Հետ

Հիմնական

Գործի համար: ԵԿԴ/0151/01/11

Վիճակագրական տողի համար : 11.3

Պատասխանող

Արսեն Գինոսյան

Հովիկ Զատիկյան Կարուշի

Արսեն Գինոսյան Կոլյայի

Հովհաննես Պողոսյան Վալերիի

Հովհաննես Պողոսյան

Դատավոր

Քրեական վերաքննիչ

Գագիկ Ավետիսյան

Կենտրոն և Նորք-Մարաշ

Մնացական Մարտիրոսյան

Վճռաբեկ

Դավիթ Ավետիսյան

Ելիզավետա Դանիելյան

Դատավոր

Քրեական վերաքննիչ

Գագիկ Ավետիսյան

Կենտրոն և Նորք-Մարաշ

Մնացական Մարտիրոսյան

Վճռաբեկ

Դավիթ Ավետիսյան

Ելիզավետա Դանիելյան

Մեղադրական եզրակացության համառոտ բովանդակություն: Հովիկ Զատիկյանին մեղադրանք է առաջադրվել այն բանի համար, որ նա Հովհաննես Պողոսյանին հյուրասիրելու միջոցով ապօրինի կերպով իրացրել է մարիխուանա տեսակի թմրամիջոց: Արսեն Գինոսյանին մեղադրանք է առաջադրվել այն բանի համար, որ նա չպարզված հանգամանքներում իրացնելու նպատակով ապօրինի ձեռք է բերել և պահել խոշոր չափի` 61.6 գր. չորացրած մարիխուանա տեսակի թմրամիջոց, որը իրացրել է Հովիկ Զատիկյանին: Հովհաննես Պողոսյանին մեղադրանք է առաջադրվել այն բանի համար, որ նա տեղեկանալով որ Հովիկ Զատիկյանը պատրաստվում է <<չորացված մարիխուանա>> տեսակի թմրամիջոց ձեռք բերել, փորձել է վերջինիցս առանց իրացնելու նպատակի ապօրինի ձեռք բերել զգալի չափի` 3 գրամ <<չորացված մարիխուանա>> տեսակի թմրամիջոց, ինչի համար Հ. Զատիկյանին է տվել 21.000 ՀՀ դրամ գումար:

Դատարան	Օր	Ժամ	Դատարանի դահլիճի համար
Քրեական վերաքննիչ	2011-12-02	14:00	2
Կենտրոն և Նորք-Մարաշ	2011-08-30	12:00	4
Կենտրոն և Նորք-Մարաշ	2011-10-17	11:30	4

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆ

Երևան քաղաքի Կենտրոն և Նորք-Մարաշ
վարչական շրջանների ընդհանուր իրավասության
առաջին ատյանի դատարանի դատավճիռ
գործ թիվ ԵԿԴ/0151/01/11
նախագահող դատավոր` Մ. Մարտիրոսյան

ՈՐՈՇՈՒՄ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՀՀ ՎԵՐԱՔՆՆԻՉ ՔՐԵԱԿԱՆ ԴԱՏԱՐԱՆԸ /այսուհետ նաև`
Վերաքննիչ դատարան/ ԿԱԶՄՈՎ`

նախագահող դատավոր` Գ. ԱՎԵՏԻՍՅԱՆ
դատավորներ` Ե. ԴԱՐԲԻՆՅԱՆ
Ս. ՉԻՉՈՅԱՆ

քարտուղարությամբ` Տ. ՀԱԿՈԲՅԱՆԻ

մասնակցությամբ`
մեղադրող` Լ. ՉԱՐԽԻՖԱԼԱԿՅԱՆԻ
ամբաստանյալ` Ա. ԳԻՆՈՍՅԱՆԻ

2011 թվականի դեկտեմբերի 02-ին Երևան քաղաքում

դռնբաց դատական նիստում վճռաբեկության կարգով քննության առնելով Արսեն Կոլյայի Գինոսյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի /այսուհետ նաև` Առաջին ատյանի դատարան/ 2011 թվականի հոկտեմբերի 17-ի դատավճռի դեմ ամբաստանյալ Արսեն Կոլյայի Գինոսյանի վերաքննիչ բողոքը

ՊԱՐԶԵՑ

Գործի դատավարական նախապատմությունը.

1. ՀՀ ոստիկանության քննչական գլխավոր վարչության Երևանի ՔՎ Կենտրոնականի քննչական բաժնի քննիչ Ա.Մանուկյանի 2011 թվականի մայիսի 11-ի որոշմամբ` ՀՀ քրեական օրենսգրքի 268-րդ հոդվածի 2-րդ մասով հարուցվել է թիվ 13128411 քրեական գործը:
Նույն որոշմամբ` վերոհիշյալ քրեական գործն ընդունվել է վարույթ:/քրեական գործ, հատոր 1, էջ 1/
2. 2011 թվականի մայիսի 14-ի որոշմամբ Արսեն Կոլյայի Գինոսյանը որպես մեղադրյալ է ներգրավվել և նրան մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով: / քրեական գործ, հատոր 1, էջ 153-155/
Նրա նկատմամբ որպես խափանման միջոց է ընտրվել կալանավորումը:/ քրեական գործ, հատոր 1, էջ 171-172/
3. Նշված քրեական գործով ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով մեղադրանք է առաջադրվել նաև Հովիկ Զատիկյանին, ՀՀ քրեական օրենսգրքի 34-268-րդ հոդվածի 1-ին մասով` Հ,Պողոսյանին:
4. Թիվ 13128411 քրեական գործը` մեղադրական եզրակացությամբ 2011 թվականի օգոստոսի 3-ին ուղարկվել է Առաջին ատյանի դատարան, որը դատարանում ստացվել է 2011 թվականի օգոստոսի 4-ին:/ քրեական գործ, հատոր 3,էջ 1/
5. Առաջին ատյանի դատարանի դատավոր Մ.Մարտիրոսյանի 2011 թվականի օգոստոսի 5-ի որոշմամբ քրեական գործն ընդունվել է վարույթ և նույն թվականի օգոստոսի 20-ի որոշմամբ նշանակվել` դատական քննության:/ քրեական գործ, հատոր 3,էջ 3, 18/
6. Առաջին ատյանի դատարանի 2011 թվականի հոկտեմբերի 17-ի դատավճռով Արսեն Կոլյայի Գինոսյանը մեղավոր է ճանաչվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով և նրա նկատմամբ նշանակվել է պատիժ` ազատազրկում` 6 /վեց/ տարի ժամկետով:
Ա.Գինոսյանի նկատմամբ կիրառվել է հարկադրական բուժում` թմրամոլության դեմ:
Նրա նկատմամբ ընտրված խափանման միջոց` կալանավորումը թողնվել է անփոփոխ` մինչև դատավճռի օրինական ուժի մեջ մտնելը:
Ա.Գինոսյանի պատժի սկիզբը հաշվվել է 2011 թվականի մայիսի 13-ից:
Դատավճռով վճռվել է իրեղեն ապացույց ճանաչված 61.6 գրամ քաշով <<չորացված մարիխուանա>> տեսակի թմրամիջոցը ոչնչացնել:
Ա.Գինոսյանից հօգուտ ՀՀ պետական բյուջեյի վճռվել է բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։ /քրեական գործ, հատոր 3, էջ 121-127/
7. Նույն դատավճռով դատապարտվել են նաև Հովիկ Կարուշի Զատիկյանը` ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով և Հովհաննես Վալերիի Պողոսյանը` ՀՀ քրեական օրենսգրքի 34-268-րդ հոդվածի 1-ին մասով նախատեսված հանցանքներ կատարելու համար։ Նրանց մասով վերաքննիչ բողոք չի ներկայացվել:
8. Վերոհիշյալ դատավճռի դեմ վերաքննիչ բողոք է ներկայացրել ամբաստանյալ Ա.Գինոսյանը , որը Վերաքննիչ դատարանում ստացվել է 2011 թվականի նոյեմբերի 4-ին:
Թիվ ԵԿԴ1/0151/01/11 քրեական գործը Վերաքննիչ դատարանում ստացվել է 2011 թվականի նոյեմբերի 11-ին:/ քրեական գործ, հատոր 3,էջ 147/
9. Վերաքննիչ դատարանի 2011 թվականի նոյեմբերի 22-ի որոշմամբ` վերաքննիչ բողոքն ընդունվել է վարույթ և վճռաբեկության կարգով նշանակվել քննության 2011 թվականի դեկտեմբերի 2-ին Վերաքննիչ դատարանի դռնբաց դատական նիստում:/ քրեական գործ, հատոր 3,էջ 147-150/

Գործի փաստական հանգամանքները

10. Վերոհիշյալ դատավճռով Առաջին ատյանի դատարանը հաստատված է համարել, որ ամբաստանյալ Արսեն Կոլյայի Գինոսյանը չպարզված հանգամանքներում իրացնելու նպատակով ապօրինի ձեռք է բերել և պահել խոշոր չափի` 61,6 գրամ չորացված մարիխուանա տեսակի թմրամիջոց, որը 2011 թվականի մայիսի 10-ին ժամը 14.00-ի սահմաններում Արմավիրի մարզի Նալբանդյան գյուղում իրացրել է Հովիկ Կարուշի Զատիկյանին:
Նույն օրը ժամը 18.00-ի սահմաններում Հ.Զատիկյանը Երևանի Ա. Իսակովի պողոտայից բերման է ենթակվել ՀՀ ոստիկանության Կենտրոնականի բաժնի Մարաշի բաժանմունք, որտեղ կատարված զննության ընթացքում Հ.Զատիկյանի կողմից իրացնելու նպատակով, ինչպես նաև իր գործածման համար ապօրինի ձեռք բերված և չորացված մարիխուանա տեսակի թմրամիջոցը հայտնաբերվել է: / քրեական գործ, հատոր 3, էջ 122-123/

Վերաքննիչ բողոքի հիմքերը, հիմնավորումները և պահանջը

Վերաքննիչ բողոքը քննվում է հետևյալ հիմքերի և հիմնավորումների սահմաններում.
11. Ամբաստանյալ Ա.Գինոսյանը վերաքննիչ բողոքում նշել է, որ իր մոտ թմրանյութ չի հայտնաբերվել և դրա կապակցությամբ քրեական գործում փաստական տվյալներ առկա չեն: Հիմք է ընդունվել նախաքննության ընթացքում Հովիկ Զատիկյանի տված կեղծ ցուցմունքը, որից դատարանում նա հրաժարվել է` պատճառաբանելով, որ նախաքննության ժամանակ ցուցմունք է տվել խաբեության և ճնշման ազդեցության տակ: Թմրանյութը հայտնաբերել են Հ.Զատիկյանի ավտոմեքենայի մեջ, ինքը դրա հետ կապ չունի: Եթե թմրանյութը իրենը լիներ, ապա կլիներ իր ձեռքում: Հ.Զատիկյանը առանց իրեն տեղյակ պահելու է կանեփի զանգվածը թաքցրել իր հողամասում` խողովակի մեջ:
12. Ամբաստանյալ Ա.Գինոսյանը վերաքննիչ բողոքով խնդրել է ամբողջովին բեկանել Առաջին ատյանի դատավճիռը, քանի որ չկա հանցակազմ, չկա փաստարկ:/քրեական գործ, հատոր 3, էջ 143/
13. Ամբաստանյալ Ա.Գինոսյանը վերաքննիչ դատարանում վերաքննիչ բողոքը պնդեց և խնդրեց այն բավաարել:
Երևան քաղաքի Կենտրոն և Նորք-Մարաշ վարչական շրջանները դատախազության դատախազ Լ.Չարխիֆալակյանը առարկեց բողոքի դեմ, խնդրեց վերաքննիչ բողոքը մերժել:

Վերաքննիչ դատարանի պատճառաբանությունները և եզրահանգումը.

Վերաքննիչ դատարանը, քննության առնելով վերաքննիչ բողոքը` բողոքի հիմքերի և հիմնավորումների սահմաններում, լսելով բողոքում ներկայացված հետևությունները հիմնավորելու մասին ամբաստանյալ Ա.Գինոսյանի ելույթը, դատախազ Լ. Չարխիֆալակյանի պատասխանը, ինչպես նաև ուսումնասիրելով, վերլուծելով քրեական գործի նյութերը, գնահատելով դրանք վերաբերելիության, թույլատրելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, ներքին համոզմամբ, հանգում է հետևության, որ վերաքննիչ բողոքը պետք է մերժել` դատավճիռը թողնելով օրինական ուժի մեջ, հետևյալ պատճառաբանությամբ.
14. ՀՀ քրեական օրենսգրքի 266-րդ հոդվածի 2-րդ մասի 2-րդ կետի համաձայն.
<<Իրացնելու նպատակով թմրամիջոցներ, հոգեներգործուն նյութեր ապօրինի պատրաստելը, վերամշակելը, ձեռք բերելը, պահելը, փոխադրելը, առաքելը կամ դրանք ապօրինի իրացնելը. 2. Նույն արարքները, որոնք կատարվել են` …2.խոշոր չափերով…պատժվում են ազատազրկմամբ հինգից տասը տարի ժամկետով` գույքի բռնագրավմամբ կամ առանց դրա…>>:
15. ՀՀ քրեական դատավարության օրենսգրքի 17-րդ հոդվածի համաձայն.
<< 1. Յուրաքանչյուր ոք ունի արդարության բոլոր պահանջների պահպանմամբ, անկախ և անկողմնակալ դատարանի կողմից ողջամիտ ժամկետում իր շահերին առնչվող քրեական գործի քննության իրավունք…
…3.Քրեական հետապնդում իրականացնող մարմինը պարտավոր է ձեռնարկել սույն օրենսգրքով նախատեսված բոլոր միջոցառումները` գործի հանգամանքների բազմակողմանի, լրիվ և օբյեկտիվ հետազոտման համար, պարզել ինչպես կասկածյալի և մեղադրյալի մեղավորությունը հիմնավորող, այնպես էլ նրանց արդարացնող, ինչպես նաև նրանց պատասխանատվությունը մեղմացնող և ծանրացնող հանգամանքները:
4. Կասկածյալի, մեղադրյալի և նրանց պաշտպանի հայտարարություններն իրենց անմեղության, կասկածյալին կամ մեղադրյալին արդարացնող, իրենց պատասխանատվությունը մեղմացնող ապացույցների առկայության մասին, ինչպես նաև քրեական դատավարության ընթացքում օրինականության խախտումների վերաբերյալ բողոքները պետք է մանրակրկիտ ստուգի քրեական վարույթն իրականացնող մարմինը>>:
ՀՀ քրեական դատավարության օրենսգրքի 25-րդ հոդվածի համաձայն.
<< 1.Դատավորը, ինչպես նաև հետաքննության մարմինը, քննիչը, դատախազը ապացույցները գնահատում են իրենց ներքին համոզմամբ:
2. Քրեական դատավարությունում ոչ մի ապացույց նախապես հաստատված ապացույցի ուժ չունի: Դատավորը, ինչպես նաև հետաքննության մարմինը, քննիչը, դատախազը չպետք է կանխակալ մոտեցում ցուցաբերեն ապացույցներին, չպետք է դրանց որոշ մասին մյուսների նկատմամբ առավել կամ նվազ նշանակություն տան` մինչև դրանց հետազոտումը պատշաճ իրավական ընթացակարգի շրջանակներում>>:
ՀՀ քրեական դատավարության օրենսգրքի 126-րդ հոդվածի համաձայն. <<Գործով հավաքված ապացույցները ենթակա են բազմակողմանի և օբյեկտիվ ստուգման` ձեռք բերված ապացույցի վերլուծության, այն այլ ապացույցների հետ համադրելու, նոր ապացույցներ հավաքելու, ապացույցների ձեռքբերման աղբյուրներն ստուգելու միջոցով>>:
ՀՀ քրեական դատավարության օրենսգրքի 127-րդ հոդվածի համաձայն. << Յուրաքանչյուր ապացույց ենթակա է գնահատման` վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից:
Հետաքննության մարմնի աշխատակիցը, քննիչը, դատախազը, դատավորը, ղեկավարվելով օրենքով, ապացույցները գնահատում են ապացույցների համակցության մեջ` դրանց բազմակողմանի, լրիվ և օբյեկտիվ քննության վրա հիմնված իրենց ներքին համոզմամբ>>:
ՀՀ քրեական դատավարության օրենսգրքի 360-րդ հոդվածի 1-4-րդ կետերի համաձայն.
<< Դատավճիռ կայացնելիս դատարանը ներկայացված հաջորդականությամբ լուծում է հետևյալ հարցերը`
1) ապացուցված է արդյոք արարքը, որի կատարման մեջ մեղադրվում է ամբաստանյալը.
2) այդ արարքը համապատասխանում է արդյոք քրեական օրենսգրքի հատուկ մասի նորմերի հատկանիշներին.
3) ապացուցված է արդյոք ամբաստանյալի կողմից այդ արարքը կատարելը.
4) ապացուցված է արդյոք ամբաստանյալի մեղավորությունը տվյալ հանցանքը կատարելու մեջ և, եթե այո, ապա քրեական օրենսգրքի որ հոդվածով, մասով, կետով է նախատեսված այն…>>:
16. Առաջին ատյանի դատարանը վերոհիշյալ դատավճռում, մասնավորապես, նշել է, որ դատական քննության ընթացքում ամբաստանյալ Ա.Գինոսյանն առաջադրված մեղադրանքում իրեն մեղավոր չի ճանաչել: Ցուցմունք է տվել և ընդունել, որ Հ.Զատիկյանն առաջարկել է իր հողամասում թաքցրած կանեթը գտնել և դրա մի մասը հանձնել իրեն: Վերջինիս խնդրանքով իր հողամասում պահած թմրանյութը գտել է և պայմանավորվածության համաձայն հեռախոսով նրան հայտնել. <<քսան կիլոգրամանոց է, գնում եմ հողը>>: Հ.Զատիկյանին ցույց է տվել թմրանյութի տեղը` ասել, որ վերցնի և տանի: Նա խնդրել է վերջինիս մի քանի օր պահել, սակայն ինքը հրաժարվել է, որից հետո Հ.Զատիկյանը հեռացել է: Իր հողամասում որոշ ժամանակ անց հայտնաբերած թմրանյութը օգտագործել է:
Սակայն նախաքննության ընթացքում Ա.Գինոսյանն ընդունել է, որ 2011 թվականի մայիսի 9-ին Հ.Զատիկյանը տեղեկացել է, որ իր խաղողի այգում խողովակների մեջ տոպրակով կանեփ է պահել: Վերջինս խնդրել է այն գտնել, մի մասը առանձնացնել, որ վերցնի և տանի: Հաջորդ օրը գտել է այդ տոպրակը, զանգել է Հ.Զատիկյանին և հայտնել, որ 20 կիլոգրամ է և գնում է հողը: 20 կիլոգրամ ասելով նկատի է ունեցել, որ տոպրակը գտել է 20-րդ խողովակում: Վերջինս եկել է հողամաս, վերցրել փաթեթը, տեղափոխել ավտոմեքենայի մեջ և հեռացել:
17. Նախաքննության ընթացքում ամբաստանյալ Հովիկ Կարուշի Զատիկյանը ցուցմունքներ է տվել, որ 2010թ. հոկտեմբերին, Արմավիրի մարզի Նալբանդյան գյուղի ճանապարհին եղած կանեփի թուփը քաղել և պահել է Արսեն Գինոսյանի հողամասում գտնվող խաղողի վազերի խողովակի մեջ։ 2011թ. մայիսի 09-ին: Վերջինս իրեն տեղեկացրել է, որ իր պահածը 20-րդ խողովակի մեջ է: Ինքը նրա հողամասից վերցրել է թմրամիջոցն ու հեռացել: Դատարանում ամբաստանյալ Հովիկ Կարուշի Զատիկյանը ցուցմունք է տվել, որ իր պահված թմրամիջոցի մասին Ա. Գինոսյանը տեղյակ չի եղել։ Թմրամիջոցը քաղել է ճամփեզրից և պահել է Ա. Գինոսյանի հողամասում ։ Գարնանը խնդրել է Ա. Գինոսյանին գտնել փաթեթը և վերադարձնել իրեն։ Հաջորդ օրը գնացել և փաթեթը վերցրել է։
18. Անձին ճանաչման ներկայացնելու ժամանակ Հ. Զատիկյանը հանձինս Արսեն Գինոսյանի` ճանաչել է 2011թ. մայիսի 10-ին Արմավիրի մարզի Նալբանդյան գյուղում իր պահանջով իրեն կանեփի չորացված թփեր տվող անձնավորությանը: Անձին ճանաչման ներկայացնելու ժամանակ Հ.Զատիկյանը մասնավորապես նշել է, որ 2011թ. մայիսի 10-ին Ա.Գինոսյանին հանդիպել է Նալբանդյան գյուղում և խնդրել` իրեն կանեփի չորացված թփեր տալ։ Վերջինս չի մերժել և իր հողամասում գտնվող խողովակից հանել ու իրեն է տվել պոլիէթիլենային տոպրակի մեջ դրված, չորացված թփերը, որոնք ինքը փաթաթել է թղթով և դրել` ավտոմեքենայի բեռնախցիկում։ Երևանում ոստիկաններն իրեն բերման են ենթարկել ոստիկանության բաժին, որտեղ իր ավտոմեքենայի խուզարկությամբ այդ թմրամիջոցը հայտնաբերվել և առգրավվել է։
19. Նախաքննության ժամանակ Հ. Զատիկյանից և մյուս ամբաստանյալներից քննությանը խորթ միջոցների կիրառմամբ ցուցմունքներ վերցնելու մասին քրեական գործում տվյալներ չկան: Այդ մասին բողոքի պատճառաբանությունները հիմնազուրկ են:
20. Առաջին ատյանի դատարանը, գնահատելով ամբաստանյալ Արսեն Կոլյայի Գինոսյանի և Հովիկ Կարուշի Զատիկյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` հիմնավոր հետևություն է արել, որ թմրամիջոց չիրացնելու մասով դրանք իրականությանը չեն համապատասխանում, արժանահավատ չեն, քրեական պատասխանատվությունից և պատժից խուսափելու նպատակ են հետապնդում ու հերքվում են բավարար ապացույցներով։
21. Վերաքննիչ դատարանը ևս վերլուծության և գնահատության ենթարկելով Առաջին ատյանի դատարանում հետազոտված և դատավճռում շարադրված ապացույցները` իրենց համակցությամբ, նույնպես հանգում է հետևության, որ Առաջին ատյանի դատարանում ամբաստանյալ Արսեն Գինոսյանի տված ցուցմունքները, վերաքննիչ բողոքում բերած պատճառաբանություններն անհիմն են, չեն բխում քրեական գործում առկա փաստական տվյալներից և նպատակ են հետապնդում ազատվել քրեական պատասխանատվությունից և պատժից:
22. Առաջին ատյանի դատարանի դատավճռով Արսեն Գինոսյանին մեղսագրված արարքը հիմնավորված է համարվել նաև վկաներ Ավետիք Արշակի Ղահրամանյանի և Դավիթ Սերյոժայի Անդրեասյանի ցուցմունքներով, ովքեր հայտնել են, որ որպես ընթերականեր` իրենց մասնակցությամբ կատարված զննությամբ Հ.Զատիկյանի վարած տաքսի ավտոմեքենայի միջից հայտնաբերվել է փաթեթավորված դեղնականաչավուն զանգված: Հ.Զատիկյանն ընդունել է, որ դա թմրանյութ է: Հայտնաբերված զանգվածը կշռվել է, կազմվել է արձանագրություն, որն իրենք ստորագրել են:
Ավտոմեքենան զննության ենթարկելու մասին արձանագրությամբ հաստատվել է 2011 թվականի մայիսի 10-ին Հովիկ Զատիկյանի վարած ավտոմեքենայի բեռնախցում 70 գրամ դեղնականաչավուն զանգվածի առկայության փաստը: Այն հայտնաբերելու ժամանակ վերջինս ընդունել է հայտնաբերվածը <<մարիխուանա>> տեսակի թմրամիջոց լինելու հանգամանքը:
Դատաքիմիական փորձագետի 2011 թվականի մայիսի 11-ի թիվ 166Ք եզրակացությամբ հիմնավորվել է, որ ամբաստանյալ Ա.Գինոսյանի կողմից Հ.Զատիկյանին փոխանցված և վերջինիս մոտից խուզարկությամբ հայտնաբերված Փորձաքննությանը ներկայացված 61.6 գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։
Տոքսիկոքիմիական փորձագետի 2011 թվականի մայիսի 23-ի թիվ 11-1294 և 2011 ովականի մայիսի 18-ի թիվ 11-1268 եզրակացություններով Արսեն Կոլյայի Գինոսյանից վերցված մազի, իսկ Հ.Զատիկյանից վերցված մեզի ու մազի փորձանմուշների մեջ կանաբինոիդների խմբին պատկանող թմրամիջոցի թմրալկալոիդների հետքեր հայտնաբերելու փաստով հաստատվել է, որ նրանք <<մարիխուանա>> տեսակի թմրամիջոց օգտագործողներ են: Վերոհիշյալ հանգամանքը և առնչությունը թմրամիջոցների հետ հաստատվել են նաև դատանարկոլոգիական փորձագետի 2011 թվականի հունիսի 9-ի թիվ 0124-11 և թիվ 0123-11 եզրակացություններով, համաձայն որոնց Արսեն Գինոսյանը և Հովիկ Զատիկյանը տառապում են «Կանաբինոիդային թմրամոլություն» ախտորոշմամբ և հարկադիր բուժման կարիք ունեն։
Ապացույց ճանաչված, «Ղ.-Տելեկոմ» և «ԱրմենՏել» ՓԲ ընկերություններից ստացված հեռախոսազանգերի վերծանումներով և զննում կատարելու վերաբերյալ 2011 թվականի հուլիսի 26-ի արձանագրությամբ հիմնավորվել է, որ հանցագործությունները կատարելու ժամանակահատվածում Հ. Զատիկյանը, Հ. Պողոսյանը և Ա. Գինոսյանը գտնվել են ակտիվ հեռախոսակապի մեջ։
Ապացույց ճանաչված, Հ. Զատիկյանի 077-85-88-15 հեռախոսահամարից կատարված հեռախոսային խոսակցությունների գաղտնալսման ձայնագրության սկավառակով և դրա զննում կատարելու մասին 30.05.2011թ. արձանագրությամբ, որի համաձայն` 10.05.2011թ., ժամը 12.03-ին Հ. Զատիկյանն Ա. Գինոսյանի հետ տեղի ունեցած հեռախոսային խոսակցության ընթացքում տեղեկացնում է իր այցելության մասին, իսկ վերջինս էլ փորձում է պարզել, թե այցելությունը կապված է արդյոք 20 կիլոգրամի հետ, սակայն տեղեկանալով, որ դեռևս ընտրելու խնդիր կա` Հ. Զատիկյանին հայտնում է. «հա, ես էթում եմ վեկալեմ, բերեմ հողը»։
23. Առաջին ատյանի դատարանը կատարելով ապացույցների բազմակողմանի, լրիվ և օբյեկտիվ հետազոտություն և ՀՀ քրեական դատավարության օրենսգրքի 127-րդ հոդվածի համաձայն գործով ձեռք բերված յուրաքանչյուր ապացույց գնահատելով թույլատրելիության, վերաբերելիության, իսկ ամբողջ ապացույցներն իրենց համակցությամբ գործի լուծման համար բավարարության տեսանկյունից, ղեկավարվելով օրենքով, ներքին համոզմամբ հանգել է ճիշտ հետևության, որ Ա.Գինոսյանին ՀՀ քրեական օրենսգրքի 266-րդ հոդվածի 2-րդ մասի 2-րդ կետով առաջադրված մեղադրանքը հաստատված և հիմնավորված է դատաքննության ժամանակ հետազոտված ապացույցներով:
24.Նման պայմաններում Վերաքննիչ դատարանը հանգում է հետևության, որ Առաջին ատյանի դատարանը ղեկավարվելով օրենքով և դատաքննությամբ հետազոտված փաստական տվյալներով և ապացույցներով, հիմնավոր կերպով հաստատված է համարել ՀՀ քրեական օրենսգրքի 266-րդ հոդվածի 2-րդ մասի 2-րդ կետով Ա.Գինոսյանին մեղսագրված արարքը:
25. Վերոշարադրյալ հիմքերով Ա.Գինոսյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի հոյտեմբերի 17-ի դատավճիռը Վերաքննիչ դատարանը համարում է ճիշտ, օրինական և հիմնավորված, Ա.Գինոսյանին նշանակված պատիժը` համաչափ, իսկ վերաքննիչ բողոքում բերված պատճառաբանություններն ու եզրահանգումները` անհիմն: Վերաքննիչ դատարանը գտնում է, որ առաջին ատյանի դատարանի կողմից չեն խախտվել նյութական և դատավարական իրավունքի նորմերը, հետևաբար վերաքննիչ բողոքը ենթակա է մերժման, իսկ ԱԳինոսյանի վերաբերյալ դատավճիռը պետք է թողնել օրինական ուժի մեջ:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 393-րդ հոդվածով, 394-րդ հոդվածի 1-ին մասի 1-ին կետով, 402-րդ, 404-րդ հոդվածներով, 412-րդ հոդվածի 1-ին մասով, 418-րդ հոդվածովՎերաքննիչ դատարանը

ՈՐՈՇԵՑ
1. Ամբաստանյալ Արսեն Կոլյայի Գինոսյանի վերաքննիչ բողոքը մերժել:
2. Արսեն Կոլյայի Գինոսյանի վերաբերյալ ՀՀ քրեական օրենսգրքի 266-րդ հոդվածի 2-րդ մասի 2-րդ կետով Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011 թվականի հոյտեմբերի 17-ի դատավճիռը թողնել օրինական ուժի մեջ:
3. Որոշումը կարող է բողոքարկվել ՀՀ վճռաբեկ դատարան` հրապարակման պահից մեկամսյա ժամկետում:
ՆԱԽԱԳԱՀՈՂ ԴԱՏԱՎՈՐ Գ. ԱՎԵՏԻՍՅԱՆ

ԴԱՏԱՎՈՐՆԵՐ Ե. ԴԱՐԲԻՆՅԱՆ

Ս. ՉԻՉՈՅԱՆ

Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

17 հոկտեմբերի 2011թ. ք. Երևան

ԵԿԴ-0151/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մասնակցությամբ`
մեղադրող,
Երևան քաղաքի Կենտրոն և Նորք-Մարաշ
վարչական շրջանների
դատախազության ավագ դատախազ Լ. Չարխիֆալակյանի,

ամբաստանյալ Հովիկ Զատիկյանի
պաշտպան Է. Արամյանի,

ամբաստանյալ Արսեն Գինոսյանի
պաշտպաններ Ա. Ղազարյանի,
Ս. Մկրտչյանի,

ամբաստանյալ Հովհաննես Պողոսյանի
պաշտպան Ա. Աթաբեկյանի,

դատարանում, դռնբաց դատական նիստում քննեց գործն ըստ մեղադրանքի
1. Հովիկ Կարուշի Զատիկյանի`
ծնված 1962թ. հոկտեմբերի 23-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին ոչ ոք, չի աշխատում, նախկինում դատված`
1/ Երևանի Մաշտոցի շրջանի ժողդատարանի 22.10.1987թ. դատավճռով, ՀՀ նախորդ քրեական օրենսգրքի 229-րդ հոդվածի 3-րդ մասով դատապարտվել է ազատազրկման երկու տարի ժամկետով,
2/ Երևանի Մաշտոցի շրջանի ժողդատարանի 28.02.1997թ. դատավճռով, ՀՀ նախորդ քրեական օրենսգրքի 229-րդ հոդվածի 5-րդ մասով դատապարտվել է ազատազրկման մեկ տարի ժամկետով, 03.06.1997թ. պատժի կրումից ազատվել է «Համաներում հայտարարելու մասին» ՀՀ ԱԺ 30.04.1997թ. որոշման կիրառմամբ,
3/ Կոտայքի մարզի առաջին ատյանի դատարանի 25.10.2000թ. դատավճռով, ՀՀ նախորդ քրեական օրենսգրքի 86-րդ հոդվածի 1-ին մասով դատապարտվել է ազատազրկման մեկ տարի ժամկետով, նույն դատարանի 29.12.2000թ. որոշմամբ պայմանական վաղաժամկետ ազատվել է պատժի` 7 ամիս 27 օր չկրած մասից,
4/ Երևանի Արաբկիր և Քանաքեռ-Զեյթուն համայնքների առաջին ատյանի դատարանի 22.08.2002թ. դատավճռով, ՀՀ նախորդ քրեական օրենսգրքի 86-րդ հոդվածի 2-րդ մասով դատապարտվել է ազատազրկման երեք տարի վեց ամիս ժամկետով, դատվածությունները մարված, հաշվառված է Երևանի Դավիթաշեն 1-ին թաղամասի թիվ 49 շենքի թիվ 11 բնակարան` հասցեում, փաստացի բնակվել է Երևանի Դավիթաշեն 4-րդ թաղամասի թիվ 11 շենքի թիվ 30 բնակարանում, կալանքի տակ է 10.05.2011թ.-ից, մեղադրվում է ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով, 268-րդ հոդվածի 2-րդ մասի 2-րդ կետով,

2. Արսեն Կոլյայի Գինոսյանի`
ծնված 1962թ. հոկտեմբերի 14-ին Արմավիրի մարզի Նալբանդյան գյուղում, հայ, Հայաստանի Հանրապետության քաղաքացի, միջնակարգ կրթությամբ, ամուսնացած, խնամքին ոչ ոք, անհատական կարգով զբաղվել է հողագործությամբ, նախկինում դատված`
1/ Հոկտեմբերյանի շրջանի ժողդատարանի 10.09.1982թ. դատավճռով, ՀՀ նախորդ քրեական օրենսգրքի 143-րդ հոդվածի 2-րդ մասով դատապարտվել է ազատազրկման երկու տարի ժամկետով,
2/ Հոկտեմբերյանի շրջանի ժողդատարանի 20.05.1998թ. դատավճռով, ՀՀ նախորդ քրեական օրենսգրքի 229-րդ հոդվածի 3-րդ մասով դատապարտվել է ուղղիչ աշխատանքների երկու տարի ժամկետով` աշխատավարձի քսան տոկոսի պահումով,
3/ Արմավիրի մարզի առաջին ատյանի դատարանի 26.10.2009թ. դատավճռով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով դատապարտվել է ազատազրկման մեկ տարի ժամկետով, ՀՀ քրեական օրենսգրքի 70-րդ հոդվածի կիրառմամբ պատիժը պայմանականորեն չի կիրառվել և սահմանվել է փորձաշրջան մեկ տարի ժամկետով, հաշվառված է և բնակվել է Արմավիրի մարզի Նալբանդյան գյուղում, կալանքի տակ է 13.05.2011թ.-ից, մեղադրվում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով,

3. Հովհաննես Վալերիի Պողոսյանի`
ծնված 1986թ. հունվարի 31-ին Երևանում, հայ, Հայաստանի Հանրապետության քաղաքացի, միջնակարգ կրթությամբ, վատառողջ, ամուսնացած, խնամքին մինչև տասնչորս տարեկան մեկ երեխա /ծնված 21.04.2009թ./, նախկինում չդատված, աշխատում է «Սնարտ» ՍՊԸ-ում որպես զոդող, բնութագրվում է դրական, հաշվառված է Երևանի Անտառային փողոցի թիվ 142 տուն` հասցեում, փաստացի բնակվել է Երևանի Մարգարյան 2-րդ նրբանցքի թիվ 15 շենքի թիվ 2 բնակարանում, կալանքի տակ չէ, մեղադրվում է ՀՀ քրեական օրենսգրքի 34-268-րդ հոդվածի 1-ին մասով։

Գործի դատավարական նախապատմությունը
Թիվ 13128411 քրեական գործը ՀՀ ոստիկանության քննչական գլխավոր վարչության Երևանի ՔՎ Կենտրոնականի քննչական բաժնում հարուցվել է 2011թ. մայիսի 11-ին, ՀՀ քրեական օրենսգրքի 268-րդ հոդվածի 2-րդ մասի 2-րդ կետով, Հովիկ Կարպուշի Զատիկյանի կողմից ապօրինի խոշոր չափի թմրամիջոց ձեռք բերելու և պահելու դեպքի առթիվ։
Քննիչի 26.07.2011թ. որոշմամբ, քրեական գործով Հովհաննես Պողոսյանի նկատմամբ 2011թ. ապրիլի սկզբին Հ. Զատիկյանից ապօրինի թմրամիջոց ձեռք բերելու կապացությամբ քրեական հետապնդում չի իրականացվել` հանցակազմի բացակայության հիմքով։
Նախաքննության մարմինն ամբաստանյալ Հովիկ Կարուշի Զատիկյանին մեղադրանք է առաջադրել ՀՀ քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով հետևյալ արարքների համար. «որ նա` 2011թ. ապրիլ ամսվա սկզբներին Երևան քաղաքի Անտառային փողոցի բնակիչ Հովհաննես Վալերիի Պողոսյանին հյուրասիրելու միջոցով ապօրինի կերպով իրացրել է մարիխուանա տեսակի թմրանյութ։
Այնուհետև Հ. Զատիկյանը 2011թ. մայիսի 10-ին ժամը 14.00-ի սահմաններում, տեղեկանալով, որ Հ. Պողոսյանը ցանկանում է իր գործածման համար ապօրինի զգալի չափի` 3 գրամ չորացված մարիխուանա ձեռք բերել, վերջինիս խոստացել է օժանդակել այդ հարցում, որից հետո նրանից պահանջել և ստացել է 21.000 ՀՀ դրամ գումար, ապա Հ.Պողոսյանի, ինչպես նաև իր գործածման համար ապօրինի չորացված մարիխուանա տեսակի թմրամիջոց ձեռք բերելու նպատակով, իր կողմից շահագործվող Վազ 21215 մակնիշի 26 UO 315 պետհամարանիշի ավտոմեքենայով գնացել է Արմավիրի մարզ։ Հ. Զատիկյանն Արմավիրի մարզի Նալբանդյան գյուղում իր ծանոթ Արսեն Կոլյայի Գինոսյանից ապօրինի ձեռք է բերել և ավտոմեքենայի բեռնախցում պահել է խոշոր չափի` 61,6 գրամ չորացված մարիխուանա տեսակի թմրամիջոց, որը փոխադրել է Երևան քաղաք։
Նույն օրը ժամը 18.00-ի սահմաններում Հ. Զատիկյանը Երևան քաղաքի Ա. Իսակովի պողոտայից բերման է ենթարկվել ՀՀ ոստիկանության Կենտրոնականի բաժնի Մարաշի բաժանմունք, որտեղ էլ կատարված զննության ընթացքում Հ.Պողոսյանի, ինչպես նաև իր գործածման համար նախատեսված` ապօրինի ձեռք բերված և պահվող խոշոր չափի չորացված մարիխուանա տեսակի թմրամիջոցը հայտնաբերվել է։»։
Նախաքննության մարմինն ամբաստանյալ Արսեն Կոլյայի Գինոսյանին մեղադրանք է առաջադրել ՀՀ քրեական օրենսգրքի 266-րդ հոդվածի 2-րդ մասի 2-րդ կետով հետևյալ արարքների համար. «որ նա` չպարզված հանգամանքներում իրացնելու նպատակով ապօրինի ձեռք է բերել և պահել խոշոր չափի` 61,6 գրամ չորացված մարիխուանա տեսակի թմրամիջոց, որը 2011թ. մայիսի 10-ին ժամը 14.00-ի սահմաններում Արմավիրի մարզի Նալբանդյան գյուղում իրացրել է Հովիկ Կարուշի Զատիկյանին։
Նույն օրը ժամը 18.00-ի սահմաններում Հ. Զատիկյանը Երևան քաղաքի Ա. Իսակովի պողոտայից բերման է ենթարկվել ՀՀ ոստիկանության Կենտրոնականի բաժնի Մարաշի բաժանմունք, որտեղ էլ կատարված զննության ընթացքում Հ. Զատիկյանի կողմից իրացնելու նպատակով, ինչպես նաև իր գործածման համար ապօրինի ձեռք բերված և պահվող չորացված մարիխուանա տեսակի թմրամիջոցը հայտնաբերվել է։»։
Նախաքննության մարմինն ամբաստանյալ Հովհաննես Վալերիի Պողոսյանին մեղադրանք է առաջադրել ՀՀ քրեական օրենսգրքի 34-268 հոդվածի 1-ին մասով հետևյալ արարքի համար. «որ նա` 2011թ. մայիսի 10-ին տեղեկանալով, որ Հովիկ Կարուշի Զատիկյանը պատրաստվում է ապօրինի «չորացված մարիխուանա» տեսակի թմրամիջոց ձեռք բերել, փորձել է վերջինիցս առանց իրացնելու նպատակի ապօրինի ձեռք բերել զգալի չափի` 3 գրամ «չորացված մարիխուանա» տեսակի թմրամիջոց, ինչի համար Հ.Զատիկյանին է տվել 21.000 ՀՀ դրամ գումար։
Դրանից հետո Հ. Զատիկյանն իր կողմից շահագործվող Վազ 21215 մակնիշի 26 UO 315 պետհամարանիշի ավտոմեքենայով գնացել է Արմավիրի մարզ, որտեղ` Նալբանդյան գյուղում, Արսեն Կոլյայի Գինոսյանից ապօրինի ձեռք է բերել և ավտոմեքենայի բեռնախցում պահել խոշոր չափի` 61,6 գրամ չորացված մարիխուանա տեսակի թմրամիջոց, որը փոխադրել է Երևան քաղաք։
Նույն օրը ժամը 18.00-ի սահմաններում Հ. Զատիկյանը Երևան քաղաքի Ա. Իսակովի պողոտայից բերման է ենթարկվել ՀՀ ոստիկանության Կենտրոնականի բաժնի Մարաշի բաժանմունք, որտեղ էլ կատարված զննության ընթացքում Հ. Զատիկյանի կողմից ձեռք բերված` վերջինիս և Հ. Պողոսյանի համար նախատեսված թմրամիջոցը հայտնաբերվել է և Հ. Պողոսյանը հանցագործությունն ավարտին չի հասցրել իր կամքից անկախ հանգամանքներով։»։
2011թ. օգոստոսի 03-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։

Դատարանի կողմից հաստատված փաստական հանգամանքները

Դատաքննությամբ, գործի տվյալներով, դատարանը հիմնավորված է համարում հետևյալը.

Ամբաստանյալ Հովիկ Կարուշի Զատիկյանը, մշտական աշխատանք չունենալով, իր կողմից վարձակալած ավտոմեքենաներով կատարել է մասնավոր ուղևորափոխադրումներ։ 2011թ. ապրիլի սկզբներին, գործով չպարզված օրը, ամբաստանյալ Հովիկ Զատիկյանն իր կողմից վարվող «Վազ 2115-199» մակնիշի, 26 UO 315 պետհամարանիշի ավտոմեքենայով, իր դասընկերուհու որդի, ամբաստանյալ Հովհաննես Վալերիի Պողոսյանին տեղափոխելու ընթացքում, ավտոմեքենայի սրահում ծխելու միջոցով գործածել է «չորացված մարիխուանա» տեսակի թմրամիջոց։ Ամբաստանյալ Հ. Պողոսյանի խնդրանքով, ամբաստանյալ Հ. Զատիկյանը «չորացված մարիխուանա» տեսակի թմրամիջոցով լցված ծխախոտի գլանակը տվել է ամբաստանյալ Հ. Պողոսյանին։ Վերջինս ծխելու միջոցով գործածել է այդ թմրամիջոցը։
2011թ. մայիսի 10-ին ամբաստանյալ Հ. Զատիկյանը տեղեկանալով, որ իր ծանոթ, Արմավիրի մարզի Նալբանդյան գյուղի բնակիչ, ամբաստանյալ Արսեն Կոլյայի Գինոսյանը «չորացված մարիխուանա» տեսակի թմրամիջոց ունի, այն ապօրինի ձեռք բերելու համար նույն օրը մեկնել է Արմավիրի մարզի Նալբանդյան գյուղ։ Մինչ Արմավիրի մարզ մեկնելը, նույն օրը, Հ. Զատիկյանն իր այդ մտադրության մասին հայտնել է ամբաստանյալ Հ. Պողոսյանին, ապա տեղեկանալով, որ վերջինս ցանկանում է իր գործածման համար զգալի չափի` 3 գրամ «չորացված մարիխուանա» տեսակի թմրամիջոց ձեռք բերել` խոստացել է օժանդակել այդ հարցում։ Այդ երեք գրամ թմրամիջոցի արժեքը վճարելու համար Հ. Զատիկյանը Հ. Պողոսյանից պահանջել և նույն օրը, Երևանի 3-րդ մաս կոչվող թաղամասում նրանից ստացել է 21.000 ՀՀ դրամ գումար։
Այնուհետև, Հ. Պողոսյանի, ինչպես նաև իր գործածման համար, ապօրինի, «չորացված մարիխուանա» տեսակի թմրամիջոց ձեռք բերելու նպատակով, ամբաստանյալ Հ. Զատիկյանն իր կողմից շահագործվող «Վազ 2115-199» մակնիշի, 26 UO 315 պետհամարանիշի ավտոմեքենայով ուղևորվել է Արմավիրի մարզ, որտեղ ամբաստանյալ Ա. Գինոսյանից ապօրինի ձեռք է բերել և վերոհիշյալ ավտոմեքենայի բեռնախցում պահել է խոշոր չափի` 61,6 գրամ «չորացված մարիխուանա» տեսակի թմրամիջոց, որը փոխադրել է Երևան։
Նույն օրը, ժամը 18.00-ի սահմաններում ամբաստանյալ Հ. Զատիկյանը Երևանի Իսակովի պողոտայից բերման է ենթարկվել ՀՀ ոստիկանության Կենտրոնական բաժնի Մարաշի բաժանմունք, որտեղ ավտոմեքենայի զննության ընթացքում, նրա կողմից ապօրինի ձեռք բերված և պահվող խոշոր չափի` 61,6 գրամ «չորացված մարիխուանա» տեսակի թմրամիջոցը հայտնաբերվել է։
Քրեական գործի նախաքննության ընթացքում, 2011թ. մայիսի 12-ից 23-ն ընկած ժամանակահատվածում կատարվել են տոքսիկոքիմիական փորձաքննություններ ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից։ Համաձայն քրեական գործում առկա, աշխատանքների հանձնման-ընդունման վերաբերյալ 2011թ. մայիսի 18-ին, 19-ին և 23-ին կազմված արձանագրությունների` աշխատանքների համար վճարման ենթակա գումարը, այսինքն փորձագետների վարձատրության` դատական ծախսեր հանդիսացող գումարը ամբաստանյալ Արսեն Կոլյայի Գինոսյանի մասով կազմել է 19.236 /տասնիննը հազար երկու հարյուր երեսունվեց/ ՀՀ դրամ գումար, ամբաստանյալ Հովիկ Կարուշի Զատիկյանի մասով` 19.236 /տասնիննը հազար երկու հարյուր երեսունվեց/ ՀՀ դրամ գումար, իսկ ամբաստանյալ Հովհաննես Վալերիի Պողոսյանի մասով` 28.854 /քսանութ հազար ութ հարյուր հիսունչորս/ ՀՀ դրամ գումար /հատոր 2, գ.թ. 75, 79, 83/։
Ամբաստանյալների անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Հովհաննես Պողոսյանը վատառողջ է, նախկինում դատված չի եղել, բնութագրվում է դրական, խնամքին ունի մինչև տասնչորս տարեկան մեկ երեխա, նախաքննության ընթացքում իրեն լիովին մեղավոր ճանաչելով և տալով ինքնախոստովանական ցուցմունքներ` աջակցել է հանցագործությունը բացահայտելուն և հանցագործության մյուս մասնակիցներին մերկացնելուն։

Ապացույցների հետազոտում և գնահատում

Դատարանի կողմից հաստատված հանգամանքներն հիմնավորվում են հետևյալ ապացույցներով.
Վկա Դավիթ Սերյոժայի Անդրեասյանի ցուցմունքով այն մասին, որ 2011թ. մայիսի 10-ին իրեն հրավիրել են ՀՀ ոստիկանության Կենտրոնական բաժնի Մարաշի բաժանմունք, որտեղ անծանոթ մի քաղաքացու հետ որպես ընթերակա մասնակցել է բաժանմունքի դիմաց կայանված «ՎԱԶ» մակնիշի տաքսու տարբերանշանով ավտոմեքենայի զննությանը։ Զննության ընթացքում, ավտոմեքենայի բեռնախցիկում` ձախ լապտերի պաստառի տակից, հայտնաբերվել է պոլիէթիլենային փաթեթ, որի մեջ եղել է թերթով փաթաթված դեղնականաչավուն զանգված։ Ավտոմեքենայի վարորդը` իրեն անծանոթ Հովիկ անունով անձնավորությունը, հայտարարել է, որ հայտնաբերված զանգվածը կանեփի թփից պատրաստված, իր օգտագործման համար նախատեսված թմրամիջոց է։ Հայտնաբերված զանգվածը փաթեթավորվել և կշռվել է, ապա զննության ընթացքի և արդյունքների մասին կազմվել է համապատասխան արձանագրություն, որը ստորագրվել է մասնակիցների կողմից։
/դատական նիստի արձանագրություն, հատոր 1, գ. թ. 61-62/։
Վկա Ավետիք Արշակի Ղահրամանյանի նախաքննական ցուցմունքով այն մասին, որ 2011թ. մայիսի 10-ին իրեն հրավիրել են ՀՀ ոստիկանության Կենտրոնական բաժնի Մարաշի բաժանմունք, որտեղ անծանոթ մի քաղաքացու հետ որպես ընթերակա մասնակցել է բաժանմունքի դիմաց կայանված տաքսու տարբերանշանով ավտոմեքենայի զննությանը։ Զննության ժամանակ, ավտոմեքենայի բեռնախցիկում` ձախ լապտերի պաստառի տակից, հայտնաբերվել է պոլիէթիլենային փաթեթ, որի մեջ եղել է թերթով փաթաթված դեղնականաչավուն զանգված։ Ավտոմեքենայի վարորդը հայտարարել է, որ հայտնաբերված զանգվածը կանեփի թփից պատրաստված, իր օգտագործման համար նախատեսված թմրամիջոց է։ Հայտնաբերված զանգվածը փաթեթավորվել և կշռվել է, զննության ընթացքի և արդյունքների մասին կազմվել է համապատասխան արձանագրություն, որը ստորագրվել է մասնակիցների կողմից։
/հատոր 1, գ. թ. 59-60/։
Ավտոմեքենան զննության ենթարկելու մասին 10.05.2011թ. արձանագրությամբ, որի համաձայն` Հովիկ Զատիկյանի վարած «Վազ 2115-199» մակնիշի, 26 UO 315 պետհամարանիշի ավտոմեքենայի բեռնախցից, ձախ լապտերի պաստառի տակից հայտնաբերվել է կապույտ պոլիէթիլենային փաթեթ, որի մեջ առկա է եղել թերթով փաթաթված դեղնականաչավուն զանգված, որի քաշը կազմել է 70 գրամ։ Հովիկ Զատիկյանը հայտարարել է, որ հայտնաբերված զանգվածը կանեփի տերևներ են, որոնք ինքն օգտագործում է ծխելու միջոցով։
/հատոր 1, գ.թ. 4/։
Անձին ճանաչման ներկայացնելու մասին արձանագրությամբ, որի համաձայն` ճանաչման ներկայացված անձանցից Հ. Զատիկյանը ճանաչել է ձախից երկրորդ տեղում կանգնած անձին և հայտարարել, որ նա հանդիսանում է Արմավիրի Նալբանդյան գյուղի բնակիչ Արսեն Կոլյայի Գինոսյանը, որի հետ ծանոթացել է երկու տարի առաջ։ 2011թ. մայիսի 10-ին ինքն Արսենին պատահաբար հանդիպել է Նալբանդյան գյուղում և խնդրել է իրեն կանեփի չորացված թփեր տալ։ Արսենն իրեն չի մերժել և իր հողամասում գտնվող խողովակից հանել և իրեն է տվել պոլիէթիլենային տոպրակի մեջ դրված, չորացված թփերը, որոնք ինքը փաթաթել է թղթով և դրել է ավտոմեքենայի բեռնախցիկը։ Երևանում ոստիկաններն իրեն բերման են ենթարկել ոստիկանության բաժին, որտեղ իր ավտոմեքենայի խուզարկությամբ թմրամիջոցը հայտնաբերվել և առգրավվել է։
Արսեն Գինոսյանը հայտարարել է, որ Հ. Զատիկյանին ճանաչում է շուրջ երկու տարի, սակայն նրա հետ շփում չի ունեցել, Հովիկին որևէ թմրամիջոց չի տրամադրել, Հովիկն իրեն զրպարտում է։
/հատոր 1, գ.թ. 127-128/։
Դատաքիմիական փորձագետի 11.05.2011թ. թիվ 166Ք եզրակացությամբ այն մասին, որ «Փորձաքննությանը ներկայացված 61.6 գրամ հաստատուն քաշով նյութը հանդիսանում է չորացված մարիխուանա տեսակի թմրամիջոց։»։
/հատոր 1, գ. թ. 22-24/։
Տոքսիկոքիմիական փորձագետի 23.05.2011թ. թիվ 11-1294 եզրակացությամբ այն մասին, որ «Արսեն Կոլյայի Գինոսյանից վերցված մազի փորձանմուշի մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդների հետքեր։ Մեզի փորձանմուշի մեջ թմրամիջոցներ չեն հայտնաբերվել։»։
/հատոր 2, գ.թ. 73-74/։
Տոքսիկոքիմիական փորձագետի 18.05.2011թ. թիվ 11-1268 եզրակացությամբ այն մասին, որ Հովիկ Կարուշի Զատիկյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։
/հատոր 2, գ.թ. 77-78/։
Տոքսիկոքիմիական փորձագետի 19.05.2011թ. թիվ 11-1275 եզրակացությամբ այն մասին, որ Հովհաննես Վալերիի Պողոսյանից վերցված մեզի և մազի փորձանմուշների մեջ հայտնաբերվել են կանաբինոիդների խմբին պատկանող թմրամիջոցի թմրալկալոիդներ։»։
/հատոր 2, գ.թ. 81-82/։
Դատանարկոլոգիական փորձագետի 09.06.2011թ. թիվ 0122-11 եզրակացությամբ այն մասին, որ «Հովհաննես Վալերիի Պողոսյանը տառապում է «Կանաբինոիդային թմրամոլություն» ախտորոշմամբ, ուստի հարկադիր բուժման կարիք ունի, հակացուցումներ չկան։»։
/հատոր 2, գ.թ. 210-211/։
Դատանարկոլոգիական փորձագետի թիվ 09.06.2011թ. թիվ 0124-11 եզրակացությամբ այն մասին, որ «Արսեն Կոլյայի Գինոսյանը տառապում է «Կանաբինոիդային թմրամոլություն» ախտորոշմամբ, ուստի հարկադիր բուժման կարիք ունի, հակացուցումներ չկան։»։
/հատոր 2, գ.թ. 214-215/։
Դատանարկոլոգիական փորձագետի 09.06.2011թ. թիվ 0123-11 եզրակացությամբ այն մասին, որ «Հովիկ Կարուշի Զատիկյանը տառապում է «Կանաբինոիդային թմրամոլություն» ախտորոշմամբ, ուստի հարկադիր բուժման կարիք ունի, հակացուցումներ չկան։»։
/հատոր 2, գ.թ. 212-213/։
Ապացույց ճանաչված, «Ղ.-Տելեկոմ» և «ԱրմենՏել» ՓԲ ընկերություններից ստացված հեռախոսազանգերի վերծանումներով և զննում կատարելու վերաբերյալ 26.07.2011թ. արձանագրությամբ, համաձայն որոնց` հանցագործությունները կատարելու ժամանակահատվածում Հ. Զատիկյանը, Հ. Պողոսյանը և Ա. Գինոսյանը գտնվել են ակտիվ հեռախոսակապի մեջ։
/հատոր 2, գ.թ. 88, 111, 278-279, 280-281/։
Ապացույց ճանաչված, Հ. Զատիկյանի 077-85-88-15 հեռախոսահամարից կատարված հեռախոսային խոսակցությունների գաղտնալսման ձայնագրության սկավառակով և դրա զննում կատարելու մասին 30.05.2011թ. արձանագրությամբ, որի համաձայն` 10.05.2011թ., ժամը 12.03-ին Հ. Զատիկյանն Ա. Գինոսյանի հետ տեղի ունեցած հեռախոսային խոսակցության ընթացքում տեղեկացնում է իր այցելության մասին, իսկ վերջինս էլ փորձում է պարզել, թե այցելությունը կապված է արդյոք 20 կիլոգրամի հետ, սակայն տեղեկանալով, որ դեռևս ընտրելու խնդիր կա` Հ. Զատիկյանին հայտնում է. «հա, ես էթում եմ վեկալեմ, բերեմ հողը»։
/հատոր 1, գ. թ. 110, հատոր 2, գ. թ. 112-118, 280-281/։
Ամբաստանյալ Հովհաննես Վալերիի Պողոսյանի նախաքննական ցուցմունքներով այն մասին, որ առաջադրված մեղադրանքում իրեն լիովին մեղավոր է ճանաչում, 2011թ. ապրիլի սկզբներին, երեկոյան, իր մոր դասընկեր Հովիկ Զատիկյանը, իր կողմից վարվող «Վազ 2115-199» մակնիշի, 26 UO 315 պետհամարանիշի տաքսի ավտոմեքենայով պատվեր իրականացնելով` իրեն տեղափոխել է տուն։ Այդ ընթացքում Հ. Զատիկյանը ծխելու միջոցով, ծխախոտի գլանակի մեջ լցված թմրամիջոց է գործածել։ Ինքը խնդրել է Հովիկին գործածման համար իրեն նույնպես թմրամիջոց տալ։ Հովիկը չի մերժել և գլանակի մեջ լցված թմրամիջոցը փոխանցել է իրեն, որն էլ ծխելու միջոցով ինքը գործածել է։ Որոշ ժամանակ անց, երբ Հ. Զատիկյանն իր վարած տաքսի ավտոմեքենայով կրկին փոխադրել է իրեն` նրան հարցրել է, թե արդյոք կարող է իր համար թմրամիջոց ձեռք բերել։ Վերջինս պատասխանել է, որ իր համար թմրամիջոց ձեռք բերելու հնարավորության դեպքում տեղյակ կպահի։ 2011թ. մայիսի 10-ին ինքը հեռախոսազրույց է ունեցել Հ. Զատիկյանի հետ, որի ընթացքում տեղեկանալով, որ նա պատրաստվում է թմրամիջոց ձեռք բերել` խնդրել է իր համար նույնպես ձեռք բերել։ Հ. Զատիկյանը խոստացել է 3 գրամը 21.000 ՀՀ դրամով իր համար թմրամիջոց ձեռք բերել, ինչին ինքը համաձայնել է և նույն օրը, Երևանի 3-րդ մաս թաղամասում Հ. Զատիկյանին է փոխանցել 21.000 ՀՀ դրամ գումար։ Դրանից հետո Հովիկին այլևս չի հանդիպել, զանգահարել է նրան, սակայն չի կարողացել հետը զրուցել։ 2011թ. մայիսի 12-ին բերման ենթարկվելով ՀՀ ոստիկանության Մարաշի բաժանմունք` տեղեկացել է, որ մայիսի 10-ին Հովիկը բռնվել է ոստիկանության աշխատակիցների կողմից և նրա ավտոմեքենայի խուզարկությամբ «մարիխուանա» տեսակի թմրամիջոցը հայտնաբերվել և առգրավվել է։
/հատոր 1, գ.թ. 101-103, 251-252, հատոր 2, գ. թ. 270/։
Հովհաննես Պողոսյանն իր նախաքննական ցուցմունքները պնդել է նաև Հ. Զատիկյանի հետ առերես հարցաքննության ժամանակ։
/հատոր 1, գ.թ 105-106/։
Դատարանում ամբաստանյալ Հովհաննես Պողոսյանը պնդեց իր նախաքննական ցուցմունքները, սակայն հրաժարվեց դատարանում ցուցմունք տալուց և հարցերին պատասխանելուց։
/դատական նիստի արձանագրություն/։
Ամբաստանյալ Հովիկ Կարուշի Զատիկյանի նախաքննական ցուցմունքներով այն մասին, որ առաջադրված մեղադրանքում իրեն մեղավոր է ճանաչում մասնակիորեն, 2011թ. ապրիլին Հովհաննես Պողոսյանին և նրա հետ իրեն անծանոթ ևս երկու երիտասարդ ուղևորների իր ավտոմեքենայով տեղափոխել է Դավթաշենում գտնվող գերեզմանների մոտ։ Այդ երկու երիտասարդներն այցելել են իրենց ազգականների շիրիմներինին։ Այդ ընթացքում ինքն առանձնացել է նրանցից և մինչ այդ իր կողմից գերեզմանների տարածքում պահված «մարիխուանա» տեսակի թմրամիջոցը լցնելով ծխախոտի գլանակի մեջ` ծխել և գլանակը դեն է նետել։ Այնուհետև, երբ վերադարձել է մեքենայի մոտ` նկատել է, որ Հովհաննեսը և այդ երկու ուղևորներն արդեն մեքենայի մոտ են։ Այդ ժամանակ Հ. Պողոսյանն իրեն հայտնել է, որ իր կողմից գլանակը գցելուց հետո ինքն այն գետնից վերցրել և ծխել է։ 2010թ. հոկտեմբերին, Արմավիրի մարզի Նալբանդյան գյուղ ուղևոր փոխադրելիս, ճանապարհին նկատել է կանեփի թուփ, որը քաղել և պահել է Արսեն Գինոսյանի հողամասում գտնվող խաղողի վազերի խողովակի մեջ։ 2011թ. մայիսի 09-ին, երբ կրկին ուղևոր է տեղափոխել Նալբանդյան գյուղ, զանգահարել է Ա. Գինոսյանին և ասել, որ նրա այգու խողովակի մեջ բան ունի պահած, խնդրել է նայել, թե որ խողովակի մեջ է պահել, որպեսզի գնա և վերցնի։ Ա. Գինոսյանն իրեն տեղեկացրել է, որ իր պահածը 20-րդ խողովակի մեջ է, որից հետո ինքը գնացել է նրա հողամաս, վերցրել է թմրամիջոցն ու հեռացել է։ Ա. Գինոսյանը իր կողմից պահված թմրամիջոցի մասին տեղյակ չի եղել։
/հատոր 2, գ. թ. 264-267/։
Դատարանում ամբաստանյալ Հովիկ Կարուշի Զատիկյանը ցուցմունք տվեց այն մասին, որ իր կողմից պահված թմրամիջոցի մասին Ա. Գինոսյանը տեղյակ չի եղել։ Թմրամիջոցն ինքը քաղել է ճամփեզրից և պահել է Ա. Գինոսյանի հողամասում, քանի որ գյուղին ծանոթ չի եղել և վախեցել է այլ տեղ դնելու դեպքում այն կորցնել։ Գարնանը ցանկացել է թմրամիջոցը հետ վերցնել, սակայն քանի որ հողամասում ցեխ է եղել` խնդրել է Ա. Գինոսյանին գտնել փաթեթը և վերադարձնել իրեն։ Ա. Գինոսյանը զայրացել է։ Հաջորդ օրն ինքը գնացել և փաթեթը վերցրել է։ Ա. Գինոսյանը որևէ մեղք չունի, խնդրում է նրա նկատմամբ մեղմ վերաբերվել։
/դատական նիստի արձանագրություն/։
Նախաքննության ընթացքում ամբաստանյալ Արսեն Կոլյայի Գինոսյանն առաջադրված մեղադրանքում իրեն մեղավոր չի ճանաչել և ցուցմունք է տվել այն մասին, որ 2011թ. մայիսի 09-ին, ժամը 21.00-ի սահմաններում Հովիկ Զատիկյանն այցելել է իր տուն և խոսակցության ընթացքում տեղեկացրել է, որ իրեն պատկանող խաղողի այգում` խողովակների մեջ, պահել է պոլիէթիլենային տոպրակի մեջ դրված կանեփ։ Հովիկը խնդրել է առավոտյան նշված տոպրակը գտնել, կանեփի մի մասն առանձնացնել, որպեսզի գա և այն տանի։ Կատարածի համար բարկացել է նրա վրա, որից հետո Հովիկը հեռացել է։ Հաջորդ օրն առավոտյան գնացել է իր հողամաս, Հ. Զատիկյանի նշած խողովակների մեջ տեսել է վերջինիս նշած պոլիէթիլենային տոպրակը, զանգահարել է նրան և ասել, որ 20 կիլոգրամանոցն իր մոտն է, գնում է հողը։ 20 կիլոգրամանոց ասելով նկատի է ունեցել, որ տոպրակը գտել է 20-րդ խողովակի մեջ։ Հովիկն ասել է, որ 10 րոպեից կմոտենա իրեն, որից հետո մեքենայով եկել է հողամաս, իր ձեռքով վերցրել է պոլիէթիլենային փաթեթը, այն տեղավորել է իր հետ բերած մեկ այլ տոպրակի մեջ և հեռացել է։ Ինքն անձամբ Հ. Զատիկյանին թմրամիջոց չի իրացրել։
/հատոր 1, գ.թ. 137-139,158, հատոր 2, գ.թ. 206-207/։
Դատարանում ամբաստանյալ Արսեն Կոլյայի Գինոսյանը ցուցմունք տվեց այն մասին, որ Հովիկ Զատիկյանին ճանաչել է իր հանգուցյալ ընկեր Դավիթի միջոցով։ Մեկ-երկու անգամ Հովիկն այցելել է իր հողամաս և օգտվել է մրգերից։ 2011թ. մայիսի 9-ին, երեկոյան ժամը 21-ի սահմաններում Հովիկն այցելել է իրեն և ասել, որ իր հողամասում գտնվող խողովակներից մեկում անցյալ տարվա սեպտեմբերին ցելոֆանե տոպրակով կանեփ է թաքցրել։ Խնդրել է գտնել փաթեթը և հաջորդ օրը դրա մի մասը վերադարձնել իրեն։ Ինքը զայրացել է, սակայն չի մերժել։ Հովիկն իրեն ասել է, որ փաթեթը գտնելու դեպքում զանգահարի իրեն և խողովակների մասին խոսելիս արտաբերի կիլոգրամ բառը։ Առավոտյան հողամասում ինքը փնտրել և գտել է փաթեթը, սակայն դրան ձեռք չի տվել և զանգահարելով Հովիկին` ասել է «քսան կիլոգրամանոց է, գնում եմ հողը»։ Քիչ անց Հովիկը եկել է, ինքը նրան ցույց է տվել թմրամիջոցի տեղը և ասել է, որ Հովիկն այն վերցնի և տանի։ Հովիկը խնդրել է, որ թմրամիջոցի մի մասը մի քանի օր պահի թաքցրած տեղում, սակայն ինքը մերժել է, ասելով` «շառտ իմ տարածքից հեռացրու»։ Իր պատասխանից Հովիկը նեղացել և հեռացել է։ Դեպքից մի քանի ամիս առաջ ինքը թմրամիջոց է գտել և օգտագործել։ Նախկինում դատապարտվել է թմրամիջոցի օգտագործման համար։ Այդ ընթացքում երկու անգամ իր հողամասի տարածքը ստուգել են, սակայն ոչինչ չեն հայտնաբերել։
/դատական նիստի արձանագրություն/։

Դատարանի իրավական վերլուծությունները

Վերլուծելով ամբաստանյալ Հովիկ Կարուշի Զատիկյանի և Արսեն Կոլյայի Գինոսյանի նախաքննական և դատաքննական ցուցմունքները, դրանք համադրելով այլ ապացույցների հետ, գնահատելով վերաբերելիության, թույլատրելիության, իսկ ամբողջ ապացույցներն իրենց համակցությամբ` գործի լուծման համար բավարարության տեսանկյունից, իրենց համակցության մեջ` դրանց բազմակողմանի, լրիվ և օբյեկտիվ քննության վրա հիմնված ներքին համոզմամբ, դատարանը գտնում է, որ դրանք մասնակիորեն` թմրամիջոց չիրացնելու մասով, իրականությանը չեն համապատասխանում, քրեական պատասխանատվությունից և պատժից խուսափելու նպատակ են հետապնդում և հերքվում են վերոհիշյալ ապացույցներով։
Վերլուծելով ամբաստանյալներ Հովիկ Կարուշի Զատիկյանին, Արսեն Կոլյայի Գինոսյանին և Հովհաննես Վալերիի Պողոսյանին առաջադրված մեղադրանքները, նրանց ցուցմունքները և գործով ձեռք բերված ապացույցները, դատարանը գտնում է, որ ամբաստանյալ Հովիկ Կարուշի Զատիկյանի կողմից, նրա մեղավորությամբ, թմրամիջոցներ ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Հովիկ Կարուշի Զատիկյանի կողմից, նրա մեղավորությամբ, առանց իրացնելու նպատակի, զգալի չափերով թմրամիջոցներ ապօրինի ձեռք բերելուն օժանդակելու փորձ կատարելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 34-38-268-րդ հոդվածի 1-ին մասով նախատեսված հանցագործության հատկանիշներին։
Ապացուցված է նաև ամբաստանյալ Հովիկ Կարուշի Զատիկյանի կողմից, նրա մեղավորությամբ, առանց իրացնելու նպատակի, խոշոր չափերով թմրամիջոցներ ապօրինի ձեռք բերելը և պահելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Արսեն Կոլյայի Գինոսյանի կողմից, նրա մեղավորությամբ, իրացնելու նպատակով, խոշոր չափերով թմրամիջոցներ ապօրինի ձեռք բերելը, պահելը և դրանք ապօրինի իրացնելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ամբաստանյալ Հովհաննես Վալերիի Պողոսյանի կողմից, նրա մեղավորությամբ, առանց իրացնելու նպատակի, զգալի չափերով թմրամիջոցներ ապօրինի ձեռք բերելու փորձ կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 34-268-րդ հոդվածի 1-ին մասով նախատեսված հանցագործության հատկանիշներին։
Ուսումնասիրելով ամբաստանյալների անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները, ամբաստանյալ Հովիկ Կարուշի Զատիկյանի նկատմամբ, նրա կատարած հանցագործութուններից յուրաքանչյուրի համար պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Հովիկ Կարուշի Զատիկյանին իր կատարած` Հայաստանի Հանրապետության քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված յուրաքանչյուր հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Արսեն Կոլյայի Գինոսյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Արսեն Կոլյայի Գինոսյանն իր կատարած` Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Ամբաստանյալ Հովհաննես Վալերիի Պողոսյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն որ նա վատառողջ է, նախկինում դատված չի եղել, բնութագրվում է դրական։ Որպես ամբաստանյալի պատասխանատվությունը և պատիժը մեղմացնող հանգամանքներ դատարանը հաշվի է առնում խնամքին մինչև տասնչորս տարեկան մեկ երեխայի առկայությունը, հանցագործությունը բացահայտելուն և հանցագործության մյուս մասնակիցներին մերկացնելուն աջակցելը, որն արտահայտվել է` Հ. Զատիկյանի կողմից իրեն «չորացված մարիխուանա» տեսակի թմրամիջոց հյուրասիրելու, երեք գրամ «չորացված մարիխուանա» տեսակի թմրամիջոց ձեռք բերելու հարցում Հ. Զատիկյանի կողմից իրեն օժանդակելու, իրեն հայտնի այլ հանգամանքների վերաբերյալ մանրամասն ինքնախոստավանական ցուցմունքներ տալով և դրանք Հ. Զատիկյանին առերես պնդելով։ Ամբաստանյալի պատասխանատվությունը և պատիժը ծանրացնող հանգամանքներ դատարանը չի արձանագրում։
Հաշվի առնելով գործի հանգամանքները` դատարանը գտնում է, որ իր կատարած` ՀՀ քրեական օրենսգրքի 34-268-րդ հոդվածի 1-ին մասով նախատեսված հանցանքի համար ամբաստանյալ Հովհաննես Վալերիի Պողոսյանը ենթակա է պատժի ազատազրկման ձևով հետևյալ պատճառաբանությամբ.
ՀՀ քրեական օրենսգրքի 57-րդ հոդվածի 2-րդ մասի համաձայն` «Կալանքը չի նշանակվում դատավճիռը կայացնելու պահին տասնվեց տարին չլրացած անձանց կամ հղի կանանց կամ խնամքին մինչև ութ տարեկան երեխա ունեցող անձանց նկատմամբ։»։
Դատավճռի կատարման պահին ամբաստանյալ Հ. Պողոսյանի խնամքին է գտնվում նրա երկու տարեկան երեխան, որի պատճառով կալանքը որպես պատիժ նրա նկատմամբ նշանակվել չի կարող։
Քննարկելով այն հարցը, թե արդյոք ամբաստանյալ Հովհաննես Պողոսյանը պետք է կրի իր նկատմամբ նշանակված պատիժը, հաշվի առնելով այն հանգամանքները, որ Հովհաննես Պողոսյանը վատառողջ է, նախկինում դատված չի եղել, բնութագրվում է դրական, իր կողմից թմրամիջոց օգտագործելու վերաբերյալ մանրամասն ցուցմունքներ տալով, թմրամիջոցի ձեռք բերման աղբյուրը մատնանշելով և հանցագործության մյուս մասնակիցներին մերկացնելով` աջակցել է հանցագործությունը բացահայտելուն, անկեղծորեն զղջում է կատարածի համար, դատարանը գտնում է, որ Հովհաննես Պողոսյանի կողմից կատարված հանցագործության հանրորեն վտանգավորության աստիճանը նվազել է և հնարավոր է հանգել հետևության, որ նրա ուղղվելը հնարավոր է առանց նրա նկատմամբ նշանակվող ազատազրկման ձևով պատիժը կրելու` նաև հետևյալ հիմնավորմամբ. ՀՀ քրեական օրենսգրքի 70-րդ հոդվածի համաձայն` եթե դատարանը ազատազրկման ձևով պատիժ նշանակելով հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին։ ՀՀ վճռաբեկ դատարանն իր` 2007թ. հունիսի 12-ի թիվ ՎԲ-12407 որոշմամբ ՀՀ քրեական օրենսգրքի 70-րդ հոդվածի կիրառման կապակցությամբ արտահայտել է այն իրավական դիրքորոշումը, որ վկայակոչված հոդվածի կիրառումը հանցագործության տեսակի հետ կապված որևէ սահմանափակման չի ենթարկվում և դրա կիրառումը սահմանափակված չէ նաև հանցավոր արարքի վտանգավորության աստիճանով ու բնույթով, ինչպես նաև անձանց շրջանակով, որոնց նկատմամբ այն չի կարող կիրառվել։ ՀՀ վճռաբեկ դատարանը միաժամանակ նշել է. «ՀՀ քրեական օրենսգրքի 70-րդ հոդվածի կիրառման հիմնական պայմանը պատճառաբանված լինելն է։ Նշանակված պատիժը պայմանականորեն չկիրառելիս դատարանը պետք է հանգամանորեն քննության առնի ինչպես հանցագործության կատարման, այնպես էլ հանցավորի անձին վերաբերող բոլոր հանգամանքները։ Կարևորն այն է, որ հանգի հիմնավոր եզրակացության, որ դատապարտյալի ուղղումը հնարավոր է առանց նշանակված պատիժը կրելու»։ ՀՀ վճռաբեկ դատարանը մեկ այլ` 2008թ. փետրվարի 1-ի թիվ ՎԲ-01/08 որոշմամբ նշել է, որ պատիժը պայմանականորեն չկիրառելու իրավական հիմքերը բացահայտելու համար ՀՀ քրեական օրենսգրքի 70-րդ հոդվածում սահմանված իրավադրույթներն անհրաժեշտ է մեկնաբանել նաև ՀՀ քրեական օրենսգրքի 48-րդ հոդվածի 2-րդ մասով ամրագրված պատժի նպատակների համատեքստում, այսինքն` պատիժը պայմանականորեն չկիրառելու մասին որոշում կայացնելիս իրավասու դատարանը յուրաքանչյուր դեպքում պետք է քննարկի նաև պատժի` սոցիալական արդարության վերականգնման և պատժի ենթարկված անձի ուղղվելու նպատակների իրացման հարցը։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցի հարցը` դատարանը գտնում է, որ դատավճռի օրինական ուժի մեջ մտնելուց հետո, իրեղեն ապացույց ճանաչված 61,6 գրամ քաշով «չորացված մարիխուանա» տեսակի թմրամիջոցը պետք է ոչնչացնել։
Քննարկելով խափանման միջոցների հարցը` դատարանը գտնում է, որ ամբաստանյալներից յուրաքանչյուրի` Հովիկ Կարուշի Զատիկյանի և Արսեն Կոլյայի Գինոսյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։ Ամբաստանյալ Հովհաննես Վալերիի Պողոսյանի նկատմամբ որպես խափանման միջոց չհեռանալու մասին ստորագրությունն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Քննարկելով դատական ծախսերի հարցը` դատարանը գտնում է, որ ամբաստանյալներից հօգուտ պետական բյուջեյի, որպես դատական ծախսեր բռնագանձման են ենթակա փորձաքննությունների կատարման արժեք հանդիսացող հետևյալ գումարները. Հովիկ Կարուշի Զատիկյանից` 19.236 /տասնիննը հազար երկու հարյուր երեսունվեց/ ՀՀ դրամ, ամբաստանյալ Արսեն Կոլյայի Գինոսյանից` 19.236 /տասնինը հազար երկու հարյուր երեսունվեց/ ՀՀ դրամ, ամբաստանյալ Հովհաննես Վալերիի Պողոսյանից` 28.854 /քսանութ հազար ութ հարյուր հիսունչորս/ ՀՀ դրամ։
Քննարկելով ամբաստանյալների նկատմամբ հարկադրական բուժում կիրառելու հարցը՝ դատարանը գտնում է, որ Հովիկ Զատիկյանի և Արսեն Գինոսյանի նկատմամբ պետք է կիրառել հարկադրական բուժում թմրամոլության դեմ, իսկ Հովհաննես Վալերիի Պողոսյանի վերաբերյալ նյութերը պետք է հանձնել առողջապահության մարմիններ` նրան բուժելու հարցը լուծելու համար։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 168-րդ, 169-րդ, 357-360-րդ, 364-367-րդ, 369-373-րդ հոդվածներով, դատարանը`

Վ Ճ Ռ Ե Ց

Ամբաստանյալ Հովիկ Կարուշի Զատիկյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 1-ին մասով, 34-38-268-րդ հոդվածի 1-ին մասով և 268-րդ հոդվածի 2-րդ մասի 2-րդ կետով նախատեսված հանցանքներում և դատապարտել. ՀՀ քրեական օրենսգրքի 266-րդ հոդվածի 1-ին մասով ` ազատազրկման 3 /երեք/ տարի 6 /վեց/ ամիս ժամկետով, ՀՀ քրեական օրենսգրքի 34-38-268-րդ հոդվածի 1-ին մասով` ազատազրկման 6 /վեց/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 1 /մեկ/ տարի ժամկետով։ ՀՀ քրեական օրենսգրքի 66-րդ հոդվածով սահմանված` պատիժների մասնակի գումարման սկզբունքի կիրառմամբ, ՀՀ քրեական օրենսգրքի 266-րդ հոդվածի 1-ին մասով նշանակված պատժին գումարելով ՀՀ քրեական օրենսգրքի 34-38-268-րդ հոդվածի 1-ին մասով նշանակված պատժից` ազատազրկում 3 /երեք/ ամիս ժամկետով, ՀՀ քրեական օրենսգրքի 268-րդ հոդվածի 2-րդ մասի 2-րդ կետով նշանակված պատժից` ազատազրկում 9 /ինն/ ամիս ժամկետով, ամբաստանյալ Հովիկ Կարուշի Զատիկյանի նկատմամբ պատիժ նշանակել ազատազրկում 4 /չորս/ տարի 6 /վեց/ ամիս ժամկետով, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 10.05.2011թ.-ից։
Ամբաստանյալ Հովիկ Կարուշի Զատիկյանի նկատմամբ կիրառել հարկադրական բուժում` թմրամոլության դեմ։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Արսեն Կոլյայի Գինոսյանին մեղավոր ճանաչել Հայաստանի Հանրապետության քրեական օրենսգրքի 266-րդ հոդվածի 2-րդ մասի 2-րդ կետով նախատեսված հանցանքում և դատապարտել ազատազրկման 6 /վեց/ տարի ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 13.05.2011թ.-ից։
Ամբաստանյալ Արսեն Կոլյայի Գինոսյանի նկատմամբ կիրառել հարկադրական բուժում` թմրամոլության դեմ։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Ամբաստանյալ Հովհաննես Վալերիի Պողոսյանին մեղավոր ճանաչել Հայաստանի Հանրապետության քրեական օրենսգրքի 34-268-րդ հոդվածի 1-ին մասով նախատեսված հանցանքում և դատապարտել ազատազրկման 6 /վեց/ ամիս ժամկետով։ ՀՀ քրեական օրենսգրքի 70-րդ հոդվածի կիրառմամբ, ամբաստանյալ Հովհաննես Վալերիի Պողոսյանի նկատմամբ պատիժը պայմանականորեն չկիրառել` սահմանելով փորձաշրջան 1 /մեկ/ տարի ժամկետով։ Հովհաննես Պողոսյանին պարտավորեցնել չփոխել մշտական բնակության վայրը` նրա վարքագծի նկատմամբ վերահսկողությունը դնելով ՀՀ արդարադատության նախարարության քրեակատարողական վարչության այլընտրանքային պատիժների կատարման բաժնի վրա։
Ամբաստանյալ Հովհաննես Վալերիի Պողոսյանի վերաբերյալ նյութերն հանձնել առողջապահության մարմիններ` նրան բուժելու հարցը լուծելու համար։
Խափանման միջոց չհեռանալու մասին ստորագրությունը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, իրեղեն ապացույց ճանաչված 61,6 գրամ քաշով «չորացված մարիխուանա» տեսակի թմրամիջոցը ոչնչացնել։
Ամբաստանյալ Հովիկ Կարուշի Զատիկյանից հօգուտ ՀՀ պետական բյուջեյի բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Ամբաստանյալ Արսեն Կոլյայի Գինոսյանից հօգուտ ՀՀ պետական բյուջեյի բռնագանձել 19.236 /տասնիննը հազար երկու հարյուր երեսունվեց/ ՀՀ դրամ գումար` որպես դատական ծախսեր։
Ամբաստանյալ Հովհաննես Վալերիի Պողոսյանից հօգուտ ՀՀ պետական բյուջեյի բռնագանձել 28.854 /քսանութ հազար ութ հարյուր հիսունչորս/ ՀՀ դրամ գումար` որպես դատական ծախսեր։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։

ԴԱՏԱՎՈՐ` Մ. ՄԱՐՏԻՐՈՍՅԱՆ

Դատական գործ N: ԵԿԴ/0151/01/11

Կենտրոն և Նորք-Մարաշ

Նոր քրեական գործ

Մեղադրյալ
Երբ է գործը ստացվել	04-08-2011
Քրեական գործի համարը	0151/01/11
Ինչ կարգով է գործը ստացվել	Առաջին անգամ
Դատախազություն	Կենտրոն և Նորք-Մարաշ վարչական շրջանների դատախազություն
Նախաքննական գործի համարը	13128411
Մեղադրական եզրակացության համառոտ բովանդակություն	Հովիկ Զատիկյանին մեղադրանք է առաջադրվել այն բանի համար, որ նա Հովհաննես Պողոսյանին հյուրասիրելու միջոցով ապօրինի կերպով իրացրել է մարիխուանա տեսակի թմրամիջոց: Արսեն Գինոսյանին մեղադրանք է առաջադրվել այն բանի համար, որ նա չպարզված հանգամանքներում իրացնելու նպատակով ապօրինի ձեռք է բերել և պահել խոշոր չափի` 61.6 գր. չորացրած մարիխուանա տեսակի թմրամիջոց, որը իրացրել է Հովիկ Զատիկյանին: Հովհաննես Պողոսյանին մեղադրանք է առաջադրվել այն բանի համար, որ նա տեղեկանալով որ Հովիկ Զատիկյանը պատրաստվում է <<չորացված մարիխուանա>> տեսակի թմրամիջոց ձեռք բերել, փորձել է վերջինիցս առանց իրացնելու նպատակի ապօրինի ձեռք բերել զգալի չափի` 3 գրամ <<չորացված մարիխուանա>> տեսակի թմրամիջոց, ինչի համար Հ. Զատիկյանին է տվել 21.000 ՀՀ դրամ գումար:
Անձ
Անուն	Հովիկ
Ազգանուն	Զատիկյան
Հայրանուն	Կարուշի
Հասցե	---------------
Սոցիալական քարտ	---------------
Մեղադրյալ
Անձ
Անուն	Արսեն
Ազգանուն	Գինոսյան
Հայրանուն	Կոլյայի
Հասցե	---------------
Սոցիալական քարտ	---------------
Հոդված_1
Հոդված	266 Մաս 2 Կետ 2
Մեղադրյալ
Անձ
Անուն	Հովհաննես
Ազգանուն	Պողոսյան
Հայրանուն	Վալերիի
Հասցե	---------------
Սոցիալական քարտ	---------------
Վիճակագրական տողի համարը	11.3
Չափահաս	Այո
Չափահաս	Այո
Չափահաս	Այո

Մակագրել

Նախագահող դատավոր
Երբ	04-08-2011
Անուն	Մնացական
Ազգանուն	Մարտիրոսյան

Ընդունվել է վարույթ

Երբ	05-08-2011
Որոշումը ուղարկվել է կողմերին	05-08-2011
Ուղարկվել է հուշաթերթիկ/որոշումը	05-08-2011

Նշանակվել է դատական քննություն

Դատավարության կողմեր
Երբ	30-08-2011
Դատավարության կողմեր	Մեղադրյալ
Դատավարության կողմեր	Մեղադրյալ
Դատավարության կողմեր	Մեղադրյալ
Դատավարության կողմեր	Պաշտպան
Դատավարության կողմեր	Պաշտպան
Դատավարության կողմեր	Պաշտպան
Անուն	Հովիկ
Ազգանուն	Զատիկյան
Հասցե	---------------
Սեռ	1
Դատավարության կողմեր
Անուն	Արսեն
Ազգանուն	Գինոսյան
Հասցե	---------------
Սեռ	1
Դատավարության կողմեր
Անուն	Հովհաննես
Ազգանուն	Պողոսյան
Հասցե	---------------
Սեռ	1
Դատավարության կողմեր
Անուն	Էդգար
Ազգանուն	Արամյան
Հասցե	---------------
Սեռ	1
Դատավարության կողմեր
Անուն	Գևորգ
Ազգանուն	Բոյախանջյան
Հասցե	---------------
Սեռ	1
Դատավարության կողմեր
Անուն	Արայիկ
Ազգանուն	Ղազարյան
Հասցե	---------------
Սեռ	1
Ժամ	12:00
Նիստերի դահլիճի համարը	4