Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

18 նոյեմբերի 2011թ. ք. Երևան

ԵԿԴ-0206/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Է. Մկրտչյան,

մասնակցությամբ`
մեղադրող,
Հայաստանի Հանրապետության /այսուհետ ՀՀ/
գլխավոր դատախազության կոռուպցիոն
և կազմակերպված հանցագործությունների
գործերով վարչության դատախազ` Ա. Բոշնաղյանի,

պաշտպաններ` Գ. Հակոբյանի, Ս. Միրզոյանի




դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Վանիկ Ազատի Խաչատրյանի`
ծնված 1972թ. մարտի 12-ին Վրաստանի Հանրապետության Բոլնիսի քաղաքում, հայ, ՀՀ քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան երկու երեխա, նախկինում չդատված,
աշխատում է ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնում` որպես գլխավոր մասնագետ, քաղաքաշինական պետական տեսուչ, ձերբակալվել է 25.03.2011թ., 28.03.2011թ. որպես խափանման միջոց է ընտրվել կալանավորումը և որպես այլընտրանքային խափանման միջոց կիրառվել է գրավը, նույն օրն ազատ է արձակվել` անազատության մեջ մնալով 3 /երեք/ օր, բնակվում է Երևանի Ավանի Նարեկացի թաղամասի թիվ 1ա շենքի թիվ 24 բնակարանում, մեղադրվում է ՀՀ քրեական օրենսգրքի 325-րդ հոդվածի 2-րդ մասով։


Նվեր Բելիբեկի Մովսիսյանի`
ծնված 1970թ. փետրվարի 19-ին Կոտայքի մարզի Հրազդան քաղաքում, հայ, ՀՀ քաղաքացի, միջնակարգ կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում չդատված, աշխատում է «Ռեմբեկ» ՍՊԸ-ում որպես տնօրեն, բնակվում է Հրազդան քաղաքի Միկրոշրջանի թիվ 107 շենքի թիվ 17 բնակարանում, կալանքի տակ չէ, մեղադրվում է ՀՀ քրեական օրենսգրքի 325-րդ հոդվածի 2-րդ մասով։

Սամվել Գրիգորի Ղազարյանի`
ծնված 1954թ. փետրվարի 19-ին Գեղարքունիքի մարզի Լճավան գյուղում, հայ, ՀՀ քաղաքացի, բարձրագույն կրթությամբ, ամուսնացած, խնամքին ոչ ոք, նախկինում չդատված, աշխատում է ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնում որպես գլխավոր մասնագետ, քաղաքաշինական պետական տեսուչ, բնութագրվում է դրական, ձերբակալվել է 25.03.2011թ., 28.03.2011թ. որպես խափանման միջոց է ընտրվել կալանավորումը և որպես այլընտրանքային խափանման միջոց կիրառվել է գրավը, նույն օրն ազատ է արձակվել` անազատության մեջ մնալով 3 /երեք/ օր, բնակվում է Երևանի Նորագյուղ թաղամասի թիվ 215/4 տանը, մեղադրվում է ՀՀ քրեական օրենսգրքի 38-325-րդ հոդվածի 2-րդ մասով։


Գործի դատավարական նախապատմությունը
Թիվ 69101811 քրեական գործը ՀՀ ոստիկանության ՔԳՎ ՀԿԳ քննության վարչությունում հարուցվել է 2011թ. մարտի 25-ին, ՀՀ քրեական օրենսգրքի 325-րդ հոդվածի 2-րդ մասով, Սամվել Ղազարյանի դրդմամբ, Վանիկ Խաչատրյանի և Նվեր Մովսիսյանի կողմից նախնական համաձայնությամբ իրավունք վերապահող և պաշտոնական փաստաթուղթ կեղծելու դեպքի առթիվ։
Քննիչի 2011թ. հոկտեմբերի 19-ի որոշմամբ, Նվեր Մովսիսյանի, Կառլեն Մարտիրոսյանի և ոմն Արագածի կողմից ՀՀ քրեական օրենսգրքի 325-րդ հոդվածով նախատեսված հանցագործություն կատարելու համար քրեական գործի մասը կարճվել է, նրանց նկատմամբ քրեական հետապնդում չի իրականացվել` հանցակազմի բացակայության պատճառաբանությամբ։
Քննիչի 2011թ. հոկտեմբերի 19-ի մեկ այլ որոշմամբ, Նեկտար Մացակյանի, Մարտին Թորոսյանի նկատմամբ` ՀՀ քրեական օրենսգրքի 325-րդ հոդվածով և Վանիկ Խաչատրյանի նկատմամբ` ՀՀ քրեական օրենսգրքի 178-րդ հոդվածով նախատեսված հանցագործություններ կատարելու համար քրեական հետապնդում չի իրականացվել` հանցակազմի բացակայության պատճառաբանությամբ։
Ամբաստանյալ Վանիկ Ազատի Խաչատրյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով հետևյալ արարքի համար. «որ նա` իր գործընկեր` ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Սամվել Գրիգորի Ղազարյանի դրդմամբ, իսկ մեկ դրվագով նաև առանց վերջինիս, նախնական համաձայնության գալով շինարարության իրականացման լիցենզիա ունեցող «Ռեմբեկ» ՍՊ ընկերության տնօրեն Նվեր Բելիբեկի Մովսիսյանի հետ, քաղաքացիներ Նեկտար Հրանտի Մացակյանին և Մարտին Հակոբի Թորոսյանին իրացնելու նպատակով, խմբով պատրաստել են իրավունք վերապահող և պաշտոնական կեղծ փաստաթղթեր և դրանք իրացրել վերջիններիս։
Այն է` Վանիկ Խաչատրյանը 2011 թվականի մարտի սկզբներին, իր պարտականությունները կատարելու շրջանակներում, այցելել է Մարտին Թորոսյանին պատկանող` Երևան քաղաքի Հանրապետության 80 շենքի 17 հասցեում գտնվող խանութի սրահ, որտեղ վերջինիս հայտնել է, որ ըստ սահմանված կարգի` սրահում կատարվող վերանորոգման աշխատանքները պետք է կատարվեն շինարարական լիցենզիա ունեցող կազմակերպության կողմից, որի կապակցությամբ անհրաժեշտ է կնքել կապալի պայմանագիր։ Շինարարական կապալի պայմանագիր կնքելու և Մարտին Թորոսյանին հանձնելու համար Վանիկ Խաչատրյանը նրանից պահանջել և ստացել է 60.000 դրամ գումար, որը փոխանցել է Նվեր Մովսիսյանին։ Այնուհետև, Վանիկ Խաչատրյանը, ձեռագիր գրառումներ կատարելով, պատրաստել է կեղծ շինարարական կապալի պայմանագիր, որը ստորագրել և «Ռեմբեկ» ՍՊ ընկերության կնիքով կնքել է Նվեր Մովսիսյանը, այսինքն` խմբով պատրաստել են իրավունք վերապահող կեղծ փաստաթուղթ։
Բացի այդ, պարզվել է նաև, որ Երևան քաղաքի բնակիչ Ռուբեն Մակարյանը, իրեն սեփականության իրավունքով պատկանող` Երևան քաղաքի Գարեգին Նժդեհի փողոցի 3-րդ շենքի 22-րդ բնակարանը սահմանված կարգով շինարարության թույլտվությամբ 2007 թվականին վերակառուցելով խանութի տարածքի, չի դիմել իրավասու մարմիններին՝ սեփականության իրավունքի վկայականում բնակելի տարածքը հասարակական նշանակության տարածքի փոփոխելու համար։ 2011 թվականի մարտին Ռուբեն Մակարյանը հիշյալ փոփոխությունը կատարելու գործընթացով զբաղվելու համար լիազորել է իր ծանոթ Նեկտար Մացակյանին։ Վերջինս, Երևանի քաղաքապետարանից ստանալով «Ավարտված շինարարական օբյեկտը շահագործման ընդունող հանձնաժողովի» թիվ 2 ձևի ակտի ձևաթուղթը, միաժամանակ տեղեկացել է, որ անհրաժեշտ է նշված ակտը ստորագրվի և կնքվի շինարարությունը կատարած կազմակերպության կողմից և հաստատված լինի ՀՀ քաղաքաշինության նախարարության աշխատակազմի քաղաքաշինական պետական տեսչությանում։ Այդ նպատակով Նեկտար Մացակյանը դիմել է ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Սամվել Ղազարյանին, որն ուսումնասիրելով փաստաթղթերը, պատրաստակամություն է հայտնել Նեկտար Մացակյանին օգնել հետին ամսաթվով կապալի պայմանագիր ձեռք բերելու հարցում։ Սամվել Ղազարյանը, իմանալով, որ իր գործընկեր Վանիկ Խաչատրյանն ունի շինարարական լիցենզիա ունեցող կազմակերպության ծանոթ տնօրեն, դիմելով վերջինիս դրդել է խմբով պատրաստել իրավունք վերապահող կեղծ կապալի պայմանագիր և կեղծել պաշտոնական փաստաթուղթ հանդիսացող թիվ 2 ձևի ակտը։ Վանիկ Խաչատրյանը նշված կեղծ փաստաթղթերի համար Նեկտար Մացակյանից պահանջել է 250 ԱՄՆ դոլար գումար։ Ստանալով վերջինիս համաձայնությունը, Վանիկ Խաչատրյանը 2011 թվականի մարտի 24-ին ձեռագիր լրացրել է իբրև թե կապալառու «Ռեմբեկ» ՍՊ ընկերության տնօրեն Նվեր Մովսիսյանի և պատվիրատու Ռուբեն Մակարյանի կողմից վերջինիս բնակարանում 2007 թվականին շինարարական աշխատանքների կատարման կապալի պայմանագիրը, իսկ ՍՊ ընկերության տնօրեն Նվեր Մովսիսյանը կնքել և ստորագրել է, ինչպես նշված պյամանագիրը, այնպես էլ պաշտոնական փաստաթուղթ հանդիսացող ձև 2 ակտը՝ խմբով պատրաստելով իրավունք վերապահող և պաշտոնական կեղծ փաստաթղթեր։ Պայմանավորվածության համաձայն` Վանիկ Խաչատրյանը 2011 թվականի մարտի 25-ին նշված կեղծ փաստաթղթերը Երևանի Հանրապետության հրապարակի հարակից տարածքում 250 ԱՄՆ դոլարով իրացրել է Նեկտար Մացակյանին, սակայն կեղծիքը բացահայտվել է ոստիկանության աշխատակիցների կողմից։»։
Ամբաստանյալ Նվեր Բելիբեկի Մովսիսյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով հետևյալ արարքի համար. «որ նա` նախնական համաձայնության գալով ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Վանիկ Ազատի Խաչատրյանի հետ, քաղաքացիներ Նեկտար Հրանտի Մացակյանին և Մարտին Հակոբի Թորոսյանին իրացնելու նպատակով, խմբով պատրաստել են իրավունք վերապահող և պաշտոնական կեղծ փաստաթղթեր և դրանք իրացրել վերջիններիս։
Այն է` Վանիկ Խաչատրյանը 2011 թվականի մարտի սկզբներին, իր պարտականությունները կատարելու շրջանակներում, այցելել է Մարտին Թորոսյանին պատկանող` Երևան քաղաքի Հանրապետության 80 շենքի 17 հասցեում գտնվող խանութի սրահ, որտեղ վերջինիս հայտնել է, որ ըստ սահմանված կարգի` սրահում կատարվող վերանորոգման աշխատանքները պետք է կատարվեն շինարարական լիցենզիա ունեցող կազմակերպության կողմից, որի կապակցությամբ անհրաժեշտ է կնքել կապալի պայմանագիր։ Շինարարական կապալի պայմանագիր կնքելու և Մարտին Թորոսյանին հանձնելու համար Վանիկ Խաչատրյանը նրանից պահանջել և ստացել է 60.000 դրամ գումար, որը փոխանցել է Նվեր Մովսիսյանին։ Այնուհետև, Վանիկ Խաչատրյանը, ձեռագիր գրառումներ կատարելով, պատրաստել է կեղծ շինարարական կապալի պայմանագիր, որը ստորագրել և «Ռեմբեկ» ՍՊ ընկերության կնիքով կնքել է Նվեր Մովսիսյանը, այսինքն` խմբով պատրաստել են իրավունք վերապահող կեղծ փաստաթուղթ։
Բացի այդ, պարզվել է նաև, որ Երևան քաղաքի բնակիչ Ռուբեն Մակարյանը, իրեն սեփականության իրավունքով պատկանող` Երևան քաղաքի Գարեգին Նժդեհի փողոցի 3-րդ շենքի 22-րդ բնակարանը սահմանված կարգով շինարարության թույլտվությամբ 2007 թվականին վերակառուցելով խանութի տարածքի, չի դիմել իրավասու մարմիններին՝ սեփականության իրավունքի վկայականում բնակելի տարածքը հասարակական նշանակության տարածքի փոփոխելու համար։ 2011 թվականի մարտ ամսին Ռուբեն Մակարյանը հիշյալ փոփոխությունը կատարելու գործընթացով զբաղվելու համար լիազորել է իր ծանոթ Նեկտար Մացակյանին։ Վերջինս, Երևանի քաղաքապետարանից ստանալով «Ավարտված շինարարական օբյեկտը շահագործման ընդունող հանձնաժողովի» թիվ 2 ձևի ակտի ձևաթուղթը, միաժամանակ տեղեկացել է, որ անհրաժեշտ է նշված ակտը ստորագրվի և կնքվի շինարարությունը կատարած կազմակերպության կողմից և հաստատված լինի ՀՀ քաղաքաշինության նախարարության աշխատակազմի քաղաքաշինական պետական տեսչությանում։ Այդ նպատակով Նեկտար Մացակյանը դիմել է ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Սամվել Ղազարյանին, որն ուսումնասիրելով փաստաթղթերը, պատրաստակամություն է հայտնել Նեկտար Մացակյանին օգնել հետին ամսաթվով կապալի պայմանագիր ձեռք բերելու հարցում։ Սամվել Ղազարյանը, իմանալով, որ իր գործընկեր Վանիկ Խաչատրյանն ունի շինարարական լիցենզիա ունեցող կազմակերպության ծանոթ տնօրեն, դիմելով վերջինիս, դրդել է խմբով պատրաստել իրավունք վերապահող կեղծ կապալի պայմանագիր և կեղծել պաշտոնական փաստաթուղթ հանդիսացող թիվ 2 ձևի ակտը։ Վանիկ Խաչատրյանը նշված կեղծ փաստաթղթերի համար Նեկտար Մացակյանից պահանջել է 250 ԱՄՆ դոլար գումար։ Ստանալով վերջինիս համաձայնությունը, Վանիկ Խաչատրյանը 2011 թվականի մարտի 24-ին համակարգչով տպագրել և ձեռագիր լրացրել է իբրև թե կապալառու «Ռեմբեկ» ՍՊ ընկերության տնօրեն Նվեր Մովսիսյանի և պատվիրատու Ռուբեն Մակարյանի կողմից վերջինիս բնակարանում 2007 թվականին շինարարական աշխատանքների կատարման կապալի պայմանագիրը, իսկ ՍՊ ընկերության տնօրեն Նվեր Մովսիսյանը կնքել և ստորագրել է, ինչպես նշված պյամանագիրը, այնպես էլ պաշտոնական փաստաթուղթ հանդիսացող ձև 2 ակտը՝ խմբով պատրաստելով իրավունք վերապահող և պաշտոնական կեղծ փաստաթղթեր։ Պայմանավորվածության համաձայն` Վանիկ Խաչատրյանը 2011 թվականի մարտի 25-ին նշված կեղծ փաստաթղթերը Երևանի Հանրապետության հրապարակի հարակից տարածքում 250 ԱՄՆ դոլարով իրացրել է Նեկտար Մացակյանին, սակայն կեղծիքը բացահայտվել է ոստիկանության աշխատակիցների կողմից։»։
Ամբաստանյալ Սամվել Գրիգորի Ղազարյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 38-325-րդ հոդվածի 2-րդ մասով հետևյալ արարքի համար. «որ նա` նա իր գործընկեր` ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Վանիկ Ազատի Խաչատրյանին դրդել է շինարարության իրականացման լիցենզիա ունեցող «Ռեմբեկ» ՍՊ ընկերության տնօրեն Նվեր Բելիբեկի Մովսիսյանի հետ նախնական համաձայնությամբ, քաղաքացի Նեկտար Հրանտի Մացակյանին իրացնելու նպատակով, խմբով իրավունք վերապահող և պաշտոնական կեղծ փաստաթղթեր պատրաստելուն և դրանք իրացնելուն։
Այն է.` Երևան քաղաքի բնակիչ Ռուբեն Մակարյանն իրեն սեփականության իրավունքով պատկանող` Երևան քաղաքի Գարեգին Նժդեհի փողոցի 3-րդ շենքի 22-րդ բնակարանը սահմանված կարգով շինարարության թույլտվությամբ 2007 թվականին վերակառուցելով խանութի տարածքի չի դիմել իրավասու մարմիններին՝ սեփականության իրավունքի վկայականում բնակելի տարածքը հասարակական նշանակության տարածքի փոփոխելու համար։ 2011 թվականի մարտ ամսին Ռուբեն Մակարյանը հիշյալ փոփոխությունը կատարելու գործընթացով զբաղվելու համար լիազորել է իր ծանոթ Նեկտար Մացակյանին։ Վերջինս Երևանի քաղաքապետարանից ստանալով «Ավարտված շինարարական օբյեկտը շահագործման ընդունող հանձնաժողովի» թիվ 2 ձևի ակտի ձևաթուղթը միաժամանակ տեղեկացել է, որ անհրաժեշտ է նշված ակտը ստորագրվի և կնքվի շինարարությունը կատարած կազմակերպության կողմից և հաստատված լինի ՀՀ քաղաքաշինության նախարարության աշխատակազմի քաղաքաշինական պետական տեսչությանում։ Այդ նպատակով Նեկտար Մացակյանը դիմել է ՀՀ քաղաքաշինության նախարարության աշխատակազմի քաղաքաշինական պետական տեսչության Երևանի տարածքային բաժնի գլխավոր մասնագետ, քաղաքաշինական պետական տեսուչ Սամվել Ղազարյանին, որն ուսումնասիրելով փաստաթղթերը պատրաստակամություն է հայտնել Նեկտար Մացակյանին օգնել հետին ամսաթվով կապալի պայմանագիր ձեռք բերելու հարցում։ Սամվել Ղազարյանը իմանալով, որ իր գործընկեր Վանիկ Խաչատրյանը ունի շինարարական լիցենզիա ունեցող կազմակերպության ծանոթ տնօրեն, դիմելով վերջինիս դրդել է խմբով պատրաստել իրավունք վերապահող կեղծ կապալի պայմանագիր և կեղծել պաշտոնական փաստաթուղթ հանդիսացող թիվ 2 ձևի ակտը։ Վանիկ Խաչատրյանը նշված կեղծ փաստաթղթերի համար Նեկտար Մացակյանից պահանջել է 250 ԱՄՆ դոլար գումար։ Ստանալով վերջինիս համաձայնությունը, Վանիկ Խաչատրյանը 2011 թվականի մարտի 24-ին համակարգչով տպագրել և ձեռագիր լրացրել է իբրև թե կապալառու «Ռեմբեկ» ՍՊ ընկերության տնօրեն Նվեր Մովսիսյանի և պատվիրատու Ռուբեն Մակարյանի կողմից վերջինիս բնակարանում 2007 թվականին շինարարական աշխատանքների կատարման կապալի պայմանագիրը, իսկ ՍՊ ընկերության տնօրեն Նվեր Մովսիսյանը կնքել և ստորագրել է ինչպես նշված պյամանագիրը, այնպես էլ պաշտոնական փաստաթուղթ հանդիսացող ձև 2 ակտը՝ խմբով պատրաստելով իրավունք վերապահող և պաշտոնական կեղծ փաստաթղթեր։ Պայմանավորվածության համաձայն Վանիկ Խաչատրյանը 2011 թվականի մարտի 25-ին նշված կեղծ փաստաթղթերը Երևանի Հանրապետության հրապարակի հարակից տարածքում 250 ԱՄՆ դոլարով իրացրել է Նեկտար Մացակյանին, սակայն կեղծիքը բացահայտվել է ոստիկանության աշխատակիցների կողմից։»։
2011թ. հոկտեմբերի 27-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։ Մեղադրողը մեղադրական եզրակացությունում չի առարկել դատական քննության արագացված կարգ կիրառելու դեմ։

Արագացված դատական քննություն

Ամբաստանյալներ Վանիկ Խաչատրյանը, Նվեր Բարսեղյանը և Սամվել Ղազարյանը միջնորդեցին դատական քննությունն անցկացնել արագացված կարգով։ Նրանցից յուրաքանչյուրը հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալներից Վանիկ Ազատի Խաչատրյանը կատարել է ՀՀ քրեական օրենսգրքի 325-րդ հոդվածի 2-րդ մասով, Նվեր Բելիբեկի Բարսեղյանը` ՀՀ քրեական օրենսգրքի 325-րդ հոդվածի 2-րդ մասով, Սամվել Գրիգորի Ղազարյանը` ՀՀ քրեական օրենսգրքի 38-325-րդ հոդվածի 2-րդ մասով նախատեսված արարքներ։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Վանիկ Ազատի Խաչատրյանը նախկինում դատված չի եղել, խնամքին ունի մինչև տասնչորս տարեկան երկու երեխա, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ։
Ամբաստանյալ Նվեր Բելիբեկի Մովսիսյանը նախկինում դատված չի եղել, խնամքին ունի մինչև տասնչորս տարեկան մեկ երեխա, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ։
Ամբաստանյալ Սամվել Գրիգորի Ղազարյանը նախկինում դատված չի եղել, բնութագրվում է դրական, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ։


Դատարանի իրավական վերլուծությունները

Առաջադրված մեղադրանքներն ամբաստանյալներից յուրաքանչյուրի` Վանիկ Ազատի Խաչատրյանի, Նվեր Բելիբեկի Բարսեղյանի և Սամվել Գրիգորի Ղազարյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Վանիկ Ազատի Խաչատրյանի կողմից, նրա մեղավորությամբ, մի խումբ անձանց կողմից նախնական համաձայնությամբ, իրավունք վերապահող պաշտոնական փաստաթղթեր կեղծելը` այլ անձի կողմից դրանք օգտագործելու նպատակով և այդպիսի փաստաթղթեր իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ամբաստանյալ Նվեր Բելիբեկի Բարսեղյանի կողմից, նրա մեղավորությամբ, մի խումբ անձանց կողմից նախնական համաձայնությամբ, իրավունք վերապահող պաշտոնական փաստաթղթեր կեղծելը` այլ անձի կողմից դրանք օգտագործելու նպատակով և այդպիսի փաստաթղթեր իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 325-րդ հոդվածի 2-րդ մասով նախատեսված հանցագործության հատկանիշներին։
Ապացուցված է նաև ամբաստանյալ Սամվել Գրիգորի Ղազարյանի կողմից, նրա մեղավորությամբ, մի խումբ անձանց կողմից նախնական համաձայնությամբ, այլ անձի իրացնելու նպատակով, իրավունք վերապահող պաշտոնական փաստաթղթեր կեղծելուն դրդելը, նրա արարքը նույնպես ճիշտ է որակված և համապատասխանում է ՀՀ քրեական օրենսգրքի 38-325-րդ հոդվածի 2-րդ մասով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները` ամբաստանյալ Վանիկ Ազատի Խաչատրյանի նկատմամբ, նրա կատարած հանցագործության համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում նրա խնամքին մինչև տասնչորս տարեկան երկու երեխաների առկայությունը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Վանիկ Ազատի Խաչատրյանն իր կատարած` Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժն ամբաստանյալ Վանիկ Ազատի Խաչատրյանի կողմից կրելու հարցը` դատարանը գտնում է, որ սույն դատավճռով նրա նկատմամբ ենթակա է կիրառման «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը։
Խափանման միջոց գրավը ենթակա է վերացման և գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 28.03.2011թ. Լուսինե Նորիկի Պետրոսյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 900013298014 հաշվին, ենթակա է հետ վերադարձման նրան։
Ամբաստանյալ Նվեր Բելիբեկի Բարսեղյանի նկատմամբ պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, տալով ինքնախոստովանական ցուցմունքներ` անկեղծորեն զղջացել է կատարածի համար։ Որպես ամբաստանյալի պատասխանատվությունը և պատիժը մեղմացնող հանգամանք դատարանը հաշվի է առնում նրա խնամքին մինչև տասնչորս տարեկան երեխայի առկայությունը, իսկ նրա պատասխանատվությունը և պատիժը ծանրացնող հանգամանքներ դատարանը չի արձանագրում։
Ամբաստանյալ Նվեր Բելիբեկի Բարսեղյանն իր կատարած` Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժն ամբաստանյալ Նվեր Բելիբեկի Բարսեղյանի կողմից կրելու հարցը` դատարանը գտնում է, որ սույն դատավճռով նրա նկատմամբ ենթակա է կիրառման «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը։
Խափանման միջոց չհեռանալու մասին ստորագրությունը ենթակա է վերացման։
Ամբաստանյալ Սամվել Գրիգորի Ղազարյանի նկատմամբ պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, բնութագրվում է դրական, տալով ինքնախոստովանական ցուցմունքներ` անկեղծորեն զղջացել է կատարածի համար։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Սամվել Գրիգորի Ղազարյանն իր կատարած` Հայաստանի Հանրապետության քրեական օրենսգրքի 38-325-րդ հոդվածի 2-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժն ամբաստանյալ Սամվել Գրիգորի Ղազարյանի կողմից կրելու հարցը` դատարանը գտնում է, որ սույն դատավճռով նրա նկատմամբ ենթակա է կիրառման Հայաստանի Հանրապետության Ազգային ժողովի «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը։
Խափանման միջոց գրավը ենթակա է վերացման և գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 28.03.2011թ. Սվետլանա Ալեքսանյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 900013298014 հաշվին, ենթակա է հետ վերադարձման նրան։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, իրեղեն ապացույցներ ճանաչված, կապալի կեղծ երկու պայմանագրերը, թիվ 2 ձևի ակտը պետք է պահել քրեական գործի հետ միասին, «Ռեմբեկ» ՍՊ ընկերության կնիքը պետք է վերադարձնել ընկերությանը, իսկ 250 ԱՄՆ դոլար գումարը որպես եկամուտ պետք է հանձնել պետությանը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`

Վ Ճ Ռ Ե Ց

1. Ամբաստանյալ Վանիկ Ազատի Խաչատրյանին մեղավոր ճանաչել Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցանքում և դատապարտել տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետի կիրառմամբ ամբաստանյալ Վանիկ Ազատի Խաչատրյանին ազատել պատիժը կրելուց։
Կալանավորման այլընտրանքային խափանման միջոց գրավը վերացնել և գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 28.03.2011թ. Լուսինե Նորիկի Պետրոսյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 900013298014 հաշվին, հետ վերադարձնել նրան։
2. Ամբաստանյալ Նվեր Բելիբեկի Մովսիսյանին մեղավոր ճանաչել Հայաստանի Հանրապետության քրեական օրենսգրքի 325-րդ հոդվածի 2-րդ մասով նախատեսված հանցանքում և դատապարտել տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետի կիրառմամբ ամբաստանյալ Նվեր Բելիբեկի Մովսիսյանին ազատել պատիժը կրելուց։
Նվեր Բելիբեկի Մովսիսյանի նկատմամբ որպես խափանման միջոց ընտրված չհեռանալու մասին ստորագրությունը վերացնել։
3. Ամբաստանյալ Սամվել Գրիգորի Ղազարյանին մեղավոր ճանաչել Հայաստանի Հանրապետության քրեական օրենսգրքի 38-325-րդ հոդվածի 2-րդ մասով նախատեսված հանցանքում և դատապարտել տուգանքի նվազագույն աշխատավարձի ութհարյուրապատիկի` 800.000 /ութ հարյուր հազար/ ՀՀ դրամ գումարի չափով։
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011թ. մայիսի 26-ի որոշման 1-ին կետի 3-րդ ենթակետի կիրառմամբ ամբաստանյալ Սամվել Գրիգորի Ղազարյանին ազատել պատիժը կրելուց։
Կալանավորման այլընտրանքային խափանման միջոց գրավը վերացնել և գրավի գումար հանդիսացող 500.000 /հինգ հարյուր հազար/ ՀՀ դրամը, մուծված 28.03.2011թ. Սվետլանա Ալեքսանյանի կողմից` Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 900013298014 հաշվին, հետ վերադարձնել նրան։
Դատավճռի օրինական ուժի մեջ մտնելուց հետո, իրեղեն ապացույցներ ճանաչված, կապալի կեղծ երկու պայմանագրերը, թիվ 2 ձևի ակտը պահել քրեական գործի հետ միասին, «Ռեմբեկ» ՍՊ ընկերության կնիքը վերադարձնել ընկերությանը, իսկ 250 ԱՄՆ դոլար գումարը` որպես եկամուտ հանձնել պետությանը։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։

ԴԱՏԱՎՈՐ` Մ. ՄԱՐՏԻՐՈՍՅԱՆ