գործ` ԵԿԴ/0183/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը

Նախագահությամբ դատավոր` Ա.Բեկթաշյանի,
քարտուղարությամբ` Լ.Փոլադյանի,
մասնակցությամբ` մեղադրող` Մ. Հակոբյանի,
պաշտպան` Տ. Գրիգորյանի

2011 թվականի նոյեմբերի 02-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Արմեն Վարդգեսի Մխիթարյանի` ծնված 18.08.1971 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատել, նախկինում դատապարտված` 1. Մաշտոցի ժողդատարանի 01.06.1995 թվականի դատավճռով, քրեական օրենսգրքի 86 հոդվածի 2-րդ մասով դատապարտվել է ազատազրկման 1 տարի ժամկետով,
2. Կնտրոնականի շրջանի ժողդատարանի 10.09.1998 թվականի դատավճռով քրեական օրենսգրքի 229 հոդվածի 3-րդ մասով դատապարտվել է ազատազրկմա 3 տարի ժամկետով,
3. Կենտրոն և Նորք-մարաշ համայնքների ընդհանուր իրավասության դատարանի 06.12.2008 թվականի դատավճռով ՀՀ քրեական օրենսգրքի 266 հոդվածի 4-րդ մասով, ՀՀ քրեական օրենսգրքի 268 հոդվածի 2-րդ մասի 2-րդ կետով, ՀՀ քրեական օրենսգրքի 66 հոդվածի 3-րդ մասի և ՀՀ քրեական օրենսգրքի 69 հոդվածի կիրառմամբ դատապարտվել է ազատազկման 11 ամիս 9 օր ժամկետով և 200.000 ՀՀ դրամ տուգանքի, դատվածությունը չմարված, բնակվել է Երևան քաղաքի Տպագրիչների փողոցի թիվ 8 շենքի 43-րդ բնակարանում, կալանքի տակ է 16.06.2011 թվականից:

Արմեն Վարդգեսի Մխիթարյանը մեղադրվում է ՀՀ քրեական օրենսգրքի 268 հոդվածի 2-րդ մասի 2-րդ կետով:
18.06.2011 թվականի որոշմամբ Արմեն Վարդգեսի Մխիթարյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

Թմրանյութ ապօրինի ձեռքբերելու, պահելու և օգտագործելու կասկածանքով 2011 թվականի հունիսի 16-ին` ժամը 1420-ին ՀՀ ոստիկանության կազմակերպված հանցավորության դեմ պայքարի գլխավոր վարչության 4-րդ վարչության աշխատակիցների կողմից, Երևան քաղաքի Տպագրիչների փողոցի 8-րդ շենքի թիվ 43 բնակարանից ՀՀ ոստիկանության կազմակերպված հանցավորության դեմ պայքարի գլխավոր վարչություն բերման է ենթարկվել Արմեն Վարդգեսի Մխիթարյանը:
Արմեն Մխիթարյանի կողմից խոշոր չափերի ՙափիոն՚ տեսակի թմրամիջոց ապօրինի ձեռք բերելու և պահելու փաստի առթիվ ՀՀ ոստիկանության ՔԳՎ հատկապես կարևոր գոչծերի քննության վարչությունում 2011 թվականի հունիսի 17-ին ՀՀ քրեական օրենսգրքի 268 հոդվածի 2-րդ մասի 2-րդ կետով հարուցվել է թիվ 69104011 քրեական գործը:
ՀՀ քրեական օրենսգրքի 268 հոդվածով նախատեսված արարք կատարելու կասկածանքով 2011 թվականի հունիսի 16-ին Արմեն Մխիթարյանը ձերբակալվել է:
2011 թվականի հունիսի 18-ի որոշմամբ թիվ 69100111 քրեական գործով Արմեն Վարդգեսի Մխիթարյանը ՀՀ քրեական օրենսգրքի 268 հոդվածի 2-րդ մասի 2-րդ կետով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
Նախաքննական մարմնի կողմից Արմեն Վարդգեսի Մխիթարյանին ՀՀ քրեական օրենսգրքի 268 հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա առանց իրացնելու նպատակի, իր գործածման համար, գործով չպարզված անձից, հանգամանքներում և ժամանակ ապօրինի ձեռք է բերել և պահել խոշոր չափի` 1,2 գրամ քաշով, ՙափիոն՚ տեսակի թմրամիջոց.
Արմեն Վարդգեսի Մխիթարյանը 2008 թվականի դեկտեմբերի 29-ից հաշվառված է ՀՀ ԱՆ ՙՀոգեբուժական բժշկական կենտրոն՚ ՓԲ ընկերության նարկոլոգիական կլինիկայում` ՙափիոնային թմրամոլություն՚ ախտորոշմամբ: Վերջինիս մոտ ձևավորված են թմրամոլությանը բնորոշ ախտանիշներ` հոգեկան և ֆիզիկական կախյալություն, հիվանդագին հակում, զրկանքային համախտանիշ, բարձր տոլերանտություն, որոնց արդյունքում Արմեն Մխիթարյանը տառապում է արդեն նշված ախտորոշմամբ հիվանդությամբ և ունի հարկադիր բուժման կարիք:
Արմեն Մխիթարյանն առանց իրացնելու նպատակի, հետագայում իր կողմից գործածելու համար, գործով չպարզված անձից, հանգամանքներում և ժամանակ, ապօրինի ձեռք է բերել խոշոր չափի` 1,2 գրամ քաշով ՙափիոն՚ տեսակի թմրամիջոց, որը պահել է իր հորաքույր Լուսիկ Մխիթարյանին սեփականության իրավունքով պատկանող Երևան քաղաքի Տպագրիչների փողոցի թիվ 8 շենքի 43-րդ հասցեում գտնվող բնակարանում` բնակության նպատակով իրեն հատկացված սենյակում գտնվող բազմոցի մեջ, որն էլ ՀՀ ոստիկանության ԿՀԴՊ գլխավոր վարչության աշխատակիցների ստացած օպերատիվ տեղեկությունների արդյունքում, նշված հասցեում 2011 թվականի հունիսի 16-ին կատարված խուզարկության ժամանակ հայտնաբերվել է:
2011 թվականի սեպտեմբերի 09-ի որոշմամբ թիվ 69104011 քրեական գործից` Արմեն Մխիթարյանին խոշոր չափերով թմրամիջոց իրացրած, դեռևս չպարզված անձի վերաբերյալ մասն անջատվել է առանձին վարույթում և տրվել է 69104011/1 համարը:
2011 թվականի հոկտեմբերի 5-ին թիվ 69104011 քրեական գործը մեղադրական եզրակացությամբ ուղարկվել է ՀՀ Կենտրոն և Նորք-Մարաշ վարչական շրջանների ընդհանուր իրավասության դատարան:

Ապացույցների հետազոտում և գնահատում.

Ամբաստանյալ` Արմեն Վարդգեսի Մխիթարյանն առաջադրված մեղադրանքում` ՀՀ քրեական օրենսգրքի 268 հոդվածի 2-րդ մասի 2-րդ կետով, իրեն մեղավոր ճանաչեց լիովին և ցուցմունք տվեց այն մասին, որ նախկինում ինքը տարբեր եղանակներով գործածել է ՙափիոն՚ տեսակի թմրամիջոց: Երևան քաղաքի Տպագրիչների 8-43 հասցեում` իր սենյակում, կատարված խուզարկության ժամանակ բազմոցի մեջ հայտնաբերված թմրամիջոցը պատկանում է իրեն, որը մնացել է նախկինում իր ձեռք բերած թմրամիջոցից: Ինքը չի հիշում, թե նախկինում ումից և որքան թմրամիջոց է ձեռք բերել, իսկ մինչև 2011 թվականի հունիսի 16-ը իր կողմից ձեռք բերած և գործածած թմրամիջոցի ձեռք բերման աղբյուրի մասին, չի հայտնել` օգտվելով իր իրավունքից:
Ամբաստանյալ Արմեն Վարդգեսի Մխիթարյանի ՀՀ քրեական օրենսգրքի 268 հոդվածի 2-րդ մասի 2-րդ կետով կատարած հանցանքը, հիմնավորվել է նաև հետևյալ ապացույցներով.
Վկա` Լուսիկ Թովմասի Մխիթարյանի ցուցմունքով այն մասին, որ Երևան քաղաքի Տպագրիչների 8-43 հասցեում գտնվող բնակարանը սեփականության իրավունքով պատկանում է իրեն: Արմեն Մխիթարյանն իր եղբոր որդին է, որը բնակվում է իր նշված բնակարանում: 2011 թվականի հունիսի 16-ին ոստիկանների կողմից իր բնակարանում Արմեն Մխիթարյանի և նորեկ հարևանների ներկայությամբ կատարված խուզարկության ժամանակ Արմեն Մխիթարյանի սենյակում գտնվող բազմոցի միջից հայտնաբերվել է մուգ գույնի զանգված, որը փաթաթված է եղել կապույտ գույնի տոպրակով: Այդ ժամանակ Արմեն Մխիթարյանը հայտնել է, որ դա թմրամիջոց է և պատկանում է իրեն: Խուզարկությունն ավարտելուց հետո ոստիկանները կազմել են համապատասխան արձանագրություն հեռացել են:
Երևան քաղաքի Տպագրիչների 8-43 հասցեում 2011 թվականի հունիսի 16-ին կատարված խուզարկության արձանագրությամբ այն մասին, որ հյուրասենյակի բազմոցի միջից հայտնաբերվել է կապույտ գույնի պոլիէթիլենով փաթեթեվորված մոտ 1 գրամ շագանակագույն զանգված, ինչը հետագայում պարզվել է իրենից ներկայացնում է 1,2 գրամ չոր քաշով ՙափիոն՚ տեսակի թմրամիջոց:
Դատաքիմիական փորձաքննության թիվ 212 Ք եզրակացությամբ այն մասին, որ փորձաքննության տրամադրված 1,2 գրամ չոր քաշով նյութը հանդիսանում է ՙափիոն՚ տեսակի թմրամիջոց:
Տոքսիկոքիմիական փորձաքննության թիվ 0467 եզրակացությամբ այն մասին, որ Արմեն Մխիթարյանի մեզի ու մազի փորձանմուշներում հայտնաբերվել են ափիոնի և կանաբիսի խմբերի թմրամիջոցների թմրալկալոիդներ:
Ամբուլատոր դատանարկոլոգիական փորձաքննության թիվ 0167-11 եզրակացությամբ այն մասին, որ Արմեն Մխիթարյանը տառապում է ՙԱփիոնային թմրամոլությամբ՚ և ունի հարկադիր բուժման կարիք, որի կապակցությամբ հակացուցումներ չկան:
Իրեղեն ապացույց ճանաչված 1,2 գրամ չոր քաշով ՙափիոն՚ տեսակի թմրամիջոցով:
Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Արմեն Մխիթարյանն առանց իրացնելու նպատակի, հետագայում իր կողմից գործածելու համար, գործով չպարզված անձից, հանգամանքներում և ժամանակ, ապօրինի ձեռք է բերել խոշոր չափի` 1,2 գրամ չոր քաշով ՙափիոն՚ տեսակի թմրամիջոց, որը պահել է իր հորաքոջը` Լուսիկ Մխիթարյանին սեփականության իրավունքով պատկանող Երևան քաղաքի Տպագրիչների փողոցի թիվ 8 շենքի 43-րդ հասցեում գտնվող բնակարանում` բնակության նպատակով իրեն հատկացված սենյակում գտնվող բազմոցի մեջ, որն էլ ՀՀ ոստիկանության ԿՀԴՊ գլխավոր վարչության աշխատակիցների կողմից 2011 թվականի հունիսի 16-ին կատարված խուզարկության ժամանակ հայտնաբերվել է:

Դատարանի իրավական վերլուծությունները.

Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Արմեն Վարդգեսի Մխիթարյանը առանց իրացնելու նպատակի ապօրինի ձեռք է բերել և պահել խոշոր չափերի թմրամիջոց` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 268 հոդվածի 2-րդ մասի 2-րդ կետով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Արմեն Վարդգեսի Մխիթարյանն անկեղծորեն խոստովանեց և զղջաց կատարած արարքի համար, նախկինում երեք անգամ դատված, դատվածությունը չմարված:
Պատասխանատվությունը և պատիժը մեղմացնող ու ծանրացնող հանգամանքներ չկան:
Հաշվի առնելով այն հանգամանքը, որ դատանարկոլոգիական փորձաքննության թիվ 0167-11 եզրակացության համաձայն` ՙԱրմեն Վարդգեսի Մխիթարյանը տառապում է ՙԱփիոնային թմրամոլությամբ՚ և ունի հարկադիր բուժման կարիք, որի կապակցությամբ հակացուցումներ չկան՚, ուստի դատարանը գտնում է, որ պատժի կրման ընթացքում ՀՀ քրեական օրենսգրքի 97 հոդվածի կիրառմամբ` նրա նկատմամբ պետք է նշանակել հարկադիր բուժում` թմրամոլության դեմ:
Դատարանը քննարկելով ամբաստանյալի նկատմամբ ընտրված խափանման միջոցի և իրեղեն ապացույցի հարցերը, գտնում է, որ ամբաստանյալ Արմեն Վարդգեսի Մխիթարյանի նկատմամբ ընտրված խափանման միջոցը` կալանավորումը, պետք էթողնել անփոփոխ, իսկ քրեական գործով իրեղեն ապացույց ճանաչված 1,2 գրամ չոր քաշով ՙափիոն՚ տեսակի թմրամիջոցը պետք է ոչնչացենլ` դատավճիռն օրինական ուժի մեջ մտնելու պահից:
Քրեական գործին կցված` ամբաստանյալ Արմեն Մխիթարյանի բնակարանի խուզարկությամբ հայտնաբերված էլեկտրական կշեռքը և Արմեն Մխիթարյանի բջջայնի հեռախոսը պետք է վերադարձնել ամբաստանյալ Արմեն Մխիթարյանին` դատավճիռն օրինական ուժի մեջ մտնելու պահից:

Եզրափակիչ մաս.


Ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց`

Արմեն Վարդգեսի Մխիթարյանին մեղավոր ճանաչել ՀՀ քրեական օրենսգրքի 268 հոդվածի 2-րդ մասի 2-րդ կետով նախատեսված հանցանք կատարելու մեջ և նրան դատապարտել ազատազրկման 1 /մեկ/ տարի 6 /վեց/ ամիս ժամկետով:
Արմեն Վարդգեսի Մխիթարյանի պատժի սկիզբը հաշվել 16.06.2011 թվականից, խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի կիրառմամբ Արմեն Վարդգեսի Մխիթարյանի նակտմամբ նշանակել հարկադիր բուժում` թմրամոլության դեմ:
Քրեական գործով իրեղեն ապացույց ճանաչված 1,2 գրամ քաշով ՙափիոն՚ տեսակի թմրամիջոցը ոչնչացնել` դատավճիռն օրինական ուժի մեջ մտնելու պահից:
Քրեական գործին կցված` ամբաստանյալ Արմեն Մխիթարյանի բնակարանի խուզարկությամբ հայտնաբերված էլեկտրական կշեռքը և Արմեն Մխիթարյանի բջջայնի հեռախոսը` վերադարձնել ամբաստանյալ Արմեն Մխիթարյանին` դատավճիռն օրինական ուժի մեջ մտնելու պահից:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ