ԵԿԴ/0223/01/11





ՈՐՈՇՈՒՄ
ՔՐԵԱԿԱՆ ՕՐԵՆՔՈՎ ՉԹՈՒՅԼԱՏՐՎՈՂ ԱՐԱՐՔ ԿԱՏԱՐԱԾ ԱՆՁԻ
ՆԿԱՏՄԱՄԲ ԲԺՇԿԱԿԱՆ ԲՆՈՒՅԹԻ ՀԱՐԿԱԴՐԱԿԱՆ ՄԻՋՈՑ
ԿԻՐԱՌԵԼՈՒ ՄԱՍԻՆ







Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը (այսուհետ` Դատարան), հետևյալ կազմով.


նախագահող դատավոր` Ա.Վարդանյանի
դատական նիստերի քարտուղար` Ժ.Ավետիսյանի

մասնակցությամբ`

Երևանի Կենտրոն և Նորք-Մարաշ վարչական
շրջանների դատախազության ավագ դատախազ` Ա.Բեգինյանի

տուժող` Ա.Խաչատրյանի

քրեական օրենքով անթույլատրելի արարք
կատարած Է.Հակոբյանի օրինական ներկայացուցիչ` Ա.Հակոբյանի

հանրային պաշտպան` Է.Արամյանի,




2011թ. նոյեմբերի 29-ին, դռնբաց դատական նիստում քննեց Էդուարդ Գորիսի Հակոբյանի նկատմամբ (ծնված 1986թ. հուլիսի 28-ին, Երևանում« ազգությամբ հայ« ՀՀ քաղաքացի« 10-ամյա կրթությամբ« չամուսնացած« նախկինում չդատապարտված« չի աշխատում« բնակվել է Երևանի Կ.Ուլնեցու 3-րդ փողոցի 6-րդ շենքի 9-րդ բնակարանում, ներկայումս գտնվում է ՀՀ ԱՆ «Հոգեբուժական բժշկական կենտրոն» ՓԲ ընկերության Նուբարաշենի կլինիկայում) բժշկական բնույթի հարկադրական միջոց կիրառելու վերաբերյալ գործը։
1. Գործի դատավարական նախապատմությունը.
2011թ. սեպտեմբերի 26-ին ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնի քննիչ Ս.Պետրոսյանը ՀՀ քրեական օրենսգրքի 175րդ հոդվածի 2-րդ մասի 4-րդ կետով նախատեսված հանցագործության հատկանիշներով հարուցել և վարույթ է ընդունել թիվ 15131011 քրեական գործը` Էդգար Հակոբյանի կողմից Աստղիկ Խաչատրյանի կյանքի և առող¬ջության համար վտանգավոր բռնություն գործադրելու սպառնալիքով ավազակային հարձա¬կում կատարելու դեպքի առթիվ։
2011թ. սեպտեմբերի 26-ին` ժամը 22։00-ին, Էդուարդ Հակոբյանը ձերբակալվել է։
2011թ. սեպտեմբերի 28-ին նախաքննական մարմինը Էդուարդ Հակոբյանին մեղադրանք է առաջադրել ՀՀ քրեական օրենսգրքի 175-րդ հոդվածի 2-րդ մասի 4-րդ կետով այն բանի համար, որ վերջինս ուրիշի գույքը հափշտակելու դիտավորությամբ, 2011թ. սեպտեմբերի 26-ին` ժամը 18։00-ի սահմաններում« Երևանի Իսահակյանի անվան գետնանցումում գտնվող ակնոցների խանութ-սրահում հարձակում է գործել վաճառողուհի Աստղիկ Խաչատրյանի վրա ու որպես զենք օգտագործվող առարկայի` դանակի գործադրմամբ, վերջինիս կյանքի և առողջության համար վտանգավոր բռնություն գործադրելու սպառնալիքով, հափշտակել է խանութի ցուցափեղկի վրա դրված կանացի արևային ակնոցն ու դիմել փախուստի։
2011թ. սեպտեմբերի 28-ին Երևանի Կենտրոն և Նորք-Մարաշ վարչական շրջանների ընդհա¬նուր իրավասության դա¬տա¬րանը, բավարարելով նախաքննական մարմնի միջնորդությունը, մե¬ղադրյալ Էդուարդ Հակոբյանի նկատմամբ որպես խափանման միջոց է ընտրել կալանա¬վորումը։
2011թ. հոկտեմբերի 5-ին նույն Դատարանը, բավարարելով վարույթն իրականացնող մարմնի միջնորդությունը, որոշում է կայացրել ստացիոնար դատահոգեբուժական փորձաքննություն անցկացնելու նպատակով Էդուարդ Հակոբյանին ՀՀ ԱՆ «Հոգեբու¬ժական բժշկական կենտրոն» ՓԲ ընկերության Նուբարաշենի կլինիկա տեղավորելու մասին։
2011թ. նոյեմբերի 08-ին, հիմք ընդունելով Էդուարդ Հակոբյանի վերաբերյալ ստացիոնար դատահոգեբուժական փորձաքննության 2011թ. հոկտեմբերի 27-ի թիվ 162 եզրակացությունը` քննվող քրեական գործի նյութերով նա¬խաքննական մարմինը Էդուարդ Հակոբյանի նկատ¬մամբ հարուցել է բժշկական բնույթի հարկադրական միջոցներ կիրառելու վարույթ։
2011թ. նոյեմբերի 8-ին նախաքննության նկատմամբ հսկողություն իրականացնող Երևանի Կենտրոն և Նորք-Մարաշ վարչական շրջանների դատախազության ավագ դատախազ Ա. Բեգինյանը վերացրել է Էդուարդ Հակոբյանի նկատմամբ որպես խափանման միջոց ընտրված կալա¬նա¬վորումը։
2011թ. նոյեմբերի 8-ին Երևանի Կենտրոն և Նորք-Մարաշ վարչական շրջանների ընդհանուր իրավասության դատարանը, բավարարելով նախաքննական մարմնի միջնորդությունը, Էդուարդ Հակոբյանի նկատմամբ որպես անվտան¬գության միջոց է ընտրել հոգեբուժական հիվանդա¬նոցում տեղավորելը։
2011թ. նոյեմբերի 11-ին քրեական օրենքով անթույլատրելի արարք կատարած Էդուարդ Հակոբ¬յանի նկատմամբ բժշկական բնույթի հարկադրական միջոցներ կիրառելու միջնորդությամբ գործն ուղարկվել է Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարան և ընդունվել վարույթ։

2. Ապացույցների հետազոտում և գնահատում.
Տուժող Աստղիկ Խաչատրյանը դատարանում ցուցմունք տվեց այն մասին« որ Երևանի Աբովյան փողոցի գետնանցումում գործող խանութում աշխատում է որպես վաճառողուհի։ 2011թ. սեպ¬տեմբերի 26-ին` ժամը 18։00-ի սահմաններում, նշված խանութ է այցելել Էդուարդ Հակոբյանը, որը ցուցա¬փեղկից վերցրել է կանացի ակնոց, դրել է աչքերին ու հայտնել, որ այդ պահին գումար չունի, հետագայում կվճարի։ Երբ պահանջել է ակնոցը վերադարձնել, Հակոբյանը հրաժարվել է, գրպանից հանելով դա¬նակը` սպառնացել է դրանով վնասել, ապա, ակնոցը հափշտակելով, հեռացել է։ Դանակը տեսնելով` վախեցել և բղավելով օգնություն է կանչել։

Վկա` ՀՀ ոստիկանության պետական պահպանության ծառայության 1-ին գումարտակի 2-րդ վաշտի 1-ին դասակի ավագ ոստիկան Գևորգ Կիրակոսյանը դատարանում ցուցմունք տվեց այն մասին, որ 2011թ. սեպտեմբերի 26-ին Աբովյան և Իսահակյան փողոցների մոտ ծառայություն իրա¬կա¬նացնելու ընթացքում Աբովյան փողոցի գետնանցումից բղավոցի ձայներ է լսել։ Գետնանցումի տաղավարներից մեկի աշխատակցուհին` Աստղիկ Խաչատրյանը, իրեն մատնացույց է արել փախչող մի երիտասարդի` Էդուարդ Հակոբյանին, և հայտնել, որ վերջինս դանակի սպառնա¬լիքով հափշտակել է վաճառվող արևային ակնոցը։ Հետապնդելով Հակոբյա¬նին` նրան բռնել է, իսկ հայտնաբերած դանակը և ակնոցը ներկա¬յացրել է իր ղեկավարությանը։ Հակոբյանին ավազա¬կային հարձակում կատարելու կասկածանքով բերման է ենթարկել ՀՀ ոստիկա¬նության Կենտրո¬նականի բաժին։

Իրեղեն ապացույց ճանաչված և քրեական գործին կցված դանակի և կանացի արևային ակնո¬ցի առկայությամբ։

Որպես ապացույց ճանաչված և դատաքննությամբ հետազոտված`
1. Էդուարդ Հակոբյանին ՀՀ ոստիկանության Կենտրոնականի բաժին բերման ենթարկելու վերա¬բերյալ 2011թ. սեպտեմբերի 26-ին կազմված արձանագրությամբ, որի համաձայն` ավազա¬կային հարձակում կատարելու կասկածանքով դեպքի վայրից ոստիկա¬նութ¬յան բաժին է բերման ենթարկվել Էդուարդ Հակոբյանը։
2. Դանակը և ակնոցը ներկայացնելու մասին 2011թ. սեպտեմբերի 26-ին կազմված արձանագրությամբ, համաձայն որի` ՀՀ ոստիկանության ՊՊԾ գնդի 1-ին հատուկ գումարտակի ավագ ոստիկան Գ. Կիրակոսյանը ոստիկանության բաժին է ներկայացրել կանացի արևային ակնոց և դանակ` հայտարարելով, որ ակնոցն հայտնաբերել է Էդուարդ Հակոբյանի տաբատի գրպանից, իսկ դանակը` գետնանցումով կատարած նրա փախուստի ճանապարհին։
3. ՀՀ ոստիկանության ՊՊԾ գնդի 1-ին հատուկ գումարտակի ավագ ոստիկան Գ. Կիրակոսյանի զեկուցագրով, համաձայն որի` 2011թ. սեպտեմբերի 26-ին ծառայություն իրակա¬նացնելիս, Երևանի Աբովյան-Իսահակյան փողոցների խաչմերուկում գտնվող գետնանցումի տաղա¬վարներից մեկի աշխատակցուհու օգնության կանչին արձագանքելով, հետապնդել և բռնել է Էդուարդ Հակոբյանին, վերջինիս տաբատի ձախ գրպանից հայտնաբերել է արևային ակնոցը, իսկ դանակն հայտնաբերել է գետնանցումում, որից հետո Էդուարդ Հակոբյանին բերման է ենթարկել ոստիկանության բաժին։

Դատաքննությամբ հետազոտված ստացիոնար դատահոգեբուժական փորձաքննության 2011թ. հոկտեմբերի 27-ի թիվ 162 եզրակացության համաձայն` Էդուարդ Հակոբյանը տառապում է «Շիզոֆրենիա պարանոիդ ձև» հոգեկան հիվանդությամբ։ Իրավախախտումը կատարելիս նա գտնվել է վերը նշված հիվանդագին խանգարված վիճակում, արարքը կատարել է ցնորազառան¬ցա¬կան ապրումների ազդեցության տակ, ինչը զրկել է նրան իր գործողությունների վտանգավորութ¬յունը գիտակցելու և դրանք ղեկավարելու հնարավորությունից։ Նույն եզրակացության համաձայն` իրեն մեղսագրվող արարքի նկատ¬մամբ Էդուարդ Հակոբ¬յանը ճանաչվել է անմեղսունակ, ներկա հոգեկան վիճակով չի կարող մասնակցել դատաքննչական գործողություններին, բարձր սոցվտանգ է ներկայացնում ինչպես իր անձի, այնպես էլ շրջապատի համար, կարիք ունի հարկադրական բուժ¬ման հատուկ հսկողության հոգեբուժական բաժանմունքի պայմաններում։

3. Դատարանի իրավական վերլուծությունները.
Գնահատելով դատաքննությամբ հետազոտված վերոնշյալ ապացույցները վերաբերե¬լիության և թույլատրելիության, ըստ համակցության` գործի լուծման համար բավարարության տե¬սանկյունից` Դատարանը հաստատված է համարում այն, որ Էդուարդ Հակոբյանը 2011թ. սեպտեմբերի 26-ին` ժամը 18։00-ի սահմաններում« Երևանի Իսահակյանի անվան գետնանցումում գտնվող ակնոցների խանութ-սրահում ավազա¬կային հարձակում է գործել վաճառողուհի Աստղիկ Խաչատրյանի վրա, այն է` որպես զենք օգտագործվող դանակի գործադրմամբ վերջինիս կյանքի և առողջության համար վտանգավոր բռնություն գործադրելու սպառնալիքով հափշտակել է ցուցադրվող կանացի ակնոցն ու դիմել փախուստի, այսինքն` Էդուարդ Հակոբյանը կատարել է քրեական օրենքով չթույլատրված արարք« որը համապատաս¬խանում է ՀՀ քրեական օրենսգրքի 175-րդ հոդվածի 2-րդ մասի 4-րդ կետով նախատեսված հանցա¬գործության հատկանիշ¬ներին։
Քննարկելով հանցանքը կատարելու պահին Էդուարդ Հակոբյանի մեղսունակության հարցը` Դատարանը, հիմք ընդունելով ստացիոնար դատահոգեբուժական փորձաքննության վերոնշյալ եզրակա¬ցութ¬յան հետևությունները, հաստատված է համարում նաև այն, որ Էդուարդ Հակոբյանը «Շիզոֆրենիա պարանոիդ ձև» հոգեկան հիվանդությամբ տառապելու կապակցությամբ, քրեական օրենքով չթույլատրված վերոնշյալ արար¬քը կատարելիս, գտնվել է անմեղ¬սունակության վիճակում« ինչը նրան զրկել է իր գործողությունների վտանգավորությունը գի¬տակցելու և դրանք ղեկավարելու հնարավո¬րութ¬յունից։
Այսպիսով, Դատարանը հիմնավորված է համարում այն, որ կատարվել է ՀՀ քրեական օրենսգրքի 175-րդ հոդվածի 2-րդ մասի 4-րդ կետով նախատեսված հանրորեն վտանգավոր արարք« քրեական օրենքով չթույլատրվող այդ արարքը կատարել է «Շիզոֆրենիա պարանոիդ ձև» հոգեկան հիվանդությամբ տառապելու պատճառով կատարման պահին անմեղսունակ ճանաչված և դա¬տա¬կան քննության ժամանակ դեռևս նույն հոգեկան հիվանդությամբ տառապող Էդուարդ Հակոբյանը։
Գնահատելով դատաքննությամբ հետազոտված ապացույցները, ղեկավարվելով ՀՀ քրեական դատավարության օրենսգրքի 116-րդ« 119-րդ« 379-րդ« 450-րդ« 457-րդ և 462-464-րդ հոդվածներով` Դատարանը

Ո Ր Ո Շ Ե Ց`

Էդուարդ Գորիսի Հակոբյանին ազատել ՀՀ քրեական օրենսգրքի 175-րդ հոդվածի 2-րդ մասի 4-րդ կետով չթույլատրված արարք կատարելու համար նախատեսված քրեական պատասխա¬նատ¬վությունից և պատժից։
Ամեղսունակության վիճակում վերոհիշյալ արարքը կատարած և դատական քննության պահին նույն վիճակում գտնվող Էդուարդ Հակոբյանի նկատմամբ նշանակել հարկադիր բուժում` հոգեբուժական հիվանդանոցի հատուկ տիպի հոգեբուժական բաժանմունքում։
Էդուարդ Հակոբյանի նկատմամբ կիրառված անվտանգության միջոցը` հոգեբուժական հիվան¬դանոցում տեղավորելը« թողնել անփոփոխ` մինչև սույն որոշման օրինական ուժի մեջ մտնելը։
Որոշումն օրինական ուժի մեջ մտնելուց հետո իրեղեն ապացույց ճանաչված` կանացի արևային ակնոցը վերադարձնել տուժող Աստղիկ Խաչատրյանին, իսկ դանակը` ոչնչացնել։
Որոշումը կարող է բողոքարկվել Հայաստանի Հանրապետության քրեական վերաքննիչ դա¬տա¬րան` հրապարակելու օրվանից մեկամսյա ժամկետում։


ԴԱՏԱՎՈՐ` Ա.ՎԱՐԴԱՆՅԱՆ