ԵԿԴ/0182/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
06 փետրվարի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ս.ՍԱՐԳՍՅԱՆԻ
ամբաստանյալ Ա.ՉԻՖԼԻԿՅԱՆԻ
պաշտպան Գ.ՍՏԵՓԱՆՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Արմեն Ամիրանի Չիֆլիկյանի` ծնված 09.07.1975թ. ք.Երևանում, ազգությամբ հայ, ՀՀ քաղաքացի, իր հայտարարությամբ` փաստացի ամուսնացած և խնամքին երկու անձ, վատառողջ, չի աշ-խատում, Երևան քաղաքի նախկին Արաբկիրի շրջ. ժող. դատարանի 27.11.1998թ. դատա-վճռով ՀՀ նախկին քրեական օրենսգրքի 86-րդ հոդվածի 4-րդ մասով` նույն օրենսգրքի 40-րդ հոդվածի կիրառմամբ, դատապարտվել է ազատազրկման 2 տարի ժամկետով, դատվածու-թյունը` մարված, բնակվում է` ք.Երևան Լեփսիուսի 5-րդ շենք, բնակարան հ. 27, արգելանքի տակ չէ, երկու օր` 2011թ. հուլիսի 21-ից մինչև 23-ը, գտնվել է կալանքի տակ, մեղադրվում է ՀՀ քրեական օրենսգրքի 235-րդ հոդվածի 2-րդ մասով:

Գործի դատավարական նախապատմությունը.

ՀՀ ոստիկանության Կենտրոնի քննչական բաժնի քննիչ Տ.Կիրակոսյանի 27.11.2007թ. որոշմամբ ՀՀ քրեական օրենսգրքի 235-րդ հոդվածի 2-րդ մասով հարուցվել է թիվ 13129407 քրեական գործը:
Քննիչի 30.11.2007թ. որոշմամբ Ա.Չիֆլիկյանը ՀՀ քրեական օրենսգրքի 235-րդ հոդ-վածի 2-րդ մասով ներգրավվել է որպես մեղադրյալ և հայտարարվել է նրա հետախուզում:
Երևան քաղաքի նախկին Կենտրոն և Նորք-Մարաշ համայնքների առաջին ատյանի դատարանի 30.11.2007թ. որոշմամբ Ա.Չիֆլիկյանի նկատմամբ` որպես խափանման միջոց, ընտրվել է կալանքը:
Երևան քաղաքի Մալաթիայի քննչական բաժնի քննիչ Կ.Խաչատրյանը 22.03.2008թ. որոշմամբ քրեական գործն ընդունել է իր վարույթ, 28.07.2008թ. որոշմամբ թիվ 13129407 քրեական գործի վարույթը կասեցրել է, 26.05.2009թ. որոշմամբ վերսկսել է կասեցված վարույ-թը, իսկ 14.10.2009թ. որոշմամբ թիվ 13129407 քրեական գործից Ա.Չիֆլիկյանի վերաբերյալ մասն անջատել է և առանձնացրել առանձին վարույթում` շնորհելով 13129407/1 համարը:
ՀԿԳ ավագ քննիչ Կ.Խաչատրյանը 16.10.2009թ. որոշմամբ թիվ 13129407/1 քրեական գործով վարույթը կասեցրել է` մինչև Ա.Չիֆլիկյանի հայտնաբերումը:
21.07.2011թ. հայտնաբերվել է Ա.Չիֆլիկյանը և ՀԿԳ ավագ քննիչ Կ.Խաչատրյանը 21.07.2011թ. որոշմամբ թիվ 13129407/1 քրեական գործով կասեցված վարույթը վերսկսել է:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանի 22.07.2011թ. որոշմամբ մերժվել է Ա.Չիֆլիկյանի նկատմամբ` որպես խափանման միջոց, ընտրված կալանավորման հարցը կրկնակի քննության առնելու մասին միջնորդությունը:
ՀԿԳ ավագ քննիչ Կ.Խաչատրյանը 23.07.2011թ. որոշմամբ Ա.Չիֆլիկյանի նկատ-մամբ` որպես խափանման միջոց, ընտրել է ստորագրություն` չհեռանալու մասին:
2011թ. հոկտեմբերի 04-ին թիվ 13129407/1 քրեական գործը մեղադրական եզրակացու-թյամբ ուղարկվել է Երևան քաղաքի Կենտրոն և Նորք-Մարաշ վարչական շրջանների առա-ջին ատյանի դատարան` ըստ էության քննելու համար:
Երևան քաղաքի Կենտրոն և Նորք-Մարաշ վարչական շրջանների առաջին ատյանի դատարանի (դատավոր Գ.Պողոսյան) 2011թ. հոկտեմբերի 06-ի որոշմամբ Արմեն Ամիրանի Չիֆլիկյանի վերաբերյալ ՀՀ քրեական օրենսգրքի 235-րդ հոդվածի 2-րդ մասով քրեական գործն ընդունվել է վարույթ, իսկ 2011թ. հոկտեմբերի 17-ի որոշմամբ նշանակվել է դատա-քննության:
Ամբաստանյալ Ա.Չիֆլիկյանին ՀՀ քրեական օրենսգրքի 235-րդ հոդվածի 2-րդ մասով մեղադրանք է առաջադրվել այն բանի համար, որ նա. ՙՌոման Մելիքջանյանի հետ նախնա-կան համաձայնության գալով, ապօրինի կերպով ձեռք են բերել հրազեն հանդիսացող, 1981թ. գործարանային արտադրության, կրակոցներ կատարելու համար պիտանի, 5.45 մմ տրամա-չափի ՙԱԿ 74՚ տեսակի ինքնաձիգ, ռազմամթերք հանդիսացող 64 հատ ինքնաձիգերի, ՙՌՊԿ 74՚ տեսակի ձեռքի գնդացիրների և դրանց մոդիֆիկացիաների համար նախատես-ված և կրակվելու համար պիտանի փամփուշտներ, հրազեն հանդիսացող ինքնաշեն, 5.6 մմ տրամաչափի օղակաձև բոցավառման փամփուշտներով կրակելու համար հարմարեցված, կրակոցներ կատարելու համար պիտանի ատրճանակ, ռազմամթերք հանդիսացող 2 հատ գործարանային արտադրության, 5.6 մմ տրամաչափի, ՙՏՕԶ՚ մոդելի զենքերի, ՙՄԱՐԳՈ-ԼԻՆ՚ տեսակի ատրճանակի և այլ զենքերի համար նախատեսված և կրակվելու համար պի-տանի փամփուշտներ, որոնք 2007թ. նոյեմերի 26-ին` ժամը 23.40-ին, պահել են իրենց մոտ և Կարեն Համբարձումյանին լիազորագրով վստահված և նրա կողմից վարվող ՎԱԶ 2106 մակ-նիշի 61 LL 219 պ/հ ավտոմեքենայով Երևան քաղաքի Կոմիտասի անվան փողոցից տեղա-փոխել են Ա.Պետրոսյանի անվան փողոց, որտեղ դրանք հայտնաբերվել են ՀՀ ոստիկանու-թյան ՊՊԾ գնդի ոստիկանների կողմից կատարված ստուգման արդյունքում՚:
Դատաքննությամբ մեղադրողը, փոխելով ամբաստանյալին առաջադրված մեղադը-րանքի ծավալը, նրան ՀՀ քրեական օրենսգրքի 235-րդ հոդվածի 2-րդ մասով նոր մեղադրանք առաջադրեց այն բանի համար, որ նա Ռ.Մելիքջանյանի հետ նախնական համաձայնութ-յամբ ապօրինի պահել ու փոխադրել է զենք և զինամթերք:
Մեղադրական եզրակացության համաձայն` նախաքննության ընթացքում ամբաս-տանյալն առաջադրված մեղադրանքում իրեն մեղավոր չի ճանաչել, սակայն քրեական գոր-ծի նյութերին ծանոթանալու ժամանակ մեղավոր է ճանաչել և որպես մեղադրյալ ցուցմունք-ներ է տվել այն մասին, որ. ՙ2007թ. նոյեմբերի վերջերին իրեն է զանգահարել և Կոմիտաս փո-ղոց կանչել իր ընկեր Ռոման Մելիքջանյանը, որտեղ վերջինս ցույց է տվել մի տոպրակ, որի մեջ եղել են զենքեր և զինամթերքներ, որոնց շուրջ Ռոմանը հայտնել է, որ դրանք գտել է: Այնուհետև, միասին որոշել են դրանք տանել և հանձնել ոստիկանություն: Այդ նպատակով նշված վայր են կանչել իրենց ծանոթ տաքսու վարորդ Կարենին, որպեսզի նրա ավտոմեքե-նայով զենքերը տանեն հանձնելու: Կարենը հասնելով իրենց մոտ, զենքերը դնելով նրա ավ-տոմեքենան, գնացել են դեպի ոստիկանության Երևան քաղաքի վարչության ուղղությամբ, սակայն Սայաթ-Նովա փողոցի մոտակայքերը կայանել են, այնուհետև որոշել են, թե ինչ պատրվակով դրանք տանեն և հանձնեն: Այդ ժամանակ իրենց են մոտեցել ոստիկանության աշխատակիցները և փորձել են ստուգել, վախի ազդեցության տակ զենքերը թողնելով Կա-րենի տաքսի ավտոմեքենայի մեջ` ինքն ու Ռոմանը թողել փախել են՚:

Դատարանի կողմից հաստատված հանգամանքները.
Դատաքննությամբ պարզվեց, որ ամբաստանյալ Արմեն Չիֆլիկյանը Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. փետրվարի 5-ի դատավճռով ազատազրկման դատապարտված Ռոման Մելիքջան-յանի հետ նախնական համաձայնությամբ 2007թ. նոյեմերի 26-ի երեկոյան ք.Երևանի Կո-միտասի պողոտա` ՙՊալոմա՚ ռեստորանի մոտ են կանչել վկա Կարեն Համբարձումյանին, և նրա վարած ՙՎազ 2106՚ մակնիշի 61ԼԼ219 պետհամարանիշով ավտոմեքենայի բեռնախցի-կում տեղավորելով դատապարտյալ Ռ.Մելիքջանյաի կողմից ապօրինի ձեռք բերված` պոլի-էթիլենային տոպրակի մեջ լցված, հրազեններն ու ռազմամթերքը` 1981թ. գործարանային ար-տադրության, կրակոցներ կատարելու համար պիտանի, 5,45 մմ տրամաչափի ՙԱԿ-74՚ տե-սակի ինքնաձիգը, ինքնաձիգերի, ՙՌՊԿ 74՚ տեսակի ձեռքի գնդացիրների և դրանց մոդիֆի-կացիաների համար նախատեսված, ռազմամթերք հանդիսացող 64 հատ կրակվելու համար պիտանի փամփուշտները, հրազեն հանդիսացող` 5,6 մմ տրամաչափի, օղակաձև բոցավառ-ման փամփուշտներով կրակելու համար հարմարեցված, կրակոցներ կատարելու համար պի-տանի ինքնաշեն ատրճանակը, ռազմամթերք հանդիսացող` 2 հատ գործարանային արտա-դըրության, 5.6մմ տրամաչափի, ՙՏՕԶ՚ մոդելի զենքերի, ՙՄԱՐԳՈԼԻՆ՚ տեսակի ատրճա-նակի և այլ զենքերի համար նախատեսված ու կրակվելու համար պիտանի փամփուշտները, գնացել են ք.Երևանի Ա.Պետրոսյան փողոց, որտեղ նրանց պահանջով վկա Կ.Համբարձում-յանը կանգնեցրել է ավտոմեքենան, ավտոմեքենայի բեռնախցիկից սրահ են տեղափոխել վե-րը նշված պոլիէթիլենային տոպրակը, և տևական ժամանակ գտնվել են ավտոմեքենայի մեջ, ինչի պատճառով ավտոմեքենայի ապակիները քրտնել են:
Նույն օրը` ժամը 2340-ի սահմաններում, ք.Երևանի Կենտրոնի տարածքում ծառայու-թյուն կատարող վկաներ` ՀՀ ոստիկանության ՊՊԾ գնդի ոստիկաններ, Արթուր Եղինյանն ու Հակոբ Մկրտչյանը, Ա.Պետրոսյան փողոցում նկատելով վկա Կ.Համբարձումյանի ավտոմե-քենան ու դրա ապակիների քրտնած լինելու հագամանքից եզրակացնելով, որ սրահում եր-կար ժամանակ մարդիկ են նստած, որոշել են ստուգել վարորդի և ուղևորների ինքնություն-ները: Այդ նպատակով նրանք մոտեցել են ավտոմեքենային, որի առջևի աջ նստատեղին նստած է եղել դատապարտյալ Ռ.Մելիքջանյանը, իսկ նրա հետևում` ամբաստանյալը: Վա-րորդի փաստաթղթերն ստուգելուց հետո և, նրանից տեղեկանալով, որ ուղևորները եկել են ՙՊիրամիդա՚ ակումբից աղջիկ վերցնելու, որոշել են ստուգել նաև նրանց ինքնությունները, սակայն ամբաստանյալը և նրա հանցակիցը, դուրս գալով ավտոմեքենայից, տարբեր ուղղու-թյուններով դիմել են փախուստի: Զննելով վկա Կ.Համբարձումյանի ավտոմեքենան և ավտո-մեքենայի հետևի նստատեղի վրայից, հատակից, առջևի աջ նստատեղի տակից ու նստա-րանի գրպանիկից հայտնաբերելով վերը նշված հրազենները, ռազմամթերքը, ինչպես նաև դիմակ և կպչուն ժապավեն, որոնց վերաբերյալ վկա Կ.Համբարձումյանը հայտարարել է, որ դրանք իրենը չեն, նրան` իր ավտոմեքենայով, բերման են ենթարկել ոստիկանության Երևան քաղաքի վարչության Կենտրոնականի բաժին:

Ապացույցների հետազոտում և գնահատում.
Դատաքննությամբ ամբաստանյալն իրեն մեղավոր ճանաչեց զենք և զինամթերք ապ-օրինի փոխադրելու և պահելու մեջ, սակայն պատճառաբանեց, որ դրանք հանձնելու նպա-տակով են դատապարտյալ Ռ.Մելիքջանյանի հետ փոխադրել և որոշ ժամանակ պահել ավ-տոմեքենայի մեջ:
Միաժամանակ, ամբաստանյալը ցուցմունք տվեց այն մասին, որ 2007թ. նոյեմբերի 26-ին` ժամը 2300-ի սահմաններում, Ռ.Մելիքջանյանը զանգահարել է իրեն և, ասելով, որ գտնը-վում է Կոմիտասի պողոտայում` ՙՊալոմա՚ ռեստորանի հարևանությամբ, խնդրել է շուտ գնալ իր մոտ: Կատարելով նրա խնդրանքը` գնացել և Ռ.Մելիքջանյանին հանդիպել է ՙՊա-լոմա՚ ռեստորանի մոտ գտնվող շենքերից մեկի շքամուտքի մոտ կանգնած: Նա, ցույց տալով ձեռքի տոպրակը, ասել է, որ զենք է գտել: Նայել և տեսել է տոպրակից արդեն իսկ երևացող ավտոմատի փողը, իսկ տոպրակում եղել են այլ զենքեր: Ռոմանին խորհորդ է տվել դրանք հանձնել ոստիկանություն: Թեև գտած տոպրակը կարող էին հանձնել այն գտնելու վայրի ոս-տիկանություն, սակայն մտածելով, որ զենքն ամենաճիշտ հանձնելու վայրը ոստկանության վարչությունն է, հասկանալով, որ նշված բեռով ճիշտ չէ ուրիշ ավտոմեքենա կանչելն ու նկա-տի ունենալով, որ Ռոմանը գյուղի տղա է և քաղաքին լավ ծանոթ չի եղել, նրան ուղեկցելու նպատակով զանգահարել են իրենց ծանոթ վարորդին` Կարենին, և խնդրել են գալ իրենց մոտ: Քանի որ տոպրակում շատ զենք է եղել, խառնվել են, սկսել են որոշել, թե ինչ անեն և չեն կարողացել կենտրոնանալ, թե որ ճանապարհով պետք է գնան: Սայաթ-Նովա փողոցի փո-խարեն մտել են Թումանյան փողոց և Կարենին ասել են, որ կանգնեցնի ավտոմեքենան, որպեսզի մտածեն, թե ինչ պետք է անեն: Ռոմանը վախեցել է զենքերը տանել ոստիկանու-թյուն և ասել է, որ դրանք ուզում է տուն տանել, բայց երբ վարորդն ավտոմեքենայից դուրս է եկել, Ռոմանին ասել է, որ տոպրակի պարունակությունը տուն տանելու կամ գցելու բան չի և որ դրանք պետք է հանձնել: Վարորդի բացակայության ժամանակ Ռոմանը բեռնախցիկից հանել և սրահ է տեղափոխել զենքերով տոպրակն ու ևս մեկ անգամ նայել են, թե ինչ կա դրա մեջ: Մանրամասները չի հիշում, բայց ինչ գրված է, եղել են տոպրակի մեջ: Քանի որ տոպ-րակից զենք չեն հանել և, բացի դա, ավտոմեքենայի հետևի նստարանին է նստած եղել, չի նկատել, թե ատրճանակն ինչպես է հայտնվել դիմացի նստատեղի տակ: Հնարավոր է, որ այն նայելու ընթացքում է ընկել:
Ինչ վերաբերվում է այն հանգամանքին, որ երբ իրենց մոտեցած ոստիկանները փոր-ձել են ստուգել իրեն, փախել է, ապա դա այդպես չէ, քանի որ այդ պահին զանգահարել է իր կինը և, պարզապես բջջային հեռախոսով նրա հետ խոսելով, գնացել է:
Դատապարտյալ Ռոման Մելիքջանյանի ցուցմունքի համաձայն` 2007թ. նոյեմբերի 26-ի ուշ երեկոյան նա Կոմիտասի պողոտայի ՙՊալոմա՚ ռեստորանի հարևանությամբ գտնվող շենքերից մեկի ՙդալան՚-ից գտել է տոպրակ, որը շոշափելով, հասկացել է, որ դրա մեջ զենքեր են: Քաղաքին ծանոթ չլինելու պատճառով զանգահարել է ամբաստանյալին, որ-պեսզի նա գա և իրեն օգնի հանձնել գտած զենքերը: Նրա գալուց հետո` նրա խորհրդով, որոշել են զենքերը հանձնել Կենտրոնական ոստիկանություն, որի համար զանգահարել ու կանչել են տաքսու վարորդին, ով իր ծանոթը չի եղել, այլ պարզապես մեկ անգամ օգտված է եղել նրա ավտոմեքենայից: Վարորդին կոնկրետ չեն ասել, թե որտեղ կանգնի, պարզապես հարմար են գտել Ա.Պետրոսյան փողոցը և կանգնել են, սակայն չեն հասցրել հանձնել զեն-քերը, քանի որ երբ մոտեցել են ոստիկանները, վախից փախել են:
Վկա Կարեն Համբարձումյանի ցուցմունքի համաձայն` նա 2007թ. նոյեմբերի 26-ին` ուշ երեկոյան, իր վարած ՙՎազ 2106՚ մակնիշի 61ԼԼ219 պետհամարանիշով ավտոմեքենա-յով գնացել է Կոմիտասի պողոտա` ՙՊալոմա՚ ռեստորանի մոտ, որտեղ իրեն սպասել են ամ-բաստանյալն ու Ռոման Մելիքջանյանը: Ավտոմեքենայի բեռնախցիկում դեղին գույնի տոպ-րակ դնելուց հետո, նրանք իրեն պատվիրել են ավտոմեքենան վարել դեպի Կենտրոն` չնշելով որևէ կոնկրետ հասցե: Ճանապարհին իրեն ուղղորդել է Ռոմանը, իսկ երբ հասել են Սայաթ-Նովա պողոտայի և Ա.Պետրոսյան փողոցի խաչմերուկ` նրանց պահանջով ավտոմեքենան կայանել է ՙՊիրամիդա՚ գիշերային ակումբի հարևանությամբ: Մոտ 20 րոպե մնացել են ավ-տոմեքենայի մեջ, որի ընթացքում նրանցից մեկը` ծխախոտ գնելու համար, իջել է ավտոմե-քենայից և քիչ անց վերադարձել, իսկ մյուսը բեռնախցիկից սրահ է տեղափոխել և հետևի նստատեղին դրել պոլիէթիլենային դեղին տոպրակը:
Նրանք ավտոմեքենայի սրահում միմյանց հետ խոսել են ցածրաձայն և չի լսել, թե ին-չի մասին են խոսում:
Մոտ 20 րոպե անց ավտոմեքենային են մոտեցել ոստիկանները և իրենից փաստա-թղթեր են պահանջել: Նրանց ասել է, որ ուղևորները ՙՊիրամիդա՚ ակումբից աղջիկ վերցնե-լու համար են եկել և տվել է իր փաստաթղթերը, որոնք ստուգելուց հետո ոստիկանները, ցան-կանալով ստուգել նաև ուղևորների` ամբաստանյալի և Ռոմանի ինքնությունը, նրանց դուրս են հրավիրել ավտոմեքենայից, սակայն նրանք դիմել են փախուստի: Ոստիկանները, չկարո-ղանալով բռնել նրանց, զննել են իր ավտոմեքենան և, հայտնաբերելով զենքեր, իրեն` իր ավ-տոմեքենայով, բերման են ենթարկել ոստիկանության Կենտրոնականի բաժին:
Վկաներ` ՀՀ ոստիկանության ՊՊԾ գնդի ոստիկաններ, Արթուր Եղինյանի և Հակոբ Մկրտչյանի նույնաբովանդակ ցուցմունքների համաձայն` 2007թ. նոյեմբերի 26-ին նրանք ծառայություն են կատարել ք.Երևանի Կենտրոնի տարածքում ու ժամը 2340-ի սահմաններում Ա.Պետրոսյան փողոցում նկատել են կայանված ՎԱԶ 2106 մակնիշի տաքսի ավտոմեքենա, որի մեջ ուղևորներ են եղել: Քանի որ ավտոմեքենայի ապակիները եղել են քրտնած և նշված հանգամանքը կասկած է առաջացրել իրենց մոտ, մոտեցել են ավտոմեքենային` վարորդի և ուղևորների ինքնություններն ստուգելու նպատակով: Ավտոմեքենայի դիմացի աջ նստատե-ղին նստած է եղել դատապարտյալ Ռ.Մելիքջանյանը, իսկ նրա հետևում` ամբաստանյալը: Վարորդի` Կ.Համբարձումյանի փաստաթղթերն ստուգելուց հետո, նրանից տեղեկանալով, որ ուղևորները եկել են ՙՊիրամիդա՚ ակումբից աղջիկ վերցնելու, որոշել են ստուգել նաև նրանց ինքնությունները, սակայն սկզբում ամբաստանյալը, այնուհետև` Ռ.Մելիքջանյանը, տարբեր ուղղություններով դիմել են փախուստի: Չհասնելով նրանց և որոշելով բռնել վարորդին, վե-րադարձել են, զննել են նրա ավտոմեքենան և, սրահի հետևի նստատեղից, հատակից, նստա-րանի գրպանիկից ու առջևի նստարանի տակից հայտնաբերելով զենքեր ու զինամթերք, իսկ բեռնախցիկից` դիմակ, կպչուն ժապավեն և փայտե մահակ, նրան` ավտոմեքենայով, բերման են ենթարկել ոստիկանության Կենտրոնականի բաժին:
Դատաձգաբանական, սառը զենքի և դատաքիմիական համալիր փորձաքննության 29.11.2007թ. հ. 2196 եզրակացության համաձայն` ներկայացված 1981թ. գործարանային ար-տադրության, 5,45 մմ տրամաչափի ՙAK-74՚ տեսակի, ջնջված համարներով ինքնաձիգը պի-տանի է կրակոցներ կատարելու համար և հանդիսանում է հրազեն: Դրա իրանի վրա կար-դացվում են ՙ1472 /3 կամ 5 կամ 9/ /8 կամ 6/ 1՚ թվերի հատվածները: Ինքնաձիգի համարնե-րը վերականգնել հնարավոր չէ: Ինքնաձիգից` վերջին մաքրումից հետո, կատարվել է կրա-կոց: Ներկայացված ինքնաձիգից է կրակված թիվ 16102207 քրեական գործով (28.02.2007թ. անհայտ անձինք կատարել են ավազակային հարձակում Երևան քաղաքի Րաֆֆու փողոցի 17-րդ շենքի մոտ) դեպքի վայրից հայտնաբերված և հանրապետական գնդակապարկուճա-դարան հաշվառման ներկայացված 5,45 մմ տրամաչափի ՙ3-81՚ դրոշմվածքներով պարկու-ճը:
Ներկայացված պահունակը գործարանային արտադրության է, նախատեսված է 5,45 մմ տրամաչափի ՙԿալաշնիկով՚ տեսակի ինքնաձիգերի համար, պիտանի է նպատակային օգտագործման համար, ռազմամթերք չի հանդիսանում:
Ներկայացված 64 հատ փամփուշտները գործարանային արտադրության, 5,45 մմ (5,45X39) տրամաչափի մարտական փամփուշտներ են` նախատեսված ՙAK-74՚ տեսակի ինքնաձիգերի, ՙՌՊԿ-74՚ տեսակի ձեռքի գնդացիրների և դրանց մոդիֆիկացիաների հա-մար, պիտանի են կրակելու համար և հանդիսանում են ռազմամթերք:
Ներկայացված ատրճանակն ինքնաշեն է, հարմարեցված է 5,6 մմ տրամաչափի օղա-կաձ և բոցավառման փամփուշտներով կրակելու համար, պիտանի է կրակելու համար և հան-դիսանում է հրազեն: Դրանից` վերջին մաքրումից հետո, կատարվել է կրակոց: Ատրճանակի պահունակի մեջ առկա երկու փամփուշտները գործարանային արտադրության, 5,6 մմ տրա-մաչափի օղակաձև բոցավառման հրացանային փամփուշտներ են, նախատեսված են համա-պատասխան տրամաչափի ՙՏՕԶ՚ մոդելի զենքերի, ՙՄարգոլին՚ տեսակի ատրճանակների և այլ զենքերի համար, պիտանի են կրակելու համար և հանդիսանում են ռազմամթերք:
Ներկայացված արտասահմանյան գործարանային արտադրության ՙCRAL-2005-Magnum՚ մոդելի 9 մմ տրամաչափի ՙձայնագազային՚ ատրճանակը պիտանի է կրակոցնե-րի համար, հրազեն չի համարվում: Դրանից վերջին մաքրումից հետո կատարվել է կրակոց: Ատրճանակի պահունակի մեջ առկա փամփուշտները գործարանային արտադրության, 9 մմ տրամաչափի փամփուշտներ են, որոնցից մեկը գազային փամփուշտ է, իսկ մյուսը` ձայնա-յին: Դրանք նախատեսված են համապատասխան տրամաչափի ՙձայնագազային՚ ատրճա-նակներից կրակվելու համար, պիտանի են կրակոցների համար, ռազմամթերք չեն համար-վում:
ՙԱվտոմեքենայի և դեպքի վայրի զննում կատարելու վերաբերյալ՚ 27.11.2007թ. ար-ձանագրության համաձայն` ՙՎԱԶ 2106՚ մակնիշի 61ԼԼ219 պետհամարանիշով ավտոմեքե-նան ՀՀ ոստիկանության Կենտրոնականի բաժին է տեղափոխվել ք.Երևանի Ա.Պետրոսյան փողոցից և նշված ավտոմեքենայի սրահից ու բեռնախցիկից հայտնաբերվել են ՙAK-74՚ տե-սակի ինքնաձիգ, 2 ատրճանակ, պահունակներ, փամփուշտներ, կպչուն ժապավեններ, սև գույնի կտորե գլխարկ` վերնամասում երկու բացվածք-կտրվածքներով, երկու բժշկական ձեռնոց և փոքր ծալովի դանակ:
ՙԱնձին լուսանկարով ճանաչման ներկայացնելու մասին՚ 28.11.2007թ. ու 29.11.2007թ. արձանագրությունների համաձայն` վկաներ Կ.Համբարձումյանը, Ա.Եղինյանը և Հ.Մկրտչյա-նը լուսանկարով ճանաչել են Ա.Չիֆլիկյանին ու Ռ.Մելիքջանյանին:
ՙՔննչական փորձարարություն կատարելու մասին՚ 11.01.2008թ. արձանագրության համաձայն` վկա Կ.Համբարձումյանը մատնացույց է արել Կոմիտասի պողոտայի հ. 7 հաս-ցեում գտնվող հինգ հարկանի բնակելի շենքը, որի մոտ իրեն կանչել են Ռ.Մելիքջանյանն ու ամբաստանյալը և, պոլիէթիլենային տոպրակը բեռնախցիկում տեղավորելուց հետո, ուղևոր-վել են դեպի ք.Երևանի կենտրոնական հատված:
ՙԻրեղեն ապացույց ճանաչելու և ի պահ հանձնելու մասին՚ 03.03.2008թ. որոշման հա-մաձայն` 5,45 մմ տրամաչափի ՙԱԿ-74՚ տեսակի ինքնաձիգը, 5,45 մմ տրամաչափի 64 հատ փամփուշտները, 5,6 տրամաչափի օղակաձև բոցավառման փամփուշտներով կրակելու հա-մար հարմարեցված ինքնաշեն ատրճանակը, 5,6 տրամաչափի` ՙՏՕԶ՚ մոդելի զենքերի և ՙՄարգոլին՚ տեսակի ատրճանակների համար նախատեսված, 7 հատ փամփուշտները և 9 մմ տրամաչափի 7 հատ փամփուշտները ճանաչվել են իրեղեն ապացույց և ի պահ են հանձ-նվել ՀՀ ոստիկանության ՓՔՎ-ին:


Դատարանի վերլուծություն.
Դատարանը, վերլուծելով ամբաստանյալին առաջադրված մեղադրանքն ու համակ-ցության մեջ գնահատելով դատաքննությամբ հետազոտված ապացույցները, գործի հանգա-մանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաս-տի ապացույցների բավարար ամբողջությամբ հաստատվում է, որ ամբաստանյալ Ա.Չիֆլիկ-յանը` հանցակցի հետ նախնական համաձայնությամբ, ապօրինի փոխադրել ու պահել է հրազեն և ռազմամթերք, այսինքն` կատարել է ՀՀ քրեական օրենսգրքի 235-րդ հոդվածի 2-րդ մասով նախատեսված հանցագործություն, նրա կատարած արարքին տրվել է ճիշտ քրեա-իրավական գնահատական և քրեական գործի ապացույցները ձեռք են բերվել քրեադատա-վարական օրենքի պահանջների պահպանմամբ:
Միաժամանակ, դատարանը գտնում է, որ հրազեններն ու զինամթերքը կամովին հանձնելու վերաբերյալ ամբաստանյալի պատճառաբանությունն ու պնդումը անհիմն է:
Դատաքննությամբ ամբաստանյալը որևէ ողջամիտ և արժանահավատ բացատրու-թյուն չկարողացավ տալ այն մասին, թե ինչու հրազեններն ու զինամթերքը չեն տարել և հանձնել դրանք գտնելու վայրի ոստիկանություն, ինչու միանգամից չեն գնացել ոստիկանու-թյան Երևան քաղաքի վարչություն, և ինչու ընտրած ճանապարհը չի համապատասխանել հիշյալ վարչության ճանապարհին, ինչպես և ինչու են ավտոմեքենայի հետևի նստատեղին և առջևի նստատեղի տակ հայտնվել զենքեր, եթե դրանք դուրս չեն բերվել տոպրակից:
Հետևաբար, դատարանը գտնում է, որ ամբաստանյալի պատճառաբանությունները դատաքննությամբ չհիմնավորվեցին, նշված անհիմն պատճառաբանություններով նա կա-տարած հանցագործության համար քրեական պատասխանատվությունից ու պատժից խու-սափելու նպատակ է հետապնդում:
Ինչ վերաբերվում է մեղադրական եզրակացությունում` որպես ապացույց նշված Երե-վան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. փետրվարի 5-ի դատավճռին, ապա դատարանը, նկատի ունենալով, որ ՀՀ քրեական դատավարության օրենսգրքով նման ապացույցի տեսակ նախատեսված չէ, գտնում է, որ նշված դատավճիռը չի կարող որպես ապացույց օգտագործվել:
Ամբաստանյալի նկատմամբ պատիժ նշանակելիսª պատժի տեսակն ու չափը որոշե-լիս, դատարանը հաշվի է առնում նրա կատարած հանցագործության հանրության համար վտանգավորության աստիճանը և բնույթը, նրա անձը բնութագրող տվյալներն ու պատաս-խանատվությունը և պատիժը մեղմացնող ու ծանրացնող հանգամանքները:
Որպես ամբաստանյալի պատասխանատվությունը և պատիժը մեղմացնող հանգա-մանքներ` դատարանը հաշվի է առնում նրա խնամքի տակ մինչև տասնչորս տարեկան երե-խայի առկայությունը և որ նա վատառողջ է` տառապում է սրտի իշեմիկ հիվանդություն, սուր կորոնար սինդրոմ, սրտամկանի կրկնակի սուր ինֆարկտ և հետինֆարկտային կարդիոսկլե-ռոզ ակտորոշումներով հիվանդություններով:
Որպես ամբաստանյալի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է դիտավորյալ հանցագործություն, իմանալով, որ հետա-խուզվում է, թաքնվել է ու թեև 21.07.2011թ. կամովին ներկայացել է վարույթն իրականացնող մարմին, սակայն գտնում է, որ հետախուզման ընթացքում հիվանդանալով` արդեն իսկ պա-տըժվել է կատարածի համար, ինչը համարում է հասարակական պարտքի կատարում:
Ամբաստանյալի պատասխանատվությունն ու պատիժը ծանրացնող հանգամանքներ դատաքննությամբ չարձանագրվեցին:
Քննության առնելով խափանման միջոցի հարցը, դատարանը գտնում է, որ ամբաս-տանյալի նկատմամբ ընտրված խափանման միջոցը` ստորագրություն` չհեռանալու մասին, պետք է փոխել, որպես խափանման միջոց` ընտրել կալանքը, նրան անհապաղ կալանքի վերցնել դատարանի դահլիճում և նրա պատժի կրման սկիզբը հաշվել 2012թ. փետրվարի 6-ից:
Քննության առնելով իրեղեն ապացույցների տնօրինման հարցը և նկատի ունենալով, որ դրանք արդեն իսկ տնօրինվել են Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2010թ. փետրվարի 5-ի դատավճռով, դա-տարանը գտնում է, որ կրկին այդ հարցին անդրադառնալու անհրաժեշտություն չկա:
Վերոգրյալների հիման վրա և ղեկավարվելով քրեական դատավարության օրենսգրքի 357-360-րդ, 365-րդ, 369-372-րդ հոդվածներովª դատարանը

Վ Ճ Ռ Ե Ց

Արմեն Ամիրանի Չիֆլիկյանին ճանաչել մեղավոր ՀՀ քրեական օրենսգրքի 235-րդ հոդվածի 2-րդ մասով և դատապարտել ազատազրկման 3 (երեք) տարի 6 (վեց) ամիս ժամկե-տով:
ՀՀ քրեական օրենսգրքի 69-րդ հոդվածի համաձայն` Ա.Չիֆլիկյանի կալանքի տակ գտնված երկու օրը հաշվակցել նշանակված պատժին և նրա նկատմամբ` որպես վերջնական պատիժ, նշանակել ազատազրկում 3 (երեք) տարի 5 (հինգ) ամիս 28 (քսանութ) օր ժամկե-տով, որպիսի պատիժը պետք է կրի ՀՀ ԱՆ համապատասխան քրեակատարողական հիմ-նարկում:
Ա.Չիֆլիկյանի նկատմամբ ընտրված խափանման միջոցը` ստորագրություն` չհեռա-նալու մասին, փոխել, որպես խափանման միջոց` ընտրել կալանքը, նրան անհապաղ կալան-քի վերցնել դատարանի դահլիճում և նրա պատժի կրման սկիզբը հաշվել 2012թ. փետրվարի 6-ից:
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ