գործ` ԵԿԴ/0117/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Լուսինե Ղամբարյանի
մասնակցությամբ` մեղադրող` Աշոտ Գալստյանի
պաշտպաններ` Վարդան Գրիգորյանի
Նարինե Մկրտչյանի
տուժողի ներկայացուցիչ` Մարտուն Մկոյանի

2011 թվականի օգոստոսի 31-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Գրիգոր Ստեփանի Խաչատրյանի` ծնված 10.01.1958 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին ոչ ոք, նախկինում դատված` Երևանի քրեական դատարանի 03.09.2008 թվականի դատավճռով ՀՀ քրեական օրենսգրքի 205 հոդվածի 2-րդ մասով դատապարտվել է ազատազրկման 4 /չորս/ տարի ժամկետով, պատիժը կրում է ՀՀ ԱՆ ՙԷրեբունի՚ ՔԿ հիմնարկում:

Գրիգոր Ստեփանի Խաչատրյանը մեղադրվում է ՀՀ քրեական օրենսգրքի 325 հոդվածի 2-րդ մասով:

Կարինե Ալեքսանի Խալաթյանի` ծնված 20.07.1965 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին 1 անձ, չդատված, բնակվում է Երևան քաղաքի, Ավան-Առինջ, 2/5 շենքի թիվ 1 բնակարանում:

Կարինե Ալեքսանի Խալաթյանը մեղադրվում է ՀՀ քրեական օրենսգրքի 325 հոդվածի 2-րդ մասով:
14.04.2011 թվականի որոշմամբ Կարինե Ալեքսանի Խալաթյանի նկատմամբ որպես խափանման միջոց է ընտրվել ստորագրություն` չհեռանալու մասին:

Գործի դատավարական նախապատմությունը.

ՙԷլգրիգ՚ ՍՊ ընկերության տնօրեն Գրիգոր Ստեփանի Խաչատրյանի կողմից 11.06.2006 թվականից մինչև 08.10.2007 թվականն ընկած ժամանակահատվածում հարկային պարտավորություններ չկատարելու համար Երևանի քրեական դատարանի 03.09.2008 թվականի դատավճռով Գրիգոր Ստեփանի Խաչատրյանը մեղավոր է ճանաչվել ՀՀ քրեական օրենսգրքի 205 հոդվածի 2-րդ մասով նախատեսված հանցնաք կատարելու մեջ և դատապարտվել է ազատազրկման 4 /չորս/ տարի ժամկետով, ներկայումս պատիժը կրում է ՀՀ ԱՆ ՙԷրեբունի՚ ՔԿ հիմնարկում:
Պատժի կրման ընթացքում պարզվել է, որ դեռևս 27.04.2006 թվականին Կարինե Խալաթյանի և ՙԱրցախբանկ՚ ՓԲ ընկերության Սայաթ-Նովա մասնաճյուղի միջև կնքվել է թիվ ԱՎ-06-377 վարկային պայմանագիրը, համաձայն որի ավտոմեքենա ձեռք բերելու նպատակով Կ.Խալաթյանին տրամադրվել է 5.400 ԱՄՆ դոլար գումարով վարկ` տարեկան 20 % տոկոսադրույքով, մինչև 24.07.2009 թվականը մարման ժամկետով: Որպես վարկային պարտավորությունների կատարման ապահովման միջոց է հանդիսացել 24.07.2006 թվականին կնքված Կոշտ գրավի պայմանագրի առարկա հանդիսացող ՙՎԱԶ 21074-120-21՚ մակնիշի 05 ՍՏ 678 պետհամարանիշի ավտոմեքենան, որը թողնվել է Կ.Խալաթյանի տիրապետման տակ: Քանի որ Կ.Խալաթյանը չի կատարել հյարկային պարտավորությունները, բանկը դիմել է դատարան` 3.546 ԱՄՆ դոլար գումարի բռնագանձման պահանջով: Հայցը բավարարվել է և դատարանի կողմից տրված կատարողական թերթի հիման վրա 23.11.2009 թվականի որոշմամբ կատարողական վարույթն ավարտվել է` պարտապան Կ.Խալաթյանի անվամբ գրավադրված ՙՎԱԶ 21074-120-21՚ մակնիշի 05 ՍՏ 678 պետհամարանիշի ավտոմեքենան չհայտնաբերելու պատճառաբանությամբ:
Կատարվածի մասին ՙԱրցախբանկ՚ ՓԲ ընկերությունը 11.10.2010 թվականի գրությամբ նաև հայտնել է Երևան քաղաքի Կենտրոն և Նորք-Մարաշ վարչական շրջանների դատախազին:
Հաղորդման հիման վրա նախապատրաստված նյութերով պարզվել է, որ Գրիգոր Ստեփանի Խաչատրյանը և Կարինե Ալեքսանի Խալաթյանը նախնական համաձայնությամբ 2006 թվականի հուլիսի 20-ին պատրաստել են, իսկ 2006 թվականի հուլիսի 24-ին Կ.Խալաթյանի կողմից ՙԱրցախբանկ՚ ՓԲ ընկերությանն է ներկայացվել ՙԷլգրիգ՚ ՍՊ ընկերությունում որպես գլխավոր հաշվապահ աշխատելու և ամսական 180.000 ՀՀ դրամ աշխատավարձ ստանալու վերաբերյալ կեղծ տեղեկանքը
Փաստի առթիվ ՀՀ ոստիկանության քննչական գլխավոր վարչության Երևան քաղաքի քննչական վարչության Կենտրոնականի քննչական բաժնում 2011 թվականի փետրվարի 18-ին հարուցվել է թիվ 13110011 քրեական գործը:
2011 թվականի ապրիլի 14-ի որոշմամբ Գրիգոր Ստեփանի Խաչատրյանը ՀՀ քրեական օրենսգրքի 325 հոդվածի 2-րդ մասով և ՀՀ քրեական օրենսգրքի 214 հոդվածի 1-ին մասով ներգրավվել է որպես մեղադրյալ:
2011 թվականի ապրիլի 14-ի որոշմամբ Կարինե Ալեքսանի Խալաթյանը ՀՀ քրեական օրենսգրքի 325 հոդվածի 2-րդ մասով ներգրավվել է որպես մեղադրյալ և նույն օրը նրա նկատմամբ որպես խափանման միջոց է ընտրվել ստորագրություն չհեռանալու մասին:
Գրիգոր Ստեփանի Խաչատրյանին ՀՀ քրեական օրենսգրքի 325 հոդվածի 2-րդ մասով և ՀՀ քրեական օրենսգրքի 214 հոդվածի 1-ին մասով մեղադրանքներ է առաջադրվել այն բանի համար, որ նա հանդիսանալով առևտրային կազմակերպության ղեկավար, իր լիազորությունները կազմակերպության շահերին հակառակ և իր ու այլ անձանց օգտին օգտագործելով, նախնական համաձայնությամբ այլ անձի կողմից օգտագործելու նպատակով պատրաստել և իրացրել է ակնհայտ կեղծ պաշտոնական փաստաթուղթ.
Կարինե Ալեքսանի Խալաթյանին ՀՀ քրեական օրենսգրքի 325 հոդվածի 2-րդ մասով մեղադրանք է առաջադրվել այն բանի համար, որ նա մի խումբ անձանց կողմից նախնական համաձայնությամբ օգտագործել է ակնհայտ կեղծ պաշտոնական փաստաթուղթ.
Երևան քաղաքի բնակիչ, ամբաստանյալ Գրիգոր Ստեփանի Խաչատրյանը 2006 թվականի ընթացքում տեղեկանալով, որ ՙԱրցախբանկ՚ ՓԲ ընկերության կողմից սպառողական վարկեր են տրամադրվում ավտոմեքենա ձեռք բերելու համար, նպատակադրվել է իր անձնական օգտագործման համար ապառիկ կարգով ՙՎԱԶ-2107՚ մակնիշի ավտոմեքենա ձեռք բերել: Ամբաստանյալ Գ.Խաչատրյանն իր այդ մտադրության մասին հայտնել է իր խնամի` ամբաստանյալ Կարինե Ալեքսանի Խալաթյանին, ապա որոշել են վեջինիս անվամբ սպառողական վարկի պայմանագիր կնքել և ավտոմեքենա ձեռք բերել: Տեղեկանալով, որ վարկի տրամադրման համար անհրաժեշտ է բանկ ներկայացնել աշխատանքի վերաբերյալ տեղեկանք, ամբաստանյալներ Գ.Խաչատրյանը և Կ.Խալաթյանը որոշել են այդ նպատակով կեղծ փաստաթուղթ պատրաստել և օգտագործել, որից հետո ամբաստանյալ Գրիգոր Ստեփանի Խաչատրյանը, հանդիսանալով առևտրային կազմակերպություն հանդիսացող` ՙԷլգրիգ՚ ՍՊ ընկերության ղեկավար, իր լիազորությունները կազմակերպության շահերին հակառակ և իր ու Կ.Խալաթյանի օգտին օգտագործելով, 2006 թվականի հուլիսի 20-ին պատրաստել և նրան իրացրել է ակնհայտ կեղծ փաստաթուղթ հանդիսացող Կ.Խալաթյանի կողմից ՙԷլգրիգ՚ սահմանափակ պատասխանատվությամբ ընկերությունում որպես գլխավոր հաշվապահ աշխատելու և ամսական 180.000 ՀՀ դրամ աշխատավարձ ստանալու վերաբերյալ տեղեկանք, որը Կ.Խալաթյանը օգտագործելով` 2006 թվականի հուլիսի 24-ին ներկայացրել է ՙԱրցախբանկ՚ ՓԲ ընկերության ՙՍայաթ-Նովա՚ մասնաճյուղ, ավտոմեքենա ձեռք բերելու նպատակով կնքել է վարկային պայմանագիր ու ձեռք է բերել ՙՎԱԶ 2107՚ մակնիշի 05 US 678 պետական համարանիշի ավտոմեքենա, սակայն հետագայում վարկային պարտավորությունները պատշաճ չի կատարել, որի հետևանքով ՙԱրցախբանկ՚ ՓԲ ընկերությանը պատճառել է էական վնաս: 2010 թվականի դեկտեմբերի 23-ին ՙԱրցախբանկ՚ ՓԲ ընկերության և քաղաքացի Կարինե Խալաթյանի միջև կնքվել է հաշտության համաձայնագիր` 2006 թվականի հունիսի 24-ին կնքված թիվ ԱՎ-06-377 վարկային պայմանագրով` վարկի, դրա դիմաց հաշվարկված տոկոսների, տույժերի ու տուգանքների գումարներն ըստ ժամանակացույցի վճարելու վերաբերյալ:
2011 թվականի հունիսի 06-ի որոշմամբ թիվ 13110011 քրեական գործով Կարինե Ալեքսանի Խալաթյանի և Գրիգոր Ստեփանի Խաչատրյանի կողմից ՙԱրցախբանկ՚ ՓԲ ընկերության հետ կնքված վարկային պայմանագրով բանկում գրավադրված գույքը խարդախությամբ հափշտակելու և արգելադրված գույքի նկատմամբ ապօրինի գործողություններ կատարելու կապակցությամբ քրեական հետապնդում չի իրականացվել` հանցակազմի բացակայության պատճառաբանությամբ:
10.06.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանի 2011 թվականի օգոստոսի 31-ի որոշմամբ Գրիգոր Ստեփանի Խաչատրյանի վերաբերյալ ՀՀ քրեական օրենսգրքի 214 հոդվածի 1-ին մասով քրեական գործի վարույթը կարճել և քրեական հետապնդումը դադարեցնել` նրա նկատմամբ կիրառելով ՀՀ Ազգային Ժողովի կողմից 19.06.2009 թվականին ընդունված ՙՀամաներում հայտարարելու մասին՚ որոշման 5-րդ կետի 1-ին ենթակետը:
Տուժողի ներկայացուցիչ Մ.Մկոյանը պնդեց ՙԱրցախբանկ՚ ՓԲ ընկերության և ամբաստանյալ Կարինե Խալաթյանի միջև կնքված հաշտության համաձայնագիրը:

Արագացված դատական քննություն.

Մինչև դատաքննության սկսվելը ամբաստանյալներ Գրիգոր Ստեփանի Խաչատրյանը և Կարինե Ալեքսանի Խալաթյանը միջնորդություն են ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքներն իրեն պարզ է, համաձայն են մեղադրանքի հետ և առաջադրված մեղադրանքում իրենց մեղավոր են ճանաչում, գիտակցում են արագացված կարգով դատական քննություն անցկացնելու հետևանքները, միջնորդությունը ներկայացնում նե կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 31.08.2011 թվականին որոշում է կայացրել արագացված կարգով դատական քննություն անցկացնելու մասին:
Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Գրիգոր Ստեփանի Խաչատրյանը անդիսանալով առևտրային կազմակերպության ղեկավար, իր լիազորությունները կազմակերպության շահերին հակառակ և իր ու այլ անձանց օգտին օգտագործելով, նախնական համաձայնությամբ այլ անձի կողմից օգտագործելու նպատակով պատրաստել և իրացրել է ակնհայտ կեղծ պաշտոնական փաստաթուղթ` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 325 հոդվածի 2-րդ մասով:
Ամբաստանյալ Կարինե Ալեքսանի Խալաթյանը մի խումբ անձանց կողմից նախնական համաձայնությամբ օգտագործել է ակնհայտ կեղծ պաշտոնական փաստաթուղթ` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 325 հոդվածի 2-րդ մասով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Գրիգոր Ստեփանի Խաչատրյանն անկեղծորեն խոստովանեց և զղջաց կատարած արարքի համար, նախկինում եղել է դատապարտված, ներկայումս պատիժը կրում է ՀՀ ԱՆ ՙԷրեբունի՚ ՔԿ հիմնարկում:
Պատասխանատվությունը և պատիժը մեղմացնող ու ծանրացնող հանգամանքներ չկան:
Ամբաստանյալ Կարինե Ալեքսանի Խալաթյանն անկեղծորեն խոստովանեց և զղջաց կատարած արարքի համար, նախկինում դատապարտված չի եղել:
Պատասխանատվությունը և պատիժը մեղմացնող ու ծանրացնող հանգամանքներ չկան:
Սույն քրեական գործով ամբաստանյալներ Գրիգոր Ստեփանի Խաչատրյանին ու Կարինե Ալեքսանի Խալաթյանին մեղադրանքներ է առաջադրվել ՀՀ քրեական օրենսգրքի 325-րդ հոդվածի 2-րդ մասով, որի սանկցիան նախատեսում է հետևյալ պատժատեսակները` ՙՏուգանք՝ նվազագույն աշխատավարձի չորսհարյուրապատիկից ութհարյուրապատիկի չափով կամ ազատազրկում՝ առավելագույնը չորս տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 325-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալներ Գրիգոր Ստեփանի Խաչատրյանի ու Կարինե Ալեքսանի Խալաթյանի նկատմամբ ՀՀ քրեական օրենսգրքի 325-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել, հաշվի առնելով այն հանգամանքը, որ Գ.Խաչատրյանը ներկայումս գտնվում է ազատազրկման վայրում և բավարար միջոցներ չունի դատարանի կողմից նշանակված տուգանքը վճարելու համար, իսկ Կ.Խալաթյանը դրամական միջոցներ ունենալու դեպքում ամբողջությամբ կվերականգներ տուժողին պատճառված վնասը, ուստի դատարանը գտնում է, որ Գրիգոր Ստեփանի Խաչատրյանի ու Կարինե Ալեքսանի Խալաթյանի նկատմամբ պետք է նշանակել ՀՀ քրեական օրենսգրքի 325 հոդվածի 2-րդ մասի սանկցիայով նախատեսված ՙԱզատազրկում՚ պատժատեսակը:
ՀՀ Ազգային ժողովի կողմից 19.06.2009 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետի համաձայն պատժից ազատվում են առավելագույնը երեք տարի ժամկետով ազատությունից զրկելու հետ կապված պատիժների դատապարտված անձիք: Նույն որոշման 14-րդ կետի համաձայն, սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2009 թվականի հունիսի 1-ը ներառյալ:
Նկատի ունենալով այն հանգամանքը, որ ամբաստանյալներ Գրիգոր Ստեփանի Խաչատրյանը և Կարինե Ալեքսանի Խալաթյանը հանցանքը կատարել են մինչև 2009 թվականի հունիսի 1-ը, ուստի դատարանը գտնում է, որ Գ.Խաչատրյանի և Կ.Խալաթյանի նկատմամբ մինչև երեք տարի ժամկետով ազատազրկման ձևով պատիժ նշանակելու դեպքում կարող է կիրառել ՀՀ Ազգային ժողովի կողմից 19.06.2009 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել նշանակված պատժից:
Դատարանը քննարկելով ամբաստանյալի նկատմամբ ընտրված խափանման միջոցի և իրեղեն ապացույցների հարցերը, գտնում է, որ ամբաստանյալ Կարինե Ալեքսանի Խալաթյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել դատավճիռն օրինական ուժի մեջ մտնելու պահից:
Տուժողի ներկայացուցիչ Մ.Մկոյանի կողմից ամբաստանյալներ Գրիգոր Ստեփանի Խաչատրյանի և Կարինե Ալեքսանի Խալաթյանի նկատմամբ բողոք ու քաղաքացիական հայցի պահանջ չներկայացվեց:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը
Վ Ճ Ռ Ե Ց`

Գրիգոր Ստեփանի Խաչատրյանին մեղավոր ճանաչել ՀՀ քրեական օրենսգրքի 325 հոդվածի 2-րդ մասով և նրան դատապարտել ազատազրկման` 1 /մեկ/ տարի ժամկետով:
Գրիգոր Ստեփանի Խաչատրյանի նկատմամբ կիրառել ՀՀ ազգային ժողովի կողմից 19.06.2009 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Կարինե Ալեքսանի Խալաթյանին մեղավոր ճանաչել ՀՀ քրեական օրենսգրքի 325 հոդվածի 2-րդ մասով և նրան դատապարտել ազատազրկման` 6 /վեց/ ամիս ժամկետով:
Կարինե Ալեքսանի Խալաթյանի նկատմամբ կիրառել ՀՀ ազգային ժողովի կողմից 19.06.2009 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Կարինե Ալեքսանի Խալաթյանի նկատմամբ ընտրված խափանման միջոցը` ստորագրություն չհեռանալու մասին, վերացնել դատավճիռն օրինական ուժի մեջ մտնելու պահից:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա. ԲԵԿԹԱՇՅԱՆ