ԵԿԴ/0106/01/11
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

16 հունիսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանը` նախագահությամբ` դատավոր Գ.Պողոսյանի, քարտուղարությամբ` Ա.Քո-չարյանի, մասնակցությամբ` մեղադրող Լ.Չարխիֆալակյանի, ամբաստանյալ Ա.Սահակյանի, դատարանում` դռնբաց դատական նիստում, քննության առնելով Արթուր Էդուարդի Սահակյանի (ծնված 29.06.1984թ. ք.Չարենցավանում, ազգությամբ հայ, ՀՀ քաղաքացի, ամուսնացած, խնամքին մեկ անձ, միջնակարգ կրթությամբ, առողջ, չի աշխատում, չդատված, բնակվում է` Կո-տայքի մարզ, ք.Չարենցավան, 3-րդ թաղամաս, 35-րդ շենք, բնակարան հ. 11, արգելանքի տակ չէ) վերաբերյալ ՀՀ քրեական օրենսգրքի 235-րդ հոդվածի 4-րդ մասով «Հայաստանի Հանրապե-տության անկախության հռչակման 20-րդ տարեդարձի կապակցությամբ համաներում հայտա-րարելու մասին» ՀՀ ԱԺ 2011թ. մայիսի 26-ի որոշումն իր նկատմամբ կիրառելու և գործի վարույ-թը կարճելու մասին ամբաստանյալի միջնորդությունը,

Պ Ա Ր Զ Ե Ց

Արթուր Սահակյանին ՀՀ քրեական օրենսգրքի 235-րդ հոդվածի 4-րդ մասով մեղադրանք է առաջադրվել այն բանի համար, որ նա. «2010թ.-ի ընթացքում ձեռք է բերել սառը զենք հանդի-սացող զսպանակաձև մահակ և այն, պահելով իր անձնական օգտագործման «Օպել Վեկտրա» մակնիշի 09ՍՍ116 պետհամարանիշի ավտոմեքենայի առջևի ձախ դռան պահոցի մեջ, ապօրինի կերպով կրել է, որը 2011թ. ապրիլի 4-ին հայտնաբերվել է ՀՀ ոստիկանության Կենտրոնական բաժնի աշխատակիցների կողմից»։
Մինչև դատաքննությունն սկսելը միջնորդություն հարուցելով` ամբաստանյալ Ա.Սահակ-յանը խնդրեց իր նկատմամբ կիրառել «Հայաստանի Հանրապետության անկախության հռչակ-ման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը, իր նկատմամբ դադարեցնել քրեական հետապնդումը, կարճել քրեական գործի վարույթը և վերացնել իր նկատմամբ կիրառված խափանման միջոցը։
Դատարանը, քննության առնելով ամբաստանյալի միջնորդությունը, հաշվի առնելով մե-ղադրողի կարծիքն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` առաջին մասի 6-րդ և 13-րդ կետե-րում նշված հիմքերով գործի վարույթի կարճում ու քրեական հետապնդման դադարեցում չի թույ-լատրվում, եթե դրա դեմ առարկում է մեղադրյալը, և առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույ-լատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։
«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետով սահմանված է` քրեական հետապնդում չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագոր-ծությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում։
Ամբաստանյալ Ա.Սահակյանի կատարած հանցանքի համար պատասխանատվություն սահմանող ՀՀ քրեական օրենսգրքի 235-րդ հոդվածի 4-րդ մասի սանկցիան նախատեսում է տու-գանք` նվազագույն աշխատավարձի երկուհարյուրապատիկից վեցհարյուրապատիկի չափով, կամ կալանք՝ առավելագույնը երեք ամիս ժամկետով, կամ ազատազրկում՝ առավելագույնը եր-կու տարի ժամկետով, այսինքն` ամբաստանյալը մեղադրվում է այնպիսի հանցագործություն կատարելու մեջ, որի համար նախատեսված է պատիժ` ոչ ավելի, քան երեք տարի ժամկետով ազատազրկում։
Քրեական գործի նյութերի համաձայն առկա չէ վեճ հատուցման ենթակա վնասի կապակ-ցությամբ։
Այսպիսով, առկա չեն «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման կիրառման վերաբերյալ նույն որոշմամբ սահմանված սահմանափակումները, և ամ-բաստանյալը չի առարկում իր նկատմամբ քրեական հետապնդումը դադարեցնելու ու գործի վա-րույթը կարճելու դեմ, հետևաբար` դատարանը գտնում է, որ առկա է ամբաստանյալի քրեական հետապնդումը բացառող հանգամանք, նրա միջնորդությունը բխում է «Հայաստանի Հանրապե-տության անկախության հռչակման 20-րդ տարեդարձի կապակցությամբ համաներում հայտա-րարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի պահանջներից, և ամբաստանյալի նկատմամբ ՀՀ քրեական օրենսգրքի 235-րդ հոդվածի 4-րդ մասով պետք է դադարեցվի քրեական հետապնդումն ու կարճվի քրեական գործի վարույթը, իսկ կիրառված խափանման միջոցը` ստորագրություն` չհեռանալու մասին, վերացվի։
Քննության առնելով իրեղեն ապացույցի տնօրինման հարցը` դատարանը գտնում է, որ զսպանակաձև մահակը պետք է թողնվի ՀՀ ոստիկանության փորձաքրեագիտական վարչության տնօրինմանը։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 119, 312-րդ և 313-րդ հոդվածներով ու «Հայաստանի Հանրապետության անկախության հռչակ-ման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 13-րդ կետի 1-ին ենթակետի ա. պարբերությամբ` դատարանը

Ո Ր Ո Շ Ե Ց

«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի կիրառմամբ Արթուր Էդուարդի Սահակյանի նկատմամբ դադարեցնել ՀՀ քրեա-կան օրենսգրքի 235-րդ հոդվածի 4-րդ մասով քրեական հետապնդումն ու կարճել նրա վերաբեր-յալ ԵԿԴ/0106/01/11 քրեական գործի վարույթը։
Ա.Սահակյանի նկատմամբ ընտրված խափանման միջոցը` ստորագրություն` չհեռանա-լու մասին, վերացնել։
Իրեղեն ապացույց զսպանակաձև մահակը թողնել ՀՀ ոստիկանության փորձաքրեագի-տական վարչության տնօրինմանը։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ