գործ` ԵԿԴ/0131/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Ղամբարյանի
մասնակցությամբ` մեղադրող` Հայկ Էյրամջյանի
պաշտպան` Հենրիկ Բաղդասարյանի

2011 թվականի սեպտեմբերի 06-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Արա Արշակի Ղահրամանյանի` ծնված 17.09.1961 թվականին, Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 1 անձ, նախկինում 7 անգամ դատված`
1. 26 Կոմիսարների ժողդատարանի 14.11.1985 թվականի դատավճռով ՀՀ քրեական օրենսգրքի 143 հոդվածի 3-րդ մասով դատապարտվել է ազատազրկման 4 տարի ժամկետով, Նաիրիի ժողդատարանի 15.12.1987 թվականի որոշմամբ ՀՀ քրեական օրոնսգրքի 49 հոդվածի 2-րդ մասի համաձայն պայմանական վաղակետ ազատվել է 9 ամիս 13 օր պատիժը կրելուց,
2. Սովետականի շրջանի ժողդատարանի 18.05.1990 թվականի դատավճռով ՀՀ քրեական օրենսգրքի 143 հոդվածի 2-րդ մասով դատապարտվել է ազատազրկման 3 տարի ժամկետով,
3. Արաբկիրի ժողդատարանի 24.05.2000 թվականի դատավճռով ՀՀ քրեական օրենսգրքի 15-92 հոդվածի 1-ին մասով դատապարտվել է 40.000 ՀՀ դրամ տուգանքի,
4. Արաբկիրի ժողդատարանի 06.07.2000 թվականի դատավճռով ՀՀ քրեական օրենսգրքի 15-92 հոդվածի 1-ին մասով դատապարտվել է 50.000 ՀՀ դրամ տուգանքի,
5. Շահումյանի շրջանի ժողդատարանի 09.04.2011 թվականի դատավճռով ՀՀ քրեական օրենսգրքի 86 հոդվածի 2-րդ մասով դատապարտվել է ազատազրկման 2 տարի 6 ամիս ժամկետով, 14.12.2001 թվականին պայմանական վաղակետ ազատվել է պատժի կրումից,
6. Արաբկիրի ժողդատարանի 29.08.2003 թվականի դատավճռով ՀՀ քրեական օրենսգրքի 92 հոդվածի 2-րդ մասով դատապարտվել է ազատազրկման 6 ամիս 10 օր ժամկետով, 23.10.2003 թվականին պայմանական վաղակետ ազատվել է 1 ամիս 26 օր պատժի կրումից,
7. Մաշտոցի ժողդատարանի 18.03.2005 թվականի դատավճռով ՀՀ քրեական օրենսգրքի 34-177 հոդվածի 3-րդ մասի 3-րդ կետով դատապարտվել է ազատազրկման 4 տարի 6 ամիս ժամկետով` առանց գույքի բռնագրավման, 06.05.2009 թվականին պայմանական վաղակետ ազատվել է 2 ամիս 14 օր պատժի կրումից, դատվածությունը չմարված, չի աշխատել, հաշվառված և բնակվել է Երևան քաղաքի, Սարի Թաղի 5-րդ փողոց, 51 տանը, կալանքի տակ է 11.05.2011 թվականից:
Արա Արշակի Ղահրամանյանը մեղադրվում է ՀՀ քրեական օրենսգրքի 34-177 հոդվածի 2-րդ մասի 3-րդ կետով և ՀՀ քրեական օրենսգրքի 177 հոդվածի 2-րդ մասի 3-րդ կետով:
14.05.2011 թվականի որոշմամբ Արա Արշակի Ղահրամանյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

ՙՆորք Մարաշ՚ սրտաբանական հիվանդանոցից գողություն կատարելու կասկածանքով 2011 թվականի մայիսի 10-ին, ժամը 2000-ին ՀՀ ոստիկանության Կենտրոնականի բաժնի Մարաշի բաժանմունք բերման է ենթարկվել Երևան քաղաքի Սարի Թաղի 5-րդ փողոցի 51 տան բնակիչ Արա Արշակի Ղահրամանյանը:
Փաստի առթիվ ՀՀ ոստիկանության Կենտրոնականի քննչական բաժնում 2011 թվականի մայիսի 11-ին ՀՀ քրեական օրենսգրքի 177 հոդվածի 3-րդ մասի 3-րդ կետի հատկանիշներով հարուցվել է թիվ 13128511 քրեական գործը:
ՀՀ քրեական օրենսգրքի 177 հոդվածի 3-րդ մասի 3-րդ կետով նախատեսված հանցանք կատարելու կասկածանքով 2011 թվականի մայիսի 11-ին Արա Արշակի Ղահրամանյանը ձերբակալվել է:
2011 թվականի մայիսի 14-ի որոշմամբ Արա Արշակի Ղահրամանյանը ՀՀ քրեական օրենսգրքի 177 հոդվածի 3-րդ մասի 3-րդ կետով ներգրավվել է որպես մեղադրյալ, նույն օրը նրա նկատմամբ որպես խափանման միջոց է ընտրվել կալանավորումը:
ՀՀ ոստիկանության Մաշտոցի քննչական բաժնից 2011 թվականի մայիսի 18-ին ստացված գրության համաձայն` Ս.Վ.Մալայանի անվան ակնաբուժական կլինիկայի 327-րդ աշխատասենյակից կատարված գողության փաստով Մաշտոցի քննչական բաժնում 2011 թվականի ապրիլի 21-ին ՀՀ քրեական օրենսգրքի 177 հոդվածի 2-րդ մասի 3-րդ կետով հարուցվել է թիվ 1019911 քրեական գործը:
Նախաքննության ընթացքում պարզվել է, որ նշված հանցագործությունը կատարվել է Արա Արշակի Ղահրամանյանի կողմից:
Նկատի ունենալով այն հանգամանքը, որ մեկ անձի կողմից կատարված մի քանի հանցագործությունները պետք է քննվեն մեկ վարույթում, ուստի Մաշտոցի քննչական բաժնի քննիչ Վ.Պողոսյանի կողմից 2011 թվականի մայիսի 18-ին որոշմամբ` ՀՀ ոստիկանության Կենտրոնականի քննչական բաժնում քննվող թիվ 13128511 քրեական գործին միացնելու և համատեղ քննություն կատարելու համար թիվ 10109911 քրեական գործն ուղարկվել է ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժին:
ՀՀ ոստիկանության Կենտրոնականի քննչական բաժնի քննիչ Գ.Սաղոյանի 2011 թվականի մայիսի 21-ի որոշմամբ թիվ 10109911 քրեական գործն ընդունվել է վարույթ, միացվել թիվ 13128511 քրեակակն գործին` մեկ վարույթում քննելու համար:
2011 թվականի հունիսի 28-ի որոշմամբ Արա Արշակի Ղահրամանյանին` ՀՀ քրեական օրենսգրքի 177 հոդվածի 3-րդ մասի 3-րդ կետով առաջադրված մեղադրանքը փոփոխվել և նրան նոր մեղադրանք է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 34-177 հոդվածի 2-րդ մասի 3-րդ կետով:
2011 թվականի հունիսի 28-ի որոշմամբ` Երևանի ՙՆորք Մարաշ՚ բժշկական կենտրոնի սրտաբանական կլինիկայի 2-րդ հարկից 2010 թվականի մայիսի 10-ին գողության նախապատրաստություն կատարելու համար Արա Արշակի Ղահրամանյանի նկատմամբ քրեական հետապնդում չի իրականացվել` հանցակազմի բացակայության հիմքով:
2011 թվականի հունիսի 28-ի որոշմամբ Արա Արշակի Ղահրամանյանի անվամբ գրանցված անշարժ գույքի վրա կալանք է դրվել:
Նախաքննական մարմնի կողմից Արա Արշակի Ղահրամանյանին ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 34-177 հոդվածի 2-րդ մասի 3-րդ կետով մեղադրանքներ է առաջադրվել այն բանի համար, որ նա շինություն ապօրինի մուտք գործելով կատարել է ուրիշի գույքի զգալի չափերով գաղտնի հափշտակություն` գողություն, ինչպես նաև շինություն ապօրինի մուտք գործելով փորձել¬ է կատարել ուրիշի գույքի զգալի չափերով գաղտնի հափշտակություն` գողություն.
Երևան քաղաքի Սարի Թաղի 5-րդ փողոցի 51 տան բնակիչ, ամբաստանյալ Արա Արշակի Ղահրամանյանը 2009 թվականի նոյեմբեր ամսին, քննությամբ չպարզված օրը, գողություն կատարելու նպատակով գնացել է Երևան քաղաքի Արմենակյան փողոցի թիվ 13 հասցեում գործող ՙՆորք-Մարաշ՚ բժշկական կենտրոն: Մտնելով կենտրոնի սրտաբանական կլինիկա, բարձրացել է երկրորդ հարկ, մոտեցել է կլինիկայի մայրապետ` գործով տուժող Զեփյուռ Գեորգիի Սարգսյանի աշխատասենյակին և նախապես իր մոտ եղած պտուտակահանով դռան փականը բացելու միջոցով ապօրինի մուտք է գործել մայրապետերի սենյակ, որտեղ դրված պայուսակից գաղտնի հափշտակել գործով տուժող` մայրապետ Զեփյուռ Սարգսյանին պատկանող զգալի չափերի` 5.000 ՀՀ դրամ արժողությամբ դրամապանակը և 15.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, շուրջ մեկ ամիս անց` 2009 թվականի դեկտեմբեր ամսին, քննությամբ չպարզված օրը, ամբաստանյալ Արա Արշակի Ղահրամանյանը գողություն կատարելու նպատակով գնացել է ՙՆորք-Մարաշ՚ բժշկական կենտրոնի սրտաբանական կլինիկա, որտեղ նախապես իր մոտ եղած ինքնաշեն պտուտակահանով դռան փականը բացելու միջոցով ապօրինի մուտք է գործել ՙՆորք-Մարաշ՚ բժշկական կենտրոնի սրտաբանական կլինիկայի բժիշկ-սրտաբան, գործով տուժող Արմինե Արամայիսի Թորոսյանի աշխատասենյակ, որտեղ դրված պայուսակից գաղտնի հափշտակել է վերջինիս պատկանող զգալի չափերի` 20.000 ՀՀ դրամ արժողությամբ դրամապանակը և դրա մեջ եղած 20.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2010 թվականի հունվար ամսին, քննությամբ չպարզված օրը և ժամին, Արա Արշակի Ղահրամանյանը գողություն կատարելու նպատակով գնացել է ՙՆորք-Մարաշ՚ բժշկական կենտրոն, որտեղ իր մոտ եղած պտուտակահանով դռան փականը բացելու միջոցով ապօրինի մուտք է գործել կլինիկայի բժիշկ-սրտաբան, գործով տուժող Արևիկ Ղուկասի Ստեփանյանի աշխատասենյակ և պայուսակի միջից գաղտնի հափշտակել է վերջինիս պատկանող զգալի չափերի` 30.000 ՀՀ դրամ արժողությամբ դրամապանակը և դրա մեջ եղած 30.000 ՀՀ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2010 թվականի մարտ ամսին, քննությամբ չպարզված օրը և ժամին, Արա Արշակի Ղահրամանյանը գողություն կատարելու նպատակով գնացել է ՙՆորք-Մարաշ՚ բժշկական կենտրոնի սրտաբանական կլինիկա, որտեղ իր մոտ եղած պտուտակահանով դռան փականը բացելու միջոցով ապօրինի մուտք է գործել կլինիկայի բժիշկ-սրտաբան, տուժող Արևիկ Ղուկասի Ստեփանյանի աշխատասենյակ և սենյակում դրված պայուսակից գաղտնի հափշտակել է վերջինիս պատկանող զգալի չափերի` 20.000 ՀՀ դրամ արժողությամբ դրամապանակը և դրա մեջ եղած 5.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2010 թվականի սեպտեմբերի 3-ից մինչև սեպտեմբերի 10-ն ընկած ժամանակահատվածում, քննությամբ չպարզված օրը և ժամին, գողություն կատարելու նպատակով Արա Արշակի Ղահրամանյանը գնացել է ՙՆորք-Մարաշ՚ բժշկական կենտրոնի սրտաբանական կլինիկա, որտեղ իր կողմից պատրաստված պտուտակահանով դռան փականը բացելու միջոցով ապօրինի մուտք է գործել կլինիկայի ղեկավար, գործով տուժող Կարինե Վարդանի Սարգսյանի հանգստի սենյակ, բացելով զգեստապահարանի դուռը այնտեղից գաղտնի հափշտակել վերջինիս պատկանող զգալի չափերի` 60.000 ՀՀ դրամ արժողությամբ դրամապանակը, 50.000 դրամ արժողությամբ կոսմետիկայի պարագաները և 60.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2010 թվականի դեկտեմբերի 20-ից մինչև դեկտեմբերի 25-ն ընկած ժամանակահատվածում, քննությամբ չպարզված օրը և ժամի, Արա Արշակի Ղահրամանյանը գողություն կատարելու նպատակով գնացել է ՙՆորք-Մարաշ՚ բժշկական կենտրոնի սրտաբանական կլինիկա, որտեղ նախապես իր մոտ եղած պտուտակահանով դռան փականը բացելու միջոցով ապօրինի մուտք է գործել կլինիկայի ղեկավար, գործով տուժող Կարինե Վարդանի Սարգսյանի հանգստի սենյակ և պայուսակի մեջ դրված դրամապանակից գաղտնի հափշտակել վերջինիս պատկանող զգալի չափերի` 15.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2011 թվականի մարտ ամսին, քննությամբ չպարզված օրը և ժամի, Արա Արշակի Ղահրամանյանը գողություն կատարելու նպատակով գնացել է Երևան քաղաքի Մարգարյան փողոցի թիվ 6 հասցեում գործող ՙԱրմենիա՚ հանրապետական բժշկական կենտրոն, որտեղ նախապես իր մոտ եղած պտուտակահանի գործադրմամբ դռան փականը բացելու միջոցով ապօրինի մուտք է գործել բուժքույր, գործով տուժող Ռուզաննա Հովհաննեսի Ադոյանի աշխատասենյակ և պայուսակի միջից գաղտնի հափշտակել է վերջինիս պատկանող զգալի չափերի` 8.000 ՀՀ դրամ արժողությամբ դրամապանակը և դրա մեջ եղած 12.000 ՀՀ դրամ գումարը, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
Բացի այդ, 2011 թվականի մարտ ամսին, քննությամբ չպարզված օրը և ժամի, Արա Արշակի Ղահրամանյանը գողություն կատարելու նպատակով գնացել է Երևան քաղաքի Ֆուչիկի փողոցի թիվ 30 հասցեում գործող ՙՍ.Վ.Մալայանի անվան ակնաբուժական կենտրոն՚, որտեղ նախապես իր մոտ եղած պտուտակահանով փորձել է բացել ավագ բուժքույր, գործով տուժող Լարիսա Հարությունի Խաչատրյանի աշխատասենյակի դուռը, սակայն չկարողանալով այն բացել, իր կամքից անկախ հանգամանքներով հանցագործությունն ավարտին չի հասցրել ու հեռացել է այնտեղից:
Բացի այդ, 2011 թվականի մարտ ամսին, քննությամբ չպարզված օրը և ժամի, Արա Արշակի Ղահրամանյանը գողություն կատարելու նպատակով գնացել է Երևան քաղաքի Մարգարյան փողոցի թիվ 6 հասցեում գործող ՙԱրմենիա՚ հանրապետական բժշկական կենտրոն, որտեղ նախապես իր մոտ եղած պտուտակահանի գործադրմամբ դռան փականը բացելու միջոցով ապօրինի մուտք է գործել բուժքույր, գործով տուժող Մելանյա Վազգենի Մանուկյանի աշխատասենյակ, սակայն արժեքավոր ոչինչ չգտնելով հեռացել է` իր կամքից անկախ հանգամանքներով հանցագործությունն ավարտին չի հասցրել:
Բացի այդ, 2011 թվականի մարտ ամսին, քննությամբ չպարզված օրը և ժամի, Արա Արշակի Ղահրամանյանը գողություն կատարելու նպատակով գնացել է Երևան քաղաքի Մարգարյան փողոցի թիվ 6 հասցեում գործող ՙԱրմենիա՚ հանրապետական բժշկական կենտրոն, որտեղ նախապես իր մոտ եղած պտուտակահանի գործադրմամբ դռան փականը բացելու միջոցով ապօրինի մուտք է գործել ՙԱրմենիա՚ հանրապետական բժշկական կենտրոնի բժիշկ, գործով տուժող Սաթենիկ Աղասու Գաբրիելյանի աշխատասենյակ, սակայն արժեքավոր ոչինչ չգտնելով հեռացել է այնտեղից և իր կամքից անկախ հանգամանքներով հանցագործությունն ավարտին չի հասցրել:
Բացի այդ, 2011 թվականի ապրիլի 21-ին, ժամը 10:15-ից մինչև 12:00-ն ընկած ժամանակահատվածում, Արա Արշակի Ղահրամանյանը գողություն կատարելու նպատակով գնացել է ՙՍ.Վ.Մալայանի անվան ակնաբուժական կենտրոն՚, որտեղ նախապես իր մոտ եղած պտուտակահանի գործադրմամբ դռան փականը բացելու միջոցով ապօրինի մուտք է գործել բաժնի վարիչ, գործով տուժող Ելենա Ալեքսանդրի Մալայանի աշխատասենյակ և պահարանում դրված պայուսակի միջից գաղտնի հափշտակել է վերջինիս դրամապանակը, որի մեջ եղել է զգալի չափերի` 220.000 ՀՀ դրամին համարժեք 400 եվրո և 100.000 ՀՀ դրամ գումարները, նույն ճանապարհով դուրս է եկել այնտեղից: Գումարը ծախսել է իր անձնական կարիքների համար:
01.07.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Արա Արշակի Ղահրամանյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 06.07.2011 թվականին որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները.

Նկատի սունենալով այն հանգամանքը, որ Ա.Ղահրամանյանը հանցանքը կատարել է մինչև ՙՀՀ քրեական օրենսգրքում փոփոխություններ և լրացումներ կատարելու մասին՚ 2011 թվականի մայիսի 23-ի ՀՀ օրենքի ուժի մեջ մտնելը, իսկ ՀՀ քրեական օրենսգրքի 12-րդ հոդվածի համաձայն` ՙԱրարքի հանցավորությունը և պատժելիությունը որոշվում են դա կատարելու ժամանակ գործող քրեական օրենքով: Հանցանքը կատարելու ժամանակ է համարվում հանրության համար վտանգավոր գործողությունը (անգործությունը) իրականացնելու ժամանակը՝ անկախ հետևանքները վրա հասնելու պահից՚, ինչպես նաև հաշվի առնելով այն հանգամանքը, որ արարքի հանցավորությունը սահմանող, պատիժը խստացնող կամ հանցանք կատարած անձի վիճակն այլ կերպ վատթարացնող օրենքը հետադարձ ուժ չունի, ուստի դատարանը գտնում է, որ ամբաստանյալ Արա Արշակի Ղահրամանյանի նկատմամբ պետք է պատիժ նշանակել մինչև ՙՀՀ քրեական օրենսգրքում փոփոխություններ և լրացումներ կատարելու մասին՚ 2011 թվականի մայիսի 23-ի ՀՀ օրենքի ուժի մեջ մտնելու պահը գործող քրեական օրենսգրքի 177 հոդվածի 2-րդ մասի 3-րդ կետով, որի սանկցիան նախատեսել է` ՙԱզատազրկում` երկուսից վեց տարի ժամկետով՚, սակայն հաշվի առնելով նաև այն, որ նույն օրենքի 16-րդ հոդվածի 4-րդ մասի համաձայն` ՙ177 հոդվածի 2-րդ մասի սանկցիան շարադրել հետևյալ խմբագրությամբ` ՙՊատժվում է տուգանքով` նվազագույն աշխատավարձի հինգհարյուրապատիկից հազարապատիկի չափով, կամ ազատազրկմամբ` երկուսից հինգ տարի ժամկետով՚, դատարանը գտնում է, որ այս դեպքում Ա.Ղահրամանյանի նկատմամբ պետք է պատիժ նշանակել ՀՀ գործող քրեական օրենսգրքի 177 հոդվածի 2-րդ մասի սանկցիայով:
Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Արա Արշակի Ղահրամանյանը շինություն ապօրինի մուտք գործելով կատարել է ուրիշի գույքի զգալի չափերով գաղտնի հափշտակություն` գողություն, ինչպես նաև շինություն ապօրինի մուտք գործելով փորձել է կատարել ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 34-177 հոդվածի 2-րդ մասի 3-րդ կետով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Արա Արշակի Ղահրամանյանը անկեղծորեն խոստովանեց և զղջաց կատարած արարքի համար, բնութագրվում է դրականորեն, նախինում եղել է յոթ անգամ դատված:
Պատասխանատվությունը և պատիժը մեղմացնող ու ծանրացնող հանգամանքներ չկան:
Սույն քրեական գործով ամբաստանյալ Արա Աշոտի Ղահրամանյանին մեղադրանքներ է առաջադրվել ՀՀ քրեական օրենսգրքի 177 հոդվածի 2-րդ մասի 3-րդ կետով և ՀՀ քրեական օրենսգրքի 34-177 հոդվածի 2-րդ մասի 3-րդ կետով, որի սանկցիան նախատեսում է հետևյալ պատժատեսակները` ՙՏուգանք` նվազագույն աշխատավարձի հինգհարյուրապատիկից հազարապատիկի չափով կամ ազատազրկում` երկուսից հինգ տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալ Արա Արշակի Ղահրամանյանի նկատմամբ ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել, հետևյալ պատճառաբանությամբ.
Հաշվի առնելով այն հանգամանքը, որ Արա Աշոտի Ղահրամանյանը հայտնել է, որ ցանկանում է ունենալ պաշտպան, սակայն գտնվում է սոցիալապես ծանր վիճակում և խնդրել է տրամադրել հանրային պաշտպան, բացի այդ Ա.Ղահրամանյանը չի աշխատել, ուստի հիմնավոր կասկածներ կան, որ դատարանի կողմից նշանակված 500.000-ից 1.000.000 ՀՀ դրամ գումարի սահմաններում տուգանքի գումարը նա չի կարող միանվագ վճարել, ուստի վերը նշվածը հաշվի առնելով դատարանը գտնում է, որ ամբաստանյալ Արա Աշոտի Ղահրամանյանի նկատմամբ պետք է նշանակել ՀՀ քրեական օրենսգրքի 177-րդ հոդվածի 2-րդ մասի սանկցիայով նախատեսված ՙԱզատազրկում՚ պատժատեսակը:
Դատարանը քննության առնելով տուժող Ելենա Ալեքսանդրի Մալայանի կողմից ներկայացված 400 եվրո և 100.000 ՀՀ դրամ գումարի քաղաքացիական հայցը` որպես հանցագործությամբ պատճառված վնասի հատուցում, գտնում է, որ այն ենթակա է բավարարման ամբողջությամբ, ուստի ամբաստանյալ Արա Ղահրամանյանից հօգուտ տուժող Ելենա Ալեքսանդրի Մալայանի պետք է բռնագանձել 400 եվրոյին համարժեք 220.000 ՀՀ դրամ գումար և 100.000 ՀՀ դրամ գումար` որպես հանցագործությամբ պատճառված վնասի հատուցում:
28.06.2011 թվականի որոշմամբ Արա Արշակի Ղահրամանյանի անվամբ գրանցված անշարժ գույքի վրա դրված կալանքըª թողնել անփոփոխ` մինչև դատավճռով որոշված քաղաքացիական հայցի լրիվ բավարարումը:
ՀՀ Ազգային ժողովի կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետի համաձայն պատժից ազատվում են առավելագույնը երեք տարի ժամկետով ազատությունից զրկելու հետ կապված պատիժների դատապարտված անձինք: Նույն որոշման 15-րդ կետի համաձայն` սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2011 թվականի մայիսի 1-ը ներառյալ:
Նկատի ունենալով այն հանգամանքը, որ ամբաստանյալ Արա Աշոտի Ղահրամանյանը հանցանքը կատարել է մինչև 2011 թվականի մայիսի 01-ը, ուստի դատարանը գտնում է, որ Ա.Ղահրամանյանի նկատմամբ մինչև երեք տարի ժամկետով ազատազրկման ձևով պատիժ նշանակելու դեպքում նրա նկատմամբ կարող է կիրառել ՀՀ Ազգային ժողովի կողմից ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել նշանակված պատժից:
Դատարանը քննարկելով ամբաստանյալի նկատմամբ ընտրված խափանման միջոցի և իրեղեն ապացույցների հարցերը, գտնում է, որ ամբաստանյալ Արա Արշակի Ղահրամանյանի նկատմամբ ընտրված խափանման միջոցը` կալանավորումը, պետք է թողնել անփոփոխ, քրեական գործով ապացույց ճանաչված այլ փաստաթուղթ հանդիսացող` Ա.Ղահրամանյանին ոստիկանության Կենտրոնականի բաժնի Մարաշի բաժանմունք բերման ենթարկելու և նրան անձնական խուզարկության ենթարկելու մասին արձանագրությունները պետք է թողնել քրեական գործին կցված, իրեղեն ապացույց ճանաչված Արա Արշակի Ղահրամանյանի անձնական խուզարկությամբ հայտնաբերված ինքնաշեն պտուտակահանը և մետաղյա ձողը պետք է ոչնչացնել:


Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360 և 3753 հոդվածներով, դատարանը

Վ Ճ Ռ Ե Ց`

Արա Արշակի Ղահրամանյանին մեղավոր ճանաչել ՀՀ քրեական օրենսգրքի 34-177 հոդվածի 2-րդ մասի 3-րդ կետով և նրան դատապարտել ազատազրկման` 2 /երկու/ տարի 3 /երեք/ ամիս ժամանակով:
Արա Արշակի Ղահրամանյանի նկատմամբ կիրառել ՀՀ ԱԺ կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Արա Արշակի Ղահրամանյանին մեղավոր ճանաչել ՀՀ քրեական օրենսգրքի 177 հոդվածի 2-րդ մասի 3-րդ կետով և նրան դատապարտել ազատազրկման` 3 /երեք/ տարի 3 /երեք/ ամիս ժամկետով:
Արա Արշակի Ղահրամանյանի պատժի սկիզբը հաշվել 11.05.2011 թվականից, խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Տուժող Ելենա Մալայանի կողմից ներկայացված քաղաքացիական հայցը բավարարել` ամբաստանյալ Արա Ղահրամանյանից հօգուտ տուժող Ե.Մալայանի բռնագանձել 400 եվրոյին համարժեքՀՀ դրամ գումար և 100.000 ՀՀ դրամ գումար:
28.06.2011 թվականի որոշմամբ Արա Արշակի Ղահրամանյանի անվամբ գրանցված անշարժ գույքի վրա դրված կալանքըª թողնել անփոփոխ` մինչև դատավճռով որոշված քաղաքացիական հայցի լրիվ բավարարումը:
Ապացույց ճանաչված այլ փաստաթուղթ հանդիսացող` Ա.Ղահրամանյանին ոստիկանության Կենտրոնականի բաժնի Մարաշի բաժանմունք բերման ենթարկելու և նրան անձնական խուզարկության ենթարկելու մասին արձանագրությունները` թողնել քրեական գործին կցված:
Իրեղեն ապացույց ճանաչված Արա Արշակի Ղահրամանյանի անձնական խուզարկությամբ հայտնաբերված ինքնաշեն պտուտակահանը և մետաղյա ձողը` ոչնչացնել:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ