գործ` ԵԿԴ/0125/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ


Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Ղամբարյանի
մասնակցությամբ` մեղադրող` Արման Հակոբյանի
պաշտպան` Աշոտ Սարգսյանի
տուժողի ներկայացուցիչ` Հակոբ Ասլանյանի

2011 թվականի հուլիսի 06-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Հրայր Արամի Վանյանի` ծնված 01.01.1957 թվականին Խանլարի շրջանի Մարտունաշեն գյուղում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, չի աշխատում, նախկինում չդատված, բնակվել է Երևան քաղաքի Ա.Տիգրանյան փողոցի 20 շենքի թիվ 1 բնակարանում, կալանքի տակ է 20.05.2011 թվականից:

Հրայր Արամի Վանյանը մեղադրվում է ՀՀ քրեական օրենսգրքի 179-րդ հոդվածի 2-րդ մասի 1-ին կետով:
20.05.2011 թվականի որոշմամբ Հրայր Արամի Վանյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

2011 թվականի ապրիլի 19-ին, ժամը 2100-ից մինչև ապրիլի 20-ի ժամը 0900-ն ընկած ժամանակահատվածում անհայտ անձինք պատուհանի ապակին կոտրելու միջոցավ ապօրինի մուտք են գործել Երևան քաղաքի Նորք-Մարաշ 11 փողոցի 62 հասցեում գործող թիվ 157 միջնակարգ դպրոց, ապա` 2-րդ հարկում գտնվող համակարգչային լսարանի դռան փականը կոտրելու միջոցով մուտք են գործել լսարան և այնտեղից գաղտնի հափշտակել ՙՄերկուրի՚ ֆիրմայի ՙՊենտիում-4՚ տեսակի տասը հատ համակարգիչներ` իրենց մոնիտորներով և պրոյեկտոր:
Դեպքի առթիվ 2011 թվականի ապրիլի 20-ին ՀՀ ոստիկանության քննչական գլխավոր վարչության Կենտրոնականի քննչական բաժնում ՀՀ քրեական օրենսգրքի 177 հոդվածի 2-րդ մասի 1-ին և 3-րդ կետերով հարուցվել է թիվ 13121611 քրեական գործը:
Կենտրոն և Նորք-Մարաշ վարչական շրջանների դատախազության դատախազ Ա.Հակոբյանի կողմից 2011 թվականի մայիսի 11-ին որոշում է կայացվել թիվ 13121611 քրեական գործի նյութերով թիվ 157 դպրոցի տնօրեն Հրայր Արամի Վանյանի կողմից պաշտոնեական դիրքն օգտագործելով Ավետիս Մանուկյանի աշխատավարձը յուրացնելու փաստով ՀՀ քրեական օրենսգրքի 179 հոդվածի 2-րդ մասի 1-ի կետով նոր գործ հարուցելու մաիսն, որին տրվել է 13201011 համարը և նախաքննություն կատարելու համար ուղարկվել է Կենտրոնականի քննչական բաժին:
2011 թվականի մայիսի 12-ի որոշմամբ թիվ 13201011 քրեական գործն ընդունվել է ՀՀ ոստիկանության ՔԳՎ Երևանի ՔՎ Կենտրոնականի քննչական բաժնի քննիչ Հ.Կիրակոսյանի վարույթ:
2011 թվականի մայիսի 20-ի որոշմամբ Հրայր Արամի Վանյանը ՀՀ քրեական օրենսգրքի 179 հոդվածի 2-րդ մասի 1-ին կետով ներգրավվել է որպես մեղադրյալ, նույն օրը նրա նկատմամբ որպես խափանման միջոց է ընտրվել կալանավորումը:
Հրայր Արամի Վանյանին ՀՀ քրեական օրենսգրքի 179 հոդվածի 2-րդ մասի 1-ին կետով մեղադրանք է առաջադրվել այն բանի համար, որ նա օգտագործելով իր պաշտոնեական դիրքը, յուրացնելու միջոցով հափշտակել է իրեն վստահված զգալի չափերով գումարը.
Երևան քաղաքի Ա.Տրգրանյան փողոցի 20 շենքի թիվ 1 բնակարանի բնակիչ` ամբաստանյալ Հրայր Արամի Վանյանը Երևանի քաղաքապետի 2003 թվականի մարտի 03-ի թիվ Կ-43 կարգադրությամբ նշանակվել է Երևանի թիվ 157 միջնակարգ դպրոցի պետական ոչ առևտրային կազմակերպության տնօրեն: Հ.Վանյանը հանդիսանալով կազմակերպական-տնօրինչական գործառույթներ իրականացնող պետական ծառայող, գույքի հափշտակություն կատարելու դիտավորությամբ, իր պաշտոնական դիրքն օգտագործելով, հետագայում թոշակավորման նպատակով` առանց աշխատանքի ներկայանալու պայմաններում աշխատանքային ստաժ հաշվարկելու համար, 2010 թվականի սեպտեմբերի 30-ին Երևան քաղաքի Նորք-Մարաշ 11 փողոցի թիվ 65 տան բնակիչ Ավետիս Հրաչյայի Մանուկյանին առաջարկել է Երևանի թիվ 157 միջնակարգ դպրոցում որպես գիշերային պահակ աշխատելու վերաբերյալ իրեն դիմում ներկայացնել: Վերջինս Հ.Վանյանի հանցավոր մտադրությունից անտեղյակ, համաձայնել է և ներկայացրել է պահանջված դիմումը, որի հիման վրա Հ.Վանյանը 2010 թվականի հոկտեմբերի 01-ին թիվ 35 հրամանով Ա.Մանուկյանին ձևակերպել է որպես դպրոցի գիշերայն պահակ, որից հետո յուրաքանչյուր ամսվա վերջում դպրոցի հաշվապահություն ներկայացված աշխատաժամանակի հաշվարկի տեղեկագրի մեջ Ա.Մանուկյանի փաստացի աշխատած ժամանակահատվածի վերաբերյալ ներկայացրել է կեղծ տեղեկություններ, որի հիման վրա հաշվապահ, գործով վկա Մարինե Սիմոնյանը աշխատավարձ է հաշվարկել: Դրանից հետո ամբաստանյալ Հ.Վանյանը 2010 թվականի նոյեմբերի 02-ից մինչև 2011 թվականի ապրիլի 01-ն ընկած ժամանակահատվածում միասնական հանցավոր դիտավորությամբ միավորված` շարունակաբար Ա.Մանուկյանի անվամբ տրված ՙԱրարատբանկ՚ ՓԲ ընկերության ՙԱրքա կլասիկ՚ քարտով Երևան քաղաքի Աբովյան և Ազատության փողոցներում տեղադրված` հիշյալ ՓԲ ընկերությանը պատկանող բանկոմատներից կանխիկացրել և յուրացնելու միջոցով հափշտակել է ՀՀ պետական բյուջեյի բյուջետային միջոցներից Երևան քաղաքի վթիվ 157 միջնակարգ դպրոցին հատկացված գումարնեիրց զգալի չափի` 413.000 ՀՀ դրամ գումարը:
23.06.2011 թվականի որոշմամբ թիվ 13201011 քրեական գործով Ավետիս Մանուկյանի և Մարինե Սիմոնյանի նկատմամբ քրեական հետապնդում չի իրականացվել` հանցակազմի բացակայության պատճառաբանությամբ:
28.06.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Հրայր Արամի Վանյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 06.07.2011 թվականին որոշում է կայացրել արագացված կարգով դատական քննություն անցկացնելու մասին:
Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Հրայր Արամի Վանյանը օգտագործելով իր պաշտոնեական դիրքը, յուրացնելու միջոցով հափշտակել է իրեն վստահված զգալի չափերով գումարը` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 179 հոդվածի 2-րդ մասի 1-ին կետով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Հրայր Արամի Վանյանը անկեղծորեն խոստովանեց և զղջաց կատարած արարքի համար, նախկինում դատապարտված չի եղել, բնութագրվում է դրականորեն, պարգևատրվել է պատվոգրերով և շնորհակալագրերով, 14.08.2007 թվականին կատարվել է Հ.Վանյանի սրտի ձախ առաջային վայրէջ կորոնար զարկերակի պրոքսիմալ հատվածի 60%-ի նեղացում:
Պատասխանատվությունը և պատիժը մեղմացնող հանգամանք դատարանը դիտում է պատճառված վնասը կամովին հատուցելը:
Պատասխանատվությունը և պատիժը ծանրացնող հանգամանքներ չկան:
Սույն քրեական գործով ամբաստանյալ Հրայր Արամի Վանյանին մեղադրանք է առաջադրվել ՀՀ քրեական օրենսգրքի 179-րդ հոդվածի 2-րդ մասի 1-ին կետով, որի սանկցիան նախատեսում է հետևյալ պատժատեսակները` ՙտուգանք` նվազագույն աշխատավարձի հինգհարյուրապատիկից հազարապատիկի չափով, կամ ազատազրկում` երկուսից հինգ տարի ժամկետով` որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելով` առավելագույնը երեք տարի ժամկետով կամ առանց դրա՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 179-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալ Հրայր Արամի Վանյանի նկատմամբ ՀՀ քրեական օրենսգրքի 179-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել, հետևյալ պատճառաբանությամբ.
Ամբաստանյալ Հրայր Արամի Վանյանը հանդիսանալով կազմակերպական-տնօրինչական գործառույթներ իրականացնող պետական ծառայող, գիտակցաբար կատարել է քրեորեն հետապնդելի արարք` օգտագործելով իր պաշտոնեական դիրքը, հափշտակելու միջոցով յուրացրել է իրեն վստահված զգալի չափերով գումարը, կատարել է միջին ծանրության հանցագործություն, ուստի վերը նշվածը հաշվի առնելով դատարանը գտնում է, որ ամբաստանյալ Հրայր Արամի Վանյանի նկատմամբ պետք է նշանակել ՀՀ քրեական օրենսգրքի 179-րդ հոդվածի 2-րդ մասի սանկցիայով նախատեսված ՙազատազրկում՚ պատժատեսակը:
Տուժողի ներկայացուցիչ Հակոբ Արսենի Ասլանյանը դատարան ներկայացված դիմումներով ամբաստանյալ Հրայր Արամի Վանյանի նկատմամբ բողոք և քաղաքացիական հայցի պահանջ չի ներկայացրել` դատաքննության ընթացքում պատճառված վնասն ամբողջությամբ վերականգնված լինելու հիմքով:
ՀՀ Ազգային ժողովի կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետի համաձայն պատժից ազատվում են առավելագույնը երեք տարի ժամկետով ազատությունից զրկելու հետ կապված պատիժների դատապարտված անձինք: Նույն որոշման 15-րդ կետի համաձայն` սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2011 թվականի մայիսի 1-ը ներառյալ:
Նկատի ունենալով այն հանգամանքը, որ ամբաստանյալ Հրայր Արամի Վանյանը հանցանքը կատարել է մինչև 2011 թվականի մայիսի 01-ը, ուստի դատարանը գտնում է, որ Հ.Վանյանի նկատմամբ մինչև երեք տարի ժամկետով ազատազրկման ձևով պատիժ նշանակելու դեպքում նրա նկատմամբ կարող է կիրառել ՀՀ Ազգային ժողովի կողմից ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել նշանակված պատժից:
Դատարանը քննարկելով ամբաստանյալի նկատմամբ ընտրված խափանման միջոցի հարցը, գտնում է, որ ամբաստանյալ Հրայր Արամի Վանյանի նկատմամբ ՀՀ Ազգային ժողովի կողմից ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը կիրառելու և նշանակված պատժից ազատելու դեպքում նրա նկատմամբ ընտրված խափանման միջոցը` կալանավորումը, պետք է վերացնել և նրան պետք է ազատ արձակել դատական նիստերի դահլիճում:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Հրայր Արամի Վանյանին մեղավոր ճանաչել ՀՀ քրեական օրենսգրքի 179-րդ հոդվածի 2-րդ մասի 1-ին կետով և նրան դատապարտել ազատազրկման 2 /երկու/ տարի ժամկետով` առանց որոշակի պաշտոններ զբաղեցնելու իրավունքի զրկման:
Հրայր Արամի Վանյանի նկատմամբ կիրառել ՀՀ ազգային ժողովի կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել նշանակված պատժից:
Հրայր Արամի Վանյանի նկատմամբ կիրառված խափանման միջոցը` կալանավորումը, վերացնել և նրան ազատ արձակել դատական նիստերի դահլիճում:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ