գործ` ԵԿԴ/0158/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Փոլադյանի
մասնակցությամբ` մեղադրող` Արման Հակոբյանի
պաշտպաններ` Հայկ Իսրայելյանի
Հենրիկ Բաղդասարյանի
տուժողների ներկայացուցիչներ` Աննա Մարտիրոսյանի
Ռաֆայել Ավետիսյանի
Թորոս Գրիգորյանի
Աշոտ Սարգսյանի

2011 թվականի նոյեմբերի 02-ին Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Ավետիք Վանյայի Սարգսյանի` ծնված 27.05.1964 թվականին Արտաշատ քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատել, նախկինում դատված` Ավան և Նոր Նորք համայնքների ընդհանուր իրավասության դատարանի 24.03.2009 թվականի դատավճռով ՀՀ քրեական օրենսգրքի 268 հոդվածի 2-րդ մասի 1-ին կետով դատապարտվել է ազատազրկման ութ ամիս ժամկետով, ազատվել է պատժի կրումից` 03.07.2009 թվականին` պատիժը լրիվ կրելուց հետո, դատվածությունը չմարված, հաշվառված է Արարատի մարզի, Լանջազատ գյուղի, Գ.Չաուշի փողոցի հող 21, բնակվել է Երևան քաղաքի, Ֆրունզեի փողոցի 60ա շենքի, 35 բնակարանում, կալանքի տակ է 28.06.2011 թվականից:

Ավետիք Վանյայի Սարգսյանը մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով:
30.06.2011 թվականի որոշմամբ Ավետիք Վանյայի Սարգսյանի նկատմամբ որպես խափանման միջոց է ընտրվել կալանավորումը:

Արա Անդրանիկի Կարապետյանի` ծնված 12.08.1975 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 3 անձ, չի աշխատել, նախկինում դատված` Էրեբունի և Նուբարաշեն համայնքների ընդհանուր իրավասության դատարանի 11.08.2009 թվականի դատավճռով ՀՀ քրեական օրենսգրքի 177 հոդվածի 2-րդ մասի 1-ին, 4-րդ կետերով և ՀՀ քրեական օրենսգրքի 34-177 հոդվածի 2-րդ մասի 1-ին, 4-րդ կետերով, ՀՀ քրեական օրենսգրքի 66 հոդվածի 4-րդ մասի կիրառմամբ դատապարտվել է ազատազրկման` 2 տարի 6 ամիս ժամկետով: ՙՀամաներում հայտարարելու մասին՚ ՀՀ Ազգային Ժողովի 19.06.2009թ. որոշման 1-ին կետի 1-ին ենթակետի համաձայն, ազատվել է պատժի կրումից, դատվածությունը չմարված, բնակվել է Երևան քաղաքի, Նոր Արեշ 27 փողոցի թիվ 9 տանը, կալանքի տակ է 28.06.2011 թվականից:

Արա Անդրանիկի Կարապետյանը մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով:
30.06.2011 թվականի որոշմամբ Արա Անդրանիկի Կարապետյանի նկատմամբ որպես խափանման միջոց է ընտրվել կալանավորումը:

Արթուր Լևոնի Հուսիկյանի` ծնված 17.06.1976 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, չամուսնացած, խնամքին ոչ ոք, չի աշխատել, նախկինում դատված, դատվածությունը մարված, բնակվել է Արարատի մարզի Արևշատ գյուղի, Խանջյան փողոցի թիվ 4 տանը, կալանքի տակ է 28.06.2011 թվականից:

Արթուր Լևոնի Հուսիկյանը մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով:
30.06.2011 թվականի որոշմամբ Արթուր Լևոնի Հուսիկյանի նկատմամբ որպես խափանման միջոց է ընտրվել կալանավորումը:

Էդիկ Միշայի Գրիգորյանի` ծնված 26.03.1973 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 4 անձ, չի աշխատել, նախկինում չդատված, բնակվել է Երևան քաղաքի, Նոր-Արեշ 30 փողոցի 48 տանը, կալանքի տակ է 28.06.2011 թվականից:

Էդիկ Միշայի Գրիգորյանը մեղադրվում է ՀՀ քրեական օրենսգրքի 177 հոդվածի 2-րդ մասի 1-ին կետով:
30.06.2011 թվականի որոշմամբ Էդիկ Միշայի Գրիգորյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

Անհայտ անձի կողմից գույքի գաղտնի հափշտակություն կատարելու փաստի առթիվ 2011 թվականի հունիսի 23-ին ՀՀ ոստիկանության Կենտրոնական բաժնի Մարաշի բաժանմունքում ՀՀ քրեական օրենսգրքի 177 հոդվածի 1-ին մասի հատկանիշներով հարուցվել է թիվ 13183111 քրեական գործը:
2011 թվականի հունիսի 27-ին` ժամը 1730-ին գողություն կատարելու կասկածանքով ՀՀ ոստիկանության Կենտրոնական բաժնի Մարաշի բաժանմունք բերման է ենթարկվել Երևան քաղաքի, Նոր-Արեշ 30 փողոցի 48 տան բնակիչ, 26.03.1973 թվականին ծնված Էդիկ Միշայի Գրիգորյանը:
2011 թվականի հունիսի 27-ին` ժամը 1730-ին գողություն կատարելու կասկածանքով ՀՀ ոստիկանության Կենտրոնական բաժնի Մարաշի բաժանմունք բերման է ենթարկվել Արարատի մարզի Արևշատ գյուղի բնակիչ, 10.06.1976 թվականին ծնված Արթուր Լևոնի Հուսիկյանը:
2011 թվականի հունիսի 27-ին` ժամը 1730-ին գողություն կատարելու կասկածանքով ՀՀ ոստիկանության Կենտրոնական բաժնի Մարաշի բաժանմունք բերման է ենթարկվել Նոր-Արեշ 27 փողոցի 9 տան բնակիչ, 08.12.1975 թվականին ծնված Արա Անդրանիկի Կարապետյանը:
2011 թվականի հունիսի 27-ին` ժամը 1730-ին գողություն կատարելու կասկածանքով ՀՀ ոստիկանության Կենտրոնական բաժնի Մարաշի բաժանմունք բերման է ենթարկվել Արարատի մարզի Լանջազատ գյուղի բնակիչ, 27.05.1964 թվականին ծնված Ավետիք Վանյայի Սարգսյանը:
2011 թվականի հունիսի 27-ին` ժամը 1800-ին գողոնը ձեռք բերելու և իրացնելու կասկածանքով ՀՀ ոստիկանության Կենտրոնական բաժնի Մարաշի բաժանմունք բերման է ենթարկվել Երևան քաղաքի, Եղ.Թադևոսյան փողոցի 3-րդ շենքի 46 բնակարանի բնակիչ, 12.03.1966 թվականին ծնված Աննա Պավելի Մարտիրոսյանը:
2011 թվականի հունիսի 27-ի որոշմամաբ թիվ 13183111 քրեական գործն ուղարկվել է ՀՀ ոստիկանության Կենտրոնականի քննչական բաժին` նախաքննություն կատարելու նպատակով:
Անհայտ անձի կողմից գույքի գաղտնի հափշտակություն կատարելու փաստի առթիվ 2011 թվականի հունիսի 24-ին ՀՀ ոստիկանության Կենտրոնական բաժնի Մարաշի բաժանմունքում ՀՀ քրեական օրենսգրքի 177 հոդվածի 1-ին մասի հատկանիշներով հարուցվել է թիվ 13183211 քրեական գործը:
2011 թվականի հունիսի 27-ի որոշմամաբ թիվ 13183211 քրեական գործն ուղարկվել է ՀՀ ոստիկանության Կենտրոնականի քննչական բաժին` նախաքննություն կատարելու նպատակով:
ՀՀ ոստիկանության Կենտրոնականի քննչական բաժնի քննիչ Ա.Մանուկյանի 2011 թվականի հունիսի 28-ի որոշմամաբ թիվ 13183211 քրեկան գործի վարույթը միացվել է թիվ 13183111 քրեական գործին` մեկ վարույթում քննելու նպատակով, նկատի ունենալով, որ նույն անձանց կողմից կատարված մի քանի հանցագործությունների վերաբերյալ գործերը կարող են քննվել մեկ վարույթում: Գործին տրվել է 13183111 համարը:
ՀՀ քրեական օրենսգրքի 177 հոդվածի 2-րդ մասով նախատեսված հանցանք կատարելու կասկածանքով 2011 թվականի հունիսի 28-ին Արա Անդրանիկի Կարապետյանը ձերբակալվել է:
ՀՀ քրեական օրենսգրքի 177 հոդվածի 2-րդ մասով նախատեսված հանցանք կատարելու կասկածանքով 2011 թվականի հունիսի 28-ին Արթուր Լևոնի Հուսիկյանը ձերբակալվել է:
ՀՀ քրեական օրենսգրքի 177 հոդվածի 2-րդ մասով նախատեսված հանցանք կատարելու կասկածանքով 2011 թվականի հունիսի 28-ին Էդիկ Միշայի Գրիգորյանը ձերբակալվել է:
ՀՀ քրեական օրենսգրքի 177 հոդվածի 2-րդ մասով նախատեսված հանցանք կատարելու կասկածանքով 2011 թվականի հունիսի 28-ին Ավետիք Վանյայի Սարգսյանը ձերբակալվել է:
2011 թվականի հունիսի 30-ի որոշմամբ թիվ 13183111 քրեական գործով Արթուր Լևոնի Հուսիկյանը ՀՀ քրեական օրենսգրքի 177 հոդվածի 2-րդ մասի 1-ին կետով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2011 թվականի հունիսի 30-ի որոշմամբ թիվ 13183111 քրեական գործով Արա Անդրանիկի Կարապետյանը ՀՀ քրեական օրենսգրքի 177 հոդվածի 2-րդ մասի 1-ին կետով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2011 թվականի հունիսի 30-ի որոշմամբ թիվ 13183111 քրեական գործով Էդիկ Միշայի Գրիգորյանը ՀՀ քրեական օրենսգրքի 177 հոդվածի 2-րդ մասի 1-ին կետով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2011 թվականի հունիսի 30-ի որոշմամբ թիվ 13183111 քրեական գործով Ավետիք Վանյայի Սարգսյանը ՀՀ քրեական օրենսգրքի 177 հոդվածի 2-րդ մասի 1-ին կետով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել կալանավորումը:
2011 թվականի հունիսի 27-ին` ժամը 1500-ի սահմաններում Երևան քաղաքի Էրեբունի 21 հասցեում գտնվող ՙԳազել՚ մակնիշի 406 ԼԼ 01 պետհամարանիշի ավտոմեքենայի բեռնախցիկից երկու արկղ մսամթերք գողանալու փաստի առթիվ նույն օրը ՀՀ ոստիկանության Էրեբունու բաժնու` ՀՀ քրեական օրենսգրքի 177 հոդվածի 1-ին մասով հարուցվել է թիվ 12158711 քրեական գործը:
2011 թվականի հուլիսի 13-ին թիվ 12158711 քրեական գործն ուղարկվել է ՀՀ ոստիկանության Կենտրոնականի քննչական բաժին` թիվ 13183111 քրեական գործին միացնելու և համատեղ ընթացքը լուծելու համար` նկատի ունենալով, որ ատի ունենալով, որ նույն անձանց կողմից կատարված մի քանի հանցագործությունների վերաբերյալ գործերը կարող են քննվել մեկ վարույթում:
ՀՀ ոստիկանության Կենտրոնականի քննչական բաժնի քննիչ Ա.Մանուկյանի 2011 թվականի հուլիսի 21-ի որոշմամաբ թիվ 12158711 քրեկան գործն ընդունվել է վարույթ, միացվել է թիվ 13183111 քրեական գործին` մեկ վարույթում քննելու նպատակով և տրվել է 13183111 համարը:
2011 թվականի օգոստոսի 09-ի որոշմամբ` Արթուր Լևոնի Հուսիկյանին նախկինում առաջադրված մեղադրանքի ծավալը փոփոխվել ու լրացվել է և նրան նոր մեղադրանք է առաջադրվել` ՀՀ քրեական օրենսգրքի 177 հոդվածի 2-րդ մասի 1-ին կետով:
2011 թվականի օգոստոսի 09-ի որոշմամբ` Արա Անդրանիկի Կարապետյանին նախկինում առաջադրված մեղադրանքի ծավալը փոփոխվել ու լրացվել է և նրան նոր մեղադրանք է առաջադրվել` ՀՀ քրեական օրենսգրքի 177 հոդվածի 2-րդ մասի 1-ին կետով:
2011 թվականի օգոստոսի 09-ի որոշմամբ` Էդիկ Միշայի Գրիգորյանին նախկինում առաջադրված մեղադրանքի ծավալը փոփոխվել ու լրացվել է և նրան նոր մեղադրանք է առաջադրվել` ՀՀ քրեական օրենսգրքի 177 հոդվածի 2-րդ մասի 1-ին կետով:
2011 թվականի օգոստոսի 09-ի որոշմամբ` Ավետիք Վանյայէի Սարգսյանին նախկինում առաջադրված մեղադրանքի ծավալը փոփոխվել ու լրացվել է և նրան նոր մեղադրանք է առաջադրվել` ՀՀ քրեական օրենսգրքի 177 հոդվածի 2-րդ մասի 1-ին կետով:
2011 թվականի օգոստոսի 12-ի որոշմամբ` թիվ 13183111 քրեական գործով Արթուր Լևոնի Հուսիկյանի և Արա Անդրանիկի Կարապետյանի կողմից 2011 թվականի հունիս ամսին Երևան քաղաքի Հր.Քոչարի փողոցում գույքի գաղտնի հափշտակություն կատարելու կապակցությամբ քրեական հետապնդում չի իրականացվել` հանցադեպի բացակայության պատճառաբանությամբ: Թիվ 13183111 քրեական գործով Արթուր Լևոնի Հուսիկյանի և Արա Անդրանիկի Կարապետյանի կողմից 2011 թվականի հունիս ամսին Երևան քաղաքի Արցախի և Արին Բերդի փողոցների խաչմերուկում գույքի գաղտնի հափշտակություն կատարելու կապակցությամբ քրեական հետապնդում չի իրականացվել` հանցադեպի բացակայության պատճառաբանությամբ: Թիվ 13183111 քրեական գործով Արթուր Լևոնի Հուսիկյանի և Արա Անդրանիկի Կարապետյանի կողմից 2011 թվականի հունիս ամսին Երևան քաղաքի Վարդանանց փողոցում գույքի գաղտնի հափշտակություն կատարելու կապակցությամբ քրեական հետապնդում չի իրականացվել` հանցադեպի բացակայության պատճառաբանությամբ:
2011 թվականի օգոստոսի 12-ի որոշմամբ` ապօրինի թմրանյութ ձեռք բերելու և պահելու կապակցությամբ թիվ 13183111 քրեական գործով Արթուր Լևոնի Հուսիկյանի, Արա Անդրանիկի Կարապետյանի, Էդիկ Գրիշայի Գևորգյանի և Ավետիք Վանյայի Սարգսյանի նկատմամբ ՀՀ քրեական օրենսգրքի 268 հոդվածով քրեական հետապնդում չի իրականացվել` հանցակազմի բացակայության պատճառաբանությամբ:
2011 թվականի օգոստոսի 12-ի որոշմամբ` ակնհայտ հանցավոր ճանապարհով ձեռք բերված գույք ձեռք բերելու կապակցությամբ Վարդիթեր Հայկի Պետրոսյանի և Աննա Պավելի Մարտիրոսյանի նկատմամբ քրեական հետապնդում չի իրականացվել` հանցակազմի բացակայության պատճառաբանությամբ:
2011 թվականի օգոստոսի 12-ի որոշմամբ` թիվ 13183111 քրեական գործով Արթուր Լևոնի Հուսիկյանի կողմից մարմնական վնասվածքներ ստանալու կապակցությամբ քրեական հետապնդում չի իրականացվել` հանցադեպի բացակայության հիմքով:
Նախաքննական մարմնի կողմից Արթուր Լևոնի Հուսիկյանին, Արա Անդրանիկի Կարապետյանին, Էդիկ Գրիշայի Գևորգյանին և Ավետիք Վանյայի Սարգսյանին ՀՀ քրեական օրենսգրքի 177 հոդվածի 2-րդ մասի 1-ին կետով մեղադրանքներ է առաջադրվել այն բանի համար, որ նրանք` մի խումբ անձանց կողմից նախնական համաձայնությամբ կատարել են ուրիշի գույքի զգալի չափերով գաղտնի հափշտակություն` գողություն.
Արարատի մարզի Արևշատ գյուղի բնակիչ Արթուր Լևոնի Հուսիկյանը նախկինում բնակվել է Երևան քաղաքի Նոր Արեշ թաղամասում և գտնվել ընկերական հարաբերությունների մեջ նույն թաղամասի բնակիչներ Արա Անդրանիկի Կարապետյանի և Էդիկ Միշայի Գրիգորյանի հետ: Արևշատ գյուղ տեղափոխվելուց հետո մեղադրյալ Ա.Հուսիկյանը շարունակել է շփվել և ժամանակ անցկացնել Ա.Կարապետյանի և Է.Գրիգորյանի հետ: Ա.Հուսիկյանը 2010 թվականի վերջերին ծանոթացել է Արարատի մարզի Լանջառատ գյուղի բնակիչ Ավետիք Վանյայի Սարգսյանի հետ, օգտվել է վերջինիս վարած տաքսի ավտոմեքենայի ծառայություններից և ժամանակի ընթացքում մտերմացել նրա հետ, ապա վերջինիս ծանոթացրել է իր ընկերներ Ա.Կարապետյանի և Է.Գրիգորյանի հետ:
Ա.Հուսիկյանը, Ա.Կարապետյանը, Ա.Սարգսյանը և Է.Գրիգորյանը ՙԿաֆետին՚ տեսակի դեղամիջոցը բենզինով լուծելու միջոցով պատրաստել և ներարկման միջոցով օգտագործել են թմրամիջոց ու թմրամիջոց պատրաստելու համար դեղամիջոց ու բենզին ձեռք բերելու համար բավարար ֆինանսական միջոցներ չունենալու պատճառով 2011 թվականի հունիս ամսին մտադրվել են գույքի գաղտնի հափշտակություններ կատարել և իրենց հանցավոր մտադրությունն իրագործելով` 2011 թվականի հունիսի 21-ին Արա Անդրանիկի Կարապետյանը, Արթուր Լևոնի Հուսիկյանը, Էդիկ Միշայի Գրիգորյանը և Ավետիք Վանյայի Սարգսյանը, նախնական համաձայնության գալով, վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով շրջել են Երևան քաղաքում: Նույն օրը ժամը 1400-ի սահմաններում Ա.Կարապետյանը և մյուսները նկատել են Երևան քաղաքի Վարդանանց փողոցի թիվ 32 շենքի մոտ կայանված, ՙԴերժավա-Ս՚ ՓԲ ընկերությանը պատկանող, Արթուր Վարուժանի Բաղդագյուլյանի կողմից շահագործվող ՙԳազել՚ մակնիշի, 018 LS 05 պետհամարանիշի ավտոմեքենան, ապա նպատակադրվել են նշված ավտոմեքենայից գողություն կատարել` հանցավոր մտադրությունն իրականացնելու նպատակով, պայմանավորվածության համաձայն Ա.Կարապետյանը մուտք է գործել նույն հասցեում գործող պարենային ապրանքների խանութ և հսկել Ա.Բաղդագյուլյանի անցուդարձին, Ա.Սարգսյանն Ա.Բաղդագյուլյանի` խանութից դուրս գալու մասին Ա.Հուսիկյանին և Է.Գրիգորյանին տեղեկացնելու նպատակով հսկել է շրջակայքը, իսկ վերջիններս մոտեցել են Ա.Բաղդագյուլյանի կողմից վարվող ավտոմեքենային, բացել կողային դուռը և այնտեղից գաղտնի հափշտակել ՙԴերժավա-Ս՚ ՍՊ ընկերությանը պատկանող զգալի չափի` 202.080 ՀՀ դրամ ընդհանուր արժողության, ՙՄարս՚, ՙՍնիկերս՚ և ՙԲաունտի՚ տեսակի կոնֆետներ, որից հետո դրանք տեղավորել են Ա.Սարգսյանի ավտոմեքենայի բեռնախցում և հեռացել:
Այնուհետև, 2011 թվականի հունիսի 23-ին ժամը 1400-ի սահմաններում Արա Անդրանիկի Կարապետյանը, Արթուր Լևոնի Հուսիկյանը, Էդիկ Միշայի Գրիգորյանը և Ավետիք Վանյայի Սարգսյանը, միմյանց հետ գողություն կատարելու շուրջ նախնական համաձայնության գալով, վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով Երևան քաղաքում շրջելու ընթացքում նկատել են Նար-Դոս փողոցի թիվ 77 հասցեում գործող ՙԳալլա՚ սուպերմարկետի մոտակայքում կայանված, Աշոտ Կարոյի Սարգսյանի կողմից շահագործվող, ՙԿարդինալ ինթերնեյշնլ՚ ՍՊ ընկերությանը պատկանող ՙՖորդ տրանզիտ՚ մակնիշի 161 UL 63 պետհամարանիշի ավտոմեքենան, ապա նպատակադրվել են նշված ավտոմեքենայից գողություն կատարել: Հանցավոր մտադրությունն իրականացնելու նպատակով, պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել Աշոտ Սարգսյանի անցուդարձին, Ա.Սարգսյանը վերջինիս` խանութից դուրս գալու մասին Ա.Հուսիկյանին ու Է.Գրիգորյանին տեղեկացնելու նպատակով հսկել է շրջակայքը, իսկ Ա.Հուսիկյանը և Է.Գրիգորյանը մոտեցել են Ա.Սարգսյանի կողմից վարվող ավտոմեքենային, բացել են հետևի դուռը և այնտեղից գաղտնի հափշտակել ՙԿարդինալ ինթերնեյշնլ՚ ՍՊ ընկերությանը պատկանող զգալի չափի` 32.000 ՀՀ դրամ ընդհանուր արժողության, 4 պարկ սուրճը, որից հետո դրանք տեղավորելով Ա.Սարգսյանի ավտոմեքենայի բեռնախցում հեռացել են այնտեղից:
Բացի այդ, 2011 թվականի հունիսի 27-ին Ա.Կարապետյանը, Ա.Սարգսյանը և Ա.Հուսիկյանը, մատակարար ավտոմեքենաներից գողություն կատարելու շուրջ միմյանց հետ նախնական համաձայնության գալով, ժամը 1500-ի սահմաններում Երևան քաղաքի Էրեբունի փողոցի թիվ 21 շենքի մոտ կայանված, ՙՌազմիկ 92՚ արտադրական կոոպերատիվին պատկանող, Թորոս Համազասպի Գրիգորյանի կողմից շահագործվող ՙԳազել՚ մակնիշի, 406 ԼԼ 01 պետհամարանիշի ավտոմեքենայից գողացել են զգալի չափի` 136.000 ՀՀ դրամ ընդհանուր արժողության 2 արկղ մսամթերք և 2 գլուխ պանիր:
2011 թվականի օգոստոսի 17-ին թիվ 13183111 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Ապացույցների հետազոտում և գնահատում.

Ամբաստանյալ` Ավետիք Վանյայի Սարգսյանը ՀՀ քրեական օրենսգրքի 177 հոդվածի 2-րդ մասի 1-ին կետով առաջադրված մեղադրանքներում իրեն մեղավոր չճանաչեց և ցուցմունք տվեց այն մասին, որ հաշվառված է ու նախկինում էլ բնակվել է Արարատի մարզի Լանջազատ գյուղում: 2011 թվականի ապրիլ ամսից մասնավոր ուղևորափոխադրումներ է կատարում ՙՎԱԶ 2107՚ մակնիշի Տ 1101 պետհամարանիշի տաքսի ավտոմեքենայով: Արարատի մարզի Արևշատ գյուղի բնակիչ Արթուրին ճանաչում է շուրջ մեկ տարի, նրա հետ գտնվում է նորմալ փոխհարաբերությունների մեջ, սակայն մտերիմներ չեն: Արթուրի ընկեր Արային ճանաչում է նրա միջոցով, իսկ նրանց ընկերոջը` Էդիկին ընդամենը մեկ անգամ է տեսել: 2011 թվականի հունիս ամսվա ընթացքում Արթուրը կամ Արան մի քանի անգամ զանգահարել են իրեն ու խնդրել են իրենց ինչ-որ տեղ տանել կամ իր ավտոմեքենայով ինչ-որ ապրանքներ տեղափոխել: 2011 թվականի հունիսի 27-ին, երբ ինքն իր ավտոմեքենայով կանգնած է եղել Էրեբունի թաղամասի շուկայի մոտ, իրեն են մոտեցել Արան ու Արթուրը, նստել են ավտոմեքենայի մեջ ու ասել են, որ մի քիչ առաջ գնա` դեպի Դիմիտրովի փողոցի կողմը, ապա իջնելով ավտոմեքենայից հեռացել են, իսկ մոտ հինգ րոպե անց վերադառնալով ավտոմեքենայի բեռնախցիկի մեջ ինչ-որ ապրանք են տեղավորել և խնդրել են իրենց տեղափոխել ՙԳՈՒՄ՚-ի շուկա: Երբ իրենք հասել են այն տաղավարի մոտ, որտեղ նրանք սովորաբար ապրանք են տվել, այդ ժամանակ իրենց են մոտեցել ոստիկանության աշխատակիցներն ու բերման են ենթարկել ոստիկանության բաժին: Ինքն Արթուր Հուսիկյանի, Արա Կարապետյանի և Էդիկ Գրիգորյանի համար իրականացրել է մասնավոր ուղևորափոխադրումներ, հանցագործությունների կատարմանը որևէ մասնակցություն չի ունեցել, այլ տեղափոխել է նրանց ու նրանց մոտ գտնվող ապրանքները` տեղյակ չլինելով դրանց գողացված լինելու հանգամանքի մասին: ՙԴերժավա-Ս՚ ՓԲ ընկերության կողմից ներկայացված քաղաքացիական հայցի դեմ առարկում է, քանի որ ինքը գողություն չի կատարել:
Ամբաստանյալ` Արա Անդրանիկի Կարապետյանը ՀՀ քրեական օրենսգրքի 177 հոդվածի 2-րդ մասի 1-ին կետով առաջադրված մեղադրանքներում իրեն մեղավոր ճանաչեց, դատաքննության ընթացքում հրաժարվեց ցուցմունք տալուց, սակայն հայտարարեց, որ գողությունները կատարել են ինքը, Արթուր Հուսիկյանը և Էդիկ Գրիգորյանը, իսկ Ավետիք Սարգսյանն ընդամենը տեղափոխել է գողացված ապրանքները` տեղյակ չլինելով դրանց գողացված լինելու մասին: Մինչդեռ համաձայն Արա Կարապետյանի նախաքննական ցուցմունքի` Երևան քաղաքի Նոր Արեշ թաղամասի բնակիչ Էդիկ Գրիգորյանի և նույն թաղամասի նախկին բնակիչ Արթուր Հուսիկյանի հետ գտնվել է ընկերական հարաբերությունների մեջ: Վերջինիս միջոցով ծանոթացել է տաքսու վարորդ Ավետիք Սարգսյանի հետ: Ա.Հուսիկյանի, Է.Գրիգորյանի և Ա.Սարգսյանի հետ երբեմն օգտագործել են բենզինից և ՙԿաֆետին՚ տեսակի դեղամիջոցից պատրաստված թմրանյութ: 2011 թվականի հունիս ամսին, թմրանյութի ձեռքբերման համար գումար չունենալով, ինքը և Ա.Հուսիկյանը մտադրվել են գողություններ կատարել և թմրանյութի գնման համար անհրաժեշտ այդպես գումար ձեռք բերել: 2011 թվականի հունիսի 21-ին ինքը, Էդիկ Գրիգորյանը և Արթուր Հուսիկյանը Երևան քաղաքի Կենտրոնով քայլելու ընթացքում, ժամը 1400-ի սահմաններում տեսել են Վարդանանց փողոցի թիվ 32 շենքի մոտ կայանված ՙԳազել՚ մակնիշի սպիտակ գույնի ավտոմեքենա և մտադրվել են նշված ավտոմեքենայից գողություն կատարել և գողացված ապրանքները տեղափոխելու համար ինքը զանգահարել ու կանչել է Ա.Սարգսյանին, ապա պայմանավորվածության համաձայն մուտք է գործել մոտակա պարենային ապրանքների խանութ` հսկելու վարորդի անցուդարձին, իսկ Է.Գրիգորյանն ու Ա.Հուսիկայնը ՙԳազել՚ ավտոմեքենայից գողացել են ընդհանուր 5 արկղ ՙՄարս՚, ՙՍնիկերս՚ և ՙԲաունտի՚ տեսակի կոնֆետներ, որից հետո դրանք տեղավորել են Ա.Սարգսյանի ավտոմեքենայի բեռնախցում ու հեռացել են այնտեղից: Գողացված կոնֆետները տարել են ՙԳՈՒՄ՚-ի շուկա ու վաճառել իրենց անծանոթ մի կնոջ` նրան չասելով ապրանքի գողացված լինելու մասին:
Դրանից մի քանի օր անց ինքը, Է.Գրիգորյանը և Ա.Հուսիկյանը, ցերեկային ժամի, Երևան քաղաքի կենտրոնում շրջելու ընթացքում Նար-Դոս և Քաջազնունի փողոցների խաչմերուկում տեսել են ՙՖորդ տրանզիտ՚ մակնիշի ավտոմեքենա և որոշել են նշված ավտոմեքենայից գողություն կատարել: Պայմանավորվածության համաձայն ինքը մուտք է գործել մոտակա ՙԳալլա՚ խանութ` հսկելու վարորդի անցուդարձին, իսկ մինչ այդ` զանգել ու կանչել է Ա.Սարգսյանին: Է.Գրիգորյանն ու Ա.Հուսիկյանը ՙՖորդ՚ մակնիշի ավտոմեքենայից գողացել են 3 կամ 4 պարկ սուրճ, որը տեղադրել են Ա.Սարգսյանի տաքսի ավտոմեքենայի մեջ և վաճառելու նպատակով տարել են ՙԳՈՒՄ՚-ի շուկա, որտեղ ինքն այն վաճառել է իրեն անծանոթ մի կնոջ` նրան չասելով ապրանքի գողացված լինելու մասին:
Այնուհետև 2011 թվականի հունիսի 27-ին ժամը 1400-ի սահմաններում ինքը և Արթուր Հուսիկյանը Էրեբունի թաղամասի ՙԹագուհի՚ խանութի մոտ նկատել են, որ սպիտակ գույնի ՙԳազել՚ մակնիշի ավտոմեքենայի վարորդը մսամթերք է տեղափոխում մոտակա խանութ: Այդ ժամանակ իրենք որոշել են նշված ավտոմեքենայից գողություն կատարել` ինքը հսկել է վարորդին` միաժամանակ զանգահարելով Ա.Սարգսյանին, որը արագ մոտեցել է իրենց, իսկ Ա.Հուսիկյանը ՙԳազել՚ ավտոմեքենայից գողացել է մսամթերք ու երկու գլուխ պանիր, որոնք տեղավորել են Ա.Սարգսյանի ավտոմեքենայի մեջ ու գնացել են ՙԳՈՒՄ՚-ի շուկա` դրանք վաճառելու, սակայն այնտեղ բռնվել են ոստիկանների կողմից և բերման ենթարկվել ոստիկանության բաժին: ՙԴերժավա-Ս՚ ՓԲ ընկերության կողմից ներկայացված քաղաքացիական հայցի դեմ առարկում է, քանի որ այդքան վնաս չի պատճառվել:
Ամբաստանյալ` Արթուր Լևոնի Հուսիկյանը ՀՀ քրեական օրենսգրքի 177 հոդվածի 2-րդ մասի 1-ին կետով առաջադրված մեղադրանքներում իրեն մեղավոր ճանաչեց և ցուցմունք տվեց այն մասին, որ գողությունները կատարել են ինքը, Էդիկ Գրիգորյանը և Արա Կարապետյանը, իսկ Ավետիք Սարգսյանն ընդամենը տեղափոխել է գողացված ապրանքները` տեղյակ չլինելով դրանց գողացված լինելու մասին: Որպես վկա ու կասկածյալ ցուցմունքներ տալու ժամանակ եղել է շփոթված և հուզված, այդ պատճառով էլ սխալ է արտահայտվել, ասելով, որ Ավետիքն իրենց հետ միասին գողություն է կատարել: Բնակվել է Երևան քաղաքի Նոր Արեշ թաղամասում և գտնվել ընկերական հարաբերությունների մեջ նույն թաղամասի բնակիչներ Արա Անդրանիկի Կարապետյանի և Էդիկ Միշայի Գրիգորյանի հետ: Տեղափոխվելով Արարատի մարզի Արևշատ գյուղ` թաղամասի հետ կապը չի խզել, շարունակել է շփվել և ժամանակ անցկացնել Ա.Կարապետյանի ու Է.Գրիգորյանի հետ: 2010 թվականի վերջերին ծանոթացել է Արարատի մարզի Լանջառատ գյուղի բնակիչ Ավետիք Վանյայի Սարգսյանի հետ, օգտվել է վերջինիս վարած տաքսի ավտոմեքենայի ծառայություններից և ժամանակի ընթացքում մտերմացել վերջինիս հետ: Ա.Սարգսյանին ծանոթացրել է նաև իր ընկերներ Ա.Կարապետյանի ու Է.Գրիգորյանի հետ և իրենք սկսել են մտերմություն անել: Վերջին մեկ տարում օգտագործել է բենզինից և ՙԿաֆետին՚ տեսակի դեղամիջոցից պատրաստված թմրանյութ: Տեղեկանալով, որ Ա.Կարապետյանը. Ա.Սարգսյանը և Է.Գրիգորյանը ևս նույն տեսակի թմրանյութից են օգտագործում` սկսել են միասին պատրաստել և օգտագործել նշված թմրամիջոցը:
2011 թվականի հունիս ամսին, թմրանյութի ձեռքբերման համար գումար չունենալով, Ա.Կարապետյանի և Է.Գրիգորյանի հետ մտադրվել են գողություններ կատարել և թմրանյութի գնման համար անհրաժեշտ այդպես գումար ձեռք բերել:
2011 թվականի հունիսի 21-ին ինքը, Արա Կարապետյանը և Էդիկ Գրիգորյանը Երևան քաղաքի Կենտրոնով շրջելու ընթացքում ժամը 1400-ի սահմաններում նկատել են Վարդանանց փողոցի թիվ 32 շենքի մոտ կայանված ՙԳազել՚ մակնիշի սպիտակ գույնի ավտոմեքենա և նպատակադրվել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել նույն հասցեում գործող պարենային ապրանքների խանութ` հսկելու վարորդի անցուդարձին, իսկ ինքն ու Էդիկը մոտեցել են ՙԳազելին՚, բացել կողային դուռը և այնտեղից գաղտնի հափշտակել ընդհանուր 5 արկղ ՙՄարս՚, ՙՍնիկերս՚ և ՙԲաունտի՚ տեսակի կոնֆետները, որից հետո Ա.Կարապետյանը զանգահարել ու իրենց մոտ է կանչել Ավետիքին, որի մոտենալուց հետո իրենք գողացված ապրանքները տեղավորել են վերջինիս ավտոմեքենայի բեռնախցում և հեռացել են այնտեղից: Գողացված կոնֆետները տարել են ՙԳՈՒՄ՚-ի շուկա և այնտեղ վաճառել իրենց անծանոթ մի կնոջ:
Դրանից մի քանի օր անց ինքը, Ա.Կարապետյանը և Է.Գրիգորյանը ժամը 1300-ի սահմաններում հանդիպել են իրար և թմրանյութի ձեռք բերման համար գումար հայթաթելու նպատակով որոշել են գողություն կատարել, որից հետո շրջելով Երևան քաղաքի կենտրոնում նկատել են Նար-Դոս փողոցում գործող ՙԳալլա՚ սուպերմարկետի մոտակայքում կայանված ՙՖորդ տրանզիտ՚ մակնիշի ավտոմեքենա ու նպատակադրվել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել վարորդի անցուդարձին, իսկ ինքն ու Է.Գրիգորյանը մոտեցել են ՙՖորդ տրանզիտ՚ մակնիշի ավտոմեքենային և գողացել 4 պարկ սուրճ, որից հետո զանգահարել և իրենց մոտ են կանչել Ավետիքին ու գողացված սուրճը տեղավորելով վերջինիս ՙՎԱԶ 2107՚ մակնիշի S 1101 պետհամարանիշի տաքսի ավտոմեքենայի բեռնախցում` տարել ՙԳՈՒՄ՚-ի շուկա, որտեղ Ա.Կարապետյանը դրանք վաճառել է, սակայն ինքը չգիտի, թե ում:
Այնուհետև 2011 թվականի հունիսի 27-ին ժամը 1400-ի սահմաններում ինքը, Ա.Կարապետյանը և Ա.Հուսիկյանը Էրեբունի թաղամասի ՙԹագուհի՚ խանութի մոտ նկատել են ՙԳազել՚ մակնիշի ավտոմեքենա, մոտեցել են նշված ավտոմեքենային ու, տեսնելով, որ մարդ չկա` որոշել են գողություն կատարել: Ինքը մոտեցել է ՙԳազել՚ ավտոմեքենային և բացելով դուռը` գողացել 2 արկղ մսամթերք ու 2 գլուխ պանիր: Այդ ժամանակ Արա Կարապետյան ըզանգահարել ու իրենց մոտ է կանչել Ավետիքին, որի մոտենալուց հետո իրենք գողացված ապրանքները տեղավորել են վերջինիս տաքսի ավտոմեքենայի մեջ և գնացել են ՙԳՈՒՄ՚-ի շուկա դրանք վաճառելու: Սակայն այնտեղ բռնվել են ոստիկանների կողմից և բերման ենթարկվել ոստիկանության Մարաշի բաժանմունք: ՙԴերժավա-Ս՚ ՓԲ ընկերության կողմից ներկայացված քաղաքացիական հայցի դեմ առարկում է, քանի որ այդքան վնաս չի պատճառվել:
Ամբաստանյալ` Էդիկ Միշայի Գրիգորյանը ՀՀ քրեական օրենսգրքի 177 հոդվածի 2-րդ մասի 1-ին կետով առաջադրված մեղադրանքներում իրեն մեղավոր ճանաչեց և ցուցմունք տվեց այն մասին, որ գողությունները կատարել են ինքը, Արթուր Հուսիկյանը և Արա Կարապետյանը, իսկ Ավետիք Սարգսյանն ընդամենը տեղափոխել է գողացված ապրանքները` տեղյակ չլինելով դրանց գողացված լինելու մասին: Արա Կարապետյանի և Արթուր Հուսիկյանի հետ գտնվել է ընկերական հարաբերությունների մեջ: Վերջինիս միջոցով ծանոթացել է տաքսու վարորդ Ավետիք Սարգսյանի հետ, նրա հետ ևս մտերմացել են: Ա.Կարապետյանի, Ա.Հուսիկյանի և Ա.Սարգսյանի հետ օգտագործել են բենզինից և ՙԿաֆետին՚ տեսակի դեղամիջոցից պատրաստված թմրանյութ և թմրանյութի ձեռքբերման համարգումար չունենալով, 2011 թվականի հունիս ամսին Ա.Կարապետյանի և Ա.Հուսիկյանի հետ մտադրվել են գողություններ կատարել և թմրանյութի գնման համար անհրաժեշտ գումարն այդպես ձեռք բերել: Դրանից հետո` 2011 թվականի հունիսի 21-ին ինքը, Արա Կարապետյանը և Արթուր Հուսիկյանը ժամը 1400-ի սահմաններում Երևան քաղաքի Կենտրոնով շրջելու ընթացքում տեսել են Վարդանանց փողոցի թիվ 32 շենքի մոտ կայանված ՙԳազել՚ մակնիշի սպիտակ գույնի ավտոմեքենա և մտադրվել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել մոտակա պարենային ապրանքների խանութ` հսկելու վարորդի անցուդարձին, իսկ ինքն ու Ա.Հուսիկայնը մոտեցել են ՙԳազել՚ ավտոմեքենային, բացել են կողային դուռը և այնտեղից գաղտնի հափշտակել ընդհանուր 5 արկղ ՙՄարս՚, ՙՍնիկերս՚ և ՙԲաունտի՚ տեսակի կոնֆետներ, որից հետո Ա.Կարապետյանը զանգահարել ո այնտեղ է կանչել Ա.Սարգսյանին և իրենք գողացված ապրանքները տեղավորել են վերջինիս վարած ՙՎԱԶ 2107՚ մակնիշի S 1101 պետհամարանիշի տաքսի ավտոմեքենայի բեռնախցում ու հեռացել են այնտեղից: Գողացված կոնֆետները տարել են ՙԳՈՒՄ՚-ի շուկա, որտեղ էլ Ա.Կարապետյանը դրանք վաճառել է իրենց անծանոթ մի կնոջ:
Դրանից մի քանի օր անց ինքը, Արա Կարապետյանը և Արթուր Հուսիկյանը ցերեկային ժամին շրջել են Երևան քաղաքի կենտրոնում, որի ընթացքում նկատել են Նար-Դոս փողոցում գործող ՙԳալլա՚ սուպերմարկետի մոտակայքում կայանված ՙՖորդ տրանզիտ՚ մակնիշի ավտոմեքենա և որոշել են նշված ավտոմեքենայից գողություն կատարել: Գողացված ապրանքները տեղափոխելու համար Ա.Կարապետյանը զանգահարել և իրենց մոտ է կանչել Ա.Սարգսյանին, սակայն նրան չի ասել, թե ինչ պետք է տեղափոխեն, որից հետո պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել վարորդի անցուդարձին, իսկ ինքն ու Ա.Հուսիկյանը մոտեցել են ՙՖորդ տրանզիտ՚ մակնիշի ավտոմեքենային և գողացել 4 պարկ սուրճ, որոնք կրկին տեղավորել են իրենց մոտեցած Ա.Սարգսյանի տաքսի ավտոմեքենայի մեջ ու տարել են ՙԳՈՒՄ՚-ի շուկա, որտեղ էլ Ա.Կարապետյանը դրանք վաճառել է: ՙԴերժավա-Ս՚ ՓԲ ընկերության կողմից ներկայացված քաղաքացիական հայցի դեմ առարկում է, քանի որ այդքան վնաս չի պատճառվել:
Ամբաստանյալներ Ավետիք Վանյայի Սարգսյանի, Արա Անդրանիկի Կարապետյանի, Արթուր Լևոնի Հուսիկյանի և Էդիկ Միշայի Գրիգորյանի կատարած հանցանքները` ՀՀ քրեական օրենսգրքի 177 հոդվածի 2-րդ մասի 1-ին կետով, հիմնավորվել են հետևյալ ապացույցներով.
Վկա` Վարդիթեր Հայկի Պետրոսյանի ցուցմունքով այն մասին, որ 1992 թվականից զբաղվում է առևտրային գործունեությամբ, հանդիսանում է ՙՎարդիթեր Պետրոսյան՚ Ա/Ձ-ի տնօրեն, առևտրային գործունեություն է իրականացնում Երևան քաղաքի Մ.Խորենացի 35 հասցեում` թիվ 13 տաղավարում, վաճառում է մթերային ապրանքներ: 2011 թվականի հունիսի երկրորդ կեսին իրեն անծանոթ Արա Կարապետյանը, ցերեկային ժամի եկել է իր տաղավար և առաջարկել մակարոնեղեն` հայտնելով, որ ինքն առաքիչ է, աշխատավարձի փոխարեն ապրանք է ստացել և այն վաճառում է: Ինքը Ա.Կարապետյանից գնել է երկու տուփ մակարոնեղեն` յուրաքանչյուրը 5 կգ քաշով` վճարելով ընդհանուրը 3.000 ՀՀ դրամ: Դրանից մոտ 5-6 օր անց Ա.Կարապետյանը կրկին ցերեկային ժամի եկել է իր տաղավար և առաջարկել է սուրճ գնել` կրկին հայտնելով, որ այդ ապրանքը ստացել է աշխատավարձի դիմաց, միաժամանակ հայտնելով, որ գումար է անհրաժեշտ հիվանդ երեխայի համար: Ինքը խղճալով նրան գնել է սուրճը և դրա համար վճարել 24.000 ՀՀ դրամ գումար: Օրեր անց, երբ Ա.Կարապետյանն ու նրա ընկերները փորձել են իր տաղավարում գողացված մսամթերք վաճառել իր դուստր Աննա Մարտիրոսյանին, ոստիկանության աշխատակիցները նրանց բռնել են գողություններ կատարելու համար: Այն հանգամանքը, որ Ա.Կարապետյանի վաճառած ապրանքները կարող են գողացված լինել` իր մոտ կասկածանքի տեղիք չի տվել, քանի որ պատահել է, երբ առաքիչներն իրեն ապրանք են առաջարկել` ասելով, որ աշխատավարձի փոխարեն սննդամթերք են ստացել:
Վկա` Աննա Պավելի Մարտիրոսյանի ցուցմունքով այն մասին, որ Երևան քաղաքի Մ.Խորենացի փողոցի թիվ 35 շենք հասցեում գործող առևտրի կենտրոնի թիվ 13 տաղավարը վարձակալել է իր մայրը` Վարդիթեր Պետրոսյանը, ով իրականացնում է առևտրային գործունեություն, ինքն էլ ժամանակ առ ժամանակ օգնում է նրան: 2011 թվականի հունիս ամսվա վերջին, ցերեկային ժամի տաղավար է եկել իրեն անծանոթ Արա Կարապետյանը, ներակայացել որպես առաքիչ և առաջարկել ՙՍնիկերս՚ տեսակի կոնֆետներ: Ինքը գնել է դրանք` տեղյակ չլինելով ապրանքների գողացված լինելու հանգամանքի մասին: Դրանից մի քանի օր անց Ա.Կարապետյանը կրկին եկել է իրենց տաղավար և առաջարկել մսամթերք: Սակայն ինքը հրաժարվել է այն գնել` գումար չունենալու պատճառով: Այդ ժամանակ եկել են ոստիկանները և բռնել Ա.Կարապետյանին, ինչպես նաև իրեն և բերման ենթարկել ոստիկանության Մարաշի բաժանմունք, որտեղ և ինքը տեղեկացել է, որ Ա.Կարապետյանի վաճառած ապրանքները գողացված են եղել:
Վկա` Արթուր Վարուժանի Բաղդագուլյանի նախաքննական ցուցմունքով այն մասին, որ աշխատում է ՙԴերժավա-Ս՚ ՓԲ ընկերությունում` որպես առաքիչ, տարբեր տեսակի ապրանքների առաքում է իրականացնում նշված ընկերությանը պատկանող, իրեն ամրակցված ՙԳազել՚ մակնիշի 018 ԼՏ 05 պետհամարանիշի ավտոմեքենայով: 2011 թվականի հունիսի 21-ին անցել է աշխատանքի: Նույն օրը ժամը 1400-ի սահմաններում ապրանքներ է մատակարարել Երևան քաղաքի Վարդանանց 32 հասցեում գործող մթերային խանութում: Ապրանքը խանութում դատարկելուց հետո հաշվարկներ կատարելու համար մտել է խանութ, որտեղ մնացել է շուրջ 10 րոպե, ապա գնացել է Քաջազնունի 1 հասցեում գործող մեկ այլ խանութ, որտեղ նկատել է, որ ավտոմեքենայի միջնամասի դուռը լավ փակված չէ և այն բացելով` հայտնաբերել է, որ ավտոմեքենայի բեռնախցիկից բացակայում են 3 արկղ ՙՍնիկերս՚, 1 արկղ ՙՄարս մաքս՚ և 1 արկղ ՙԲաունտի՚ տեսակի կոնֆետներ` ընդհանուր 202.080 ՀՀ դրամ արժողությամբ: Կատարված գողության մասին տեղյակ է պահել իր ղեկավարությանը, ապա համապատասխան հաղորդում տվել ոստիկանության բաժնում:
Արթուր Հուսիկյանի մասնակցությամբ կատարված քննչական փորձարարության արձանագրությամբ այն մասին, որ` Ա.Հուսիկյանը մատնացույց է արել դեպքի վայրերը և հանգամանորեն նշել իր և մյուս ամբաստանյալների կողմից կատարած հանցագործությունների մանրամասները:
Արա Կարապետյանի մասնակցությամբ կատարված քննչական փորձարարության արձանագրությամբ այն մասին, որ` Ա.Կարապետյանը մատնացույց է արել դեպքի վայրերը և հանգամանորեն նշել իր և մյուս ամբաստանյալների կողմից կատարած հանցագործությունների մանրամասները:
Էդիկ Գրիգորյանի մասնակցությամբ կատարված քննչական փորձարարության արձանագրությամբ այն մասին, որ` Է.Գրիգորյանը մատնացույց է արել դեպքի վայրերը և հանգամանորեն նշել իր և մյուս ամբաստանյալների կողմից կատարած հանցագործությունների մանրամասները:
Երևան քաղաքի Մ.Խորենացի փողոցի թիվ 35 հասցեում գործող առևտրի կենտրոնի թիվ 13 տաղավարից հայտնաբերված և իրեղեն ապացույց ճանաչված 8 տուփ ՙՍնիկերս՚ և ՙՄարս՚ տեսակի կոնֆետների, 2 պարկ սև հատիկավոր սուրճի, 7 տոպրակ մսամթերքի և 2 գլուխ պանրի առկայությամբ:
2011 թվականի հունիսի 29-ին կատարված Արթուր Հուսիկյանի և Ավետիք Սարգսյանի առերես հարցաքննության արձանագրությամբ այն մասին, որ Ա.Հուսիկյանը պնդել է, որ ՙԻնքը, Արոն, Էդոն և Ավոն մի շարք գողություններ են կատարել, Էդոն մասնակցել է ոչ բոլոր դեպքերով՚:
Դատարանը, հետազոտելով քրեական գործով ձեռք բերված ապացույցները և գնահատելով դրանց վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, հանգում է այն հետևության, որ ամբաստանյալ Ավետիք Վանյայի Սարգսյանը, կատարած հանցավոր արարքում` ՀՀ քրեական օրենսգրքի 177 հոդվածի 2-րդ մասի 1-ին կետով իրեն մեղավոր չճանաչելով, նպատակ է հետապնդում խույս տալ քրեական պատասխանատվությունից և նրա կատարած հանցանքը հիմնավորվել է ինչպես Արթուր Հուսիկյանի` 27.06.2011 թվականի` որպես վկա, 28.06.2011 ու 29.06.2011 թվականների` որպես կասկածյալ հարցքննության արձանագրություններով այն մասին, որ ամսին թմրանյութի ձեռքբերման համար գումար չունենալով, 2011 թվականի հունիս Արա Կարապետյանի, Ավետիք Սարգսյանի և Է.դիկ Գրիգորյանի հետ մտադրվել են գողություններ կատարել և թմրանյութի գնման համար անհրաժեշտ գումարն այդպես ձեռք բերել: Այդ նպատակով 2011 թվականի հունիսի 21-ին ինքը, Արա Կարապետյանը, Էդիկ Գրիգորյանը և Ավետիք Սարգսյանը վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով Երևան քաղաքի կենտրոնով շրջելու ընթացքում ժամը 1400-ի սահմաններում նկատել են Վարդանանց փողոցի թիվ 32 շենքի մոտ կայանված ՙԳազել՚ մակնիշի սպիտակ գույնի ավտոմեքենա և նպատակադրվել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել նույն հասցեում գործող պարենային ապրանքների խանութ` հսկելու վարորդի անցուդարձին, Ա.Սարգսյանը սպասել է մոտակայքում, իսկ իրենք մոտեցել են ՙԳազել՚ ավտոմեքենային, բացել կողային դուռը և այնտեղից գաղտնի հափշտակել են ընդհանուր 5 արկղ ՙՄարս՚, ՙՍնիկերս՚ և ՙԲաունտի՚ տեսակի կոնֆետները, որից հետո դրանք տեղավորել են Ա.Սարգսյանի ավտոմեքենայի բեռնախցում ու հեռացել են: Գողացված կոնֆետները տարել են ՙԳՈՒՄ՚-ի շուկա և այնտեղ վաճառել: Դրանից մի քանի օր անց ինքը, Ա.Կարապետյանը, Է.Գրիգորյանը և Ա.Սարգսյանը ժամը 1300-ի սահմաններում հանդիպել են իրար և կրկին որոշել են գողություն կատարել` թմրանյութի ձեռք բերման համար գումար հայթաթելու նպատակով: Վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով շրջել են Երևան քաղաքի կենտրոնում, որի ընթացքում նկատել են Նար-Դոս փողոցում գործող ՙԳալլա՚ սուպերմարկետի մոտակայքում կայանված ՙՖորդ տրանզիտ՚ մակնիշի ավտոմեքենա, որոշել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել վարորդի անցուդարձին, Ա.Սարգսյանը հսկել է շրջակայքը, իսկ ինքն ու Է.Գրիգորյանը մոտեցել են ՙՖորդ տրանզիտ՚ մակնիշի ավտոմեքենային և գողացել 4 պարկ սուրճ, որոնք տեղադրել են Ա. Սարգսյանի տաքսի ավտոմեքենայի մեջ և տարել ՙԳՈՒՄ՚-ի շուկա, որտեղ Ա. Կարապետյանը դրանք վաճառել է: Այնուհետև` 2011 թվականի հունիսի 27-ին ժամը 1400-ի սահմաններում ինքը, Ա.Կարապետյանը և Ա.Հուսիկյանը Էրեբունի թաղամասի ՙԹագուհի՚ խանութի մոտ նկատել են ՙԳազել՚ մակնիշի ավտոմեքենա, մոտեցել են ու տեսնելով, որ մարդ չկա` որոշել են գողություն կատարել: Ինքը մոտեցել է ՙԳազել՚ ավտոմեքենային և բացելով դուռը` գողացել է 2 արկղ մսամթերք ու 2 գլուխ պանիր, որոնք դրել են Ա.Սարգսյանի ավտոմեքենայի մեջ և գնացել են ՙԳՈՒՄ՚-ի շուկա դրանք վաճառելու: Սակայն այնտեղ բռնվել են ոստիկանների կողմից և բերման ենթարկվել ոստիկանության Մարաշի բաժանմունք, այնպես էլ Էդիկ Գրիգորյանի` 27.06.2011 թվականի` որպես վկայի, 28.06.2011 որպես կասկածյալի հարցաքննության արձանագրություններով այն մասին, որ 2011 թվականի հունիս ամսին Ա.Կարապետյանի, Ա.Սարգսյանի և Ա.Հուսիկյանի հետ մտադրվել են գողություններ կատարել և թմրանյութի գնման համար անհրաժեշտ գումարն այդպես ձեռք բերել: Դրանից հետո` 2011 թվականի հունիսի 21-ին ինքը, Արա Կարապետյանը, Արթուր Հուսիկյանը և Ավետիք Սարգսյանը վերջինիս կողմից ՙՎԱԶ 2107՚ մակնիշի S 1101 պետհամարանիշի ավտոմեքենայով, ժամը 1400-ի սահմաններում Երևան քաղաքի Կենտրոնով շրջելու ընթացքում տեսել են Վարդանանց փողոցի թիվ 32 շենքի մոտ կայանված ՙԳազել՚ մակնիշի սպիտակ գույնի ավտոմեքենա և մտադրվել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել մոտակա պարենային ապրանքների խանութ` հսկելու վարորդի անցուդարձին, իսկ ինքն ու Ա.Հուսիկայնը մոտեցել են ՙԳազել՚ ավտոմեքենային, բացել են կողային դուռը և այնտեղից գաղտնի հափշտակել ընդհանուր 5 արկղ ՙՄարս՚, ՙՍնիկերս՚ և ՙԲաունտի՚ տեսակի կոնֆետներ, որից հետո դրանք տեղավորել են Ա.Սարգսյանի ավտոմեքենայի բեռնախցում ու հեռացել են այնտեղից: Գողացված կոնֆետները տարել են ՙԳՈՒՄ՚-ի շուկա, որտեղ էլ Ա.Կարապետյանը դրանք վաճառել է իրենց անծանոթ մի կնոջ:
Դրանից մի քանի օր անց ինքը, Արա Կարապետյանը, Արթուր Հուսիկյանը և Ա. Սարգսյանը ցերեկային ժամին վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով շրջել են Երևան քաղաքի կենտրոնում, որի ընթացքում նկատել են Նար-Դոս փողոցում գործող ՙԳալլա՚ սուպերմարկետի մոտակայքում կայանված ՙՖորդ տրանզիտ՚ մակնիշի ավտոմեքենա և որոշել են նշված ավտոմեքենայից գողություն կատարել: Պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել վարորդի անցուդարձին, իսկ ինքն ու Ա.Հուսիկյանը մոտեցել են ՙՖորդ՚ մակնիշի ավտոմեքենային և գողացել 4 պարկ սուրճ, որոնք տեղադրել են Ա.Սարգսյանի տաքսի ավտոմեքենայի մեջ ու տարել ՙԳՈՒՄ՚-ի շուկա, որտեղ Ա. Կարապետյանը դրանք վաճառել է: Ինչպես նաև` 2011 թվականի հունիսի 29-ին կատարված Արթուր Հուսիկյանի և Ավետիք Սարգսյանի առերես հարցաքննության արձանագրությամբ այն մասին, որ Ա.Հուսիկյանը պնդել է, որ ՙԻնքը, Արոն, Էդոն և Ավոն մի շարք գողություններ են կատարել, Էդոն մասնակցել է ոչ բոլոր դեպքերով՚:
Դատարանը գտնում է, որ ամբաստանյալներ Արթուր Հուսիկյանի, Արա Կարապետյանի և Էդիկ Գրիգորյանի նախաքննական ու դատաքննական ցուցմունքների այն մասը, որ գողությունները կատարել են Արթուր Հուսիկյանը, Էդիկ Գրիգորյանը և Արա Կարապետյանը, իսկ Ավետիք Սարգսյանն ընդամենը տեղափոխել է գողացված ապրանքները` տեղյակ չլինելով դրանց գողացված լինելու մասին, արժանահավատ չեն ու նպատակ են հետապնդում օգնելու իրենց ընկերոջը` խույս տալ քրեական պատասխանատվությունից ու նրանց ցուցմունքները ժխտվում, իսկ Ավետիք Սարգսյանի կատարած հանցանքները հիմնավորվում են վերը նշված ապացույցներով:
Դատաքննությամբ հիմնավորվեց, որ Արթուր Լևոնի Հուսիկյանը, Արա Անդրանիկի Կարապետյանը, Էդիկ Գրիշայի Գևորգյանը և Ավետիք Վանյայի Սարգսյանը միմյանց հետ նախնական համաձայնության գալով կատարել են ուրիշի գույքի զգալի չափերով գաղտնի հափշտակություն` գողություն.
Արարատի մարզի Արևշատ գյուղի բնակիչ, ամբաստանյալ Արթուր Լևոնի Հուսիկյանը նախկինում բնակվել է Երևան քաղաքի Նոր Արեշ թաղամասում և գտնվել ընկերական հարաբերությունների մեջ նույն թաղամասի բնակիչներ, ամբաստանյալներ Արա Անդրանիկի Կարապետյանի և Էդիկ Միշայի Գրիգորյանի հետ: Արևշատ գյուղ տեղափոխվելուց հետո Արթուր Հուսիկյանը շարունակել է շփումը Ա.Կարապետյանի և Է.Գրիգորյանի հետ: Ա.Հուսիկյանը 2010 թվականի վերջերին ծանոթացել է Արարատի մարզի Լանջառատ գյուղի բնակիչ, ամբաստանյալ Ավետիք Վանյայի Սարգսյանի հետ, օգտվել է վերջինիս վարած տաքսի ավտոմեքենայի ծառայություններից և ժամանակի ընթացքում մտերմացել նրա հետ, ապա վերջինիս ծանոթացրել է նաև իր ընկերներ Ա.Կարապետյանի և Է.Գրիգորյանի հետ:
Ա.Հուսիկյանը, Ա.Կարապետյանը, Է.Գրիգորյանը և Ա.Սարգսյանը ՙԿաֆետին՚ տեսակի դեղամիջոցը բենզինով լուծելու միջոցով պատրաստել և ներարկման միջոցով օգտագործել են թմրամիջոց և թմրամիջոց պատրաստելու համար դեղահաբեր ու բենզին ձեռք բերելու համար բավարար ֆինանսական միջոցներ չունենալու պատճառով 2011 թվականի հունիս ամսին մտադրվել են գույքի գաղտնի հափշտակություններ կատարել և իրենց հանցավոր մտադրությունն իրագործելով` 2011 թվականի հունիսի 21-ին Արա Անդրանիկի Կարապետյանը, Արթուր Լևոնի Հուսիկյանը, Էդիկ Միշայի Գրիգորյանը և Ավետիք Վանյայի Սարգսյանը, նախնական համաձայնության գալով, վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի ավտոմեքենայով շրջել են Երևան քաղաքում, ժամը 1400-ի սահմաններում Երևան քաղաքի Վարդանանց փողոցի թիվ 32 շենքի մոտ կայանված, գործով տուժող` ՙԴերժավա-Ս՚ ՓԲ ընկերությանը պատկանող, գործով վկա Արթուր Վարուժանի Բաղդագյուլյանի կողմից շահագործվող ՙԳազել՚ մակնիշի, 018 LS 05 պետհամարանիշի ավտոմեքենան տեսնելով որոշել են նշված ավտոմեքենայից գողություն կատարել և իրենց հանցավոր մտադրությունն իրականացնելու նպատակով, պայմանավորվածության համաձայն Ա.Կարապետյանը մտել նույն հասցեում գործող պարենային ապրանքների խանութ և հսկել Ա.Բաղդագյուլյանի անցուդարձին, Ա.Սարգսյանն Ա.Բաղդագյուլյանի` խանութից դուրս գալու մասին Ա.Հուսիկյանին և Է.Գրիգորյանին տեղեկացնելու նպատակով հսկել է շրջակայքը, իսկ վերջիններս մոտեցել են Ա.Բաղդագյուլյանի վարած ավտոմեքենային, բացել կողային դուռը և այնտեղից գաղտնի հափշտակել են ՙԴերժավա-Ս՚ ՍՊ ընկերությանը պատկանող զգալի չափի` 202.080 ՀՀ դրամ ընդհանուր արժողության, ՙՄարս՚, ՙՍնիկերս՚ և ՙԲաունտի՚ տեսակի կոնֆետներ, որից հետո դրանք տեղավորել են Ա.Սարգսյանի ավտոմեքենայի բեռնախցում և հեռացել են այնտեղից: Գողացված ապրանքները վաճառել են Երևան քաղաքի Մ.Խորենացի 35 հասցեում գտնվող թիվ 13 տաղավարում` ՙՎարդիթեր Պետրոսյան՚ Ա/Ձ-ի տնօրեն գործով վկա Վարդիթեր Պետրոսյանի դստերը` գործով վկա Աննա Մարտիրոսյանին, իսկ ձեռք բերված գումարը ծախսել են անձնական կարիքների համար:
Այնուհետև, 2011 թվականի հունիսի 23-ին ժամը 1400-ի սահմաններում ամբաստանյալներ Արա Անդրանիկի Կարապետյանը, Արթուր Լևոնի Հուսիկյանը, Էդիկ Միշայի Գրիգորյանը և Ավետիք Վանյայի Սարգսյանը, միմյանց հետ գողություն կատարելու շուրջ նախնական համաձայնության գալով, վերջինիս կողմից շահագործվող ՙՎԱԶ 2107՚ մակնիշի S 1101 պետհամարանիշի տաքսի ավտոմեքենայով Երևան քաղաքում շրջելու ընթացքում նկատել են Նար-Դոս փողոցի թիվ 77 հասցեում գործող ՙԳալլա՚ սուպերմարկետի մոտակայքում կայանված, Աշոտ Կարոյի Սարգսյանի կողմից շահագործվող, գործով տուժող ՙԿարդինալ ինթերնեյշնլ՚ ՍՊ ընկերությանը պատկանող ՙՖորդ տրանզիտ՚ մակնիշի 161 UL 63 պետհամարանիշի ավտոմեքենան, ապա նպատակադրվել են նշված ավտոմեքենայից գողություն կատարել: Հանցավոր մտադրությունն իրականացնելու նպատակով, պայմանավորվածության համաձայն Ա.Կարապետյանը մուտք է գործել նշված սուպերմարկետ և հսկել Աշոտ Սարգսյանի անցուդարձին, Ա.Սարգսյանը վերջինիս` խանութից դուրս գալու մասին Ա.Հուսիկյանին ու Է.Գրիգորյանին տեղեկացնելու նպատակով հսկել է շրջակայքը, իսկ Ա.Հուսիկյանը և Է.Գրիգորյանը մոտեցել են Ա.Սարգսյանի վարած ավտոմեքենային, բացել են հետևի դուռը և այնտեղից գաղտնի հափշտակել ՙԿարդինալ ինթերնեյշնլ՚ ՍՊ ընկերությանը պատկանող զգալի չափի` 32.000 ՀՀ դրամ ընդհանուր արժողության, 4 պարկ սուրճը, որից հետո դրանք տեղավորելով Ա.Սարգսյանի ավտոմեքենայի բեռնախցում հեռացել են այնտեղից: Գողացված ապրանքները վաճառել են Երևան քաղաքի Մ.Խորենացի 35 հասցեում գտնվող թիվ 13 տաղավարում` ՙՎարդիթեր Պետրոսյան՚ Ա/Ձ-ի տնօրեն գործով վկա Վարդիթեր Պետրոսյանին, իսկ ձեռք բերված գումարը ծախսել են անձնական կարիքների համար:
Բացի այդ, 2011 թվականի հունիսի 27-ին Արա Կարապետյանը, Ավետիք Սարգսյանը և Արթուր Հուսիկյանը, մատակարար ավտոմեքենաներից գողություն կատարելու շուրջ միմյանց հետ նախնական համաձայնության գալով, ժամը 1500-ի սահմաններում Երևան քաղաքի Էրեբունի փողոցի թիվ 21 շենքի մոտ կայանված, գործով տուժող` ՙՌազմիկ 92՚ արտադրական կոոպերատիվին պատկանող, Թորոս Համազասպի Գրիգորյանի կողմից շահագործվող ՙԳազել՚ մակնիշի, 406 ԼԼ 01 պետհամարանիշի ավտոմեքենայից գողացել են զգալի չափի` 136.000 ՀՀ դրամ ընդհանուր արժողության 2 արկղ մսամթերք և 2 գլուխ պանիր: Գողացված ապրանքները վաճառելու նպատակով տարել են Երևան քաղաքի Մ.Խորենացի 35 հասցեում գտնվող թիվ 13 տաղավար, սակայն չեն հասցրել վաճառել, քանի որ այնտեղ են եկել ոստիկանության աշխատակիցները և գողություն կատարելու կասկածանքով նրանց բերման են ենթարկել ոստիկանության Մարաշի բաժանմունք:

Դատարանի իրավական վերլուծությունները.

Այսպիսով, ընդհանուր կարգով սահմանված դատաքննությամբ հետազոտված ապացույցների հիման վրա դատարանն ապացուցված է համարում, որ ամբաստանյալ Ավետիք Վանյայի Սարգսյանը մի խումբ անձանց կողմից նախնական համաձայնությամբ կատարել է ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 1-ին կետով:
Ամբաստանյալ Արթուր Լևոնի Հուսիկյանը մի խումբ անձանց կողմից նախնական համաձայնությամբ կատարել է ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 1-ին կետով:
Ամբաստանյալ Արա Անդրանիկի Կարապետյանը մի խումբ անձանց կողմից նախնական համաձայնությամբ կատարել է ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 1-ին կետով:
Ամբաստանյալ Էդիկ Գրիշայի Գևորգյանը մի խումբ անձանց կողմից նախնական համաձայնությամբ կատարել է ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 1-ին կետով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Ավետիք Վանյայի Սարգսյանը նախկինում եղել է դատված, դատվածությունը չմարված:
Պատասխանատվությունը և պատիժը մեղմացնող ու ծանրացնող հանգամանքներ չկան:
Ամբաստանյալ Արա Անդրանիկի Կարապետյանն անկեղծորեն խոստովանեց և զղջաց կատարածի համար, բնութագրվում է դրականորեն, խնամքին են գտնվում թոշակառու ծնողները, նախկինում եղել է դատված, դատվածությունը չմարված:
Որպես պատասխանատվությունը և պատիժը մեղմացնող հանգամանք դատարանը դիտում է Արա Անդրանիկի Կարապետյանին խնամքին մինչև 14 տարեկան մեկ երեխայի առկայությունը:
Ամբաստանյալ Արթուր Լևոնի Հուսիկյանն անկեղծորեն խոստովանեց և զղջաց կատարած արարքի համար, նախկինում եղել է դատապարտված, դատվածությունը մարված:
Պատասխանատվությունը և պատիժը մեղմացնող ու ծանրացնող հանգամանքներ չկան:
Ամբաստանյալ Էդիկ Միշայի Գրիգորյանն անկեղծորեն խոստովանեց և զղջաց կատարածի համար, բնութագրվում է դրականորեն, նախկինում դատապարտված, չի եղել:
Որպես պատասխանատվությունը և պատիժը մեղմացնող հանգամանք դատարանը դիտում է Արա Անդրանիկի Կարապետյանին խնամքին մինչև 14 տարեկան երեք երեխաների առկայությունը:
Սույն քրեական գործով ամբաստանյալներ Ավետիք Վանյայի Սարգսյանին, Արթուր Լևոնի Հուսիկյանին, Արա Անդրանիկի Կարապետյանին և Էդիկ Գրիշայի Գևորգյանին մեղադրանքներ է առաջադրվել ՀՀ քրեական օրենսգրքի 177 հոդվածի 2-րս մասով, որի սանկցիան նախատեսում է հետևյալ պատժատեսակները` ՙտուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 177 հոդվածի 2-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալներ Ավետիք Վանյայի Սարգսյանի, Արթուր Լևոնի Հուսիկյանի, Արա Անդրանիկի Կարապետյանի և Էդիկ Գրիշայի Գևորգյանի նկատմամբ ՀՀ քրեական օրենսգրքի 177 հոդվածի 2-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել հետևյալ պատճառաբանությամբ.
Հաշվի առնելով այն հանգամանքը, որ ամբաստանյալներ Ավետիք Վանյայի Սարգսյանը, Արթուր Լևոնի Հուսիկյանը, Արա Անդրանիկի Կարապետյանը և Էդիկ Գրիշայի Գևորգյանը 26.09.2011 թվականի դատական նիստին հայտնել են, որ ցանկանում են ունենալ պաշտպան, սակայն գտնվում են ֆինանսապես ծանր վիճակում և խնդրել են տրամադրել հանրային պաշտպան, բացի այդ Ա.Սարգսյանը, Ա.Հուսիկյանը, Ա.Կարապետյանը և Է.Գևորգյանը չեն աշխատել, նրանց ընտանիքները գտնվում են սոցիալապես անապահով վիճակում, և հիմնավոր կասկածներ կան, որ դատարանի կողմից նշանակված 500.000-ից 1.000.000 ՀՀ դրամ գումարի սահմաններում տուգանքի գումարը նրանք չեն կարող միանվագ վճարել, ուստի դատարանը գտնում է, որ վետիք Վանյայի Սարգսյանի, Արթուր Լևոնի Հուսիկյանի, Արա Անդրանիկի Կարապետյանի և Էդիկ Գրիշայի Գևորգյանի նկատմամբ պետք է նշանակել ՀՀ քրեական օրենսգրքի 177 հոդվածի 2-րդ մասի սանկցիաներով նախատեսված ՙԱզատազրկում՚ պատժատեսակը:
Քննարկելով տուժող` ՙԴերժավա-Ս՚ ՓԲ ընկերության կողմից ներկայացված քաղաքացիական հայցը, դատարանը գտնում է, որ այն հիմնավոր է և ենթակա է բավարարման. ամբաստանյալներ Արթուր Լևոնի Հուսիկյանից, Արա Անդրանիկի Կարապետյանից, Ավետիք Վանյայի Սարգսյանից և Էդիկ Միշայի Գրիգորյանից հօգուտ տուժող` ՙԴերժավա-Ս՚ ՓԲ ընկերության պետք է բռնագանձել 142.080 /մեկ հարյուր քառասուներկու հազար ութսուն/ ՀՀ դրամ գումար` որպես պատճառված վնասի հատուցում:
Հաշվի առնելով այն հանգամանքը, որ տուժող ՙԴերժավա-Ս՚ ՓԲ ընկերությանը պատճառված վնասը չի վերականգնվել, դատարանը գտնում է, որ ամբաստանյալներ` Ավետիք Վանյայի Սարգսյանին, Արա Անդրանիկի Կարապետյանին, Արթուր Լևոնի Հուսիկյանին և Էդիկ Միշայի Գրիգորյանին պատկանող գույքերի վրա` հայցագնի չափով` մինչև ներկայացված քաղաքացիական հայցի լրիվ բավարարումը պետք է կալանք դնել` որպես հայցի ապահովման միջոց:
Գործով տուժողներ ՙՌազմիկ 92՚ արտադրական կոոպերատիվի և ՙԿարդինալ ինտերնեյշնլ՚ ՍՊ ընկերության կողմից գույքային վնասի հատուցման պահանջներ չեն ներկայացվել:
Դատարանը քննարկելով ամբաստանյալների նկատմամբ ընտրված խափանման միջոցների և իրեղեն ապացույցների հարցերը, գտնում է, որ ամբաստանյալներ` Ավետիք Վանյայի Սարգսյանի, Արա Անդրանիկի Կարապետյանի, Արթուր Լևոնի Հուսիկյանի և Էդիկ Միշայի Գրիգորյանի նկատմամբ ընտրված խափանման միջոցները` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ քրեական գործով իրեղեն ապացույց ճանաչված և տուժող` ՙԴերժավա-Ս՚ ՓԲ ընկերությանը հանձնված` 6 տուփ ՙՍնիկերս՚ և 2 տուփ ՙՄարս՚ տեսակի կոնֆետները, պետք է թողնել նրանց տնօրինությանը, քրեական գործով իրեղեն ապացույց ճանաչված և տուժող` ՙՌազմիկ 92՚ արտադրական կոոպերատիվին հանձնված` 7 տոպրակ ՙՖուդ Ռոյալ՚ ապրանքանիշի երշիկեղենը և 2 գլուխ պանիրը, պետք է թողնել նրանց տնօրինությանը, քրեական գործով իրեղեն ապացույց ճանաչված և տուժող` ՙԿարդինալ ինտերնեյշնլ՚ ՍՊ ընկերությանը հանձնված` 2 պարկ` 15 կգ սև գույնի հատիկավոր սուրճը, պետք է թողնել նրանց տնօրինությանը:


Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360 հոդվածներով, դատարանը

Վ Ճ Ռ Ե Ց`

Ավետիք Վանյայի Սարգսյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով և նրան դատապարտել ազատազրկման 3 /երեք/ տարի ժամկետով:
Ավետիք Վանյայի Սարգսյանի պատժի սկիզբը հաշվել 28.06.2011 թվականից, խափանման միջոցը` կալանավորումը թողնել անփոփոխ` մինչև դատավճռի օրինական ուժի մեջ մտնելը:
Արա Անդրանիկի Կարապետյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով և նրան դատապարտել ազատազրկման 2 /երկու/ տարի 6 /վեց/ ամիս ժամկետով:
Արա Անդրանիկի Կարապետյանի պատժի սկիզբը հաշվել 28.06.2011 թվականից, խափանման միջոցը` կալանավորումը թողնել անփոփոխ` մինչև դատավճռի օրինական ուժի մեջ մտնելը:
Արթուր Լևոնի Հուսիկյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով և նրան դատապարտել ազատազրկման 2 /երկու/ տարի 6 /վեց/ ամիս ժամկետով:
Արթուր Լևոնի Հուսիկյանի պատժի սկիզբը հաշվել 28.06.2011 թվականից, խափանման միջոցը` կալանավորումը թողնել անփոփոխ` մինչև դատավճռի օրինական ուժի մեջ մտնելը:
Էդիկ Միշայի Գրիգորյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 1-ին կետով և նրան դատապարտել ազատազրկման 2 /երկու/ տարի ժամկետով:
Էդիկ Միշայի Գրիգորյանի պատժի սկիզբը հաշվել 28.06.2011 թվականից, խափանման միջոցը` կալանավորումը թողնել անփոփոխ` մինչև դատավճռի օրինական ուժի մեջ մտնելը:
Տուժող` ՙԴերժավա-Ս՚ ՓԲ ընկերության քաղաքացիական հայցը բավարարել. ամբաստանյալներ Արթուր Լևոնի Հուսիկյանից, Արա Անդրանիկի Կարապետյանից, Ավետիք Վանյայի Սարգսյանից և Էդիկ Միշայի Գրիգորյանից հօգուտ տուժող` ՙԴերժավա-Ս՚ ՓԲ ընկերության բռնագանձել 142.080 /մեկ հարյուր քառասուներկու հազար ութսուն/ ՀՀ դրամ գումար` որպես պատճառված վնասի հատուցում:
Ամբաստանյալներ` Ավետիք Վանյայի Սարգսյանին, Արա Անդրանիկի Կարապետյանին, Արթուր Լևոնի Հուսիկյանին և Էդիկ Միշայի Գրիգորյանին պատկանող գույքերի վրա` հայցագնի չափով` մինչև ներկայացված քաղաքացիական հայցի լրիվ բավարարումը կալանք դնել` որպես հայցի ապահովման միջոց:
Քրեական գործով իրեղեն ապացույց ճանաչված և տուժող` ՙԴերժավա-Ս՚ ՓԲ ընկերությանը հանձնված` 6 տուփ ՙՍնիկերս՚ և 2 տուփ ՙՄարս՚ տեսակի կոնֆետները, թողնել նրանց տնօրինությանը:
Քրեական գործով իրեղեն ապացույց ճանաչված և տուժող` ՙՌազմիկ 92՚ արտադրական կոոպերատիվին հանձնված` 7 տոպրակ ՙՖուդ Ռոյալ՚ ապրանքանիշի երշիկեղենը և 2 գլուխ պանիրը, թողնել նրանց տնօրինությանը:
Քրեական գործով իրեղեն ապացույց ճանաչված և տուժող` ՙԿարդինալ ինտերնեյշնլ՚ ՍՊ ընկերությանը հանձնված` 2 պարկ` 15 կգ սև գույնի հատիկավոր սուրճը, թողնել նրանց տնօրինությանը:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ