ԵԿԴ/0130/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
12 հուլիսի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության առաջին ատյանի դատարանը`
նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
Ս.ՊԵՏՐՈՍՅԱՆԻ
մասնակցությամբ`
մեղադրող Ս.ՀԱՐՈՒԹՅՈՒՆՅԱՆԻ
տուժողներ Ս.ՄԱՄԻԿՈՆՅԱՆԻ
Լ.ԳԵՎՈՐԳՅԱՆԻ
տուժողների ներկ. Ռ.ՌԵՎԱԶՅԱՆԻ
ամբաստանյալներ Հ.ՀՈՎՀԱՆՆԻՍՅԱՆԻ
Ա.ՍԱՅԱԴՅԱՆԻ
Կ.ՄԱՐԳԱՐՅԱՆԻ
Վ.ՔՈՉԱՐՅԱՆԻ
պաշտպաններ Ռ.ՍԻՐԵԿԱՆՅԱՆԻ
Զ.ՀԱԿՈԲՅԱՆԻ
Լ.ՆԵՐՍԵՍՅԱՆԻ

դատարանում` դռնբաց դատական նիստում, քննեց գործն ըստ մեղադրանքի`
1. Հրաչյա Վառլամի Հովհաննիսյանի` ծնված 09©05©1968թ© ք.Երևանում, ազգությամբ հայ, ՀՀ քաղաքացի, փաստացի ամուսնացած, խնամքին 3 անձ, վատառողջ, ութամյա կրթությամբ, իր հայտարարությամբª մասնավոր կարգով աշխատել է որպես վարորդ, 1. Երևան քաղաքի նախկին Շահումյանի շրջ.ժող.դատարանի 04.02.1985թ. դատավճռով ՀՀ նախկին քրեական օրենսգրքի 180-րդ հոդվածի 2-րդ մասով դատապարտվել է ազատազրկման 2 տարի ժամկետով և նույն օրենսգրքի 42.1 հոդվածի կիրառմամբ դատավճռի կատարումը հետաձգվել է, 2. Երևան քաղաքի նախկին Սպանդարյանի շրջ.ժող.դատարանի 03.02.1986թ. դատավճռով ՀՀ նախկին քրեական օրենսգրքի 106-րդ հոդվածի 1-ին մասով դատապարտվել է ազատազրկման 2 տարի ժամկետով, պատժից ազատվել է 03.09.1987թ-ին, 3. Երևան քաղաքի նախկին Սովետական շրջ.ժող.դատարանի 03.12.1987թ. դատավճռով ՀՀ նախկին քրեական օրենսգրքի 180-րդ հոդվա-ծի 2-րդ մասովª նույն օրենսգրքի 38-39-րդ հոդվածների համաձայն, դատապարտվել է ազա-տազրկման 3 տարի 9 ամիս ժամկետով, պատժից ազատվել է 13.12.1990թ-ին, 4. Երևան քաղաքի նախկին Շահումյանի շրջ.ժող.դատարանի 13.03.1991թ. դատավճռով ՀՀ նախկին քրեական օրենսգրքի 112-րդ հոդվածի 2-րդ մասով և 180-րդ հոդվածի 2-րդ մասովª նույն օրենսգրքի 37-րդ հոդվածի համաձայն, դատապարտվել է ազատազրկման 6 տարի ժամկետով, 5. Բուլղարիայի Պլովդիվ քաղաքի դատարանի 03.09.2002թ. դատավճռով Բուլղարիայի քրեական օրենսգրքի 194-րդ և 195-րդ հոդվածների 1-ին մասերով դատապարտվել է ազատազրկման 2 տարի ժամկե-տով, 6. Բուլղարիայի Պլովդիվ քաղաքի դատարանի 2003թ. դատավճռով Բուլղարիայի քրեա-կան օրենսգրքի 343-րդ հոդվածի 2-րդ մասով դատապարտվել է ազատազրկման 3 տարի ժամ-կետով, 7. Երևան քաղաքի նախկին Աջափնյակ և Դավթաշեն համայնքների առաջին ատյանի դատարանի 23.10.2003թ. դատավճռով ՀՀ քրեական օրենսգրքի 177-րդ հոդվածի 1-ին մասով դատապարտվել է 100.000 ՀՀ դրամ տուգանքի, 8. Երևան քաղաքի նախկին Կենտրոն և Նորք-Մարաշ համայնքների առաջին ատյանի դատարանի 07.04.2004թ. դատավճռով ՀՀ քրեական օրենսգրքի 176-րդ հոդվածի 2-րդ մասի 1-ին, 2-րդ, 3-րդ և 5-րդ կետերով դատապարտվել է ազա-տազրկման 3 տարի 6 ամիս ժամկետով, պատժից պայմանական վաղաժամկետ ազատվել է 06.07.2005թ-ին, 9. Երևան քաղաքի նախկին Մալաթի-Սեբաստիա համայնքի առաջին ատյանի դատարանի 21.12.2006թ. դատավճռով ՀՀ քրեական օրենսգրքի 271-րդ հոդվածի 1-ին մասով դատապարտվել է ազատազրկման 8 ամիս ժամկետով և 30.000 ՀՀ դրամ տուգանքի, 10. ՀՀ վերաքննիչ քրեական դատարանի 22.02.2007թ. դատավճռով ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով` նույն օրենսգրքի 67-րդ հոդվածի կիրառմամբ, դատապարտվել է ազատազրկման 4 տարի 6 ամիս ժամկետով և 30.000 ՀՀ դրամ տուգանքով, Երևան քաղաքի նախկին Արաբկիր և Քանաքեռ-Զեյթուն համաայնքների առաջին ատյանի դատարանի 23.09.2008թ. որոշմամբ ՀՀ քրեական օրենսգրքի 271-րդ հոդվածի 1-ին մասի ապաքրեականաց-ման հիմքով 30.000 ՀՀ դրամ տուգանքի մասով վերը նշված դատավճիռը փոխվել է, բնակվել է` ք.Հրազդան, Կենտրոն, 80-րդ շենք, բնակարան հ. 37, հաշվառված էª ք.Երևան, Իսակովի 42/4 շենք, բնակարան հ. 49, արգելանքի տակ է 2011թ. մայիսի 13-ից, մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
2. Արտեմ Արամայիսի Սայադյանի` ծնված 01.06.1972թ. ք.Երևանում, ազգությամբ հայ, ՀՀ քաղաքացի, ամուսնացած, խնամքին 5 անձ, միջնակարգ կրթությամբ, իր հայտարարութ-յամբª մասնավոր կարգով աշխատել է որպես ավտովերանորոգող և վատառողջ, դատվածու-թյուն չունեցող, բնակվել է` ք.Երևան, Արտաշիսյան փողոց, 46-րդ շենք, բնակարան հ. 45, արգե-լանքի տակ է 2011թ. մայիսի 13-ից, մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
3. Կարեն Ռաֆիկի Մարգարյանի` ծնված 25.08.1969թ. ք.Վանաձորում, ազգությամբ հայ, ՀՀ քաղաքացի, ամուսնացած, խնամքին 4 անձ, 8-ամյա կրթությամբ, իր հայատարարությամբª որպես բանվոր աշխատել է մասնավոր շինարարություններում, չդատված, բնակվել է` ք.Վանա-ձոր, Ներսիսյան փողոց, 3-րդ շենք, բնակարան հ. 15, արգելանքի տակ է 2011թ. մայիսի 13-ից, մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, և 3-րդ կետերով:
4. Վանիկ Վոլոդյայի Քոչարյանի` ծնված 08.12.1965թ. ք.Քաջարանում, ազգությամբ հայ, ՀՀ քաղաքացի, իր հայտարարությամբª ամուսնացած, խնամքին 3 անձ և վատառողջ, 8-ամյա կրթությամբ, չի աշխատել, նախկինում 4 անգամ դատված` 1. Ղափանի նախկին շրջ.ժող.դա-տարանի 25.03.1982թ. դատավճռով ՀՀ նախկին քրեական օրենսգրքի 143-րդ հոդվածի 2-րդ և 180-րդ հոդվածի 2-րդ մասերով դատապարտվել է ազատազրկման 2 տարի ժամկետով, Աբով-յանի նախկին շրջ.ժող.դատարանի 01.12.1982թ. որոշմամբ պայմանական վաղաժամկետ ա-զատվել է պատիժը կրելուց, 2. Երևան քաղաքի նախկին 26 Կոմիսարների անվան շրջ.ժող.դա-տարանի 22.08.1983թ. դատավճռով ՀՀ նախկին քրեական օրենսգրքի 143-րդ հոդվածի 2-րդ մա-սովª նույն օրենսգրքի 38-39 հոդվածների համաձայն, դատապարտվել է ազատազրկման 5 տա-րի ժամկետով, պատժից ազատվել է 16.07.1988թ-ին, 3. Երևան քաղաքի նախկին Շահումյանի շրջ.ժող.դատարանի դատարանի 26.04.1994թ. դատավճռով ՀՀ նախկին քրեական օրենսգրքի 88-րդ հոդվածի 2-րդ և 232-րդ հոդվածի 1-ին մասերովª նույն օրենսգրքի 37-րդ հոդվածի համա-ձայն, դատապարտվել է ազատազրկման 9 տարի ժամկետով, պատժից ազատվել է 24.03.2002թ-ին, 4. Երևան քաղաքի նախկին Կենտրոն և Նորք-Մարաշ համայնքներիի 1-ին ատյանի դա-տարանի 05.05.2004թ. դատավճռով ՀՀ քրեական օրենսգրքի 34-177-րդ հոդվածի 3-րդ մասի 2-րդ կետով, 177-րդ հոդվածի 3-րդ մասի 1-ին, 2-րդ, 3-րդ կետերով, 268-րդ հոդվածի 1-ին և 325-րդ հոդվածի 1-ին մասերովª նույն օրենսգրքի 66-րդ հոդվածի համաձայն, դատապարտվել է ազա-տազրկման 8 տարի ժամկետով, պատժից ազատվել է 12.10.2010թ-ին, բնակվել է` ք.Երևան, Արարատյան 1-ին զանգված, 15-րդ շենք, բնակարան 25, արգելանքի տակ է 2011թ. մայիսի 13-ից, մեղադրվում է ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետե-րով:

Գործի դատավարական նախապատմությունը.

ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի ավագ քննիչ Ա.Մելքոնյանը 12.05.2011թ. որոշմամբ ՀՀ քրեական օրենսգրքի 177-րդ հոդվածի 2-րդ մա-սի 2-րդ և 3-րդ կետերով հարուցել է թիվ 13129011 քրեական գործը և այն ընդունել իր վարույթ:
ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժնի պետ Ս.Մաթևոսյանի 12.05.2011թ. որոշմամբ կազմվել է քննչական խումբ և թիվ 13129011 քրեական գործի նախաքննությունը հանձնարարվել է Կենտրոնի քննչական բաժնի ավագ քննիչ Ա.Մել-քոնյանին և քննիչ Է.Պետրոսյանին, քննչական խմբի ղեկավար է նշանակվել քննիչ Է.Պետրոս-յանը:
13.05.2011թ. ձերբակալվել են Հ.Հովհաննիսյանը, Ա.Սայադյանը, Կ.Մարգարյանը և Վ. Քոչարյանը:
Քննիչի 14.05.2011թ. որոշումներով Հ.Հովհաննիսյանը և Վ.Քոչարյանը ներգրավվել են որ-պես մեղադրյալ ՀՀ քրեական օրենսգրքի 177-րդ հոդվածի 3-րդ մասի 3-րդ կետով, իսկ Կ.Մար-գարյանն ու Ա.Սայադյանը ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի 14.05.2011թ. որոշումներով Հ.Հովհաննիսյանի, Վ.Քոչարյանի, Ա.Սայադյանի ու Կ.Մարգարյանի նկատմամբ` որպես խափանման միջոցներ, կիրառվել է կալանքը:
Քննիչի 21.06.2011թ. որոշումներով Հ.Հովհաննիսյանին, Վ.Քոչարյանին և Կ.Մարգարյա-նին նախկինում առաջադրված մեղադրանքներըը փոփոխվել են ու նրանց նոր մեղադրանքներ են առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, և 3-րդ կետե-րով, իսկ 22.06.2011թ. որոշմամբ Ա.Սայադյանին նախկինում առաջադրված մեղադրանքը փո-փոխվել է ու նրան նոր մեղադրանք է առաջադրվել ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ, և 3-րդ կետերով:
2011թ. հուլիսի 1-ին թիվ 13129011 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրա-վասության դատարան` ըստ էության քննելու համար:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանի (դատավոր Գ.Պողոսյան) 2011թ. հուլիսի 8-ի որոշմամբ Վանիկ Քոչարյանի, Արտեմ Սայադյանի, Հրաչյա Հովհաննիսյանի և Կարեն Մարգարյանի վերաբերյալ ՀՀ քրեական օրենսգրքի 177 հոդվածի 2-րդ մասի 2-րդ և 3-րդ կետերով քրեական գործն ընդունվել է վարույթ, իսկ 2011թ. հուլիսի 25-ի որոշմամբ նշանակվել է դատաքննության:
Երևան քաղաքի Կենտրոն և Նորք-Մարաշ վարչական շրջանների առաջին ատյանի դա-տարանը 05.10.2011թ. որոշմամբ Հ.Հովհաննիսյանի, Ա.Սայադյանի, Կ.Մարգարյանի և Վ.Քո-չարյանի վերաբերյալ ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կե-տերով քրեական գործով` իրեն խոշտանգումների ենթարկելու վերաբերյալ ամբաստանյալ Ա. Սայադյանի հաղորդման հիման վրա նոր քրեական գործ հարուցելու մասին որոշում կայացնելու միջնորդությամբ դիմել ՀՀ գլխավոր դատախազին:
Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ս.Հարությունյանի 31.01.2012թ. որոշմամբ Ա.Սայադյանի հաղորդման հիման վրա նոր երևան եկած հանգամանքներով հարուցված գործի վարույթը կարճվել է:
Ամբաստանյալ Հ.Հովհաննիսյանին ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրվել այն բանի համար, որ նա. ՙբնակարան ապօրինի մուտք գործելու եղանակով ուրիշի գույքի գաղտնի հափշտակություն կատարելու շուրջ նախնական համաձայնության գալով Արտեմ Արամայիսի Սայադյանի, Վանիկ Վոլոդիայի Քո-չարյանի և Կարեն Ռաֆիկի Մարգարյանի հետ, 2011թ. մայիսի 12-ին` ժամը 12.00-ի սահման-ներում, իր ավտոմեքենայով գնացել են Երևան քաղաքի Պուշկինի փողոցի 60 շենքի բակ, որտեղ պայմանավորվածության համաձայնª Կ.Մարգարյանի հետ մնացել են շենքի դիմաց, որպեսզի հսկեն տարածքը և այլ անձանց գալու կամ այլ վտանգ սպառնալու դեպքում հեռախոսազանգի միջոցով տեղեկացնեն Վ.Քոչարյանին ու Ա.Սայադյանին, որոնք տեխնիկական միջոցների գոր-ծադրմամբ վնասելով մուտքի դռան փականըª ապօրինի մուտք են գործել նույն շենքի թիվ 26 բնակարան և այտեղից գաղտնի հափշտակել խոշոր չափերի հասնող 1.589.500 ՀՀ դրամ արժո-ղության ոսկե և արծաթե տարատեսակ զարդեր, բիժուտերիա, արտասահմանյան արտադրութ-յան ՙJVC՚ մակնիշի տեսախցիկª իր պայուսակով, ՙԴե կամբրիջ Գերմանի՚ մակնիշի 2 հատ գրիչ, բանալու կախիչ ու կրակայրիչ` իրենց տուփով, ու միասին հեռացել են` տուժողներ Լ.Գևորգյանին և Ս.Մամիկոնյանին պատճառելով ընդհանուր 1.589.500 ՀՀ դրամի գույքային վնաս՚:
Ամբաստանյալ Ա.Սայադյանին ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրվել այն բանի համար, որ նա. ՙբնակարան ապ-օրինի մուտք գործելու եղանակով ուրիշի գույքի գաղտնի հափշտակություն կատարելու շուրջ նախնական համաձայնության գալով Վանիկ Վոլոդիայի Քոչարյանի, Հրաչյա Վառլամի Հով-հաննիսյանի և Կարեն Ռաֆիկի Մարգարյանի հետ, 2011թ. մայիսի 12-ին` ժամը 12-ի սահման-ներում, Հ.Հովհաննիսյանի ավտոմեքենայով գնացել են Երևան քաղաքի Պուշկինի փողոցի 60 շենքի բակ, որտեղ պայմանավորվածության համաձայնª Կ.Մարգարյանն ու Հ.Հովհաննիսյանը մնացել են շենքի դիմաց, որպեսզի հսկեն տարածքը և այլ անձանց գալու կամ այլ վտանգ սպառ-նալու դեպքում հեռախոսազանգի միջոցով տեղեկացնեն իրենց, իսկ նա, Վ.Քոչարյանի հետ, տեխնիկական միջոցների գործադրմամբ վնասելով մուտքի դռան փականը, ապօրինի մուտք են գործել նույն շենքի թիվ 26 բնակարան և այտեղից գաղտնի հափշտակել խոշոր չափերի հաս-նող 1.589.500 ՀՀ դրամ արժողության ոսկե և արծաթե տարատեսակ զարդեր, բիժուտերիա, ար-տասահմանյան արտադրության ՙJVC՚ մակնիշի տեսախցիկ իր պայուսակով, ՙԴե կամբրիջ Գերմանի՚ մակնիշի 2 հատ գրիչ, բանալու կախիչ ու կրակայրիչ` իրենց տուփով, ու միասին հե-ռացել են` տուժողներ Լ.Գևորգյանին և Ս.Մամիկոնյանին պատճառելով ընդհանուր 1.589.500 ՀՀ դրամի գույքային վնաս՚:
Ամբաստանյալ Կ.Մարգարյանին ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրվել այն բանի համար, որ նա. ՙբնակարան ապօրինի մուտք գործելու եղանակով ուրիշի գույքի գաղտնի հափշտակություն կատարելու շուրջ նախնական համաձայնության գալով Արտեմ Արամայիսի Սայադյանի, Վանիկ Վոլոդիայի Քո-չարյանի և Հրաչյա Վառլամի Հովհաննիսյանի հետ, 2011թ. մայիսի 12-ին` ժամը 12-ի սահման-ներում, Հ.Հովհաննիսյանի ավտոմեքենայով գնացել են Երևան քաղաքի Պուշկինի փողոցի 60 շենքի բակ, որտեղ պայմանավորվածության համաձայնª վերջինիս հետ մնացել են շենքի դիմաց, որպեսզի հսկեն տարածքը և այլ անձանց գալու կամ այլ վտանգ սպառնալու դեպքում հեռախո-սազանգի միջոցով տեղեկացնեն Վ.Քոչարյանին ու Ա.Սայադյանին, որոնք տեխնիկական մի-ջոցների գործադրմամբ վնասելով մուտքի դռան փականըª ապօրինի մուտք են գործել նույն շեն-քի թիվ 26 բնակարան և այտեղից գաղտնի հափշտակել խոշոր չափերի հասնողª 1.589.500 ՀՀ դրամ արժողության ոսկե և արծաթե տարատեսակ զարդեր, բիժուտերիա, արտասահմանյան արտադրության ՙJVC՚ մակնիշի տեսախցիկª իր պայուսակով, ՙԴե կամբրիջ Գերմանի՚ մակ-նիշի 2 հատ գրիչ, բանալու կախիչ ու կրակայրիչ` իրենց տուփով, ու միասին հեռացել են` տու-ժողներ Լ.Գևորգյանին և Ս.Մամիկոնյանին պատճառելով ընդհանուր 1.589.500 ՀՀ դրամի գույ-քային վնաս՚:
Ամբաստանյալ Վ.Քոչարյանին ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով մեղադրանք է առաջադրվել այն բանի համար, որ նա. ՙբնակարան ապ-օրինի մուտք գործելու եղանակով ուրիշի գույքի գաղտնի հափշտակություն կատարելու շուրջ նախնական համաձայնության գալով Արտեմ Արամայիսի Սայադյանի, Հրաչյա Վառլամի Հով-հաննիսյանի և Կարեն Ռաֆիկի Մարգարյանի հետ, 2011թ. մայիսի 12-ին` ժամը 12-ի սահման-ներում, Հ.Հովհաննիսյանի ավտոմեքենայով գնացել են Երևան քաղաքի Պուշկինի փողոցի 60 շենքի բակ, որտեղ պայմանավորվածության համաձայնª Կ.Մարգարյանն ու Հ.Հովհաննիսյանը մնացել են շենքի դիմաց, որպեսզի հսկեն տարածքը և այլ անձանց գալու կամ այլ վտանգ սպառ-նալու դեպքում հեռախոսազանգի միջոցով տեղեկացնեն իրենց, իսկ նա, Ա.Սայադյանի հետ, տեխնիկական միջոցների գործադրմամբ վնասելով մուտքի դռան փականը, ապօրինի մուտք են գործել նույն շենքի թիվ 26 բնակարան և այտեղից գաղտնի հափշտակել խոշոր չափերի հասնողª 1.589.500 ՀՀ դրամ արժողության ոսկե և արծաթե տարատեսակ զարդեր, բիժուտերիա, արտա-սահմանյան արտադրության ՙJVC՚ մակնիշի տեսախցիկª իր պայուսակով, ՙԴե կամբրիջ Գեր-մանի՚ մակնիշի 2 հատ գրիչ, բանալու կախիչ ու կրակայրիչ` իրենց տուփով, ու միասին հեռացել են` տուժողներ Լ.Գևորգյանին և Ս.Մամիկոնյանին պատճառելով ընդհանուր 1.589.500 ՀՀ դրա-մի գույքային վնաս՚:
Նախաքննության ընթացքում ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով առաջադրված մեղադրանքում Վ.Քոչարյանն իրեն մեղավոր չի ճանաչելª պատճառաբանելով, որ գողություն չի կատարել, իսկ Հ.Հովհաննիսյանը, Ա.Սայադյանն ու Կ. Մարգարյանը թեև խոստովանական ցուցմուքններով ընդունել են, որ գողությունը կատարել են Վ.Քոչարյանի հետ, սակայն հետագայում ցուցմունք են տվել այն մասին, որ Վ.Քոչարյանը չի մասնակցել գողության կատարմանը:

Դատարանի կողմից հաստատված հանգամանքները.

Դատաքննությամբ պարզվեց, որ ամբաստանյալներ Վ.Քոչարյանը, Հ.Հովհաննիսյանը, Ա.Սայադյանը և Կ.Մարգարյանը գողություն կատարելու նախնական համաձայնությամբ 2011թ. մայիսի 12-ին` ժամը 12-ի սահմաններում, Հ.Հովհաննիսյանի ավտոմեքենայով գնացել են Երևան քաղաքի Պուշկինի փողոցի 60-րդ շենքի բակ, նախապես որոշված դերաբաշխման հա-մաձայն Հ.Հովհաննիսյանն ու Կ.Մարգարյանը մնացել են շենքի դիմացª տարածքը հսկելու և որևէ վտանգ սպառնալու դեպքում հեռախոսազանգի միջոցով Վ.Քոչարյանին և Ա.Սայադյանին, տեղեկացնելու համար, իսկ վերջիններս, նշված շենքի մուտքով բարձրանալով տուժողների հ. 26 բնակարանի մոտ, իրենց հետ վերցրած տեխնիկական միջոցների գործադրմամբ մուտքի դռան փականը վնասելով ու բացելովª մտել են նշված բնակարան և, օգտվելով տանտերերի բացա-կայությունից, բնակարանից հափշտակել են 1.589.500 ՀՀ դրամ ընդհանուր արժողությամբ ոսկե և արծաթե տարատեսակ զարդեր, բիժուտերիա, արտասահմանյան արտադրության ՙJVC՚ մակնիշի տեսախցիկª պայուսակով, ՙԴե կամբրիջ Գերմանի՚ տեսակի 2 հատ գրիչ, բանալու կախիչ ու կրակայրիչ` տուփով, որից հետո իջնելով ցածª հեռացել են իրենց սպասող հանցա-կիցների հետ միասին: Ամբաստանյալ Վ.Քոչարյանի առաջարկով խումբը մեկնել է Մալաթիա թաղամասում գործող ոսկու շուկաª գողացված զարդերը վաճառելու համար: Նշված շուկայում ամբաստանյալ Վ.Քոչարյանն իր ծանոթինª ոսկու առուվաճառքով զբաղվող վկա Գրիգոր Մա-նուկյանին, վաճառել է զարդերի մի մասը, դրա դիմաց ստացած 800 ԱՄՆ դոլարից 200-ով մարել է Գ.Մանուկյանին մինչ այդ ունեցած պարտքը, իսկ 600 ԱՄՆ դոլարը վերցնելով իր հետª միացել է մյուս ամբաստանյալներին, գումարը տվել է ամբաստանյալ Ա.Սայադյանին, սակայն Հ.Հով-հաննիսյանի ավտոմեքենայով հեռանալիսª Սեբաստիա և Կյուրղինյան փողոցների խաչմերու-կում, նրանք բռնվել են ոստիկանների կողմից և բերման ենթարկվել ոստիկանության Արաբկիրի բաժին, որտեղ ամբաստանյալ Վ.Քոչարյանը դանակով վնասել է իրենª առողջությանը պատ-ճառելով ծանր վնաս:

Ապացույցների հետազոտում և գնահատում.

Ամբաստանյալ Հրաչյա Հովհաննիսյանի դատաքննական ցուցմունքի համաձայնª 2011թ-ի մայիսի 12-ինª ժամը 12-ի սահմաններում, ընկերոջ` Արտեմ Սայադյանի խնդրանքով նրա հետ միասին նրա հյուրինª Կարենին, իր ավտոմեքենայով ՙտարել են պատիվ տալու՚, սակայն չհասած Թումանյանի տուն-թանգարանի մոտ, կանգնել էª մոտակայքում գտնվող եկեղեցում մոմ վառելու համար: Արտեմը գնացել է իր ծանոթին տեսնելու, իսկ Կարենը մտել է եկեղեցու հարևանությամբ գտնվող շենքª ինչ-որ մեկին տեսնելու: Մոտ 15 րոպե հետո վերադարձել են, նստել են իր ավտոմեքենան, և Արտեմը խնդրել է գնալ Մալաթիա թաղամաս: Ավոտոմեքենայում Կարենի մոտ ոսկեղեն է տեսել և հասկացել է, որ նրանք ինչ-որ բան են արել: Ճանապարհին հանդիպել են Վանիկին, ում վաղուց է ճանաչել, և առաջարկել են ավտոմեքենայով նրան ուղեկցել տուն: Երբ Վանիկը նույնպես գտնվել է ավտոմեքենայում, Կարենն ասել է, որ իր մոտ ոսկի կա և ուզում է վաճառել այն: Մտածելով, որ Վանիկը ծանոթ կունենաª նրան խնդրել են օգնել վաճառել ոսկին: Նա պատասխանել է, որ ունի ծանոթ և գնացել են Մալաթիայի ոսկու շու-կա, որտեղ ինքն իջել և գնացել է վերանորոգման համար տված իր ժամացույցը վերցնելու, ու երբ վերադարձել է, բոլորով միասին իր ավտոմեքենայով գնացել են դեպի Արարատյան մասիվ, սա-կայն ճանապարհին ոստիկանները բռնել են իրենց և տարել ոստիկանության բաժին, որտեղ մոտ 15 րոպե անց խառնաշփոթ է սկսվել և իմացել են, որ Վանիկը դանակով խփել է իրեն ու մա-հացել: Դրանից հետո, որոշելով ամեն ինչ գցել Վանիկի վրա և թեթև պրծնել, ասել են, որ նա է մտել տուն և գողություն կատարել, նա գող է, իսկ իրենք մեղավոր չեն: Քննիչի թելադրանքով հե-քիաթներ են գրել, հաստատ իմանալով, որ մահացած մարդու վրա են գրում: Հետագայումª իր նկատմամբ խափանման միջոց կիրառելիս, իմանալով, որ Վանիկը ողջ է, դիմում է գրել և նոր ցուցմունք է տվել այն մասին, ինչ իրականում եղել է:
Քանի որ իրեն պարզ է եղել, որ կատարվել էր հանցագործություն և այն պահելու բան չէր, իրեն մեղավոր է ճանաչում և ընդունում է, որ գողություն է արել, սակայն առանց Վանիկի:
Ամբաստանյալ Ա.Սայադյանի դատաքննական ցուցմունքի համաձայնª նա և Կարենը Հրաչի հետ հանդիպել են Արարատյան թաղամասում և Հրաչին խնդրել է նրա ավտոմեքենայով Կարենին տանել քաղաքª ման տալու: Հրաչի առաջարկով գնացել են կենտրոն, նա մտել է եկե-ղեցիª մոմ վառելու, Կարենը գնացել է եկեղեցու մոտ գտնվող շենքում բնակվող իր ծանոթի տուն, իսկ ինքը գնացել է խանութ, որտեղից մթերք է գնել, և մոտ 2 րոպե հետո, երբ ավտոմեքենայի մոտ է եղել, մոտեցել է Կարենն ու ասել, որ մտքով անցել է գողություն կատարել և իրեն առա-ջարկել է կանգնել վերը նշված շենքի մուտքի մոտ: Մտածելով, որ իրեն ոչինչ չի պատահի, կանգնել է շենքի մուտքի մոտ, Կարենը բարձրացել է վերև, իջել է, որից հետո Հրաչին էլ պատ-մել գողության մասին և հետո գնացել ենք Մալաթիայի ոսկու շուկա, որպեսզի իրացնեն գողաց-ված ոսկին: Շուկայումª մսի բաժնի մոտ, հանդիպել են Վանիկին ու քանի որ ոսկու շուկայում ծա-նոթ չեն ունեցել, դիմել են Վանիկին, ով ասել է, որ ծանոթ ունի և կմիջնորդի ոսկեղենը վաճառելու համար: Երբ Վանիկը ոսկեղենը վաճառելուց հետո վերադարձել է իրենց մոտ, 600 ԱՄՆ դոլար է տվել իրեն, քանի որ նա Կարենին չի ճանաչել, սակայն երբ իրենց բռնել են ոստիկանները, խառ-նաշփոթի ժամանակ 600 ԱՄՆ դոլարն ընկել էր ավտոմեքենայի մեջ և չի իմանում, թե այդ գու-մարը ով է վերցրել:
Ոստիկանության Արաբկիրի բաժնում իմացել է, որ Վանիկը մահացել է, իսկ երբ իրենց տեղափոխել են ոստիկանության Կնետրոնականի բաժին և առերեսվել է Հրաչի հետ, ով ասել է, որ Կարենին թաքցնելու համար մահացած Վանիկի վրա ցուցմունք է գրել ու տվել է նաև իր անունը, ինչպես նաև ոստիկանների կողմից իր նկատմամբ կիրառված բռնությունների և ահա-վոր ծեծի արդյունքում կրկնել է Հրաչի ցուցմուքը և ընդունել է, որ գողությանը մասնակցել է նաև Վանիկը, ու քննիչի թելադրմամբ ցուցմունք է գրել: Երբ մեկուսարանում Կարենից տեղեկացել է, որ Վանիկը ողջ է, դիմում է գրել, որպեզի Վանիկի վրայից մեղադրանքը հանեն ու նրան մեղավոր չճանաչեն իրենց հետ կապված գործի կապակցությամբ:
Գողությունն իրականում կատարել են ինքը, Կարենը և Հրաչըª Կարենը մտել է բնակա-րան, ինքը կանգնել է շենքի երկրորդ հարկում, որպեսզի վտանգի դեպքում զգուշացներ նրան, իսկ Հրաչը դրսում կանգնած է եղել:
Կարենն է ոսկյա զարդերն իր ձեռքով տվել Վանիկին, սակայն նրան ասել է, որ դրանք իր հետ տնից է բերել, որպեսզի վաճառի և մոր հիվանդանոցային խնդիրները լուծի:
Նախաքննության ընթացքում ճիշտ ցուցմունքներ չի տվել, քանի որ իմացել է, որ Վանիկը մահացել է:
Ամբաստանյալ Կ.Մարգարյանի դատաքննական ցուցմունքի համաձայնª հիվանդանոց գնալու և մոր բժշկին հանդիպելու համար 2010թ-ի մայիսի 12-ին Վանաձորից եկել է Երևան, ու քանի որ Արտեմի ավտոմեքենան չի աշխատել, Հրաչին են խնդրել իրենց տանել հիվանդանոց: Ճանապարհին Հրաչը ցանկացել է մտնել եկեղեցի և մոմ վառել: Երբ նա մտել է եկեղեցի, իսկ Արտեմը գնացել է խանութª ծխախոտ գնելու, որոշել է գողություն կատարել և բարձրացել է եկե-ղեցու մոտ գտնվող շենքի երրորդ հարկ, ծեծել է տուժողների բնակարանի մուտքի դուռը և, հա-մոզվելով, որ տանը մարդ չկա, իջել է ցած, տեսել է Արտեմին, ում ասել է իր նպատակի մասին և խնդրել է կանգնել շենքի մուտքի մոտ: Հրաչի ավտոմեքենայից գործիքներ է վերցրել և նորից բարձրացել է տուժողների բնակարանի մոտ, գործիքներով բացել է մուտքի դուռը, մտել է ներս և գողացել ոսկյա զարդեր, բիժուտերիա, տեսախցիկ ու իջել է ցած: Հրաչի ավտոմեքենայով հեռա-նալիս ասել է, որ ցանկանում է վաճառել ոսկեղենը, սակայն չգիտի որտեղ և ինչպես դա կարելի է անել: Չհասած ոսկու շուկա Հրաչն ու Արտեմը տեսել են Վանիկին և նրան խնդրել, որպեսզի օգնի վաճառել ոսկեղենը: Վանիկը ոսկեղենը տարել է շուկաª ծանոթին վաճառելու, իսկ Հրաչը գնացել է վերանորոգման տված իր ժամացույցը վերցնելու: Երբ մտել է Վանիկի ծանոթի մոտ, նա արդեն վաճառած է եղել ոսկեղենը: Չվաճառված, իր մոտ մնացած ոսկինª որպես շնորհակա-լություն, տվել է Վանիկին, որից հետո Հրաչն ասել է, որ իր ավտոմեքենայով կտանի իրեն, սա-կայն ճանապարհին ոստիկանության աշխատակիցները բռնել են իրենց և տարել բաժին, որտեղ ցուցմունքն է տվել, որ գողությունն ինքն է կատարել, սակայն իր այդ ցուցմունքը պատռել են և ծեծելով պահանջել են գրել, որ գողությունը կատարել է Վանիկը: Քանի որ որոշ ժամանակ անց տեղեկացել է, որ Վանիկը խփել է իրեն և մահացել է, ինչպես նաև նկատի ունենալով, որ Հրաչն արդեն իսկ ցուցմունք է տված եղել, որ գողությունը կատարել է Վանիկը, համաձայնվել է և իր վի-ճակը թեթևացնելու համար քննիչի թելադրմամբ ցուցմունք է տվել, որ գողությունը Վանիկն է կա-տարել: Իսկ երբ պարզվել է, որ Վանիկը չի մահացել, իրականությանը համապատասխանող ցուցմուքն է գրել և պնդել, որ Վանիկն իրենց հետ գողություն չի կատարել:
Ոստիկանությունում պաշտպան է ուզել, սակայն իրեն պատասխանել են, որ երբ կտան այն ժամանակ էլ կունենա պաշտպան:
Իրեն քննիչն է ասել, որ գրի Վանիկի մասինª խոստանալով, որ տուն կգնա և ամեն ինչ լավ կլինի:
Ոստիկանության Արաբկիրի բաժնում իրենց նկատմամբ բռնություններ են գործադրվել, իրենց ՙտոկի են տվել՚ և խփել:
Ամբաստանյալ Վանիկ Քոչարյանի դատաքննական ցուցմունքի համաձայնª գողության կատարման օրը նա գտնվել է Մալաթիայի ոսկու շուկայում և երբ ոտքով իջել է մինչև մսի բաժինª ճանապարհին տեսել է Հրաչին, Արտյոմին և Կարենինª ավտոմեքենայի մեջ: Վերջինիս հետ տե-ղում է ծանոթացել, ու նա ասել է, որ մայրը վատառողջ է և ուզում է տան ոսկեղենը վաճառել: Խո-սել է իր ծանոթի հետ, ով համաձայնվել է այդ ոսկեղենի դիմաց 800 ԱՄՆ դոլար տալ, և քանի որ նրան մինչ այդ պարտք է եղել 200 ԱՄՆ դոլար, այն թողել է նրան, իսկ Կարենին 600 ԱՄՆ դոլար է տվել ու նրան պարտք է մնացել 200 ԱՄՆ դոլար: Դրանից հետո միասին շարժվել են դեպի Արարատյան մասիվ, որտեղ իրենց բռնել են ու տարել բաժին, որտեղ իրեն ասել են, որ գողութ-յուն է կատարել: Պատասխանել է, որ գողություն չի կատարել, բայց երբ իրեն ասել են, որ եթե գողության համար էլ չդատվի, ապա զենքով անպայման կդատվի, իր մոտ ունեցած դանակը մտցրել է փորը, որպեսզի իրեն սպանի:
Ամբաստանյալ Հրաչյա Հովհաննիսյանի դատաքննությամբ հետազոտված նախաքննա-կան խոստովանական ցուցմունքների համաձայնª 2011 թվականի մայիսի 12-ինª ժամը 12-ի սահ-մաններում, Մալաթիայում գտնվող ՙԼուս Աստղ՚ բենզալցակայանի մոտ նա հանդիպել է Վանիկ Քոչարյանին, Արտեմ Սայադյանին ու Կարեն Մարգարյանին և իր ավտոմեքենայով գնացել են Երևան քաղաքի Պուշկինի փողոցի 60-րդ շենքի մոտ, ավտոմեքենան կայանել է Թումանյան փո-ղոցում և միասին մտել են վերը նշված շենքի բակ£ Ինքը Կ.Մարգարյանի հետ մնացել է շենքի բակում, որպեսզի միասին հսկեն տարածքը և մարդ գալու կամ այլ վտանգ նկատելու դեպքում հեռախոսազանգի միջոցով տեղեկացնեն Վ.Քոչարյանին ու Ա.Սայադյանին, իսկ վերջիններս մտել են շենքի մուտք ու մոտ 10-15 րոպե անց դուրս եկել շենքից ու քայլել դեպի իր ավտոմեքե-նան: Տեսնելով, որ նրանք գնում են դեպի ավտոմեքենան, Կ.Մարգարյանի հետ նույնպես գնացել են նրանց հետևից և, նստելով ավտոմեքենան, հարցրել է, թե ինչ կա, ինչին Ա.Սայադյանն ու Վ.Քոչարյանը պատասխանել են, որ լավ է, որից հետո ասել են, որ ավտոմեքենան վարի Մալա-թիաª ՙԼուս Աստղ՚ սուպերմարկետի դիմաց գտնվող ոսկու շուկա: Այնտեղ ինքն իջել է ավտոմե-քենայից, իսկ Կ©Մարգարյանը, վարելով իր ավտոմեքենան, Ա©Սայադյանի ու Վ©Քոչարյանի հետ գնացել են նշված շուկայի ավտոկանգառ` գողացված ոսկին վաճառելու£ Քիչ անց նրանք վերա-դարձել են, ինքն է շարունակել վարել իր ավտոմեքենան, ու երբ հասել են Սեբաստիա և Կուր-ղինյան փողոցների խաչմերուկ, իրենց են մոտեցել ոստիկանության աշխատակիցներն ու բեր-ման ենթարկել ոստիկանության Արաբկիրի բաժին, որտեղ բացատրություն է գրել իր և մյուսնե-րի կողմից կատարած գողության մասին£
Ամբաստանյալ Արտեմ Սայադյանի դատաքննությամբ հետազոտված նախաքննական խոստովանական ցուցմունքների համաձայնª 2011թ. մայիսի 12-ինª ժամը 12-ի սահմաններում, Կ.Մարգարյանի հետ Արարատյան զանգվածում հանդիպել են Վանիկ Քոչարյանին: Քիչ անց ավտոմեքենայով եկել է նաև Հ.Հովհաննիսյանը, ու նրա ավտոմեքենայով չորսով գնացել են Հ. Հովհաննիսյանի նախկին թաղերը` Թումանյան փողոցին հարակից Պուշկին փողոցի 60-րդ շեն-քի մոտ£ Հ.Հովհաննիսյանն ավտոմեքենան կայանել է Թումանյան փողոցում և միասին իջել են ավտոմեքենայից ու մտել նշված շենքի բակ, Հ.Հովհաննիսյանը և Վ.Քոչարյանը մտել են շենքի մուտք, մոտ 2-3 րոպե անց վերադարձել, ու Հ.Հովհաննիսյանը դիմելով իրենª ասել է, որ տուն կա, ուր կարող են մտնել: Դրանից հետո Վ.Քոչարյանի հետ մտել են նույն մուտքը և բարձրացել վերևի հարկեր, որտեղ Վ. Քոչարյանը մատնացույց է արել ինչ-որ բնակարանի մուտքի դուռ, ին-քը կանգնել է ատիճանահարթակին և հսկել, որպեսզի մարդ գալու դեպքում զգուշացնի Վ.Քո-չարյանին, իսկ վերջինս, իր մոտ եղած գործիքներով բացելով ցույց տված մուտքի դռան փա-կանը, մտել է բնակարան, մոտ 10 րոպե անց դուրս է եկել և միասին իջել ու գնացել են դեպի Հ. Հովհաննիսյանի ավտոմեքենան: Քիչ անց մոտեցել են նաև Հ.Հովհաննիսյանն ու Կ.Մարգարյա-նը, և Վ.Քոչարյանը ասել է, որ ավտոմեքենան վարի Մալաթիայի ոսկու շուկա: Հասնելով այն-տեղ, Վ.Քոչարյանն իջել է ավտոմեքենայից և մտել ոսկու շուկա, 15 րոպե անց վերադարձել է ու գնացել և վերցրել են Հ.Հովհաննիսյանին, ով գնացած է եղել իր ձեռքի ժամացույցը արհեստա-վորի մոտից վերցնելու: Դրանից հետո, նստելով դարձյալ ավտոմեքենայի ղեկի առջև, ընթացել են Սեբաստիա փողոցով, սակայն քիչ անց Սեբաստիա և Կուրղինյան փողոցների խաչմերու-կում իրենց կանգնեցրել են ոստիկանության աշխատակիցներն ու բերման ենթարկել ոստիկա-նության Արաբկիրի բաժին:
Ամբաստանյալ Կարեն Մարգարյանի դատաքննությամբ հետազոտված նախաքննական խոստովանական ցուցմունքների համաձայնª 2011թ. մայիսի 12-ինª ժամը 12-ի սահմաններում, Հ.Հովհաննիսյանի ավտոմեքենայով Վանիկ Քոչարյանի ու Արտեմ Սայադյանի հետ գնացել են Երևան քաղաքի Թումանյան փողոցին հարակից Պուշկինի փողոցի 60-րդ շենքի մոտ, Հ.Հովհան-նիսյանը Թումանյան փողոցում կայանել է ավտոմեքենան և միասին իջել են ավտոմեքենայից ու դալանով մտել նշված շենքի բակ: Ա.Սայադյանը և Վ.Քոչարյանը մտել են նշված շենքի մուտք, իսկ ինքը և Հ.Հովհաննիսյանը մնացել են բակում, որպեսզի մարդ գալու դեպքում զգուշացնեն Ա. Սայադյանին և Վ.Քոչարյանին: Մոտ 10-15 րոպե անց Ա.Սայադյանն ու Վ.Քոչարյանը դուրս են եկել շենքի մուտքից ու քայլել դեպի Հ.Հովհաննիսյանի ավտոմեքենան, ինչը տեսնելով, նույնպես մոտեցել են ավտոմեքենային, նստել դրա մեջ, և երբ Հ.Հովհաննիսյանը հարցրել է, թե ինչ կա, նրան պատասխանել են, որ լավ է: Դրանից հետո Վ.Քոչարյանն ասել է, որ ավտոմեքենան վա-րեն Մալաթիայում գտնվող ՙԼուս Աստղ՚ սուպերմարկետի դիմաց գտնվող ոսկու շուկա£ Այնտեղ Հ.Հովհաննիսյանն իջել է ավտոմեքենայից, իսկ ինքը, նստելով ավտոմեքենայի ղեկի մոտ, այն վարել է նշված ոսկու շուկայի ավտոկանգառ: Վ.Քոչարյանն իջել է ավտոմեքենայից և մտել ոս-կու շուկա, իսկ ինքն ու Ա.Սայադյանը սպասել են ավտոմեքենայի մեջ: Մոտ 30 րոպե անց Վ.Քո-չարյանը վերադարձել է, Հ.Հովհաննիսյանը դարձյալ նստել է ղեկի մոտ և շարժվել են: Քիչ անց իրենց կանգնեցրել են ոստիկանության աշխատակիցները և բերման ենթարկել ոստիկանության Արաբկիրի բաժին:
Տուժող Սիրվարդ Մամիկոնյանի ցուցմունքի համաձայնª 2011թ. մայիսի 12-ինª ժամը 10-ի սահմաններում, միայն մեկ փականով կողբելով իրեն և քրոջըª Լիդա Գևորգյանին, պատկանողª Երևան քաղաքի Պուշկինի փողոցի 60-րդ շենքի հ. 26 բնակարանի մուտքի դուռը, գնացել է աշ-խատանքի: Ժամը 1330-ի սահմաններում իր բջջային հեռախոսին է զանգահարել իրենց հարևանուհի Զառան և հայտնել, որ իրենց բնակարանի մուտքի դուռը կիսաբաց վիճակում է և հնարավոր է, որ գողություն է կատարվել: Մոտ 20 րոպե անց հասել է տունª ճանապարհին զան-գահարելով քրոջը` Լիդա Գևորգյանին, և մյուս քրոջ որդուն` Նարեկ Մամիկոնյանին, որոնց խնդրել է շուտ գալ տուն: Բնակարանում ամեն ինչ տակնուվրա է արված եղել, սակայն անմի-ջապես նկատել է, որ բացակայում է ՙՋԻՎԻՍԻ՚ տեսակի տեսախցիկը: Այնուհետև, եկել է քույ-րը և պարզել են, որ գողացել են նաև իրենց ոսկյա զարդերը, բիժուտերիան, գերմանական գրչա-տուփը, որի մեջ եղել է կախիչ, 2 գրիչ և կրակայրիչ:
Ոստիկանության բաժնում իրենց են ներկայացվել հայտնաբերված իրերը և նկատել է, որ ոսկյա զարդերի վրայիցª բացառությամբ մեկ մատանու, հանված են քարերը:
Իրեն և քրոջը պատկանողª հափշտակված գույքի շուկայական արժեքը կազմել է մոտ 1.600.000 ՀՀ դրամ:
Տուժող Լիդա Գևորգյանի նույնաբովանդակ ցուցմունքի համաձայնª 2011թ. մայիսի 12-ին իրենցª Երևան քաղաքի Պուշկինի փողոցի 60-րդ շենքի հ. 26 բնակարանից կատարված գողու-թյամբ հափշտակվել են իրեն և քրոջըª Սիրվարդ Մամիկոնյանին, պատկանող ոսկյա և արծաթյա զարդերը, բիժուտերիան, ՙԴե Կամբրիջ՚ ֆիրմայի գրիչների, բանալու կախիչի և կրակայրիչի կոմպլեկտը, որոնք հետագայումª ոստիկանության բաժնում, ճանաչման են ներկայացվել իրենց:
Իրեն և քրոջը պատկանողª հափշտակված գույքի շուկայական արժեքը կազմել է մոտ 1.600.000 ՀՀ դրամ:
Վկաª տուժողների քրոջ որդի Նարեկ Մամիկոնյանի նույնաբովանդակ ցուցմունքի համա-ձայնª 2011թ. մայիսի 12-ինª ժամը 1330-ի սահմաններում Ս.Մամիկոնյանի խնդրանքով գնացել է նրանց տուն և, տեսնելով, որ տունը տակնուվրա է արված, հասկացել է, որ գողություն է կատար-վել:
Տեղեկացել է, որ գողացվել են ոսկյա զարդեր և տեսախցիկ:
Վկաª տուժողների հարևանուհի, Զարուհի Խարազյանի ցուցմունքի համաձայնª 2011թ. մայիսի 12-ինª ժամը 1330-ի սահմաններում տղայից` Ռազմիկից, տեղեկանալով, որ Սիրվարդենց բնակարանի դուռը բաց է, գնացել և տեսել է, որ տուժողների տունը խառնաշփոթ վիճակում է:
Մտածելով, որ գողություն է կատարվել, զանգահարել է Սիրվարդին և ասել, որ տան դուռը բաց է:
Վերջինիս գալուց հետո պարզվել է, որ իսկապես գողություն է կատարվել և տեղեկացել է, որ գողացվել են զարդեր ու տեսախցիկ:
Վկա Գրիգոր Մանուկյանի ցուցմունքի համաձայնª 2011թ. մայիսի սկզբներին նա Վանիկ Քոչարյանին պարտքով 200 ԱՄՆ դոլար է տվել, իսկ 2011թ. մայիսի 12-ինª կեսօրին, Մալաթիայի ոսկու շուկայում Վ.Քոչարյանը հանդիպել և հայտնել է, որ ցանկանում է պարտքը մարել: Միա-ժամանակ, ասելով, որ վաճառելու ոսկեղեն ունի, խնդրել է օգնել վաճառել դրանք: Ոսկու մաքուր քաշը որոշելու համար զարդերի վրայից հանել են քարերը և կշռել ոսկին, որի արժեքը կազմել է 800 ԱՄՆ դոլար, որից 200-ը պահել է պարտքի դիմաց, իսկ մնացած 600-ը տվել է նրան: Վ.Քո-չարյանի հեռանալուց անմիջապես հետո մոտեցել են ոստիկանները, հարցրել են, թե ինչ է գնել Վ.Քոչարյանից, իսկ երբ ցույց է տվել վերջինիցս գնած ոսկեղենը, ոստիկանները վերցրել են դրանք և իրեն տարել են ոստիկանության բաժին:
Վկաª Մալաթիայի ոսկու շուկայում թիվ 290, 291 և 292 տաղավարներում ոսկու առևտրով զբաղվող, Վահան Մելքոնյանի նույնաբովանդակ ցուցմունքի համաձայնª 2011թ. մայիսի 12-ինª կեսօրին, երբ ծխելու համար հեռանալուց հետո վերադարձել է տաղավար, իրեն օգնող սանիկիցª Գրիգոր Մանուկյանից, տեղեկացել է, որ նա 800 ԱՄՆ դոլարով ոսկի է գնել իր ծանոթ Վանիկից:
Դատահետքաբանական փորձաքննության 15.06.2011թ. հմ. 1093 եզ¬րա¬կա¬ցութ¬յան հա-մաձայն` փորձաքննությանը ներկայացված կոտրված գլանաձև մեխանիզմը պատրաստված է գործարանային եղանակով և պիտանի չէ հետագա օգտագործման համար, ՙCOLT՚ գրառումով բանալին պատրաստված է գործարանային եղանակով, մյուս երկու բանալիների կաղապար-ները /իրանները/ նույնպես պատրաստված են գործարանային եղանակով, սակայն վերջիննե-րիս ատամնաձև խորշերը և ցցվածքները պատրաստված են արհեստագործական եղանակով: Բանալիները հեշտությամբ փոխներգործում են մեխանիզմի կոտրված գլանների մեջ առկա աշ-խատատար դետալների հետ և գլանները պտտեցնում են իրենց առանցքների շուրջ:
Կոտրված գլանաձև մեխանիզմի մի կողմի գլանի ստորին կողադիմային մակերեսի վրա առկա հետքերը հնարավոր է առաջացել են ինչպես փորձաքննությանը ներկայացված տափա-կաշուրթ բազմաչափ արհեստավորական բանալու գլխիկի բռնող շուրթերի, այնպես էլ նմանա-տիպ չափային և կառուցվածքային այլ հատկանիշներ ունեցող գործիքի ներգործության հետե-վանքով:
Դատաապրանքագիտական փորձաքննության 17.06.2011թ. հմ. 11-1311 եզ¬րա¬կա-ցութ¬յան համաձայնª փորձաքննության տրամադրված գույքի արժեքը 2011թ. մայիսի 12-ի դրությամբ կազմում է 577.500 դրամ: ՙՄիսակի՚ մակնշմամբ երկու ականջօղ, ինչպես նաև ՙՍվարովսկի Կրիստալ Մեմորիս՚ մակնշմամբ տուփում տեղադրված զարդի շուկայական արժեքները չեն որոշվել, քանի որ նյութագիտական փորձաքննությունների բաժնի կողմից չեն տրամադրվել ելա-կետային տվյալներ դրանց վրա առկա քարերի տեսակի և որակի վերաբերյալ: Համացանցում կատարված ուսումնասիրության արդյունքում պարզվել է, որ փորձաքննության տրամադրված ՙՄիսակի՚ մակնշմամբ կախազարդից արտաքուստ տեսանելի տարբերություն չունեցող ՙՄիսա-կի՚ մակնիշի կախազարդը վերոնշյալ կազմակերպության պաշտոնական կայքում վաճառվում է 84.000 ՀՀ դրամով:
Շուկայում կատարված ուսումնասիրության արդյունքում պարզվել է, որ ՙՋիՎիՍի՚ մակ-նիշի օգտագործված և սարքին վիճակում գտնվող տեսախցիկի միջին շուկայական արժեքը 2011թ. մայիսի 12-ի դրությամբ կազմվել է շուրջ 250.000 ՀՀ դրամ:
ՙԴե կարբոնե Գերմանի՚ մակնշմամբ ութանկյան ձև ունեցող մուգ կանաչ տուփում տե-ղադրված ՙԴե կամբրիջ՚ մակնշմամբ 1 հատ կրակայրիչից, բանալու 1 հատ կախիչից, 2 հատ գրչից /որոնցից մեկը գնդիկավոր, իսկ մյուսը թանաքով/ բաղկացած հավաքածուի շուկայական արժեքի որոշման նպատակով կատարված ուսումնասիրության արդյունքում նշված հավաքա-ծուի վաճառքի վերաբերյալ տվյալներ չեն հայտնաբերվել, սակայն համացանցում կատարված ուսումնասիրության արդյունքում պարզվել է, որ նշված մակնիշի հավաքածուն վաճառվում է 8.000 ՀՀ դրամով:
ՙԻրեղեն ապացույց ճանաչելու մասին՚ 20.06.2011թ. որոշման համաձայն` իրեղեն ապացույց են ճանաչվել տուժողների բնակարանի մուտքի դռան փականի վնասված միջուկը` 3 բանալիով, ամբաստանյալների կողմից գողության ժամանակ օգտագործված երկու հատ պտու-տակահանը, կարմիր բռնակով ակցանը /ռազվադնոյ կլյուչ/, բժշկական ՙպինցետ՚-ը, պտուտա-կահանի երեք հատ գլխիկը` բռնիչ սարքով, պտուտակահանի` չորս անկյան սրությամբ տաշված մեկ հատ գլխիկը, վեց անկյան տաշվածքով, ՙկոլտ՚ դրոշմվածքով, կեռ գլխիկով լինգը, տուժող-ներին պատկանող ոսկե և արծաթե զարդերը, բիժուտերիան, ՙՋիվիսի՚ գրառումով GZMG 40E մոդելի տեսախցիկը` իր պայուսակով և լիցքավորման սարքով, երկու հատ ոսկեգույն գրիչներով ՙԴեկարբոնե գերմանի՚ գրառմամբ տուփը, մեկ հատ բանալու կախիչը և կրակայրիչը:
ՙԱնձնական զննություն կատարելու մասին՚ 12.05.11թ. արձանագրության համաձայնª Վ. Քոչարյանի անձնական խուզարկությամբ նրա բաճկոնի գրպանից հայտնաբերվել են մի շարք դեղնավուն և արծաթագույն զարդեր, որոնց վերբերյալ նա հայտարարել է, որ դրանք պատկա-նում են իրեն:
ՙՔննչական փորձարարության կատարելու մասին՚ 13.05.2011թ. արձանագրության հա-մաձայնª Հ.Հովհաննիսյանը ցույց է տվել Երևան քաղաքի Պուշկինի փողոցի 60-րդ շենքի մոտ գտնվող այն հատվածը, որտեղ նա և Կ.Մարգարյանը կանգնած հսկել են նշված շենքի մուտքը, իսկ Վ.Քոչարյանն ու Ա.Սայադյանը մտել են հիշյալ մուտք, 10-15 րոպե անց վերադարձել և ասել են, որ ամեն ինչ լավ է:
24.06.11թ. ՙՂ-Տելեկոմ՚ ՓԲԸ-ից ստացվածª Վ.Քոչարյանի, Ա.Սայադյանի և Հ.Հովհան-նիսյանի կողմից շահագործված, 077-37-58-69, 094-12-61-93 և 093-90-74-85 բջջային հեռախո-սահամարների վերծանումների համաձայնª նրանք հեռախոսային կապի մեջ են գտնվել, իսկ Ա. Սայադյանն ու Հ.Հովհաննիսյանը գողության օրըª ժամը 12-ի սահմաններում, գտնվելով ք.Երևա-նի կենտրոնական հատվածումª հեռախոսային զրույցներ են ունեցել միմյանց հետ:

Դատարանի վերլուծություն.

Դատարանը, վերլուծելով ամբաստանյալներին առաջադրված մեղադրանքներն ու հա-մակցության մեջ գնահատելով դատաքննությամբ հետազոտված ապացույցները, գործի հան-գամանքների բազմակողմանի, լրիվ և օբյեկտիվ հետազոտման վրա ձևավորված համոզմամբ հանգում է հետևության, որ սույն քրեական գործին վերաբերվող փոխկապակցված հավաստի ապացույցների բավարար ամբողջությամբ հաստատվում է, որ ամբաստանյալները կատարել են ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ և 3-րդ կետերով նախատեսված հանցագործություն, որի համար էլ նրանք պետք է պատասխանատվության ենթարկվեն ու դա-տապարտվեն ազատազրկման:
Դատարանը նաև գտնում է, որ ամբաստանյալների կատարած արարքներին տրվել են ճիշտ քրեաիրավական գնահատականներ և քրեական գործի` դատարանի կողմից գանահատ-ված ապացույցները, մասնավորապեսª ամբաստանյալներ Հ.Հովհաննսիյանի, Ա.Սայադյանի և Կ.Մարգարյանիª որպես արժանահավատ գնահատված, նախաքննական ցուցմունքները ձեռք են բերվել քրեադատավարական օրենքի պահանջների պահպանմամբ:
Ինչ վերաբերվում է սույն դատավճռի ՙԱպացույցների հետազոտում և գնահատում՚ մա-սում շարադրված` ամբաստանյալների դատաքննական ցուցմունքներում նշված պատճառաբա-նություններին, ապա դատարանը գտնում է, որ դրանք արժանահավատ չեն, Վ.Քոչարյանի հետ կամ առանց նրա գողություն կատարելու հանգամանքը որևէ կերպ չի կարող ազդել նրանց պա-տասխանատվության, պատժաչափի և արարքի որակման վրա, ամբաստանյալներ Հ.Հովհան-նսիյանը, Ա.Սայադյանը և Կ.Մարգարյանը ցանկանում են իրենց պաշտպանության տակ վեր-ցընել ամբաստանյալ Վ.Քոչարյանին, իսկ վերջինս կատարած հանցագործության համար քրե-ական պատասխանատվությունից ու պատժից խուսափելու նպատակ է հետապնդում:
Դատարանն ուշադրության արժանի հանգամանք է համարում այն, որ գործի փաստա-կան հանգամանքների, մասնավորապեսª գողությունը կատարելիս և գողացված ոսկյա զարդերը վաճառելիս նրանցից յուրաքանչյուրի գործողությունների վերաբերյալ ամբաստանյալներ Հ. Հովհաննսիյանի, Ա.Սայադյանի և Կ.Մարգարյանի դատաքննական ցուցմունքները հակասում են միմյանց, իսկ ամբաստանյալ Կ.Մարգարյանը, պնդելով, որ ինքն է մտել տուժողների բնա-կարան և կատարել գողությունը, չկարողացավ պատասխանել դատարանի հարցերին, թե գո-ղացված իրերից որը որտեղից է վերցրել և, հրաժարվելով պատասխանել հարցերին ու պատ-ճառաբանելով, որ վատառողջ է, միջնորդեց հետաձգել դաքաննությունը, ինչը բավարարվեց դա-տարանի կողմից: Մինչդեռ, հաջորդ դատական նիստում ամբաստանյալ Կ.Մարգարյանը լրա-ցուցիչ ցուցմունքով հստակ նշեց, թե գողացված իրերից որը որտեղից է վերցրել:
Նշվածի կապակցությամբ դատարանը հանգում է հետևության, որ ամբաստանյալները դատաքննության ընթացքում տվել են իրականությանը չհամապատասխանող, հետևաբարª այդ պատճառով միմյանց հակասող ցուցմունքներ, իսկ ամբաստանյալ Կ.Մարգարյանը, ժամանակ շահելով, կարողացել է հանցակիցներից ճշտել գողացված իրերիª տուժողների բնակարանում գտնվելու տեղերը:
Դատարանը նաև փաստում է, որ Երևան քաղաքի Կենտրոն և Նորք-Մարաշ վարչական շրջանների դատախազության ավագ դատախազ Ս.Հարությունյանի ՙՎարույթը կարճելու մա-սին՚ 31.01.2012թ. որոշման համաձայնª ամբաստանյալ Ա.Սայադյանը բացատրություն է տվել այն մասին, որ նախաքննության ընթացքում իր նկատմամբ բռնություն չի կիրառվել և դատա-րանում նման ցուցմունքն է տվելª ակնկալելով մեղմ պատիժ, իսկ ամբաստանյալ Վ.Քոչարյանը վերջին խոսքի ընթացքում հայտարարեց, որ եթե իր նկատմամբ նշանակվի երեք տարի ժամկե-տով ազատազրկում, ապա այն կհամարի համաչափ պատիժ և չի բողոքարկի դատավճիռը:
Ամբաստանյալների նկատմամբ պատիժ նշանակելիս` պատիժների տեսակը և չափը որոշելիս, դատարանը հաշվի է առնում նրանց կատարած հանցագործության բնույթն ու հան-րության համար վտանգավորության աստիճանը, նրանցից յուրաքանչյուրի պատասխանա-տըվությունն ու պատիժը մեղմացնող և ծանրացնող հանգամանքները, կատարած գործողությու-նների ծավալը և նրանց անձը բնութագրող տվյալները:
Որպես ամբաստանյալ Հ.Հովհաննսիյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա վատառողջ էª տառապում է ստա-մոքսի խոցային հիվանդություն, 12 մատնյա աղու կոճղեզի դեֆորմացիա և էրոզիվ բուլբիտ ախ-տորոշումներով հիվանդություններով, նրա խնամքին են գտնվում կինը, մինչև տասնչորս տարե-կան որդին և անչափահաս դուստրը, մասնակիորեն համաձայնվեց մեղադրանքի հետ ու խոս-տովանեց կատարած հանցանքը:
Որպես ամբաստանյալ Հ.Հովհաննսիյանի պատասխանատվությունն ու պատիժը ծան-րացնող հանգամանքª դատարանը հաշվի է առնում նրա կողմից հանցանք կատարելու առանձ-նապես վտանգավոր ռեցիդիվը:
Որպես ամբաստանյալ Ա.Սայադյանի պատասխանատվությունն ու պատիժը մեղմացնող հանգամանքներ` դատարանը հաշվի է առնում, որ նրա խնամքին են գտնվում կենսաթոշակառու հայրը, կենսաթոշակառու և մինչև 01.06.2012թ. երկրորդ խմբի հաշմանդամ ճանաչված մայրը, կինը և անչափահաս դուստրերը, մասնակիորեն համաձայնվեց մեղադրանքի հետ և խոստովա-նեց կատարած հանցանքը:
Որպես ամբաստանյալ Ա.Սայադյանի անձը բնութագրող տվյալներ` դատարանը հաշվի է առնում, որ նա բնութագրվում է դրական, և որ նախկինում նույնպես կատարել է հանցագործութ-յուններ:
Որպես ամբաստանյալ Կ.Մարգարյանի պատասխանատվությունն ու պատիժը մեղմաց-նող հանգամանքներ` դատարանը հաշվի է առնում, որ նա առաջին անգամ է դատապարտվում, նրա խնամքին են գտնվում չաշխատող կինը, մայրը և մինչև տասնչորս տարեկան երկու դուս-տրը, մասնակիորեն համաձայնվեց մեղադրանքի հետ ու խոստովանեց կատարած հանցանքը:
Որպես ամբաստանյալ Վ.Քոչարյանի անձը բնութագրող տվյալ` դատարանը հաշվի է առնում, որ նա բնութարվում է դրական, իսկ որպես նրա պատասխանատվությունն ու պատիժը ծանրացնող հանգամանքª հանցանք կատարելու առանձնապես վտանգավոր ռեցիդիվը:
Ամբաստանյալներ Ա.Սայադյանի և Կ.Մարգարյանի պատասխանատվությունն ու պա-տիժը ծանրացնող, իսկ ամբաստանյալ Վ.Քոչարյանի պատասխանատվությունն ու պատիժը մեղմացնող հանգամանքներ դատական քննությամբ չարձանագրվեցին:
Դատարանը, նկատի ունենալով ամբաստանյալների կատարած հանցագործության հանրության համար վտանգավորության բարձր աստիճանը և հաշվի առնելով նրանց անձն ու դրսևորած վարքագիծը, գտնում է, որ ամբաստանյալների կատարած հանցագործության համար նախատեսված նվազ խիստ պատժատեսակները չեն կարող ապահովել պատժի նպատակները, և նրանք պետք է դատապարտվեն ազատազրկման, ինչն անհրաժեշտ ու բավարար է նաև սո-ցիալական արդարությունը վերականգնելու և նրանց կողմից նոր հանցագործությունների կա-տարումը կանխելու համար:
Դատարանը, քննության առնելով իրեղեն ապացույցների տնօրինման հարցը, գտնում է, որ իրեղեն ապացույց ճանաչված փականի վնասված միջուկը` 3 բանալիով, երկու հատ պտու-տակահանը, կարմիր բռնակով ակցանը /ռազվադնոյ կլյուչ/, բժշկական ՙպինցետ՚-ը, պտուտա-կահանի երեք հատ գլխիկը` բռնիչ սարքով, պտուտակահանի` չորս անկյան սրությամբ տաշված մեկ հատ գլխիկը, վեց անկյան տաշվածքով, ՙկոլտ՚ դրոշմվածքով, կեռ գլխիկով լինգը պետք է ոչնչացվեն, իսկ ոսկե և արծաթե զարդերը, բիժուտերիան, ՙՋիվիսի՚ գրառումով GZMG40E մոդելի տեսախցիկը` իր պայուսակով և լիցքավորման սարքով, երկու հատ ոսկեգույն գրիչներով ՙԴեկարբոնե գերմանի՚ գրառմամբ տուփը, մեկ հատ բանալու կախիչը և կրակայրիչը պետք է վերադարձվեն տուժողներին:
Տուժողները քաղաքացիական հայց չեն հարուցել:
Քննության առնելով ամբաստանյալների նկատմամբ ընտրված խափանման միջոցների հարցը` դատարանը գտնում է, որ նրանց նկատմամբ ընտրված խափանման միջոցները` մինչև դատավճռի օրինական ուժի մեջ մտնելը, պետք է թողնվեն անփոփոխ:
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119, 357-360, 365, 367 և 369-372 հոդվածներով` դատարանը

Վ Ճ Ռ Ե Ց

1. Հրաչյա Վառլամի Հովհաննիսյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ ու 3-րդ կետերով և դատապարտել ազատազրկման 4 (չորս) տարի ժամկետով, որպիսի պատիժը պետք է կրի ՀՀ ԱՆ համապատասխան քրեակատարողա-կան հիմնարկում:
Պատժի կրման սկիզբը հաշվել 2011թ. մայիսի 13-ից:
Հ.Հովհաննիսյանի նկատմամբ կիրառված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
2. Արտեմ Արամայիսի Սայադյանին ճանաչել մեղավոր ՀՀ քրեական օրենսգրքի177-րդ հոդվածի 2-րդ մասի 1-ին, 2-րդ ու 3-րդ կետերով և դատապարտել ազատազրկման 2 (երկու) տարի 6 (վեց) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեա-կատարողական հիմնարկում:
Պատժի կրման սկիզբը հաշվել 2011թ. մայիսի 13-ից:
Ա.Սայադյանի նկատմամբ կիրառված խափանման միջոցը թողնել անփոփոխ` մինչև դա-տավճռի օրինական ուժի մեջ մտնելը:
3. Կարեն Ռաֆիկի Մարգարյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ ու 3-րդ կետերով և դատապարտել ազատազրկման 2 (երկու) տա-րի 6 (վեց) ամիս ժամկետով, որպիսի պատիժը պետք է կրի ՀՀ ԱՆ համապատասխան քրեա-կատարողական հիմնարկում:
Պատժի կրման սկիզբը հաշվել 2011թ. մայիսի 13-ից:
Կ.Մարգարյանի նկատմամբ կիրառված խափանման միջոցը թողնել անփոփոխ` մինչև դատավճռի օրինական ուժի մեջ մտնելը:
4. Վանիկ Վոլոդյայի Քոչարյանին ճանաչել մեղավոր ՀՀ քրեական օրենսգրքի 177-րդ հոդվածի 2-րդ մասի 1-ին, 2-րդ ու 3-րդ կետերով և դատապարտել ազատազրկման 4 (չորս) տա-րի ժամկետով, որպիսի պատիժը պետք է կրի ՀՀ ԱՆ համապատասխան քրեակատարողական հիմնարկում:
Պատժի կրման սկիզբը հաշվել 2011թ. մայիսի 13-ից:
Վ.Քոչարյանի նկատմամբ կիրառված խափանման միջոցը թողնել անփոփոխ` մինչև դա-տավճռի օրինական ուժի մեջ մտնելը:
Իրեղեն ապացույց ճանաչված փականի վնասված միջուկը` 3 բանալիով, երկու հատ պտուտակահանը, կարմիր բռնակով ակցանը /ռազվադնոյ կլյուչ/, բժշկական ՙպինցետ՚-ը, պտուտակահանի երեք հատ գլխիկը` բռնիչ սարքով, պտուտակահանի` չորս անկյան սրությամբ տաշված մեկ հատ գլխիկը, վեց անկյան տաշվածքով, ՙկոլտ՚ դրոշմվածքով, կեռ գլխիկով լինգը ոչնչացնել, իսկ ոսկե և արծաթե զարդերը, բիժուտերիան, ՙՋիվիսի՚ գրառումով GZMG40E մո-դելի տեսախցիկը` իր պայուսակով և լիցքավորման սարքով, երկու հատ ոսկեգույն գրիչներով ՙԴեկարբոնե գերմանի՚ գրառմամբ տուփը, մեկ հատ բանալու կախիչը և կրակայրիչը վերա-դարձնել տուժողներին:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ