ԵԿԴ/0215/01/11

Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
12 մարտի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Հ.ՀԱՐՈՒԹՅՈՒՆՅԱՆԻ
ամբաստանյալ Կ.ՍԱՐԳՍՅԱՆԻ
պաշտպան Ա.ՀԱՐՈՒԹՅՈՒՆՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Կարեն Սամվելի Սարգսյանի` ծնված 16.07.1983թ. ք.Սիսիանում, ազգությամբ հայ, ՀՀ քաղաքացի, ամուսնացած, խնամքին երեք անձ, բարձրագույն կրթությամբ, առողջ, աշխատել է ՀՀ ոստիկա-նության ճանապարհային ոստիկանության ՃՊԾ 1-ին սպայական գումարտակի 1-ին սպայա-կան վաշտի 1-ին սպայական դասակի տեսուչ, ոստիկանության ավագ լեյտենանտ, չդատված, բնակվում է` ք.Երևան, Նոր Նորքի 8-րդ զանգված, 10-րդ շենք, բնակարան հ. 12, մեղադրվում է ՀՀ քրեական օրենսգրքի 311-րդ հոդվածի 2-րդ մասով:
Ամբաստանյալ Կ.Սարգսյանին ՀՀ քրեական օրենսգրքի 311-րդ հոդվածի 2-րդ մասով մե-ղադրանք է առաջադրվել այն բանի համար, որ նա. ՙԱշխատելով Հայաստանի Հանրապետութ-յան ոստիկանության ճանապարհային ոստիկանության ՃՊԾ 1-ին սպայական գումարտակի 1-ին սպայական վաշտի 1-ին սպայական դասակի տեսուչ և հանդիսանալով պաշտոնատար անձ, ծառայություն կատարելիս` 2011թ. սեպտեմբերի 27-ին` ժամը 1715-ի սահմաններում, Մաշտոցի պողոտայի և Ֆրանսիայի հրապարակի հատման հատվածումª ժամկետանց ՙԱՊՊԱ՚ կտրոնով երթևեկելու պատճառով կանգնեցրել է ՙԳազել՚ մակնիշի 26ՕՕ570 պետհամարանիշի ավտո-մեքենան և վարորդ Ավետիք Բարսեղյանի առաջարկով, վերջինիս օգտին ապօրինի անգործու-թյուն դրսևորելով, հիշյալ խախտման համար ՙՎարչական իրավախախտումների վերաբերյալ՚ ՀՀ օրենսգրքի 129.1 հոդվածի 2-րդ մասով նախատեսված վարչական իրավախախտման վերա-բերյալ արձանագրություն չի կազմել, ինչի դիմաց նրանից ստացել է 20.000 ՀՀ դրամ կաշառք՚:
Ամբաստանյալ Կ.Սարգսյանը` մինչև դատաքննությունը սկսվելը, միջնորդեց դատական քննությունն անցկացնել արագացված կարգով ու հայտարարեց, որ միջնորդությունը ներկայաց-նում է կամավոր` իր պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղավոր է ճանաչում և գիտակցում է արագացված կարգով դատական քննություն անցկացնելու հետևանք-ները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայ-նվեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Կ.Սարգսյանը` կատարել է հանցանք` նախատեսված ՀՀ քրեական օրենսգրքի 311-րդ հոդվածի 2-րդ մասով, որով և նա պետք է պատասխանատվու-թյան ենթարկվի:
Ամբաստանյալի նկատմամբ պատիժ նշանակելիս` պատժի չափը որոշելիս, դատարանը հաշվի է առնում ինչպես նրա կատարած արարքի բնույթը և հանրության համար վտանգավո-րության աստիճանը, այնպես էլ արագացված կարգով անցկացված դատաքննության ընթաց-քում ուսումնասիրված` նրա անձը բնութագրող տվյալներն ու պատասխանատվությունը և պա-տիժը մեղմացնող ու ծանրացնող հանգամանքները:
Որպես ամբաստանյալ Կ.Սարգսյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա նախկինում արատավորված չի եղել և առաջին անգամ է դատապարտվում, համաձայնվեց մեղադրանքի հետ և անկեծորեն զղջաց կա-տարած հանցանքի համար, բնութագրվում է դրական, ընտանիքի միակ կերակրողն է ու նրա խնամքին են գտնվում 3 անձ` 2-րդ խմբի հաշմանդամ մայրը, չաշխատող կինը և մինչև 14 տա-րեկան` 1 տարեկան 4 ամսական, զավակը:
Դատաքննությամբ ամբաստանյալի պատասխանատվությունն ու պատիժը ծանրացնող հանգամանքներ չարձանագրվեցին:
Դատարանը, քննության առնելով ամբաստանյալի նկատմամբ նշանակվելիք պատիժը կրելու նպատակահարմարության հարցը, նկատի ունենալով գործի փաստական հանգամանք-ները, ամբաստանյալի անձը բնութագրող տվյալները, նրա պատասխանատվությունն ու պա-տիժը մեղմացնող հանգամանքները, պատասխանատվությունը և պատիժը ծանրացնող հանգա-մանքների բացակայությունն ու ելնելով մարդասիրության և ՀՀ քրեական օրենսգրքի 10-րդ ու 61-րդ հոդվածներով սահմանված արդարության, պատասխանատվության անհատականացման և պատիժ նշանակելու ընդհանուր սկզբունքներից, հանգում է հետևության, որ ամբաստանյալի ուղղվելը հնարավոր է առանց հիմնական պատիժը կրելու` ՀՀ քրեական օրենսգքրի 70-րդ հոդ-վածի կիրառմամբ ազատազրկման ձևով նշանակվելիք պատիժը պայմանականորեն չկիրառելու միջոցով, ինչն անհրաժեշտ ու բավարար է նաև սոցիալական արդարությունը վերականգնելու և նրա կողմից նոր հանցագործությունների կատարումը կանխելու համար:
Դատարանը, ինչպես պատիժ նշանակելիս հաշվի առնված հանգամանքների« այնպես էլ նշանակված պատիժը կրելու նպատակահարմարության վերաբերյալ վերոգրյալ հետևություն-ներին հանգելիս ղեկավարվում է նաև ՀՀ վճռաբեկ դատարանի կողմից մի շարք որոշումներում արտահայտած իրավական դիրքորոշումներով: /Տես` թիվ, թիվ ՎԲ-124/07« ՎԲ-192/07« ԵՇԴ /0029/01/08« ԱՎԴ2/0059/01/08« ԵԱՔԴ/0078/01/09« ԼԴ2/0019/01/09, ՍԴ/0085/01/10, ԳԴ1/0003/ 01/10 որոշումները/:
Այսպիսով, դատարանը գտնում է, որ սույն քրեական գործի կոնկրետ փաստական հան-գամանքները, ամբաստանյալի անձը բնութագրող տվյալները, նրա պատասխանատվությունն ու պատիժը մեղմացնող հանգամանքները համակցության մեջ էականորեն նվազեցնում են նրա անձի և կատարած արարքի հասարակական վտանգավորության աստիճանը, ինչը նրա նկատ-մամբ պատիժը պայմանականորեն չկիրառելու օբյեկտիվ հիմք է:
Դատարանը, քննության առնելով խափանման միջոցի հարցը, գտնում է, որ ամբաս-տանյալի նկատմամբ կիրառված խափանման միջոցը` մինչև դատավճռի օրինական ուժի մեջ մտնելը, պետք է թողնվի անփոփոխ:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 357-րդ, 359-րդ, 360-րդ ու 3753-րդ հոդվածներով` դատարանը

Վ Ճ Ռ Ե Ց

Կարեն Սամվելի Սարգսյանին ճանաչել մեղավոր ՀՀ քրեական օրենսգրքի 311-րդ հոդ-վածի 2-րդ մասով ու դատապարտել ազատազրկման 3 (երեք) տարի ժամկետով` ՀՀ ոստիկա-նությունում աշխատելու և քաղաքացիական ծառայության պաշտոն զբաղեցնելու իրավունքից զրկելով 2 (երկու) տարի ժամկետով:
ՀՀ քրեական օրենսգրքի 70-րդ հոդվածի կիրառմամբ Կ.Սարգսյանի նկատմամբ նշա-նակված հիմնական պատիժը պայմանականորեն չկիրառել և սահմանել փորձաշրջան 2 (երկու) տարի ժամկետով:
Կ.Սարգսյանի նկատմամբ ընտրված խափանման միջոցը` ստորագրություն` չհեռանալու մասին, թողնել անփոփոխ` մինչև դատավճռի օրինական ուժի մեջ մտնելը:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ