ԵԿԴ/0097/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
24 փետրվարի 2012թ. ք.Երևան
Երևան քաղաքի Կենտրոն և Նորք-Մարաշ վարչական շրջանների
առաջին ատյանի դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ

մասնակցությամբ`
մեղադրող Զ.ՍՏԵՓԱՆՅԱՆԻ
ամբաստանյալ Ա.ՀՈՎՀԱՆՆԻՍՅԱՆԻ
պաշտպան Կ.ՄԱՆՈՒՉԱՐՅԱՆԻ

դատարանում` դռնբաց դատական նիստում, քննեց գործն ըստ մեղադրանքի` Աշոտ Ալ-բերտի Հովհաննիսյանի` ծնված 04.04.1972. ք.Երևանում, ազգությամբ հայ, ՀՀ քաղաքացի, իր հայտարարությամբ` փաստացի ամուսնացած և ամուսնալուծված, միջնակարգ կրթությամբ, վա-տառողջ, նախկինում դատված. Երևան քաղաքի Կենտրոն և Նորք-Մարաշ վարչական շրջան-ների ընդհանուր իրավասության դատարանի 02.12.2010թ. դատավճռով ՀՀ քրեական օրենս-գրքի 266-րդ հոդվածի 2-րդ մասի 2.1-րդ կետով դատապարտվել է ազատազրկման 6 տարի ժամ-կետով` առանց գույքի բռնագրավման, նույն դատարանի 09.07.2011թ. որոշմամբ 02.12.2010թ. դատավճիռը վերանայվել է` Ա.Հովհաննիսյանի` ՀՀ քրեական օրենսգրքի 266-րդ հոդվածի 2-րդ մասի 2.1-րդ կետով որակված արարքը համապատասխանեցվել է ՀՀ քրեական օրենսգրքի 266-րդ հոդվածի 1-ին մասի հատկանիշներին և սահմանվել է ազատազրկում 6 տարի ժամկետով, պատիժը կրել է քրեակատարողական հիմնարկում ու որպես մեղադրյալ ներգրավելու օրվա` 07.04.2011թ-ի դրությամբ ունեցել է 5 տարի 7 ամիս 9 օր ժամկետով չկրած պատիժ, հաշվառված է` ք.Երևան, Ֆրունզեի փողոց, հ. 167 տուն, մեղադրվում է ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով և 34-266-րդ հոդվածի 4-րդ մասով:
Ամբաստանյալ Ա.Հովհաննիսյանին ՀՀ քրեական օրենսգրքի 34-268-րդ հոդվածի 2-րդ մասի 1-ին և 2-րդ կետերով ու 34-266-րդ հոդվածի 4-րդ մասով մեղադրանք է առաջադրվել այն բանի համար, որ նա. ՙԵրևան քաղաքի Կենտրոն և Նորք-Մարաշ վարչական շրջանների ընդհա-նուր իրավասության դատարանի 2010թ. դեկտեմբերի 02-ի դատավճռով ՀՀ քրեական օրենսգրքի 266-րդ հոդվածի 2-րդ մասի 2.1-րդ կետով դատապարտված լինելով 6 տարի ժամկետով ազա-տազրկման և պատիժը կրելով ՀՀ արդարադատության նախարարության ՙԴատապարտյալ-ների հիվանդանոց՚ քրեակատարողական հիմնարկում` առանց իրացնելու նպատակի, իր գոր-ծածման համար փորձել է կրկին անգամ ձեռք բերել խոշոր չափի` 1,047 գրամ տնայնագործա-կան եղանակով պատրաստված ափիոն, 0,096 գրամ քաշով հերոին տեսակի թմրամիջոցներ և 0,5 մլ ծավալով քացախաթթվի անհիդրիդ տեսակի պրեկուրսոր, սակայն իր կամքից անկախ հանգամանքներով հանցագործությունն ավարտին չի հասցրել:
Այսպես, 2011թ. փետրվարի 10-ին իր հետ միևնույն հիվանդասենյակում գտնվող Աշոտ Գառնիկի Հովակիմյանից տեղեկանալով, որ իրենց ընդհանուր ծանոթ Անդրանիկ Յոլչյանը պետք է տեսակցության գա Աշոտ Հովակիմյանին և հանձնուք բերի, վերջինիս բջջային հեռա-խոսահամարից զանգահարել է Անդրանիկ Յոլչյանին և խնդրել Ա.Հովակիմյանի համար նախա-տեսված հանձնուքի հետ միասին ՔԿՀ բերել նաև իր համար նախատեսված հանձնուքը:
Նույն օրը Աշոտ Հովհաննիսյանի կողմից ուղարկված, գործով դեռևս չպարզված անձը հանձնուքը տարել է Ա.Յոլչյանի բնակարան ու հանձնել նրա կնոջը: Այնուհետև, նույն օրը` ժա-մը 15.30-ի սահմաններում, Ա.Յոլչյանը, վերցնելով նաև Աշոտ Հովհաննիսյանի համար նախա-տեսված հանձնուքը, իր կողմից Աշոտ Հովակիմյանի համար տարվող հանձնուքի հետ միասին` նախնական պայմանավորվածության համաձայն, Աշոտ Հովակիմյանի քրոջ` Քնարիկ Հովա-կիմյանի հետ գնացել են ՀՀ ԱՆ ՙԴատապարտյալների հիվանդանոց՚ քրեակատարողական հիմնարկ: Հանձնուքների ընդունման սենյակում ՔԿՀ աշխատակիցների կողմից զննվել է դա-տապարտյալի անվամբ բերված հանձնուքը, որի ժամանակ խաշած մսի ոսկորի մեջից հայտ-նաբերվել է թաքցրած խոշոր չափերի` 1,047 գրամ տնայնագործական եղանակով պատրաստ-ված ափիոն, 0,096 գրամ քաշով հերոին տեսակի թմրամիջոցները և 0,5 մլ ծավալով քացա-խաթթվի անհիդրիդ տեսակի պրեկուրսորը և առգրավվել, ինչի հետևանքով Աշոտ Ալբերտի Հով-հաննիսյանն իր կամքից անկախ հանգամանքներով չի կարողացել հանցագործությունն ավար-տին հասցնել՚:
Դատական քննության ընթացքում մեղադրողը, 20.06.2011թ. որոշմամբ փոխելով ամբաս-տանյալին առաջադրված մեղադրանքը, նրան նոր մեղադրանք է առաջադրել ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով և 34-266-րդ հոդվածի 4-րդ մասով:
Ամբաստանյալ Ա.Հովհաննիսյանը` մինչև դատաքննությունը սկսվելը, միջնորդեց դատա-կան քննությունն անցկացնել արագացված կարգով ու հայտարարեց, որ միջնորդությունը ներ-կայացնում է կամավոր` իր պաշտպանի հետ խորհրդակցելուց հետո, առաջադրված մեղադը-րանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիո-վին մեղավոր է ճանաչում և գիտակցում է արագացված կարգով դատական քննություն անց-կացնելու հետևանքները:
Դատարանի որոշմամբ ամբաստանյալի միջնորդությունը բավարարվել և դատական քննությունն անցկացվել է արագացված կարգով:
Դատարանը, հաշվի առնելով առաջադրված մեղադրանքի հետ ամբաստանյալի համա-ձայն լինելու հանգամանքն ու հանգելով եզրակացության, որ մեղադրանքը, որի հետ համաձայն-վեց ամբաստանյալը, հիմնավորված է և հաստատվում է քրեական գործով հավաքված ապա-ցույցներով, գտնում է, որ ամբաստանյալ Ա.Հովհաննիսյանը կատարել է հանցանքներ` նախա-տեսված ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով և 34-266-րդ հոդ-վածի 4-րդ մասով, որոնցով և նա պետք է պատասխանատվության ենթարկվի:
Ամբաստանյալի նկատմամբ պատիժ նշանակելիս` պատիժների տեսակն ու չափը որո-շելիս, դատարանը հաշվի է առնում ինչպես նրա կատարած արարքների բնույթը և հանրության համար վտանգավորության աստիճանը, այնպես էլ արագացված կարգով անցկացված դատա-քննության ընթացքում ուսումնասիրված` նրա անձը բնութագրող տվյալներն ու պատասխանա-տըվությունը և պատիժը մեղմացնող ու ծանրացնող հանգամանքները:
Որպես ամբաստանյալի պատասխանատվությունն ու պատիժը մեղմացնող հանգամանք-ներ` դատարանը հաշվի է առնում, որ նա ներկայացել է մեղայականով և աջակցել է հանցագոր-ծությունը բացահայտելուն, համաձայնվեց մեղադրանքի հետ և անկեղծորեն զղջաց կատարած հանցանքների համար:
Որպես ամբաստանյալի պատասխանատվությունն ու պատիժը ծանրացնող հանգա-մանք` դատարանը հաշվի է առնում նրա կողմից հանցանքը կատարելու ռեցիդիվը:
Որպես ամբաստանյալի անձը բնութագրող տվյալ` դատարանը հաշվի է առնում, որ նա նախկինում նույնպես կատարել է հանցագործություններ:
Քննության առնելով իրեղեն ապացույցի տնօրինման հարցը` դատարանը գտնում է, որ փորձաքննության կատարումից հետո մնացած` 0.999 գրամ քաշով տնայնագործական եղանա-կով պատրաստված ՙԱփիոն՚ թմրամիջոցը և 0,5 մլ ծավալով քացախաթթվի անհիդրիդը պետք է հանձվեն ՀՀ ոստիկանության ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից անջատված մասով հետագայում տնօրինելու համար (0.096 գրամ մա-քուր քաշով ՙՀերոին՚ տեսակի թմրամիջոցը փորձաքննության ընթացքում ամբողջությամբ օգ-տագործվել է):
Դատարանը, քննության առնելով ամբաստանյալի նկատմամբ խափանման միջոց ընտ-րելու նպատակահարմարության հարցը, գտնում է, որ ամբաստանյալի նկատմամբ խափանման միջոցի կիրառման անհրաժեշտություն չկա` նկատի ունենալով, որ նա ազատազրկման ձևով պատիժ է կրում:
Վերոգրյալների հիման վրա և ղեկավարվելով ՀՀ քրեական դատավարության օրենսգրքի 119, 357, 359, 360 ու 3753 հոդվածներով` դատարանը

Վ Ճ Ռ Ե Ց

Աշոտ Ալբերտի Հովհաննիսյանին ճանաչել մեղավոր ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով ու 34-266-րդ հոդվածի 4-րդ մասով և ՀՀ քրեական օրենսգրքի 34-268-րդ հոդվածի 2-րդ մասի 2-րդ կետով նրան դատապարտել ազատազրկման 1 (մեկ) տարի ժամկետով, իսկ ՀՀ քրեական օրենսգրքի 34-266-րդ հոդվածի 4-րդ մասով` 100.000 (մեկ հարյուր հազար) դրամ տուգանքի:
ՀՀ քրեական օրենսգրքի 66-րդ հոդվածի 3-րդ մասի համաձայն` պատիժները լրիվ գումա-րելու միջոցով, նշանակել ազատազրկման 1 (մեկ) տարի ժամկետով և 100.000 (մեկ հարյուր հազար) դրամ տուգանք:
ՀՀ քրեական օրենսգրքի 67-րդ հոդվածի համաձայն` նշանակված պատժին մասնա-կիորեն գումարել նախորդ դատավճռով նշանակված պատժի չկրած մասից 5 (հինգ) տարին և թողնել կրելու ազատազրկում 6 (վեց) տարի ժամկետով և 100.000 (մեկ հարյուր հազար) դրամ տուգանք` պատժի կրման սկիզբը հաշվելով 2011թ. ապրիլի 07-ից:
Իրեղեն ապացույցը` 0.999 գրամ քաշով տնայնագործական եղանակով պատրաստված ՙԱփիոն՚ թմրամիջոցը և 0,5 մլ ծավալով քացախաթթվի անհիդրիդը հանձնել ՀՀ ոստիկանութ-յան ՔԳՎ Երևան քաղաքի ՔՎ Կենտրոնականի քննչական բաժին` սույն քրեական գործից ան-ջատված մասով հետագայում տնօրինելու համար:
Պատիժը պետք է կրի ՀՀ ԱՆ համապատասխան քրեակատարողական հիմնարկում:
Դատավճիռը կարող է բողոքարկվել ՀՀ քրեական վերաքննիչ դատարան` հրապարակ-վելու օրվանից հետո` մեկամսյա ժամկետում:

ԴԱՏԱՎՈՐ` Գ.ՊՈՂՈՍՅԱՆ