Ո Ր Ո Շ ՈՒ Մ
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.


նախագահող դատավոր` Մ. Մարտիրոսյան,
քարտուղար` Տ. Գրիգորյան,

մասնակցությամբ`
մեղադրող,
ՀՀ գլխավոր դատախազության
ՀՀ ազգային անվտանգության մարմիններում
քննվող գործերով վարչության
պետի տեղակալ Հ. Սարգսյանի,

պաշտպաններ Ռ. Ղազարյանի, Ն. Միքայելյանի,

տուժողներ «Ղարաբաղ-Տելեկոմ» ՓԲԸ
«Ղ.-Տելեկոմ» ՓԲԸ
«ԱրմենՏել» ՓԲԸ

տուժողների ներկայացուցիչներ Հ. Գրիգորյանի, Ս. Բադիրյանի,
Ա. Սահակյան,


2011թ. օգոստոսի 10-ին, դատարանում, դռնբաց դատական նիստում, քննելով ԵԿԴ-0136/01/11 (58210810) քրեական գործով ըստ մեղադրանքի
Արմեն Միխայիլի Հախվերդյանի`
ծնված 1970թ. հուլիսի 19-ին Երևանում, հայ, Հայաստանի Հանրապետության քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան երկու երեխա, նախկինում չդատված, աշխատում է «Պոլիտրավմայի կենտրոն» ՍՊԸ-ում որպես տնօրեն, հաշվառված է Երևանի Բաբայան փողոցի թիվ 22ա շենքի թիվ 3 բնակարան` հասցեում, փաստացի բնակվում է Երևանի Կ. Ուլնեցու անվան փողոցի թիվ 1 շենքի թիվ 52 բնակարանում, կալանքի տակ է 21.08.2010թ.-ից, մեղադրվում է ՀՀ քրեական օրենսգրքի 188-րդ հոդվածի 3-րդ մասի 1-ին և 2-րդ կետերով,

Վահե Գագիկի Ասիլբեկյանի`
ծնված 1988թ. ապրիլի 3-ին Երևանում, հայ, Հայաստանի Հանրապետության քաղաքացի, բարձրագույն կրթությամբ, ամուսնացած, խնամքին մինչև տասնչորս տարեկան մեկ երեխա, նախկինում չդատված, չի աշխատում, հաշվառված է և բնակվում է Երևանի Ավան-Առինջ թաղամասի 2/14-րդ շենքի թիվ 19 բնակարանում, կալանքի տակ է 11.08.2010թ.-ից , մեղադրվում է ՀՀ քրեական օրենսգրքի 188-րդ հոդվածի 3-րդ մասի 1-ին և 2-րդ կետերով,
քննարկելով ամբաստանյալ Արմեն Հախվերդյանի պաշտպան Ռ. Ղազարյանի միջնորդությունը` քրեական գործի վարույթը կարճելու մասին,


Պ Ա Ր Զ Ե Ց

Արմեն Միխայիլի Հախվերդյանին մեղադրանք է առաջադրվել ՀՀ քրեական օրենսգրքի 188-րդ հոդվածի 3-րդ մասի 1-ին և 2-րդ կետերով հետևյալ արարքի համար. «որ նա` նախնական համաձայնության մեջ մտնելով <<ԱրմենՏել>> ՓԲ ընկերության վաճառքի խթանման բաժնի նախկին պետ, ՌԴ քաղաքացի Մարիաննա Անատոլիի Կորյագինայի և ՀՀ քաղաքացի՝ Վահե Գագիկի Ասիլբեկյանի հետ, ձևավորել են կազմակերպված հանցավոր խումբ՝ առանց պետական գրանցման և առանց հատուկ թույլտվության (լիցենզիայի) լիցենզավորման ենթակա ձեռնարկատիրական գործունեություն իրականացնելու համար։
Այսպես.
Հանցավոր գործունեությունը սկսելով, Արմեն Հախվերդյանը և Մարիաննա Կորյագինան, ՀՀ քաղաքացի Արմեն Սերգեյի Վարդանյանից 38.000 եվրո գումարով գնել են <<TELES>> ֆիրմայի գործարանային արտադրության` հեռախոսազանգերի ուղղորդումների համար նախատեսված սարքավորումներ, որոնք Գերմանիայի Դաշնային Հանրապետությունից Հայաստանի Հանրապետություն տեղափոխվելուց հետո, փորձարկման համար, 2009 թվականի մայիսի վերջերին տեղադրվել են՝ ք. Երևան, Արաբկիր 17-րդ փողոց, տուն 2 հասցեում գտնվող առանձնատան 1-ին հարկի չբնակեցված տարծքում և համոզվելով, որ սարքավորումները պիտանի են շահագործման համար, արդեն 2009 թվականի հունիսի 1-ին, տեղափոխել են, նույն ժամանակահատվածում Մարիաննա Անատոլիի Կորյագինայի անվամբ կնքված պայմանագրով վարձակալված` Երևան քաղաքի Մ. Խորենացի 25ա շ., բն 7 հասցեում գտնվող բնակարան, որտեղ, այլ համակարգչային տեխնիկայի հետ միասին, դրանք տեղադրվել են օդորակիչով, էլեկտրաէներգիայի սնուցման վարդակներով և ինտերնետային հասանելիթյամբ ապահովված առանձնացված սենյակում և սկսել են շահագործվել, ընդ որում, սկզբնական շրջանում Արմեն Հախվերդյանը և Մարիաննա Կորյագինան սարքերը շահագործել են անձամբ, իսկ 2009 թվականի հուլիս ամսին, Արմեն Հախվերդյանը սարքավորումները շահագործելու համար, խմբում ընդգրկել է ընկերոջ որդուն՝ Վահե Գագիկի Ասիլբեկյանին, ամսեկան միջինը 120.000 դրամ վարձատրությամբ։
Ձևավորված կայուն հանցավոր խմբի կազմում, կատարված դերբախշմամբ, Արմեն Հախվերդյանը և Մարիաննա Կորյագինան անմիջականորեն ղեկավարել, վերահսկել և կոորդինացրել են ապօրինի գործունեությունը, ապահովել սարքավրումների սարքին վիճակը, <<Վիվասել>> և <<Օրանժ-Արմենիա>> առևտրային նշաններով բջջային բազմաթիվ հեռախոսաքարտերի, լիցքավորման քարտերի մատակարարումը, բնակարանի վարձակալության, կոմունալ և այլ ծախսերի վճարումը։ Բացի այդ, Արմեն Հախվերդյանի նախաձեռնությամբ, Երևան քաղաքի Մ. Խորենացի 25ա շ., բն. 7 հասցեում գտնվող բնակարանում գործող սարքի շահագործման համար անհրաժեշտ Teles VoIP BOX GSM FX տեսակի սարքը տեղադրվել և ինտերնետ հասանելիությամբ օգտագործվել է Հովհաննես Արարատի Նազարյանի, ՀՀ Արարատի մարզի Մասիս քաղաքի Նոր Թաղամաս հասցում գտնվող առանձնատանը։
Վահե Ասիլբեկյանն իր հերթին, ապօրինի ձեռք բերված և իրեն փոխանցված <<Վիվասել>> և <<Օրանժ-Արմենիա>> առևտրային նշաններով բջջային բազմաթիվ հեռախոսաքարտերը տեղադրել է սարքավորումներում և իրականացրել է արտասահմանից համացանցով ստացված զանգերի ուղղորդումները հասցեատերերին, ընդ որում, սարքերում օգտագործված հեռախոսաքարտերի արգելափակման դեպքերում, դրանք պարբերաբար փոփոխարինել է նոր հեռախոսաքարտերով, լիցքավորել գումարներով և այդ կերպ շարունակել ապօրինի գործունեությունը։ Բացի այդ, համացանցում հանդես գալով Արմեն Հախվերդյանի կողմից ՀՀ-ում հիմնադրված <<Արոսա Քոմյունիքեյշնս>> ՍՊ ընկերության և <<Վոիպշոպ>> միջազգային կազմակերպության անունից տեղադրել է հայտարարություններ, ըստ որի նրանց կողմից իբր մատուցվել են հեռախոսազանգերի ուղղորդման օրինական ծառայություներ, նշվել են հեռախոսազանգերի ուղղորդումների որակի, քանակի և գնի վերաբերյալ տեղեկություններ ու այդ հայտարարություններով ապահովվել են արտասահմանից իրենց միջոցով հեռախոսազանգերի ստացումը և ուղղորդումը։
2009 թվականի հունիսից 2010 թվականի օգոստոսի 10-ն ընկած ժամանակահատվածում ծավալված ապօրինի ձեռնարկատիրական գործունեության ընթացքում, ինտերնետի միջոցով արտասահմանից ստանալով ՀՀ միջազգային մուտքային հեռախոսազանգեր, նշված սարքավորումներով դրանք փոխակերպվել են տեղական միջօպերատորական հեռախոսազանգերի և վերջնավորումն իրականացվել է <<Ղարաբաղ Տելեկոմ>>, <<Ղ-Տելեկոմ>> և <<ԱրմենՏել>> բջջային օպերատորների ցանցում՝ չունենալով դրա համար անհրաժեշտ հանրային էլեկտրոնային հաղորդակցության ցանցերի շահագործման լիցենզիա և փոխկապակցման պայմանագիր տվյալ բջջային օպերատորի հետ։
Արդյունքում, ստացված միջազգային մուտքային զանգերը քողարկվել են նկարագրված եղանակով և մատուցվել որպես տեղական միջօպերատորական հեռախոսազանգեր, միջազգային մուտքային զանգերի համար սահմանված սակագնից ավելի էժան սակագնով, որի հետևանքով քննությամբ պարզված և հիմնավորված միայն 2010 թվականի ապրիլի 24-ից օգոստոսի 10-ը ներառյալ ընկած ժամանակահատվածում Հայաստանի Հանրապետությունում գործող բջջային օպերատորներին ընդհանուր առմամբ պատճառվել է առանձնապես խոշոր չափերի` 48.732.857,25 դրամ գումարի վնաս, որից <<Ղարաբաղ Տելեկոմ>> ՓԲ ընկերությանը՝ 43.160.208 դրամ, <<Ղ-Տելեկոմ>> ՓԲ ընկերությանը՝ 4.793.859,25 դրամ և <<ԱրմենՏել>> ՓԲ ընկերությանը` 778.790 դրամ, այսինքն հանցագործությունում, նախատեսված ՀՀ քրեական օրենսգրքի 188 հոդվածի 1-ին և 2-րդ կետերով։»։
Վահե Գագիկի Ասիլբեկյանին մեղադրանք է առաջադրվել ՀՀ քրեական օրենսգրքի 188-րդ հոդվածի 3-րդ մասի 1-ին և 2-րդ կետերով հետևյալ արարքի համար. «որ նա` նախնական համաձայնության մեջ մտնելով ՀՀ քաղաքացի՝ Արմեն Միխայիլի Հախվերդյանի և <<ԱրմենՏել>> ՓԲ ընկերության վաճառքի խթանման բաժնի նախկին պետ, ՌԴ քաղաքացի Մարիաննա Անատոլիի Կորյագինայի հետ, ձևավորել են կազմակերպված հանցավոր խումբ՝ առանց պետական գրանցման և առանց հատուկ թույլտվության (լիցենզիայի) լիցենզավորման ենթակա ձեռնարկատիրական գործունեություն իրականացնելու համար։
Այսպես.
Հանցավոր գործունեությունը սկսելով, Արմեն Հախվերդյանը և Մարիաննա Կորյագինան ՀՀ քաղաքացի Արմեն Սերգեյի Վարդանյանից 38.000 եվրո գումարով գնել են <<TELES>> ֆիրմայի գործարանային արտադրության` հեռախոսազանգերի ուղղորդումների համար նախատեսված սարքավորումներ, որոնք Գերմանիայի Դաշնային Հանրապետությունից Հայաստանի Հանրապետություն տեղափոխվելուց հետո, փորձարկման համար 2009 թվականի մայիսի վերջերին տեղադրվել են՝ ք. Երևան, Արաբկիր 17-րդ փողոց, տուն 2 հասցեում գտնվող առանձնատան 1-ին հարկի չբնակեցված տարծքում և համոզվելով, որ սարքավորումները պիտանի են շահագործման համար, արդեն 2009 թվականի հունիսի 1-ին, տեղափոխել են, նույն ժամանակահատվածում Մարիաննա Անատոլիի Կորյագինայի անվամբ կնքված պայմանագրով վարձակալված` Երևան քաղաքի Մ. Խորենացի 25ա շ., բն 7 հասցեում գտնվող բնակարան, որտեղ, այլ համակարգչային տեխնիկայի հետ միասին, դրանք տեղադրվել են օդորակիչով, էլեկտրաէներգիայի սնուցման վարդակներով և ինտերնետային հասանելիթյամբ ապահովված առանձնացված սենյակում և սկսել են շահագործվել, ընդ որում, սկզբնական շրջանում Արմեն Հախվերդյանը և Մարիաննա Կորյագինան սարքերը շահագործել են անձամբ, իսկ 2009 թվականի հուլիս ամսին, Արմեն Հախվերդյանը սարքավորումները շահագործելու համար, խմբում ընդգրկել է ընկերոջ որդուն՝ Վահե Գագիկի Ասիլբեկյանին, ամսեկան միջինը 120.000 դրամ վարձատրությամբ։
Ձևավորված կայուն հանցավոր խմբի կազմում, կատարված դերբախշմամբ, Արմեն Հախվերդյանը և Մարիաննա Կորյագինան անմիջականորեն ղեկավարել, վերահսկել և կոորդինացրել են ապօրինի գործունեությունը, ապահովել սարքավրումների սարքին վիճակը, <<Վիվասել>> և <<Օրանժ-Արմենիա>> առևտրային նշաններով բջջային բազմաթիվ հեռախոսաքարտերի, լիցքավորման քարտերի մատակարարումը, բնակարանի վարձակալության, կոմունալ ծախսերի և Վահե Ասիլբեկյանի վարձատրության գումարների վճարումը։ Բացի այդ, Արմեն Հախվերդյանի նախաձեռնությամբ, Երևան քաղաքի Մ. Խորենացի 25ա շ., բն. 7 հասցեում գտնվող բնակարանում գործող սարքի շահագործման համար անհրաժեշտ Teles VoIP BOX GSM FX տեսակի սարքը տեղադրվել և ինտերնետ հասանելիությամբ օգտագործվել է Հովհաննես Արարատի Նազարյանի, ՀՀ Արարատի մարզի Մասիս քաղաքի Նոր Թաղամաս հասցում գտնվող առանձնատանը։
Վահե Ասիլբեկյանն իր հերթին, ապօրինի ձեռք բերված և նրան փոխանցված <<Վիվասել>> և <<Օրանժ-Արմենիա>> առևտրային նշաններով բջջային բազմաթիվ հեռախոսաքարտերը տեղադրել է սարքավորումներում և իրականացրել է արտասահմանից համացանցով ստացված զանգերի ուղղորդումները հասցեատերերին, ընդ որում, սարքերում օգտագործված հեռախոսաքարտերի արգելափակման դեպքերում, դրանք պարբերաբար փոփոխարինել է նոր հեռախոսաքարտերով, լիցքավորել գումարներով և այդ կերպ շարունակել ապօրինի գործունեությունը։ Բացի այդ, համացանցում հանդես գալով Արմեն Հախվերդյանի կողմից ՀՀ-ում հիմնադրված <<Արոսա Քոմյունիքեյշնս>> ՍՊ ընկերության և <<Վոիպշոպ>> միջազգային կազմակերպության անունից տեղադրել է հայտարարություններ, ըստ որի նրանց կողմից իբր մատուցվել են հեռախոսազանգերի ուղղորդման օրինական ծառայություներ, նշվել են հեռախոսազանգերի ուղղորդումների որակի, քանակի և գնի վերաբերյալ տեղեկություններ ու այդ հայտարարություններով ապահովել են արտասահմանից իրենց միջոցով հեռախոսազանգերի ստացումը և ուղղորդումը։
2009 թվականի հունիսից 2010 թվականի օգոստոսի 10-ն ընկած ժամանակահատվածում ծավալված ապօրինի ձեռնարկատիրական գործունեության ընթացքում, ինտերնետի միջոցով արտասահմանից ստանալով ՀՀ միջազգային մուտքային հեռախոսազանգեր, նշված սարքավորումներով դրանք փոխակերպվել են տեղական միջօպերատորական հեռախոսազանգերի և վերջնավորումն իրականացվել է <<Ղարաբաղ Տելեկոմ>>, <<Ղ-Տելեկոմ>> և <<ԱրմենՏել>> բջջային օպերատորների ցանցում՝ չունենալով դրա համար անհրաժեշտ հանրային էլեկտրոնային հաղորդակցության ցանցերի շահագործման լիցենզիա և փոխկապակցման պայմանագիր տվյալ բջջային օպերատորի հետ։
Արդյունքում, ստացված միջազգային մուտքային զանգերը քողարկվել են նկարագրված եղանակով և մատուցվել որպես տեղական միջօպերատորական հեռախոսազանգեր, միջազգային մուտքային զանգերի համար սահմանված սակագնից ավելի էժան սակագնով, որի հետևանքով քննությամբ պարզված և հիմնավորված միայն 2010 թվականի ապրիլի 24-ից օգոստոսի 10-ը ներառյալ ընկած ժամանակահատվածում Հայաստանի Հանրապետությունում գործող բջջային օպերատորներին ընդհանուր առմամբ պատճառվել է առանձնապես խոշոր չափերի` 48.732.857,25 դրամ գումարի վնաս, որից <<Ղարաբաղ Տելեկոմ>> ՓԲ ընկերությանը՝ 43.160.208 դրամ, <<Ղ-Տելեկոմ>> ՓԲ ընկերությանը՝ 4.793.859,25 դրամ և <<ԱրմենՏել>> ՓԲ ընկերությանը` 778.790 դրամ, այսինքն հանցագործությունում, նախատեսված ՀՀ քրեական օրենսգրքի 188 հոդվածի 1-ին և 2-րդ կետերով։։»։
Քրեական գործի նախաքննության ընթացքում կատարվել է համակարգչատեխնիկական փորձաքննություն ՀՀ ԳԱԱ «Փորձաքննությունների ազգային բյուրո» պետական ոչ առևտրային կազմակերպության կողմից։ Համաձայն քրեական գործում առկա հանձնման-ընդունման արձանագրության` փորձաքննության արժեքը կազմել է 1.511.400 /մեկ միլիոն հինգ հարյուր տասնմեկ հազար չորս հարյուր/ ՀՀ դրամ գումար /հատոր 6, գ.թ. 115/։
2011թ. օգոստոսի 2-ին, դատական նիստում, մինչև դատաքննությունն սկսելը, ամբաստանյալ Արմեն Հախվերդյանի պաշտպան Ռ. Ղազարյանը դատարանին հայտնեց, որ ամբաստանյալների հարազատների կողմից տուժողներին հանցագործությամբ պատճառված վնասն ամբողջությամբ վերականգնվել է, տուժող կողմն ամբաստանյալների նկատմամբ որևէ պահանջ չունի։ Պաշտպանը դատարանին ներկայացրեց` Արթուր Ղազարյանի /անձնագիր AK0370357/ կողմից, 2011թ. հուլիսի 28-ին «ԱրմենՏել» ՓԲԸ-ի հաշվին 778.790 /յոթ հարյուր յոթանասունութ հազար յոթ հարյուր իննսուն/ ՀՀ դրամ, 2011թ. հուլիսի 29-ին «Ղարաբաղ Տելեկոմ» ՓԲԸ-ի հաշվին 43.160.208 /քառասուներեք միլիոն հարյուր վաթսուն հազար երկու հարյուր ութ/ ՀՀ դրամ և «Ղ.-Տելեկոմ» ՓԲԸ-ի հաշվին 4.793.860 /չորս միլիոն յոթ հարյուր իննսուներեք հազար ութ հարյուր վաթսուն/ ՀՀ դրամ գումար մուծված լինելու վերաբերյալ վճարման անդորրագրերը, տուժողների գրություններն այդ մասին և միջնորդեց քրեական գործի վարույթը կարճել` հաշվի առնելով Հայաստանի Հանրապետության քրեական օրենսգրքում տեղի ունեցած փոփոխությունները։
Ամբաստանյալ Վահե Ասիլբեկյանի պաշտպան Ն. Միքայելյանը միացավ պաշտպան Ռ. Ղազարյանի միջնորդությանը և դատարանին միջնորդեց քրեական գործի վարույթը կարճել` հաշվի առնելով Հայաստանի Հանրապետության քրեական օրենսգրքում տեղի ունեցած փոփոխությունները։
Ամբաստանյալները միացան պաշտպանների միջնորդությանը։
Տուժող «ԱրմենՏել» ՓԲ ընկերության ներկայացուցիչ Հ. Գրիգորյանը միջնորդության դեմ չառարկեց և դատարանին հայտնեց, որ «ԱրմենՏել» ՓԲ ընկերությանը հանցագործությամբ պատճառված վնասն ամբաստանյալների հարազատների կողմից ամբողջությամբ վերականգնվել է, հաշվարկված տույժեր և տուգանքներ չկան, ընկերությունն ամբաստանյալների նկատմամբ որևէ պահանջ չունի։
Մեղադրողը միջնորդության դեմ չառարկեց։
Պատճառված վնասի նկատմամբ տույժեր և տուգանքներ հաշվարկված լինելու, Արթուր Ղազարյանի կողմից տուժողներին վճարված գումարը որպես ամբաստանյալների կողմից պատճառված վնասի փոխհատուցում ընդունված լինելու վերաբերյալ դատարանի կողմից կատարված հարցումներին ի պատասխան, 05.08.2011թ. դատարան է ստացվել «Ղ-Տելեկոմ» ՓԲ ընկերության ներկայացուցիչ Ս. Բադիրյանի 05.08.2011թ. գրությունը հետևյալ բովանդակությամբ. «Ի պատասխան Ձեր 03.08.2011թ. թիվ ԴԴ17Ե-20779 գրության հայտնվում է, որ առաջադրված մեղադրանքների` Արմեն Միխայիլի Հախվերդյանի և Վահե Գագիկի Ասիլբեկյանի կողմից «Ղ-Տելեկոմ» ՓԲԸ-ին պատճառված վնասը 4.793.859,25 /չորս միլիոն յոթ հարյուր իննսուներեք հազար ութ հարյուր հիսունինը/ ՀՀ դրամ ամբողջությամբ հատուցված է։
Միաժամանակ հայտնվում է, որ այդ վնասի մասով տույժեր և տուգանքներ չեն հաշվարկվել։»։
09.08.2011թ. դատարան է ստացվել «Ղարաբաղ-Տելեկոմ» ՓԲ ընկերության գլխավոր տնօրեն Ռ. Յիրիկյանի 05.08.2011թ. գրությունը հետևյալ բովանդակությամբ. «Ի պատասխան Ձեր 2011թ. օգոստոսի 3-ի թիվ ԴԴ17Ե-20776 գրության տեղեկացնում ենք, որ Արմեն Միխայիլի Հախվերդյանի և Վահե Գագիկի Ասիլբեկյանի կողմից «Ղարաբաղ-Տելեկոմ» ՓԲԸ-ին պատճառված 43.150.208 դրամի չափով վնասը լրիվությամբ հատուցվել է և այդ վնասի մասով որևէ տույժեր և տուգանքներ չեն հաշվարկվել։»։
09.08.2011թ. դատարան է ստացվել «ԱրմենՏել» ՓԲ ընկերության իրավաբանական տնօրինության տնօրեն Դ. Սանդուչյանի 08.08.2011թ. թիվ 00269/11-N10 գրությունը հետևյալ բովանդակությամբ. «Ի պատասխան Ձեր 03.08.2011թ. թիվ ԴԴ17Ե-20777 գրությանը` ուղղված «ԱրմենՏել» ՓԲԸ Գլխավոր տնօրենին, հայտնում ենք, որ Երևանի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի վարույթում ըստ մեղադրանքի Արմեն Միխայիլի Հախվերդյանի` ՀՀ քրեական օրենսգրքի 188-րդ հոդվածի 3-րդ մասի 1-ին, 2-րդ կետերով և Վահե Գագիկի Ասիլբեկյանի` ՀՀ քրեական օրենսգրքի 188-րդ հոդվածի 3-րդ մասի 1-ին, 2-րդ կետերով, քննվող թիվ 0136/01/11 /58210810/ քրեական գործի մինչդատական վարույթի ընթացքում հիմնավորվել է, որ անօրինական հեռախոսազանգերի ուղղորդումների հետևանքով «ԱրմենՏել» ՓԲԸ-ին հասցվել է 778.790 ՀՀ դրամի նյութական վնաս։
Հայտնում ենք, որ պատճառված վնասի մասով մեր կողմից տույժեր, տուգանքներ չի հաշվարկվել և հասցված վնասը` 778790 ՀՀ դրամ ամբողջությամբ վերականգնվել է։ Ընկերությունը նշված անձանց հանդեպ սույն գործի շրջանակներում այլ պահանջ չունի։»։
2011թ. օգոստոսի 12-ի դատական նիստում, տուժող «Ղ-Տելեկոմ» ՓԲ ընկերության ներկայացուցիչ Ս. Բադիրյանը միջնորդության դեմ չառարկեց և դատարանին հայտնեց, որ «Ղ-Տելեկոմ» ՓԲ ընկերությանը հանցագործությամբ պատճառված վնասն ամբաստանյալների հարազատների կողմից ամբողջությամբ վերականգնվել է, այդ վնասի մասով տույժեր և տուգանքներ չեն հաշվարկվել, ընկերությունը ամբաստանյալների նկատմամբ որևէ պահանջ չունի։
Քննարկելով պաշտպանի միջնորդությունը` դատարանը գտնում է հետևյալը.
ՀՀ քրեական օրենսգրքի 18-րդ հոդվածի 1-ին մասի համաձայն` «Հանցագործություն է համարվում մեղավորությամբ կատարված` հանրության համար վտանգավոր այն արարքը, որը նախատեuված է uույն oրենuգրքով։»։
ՀՀ քրեական օրենսգրքի 72-րդ հոդվածի համաձայն` «Առաջին անգամ ոչ մեծ ծանրության կամ միջին ծանրության հանցանք կատարած անձը կարող է ազատվել քրեական պատասխանատվությունից, եթե նա հանցանք կատարելուց հետո կամովին ներկայացել է մեղայականով, աջակցել է հանցագործությունը բացահայտելուն, հատուցել կամ այլ կերպ հարթել է հանցագործությամբ պատճառված վնասը։
2. Այլ տեսակի հանցանք կատարած անձը քրեական պատասխանատվությունից ազատվում է միայն սույն օրենսգրքի Հատուկ մասի հոդվածով հատկապես նախատեսված դեպքերում։»։
ՀՀ քրեական օրենսգրքի 189-րդ հոդվածի 5-րդ մասի համաձայն` «Սույն օրենսգրքի 188-րդ, 189-րդ, 193-րդ, 194-րդ, 205-րդ և 206-րդ հոդվածներով նախատեսված արարքները կատարած անձն ազատվում է քրեական պատասխանատվությունից, եթե նա հատուցում է հանցագործությամբ պատճառված վնասը և հաշվարկված տույժերն ու տուգանքները։»։
Դատական քննությամբ հիմնավորվել է, որ տուժող «ԱրմենՏել» ՓԲԸ-ին պատճառված 778.790 /յոթ հարյուր յոթանասունութ հազար յոթ հարյուր իննսուն/ ՀՀ դրամ գումարի չափով վնասը, «Ղ-Տելեկոմ» ՓԲԸ-ին պատճառված 4.793.859,25 /չորս միլիոն յոթ հարյուր իննսուներեք հազար ութ հարյուր հիսունինը/ ՀՀ դրամ գումարի չափով վնասը, «Ղարաբաղ-Տելեկոմ» ՓԲԸ-ին պատճառված 43.160.208 /քառասուներեք միլիոն հարյուր վաթսուն հազար երկու հարյուր ութ/ ՀՀ դրամ գումարի չափով վնասը ամբաստանյալների հարազատների կողմից հատուցվել են, այդ վնասներից որևէ մեկի մասով տույժեր և տուգանքներ չեն հաշվարկվել, տուժողներից որևէ մեկը ամբաստանյալներից որևէ մեկի դեմ, որևէ պահանջ չի ներկայացնում, տուժողների և ամբաստանյալների միջև հատուցման ենթակա վնասի կապակցությամբ վեճ առկա չէ։
Հաշվի առնելով գործի հանգամանքները և վերոգրյալը` դատարանը գտնում է, որ գործի վարույթը ենթակա է կարճման, ամբաստանյալներ Արմեն Միխայիլի Հախվերդյանի և Վահե Գագիկի Ասիլբեկյանի նկատմամբ քրեական հետապնդումը ենթակա է դադարեցման, իսկ նրանց նկատմամբ ընտրված խափանման միջոց կալանավորումը ենթակա է վերացման։
Քննարկելով դատական ծախսերի հարցը` դատարանը գտնում է, որ ամբաստանյալներ Արմեն Միխայիլի Հախվերդյանից և Վահե Գագիկի Ասիլբեկյանից համապարտորեն, հօգուտ ՀՀ պետական բյուջեյի բռնագանձման է ենթակա 1.511.400 /մեկ միլիոն հինգ հարյուր տասնմեկ հազար չորս հարյուր/ ՀՀ դրամ գումար` որպես դատական ծախսեր։
Քննարկելով գույքի վրա դրված կալանքի հարցը` դատարանը գտնում է, որ Արմեն Միխայիլի Հախվերդյանի գույքի և «Էյչ-Էս-Բի-Սի Բանկ Հայաստան» ՓԲ ընկերությունում սպասարկվող բոլոր հաշվեհամարներում առկա գումարների վրա նախաքննության մարմնի 07.09.2010թ. և 21.01.2011թ. որոշումներով դրված կալանքը պետք է թողնել անփոփոխ` մինչև դատական ծախսերի` 1.511.400 /մեկ միլիոն հինգ հարյուր տասնմեկ հազար չորս հարյուր/ ՀՀ դրամ գումարի բռնագանձման մասով որոշման կատարումը, որից հետո նշված որոշումներով դրված կալանքը պետք է վերացնել։
Քննարկելով իրեղեն ապացույցների հարցը` դատարանը գտնում է, որ 2011թ. մայիսի 26-ի որոշմամբ իրեղեն ապացույցներ ճանաչված սարքավորումները, դյուրակիր համակարգիչները, հիշողության կրիչը /ֆլեշ/, 87 հատ «Սիմ» քարտերը, 106 հատ չօգտագործված «Սիմ» քարտերը, «Սամսունգ T-100», «Նոկիա 2100», «Սիմենս CF62T», «Սամսունգ M620», «Նոկիա 1600» մոդելի բջջային հեռախոսափողերը պետք է բռնագրավել և հանձնել ՀՀ տրանսպորտի և կապի նախարարության տնօրինմանը, իսկ 587 հատ «Օրանժ-Արմենիա» բջջային հեռախոսաքարտերի տուփերը, 1154 հատ «Օրանժ-Արմենիա» օգտագործված լիցքավորման քարտերը, 1089 հատ «Վիվասել» առևտրային նշանով բջջային հեռախոսաքարտերի դատարկ տուփերը պետք է ոչնչացնել։
Վերոգրյալների հիման վրա և ղեկավարվելով ՀՀ քրեական դատավարության օրենսգրքի` 35-րդ, 37-րդ, 41-րդ, 312-րդ, 313-րդ հոդվածներով, դատարանը


Ո Ր Ո Շ Ե Ց


ԵԿԴ-0136/01/11 (58210810) քրեական գործով ըստ մեղադրանքի Արմեն Միխայիլի Հախվերդյանի և Վահե Գագիկի Ասիլբեկյանի` ՀՀ քրեական օրենսգրքի 188-րդ հոդվածի 3-րդ մասի 1-ին, 2-րդ կետերով
1/ ամբաստանյալ Արմեն Միխայիլի Հախվերդյանի /մեղադրվում է ՀՀ քրեական օրենսգրքի 188-րդ հոդվածի 3-րդ մասի 1-ին, 2-րդ կետերով/ նկատմամբ քրեական հետապնդումը դադարեցնել` հանցագործությամբ պատճառված վնասը հատուցված լինելու պատճառաբանությամբ։
Արմեն Միխայիլի Հախվերդյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստի դահլիճում։
2/ ամբաստանյալ Վահե Գագիկի Ասիլբեկյանի /մեղադրվում է ՀՀ քրեական օրենսգրքի 188-րդ հոդվածի 3-րդ մասի 1-ին, 2-րդ կետերով/ նկատմամբ քրեական հետապնդումը դադարեցնել` հանցագործությամբ պատճառված վնասը հատուցված լինելու պատճառաբանությամբ։
Վահե Գագիկի Ասիլբեկյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստի դահլիճում։
Ամբաստանյալներ Արմեն Հախվերդյանի և Վահե Ասիլբեկյանի մասով քրեական գործի վարույթը կարճել։
Ամբաստանյալներ Արմեն Միխայիլի Հախվերդյանից և Վահե Գագիկի Ասիլբեկյանից համապարտորեն, հօգուտ ՀՀ պետական բյուջեյի բռնագանձել 1.511.400 /մեկ միլիոն հինգ հարյուր տասնմեկ հազար չորս հարյուր/ ՀՀ դրամ գումար` որպես դատական ծախսեր։
Արմեն Միխայիլի Հախվերդյանի գույքի և «Էյչ-Էս-Բի-Սի Բանկ Հայաստան» ՓԲ ընկերությունում սպասարկվող բոլոր հաշվեհամարներում առկա գումարների վրա նախաքննության մարմնի 07.09.2010թ. և 21.01.2011թ. որոշումներով դրված կալանքը թողնել անփոփոխ` մինչև դատական ծախսերի` 1.511.400 /մեկ միլիոն հինգ հարյուր տասնմեկ հազար չորս հարյուր/ ՀՀ դրամ գումարի բռնագանձման մասով որոշման կատարումը, որից հետո նշված որոշումներով դրված կալանքը վերացնել։
Իրեղեն ապացույցներ ճանաչված սարքավորումները, դյուրակիր համակարգիչները, հիշողության կրիչը /ֆլեշ/, 87 հատ «Սիմ» քարտերը, 106 հատ չօգտագործված «Սիմ» քարտերը, «Սամսունգ T-100», «Նոկիա 2100», «Սիմենս CF62T», «Սամսունգ M620», «Նոկիա 1600» մոդելի բջջային հեռախոսափողերը բռնագրավել և հանձնել ՀՀ տրանսպորտի և կապի նախարարության տնօրինմանը, իսկ 587 հատ «Օրանժ-Արմենիա» բջջային հեռախոսաքարտերի տուփերը, 1154 հատ «Օրանժ-Արմենիա» օգտագործված լիցքավորման քարտերը, 1089 հատ «Վիվասել» առևտրային նշանով բջջային հեռախոսաքարտերի դատարկ տուփերը` ոչնչացնել։
Սույն որոշումը կարող է բողոքարկվել ՀՀ վերաքննիչ քրեական դատարան` հրապարակվելու օրվանից հետո մեկամսյա ժամկետում։


ԴԱՏԱՎՈՐ՝ Մ. ՄԱՐՏԻՐՈՍՅԱՆ