գործ` ԵԿԴ/0122/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Ղամբարյանի
մասնակցությամբ` մեղադրող` Սամվել Հարությունյանի
պաշտպան` Հենրիկ Բաղդասարյանի
տուժող` Էդգար Մայիլյանի

2011 թվականի օգոստոսի 22-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Քաջիկ Աթանեսի Գրիգորյանի` ծնված 19.04.1958 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնալուծված, խնամքին ոչ ոք, նախկինում դատված`
1. Սպանդարյանի շրջանի ժողդատարանի 18.11.1974 թվականի դատավճռով ՀՀ քրեական օրենսգրքի 222 հոդվածի 1-ին մասով դատապարտվել է ազատազրկման 6 ամիս ժամկետով, 12.12.1974 թվականի որոշմամբ նշանակված պատիժը փոխարինվել է 50 ռուբլի տուգանքով,
2. Սպանդարյանի շրջանի ժողդատարանի 24.07.1979 թվականի դատավճռով ՀՀ քրեական օրենսգրքի 222 հոդվածի 2-րդ մասով դատապարտվել է ազատազրկման 1 տարի ժամկետով,Հրազդանի շրջանի ժողդատարանի 22.11.1979 թվականի որոշմամբ ՀՀ քրեական օրենսգրքի 23 հոդվածի 2-րդ մասի կիրառմամբ նշանակված պատիժը փոխարինվել է 1 տարի 3 ամիս 16 օր ուղղիչ աշխատանքներով,
3. Սպանդարյանի շրջանի ժողդատարանի 20.05.1986 թվականի դատավճռով ՀՀ քրեական օրենսգրքի 15-143 հոդվածի 1-ին մասով, ՀՀ քրեական օրենսգրքի 229 հոդվածի 3-րդ մասով դատապարտվել է ազատազրկման 2 տարի ժամկետով,
4. Էրեբունու շրջանի ժողդատարանի 12.04.1995 թվականի դատավճռով ՀՀ քրեական օրենսգրքի 86 հոդվածի 2-րդ մասով դատապարտվել է ազատազրկման 4 տարի ժամկետով, 20.06.1996 թվականի որոշմամբ պատժից պայմանական վաղաժամկետ ազատվել է` 2 տարի 7 ամիս ժամկետով,
5. Նոր Նորքի ժողդատարանի 06.02.2006 թվականի դատավճռով ՀՀ քրեական օրենսգրքի 268 հոդվածի 2-րդ մասով, ՀՀ քրեական օրենսգրքի 271 հոդվածի 1-ին մասով, ՀՀ քրեական օրենսգրքի 66 հոդվածի 3-րդ մասի կիրառմամբ դատապարտվել է ազատազրկման 1 տարի ժամկետով և տուգանքի` 50.000 ՀՀ դրամի չափով, ՀՀ քրեական օրենսգրքի 70 հոդվածի կիրառմամբ պատիժը պայմանականորեն չի կիրառվել` 1 տարի ժամանակով,
6. Կենտրոնի առաջին ատյանի դատարանի 13.06.2007 թվականի դատավճռով ՀՀ քրեական օրենսգրքի 178 հոդվածի 2-րդ մասի 1-ին և 2-րդ կետերով, ՀՀ քրեական օրենսգրքի 64 հոդվածի կիրառմամբ դատապարտվել է ազատազրկման 1 տարի ժամկետով և տուգանքի` 50.000 ՀՀ դրամի չափով, դատվածությունը չմարված, չի աշխատել, հաշվառված է Երևան քաղաքի Հանրապետության 32 շենքի 29 բնակարանում, կալանքի տակ է 18.05.2011 թվականից:

Քաջիկ Աթանեսի Գրիգորյանը մեղադրվում է ՀՀ քրեական օրենսգրքի 34-177 հոդվածի 1-ին մասով:
19.05.2011 թվականի որոշմամբ Քաջիկ Աթանեսի Գրիգորյանի նկատմամբ որպես խափանման միջոց է ընտրվել կալանավորումը:

Գործի դատավարական նախապատմությունը.

Հափշտակություն կատարելու կասկածանքով 2011 թվականի մայիսի 17-ին, ժամը 2000-ին ՀՀ ոստիկանության Կենտրոնականի բաժին բերման է ենթարկվել Երևան քաղաքի Հանրապետության 32 շենքի 29-րդ բնակարանի բնակիչ Քաջիկ Աթանեսի Գրիգորյանը:
Փաստի առթիվ ՀՀ ոստիկանության Կենտրոնականի քննչական բաժնում 2011 թվականի մայիսի 18-ին ՀՀ քրեական օրենսգրքի 34-177 հոդվածի 2-րդ մասի 4-րդ կետի հատկանիշներով հարուցվել է թիվ 13130311 քրեական գործը:
Զգալի չափերի գողության փորձ կատարելու համար 2011 թվականի մայիսի 18-ին Քաջիկ Աթանեսի Գրիգորյանը ձերբակալվել է:
2011 թվականի մայիսի 19-ի որոշմամբ Քաջիկ Աթանեսի Գրիգորյանը ՀՀ քրեական օրենսգրքի 34-177 հոդվածի 2-րդ մասի 4-րդ կետով ներգարվվել է որպես մեղադրյալ, նույն օրը նրա նկատմամբ որպես խափանման միջոց է ընտրվել կալանավորումը:
2011 թվականի հունիսի 13-ի որոշմամբ Քաջիկ Աթանեսի Գրիգորյանին` ՀՀ քրեական օրենսգրքի 34-177 հոդվածի 2-րդ մասի 4-րդ կետով փոփոխվել է և նրան նոր մեղադրանք է առաջադրվել ՀՀ քրեական օրենսգրքի 34-177 հոդվածի 1-ին մասով:
Նախաքննական մարմնի կողմից Քաջիկ Աթանեսի Գրիգորյանին ՀՀ քրեական օրենսգրքի 34-177 հոդվածի 1-ին մասով մեղադրանք է առաջադրվել այն բանի համար, որ նա փորձել է կատարել ուրիշի գույքի զգալի չափերով գաղտնի հափշտակություն` գողություն.
Ամբաստանյալ Քաջիկ Աթանեսի Գրիգորյանը 2011 թվականի մայիսի 17-ին, ժամը 1930-ի սահմաններում Երևան քաղաքի Խորենացի-Ագաթանգեղոս փողոցների խաչմերուկի կանգառում ՙ29՚ համարի երթուղային տաքսու մեջ փորձել է գաղտնի հափշտակել գործով տուժող Էդգար Ռուբենի Մայիլյանի` ընդհանուր 14.000 ՀՀ դրամ արժողության դրամապանակը, որի մեջ առկա են եղել ՙՆուռ՚, ՙՍթար՚, ՙԵրևան Սիթի՚ կուտակային քարտեր, թվով չորս հատ բջջային հեռախոսաքարտեր, սակայն իր կամքից անկախ հանգամանքներով չի կարողացել հանցագործությունն ավարտին հասցնել, քանի որ այդ պահին բռնվել է վերջինիս կողմից:
21.06.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Քաջիկ Աթանեսի Գրիգորյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 22.08.2011 թվականին որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Քաջիկ Աթանեսի Գրիգորյանը փորձել է կատարել ուրիշի գույքի զգալի չափերով գաղտնի հափշտակություն` գողություն` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 34-177 հոդվածի 1-ին մասով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Քաջիկ Աթանեսի Գրիգորյանը անկեղծորեն խոստովանեց և զղջաց կատարած արարքի համար, բնութագրվում է դրականորեն, նախկինում եղել է 6 անգամ դատապարտված:
Պատասխանատվությունը և պատիժը մեղմացնող հանգամանքներ չկան:
Որպես պատասխանատվությունը և պատիժը ծանրացնող հանգամանք դատարանը դիտումը է հանցանքը ալկոհոլի ազդեցության տակ կատարելը:
Սույն քրեական գործով ամբաստանյալ Քաջիկ Աթանեսի Գրիգորյանին մեղադրանք է առաջադրվել ՀՀ քրեական օրենսգրքի 34-177 հոդվածի 1-ին մասով, որի սանկցիան նախատեսում է հետևյալ պատժատեսակները` ՙՏուգանք` նվազագույն աշխատավարձի հարյուրապատիկից չորսհարյուրապատիկի չափով, կամ կալանք` մեկից երկու ամիս ժամկետուվ, կամ ազատազրկում` առավելագույնը երկու տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 177-րդ հոդվածի 1-ին մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալ Քաջիկ Աթանեսի Գրիգորյանի նկատմամբ ՀՀ քրեական օրենսգրքի 177-րդ հոդվածի 1-ին մասի սանկցիայով նախատեսված ՙՏուգանք՚ պատժատեսակը չի կարող նշանակվել, հետևյալ պատճառաբանությամբ.
Հաշվի առնելով այն հանգամանքը, որ Քաջիկ Աթանեսի Գրիգորյանը 15.07.2011 թվակայնի դատական նիստին հայտնել է, որ ցանկանում է ունենալ պաշտպան, սակայն գտնվում է ֆինանսապես ծանր վիճակում և խնդրել է տրամադրել հանրային պաշտպան, բացի այդ Ք.Գրիգորյանը չի աշխատել, ուստի հիմնավոր կասկածներ կան, որ դատարանի կողմից նշանակված 100.000-ից 400.000 ՀՀ դրամ գումարի սահմաններում տուգանքի գումարը նա չի կարող միանվագ վճարել:
ՀՀ քրեական օրենսգրքի 57 հոդվածի 1-ին մասը սահմանում է` ՙԿալանքը ուղղիչ հիմնարկում անազատության մեջ պահելու ձևով հասարակությունից խիստ մեկուսացման պայմաններում դատապարտյալին պահելն է: Կալանքը կարող է նշանակվել ոչ մեծ և միջին ծանրության հանցանքների համար սույն օրենսգրքի Հատուկ մասով նախատեսված դեպքերում` տասնհինգ օրից մինչև երեք ամիս ժամկետով և միայն այն դեպքում, երբ կալանավորումը որպես խափանման միջոց չի կիրառվել՚:
Նկատի ունենալով այն հանգամանքը, որ նախաքննական մարմնի կողմից Քաջիկ Աթանեսի Գրիգորյանի նկատմամբ որպես խափանման միջոց է ընտրվել կալանավորումը, ուստի վերջինիս նկատմամբ չի կարող նշանակվել նաև ՀՀ քրեական օրենսգրքի 177 հոդվածի 1-ին մասի սանկցիայով նախատեսված ՙԿալանք՚ պատճատեսակը, ուստի դատարանը գտնում է, որ Քաջիկ Աթանեսի Գրիգորյանի նկատմամբ պետք է նշանակել ՀՀ քրեական օրենսգրքի 177 հոդվածի 1-ին մասի սանկցիայով նախատեսված ՙԱզատազրկում՚ պատժատեսակը:
Դատարանը քննարկելով ամբաստանյալի նկատմամբ կիրառված խափանման միջոցի, իրեղեն ապացույցների և այլ ապացույցի հարցերը, գտնում է, որ ամբաստանյալ Քաջիկ Աթանեսի Գրիգորյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը, իսկ քրեական գործով իրեղեն ապացույց ճանաչված և տուժող Էդգար Մայիլյանին ի պահ հանձնված բջջային հեռախոսաքարտերը պետք է թողնել նրա տնօրինությանը, ՙՕրիֆլեյմ՚ դրամապանակը, ՙՆուռ՚, ՙՍթար՚, ՙԵրևան Սիթի՚ կուտակային քարտերը, պետք է վերադարձնել տուժող Էդգար Ռուբենի Մայիլյանին` դատավճիռն օրինական ուժի մեջ մտնելուց հետո, իսկ քրեական գործով ապացույց ճանաչված` այլ փաստաթղթեր հանդիսացող` Ք.Գրիգորյանին ՀՀ ոստիկանության Կենտրոնականի բաժին բերման ենթարկելու և Է.Մայիլյանի կողմից ՀՀ ոստիկանության Կենտրոնականի բաժնում դրամապանակը ներկայացնելու վերաբերյալ կազմված արձանագրությունները պետք է թողնել քրեական գործին կցված:
Տուժող Էդգար Ռուբենի Մայիլյանի կողմից ամբաստանյալ Քաջիկ Աթանեսի Գրիգորյանի նկատմամբ քաղաքացիական հայցի պահանջ չի ներկայացվել:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Քաջիկ Աթանեսի Գրիգորյանին մեղավոր ճանաչել ՀՀ քրեական օրենսգրքի 34-177 հոդվածի 1-ին մասով և դատապարտել ազատազրկման` 6 /վեց/ ամիս ժամկետով:
Քաջիկ Աթանեսի Գրիգորյանի պատժի սկիզբը հաշվել 18.05.2011 թվականից, խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Քրեական գործով իրեղեն ապացույց ճանաչված և տուժող Էդգար Մայիլյանին ի պահ հանձնված բջջային հեռախոսաքարտերը թողնել նրա տնօրինությանը, իսկ ՙՕրիֆլեյմ՚ դրամապանակը, ՙՆուռ՚, ՙՍթար՚, ՙԵրևան Սիթի՚ կուտակային քարտերը, վերադարձնել տուժող Էդգար Ռուբենի Մայիլյանին` դատավճիռն օրինական ուժի մեջ մտնելուց հետո:
Քրեական գործով ապացույց ճանաչված` այլ փաստաթղթեր հանդիսացող` Ք.Գրիգորյանին ՀՀ ոստիկանության Կենտրոնականի բաժին բերման ենթարկելու և Է.Մայիլյանի կողմից ՀՀ ոստիկանության Կենտրոնականի բաժնում դրամապանակը ներկայացնելու վերաբերյալ կազմված արձանագրությունները` թողնել քրեական գործին կցված:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ