գործ` ԵԿԴ/0093/01/11
Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Արմեն Բեկթաշյանի
քարտուղարությամբ` Կիմա Մելքոնյանի
մասնակցությամբ` մեղադրող` Աշոտ Բոշնաղյանի
պաշտպան` Միքայել Ավագյանի

2011 թվականի հունիսի 15-ին, Երևան քաղաքում, դռնբաց դատական նիստում, քննեց քրեական գործն ըստ մեղադրանքի`

Աշոտ Իշխանի Գևորգյանի` ծնված 03.04.1966 թվականին Երևան քաղաքում, ազգությամբ հայ, ՀՀ քաղաքացի, բարձրագույն կրթությամբ, ամուսնացած, խնամքին 1 անձ, նախկինում դատված, դատվածությունը մարված, չի աշխատել, բնակվում է Երևան քաղաքի Ն.Սուրենյանց փողոցի 11բ շենքի 33 բնակարանում:

Աշոտ Իշխանի Գևորգյանը մեղադրվում է ՀՀ քրեական օրենսգրքի 325 հոդվածի 2-րդ մասով:
08.02.2011 թվականի որոշմամբ Աշոտ Իշխանի Գևորգյանի նկատմամբ որպես խափանման միջոց է ընտրվել ստորագրություն չհեռանալու մասին:

Գործի դատավարական նախապատմությունը.

ՀՀ ոստիկանության ՔԳՎ ՀԿԳ քննության վարչությունում 2008 թվականի օգոստոսի 4-ին ՀՀ քրեական օրենսգրքի 200-րդ հոդվածի 3-րդ մասի հատկանիշներով հարուցվել է թիվ 69105308 քրեական գործը:
2009 թվականի հունիսի 26-ի որոշմամբ Աշոտ Իշխանի Գևորգյանը ՀՀ քրեական օրենսգրքի 325 հոդվածի 2-րդ մասով ներգրավվել է որպես մեղադրյալ և նրա նկատմամբ որպես խափանման միջոց է ընտրվել` ստորագրություն չհեռանալու մասին:
Մեղադրյալ Աշոտ Իշխանի Գևորգյանի գտնվելու վայրը հայտնի չլինելու պատճառով 2009 թվականի հունիսի 26-ի որոշմամբ վերջինիս նկատմամբ հայտարարվել է հետախուզում և նրա մասով գործի վարույթը կասեցվել է:
ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Լ.Ավետիսյանի` 2009 թվականի սեպտեմբերի 02-ի որոշմամբ թիվ 69105308 քրեական գործով մեղադրյալ Աշոտ Իշխանի Գևորգյանի վերաբերյալ մասն անջատվել է քրեական գործից և կազմվել առանձին վարույթ, տրվել` 69105308/1 համարը:
2011 թվականի փետրվարի 08-ին ժամը 1650-ին, ՙԶվարթնոց՚ օդանավակայանից ՀՀ ոստիկանության Կենտրոնականի բաժին բերման է ենթարկվել Մոսկվայից թիվ 905 չվերթով Երևան ժամանած Աշոտ Իշխանի Գևորգյանը, որը ներկայացվել է քննության` ՀՀ ոստիկանության ՔԳՎ ՀԿԳ քննության վարչություն և թիվ 69105308/1 քրեական գործի կասեցված վարույթը վերսկսվել է:
ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Լ.Ավետիսյանի` 2011 թվականի ապրիլի 27-ի որոշմամբ` Գայանե Հարությունյանի, նրա ամուսնու և դստեր անուններով, օգտագործելու նպատակով իրավունք վերապահող պաշտոնական փաստաթղթերն Աշոտ Գևորգյանի կողմից կեղծելու մասով վերջինիս նկատմամբ քրեական հետապնդում չի իրականացվել և նրա նկատմամբ քրեական գործի մասի վարույթը կարճվել է` նրա գործողություններում հանցակազմի բացակայության պատճառաբանությամբ:
ՀՀ ոստիկանության ՔԳՎ ՀԿԳ քննության վարչության ՀԿԳ ավագ քննիչ Լ.Ավետիսյանի` 2011 թվականի ապրիլի 28-ի որոշմամբ` Աշոտ Իշխանի Գևորգյանին ՀՀ քրեական օրենսգրքի 325 հոդվածի 2-րդ մասով առաջադրված մեղադրանքը լրացվել է և նրան` ՀՀ քրեական օրենսգրքի 325 հոդվածի 2-րդ մասով նոր մեղադրանք է առաջադրվել: Նույն օրը Աշոտ Իշխանի Գևորգյանը` ՀՀ քրեական օրենսգրքի 325 հոդվածի 2-րդ մասով ներգրավվել է որպես մեղադրյալ:
Աշոտ Իշխանի Գևորգյանին ՀՀ քրեական օրենսգրքի 325 հոդվածի 2-րդ մասով մեղադրանք է առաջադրվել այն բանի համար, որ նա մի խումբ անձանց կողմից նախնական համաձայնությամբ այլ անձի կողմից օգտագործելու նպատակով պատրաստել, կեղծել և իրացրել է իրավունք վերապահող պաշտոնական փաստաթղթեր և ձևաթղթեր.
2008 թվականի փետրվար-մարտ ամիսներին Անահիտ Էլամիրյանի կողմից Երևան քաղաքի Դիմիտրովի նրբանցքի թիվ 10 տունը հիփոթեքով գնելու համար բանկ ներկայացվող վարկային փաթեթում ներառելու նպատակով Արթուր Ավալյանն Անահիտ Էլամիրյանի ընկերուհու` Կիմա Ավագյանի, վերջինիս դուստրեր Մերի և Մարգարիտա Ավագյանի ու բանկում որպես երաշխավոր հանդես եկող Գայանե Ալոյանի անուններով աշխատանքի և աշխատավարձի մասին կեղծ տեղեկանքներ ու աշխատանքային կեղծ պայմանագրեր ձեռք բերելու խոստումով Անահիտ Էլամիրյանից վերցրել է 2700 ԱՄՆ դոլար գումար: Չկարողանալով կեղծ տեղեկանքներ ու աշխատանքային պայմանգրեր ձեռք բերել` այդ խնդրանաքով Արթուր Ավալյանը դիմել է իր ծանոթ Նարինե Հակոբյանին, որի համար նրան է տվել Անահիտ Էլամիրյանից ստացած 2700 ԱՄՆ դոլար գումարից 1350 ԱՄՆ դոլար գումարը: Նարինե Հակոբյանն իր հերթին փաստաթղթեր կեղծելու խնդրանքով դիմել է իր ծանոթ Աշոտ Գևորգյանին: Այդ նպատակով Աշոտ Գևորգյանը Նարինե Հակոբյանից ստացել է վերը նշված անձանց անձնագրային տվյալները և 1350 ԱՄՆ դոլար գումար` որպես իր կատարած գործողությունների համար վարձատրություն: 2008 թվականի մարտ-ապրիլ ամիսներին Աշոտ Գևորգյանը ՙԱրամաս՚ սահմանափակ պատասխանատվությամբ ըկերության տնօրեն Արամ Պետրոսյանից ձեռք է բերել վերջինիս կողմից ստորագրված, ընկերության կնիքով կնիքված աշխատանքային պայմանագրի չլրացված ձևաթուղթ և կնիքված ու ստորագրված Ա-4 ֆորմատի մեկ հատ չլրավցած թուղթ: Նշված պայմանագրի ձևաթղթի վրա Աշոտ Գևորգյանի կողմից ձեռագիր և թվային կեղծ գրառումներ կատարելու, իսկ կնիքված ու ստորագրված մաքուր թղթի վրա նրա կողմից քննությամբ չպարզված համանկարգչային ծառայությունում ՙԱրամաս՚ սահմանափակ պատասխանատվությամբ ըկերության ձևաթուղթ և տպագիր գրառումներ կատարելու միջոցով պատրաստել է Կիմա Ավագյանի անունով կեղծ աշխատանքային պայմանգիր ու աշխատանքի մասին կեղծ տեղեկանք, համաձայն որոնց վերջինս իբր 2006 թվականի մայիսի 16-ից աշխատում է ՙԱրամաս՚ սահմանափակ պատասխանատվությամբ ըկերությունում որպես փոխտնօրեն և նրա ամսական աշխատավարձը կազմում է 330.000 ՀՀ դրամ:
Բացի այդ, Աշոտ Գևորգյանը պատրաստել է ՀՀ ԱՆ պետական ռեգիստրի գործակալության գրանցամատյանում չգրանցված Ա/Ձ ՙԽաչատրյան Կարինե՚ ձևաթուղթ, որի վրա տպագիր գրառումներ կատարելու միջոցով պատրաստել է Մերի Ավագյանի անունով կեղծ աշխատանքային տեղեկանք, ներքևի մասում անձամբ կատարել է ՙԱ/Ձ՚ և ՙԿ.Խաչատրյան՚ բառերի միջև տեղավորված ստորագրությունը, իսկ Նարինե Հակոբյանի կողմից նույն Ա/Ձ-ի անունից պայմանագրի չլրացրած ձևաթղթի վրա ձեռագիր և թվային կեղծ գրառումներ կատարելու միջոցով Ա.Գևորգյանը և Ն.Հակոբյանը պատրաստել են Մերի Ավագյանի անունով աշխատանքային կեղծ պայմանագիր և աշխատանքի մասին կեղծ տեղեկանք, որոնց համաձայն իբր վերջինս 2007 թվականի ապրիլի 03-ից աշխատում է Ա/Ձ ՙԽաչատրյան Կարինե՚-ի մոտ որպես մենեջեր-դիզայներ և նրա ամսական աշխատավարձը կազմում է 220.000 ՀՀ դրամ:
Բացի այդ, Աշոտ Գևորգյանը պատրաստել է ՀՀ ԱՆ պետական ռեգիստրի գործակալության գրանցամատյանում չգրանցված Ա/Ձ ՙԱնահիտ Խաչատրյան՚ ձևաթուղթ, որի վրա տպագիր գրառուներ կատարելու միջոցով պատրաստել է Գայանե Ալոյանի անունով կեղծ աշխատքնային տեղեկանք, համաձայն որի իբր վերջինս աշխատում է Ա/Ձ ՙԱնահիտ Խաչատրյան՚-ի մոտ որպես փոխտնօրեն և նրա ամսական աշխատավարձը կազմում է 230.000 ՀՀ դրամ:
Վերը նշված պաշտոնական կեղծ փաստաթղթերը Աշոտ Գևորգյանը Նարինե Հակոբյանի միջոցով իրացրել է Կիմա Ավգայանին, որից հետո վերջինս և Ա.Գևորգյանը, Գ.Ալոյանը, Մերի ու Մարգարիտա Ավագյանները ստորագրել են այդ փաստաթղթերի վրա` դրանով ավարտելով կեղծ փաստաթղթերի պատրաստումը:
Այնուհետև 2008 թվականի մայիսի 21-ին նշված կեղծ փաստաթղթերը Կիմա Ավագյանը վարկային փաթեթի կազմում ներկայացել է ՙՅունիբանկ՚ փակ բաժնետիրական ընկերության ՙԹումանյան՚ մասնաճյուղ, այսինքն օգտագործել է դրանք, սակայն բանկում վարկի տրամադրումը մերժվել է` նրա կողմից նախկինում ստացած մեկ այլ վարկով դասակարգված լինելու պատճառաբանությամբ:
06.03.2009 թվականի որոշմամբ ՀՀ քրեական դատավարության օրենսգրքի 37 հոդվածի հիմքով քրեական գործից Արամ Պետրոսյանի վերաբերյալ մասը կարճվել է:
16.08.2009 որոշմամբ Նարինե Հակոբյանի, Կիմա Ավագյանի, Մերի Ավագյանի և Մարգարիտա Ավագյանի նկատմամբ քրեական հետապնդում չի իրականացվել և նրանց վերաբերյալ քրեական գործի մասը կարճվել է` իրադրության փոփոխության հետևանքով, իսկ Արմինե Վարդանյանի, Ժաննա Աղաջանյանի և Գոհար Ալոյանի նկատմամբ քրեական հետապնդում չի իրականացվել և նրանց վերաբերյալ քրեական գործի մասը կարճվել է` հանցակազմի բացակայության պատճառաբանությամբ:
12.05.2011 թվականին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:

Արագացված դատական քննություն.

Մինչև դատաքննության սկսվելը ամբաստանյալ Աշոտ Իշխանի Գևորգյանը միջնորդություն է ներկայացրել` դատական քննությունն արագացված կարգով անցկացնելու` հայտարարելով, որ առաջադրված մեղադրանքն իրեն պարզ է, համաձայն է մեղադրանքի հետ և առաջադրված մեղադրանքում իրեն մեղավոր է ճանաչում, գիտակցում է արագացված կարգով դատական քննություն անցկացնելու հետևանքները, միջնորդությունը ներկայացնում է կամավոր, պաշտպանի հետ խորհրդակցելուց հետո:
Դատարանը պարզելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, 02.06.2011 թվականին որոշում է կայացրել արագացված կարգով դատական քննություն անցկացնելու մասին:

Դատարանի իրավական վերլուծությունները.

Այսպիսով, քրեական գործով ձեռք բերված ապացույցների ընդհանուր կարգով սահմանված հետազոտություն չկատարելով, արագացված դատաքննությամբ հիմք ընդունելով մեղադրանքի հիմքում դրված ապացույցները, դատարանը հանգեց այն համոզման, որ ամբաստանյալ Աշոտ Իշխանի Գևորգյանը մի խումբ անձանց կողմից նախնական համաձայնությամբ այլ անձի կողմից օգտագործելու նպատակով պատրաստել, կեղծել և իրացրել է իրավունք վերապահող պաշտոնական փաստաթղթեր և ձևաթղթեր` որպիսի արարքի համար նա պետք է պատասխանատվության ենթարկվի ՀՀ քրեական օրենսգրքի 325 հոդվածի 2-րդ մասով:
ՀՀ քրեական օրենսգրքի 61-րդ հոդվածի 2-րդ մասի համաձայն` պատժի չափը և տեսակը որոշվում են հանցագործության` հանրության համար վտանգավորության աստիճանով և բնույթով, հանցավորի անձը բնութագրող տվյալներով, այդ թվում` պատասխանատվությունը և պատիժը մեղմացնող կամ ծանրացնող հանգամանքներով:
Ամբաստանյալ Աշոտ Իշխանի Գևորգյանը անկեղծորեն խոստովանեց և զղջաց կատարած արարքի համար, բնութագրվում է դրականորեն:
Պատասխանատվությունը և պատիժը մեղմացնող ու ծանրացնող հանգամանքներ չկան:
Սույն քրեական գործով ամբաստանյալ Աշոտ Իշխանի Գևորգյանին մեղադրանք է առաջադրվել ՀՀ քրեական օրենսգրքի 325-րդ հոդվածի 2-րդ մասով, որի սանկցիան նախատեսում է հետևյալ պատժատեսակները` ՙՏուգանք՝ նվազագույն աշխատավարձի չորսհարյուրապատիկից ութհարյուրապատիկի չափով կամ ազատազրկում՝ առավելագույնը չորս տարի ժամկետով՚:
ՀՀ քրեական օրենսգրքի 61-րդ հոդվածի 1-ին մասի համաձայն` ՙՀանցագործության համար մեղավոր ճանաչված անձի նկատմամբ նշանակվում է արդարացի պատիժ, որը որոշվում է սույն օրենսգրքի Հատուկ մասի համապատասխան հոդվածի սահմաններում՝ հաշվի առնելով սույն օրենսգրքի Ընդհանուր մասի դրույթները՚:
Վերլուծելով ՀՀ քրեական օրենսգրքի 325-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակի նշանակման հնարավորությունը` դատարանը գտնում է, որ ամբաստանյալ Աշոտ Իշխանի Գևորգյանի նկատմամբ ՀՀ քրեական օրենսգրքի 325-րդ հոդվածի 2-րդ մասի սանկցիայով նախատեսված ՙՏուգանք՚ պատժատեսակը չի կարող նշանակվել, հաշվի առնելով այն հանգամանքը, որ Աշոտ Իշխանի Գևորգյանը կատարելով կառավարման կարգի դեմ ուղղված միջին ծանրության հանցագործություն, թաքնվել է վարույթն իրականացնող մարմնից և նրա գտնվելու վայրը հայտնի չլինելու պատճառով 2009 թվականի սեպտեմբերի 26-ին նրա նկատմամբ հայտարարվել է հետախուզում և միայն 2011 թվականի փետրվարի 08-ին Ա.Գևորգյանը հայտնաբերվել ու ներկայացվել է քննության, ուստի դատարանը գտնում է, որ Աշոտ Իշխանի Գևորգյանի նկատմամբ պետք է նշանակել ՀՀ քրեական օրենսգրքի 325 հոդվածի 2-րդ մասի սանկցիայով նախատեսված ՙԱզատազրկում՚ պատժատեսակը:
ՀՀ Ազգային ժողովի կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետի համաձայն` պատժից ազատվում են առավելագույնը երեք տարի ժամկետով ազատությունից զրկելու հետ կապված պատիժների դատապարտված անձինք: Նույն որոշման 15-րդ կետի համաձայն` սույն որոշումը կիրառվում է այն անձանց նկատմամբ, որոնք հանցագործություն են կատարել մինչև 2011 թվականի մայիսի 1-ը ներառյալ:
Նկատի ունենալով այն հանգամանքը, որ ամբաստանյալ Աշոտ Իշխանի Գևորգյանը հանցանքը կատարել է մինչև 2011 թվականի մայիսի 01-ը, ուստի դատարանը գտնում է, որ Ա.Գևորգյանի նկատմամբ մինչև երեք տարի ժամկետով ազատազրկման ձևով պատիժ նշանակելու դեպքում կարող է կիրառել ՀՀ Ազգային ժողովի կողմից ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել նշանակված պատժից:
Դատարանը քննարկելով ամբաստանյալի նկատմամբ ընտրված խափանման միջոցի և իրեղեն ապացույցների հարցերը, գտնում է, որ ամբաստանյալ Աշոտ Իշխանի Գևորգյանի նկատմամբ ընտրված խափանման միջոցը` ստորագրություն չհեռանալու մասին, պետք է վերացնել դատավճիռն օրինական ուժի մեջ մտնելու պահից, իսկ քրեական գործով իրեղեն ապացույց ճանաչված տեղեկանքները և պայմանագրերը պետք է թողնել քրեական գործին կցված:

Եզրափակիչ մաս.

Ղեկավարվելով ՀՀ քրեական դատավարության օրենսգրքի 357-360, 3753 հոդվածներով, դատարանը

Վ Ճ Ռ Ե Ց`

Աշոտ Իշխանի Գևորգյանին մեղավոր ճանաչել ՀՀ քրեական օրենսգրքի 325 հոդվածի 2-րդ մասով և նրան դատապարտել ազատազրկման` 1 /մեկ/ տարի ժամկետով:
Աշոտ Իշխանի Գևորգյանի նկատմամբ կիրառել ՀՀ Ազգային ժողովի կողմից 26.05.2011 թվականին ընդունված ՙՀամաներում հայտարարելու մասին՚ որոշման 1-ին կետի 1-ին ենթակետը և նրան ազատել պատժից:
Աշոտ Իշխանի Գևորգյանի նկատմամբ ընտրված խափանման միջոցը` ստորագրություն չհեռանալու մասին, վերացնել դատավճիռն օրինական ուժի մեջ մտնելու պահից:
Քրեական գործով իրեղեն ապացույց ճանաչված տեղեկանքները և պայմանագրերը` թողնել քրեական գործին կցված:
Սույն դատավճիռը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:



ԴԱՏԱՎՈՐ` Ա. ԲԵԿԹԱՇՅԱՆ