստանյալ Վազգեն Արմենի Սեկոյանը` արարքներ` նախատեսված ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագրերը, բնութագիրը և դիպլոմի պատճենը, եկավ հետևյալ եզրահանգման.
Վաղարշակ Հայկազի Սաֆարյանի անձը դրականորեն բնութագրող հանգամանքներ են ինքնախոստովանական ցուցմունքներ տալը և կատարածի համար զղջալը:
Դատարանը գտնում է, որ Վաղարշակ Սաֆարյանի պատասխանատվությունն ու պատիժը մեղմացնող հանգամանքներ պետք է դիտել նախկինում արատավորված` դատապարտված չլինելը և դրականորեն բնութագրվելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Վաղարշակ Սաֆարյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Վաղարշակ Սաֆարյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Վաղարշակ Սաֆարյանը ենթակա է քրեական պատասխանատվության և պատժի:
Դատարանը, հաշվի առնելով Վաղարշակ Սաֆարյանի կողմից կատարված` ՀՀ քրեական օրենսգրքի 269.1 հոդվածի 2-րդ մասով նախատեսված արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ նրա նկատմամբ ՀՀ քրեական օրենսգրքի 269.1 հոդվածի 2-րդ մասով պատիժ պետք է նշանակել ազատազրկում` 2 (երկու) տարի 6 (վեց) ամիս ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 1-ին կետի 1-ին ենթակետի համաձայն` պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց` բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի: Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը, սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Վաղարշակ Սաֆարյանի նկատմամբ Համաներման որոշման կիրառման համար:
Հիմք ընդունելով վերը նշվածը` Դատարանը գտնում է, որ Համաներման որոշման կիրառմամբ ամբաստանյալ Վաղարշակ Սաֆարյանին պետք է ազատել ՀՀ քրեական օրենսգրքի 269.1 հոդվածի 2-րդ մասով նշանակված պատժից:
Դատարանը, հաշվի առնելով Վաղարշակ Սաֆարյանի կողմից կատարված` ՀՀ քրեական օրենսգրքի 268-րդ հոդվածի 3-րդ մասով նախատեսված արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ նրա նկատմամբ ՀՀ քրեական օրենսգրքի 268-րդ հոդվածի 3-րդ մասով պատիժ պետք է նշանակել ազատազրկում` 2 (երկու) տարի 6 (վեց) ամիս ժամկետով, որը նա պետք է կրի:
Համաներման որոշման 8-րդ կետի 5-րդ ենթակետի համաձայն` ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործություն կատարելու համար դատապարտված անձանց պատժաչափի չկրած մասը պետք է կրճատել մեկ քառորդով:
Դատարանը, հիմք ընդունելով վերոգրյալը և հաշվի առնելով Համաներման որոշման կիրառման վերոգրյալ հիմնավորումները, գտնում է, որ Համաներման որոշման կիրառմամբ Վաղարշակ Սաֆարյանի նկատմամբ ՀՀ քրեական օրենսգրքի 268-րդ հոդվածի 3-րդ մասով նշանակված պատժաչափի չկրած մասը պետք է կրճատել մեկ քառորդով:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Վաղարշակ Սաֆարյանի պատժի կրման սկիզբը պետք է հաշվել 2010 թվականի նոյեմբերի 27-ից, քանի որ նա ձերբակալվել է այդ օրը, իսկ 2010 թվականի նոյեմբերի 30-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Վաղարշակ Սաֆարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական դատավարության օրենսգրքի 360-րդ հոդվածի 1-ին մասի 15-րդ կետի համաձայն` դատավճիռ կայացնելիս դատարանը լուծում է նաև այն հարցը, թե հանցանքը կատարելու մեջ մեղավոր ճանաչված ամբաստանյալի նկատմամբ անհրաժեշտ է արդյոք կիրառել հարկադրական բուժում:
Դատանարկոլոգիական հանձնաժողովային փորձաքննության 2011 թվականի փետրվարի 9-ի թիվ 014-11 եզրակացության համաձայն` Վաղարշակ Սաֆարյանը տառապում է «Ափիոնային թմրամոլություն» ախտորոշմամբ, ուստի հարկադիր բուժման կարիք ունի, որի համար հակացուցումներ չկան:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող:
Քանի որ Վաղարշակ Սաֆարյանի վերաբերյալ դատանարկոլոգիական փորձաքննության եզրակացությունն ավելի քանի տասը ամսվա վաղեմություն, իսկ այդ ժամանակահատվածի ընթացքում Վաղարշակ Սաֆարյանի նկատմամբ որպես խանփանման միջոց ընտրված է եղել կալանավորումը, ուստի Դատարանը չի կարող գալ այն եզրահանգման, որ նա ներկայում ունի հարկադիր բուժման կարիք: Բացի այդ, բժշկական բնույթի հարկադրանքի միջոցները մշտապես պայմանավորված են մարդու իրավունքնների և ազատությունների հարկադիր սահմանափակման հետ: Բժշկական բնույթի հարկադրանքի միջոցների կիրառման հիմնավորվածությունն այն անձնաց նկատմամբ, ովքեր ի վիճակի են գիտակցել իրենց գորոծողությունների (անգործության) բնույթն ու հանրության համար վտանգավորության աստիճանը հակասում է ծանր հոգեկան խանգարումով չտառապող անձանց բուժման հոժարակամության սկզբունքին, որն ամրագրված է «Հոգեբուժական օգնության մասին» 2004 թվականի մայիսի 25-ի և «Բնակչության բժշկական օգնության և սպասարկման մասին» 2006 թվականի մարտի 4-ի ՀՀ օրենքներով:
Վազգեն Արմենի Սեկոյանի անձը դրականորեն բնութագրող հանգամանքներ են, բարձրագույն կրթություն ունենալը, ինքնախոստովանական ցուցմունքներ տալը և կատարածի համար զղջալը:
Վազգեն Սեկոյանի պատասխանատվությունն ու պատիժը մեղմացնող հանգամանք է հանցագործությունը բացահայտելուն և խմբակային հանցագործության մյուս մասնակիցներին մերկացնելուն աջակցելը, որոնց մասին քրեական հետապնդման մարմիններին մինչ այդ հայտնի չի եղել:
Դատարանը գտնում է, որ Վազգեն Սեկոյանի պատասխանատվությունն ու պատիժը մեղմացնող հանգամանք պետք է դիտել նախկինում արատավորված` դատապարտված չլինելը:
Վերը նշված անձը դրականորեն բնութագրող և պատասխանատվությունն ու պատիժը մեղմացնող հանգամանքները Վազգեն Սեկոյանի կատարած բոլոր արարքներով էլ առկա են:
Դատարանը միաժամանակ արձանագրում է, որ Վազգեն Սեկոյանի պատասխանատվությունն ու պատիժը ծանրացնող հանգամանքներ չկան:
Կատարած արարքների համար ամբաստանյալ Վազգեն Սեկոյանը ենթակա է քրեական պատասխանատվության և պատժի:
Դատարանը, հաշվի առնելով Վազգեն Սեկոյանի կողմից կատարված` ՀՀ քրեական օրենսգրքի 269.1 հոդվածի 2-րդ մասով նախատեսված արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ նրա նկատմամբ ՀՀ քրեական օրենսգրքի 269.1 հոդվածի 2-րդ մասով պատիժ պետք է նշանակել ազատազրկում` 2 (երկու) տարի ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 1-ին կետի 1-ին ենթակետի համաձայն` պատժից պետք է ազատել առավելագույնը երեք տարի ժամկետով ազատությունից զրկելու հետ կապված պատիժների դատապարտված անձանց` բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի: Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը, սակայն սույն քրեական գործի նյութերում բացակայում է Համաներման որոշման 9-րդ կետում նշված այն սահմանափակումները, որոնք կարող են արգելք հանդիսանալ Վազգեն Սեկոյանի նկատմամբ Համաներման որոշման կիրառման համար:
Հիմք ընդունելով վերը նշվածը` Դատարանը գտնում է, որ Համաներման որոշման կիրառմամբ ամբաստանյալ Վազգեն Սեկոյանին պետք է ազատել ՀՀ քրեական օրենսգրքի 269.1 հոդվածի 2-րդ մասով նշանակված պատժից:
Դատարանը, հաշվի առնելով Վազգեն Սեկոյանի կողմից կատարված` ՀՀ քրեական օրենսգրքի 268-րդ հոդվածի 3-րդ մասով նախատեսված արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, գտնում է, որ նրա նկատմամբ ՀՀ քրեական օրենսգրքի 268-րդ հոդվածի 3-րդ մասով պատիժ պետք է նշանակել ազատազրկում` 2 (երկու) տարի ժամկետով:
Համաներման որոշման 8-րդ կետի 5-րդ ենթակետի համաձայն` ՀՀ քրեական օրենսգրքի 268-րդ հոդվածի 3-րդ մասով նախատեսված հանցագործություն կատարելու համար դատապարտված անձանց պատժաչափի չկրած մասը պետք է կրճատել մեկ քառորդով:
Դատարանը, հիմք ընդունելով վերոգրյալը և հաշվի առնելով Համաներման որոշման կիրառման վերոգրյալ հիմնավորումները, գտնում է, որ Համաներման որոշման կիրառմամբ Վազգեն Սեկոյանի նկատմամբ ՀՀ քրեական օրենսգրքի 268-րդ հոդվածի 3-րդ մասով նշանակված պատժաչափի չկրած մասը պետք է կրճատել մեկ քառորդով և նրա նկատմամբ վերջնական պատիժ նշանակել ազատազրկում` 1 (մեկ) տարի 6 (վեց) ամիս ժամկետով:
Համաձայն ՀՀ քրեական դատավարության օրենսգրքի 360-րդ հոդվածի` դատավճիռ կայացնելիս դատարանը մի շարք այլ հարցերի հետ միասին պետք է լուծի նաև այն հարցը, թե ամբաստանյալն արդյոք պետք է կրի իր նկատմամբ նշանակված պատիժը, թե` ոչ:
ՀՀ քրեական օրենսգրքի 70-րդ հոդվածի համաձայն` եթե դատարանը, ազատազրկման ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մաuին: ՀՀ վճռաբեկ դատարանն իր` 2007 թվականի հունիսի 12-ի թիվ ՎԲ-124/07 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել: ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է: Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները: Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»:
ՀՀ վճռաբեկ դատարանը մեկ այլ` 2008 թվականի փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը: ՀՀ վճռաբեկ դատարանը միաժամանակ նշել է, որ սոցիալական արդարությունը վերականգնելու և պատժի ենթարկված անձի ուղղվելու մասին կարող է վկայել հանցագործությունից հետո հանցավորի դրսևորած վարքագիծը, մասնավորապես` տուժողին պատճառած վնասը հարթելը կամ այն հարթելուն ուղղված ողջամիտ միջոցներ ձեռնարկելը:
Դատարանը, անդրադառնալով տուժողին պատճառած վնասը վերականգնելու մասով վկայակոչված որոշմամբ արտահայտված իրավական դիրքորոշմանը, հարկ է համարում նշել, որ սույն գործն ունի իր առանձնահատկությունը, այն է` ամբաստանյալ Վազգեն Սեկոյանի կողմից անմիջականորեն չի պատճառվել ֆիզիկական կամ գույքային (նյութական) վնաս, ավելին` սույն գործով չկա նաև տուժող: Նշված հանգամանքներն օբյեկտիվորեն անհնար են դարձնում տուժողին պատճառված վնասի հարթումը կամ դրան ուղղված միջոցների ձեռնարկումը: Ինչ վերաբերում է հանցագործությունից հետո ամբաստանյալ Վազգեն Սեկոյանի դրսևորած վարքագծին, ապա նա տվել է խոստովանական ցուցմունքներ, աջակցել է հանցագործությունը բացահայտելուն և խմբակային հանցագործության մյուս մասնակիցներին մերկացնելուն, զերծ է մնացել այլ հանացավոր արարքներ կատարելուց և չլինելով կալանավորված` չի խուսափել քննությունից ու դատից:
Հանցագործությունից հետո ամբաստանյալ Վազգեն Սեկոյանի դրսևորած վարքագիծը, նրան դրականորեն բնութագրող և պատասխանատվությունն ու պատիժը մեղմացնող վերը նշված հանգամանքները Դատարանին հիմք են տալիս գալ հետևության, որ ամբաստանյալ Վազգեն Սեկոյանի ուղղվելը հնարավոր է առանց պատիժը կրելու:
Այսպիսով, Դատարանը գտնում է, որ պատժի նպատակներին կարելի է հասնել առանց ամբաստանյալ Վազգեն Սեկոյանի կողմից ՀՀ քրեական օրենսգրքի 268-րդ հոդվածի 3-րդ մասով նախատեսված արարքի կատարման համար նշանակված ազատազրկման ձևով պատիժը կրելու, այսինքն` կիրառելի է ՀՀ քրեական օրենսգրքի 70-րդ հոդվածը:
Դատարանը գտնում է, որ Վազգեն Սեկոյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ դատավճիռն օրինական ուժի մեջ մտնելուց հետո` 2011 թվականի օգոստոսի 21-ի որոշմամբ իրեղեն ապացույց ճանաչված` Վաղարշակ Սաֆարյանի անձնական խուզարկությամբ հայտնաբերված 100 հաբ «տրամադոլ 50մգ» դեղահաբերից մնացած 90 հաբերի, «Վիոլա և Ժասմին», «Ֆարմեքս» ՍՊ ընկերություններին պատկանող դեղատներից առգրավված` ընդհանուր 730 կեղծ դեղատոմսերի հարցը պետք է թողնել լուծելու թիվ 14132910 քրեական գործով:
Դատարանը գտնում է, որ դատական ծախսերն ամբաստանյալներ Վաղարշակ Սաֆարյանից և Վազգեն Սեկոյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Վաղարշակ Հայկազի Սաֆարյանին մեղավոր ճանաչել ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով:
ՀՀ քրեական օրենսգրքի 269.1 հոդվածի 2-րդ մասով Վաղարշակ Հայկազի Սաֆարյանի նկատմամբ պատիժ նշանակել ազատազրկում` 2 (երկու) տարի 6 (վեց) ամիս ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 1-ին ենթակետի կիրառմամբ Վաղարշակ Հայկազի Սաֆարյանին ազատել ՀՀ քրեական օրենսգրքի 269.1 հոդվածի 2-րդ մասով նշանակված պատժից:
ՀՀ քրեական օրենսգրքի 268-րդ հոդվածի 3-րդ մասով Վաղարշակ Հայկազի Սաֆարյանի նկատմամբ պատիժ նշանակել ազատազրկում` 2 (երկու) տարի 6 (վեց) ամիս ժամկետով` պատժի կրման սկիզբը հաշվելով 2010 թվականի նոյեմբերի 27-ից:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 8-րդ կետի 5-րդ ենթակետի կիրառմամբ Վաղարշակ Հայկազի Սաֆարյանի նկատմամբ ՀՀ քրեական օրենսգրքի 268-րդ հոդվածի 3-րդ մասով նշանակված պատժաչափի չկրած մասը կրճատել մեկ քառորդով:
Վաղարշակ Հայկազի Սաֆարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Վազգեն Արմենի Սեկոյանին մեղավոր ճանաչել ՀՀ քրեական օրենսգրքի 268-րդ հոդվածի 3-րդ մասով և 269.1 հոդվածի 2-րդ մասով:
ՀՀ քրեական օրենսգրքի 269.1 հոդվածի 2-րդ մասով Վազգեն Արմենի Սեկոյանի նկատմամբ պատիժ նշանակել ազատազրկում` 2 (երկու) տարի ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 1-ին կետի 1-ին ենթակետի կիրառմամբ Վազգեն Արմենի Սեկոյանին ազատել ՀՀ քրեական օրենսգրքի 269.1 հոդվածի 2-րդ մասով նշանակված պատժից:
ՀՀ քրեական օրենսգրքի 268-րդ հոդվածի 3-րդ մասով Վազգեն Արմենի Սեկոյանի նկատմամբ պատիժ նշանակել ազատազրկում` 2 (երկու) տարի ժամկետով:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման 8-րդ կետի 5-րդ ենթակետի կիրառմամբ Վազգեն Արմենի Սեկոյանի նկատմամբ ՀՀ քրեական օրենսգրքի 268-րդ հոդվածի 3-րդ մասով նշանակված պատժաչափի չկրած մասը կրճատել մեկ քառորդով և Վազգեն Արմենի Սեկոյանի նկատմամբ վերջնական պատիժ նշանակել ազատազրկում` 1 (մեկ) տարի 6 (վեց) ամիս ժամկետով:
ՀՀ քրեական օրենսգրքի 70-րդ հոդվածի կիրառմամբ Վազգեն Արմենի Սեկոյանի նկատմամբ նշանակված պատիժը` 1 (մեկ) տարի 6 (վեց) ամիս ժամկետով ազատազրկումը, պայմանականորեն չկիրառել և սահմանել փորձաշրջան` 2 (երկու) տարի ժամկետով:
Վազգեն Արմենի Սեկոյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատավճիռն օրինական ուժի մեջ մտնելուց հետո` 2011 թվականի օգոստոսի 21-ի որոշմամբ իրեղեն ապացույց ճանաչված` Վաղարշակ Սաֆարյանի անձնական խուզարկությամբ հայտնաբերված 100 հաբ «տրամադոլ 50մգ» դեղահաբերից մնացած 90 հաբերի, «Վիոլա և Ժասմին», «Ֆարմեքս» ՍՊ ընկերություններին պատկանող դեղատներից առգրավված` ընդհանուր 730 կեղծ դեղատոմսերի հարցը թողնել լուծելու թիվ 14132910 քրեական գործով:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ