ԵԿԴ/0090/01/11

Ո Ր Ո Շ Ո ՒՄ
/<<Համաներում հայտարարելու մասին>> որոշումը կիրառելու, քրեական
գործի վարույթը կարճելու և քրեական հետապնդումը դադարեցնելու մասին/

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Ա.Բեկթաշյանի
քարտուղարությամբ` Կ.Մելքոնյանի
մասնակցությամբ` մեղադրող` Ա.Գալստյանի

2011 թվականի հունիսի 01-ին, դռնբաց դատական նիստում քննության առնելով քրեական գործն ըստ մեղադրանքի Արարատ Արտուրի Մկրտչյանի` ծնված 16.01.1981 թվականին Կոտայքի մարզի Արգել գյուղում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, խնամքին երկու անձ, նախկինում չդատված, չի աշխատում, բնակվում է Կոտայքի մարզի Արգել գյուղի Երևանյան փողոցի 2-րդ շենքի 16 բնակարանում, մեղադրվում է ՀՀ քրեական օրենսգրքի 325 հոդվածի 1-ին մասով, ամբաստանյալ Արարատ Արտուրի Մկրտչյանի դիմումը` 26.05.2011 թվականին ընդունված <<Համաներում հայտարարելու մասին>> որոշման կիրառմամբ իր վերաբերյալ քրեական գործի վարույթը կարճելու և քրեական հետապնդումը դադարեցնելու մասին,

Պ Ա Ր Զ Ե Ց Ի`

2011 թվականի հունվարի 01-ին ՀՀ ոստիկանության քննչական գլխավոր վարչության Երևանի ՔՎ Կենտրոնականի քննչական բաժնում ՀՀ քրեական օրենսգրքի 325 հոդվածի 1-ին մասի հատկանիշներով հարուցվել է թիվ 13102111 քրեական գործը:
2011 թվականի մարտի 16-ին Արարատ Արտուրի Մկրտչյանին ՀՀ քրեական օրենսգրքի 325 հոդվածի 1-ին մասով մեղադրանք է առաջադրվել այն բանի համար, որ նա 2010 թվականի նոյեմբերի 22-ին ՀՀ ոստիկանության համակարգում ծառայության անցնելու նպատակով, Երևան քաղաքի Նալբանդյան 130 հասցեում գտնվող ՀՀ ոստիկանության կադրերի վարչություն ներկայացնելու եղանակով, օգտագործել է իրավունք վերապահող պաշտոնական փաստաթուղթ հանդիսացող իր տվյալներով պատրաստված Երևանի պետական տնտեսագիտական ինստիտուտի կողմից 2004 թվականին իբր տրված ԱԴ սերիայի 022682 համարի ակնհայտ կեղծ դիպլոմ:
2011 թվականի ապրիլի 30-ի որրոշմամբ թիվ 13113011 քրեական գործով Ժանդրանիկ Խաչատրյանի նկատմամբ ՀՀ քրեական օրենսգրքի 38-325 հոդվածի 1-ին մասով քրեական հետապնդում չի իրականացվել` վաղեմության ժամկետներն անցնելու հիմքով, իսկ ՀՀ քրեական օրենսգրքիկ 178 հոդվածի 2-րդ մասի 2-րդ կետով քրեական հետապնդում չի իրականացվել` հանցակազմի բացակայության պատճառաբանությամբ: Ֆելիքս Բենյամինի Հակոբյանի նկատմամբ քրեական հետապնդում չի իրականացվել` մահվան հիմքով:
2011 թվականի մայիսի 10-ին թիվ 13102111 քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարան:
Ամբաստանյալ Արարատ Արտուրի Մկրտչյանը ՀՀ քրեական օրենսգրքի 325 հոդվածի 1-ին մասով առաջադրված մեղադրանքում իրեն մեղավոր ճանաչեց և 01.06.2011 թվականի դատական նիստի ընթացքում դատարանին ներկայացրեց դիմում` 26.05.2011 թվականին ընդունված <<Համաներում հայտարարելու մասին>> որոշման կիրառմամբ իր վերաբերյալ քրեական գործի վարույթը կարճելու և քրեական հետապնդումը դադարեցնելու մասին:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ», իսկ նույն հոդվածի 5-րդ մասը սահմանում է, որ «դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը»:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 6-րդ կետի 2-րդ ենթակետի համաձայն` «քրեական հետապնդում պետք է չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում»:
ՀՀ քրեական օրենսգրքի 325-րդ հոդվածի 1-ին մասի սանկցիան որպես պատիժ նախատեսում է տուգանք՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ ազատազրկում՝ առավելագույնը երկու տարի ժամկետով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում է ՀՀ քրեական օրենսգրքի 325-րդ հոդվածի 1-ին մասը, այսինքն` ՀՀ քրեական օրենսգրքի 325-րդ հոդվածի 1-ին մասով նախատեսված արարքներ կատարած անձանց նկատմամբ համաներման կիրառումը սահմանափակված չէ:
Սույն քրեական գործի նյութերում բացակայում է նաև համաներման որոշման 9-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ համաներման որոշման կիրառման համար:

Դատարանը, հիմք ընդունելով վերը նշվածը և նկատի ունենալով, որ Արարատ Արտուրի Մկրտչյանը խնդրել է իր նկատմամբ կիրառել Համաներման որոշումը, գտնում է, որ Համաներման որոշման կիրառմամբ սույն քրեական գործի վարույթը պետք է կարճել և Արարատ Արտուրի Մկրտչյանի նկատմամբ քրեական հետապնդումը դադարեցման:
Դատարանը, նկատի ունենալով, որ վերը նշված հիմնավորմամբ սույն քրեական գործի վարույթը պետք է կարճել և Արարատ Արտուրի Մկրտչյանի նկատմամբ քրեական հետապնդումը դադարեցնել, գտնում է, որ նրա նկատմամբ խափանման միջոց կիրառելու անհրաժեշտությունը վերացել է, ուստի սույն որոշումն օրինական ուժի մեջ մտնելուց հետո Արարատ Արտուրի Մկրտչյանի նկատմամբ ընտրված խափանման միջոցը` չհեռանալու մասին ստորագրությունը, պետք է վերացնել, իսկ քրեական գործով ապացույց ճանաչված այլ փաստաթոււղթ հանդիսացող` ՀՀ պետական տնտեսագիտական համալսարանից ստացված, Երևանի պետական տնտեսագիտական ինստիտուտի 26.05.2004 թվականի հրամանի պատճեն, ապացույց ճանաչված այլ փաստաթոււղթ հանդիսացող` ՀՀ պետական տնտեսագիտական համալսարանից ստացված 14.12.2010 թվականի թիվ 05-144, 15.02.2011 թվականի թիվ 05-06, 15.03.2011 թվականի թիվ 05-19, 04.04.2011 թվականի թիվ 02-05 պատասխան գրությունները պետք է թողնել քրեական գործին կցված, քրեական գործով իրեղեն ապացույց ճանաչված Արարատ Մկրտչյանի տվյալներով լրացված` ԱԴ սերիայի թիվ 022682 կեղծ դիպլոմը պետք է թողնել քրեական գործին կցված:
Ելնելով վերոգրյալից, ղեկավարվելով ՀՀ քրեական դատավարության օրենսգրքի 35-րդ, 41-րդ, 151-րդ, 313-րդ հոդվածներով և հիմք ընդունելով «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշումը, դատարանը

Ո Ր Ո Շ Ե Ց

Արարատ Արտուրի Մկրտչյանի վերաբերյալ` ՀՀ քրեական օրենսգրքի 325 հոդվածի 1-ին մասով քրեական գործի վարույթը կարճել և քրեական հետապնդումը դադարեցնել` նրա նկատմամբ կիրառելով ՀՀ Ազգային Ժողովի կողմից 26.05.2011 թվականին ընդունված <<Համաներում հայտարարելու մասին>> որոշման 6-րդ կետի 2-րդ ենթակետը:
Արարատ Արտուրի Մկրտչյանի նկատմամբ ընտրված խափանման միջոցը` ստորագրություն չհեռանալու մասին վերացնել, որոշումն օրինական ուժի մեջ մտնելու պահից:
Քրեական գործով ապացույց ճանաչված այլ փաստաթոււղթ հանդիսացող` ՀՀ պետական տնտեսագիտական համալսարանից ստացված, Երևանի պետական տնտեսագիտական ինստիտուտի 26.05.2004 թվականի հրամանի պատճեն թողնել քրեական գործին կցված:
Քրեական գործով ապացույց ճանաչված այլ փաստաթոււղթ հանդիսացող` ՀՀ պետական տնտեսագիտական համալսարանից ստացված 14.12.2010 թվականի թիվ 05-144, 15.02.2011 թվականի թիվ 05-06, 15.03.2011 թվականի թիվ 05-19, 04.04.2011 թվականի թիվ 02-05 պատասխան գրությունները թողնել քրեական գործին կցված:
Քրեական գործով իրեղեն ապացույց ճանաչված Արարատ Մկրտչյանի տվյալներով լրացված` ԱԴ սերիայի թիվ 022682 կեղծ դիպլոմը` թողնել քրեական գործին կցված:
Որոշումը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա.ԲԵԿԹԱՇՅԱՆ