գործ թիվ ԵԿԴ0213/01/11





ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևանի Կենտրոն և Նորք-Մարաշ վարչական շրջանների ընդհանուր իրավա¬սության դատարանը,

նախագահությամբ դատավոր` Արշակ Վարդանյանի
քարտուղարությամբ` Ժենյա Ավետիսյանի

մասնակցությամբ`

մեղադրող, ՀՀ գլխավոր դատախազության`
թմրամիջոցների ապօրինի շրջանառության
հանցագործությունների գործերով բաժնի
դատախազ` Մարատ Հակոբյանի


2011թ. դեկտեմբերի 26-ին դռնբաց դատական նիստում քննեց քրեական գործն ըստ մեղադրանքի`

Վ ա չ ա գ ա ն Հ ա մ լ ե տ ի Թ ա դ և ո ս յ ա ն ի
(ծնված 1972թ. նոյեմբերի 16-ին, Երևանում« ազ¬գությամբ հայ« ՀՀ քաղաքացի« ութամյա կրթությամբ« ամուսնացած, խնամքին 1 անչափահաս, չի աշխատում, հաշվառ¬ված է Երևա¬նի Շիրազի 40-րդ շենքի 6-րդ բնակարանում, ներ¬¬կա¬յումս ՀՀ ԱՆ «Նուբա¬րաշեն» ՔԿՀ կալա¬նավոր, կալան¬քի տակ է 2011թ. մայիսի 24-ից)


1. Գործի դատավարական նախապատմությունը.
Թիվ 69103211 քրեական գործն հարուցվել է 2011թ. մայիսի 24-ին ՀՀ քրեական օրենսգրքի 268-րդ հոդվածի 3-րդ մասի հատկանիշներով ՀՀ ոստիկա¬նութ¬յան ՔԳՎ հատկապես կարևոր գործերի քննության վարչությունում։
2011թ. մայիսի 24-ին Վաչագան Թադևոսյանը ձերբակալվել է, իսկ 2011թ. մայիսի 26-ին, բավարարելով նախաքննական մարմնի միջնորդությունը, Երևանի Կենտրոն և Նորք-Մարաշ վարչական շրջանների ընդհանուր իրա¬վա¬սության դատա¬րանը Վ.Թադևոսյանի նկատմամբ որպես խափանման միջոց է ընտրել կալանավորում։
2011թ. մայիսի 26-ին նախաքննական մարմինը Վ.Թադևոսյանին մեղադ¬րանք է առա¬ջադրել ՀՀ քրեա¬կան օրենսգրքի 268-րդ հոդվածի 3-րդ մա¬սով։
2011թ. մայիսի 31-ին Արթուր Գրիգորյանի նկատմամբ հարուցված քրեական հե¬տապնդու¬մը դադարեցվել է` առանձնապես խոշոր չափի թմրա¬միջոց ձեռք բերելու հարցում Վաչագան Թադևոսյանին օժանդա¬կելու հանցակազմի բացակայության հիմքով։
2011թ. հոկտեմբերի 7-ին Վաչագան Թադևոսյանին առաջադրված մեղադրանքը փո¬փոխ¬վել և լրացվել է, նրան մեղադրանք է առաջադրվել ՀՀ քրեական օրենսգրքի 268-րդ հոդվածի 3-րդ մասով և 38-215-րդ հոդվածի 2-րդ մասով։
2011թ. հոկտեմբերի 26-ին սույն քրեական գործից անջատվել է ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով որպես մեղադրյալ ներգրավված, հետախուզվող Արտյոմ Մեսրոպյանի վերաբերյալ մասը, որով նախաքննութ¬յունը շարունակվել է 69103211/1 համարի քրեական գործով։
2011թ. նոյեմբերի 4-ին քրեական գործը Վաչագան Թադևոսյանի նկատմամբ ՀՀ քրեա¬կան օրենսգրքի 38-215-րդ հոդվածի 2-րդ մասով և 268-րդ հոդվածի 3-րդ մասով հաստատ¬ված մեղադրական եզրա¬կացությամբ ուղարկվել է Երևանի Կենտրոն և Նորք-Մարաշ վարչական շրջանների ընդ¬հա¬նուր իրավասության դատարան /այսուհետ` Դատա¬րան/ և 2011թ. նոյեմ¬բերի 10-ին ընդուն¬¬վել է վարույթ։

2.Ապացույցների հետազոտում և գնահատում
Դատաքննությամբ հետազոտված ապացույցներով Դատարանը հաստատված հա¬մա¬րեց հետևյալը.
Վաչագան Թադևոսյանը, մշտական հեռախոսակապ պահպանելով Ֆրանսիայի Հանրապետության Լիոն քաղաքում բնակվող ընկերոջ` Արտյոմ Մեսրոպյանի հետ, վերջինիս տրամադրել է իր հարևան Արթուր Գրիգորյանի անձնագրային տվյալ¬ները, բջջային հեռախոսահամարը և առանց իրաց¬նելու նպատակի առանձնապես խոշոր չափի թմրամիջոց ապօրի¬նա¬բար ձեռք բերելու և պահելու դիտավորությամբ խնդրել է մաքսանենգ ճանապարհով` ծան¬րոցի մեջ թաքցնելու միջոցով, 2011թ. մայիսին Հայաստան առաքել «բուպրենորֆին» տեսակի թմրա¬միջոց։
Վաչագան Թադևոսյանի հորդորով` ծանրոցում թմրամիջոցի առկայության մասին ան¬տեղյակ և Թադևոսյանի խաբեության հետևանքով բարեխիղճ մոլորության մեջ հայտնված Արթուր Գրիգորյանը 2011թ. մայիսի 24-ին Երևանի Տիգրան Մեծ պողոտայի 1-ին նրբանցքում գործող «Ծանրոցների կենտրոնական փոստատնից» ստացել է իր անվամբ Ֆրանսիայից առաք¬ված ծանրոցը, որը, նախնական պայմանավորվածության համաձայն, փոխանցել է թմրամիջոցի իրական պատվիրատուին` Վաչագան Թադևոսյանին, սակայն ապօրինաբար թմրամիջոց պահելու և իրացնելու կասկածանքով անմիջապես բերման են ենթարկվել ՀՀ ոստիկանութ¬յան կազմակերպված հանցավորության դեմ պայքարի գլխա¬վոր վարչություն։ Նույն պահին Արթուր Գրիգորյանի մասնակցությամբ իրականացվել է ծանրոցի զննում, որի արդյունքում դիաբե¬տիկ շաքարի 3 տուփերում հայտնաբերվել և առգրավվել են առանձնա¬պես խոշոր չափի՝ ընդհանուր` 1,567 գրամ «բուպրենորֆին» տե¬սակի թմրա¬միջոց պարու¬նակող «Սուբուտեքսի» 198 դե¬ղա¬հաբ, որն հայտնաբերվել և առգրավ¬վել է։
Վերոնշյալ հանցավոր արարքների կատարման համար ամբաստանյալ Վաչագան Թադևոսյանին մեղադրանք է առաջադրվել ՀՀ քրեական օրենսգրքի 38-215-րդ հոդվածի 2-րդ մասով և 268-րդ հոդվածի 3-րդ մասով, Արթուր Գրիգորյանի նկատմամբ հարուցված քրեական հետապնդումը դադարեցվել է` թմրամիջոց ձեռքբերելու հարցում Վաչագան Թադևոսյա¬նին օժանդակելու հանցակազմի բացակայության հիմքով, իսկ Արտյոմ Մեսրոպյանը ներգրավվել է որպես մեղադրյալ ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 215-րդ հոդվածի 2-րդ մասով, նրա նկատմամբ հայտարարվել է հետախուզում, և նրա վերաբերյալ քրեական գործի մասն առանձնացվել է։
Առաջադրված մեղադրանքում ամբաստանյալ Վ.Թադևոսյանի մեղավորության վերա¬¬¬բերյալ հետևության Դատարանը հանգեց պատշաճ իրավական ընթացակարգերի շրջա¬նակ¬նե¬րում հետազոտած հետևյալ ապացույցների գնա¬հատմամբ.
Ամբաստանյալ Վաչագան Թադևոսյանի նախաքննական ցուցմունքներով։
Առաջադրված մեղադրանքի շուրջ դիրքորոշումը Դատարանում պարզելու ընթացքում ամբաս¬տանյալ Վ.Թադևոսյանն իրեն մեղավոր ճանաչեց միայն առանձնապես խոշոր չա¬փի թմրամիջոց ապօրինաբար ձեռք բերելու և պահելու մասով, սակայն այնուհետև առհա¬սարակ մեղավոր չճանաչեց։ Դատա¬րանում հայտարարեց, որ հայտ¬¬նաբերված թմրա¬միջոց¬ների հետ առհասարակ որևէ առնչություն չունի, Երևանի «Հրազդան» մարզադաշտում պատահաբար հանդիպած, Լիոն քաղաքի բնակիչ Նոնայից խնդրել է Հայաստան ուղարկել պսորիազ հիվանդության բուժ¬ման դեղեր, իսկ թե վերջինս ինչու է թմրամիջոց ուղարկել, տեղյակ չէ։ Հայտնեց նաև, որ փորձել է քրեական պատասխանատ¬վութ¬յունից և դատական քաշքշուկներից զերծ պահել իր մեղքով` անձնագրային տվյալները Նոնային փոխանցելու պատճառով, դեպքի կապակ¬ցութ¬յամբ ոստիկանություն բերման ենթարկված Արթուր Գրիգորյանին, ուստի նա¬խաքննութ¬յան ընթացքում ցուցմունքներ է տվել, թե իբր ծանրոցում հայտնա¬բերված թմրամիջոցն իրենն է, այն իր խնդրանքով Նոնան է Ֆրանսիայից ուղարկել։
Ամբաստանյալ Թադևոսյանի հրապարակված նախաքննական ցուցմունքներում, մասնա¬վո¬րապես` բերման ենթարկվելու օրն որպես կասկածյալ հար¬ցաքննվելիս վերջինս նշել էր, որ Նոնային հանդիպել է 2011թ. մարտին «Հրազդան» մարզադաշտին հարակից տոնավա¬ճառում, որտեղ տեղեկանալով, որ Նոնան ապրում է Լիոն քաղաքում, խնդրել է պսորիազի դեմ դեղեր, ինչպես նաև սուբուտեքս ուղարկել։ Նոնային տվել է իր և հարևանի` Արթուր Գրիգորյանի անձնագրի տվյալները, քանի որ այդ պահին իր անձնագրի վավերակա¬նության ժամկետը լրանալիս է եղել։ Արթուր Գրիգորյանին այդ մասին տեղեկացրել է միայն 2011թ. մայիսի 20-ին։ 2011թ. մայիսի 24-ին իր առաջարկով Արթուր Գրիգորյանը ծանրոցը ստացել և Երևանի Բաղրամյան փողոցում` մեքենայի մեջ, հանձնել է իրեն, սակայն ոստիկանները մոտեցել և բոլորին բերման են ենթարկել ՀՀ ոստիկանութ¬յան 6-րդ վարչություն։ Ծանրոցի զննման ընթացքում հայտնաբեր¬վել է «սուբուտեքս» թմրամիջոցի 198 դեղահաբ, որը թեև Լիոնից ուղարկվել էր Գայանե Արզումանյանի անվամբ, սակայն իրականում ուղարկել էր Նոնան։ Նույն ցուցմունքում նշել էր նաև, որ Նոնայի հետ ծանոթացել է Թուրքիայում, որտեղ վերջինս հագուստ է վաճառում, սակայն նրա որևէ հեռախոսահամար չունի, տեղյակ չէ, թե վերջինս Երևանի ինչ հասցեում է բնակվել։ Ամբաստանյալ Վ.Թադևոսյանը նույնաբովանդակ ցուցմունքներ է տվել 2011թ. մայիսի 25-ին Արթուր Գրիգորյա¬նի հետ առերես հարցաքննվելիս` ավելացնելով, որ ծան¬րոցն ուղարկվել է իր հա¬մար, ծանրոցում թմրամիջոցի առկայության մասին Արթուր Գրիգորյանին չի տեղեկացրել` խաբելով, թե իբր նախկինում երկու անգամ իր անունով ծանրոցներ է ստացել և երրորդ անգամ ծանրոց ստա¬նալու դեպքում 60 եվրո գումարի չափով կարող է տուգան¬վել։ 2011թ. մայիսի 26-ին որպես մեղադրյալ հարցաքննվելիս ՀՀ քրեական օրենսգրքի 268-րդ հոդվածի 3-րդ մասով առաջադրված մեղադրանքում իրեն լիո¬վին մեղավոր է ճանաչել` կրկին նշելով, որ Ֆրանսիայից թմրամիջոցն ուղարկել է Նոնան։ Նշել է նաև, թե իբր երբևէ Ֆրանսիա չի զանգահարել, առավել ևս` Նոնային, վերջինիս հեռախոսահամարը չգիտի։
2011թ. հոկտեմբերի 7-ին լրացուցիչ հարցաքննվելիս ամբաստանյալ Թադևոսյանն իրեն մեղա¬վոր է ճանաչել մասնակիորեն` նշելով, որ Նոնայից խնդրել է ուղարկել ընդամենը 5 դեղահաբ սուբուտեքս։ Եթե Նոնան դրանից ավել սուբուտեքս է ուղարկել, ուրեմն դրանք ևս իրենն են։ Այս անգամ նշել է նաև, որ բացի Նոնայից Ֆրանսիայում է բնակվում իր ման¬կական ընկեր Արտյոմ Մեսրոպյանը, ում հեռախոսահամարներն հիշեցված են իր բջջային հեռախոսի մեջ` «Արտյոմ Ֆր» անվամբ։ 2011թ. հոկտեմբերի 7-ին առաջադրված մեղադրանքը փոփո¬խելուն և լրացնելուն հաջոր¬դած առաջին և հետագա հարցաքննությու¬նից հետո մե¬ղադրյալ Վ.Թադևոսյանն հրաժարվել է նախկին ցուցմունքներից` շարունակա¬բար պնդելով, որ թմրամիջոցն ուղարկել է Նոնան և ոչ Արտյոմ Մեսրոպյանը, վերջինս դրա հետ որևէ առնչութ¬յուն չունի։ 2011թ. հոկտեմբերի 28-ի և հետագա նախաքննական ցուց¬մունք¬¬¬ներում ամբաս¬տանյալ Վաչագան Թադևոսյանն հայտնել է, թե չի իմացել, որ Նոնայի ուղարկած ծանրոցի մեջ թմրամիջոց կա, թմրամիջոց ուղարկելու խնդրանքով Նոնային չի դիմել։
Դատարանը, վերլուծելով ամբաստանյալ Վ.Թադևոսյանի հակասական և իրարա¬մերժ ցուցմունքները, դրանք համադրելով քրեական գործի նյութերում առկա փաստական տվյալների հետ, գտնում է, որ խոստովանական ցուցմունքներից հրաժարվելու վերա¬բերյալ ամբաստանյալ Վ.Թադևոսյանի պատճառաբանությունն անհիմն է և մտացածին, քանի որ այդ ցուցմունքները շարունակվել են նաև բերման ենթարկելու օրն Արթուր Գրիգորյանին ՀՀ ոստիկանության ԿՀԴՊ գլխավոր վարչությունից ազատ արձակելուց, 2011թ. մայիսի 24-ին նրա նկատմամբ որպես խափանման միջոց ստորագրություն ընտրելուց, 2011թ. մայիսի 25-ին Արթուր Գրիգորյանի հետ ամբաստանյալ Թադևոսյանի առերես հարցաքննվելուց, նույնիսկ 2011թ. մայիսի 31-ին Ա.Գրիգորյանի նկատմամբ հարուցված քրեական հե¬տապնդումը դադարեցնելուց հետո։
Բացի այդ, ուսումնասիրելով քննվող հանցագործության դեպքի կատարման եղանակն ու հան¬գամանքները, պատշաճ իրավական ընթացակարգերի շրջանակներում վերլուծելով և հետա¬¬զո¬տելով ամբաստանյալ Վ.Թադևոսյանի նախաքննական և դատաքննական իրարա¬մերժ ցուց¬մունք¬¬ները, դրանք համադրելով դատաքննությամբ հետազոտված ապա¬ցույց¬ների հետ` Դա¬տա¬րանը հանգեց հետևության, որ ամբաստանյալ Թադևոսյանը նախապես քաջատեղյակ է եղել ծանրոցում թմրամիջոցի առկայության մասին, իրեն և թմրամիջոցի առաքմանն անմիջականորեն առնչվող Լիոն քաղաքի բնակիչ Արտյոմ Մեսրոպյանին հնարավոր քրեական պատասխանատվությունից զերծ պահելու շար¬ժառիթով` վերջինիս է ներկայացրել ծանրոցն ստացող այլ հասցեատիրոջ` Արթուր Գրիգորյանի անձնագրային տվյալները և բջջային հեռախոսահամարը, և ծանրոցն ուղարկվել է վերջինիս անունով ու հասցեով, սակայն մտացածին անձի` Գայանե Արզումանյանի անունից։ Արդյունքում փորձ է կատարվել քո¬ղար¬կելու թմրամիջոցը պատվիրած ամբաստանյալ Վաչագան Թադևոս¬յանի և դրա առաք¬ման մեջ մե¬ղադրվող Արտյոմ Մեսրոպյանի անձը։ Նույն պատճառաբանությամբ Դատարանն անարժա¬նա¬հա¬վատ է համարում նաև ոմն Նո¬նայի գոյության փաստը` գտնելով, որ Նոնան մտացածին անձնավորություն է և ամբաս¬տանյալ Թադևոսյանի ցուցմունք¬ներում ի հայտ է եկել վեր¬ջինիս ընկեր Արտյոմ Մեսրոպյանին հնարավոր քրեա¬կան պատասխա¬նատ¬վությունից զերծ պահելու նպատակով։
Վերոնշյալ հետևությունների Դատարանը հանգեց հետևյալ ապացույցների հետա¬զոտ¬¬մամբ և գնահատմամբ.
Վկա Արթուր Գրիգորյանը Դատարանում ցուցմունք տվեց այն մասին, որ 2011թ. մայիսի 20-ին բակում հանդիպել է Վաչագան Թադևոսյանին, ով տեղեկացրել է, որ նրա կնոջ բարեկամը Ֆրանսիա¬յից ծանրոց է ուղարկելու, որում մանկահասակ երեխայի հագուստ¬ներ են լինելու։ Իր անունով ծանրոց ուղարկելը Վ.Թադևոսյանը պատճառա¬բա¬նել է նրանով, որ արդեն երկու անգամ ծանրոցներ ստացել է, և որ երրորդ անգամ ծանրոց ստանալու դեպքում կենթարվի 60 եվրո տուգանքի։
2011թ. մայիսի 24-ին տեղեկացել է, որ փոստատնից ծանու¬ցագիր է ստացվել, որի կապակցությամբ զանգահարել է Վաչագան Թադևոսյանին` առա¬ջար¬կե¬լով գնալ և ստանալ ծանրոցը։ Վաչագան Թադևոսյանի առաջարկով գնացել է փոստատուն, ստացել ծանրոցը, ապա վերադարձել է իր մեքենայի մոտ, որի ղեկին եղել է Կարեն Խալաթյանը։ Իրենց են մոտեցել ոստիկանության աշխատակիցներ, հետաքրքրվել ծան¬րոցի պարունա¬կութ¬յամբ և պատկանելիությամբ։ Նրանց պատմել է ծանրոցն ստա¬նալու հանգամանքները, ապա զանգահարել և պայմանավորվել է Վաչագան Թադևոսյանի հետ, Երևանի Պռոշյան փողոցի վրա հանդիպել և ծանրոցը փոխանցել նրան, որից հետո ոստիկաններն իրենց բերման են ենթարկել ՀՀ ոստիկանության 6-րդ վարչություն։ Այդտեղ իր և ընթերակաների մասնակցությամբ ոստիկանները բացել և զննել են ծանրոցի պարունա¬կությունը, որում երեխայի շորեր առհասարակ չեն եղել, իսկ դիաբետիկի տուփերի մեջ հայտնաբերվել է թմրամիջոցի 198 դեղահաբ։
Վկա Արթուր Գրիգորյանն իր ցուցմունքները պնդել է նաև ամբաստանյալ Վաչագան Թադևոսյանի հետ առերես հարցաքննվելիս։
Վկա Կարեն Խալաթյանի ցուցմունքով։ Նա Դատարանում հայտնեց, որ բարեկամը` Արթուր Գրիգորյանը, ավտոմեքենա վարել չի իմացել, ուստի 2011թ. մայիսի 24-ին վերջինիս գնած ավտոմե¬քենան մաքսազերծելու նպատակով մաքսատուն են տարել միասին։ Արթուր Գրիգորյանի առաջարկով մաքսատնից հետո գնացել են փոստատուն, քանի որ վերջինս տեղեկացել էր, որ նրա անունով ծանրոց է եկել։ Գրիգորյանի խոսքերից հասկացել է, որ այդ ծանրոցը նախատեսված է եղել վերջինիս հարևան Վաչագան Թադևոսյանի համար և պետք է հանձնվեր նրան։ Գրիգորյանը, ստանալով Ֆրանսիայից առաքված ծանրոցը, վերադարձել է իր մոտ, սակայն ավտոմեքենային են մոտեցել ոստիկանության աշխատակիցները, հետաքրքրվել ծանրոցի պատկա¬նելիությամբ և պարունակությամբ։ Ա.Գրիգորյանը նրանց պատմել է եղելությունը, նշել, որ ծանրոցն Վաչագան Թադևոս¬յանինն է, այնուհետև զանգահարել և ծանրոցն հանձնելու հանգամանքների շուրջ պայմա¬նա¬վորվել է Վաչագան Թադևոսյանի հետ։ Վերջինիս հանդիպել են Երևանի Պռոշյան փողոցում, փոխանցել են ծանրոցը, որից հետո ոստիկան¬ներն իրենց բերման են ենթարկել ՀՀ ոստիկանության 6-րդ վարչություն։ Այնտեղ կատար¬վել է ծանրոցի զննում և դրանում հայտնաբերվել են նաև թմրամիջոցներ։
Վկա Գարիկ Խաչատրյանի ցուցմունքով։ Նա Դատարանում հայտնեց է, որ մեկ տարի է, ինչ շահագոր¬ծում է 099-225233 հեռախոսահամարը, որով զանգահարել է նաև Ֆրանսիայի Հանրապետության Լիոն քաղաքում բնակ¬վող իր ծանոթ Արտյոմ Համլետի Մեսրոպյանին, ով շահագործում է 0033650182307 բջջային հեռախոսա¬համարը։
Վկա Արման Մեսրոպյանի ցուցմունքով։ Նա հայտնեց, որ եղբայրը` Արտյոմ Մես¬րոպյանը, մոտ 12 տարի է, ինչ բնակվում է Լիոն քաղաքում` «.......... 69140 Ռիլլիե¬լաքս Լա Պապ հասցեում» և վերջինիս հետ հեռախոսակապ է պահպանում 0033650182307 հեռախո¬սա¬համարի վրա զանգահարելով։ Նշեց նաև, որ Արտյոմ Մեսրոպյանը և Վաչագան Թադևոսյանը մտերիմներ են, միմյանց ճանաչում են տարիներ շարունակ։ Հայտնեց նաև, որ իր հորեղբայր Էդուարդ Մեսրոպյանին Էդիկ են անվանում։
Ծանրոցը զննման ենթարկելու վերաբերյալ արձանագրությամբ, համաձայն որի` ծանրոցի վրա անգլերեն լեզվով նշված է Արթուր Գրիգորյանի հասցեն` Շիրազի 40 շենք, բնակարան 51, հատկապես վերջինիս բջջային 093-191-128 հեռախոսա¬հա¬մարը։ Որպես ծանրոցն ուղարկողի հասցե նշված է «69140 Ռիլլիե¬լաքս Լա Պապ» հասցեն։ Զննմամբ հայտնաբերվել է նաև «B8» դաջվածքով «Սուբուտեքս» տեսակի թմրամիջոցի 198 դեղա¬հաբ։ Համաձայն նույն արձանագրության` զննման մասնակից Արթուր Գրիգորյանն հայ¬տա¬¬րարել է, որ թեև ծանրոցն իր անունով է, սակայն պատկանում է հարևան Վաչոյին /ըստ գործի նյութերի` ամբաստանյալ Վաչագան Թադևոսյանին/։
Իրերի զննման արձանագրությամբ, համաձայն որի` ծանրոցում հայտնաբերված դիետիկ շաքարի տուփերի վրա փակցված դեղին թղթի զննմամբ հայտնա¬բերվել են հետևյալ գրառումները` «Տվեք Էդո հոպարին, իրա դիետիկ շաքարներնա շաքար հիվան¬դության դեմ, ասա էլի կուղարկեմ»։
Արթուր Գրիգորյանի անձնական խուզարկության վերաբերյալ արձա¬նագրությամբ, համաձայն որի` նրա մոտ հայտնաբերվել և առգրավվել է կարմիր ստվա¬րաթղթե արկղով ծանրոցը։
Իրեղեն ապացույց ճանաչված և դատաքննության ընթացքում զննված 1,567 գրամ «բուպրենորֆին» տեսակի թմրամիջոց պարունակող «սուբուտեքս» տեսակի 198 դեղահաբի առկայությամբ։
Դատաքիմիական փորձաքննության 24.05.2011թ. թիվ 175Ք եզրակացությամբ, համաձայն որի` փորձաքննությանը ներկայացված 198 դեղահաբերում հայտնաբեր¬վել է «բուպրենորֆին» տեսակի 1,567 գրամ ընդհանուր քաշով թմրամիջոց։
Որպես ապացույց ճանաչված և դատաքննությամբ հետազոտված` Վաչագան Թադևոսյանի, Արթուր Գրիգորյանի և Կարեն Խալաթյանի բերման ենթարկելու արձա¬նագրություն¬ների, նրանց բացատրությունների, Վ.Թադևոսյանի հեռա¬խոսա¬համարների էլեկտրոնային կրիչների առկայությամբ։
Վաչագան Թադևոսյանի «Նոկիա 6300» մակնիշի 358288030367949 գործարանային համարի բջջային հեռախոսի զննման արձանագրությամբ։ Նշված հեռախոսի մուտքային զանգերի ցանկում հայտնաբերվել է +33650182307 հեռախոսահամարից /ըստ քրեական գործի նյութերի պատկանում է Արտյոմ Մեսրոպյանին/ կատարված մուտ¬քային զանգ, որը կատարվել է ծանրոցն ստանալու օրը` 2011թ. մայիսի 24-ին` ժամը 15.47-ին։ Բաց թողնված հեռախոսահամարների ցանկում հայտնաբերվել է +33650182307 հեռա¬խո¬սա¬համարից կա¬տար¬ված հեռախոսազանգ` կատարված 2011թ. մայիսի 19-ին` ժամը 10.40-ին։
Վաչագան Թադևոսյանի վերաբերյալ դատաքիմիական փորձաքննության 2011թ. հունիսի 6-ի թիվ 0371 եզրակացությամբ, համաձայն որի` Թադևոսյանի մեզի փոր¬ձանմու¬շում հայտնաբերվել են կանաբիսի խմբի թմրամիջոցների թմրալկալոիդներ և ափիոիդային շարքի անալգետիկ` բուպրենորֆինի մետաբոլիտի հետքեր։

3. Դատարանի իրավական վերլուծությունները.
Գնահատելով դատաքննությամբ հետազոտված ապացույցները վերա¬բերե¬լիության և թույլատրելիության, ըստ համակցության` գործի լուծման համար բավարա¬րութ¬յան տե¬սանկյունից` Դատարանը հաստատված համարեց այն, որ ամբաստանյալ Վաչագան Թադևոսյանը Արտյոմ Մեսրոպյանին դրդել է թմրամիջոցի մաքսանենգության, ինչպես նաև վերջինիցս առանց իրացնելու նպատակի ապօրինաբար ձեռք է բերել և պահել առանձ¬նապես խոշոր չափի թմրամիջոց, ուստի վերջինս քրեական պա¬տաս¬¬խա¬նատ¬վության ու պատժի ենթա¬կա է ՀՀ քրեական օրենսգրքի 268-րդ հոդվածի 3-րդ մասով նախատեսված հան¬ցավոր արարքի կատարման և 38-215-րդ հոդվածի 2-րդ մասով նախատեսված հանցա¬վոր արարքի դրդչության համար։
Ամբաստանյալ Անդրանիկ Աբրահամյանի նկատմամբ նշանակվող պատժի տեսակը և չափը որոշելիս Դատարանը հաշվի է առնում հետևյալը.
ՀՀ քրեական օրենսգրքի 48-րդ հոդվածի 2-րդ մասի համաձայն՝ պատժի նպատակն է վերականգնել սոցիալական արդարությունը, ուղղել պատժի ենթարկված անձին, ինչպես նաև կանխել հանցագործությունները։ ՀՀ քրեական օրենսգրքի 10-րդ հոդվածի համաձայն` հան¬ցանք կատարած անձի նկատմամբ կիրառվող պատիժը և քրեաիրավական ներգոր¬ծության այլ միջոց¬ները պետք է լինեն արդարացի, համապա¬տասխանեն հանցանքի ծան¬րութ¬յանը, այն կատարելու հանգամանքներին, հանցավորի անձնավորությանը, անհրա¬ժեշտ և բավա¬րար լինեն նրան ուղ¬ղելու և նոր հանցա¬գործությունները կանխելու համար։
ՀՀ քրեական օրենսգրքի 61-րդ հոդվածի 1-ին մասն սահմանում է, որ հանցագոր¬ծության համար մեղավոր ճանաչված անձի նկատմամբ նշանակվում է արդարացի պա¬տիժ, իսկ նույն հոդվածի 2-րդ մասի համաձայն՝ պատժի տեսակը և չափը որոշվում են հան¬ցագործության՝ հանրության համար վտանգավորության աստիճանով և բնույթով, հանցա¬վորի անձը բնու¬թագրող տվյալներով, այդ թվում՝ պատասխանատվությունն ու պատիժը մեղմացնող և/կամ ծանրաց¬նող հանգամանքներով։
Սույն գործով որպես պատասխանատվությունը և պատիժը մեղմացնող հանգա¬մանք¬ներ Դատարանը հաշվի ա¬ռավ այն, որ ամբաստանյալ Վաչագան Թադևոսյանը նախ¬կինում դատապարտված չի եղել, բնութագրվում է դրակա¬նորեն, խնամքին ունի երկու անձ, որից մեկը` անչափահաս։
Պատասխանատվությունը և պատիժը մեղմացնող վերոնշյալ հանգամանքներն հաս¬տատ¬ված են գործով ձեռք բերված և դատաքննությամբ հետա¬զոտված, թույլատրե¬լիութ¬յան ու վերաբերելիության չափանիշներին համապատասխանող ապացույց¬ներով և ող¬ջամտո¬¬րեն նվազեցնում են ամբաստանյալ Թադևոսյանի կատարած արարքի հանրային վտան¬գավորությունը։
Ամբաստանյալի պատասխանատվությունը և պատիժը ծանրացնող հանգամանքներ Դատարանը չարձանագրեց։
Գործով քաղաքացիական հայց չի ներկա¬յացվել, սակայն նախաքննական մարմինը 2011թ. հոկտեմբերի 10-ին կալանք է դրել ամբաստանյալ Վաչագան Թադևոսյանի գույքի վրա, փաստացի արգելանքի է վերցրել անձնական խուզարկությամբ նրա մոտ հայտնա¬բերած և վերցրած բջջային հեռախոսները, մեկ քարով դեղին մետաղից մատանին և 5/հինգ/ հազար ՀՀ դրամ գումարը։ Հաշվի առնելով, որ սույն գործով քաղաքացիական հայց չի ներ¬կա¬յացվել, իսկ ՀՀ քրեական օրենսգրքի 215-րդ հոդվածի համաձայն` բռնագրավ¬¬ման ենթակա է միայն մաքսա¬նենգության առար¬կան, տվյալ դեպ¬քում` թմրամի¬ջոցը, Դատարա¬նը գտնում է, որ գույքի վրա կալանք դնելու վերաբերյալ վերոնշյալ որոշումն անհրաժեշտ է վերաց¬նել։
Քննարկելով իրեղեն ապացույց ճանաչված թմրամիջոցի տնօրինման հարցը` Դատա¬րանը գտնում է, որ մեղադրյալ Արտյոմ Մեսրոպյանի վերաբերյալ սույն գործից անջատված թիվ 69103211/1 գործը քննող նա¬խաքննության մարմնի դիմումը պետք է բավարարել և իրեղեն ապացույց ճանաչված «սուբուտեքս» տեսակի 195 /ևս երեք դեղահաբերն օգտա¬գործվել են փորձագիտական հետազոտության ընթացքում/ դեղահաբերը վերա¬դարձնել այդ մարմնին` քրեական գործին կցելու համար։
Դատարանը գտնում է նաև, որ ամբաստանյալ Վաչագան Թադևոսյանի նկատմամբ որպես խա¬¬¬¬փան¬ման միջոց ընտրված կալանավորումը փոփոխելու կամ վերացնելու հիմ¬քերը բացա¬կա¬յում են։
Դատանարկոլոգիական հանձնաժողովային փորձաքննության 2011թ. հունիսի 30-ի թիվ 0147-11 եզրակացության համաձայն` ամբաստանյալ Վ.Թադևոսյանը տառապում է «ափիոնային թմրամոլություն» ախտորոշմամբ, սակայն նրա հարկադիր բուժումը թմրա¬մոլությունից հակացուցված է փսորիազ հիվանդությամբ տառա¬պելու պատճառով, ուստի Դատա¬րանն ամբաստանյալ Վ.Թադևոսյանի նկատմամբ բժշկա¬կան բնույթի հարկադրան¬քի միջոց չի նշանակում։
Գնահատելով դատաքննությամբ հետազոտված ապացույց¬ները, ամբաս¬տանյալ Վաչա¬գան Թադևոսյանի անձը բնութագրող տվյալները, այդ թվում` պատասխանատ¬վութ¬յունն ու պա¬տիժը մեղմացնող հանգամանքները, հաշվի առնելով նրան մեղսագրվող հան¬ցագոր¬ծության բնույթն ու հանրության համար վտան¬գա¬¬¬վո¬րության աստի¬ճանը, ղեկավար¬վելով ՀՀ քրեական դատավա¬րա¬կան օրենսգրքի 119-րդ, 357-360-րդ, 364-365-րդ, 369-373-րդ հոդված¬ներով՝ Դատա¬րանը

Վ Ճ Ռ Ե Ց ՝

Վաչագան Համլետի Թադևոսյանին ճանաչել մեղավոր ՀՀ քրեական օրենսգրքի 268-րդ հոդվածի 3-րդ մասով և 38-215-րդ հոդվածի 2-րդ մասով նախատեսված հանցա¬գոր¬ծությունների կատարման մեջ, նրան ՀՀ քրեական օրենսգրքի 268-րդ հոդվածի 3-րդ մասով դատա¬պարտել ազա¬տազրկման 3/երեք/ տարի ժամկետով, իսկ ՀՀ քրեական օրենսգրքի 38-215-րդ հոդվածի 2-րդ մասով` ազա¬տազրկման 4/չորս/ տարի ժամկետով։
Կիրառելով ՀՀ քրեական օրենսգրքի 66-րդ հոդվածի 4-րդ մասը, նշանակված պա¬տիժները մասնակիորեն գումարելով` ամբաստանյալ Վաչագան Թադևոսյանի նկատմամբ վերջ¬նական պատիժ նշանակել ազատազրկում 6 /վեց / տարի ժամկետով, որի կա¬տա¬րումն հանձ¬նարարել ՀՀ ար¬դա¬¬¬րա¬¬դա¬տության նախա¬¬րա¬րության քրեակատարո¬ղա¬կան հիմնար¬կությանը։
Վաչագան Թադևոսյանի պատժի կրման սկիզբն հաշվել 2011թ. մայիսի 24-ից։
Վաչագան Թադևոսյանի նկատմամբ որպես խափանման միջոց ընտրված կալա¬նավորումը թողնել անփոփոխ` մինչև սույն դատավճիռն օրինական ուժի մեջ մտնելը։
Իրեղեն ապացույց ճանաչված, Դատարանում պահվող «սուբուտեքս» տեսակի 195 դեղահաբերը վերադարձնել նախաքննական մարմնին` մեղադրյալ Արտյոմ Մեսրոպյանի վերաբերյալ սույն գործից անջատված թիվ 69103211/1 քրեական գործին կցելու նպա¬տակով։
Ապացույց ճանաչված` Վաչագան Թադևոսյանի, Արթուր Գրիգորյանի և Կարեն Խա¬լաթ¬յանի բացատրությունները, նրանց բերման ենթարկելու վերաբերյալ արձա¬նագրություն¬ները, Վ.Թադևոսյանի դատվածության վերաբերյալ տեղեկանքը, վերջինիս բջջային հեռա¬խոս¬ների վերծանումների վերաբերյալ էլեկտրոնային կրիչ¬ները` երեք սկավառակները, պահել սույն քրեական գործում։
Վաչագան Թադևոսյանի գույքի` 094-806441 հեռախոսաքարտով «Նոկիա 6300» մակնիշի 35828803036794 գործարանային համարի և 091-596600 հեռախոսաքարտով «Սամսունգ SGH-P310» մակնիշի 35181301215916 գործարանային համարի բջջային հեռա¬խոսների, մեկ քարով դեղին մետաղից մատանու, ինչպես նաև 5/հինգ/ հազար ՀՀ դրամ գումարի վրա դրված կալանքը վերացնել, արգելանքի վերցված գույքը վերադարձնել Վ.Թադևոսյանին` սույն դատավճիռն օրինական ուժի մեջ մտնելուց հետո։
Դատավճիռը կարող է բողոքարկվել Հայաստանի Հանրապետության վերաքննիչ քրեա¬կան դատարան հրապարակման օրվանից մե¬կամսյա ժամկետում։

ԴԱՏԱՎՈՐ՝ Ա.ՎԱՐԴԱՆՅԱՆ