գործ` ԵԿԴ/0105/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կիմա Մելքոնյանի
մասնակցությամբ` մեղադրող` Լևոն Չարխիֆալակյանի
պաշտպան` Նվարդ Սվարյանի

2011 թվականի հունիսի 13-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`
Վարդան Աշոտի Սարգսյանի` ծնված 17.07.1990 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուրի, խնամքին ոչ-ոք, նախկինում չդատված, չի աշխատել, բնակվում է Երևան քաղաքի Թոթովենցի փողոցի 10-րդ շենքի թիվ 8 բնակարանում:

Վարդան Աշոտի Սարգսյանը մեղադրվում է ՀՀ քրեական օրենսգրքի 268 հոդվածի 1-ին մասով:
04.05.2011 թվականի որոշմամբ Վարդան Աշոտի Սարգսյանի նկատմամբ որպես խափանման միջոց է ընտրվել ստորագրություն չհեռանալու մասին:

Գործի դատավարական նախապատմությունը.

Թմրանյութ պահելու և օգտագործելու կասկածանքով 2011 թվականի մայիսի 03-ին ՀՀ ոստիկանության Կենտրոնականի բաժնի Մարաշի բաժանմունք բերման է ենթարկվել Երևան քաղաքի Նոր Նորքի 2-րդ զանգվածի 55 շենքի 8-րդ բնակարանի բնակիչ Վարդան Աշոտի Սարգսյանը:
2011 թվականի մայիսի 04-ին ՀՀ ոստիկանության քննչական գլխավոր վարչության Երևանի քննչական վարչության Կենտրոնականի քննչական բաժնում ՀՀ քրեական օրենսգրքի 268 հոդվածի 1-ին մասի հատկանիշներով հարուցվել է թիվ 13125711 քրեական գործը:
Նախաքննական մարմնի 2011 թվականի մայիսի 04-ի որոշմամբ կասկածյալ Վարդան Աշոտի Սարգսյանի նկատմամբ որպես խափանման միջոց է ընտրվել ստորագրություն չհեռանալու մասին:
Նախաքննական մարմնի 2011 թվականի մայիսի 11-ի որոշմամբ Վարդան Աշոտի Սարգսյանը ՀՀ քրեական օրենսգրքի 268 հոդվածի 1-ին մասով ներգարվվել է որպես մեղադրյալ:
Նախաքննական մարմնի կողմից Վարդան Աշոտի Սարգսյանին` ՀՀ քրեական օրենսգրքի 268 հոդվածի 1-ին մասով մեղադրանք է առաջադրվել այն բանի համար, որ նա առանց իրացնելու նպատակի, ապօրինի ձեռք է բերել ու պահել զգալի չափերի թմրամիջոց, այն է` Վարդան Աշոտի Սարգսյանը 2011 թվականի մայիսի 01-ին Կոտայքի մարզի Ջրվեժ գյուղից Երևան քաղաքի Նոր Նորք թաղամաս գնալիս, Բագրևանդ փողոցի սկզբնամասում` ճանապարհին հարակից բուսածածկ հատվածում նկատել է կանեփի թուփ: Հաջորդ օրը` 2011 թվականի մայիսի 02-ին վերադարձել է նշված վայրը, քաղել կանեփի թփերի չորացած մասից, այն տարել Երևան քաղաքի Թոթովենցի 10 շենքի բակում գտնվող իրենց ավտոտնակ, որտեղ չորացնելու եղանակով պատրաստել է մարիխուանա տեսակի թմրամիջոց, որի մի մասը լցրել է ծխախոտի գլանակի մեջ, մնացած մասը փաթաթել թղթի մեջ, ապա գնացել է մոտակայքում գտնվող թիվ 139 միջնակարգ դպրոցի հետնամաս և ծխելու եղանակով օգտագործել ծխախոտի գլանակի մեջ լցված մարիխուանա տեսակի թմրամիջոցը, իսկ մնացած մասը` ընդհանուր 0,8 գրամ քաշով մարիխուանա տեսակի թմրամիջոցը, հետագայում օգտագործելու նպատակով թաքցրել է հագուստի գրպաններում: 2011 թվականի մայիսի 03-ին ժամը 2000-ի սահմաններում Երևան քաղաքի Ե.Քոչար փողոցում գտնվող ՙԱԱՍ՚ սուպերմարկետի մոտից ապօրինի թմրամիջոց ձեռք բերելու և պահելու կասկածանքով Վ.Սարգսյանը բերման է ենթարկվել ոստիկանության Կենտրոնականի բաժնի Մարաշի բաժանմունք, որտեղ էլ կատարված անձնական խուզարկությամբ Վ.Սարգսյանի տաբատի աջ գրպանբից հայտնաբերվել է թափանցիկ պոլիէթիլենային տարայի մեջ փաթեթավորված, մոտավորապես 0,2 գրամ քաշով կանաչ գույնի կանեփանման զանգված, իսկ բաճկոնի ներքևի ձախ գրպանից հայտնաբերվել է ՙՎԻՊ՚ տեսակի ծխախոտի տուփ, որում եղել է սպիտակ թղթի մեջ փաթեթավորված մոտավորապես 0,65 գրամ քաշով կանաչ գույնի կանեփանման զանգված և ՙՆաֆտիզին՚ տեսակի դեղամիջոց:
24.05.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Վարդան Աշոտի Սարգսյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրենց մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 13.06.2011 թվականին որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Վարդան Աշոտի Սարգսյանը առանց իրացնելու նպատակի, ապօրինի ձեռք է բերել ու պահել զգալի չափերի թմրամիջոց` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 268 հոդվածի 1-ին մասով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Վարդան Աշոտի Սարգսյանը անկեղծորեն խոստովանեց և զղջաց կատարած արարքի համար, բնութագրվում է դրականորեն, նախկինում դատապարտված չի եղել, համաձայն զորակոչային ծանուցագրի` 15.06.2011 թվականին զորակոչվելու է ժամկետային զինվորական ծառայության:
Պատասխանատվությունը և պատիժը մեղմացնող ու ծանրացնող հանգամանքներ չկան:
Սույն քրեական գործով ամբաստանյալ Վարդան Աշոտի Սարգսյանին մեղադրանք է առաջադրվել ՀՀ քրեական օրենսգրքի 268-րդ հոդվածի 1-ին մասով, որի սանկցիան նախատեսում է հետևյալ պատժատեսակները` ՙԿալանք` առավելագույնը երկու ամիu ժամկետով, կամ ազատազրկում` առավելագույնը մեկ տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Նկատի ունենալով այն հանգամանքը, որ Վարդան Աշոտի Սարգսյանը կատարել է բնակչության առողջության դեմ ուղղված ոչ մեծ ծանրության հանցագործություն և հաշվի առնելով նրա կատարած արարքի հանրության համար վտանգավորության աստիճանը և բնույթը, դատարանը գտնում է, որ Վարդան Աշոտի Սարգսյանի նկատմամբ պետք է նշանակել ՀՀ քրեական օրենսգրքի 268-րդ հոդվածի 1-ին մասի սանկցիայով նախատեսված ՙԱզատազրկում՚ պատժատեսակը:
ՀՀ քրեական օրենսգրքի 70-րդ հոդվածի 1-ին մասի համաձայն` ՙԵթե դատարանը, կալանքի, ազատազրկման կամ կարգապահական գումարտակում պահելու ձևով պատիժ նշանակելով, հանգում է հետևության, որ դատապարտյալի ուղղվելը հնարավոր է առանց պատիժը կրելու, ապա կարող է որոշում կայացնել այդ պատիժը պայմանականորեն չկիրառելու մասին՚:
Նույն հոդվածի 2-րդ մասի համաձայն` ՙՊատիժը պայմանականորեն չկիրառելիս դատարանը հաշվի է առնում հանցավորի անձը բնութագրող տվյալները, պատասխանատվությունը և պատիժը մեղմացնող և ծանրացնող հանգամանքները՚:
Դատարանը հաշվի առնելով այն հանգամանքները, որ Վարդան Աշոտի Սարգսյանը անկեղծորեն խոստովանեց և զղջաց կատարած արարքի համար, բնութագրվում է դրականորեն, նախկինում դատապարտված չի եղել, զորակոչային ծանուցագրի համաձայն` 15.06.2011 թվականին զորակոչվելու է ժամկետային զինվորական ծառայության, պատասխանատվությունը և պատիժը ծանրացնող հանգամանքների բացակայությունը, գտնում է, որ Վարդան Աշոտի Սարգսյանի հետագա ուղղումն ու վերադաստիարակումը հնարավոր է նրան առանց հասարակությունից մեկուսացնելու, վերջինիս նկատմամբ կարելի է կիրառել ՀՀ քրեական օրենսգրքի 70 հոդվածը և պատիժը պայմանականորեն չկիրառել:
Դատարանը քննարկելով ամբաստանյալի նկատմամբ կիրառված խափանման միջոցի և իրեղեն ապացույցի և այլ ապացույցի հարցերը, գտնում է, որ ամբաստանյալ Վարդան Աշոտի Սարգսյանի նկատմամբ ընտրված խափանման միջոցը` ստորագրություն չհեռանալու մասին, վերացնել դատավճռի օրինական ուժի մեջ մտնելու պահից, քրեական գործով ապացույց ճանաչված` Վ.Սարգսյանին ոստիկանության Կենտրոնականի բաժնի Մարաշի բաժանմունք բերման ենթարկելու և նրա անձնական խուզարկության արձանագրությունները, պետք է թողնել քրեական գործին կցված, իսկ քրեական գործով իրեղեն ապացույց ճանաչված 0,8 գրամ քաշով չորացված մարիխուանա տեսակի թմրամիջոցը պետք է ոչնչացնել` դատավճիռն օրինական ուժի մեջ մտնելուց հետո:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Վարդան Աշոտի Սարգսյանին մեղավոր ճանաչել ՀՀ քրեական օրենսգրքի 268 հոդվածի 1-ին մասով և նրան դատապարտել ազատազրկման` 6 /վեց/ ամիս ժամկետով:
ՀՀ քրեական օրենսգրքի 70 հոդվածի կիրառմամբ` Վարդան Աշոտի Սարգսյանի նկատմամբ նշանակված պատիժը պայմանականորեն չկիրառել 1 /մեկ/ տարի 6 /վեց/ ամիս փորձաշրջանով` նրա վարքի հետագա հսկողությունը հանձնելով բնակության վայրի ՀՀ ԱՆ ՔԿՎ այլընտրանքային պատիժների կատարման բաժնին:
Վարդան Աշոտի Սարգսյանի նկատմամբ ընտրված խափանման միջոցը` ստորագրություն չհեռանալու մասին, վերացնել դատավճռի օրինական ուժի մեջ մտնելու պահից:
Քրեական գործով ապացույց ճանաչված` Վարդան Աշոտի Սարգսյանին ոստիկանության Կենտրոնականի բաժնի Մարաշի բաժանմունք բերման ենթարկելու և նրա անձնական խուզարկության արձանագրությունները` թողնել քրեական գործին կցված:
Քրեական գործով իրեղեն ապացույց ճանաչված 0,8 գրամ քաշով չորացված մարիխուանա տեսակի թմրամիջոցը ոչնչացնել` դատավճիռն օրինական ուժի մեջ մտնելուց հետո:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:



ԴԱՏԱՎՈՐ` Ա. ԲԵԿԹԱՇՅԱՆ