Գործ ԵԿԴ/0168/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Փոլադյանի
մասնակցությամբ` մեղադրող` Սամվել Աբրահամյանի
պաշտպան` Ամալյա Ավագյանի
տուժող` Նաիրա Շահինյանի

2011 թվականի հոկտեմբերի 26-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Սրբուհի Աղաբեկի Ավագյանի` ծնված 26.10.1970 թվականին Տավուշի մարզի Բաղանիստ գյուղում, ազգությամբ հայ, ՀՀ քաղաքացի, ութամյա կրթությամբ, ամուսնալուծված, խնամքին 1 անձ, նախկինում չդատված, չի աշխատել, հաշվառված է` Տավուշի մարզի Բաղանիստ գյուղում, կալանքի տակ է 18.08.2011 թվականից:

Սրբուհի Աղաբեկի Ավագյանը մեղադրվում է ՀՀ քրեական օրենսգրքի 258 հոդվածի 3-րդ մասի 2-րդ կետով:
18.08.2011 թվականի որոշմամբ Սրբուհի Աղաբեկի Ավագյանի նկատմամբ որպես խափանման միջոց ընտրված կալանավորումը թողնվել է անփոփոխ:


Գործի դատավարական նախապատմությունը.

Ոստիկանության աշխատակիցների օրինական պահանջներին չենթարկվելու և հասարակական կարգը խախտելու փաստի առթիվ ՀՀ ոստիկանության Կենտրոնականի քննչական բաժնում 2011 թվականի հուլիսի 21-ին ՀՀ քրեական օրենսգրքի 258 հոդվածի 3-րդ մասի 2-րդ կետի հատկանիշներով հարուցվել է թիվ 13148311 քրեական գործը:
2011 թվականի օգոստոսի 11-ին Սրբուհի Աղաբեկի Ավագյանը ՀՀ քրեական օրենսգրքի 258 հոդվածի 3-րդ մասի 2-րդ կետով ներգրավվել է որպես մեղադրյալ և նրա գտնվելու վայրը հայտնի չլինելու պատճառով նույն օրը Ս.Ավագյանի նկատմամբ հայտարարվել է հետախուզում և որպես խափանման միջոց է ընտրվել կալանավորումը:
2011 թվականի օգոստոսի 18-ին ժամը 0140-ի սահմաններում Երևան քաղաքի Թումանյան փողոցի 31 շենքի մոտից հայտնաբերվել և ՀՀ ոստիկանության Կենտրոնական բաժին Սրբուհի Աղաբեկի Ավագյանը:
2011 թվականի օգոստոսի 18-ի որոշմամբ Սրբուհի Աղաբեկի Ավագյանի նկատմամբ ընտրված խափանման միջոցը` կալանավորումը, վերահաստատվել է:
Նախաքննական մարմնի կողմից Սրբուհի Աղաբեկի Ավագյանին ՀՀ քրեական օրենսգրքի 258 հոդվածի 3-րդ մասի 2-րդ կետով մեղադրանք է առաջադրվել այն բանի համար, որ նա դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք արտահայտելով հասարակության նկատմամբ, բռնության գործադրմամբ կատարել է խուլիգանություն, որը զուգորդվել է հասարակական կարգի խախտումը խափանող անձին դիմադրություն ցույց տալով.
Տավուշի մարզի Բաղանիս գյուղի բնակիչ Սրբուհի Աղաբեկի Ավագյանը մի քանի տարի առաջ տեղափոխվել է Երևան քաղաք, որտեղ չունենալով մշտական բնակության վայր և որևէ աշխատանք զբաղվել է մուրացկանությամբ:
2011 թվականի հուլիսի 17-ին` ժամը 1800-ի սահմաններում, Սրբուհի Աղաբեկի Ավագյանը գնալով Երևան քաղաքի Թումանյան փոցող զբաղվել է մուրացկանությամբ և ժամը 2200-ի սահմաններում, Երևան քաղաքի Թումանյան 40 շենքի դիմաց Ս. Ավագյանը շուրջ 3-4 րոպե տևողությամբ, դիտավորթյամբ, կոպիտ կերպով խախտելով հասարակական կարգը և բացահայտ անհարգալից վերաբերմունք դրսևորելով հասարակության, հավաքված քաղաքացիների նկատմամբ, իրեն գումար չտալու կապակցությամբ անհարկի վիճաբանել է գործով տուժող Նաիրա Գարեգինի Շահինյանի հետ, խուլիգանական գործողությունները` Մոսկովյան փողոցի 31/114 շենքի մոտ բռնություն գործադրելով, ձեռքերով հարվածել է Ն.Շահինյանի ձեռքերին և պատճառել առոջղության թեթև վնասի հատկանիշներ չպարունակող մարմնական վնասվածք` ձախ դաստակի թիկնային մակերեսի քերծվածքի ձևով, որից հետո, շարունակելով խուլիգանական գործողությունները` Թումանյան փողոցի ՙՌԻՉԻ՚ բարի մոտ անտեսելով խուլիգանական գործողությունները դադարեցնելուն ուղղված հասարակական կարգի խախտումը խափանող ոստիկանության ծառայողներ` գործով վկաներ Ռուդիկ Սոսի Եղիազարյանի, Շահեն Շիրակի Խաչատրյանի և Էդգար Արտակի Ռշտունու դիտողությունները, շուրջ 10 րոպե տևողությամբ շարունակել է բարձրաձայն հայհոյանքներ տալ և բռնություն գործադրելով դիմադրություն է ցույց տվել վերջիններիս` փորձելով դուրս պրծնել նրանց ձեռքից, որից հետո նույն ոստիկանության ծառայողների կողմից բերման է ենթարկվել ոստիկանության Կենտրոնական բաժին:
02.09.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Սրբուհի Աղաբեկի Ավագյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 18.10.2011 թվականին որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Սրբուհի Աղաբեկի Ավագյանը դիտավորությամբ կոպիտ կերպով խախտելով հասարակական կարգը և բացահայտ անհարգալից վերաբերմունք արտահայտելով հասարակության նկատմամբ, բռնության գործադրմամբ կատարել է խուլիգանություն, որը զուգորդվել է հասարակական կարգի խախտումը խափանող անձին դիմադրություն ցույց տալով` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 258 հոդվածի 3-րդ մասի 2-րդ կետով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Սրբուհի Աղաբեկի Ավագյանը անկեղծորեն խոստովանեց և զղջաց կատարած արարքի համար, բնութագրվում է դրականորեն, նախկինում դատապարտված չի եղել, խնամքին է գտնվում անչափահաս դուստրը:
Որպես պատասխանատվությունը և պատիժը մեղմացնող հանգամանք դատարանը դիտումը է Սրբուհի Աղաբեկի Ավագյանի խնամքին մինչև 14 տարեկան մեկ երեխայի առկայությունը:
Պատասխանատվությունը և պատիժը ծանրացնող հանգամանք հանգամանքներ չկան:
Սույն քրեական գործով ամբաստանյալ Սրբուհի Աղաբեկի Ավագյանին մեղադրանք է առաջադրվել ՀՀ քրեական օրենսգրքի 258 հոդվածի 3-րդ մասի 2-րդ կետո, որի սանկցիան նախատեսում է հետևյալ պատժատեսակները` ՙՏուգանք` նվազագույն աշխատավարձի երկուհարյուրապատիկից հինգհարյուրապատիկի չափով, կամ ազատազրկում` առավելագույնը հինգ տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 258 հոդվածի 3-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալ Սրբուհի Աղաբեկի Ավագյանի նկատմամբ ՀՀ քրեական օրենսգրքի 258 հոդվածի 3-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել, հետևյալ պատճառաբանությամբ.
Հաշվի առնելով այն հանգամանքը, որ Սրբուհի Աղաբեկի Ավագյանը 27.09.2011 թվակայնի դատական նիստին հայտնել է, որ ցանկանում է ունենալ պաշտպան, սակայն գտնվում է ֆինանսապես ծանր վիճակում և խնդրել է տրամադրել հանրային պաշտպան, բացի այդ Ս.Ավագյանը չի աշխատել և զբաղվել է մուրացկանությամբ, և հիմնավոր կասկածներ կան, որ դատարանի կողմից նշանակված 200.000-ից 500.000 ՀՀ դրամ գումարի սահմաններում տուգանքի գումարը նա չի կարող միանվագ վճարել, ուստի դատարանը գտնում է, որ Սրբուհի Աղաբեկի Ավագյանի նկատմամբ պետք է նշանակել ՀՀ քրեական օրենսգրքի 258 հոդվածի 3-րդ մասի սանկցիայով նախատեսված ՙԱզատազրկում՚ պատժատեսակը:
Դատարանը քննարկելով ամբաստանյալի նկատմամբ կիրառված խափանման միջոցի հարցը, գտնում է, որ ամբաստանյալ Սրբուհի Աղաբեկի Ավագյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Տուժող Նաիրա Գարեգինի Շահինյանի կողմից ամբաստանյալ Սրբուհի Աղաբեկի Ավագյանի նկատմամբ քաղաքացիական հայցի պահանջ չի ներկայացվել:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Սրբուհի Աղաբեկի Ավագյանին մեղավոր ճանաչել ՀՀ քրեական օրենսգրքի 258 հոդվածի 3-րդ մասի 2-րդ կետով և նրան դատապարտել ազատազրկման 3 /երեք/ ամիս ժամկետով:
Սրբուհի Աղաբեկի Ավագյանի պատժի սկիզբը հաշվել 18.08.2011 թվականից, խափանման միջոցը` կալանավորումը թողնել անփոփոխ` մինչև դատավճռի օրինական ուժի մեջ մտնելը:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:



ԴԱՏԱՎՈՐ` Ա. ԲԵԿԹԱՇՅԱՆ