ԵԿԴ/0085/01/11







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«12» հուլիսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Վ.Միլիտոնյան
պաշտպան Ռ.Բալաբանյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Արթուր Ժորժիկի Մխիթարյանի` ծնված 1963 թվականի ապրիլի 18-ին Գյումրի քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, չի աշխատում, նախկինում դատապարտված, հաշվառված է Երևան քաղաքի Արմենակյան փողոցի 40-րդ տանը: Մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով, արգելանքի տակ է 2011 թվականի հունվարի 21-ից:
1. Գործի դատավարական նախապատմությունը.
2011 թվականի հունվարի 20-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Համբարձումյանի որոշմամբ ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով նախատեսված հանցագործությունների հատկանիշներով հարուցվել և վարույթ է ընդունվել թիվ 69100311 քրեական գործը:
2011 թվականի հունվարի 22-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Համբարձումյանի որոշմամբ թիվ 69100311 քրեական գործով Արթուր Ժորժիկի Մխիթարյանին մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ և 2.1 կետերով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
2011 թվականի հունվարի 26-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Համբարձումյանի որոշմամբ թիվ 69100311 քրեական գործով Սերգեյ Գեորգիի Մակարյանին մեղադրանք է առաջադրվել ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 1-ին և 2-րդ կետերով:
2011 թվականի ապրիլի 14-ին ՀՀ ոստիկանության քննչական գլխավոր վարչության ՀԿԳ քննության վարչության ավագ քննիչ Գ.Համբարձումյանի որոշմամբ թիվ 69100311 քրեական գործից անջատվել է Արթուր Մխիթարյանին ափիոն տեսակի թմրամիջոց իրացնող, գործով չպարզված անձի, ինչպես նաև թմրամիջոցների շրջանառության հետ առնչվող այլ անձանց վերաբերյալ մասը, որին շնորհվել է 69100311/1 համարը:
2011 թվականի ապրիլի 30-ին Արթուր Ժորժիկի Մխիթարյանի և Սերգեյ Գեորգիի Մակարյանի վերաբերյալ քրեական գործը մեղադրական եզրակացությամբ ուղարկվել է Դատարան, որին շնորհվել է ԵԿԴ/0085/01/11 համարը:
2011 թվականի հունիսի 9-ին` դատական քննության ընթացքում, մեղադրող Վ.Միլիտոնյանի որոշմամբ Արթուր Ժորժիկի Մխիթարյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն արարքների համար, որ նա 2010 թվականի հոկտեմբեր ամսին, գործով դեռևս չպարզված հանգամանքներում, իրացնելու և իր գործածման նպատակով ապօրինի ձեռք է բերել խոշոր չափի` մոտ 7 գրամ ափիոն տեսակի թմրամիջոց և դրան համապատասխան քանակի պրեկուրսոր հանդիսացող քացախաթթվի անհիդրիդ, որի մի մասը ներարկվելու եղանակով գործածել է, իսկ մնացած` խոշոր չափի` ընդհանուր 4,56 գրամ ափիոն տեսակի թմրամիջոցն ու 3 մլ քացախաթթվի անհիդրիդը 2010 թվականի հոկտեմբերից 2011 թվականի հունվար ամիսներն ընկած ժամանակահատվածում` տարբեր օրերի, ընդհանուր հինգ դեպքով, յուրաքանչյուր անգամ խոշոր չափի` 0,8-ական գրամ ափիոն տեսակի թմրամիջոցն ու 0,5-ական մլ պրեկուրսոր հանդիսացող քացախաթթվի անհիդրիդը 20.000 ՀՀ դրամով, իսկ վերջին անգամ` 2011 թվականի հունվարի 20-ին, խոշոր չափի` 1,36 գրամ ափիոն տեսակի թմրամիջոցն ու 1 մլ քացախաթթվի անհիդրիդը 40.000 ՀՀ դրամով վաճառելու եղանակով Երևան քաղաքի Նորք թաղամասում գտնվող «Արմա» հյուրանոցի մոտակայքում ապօրինի իրացրել է Սերգեյ Գեորգիի Մակարյանին: 2011 թվականի հունվարի 20-ին կասկածանքի տակ ՀՀ ոստիկանության Երևան քաղաքի վարչություն բերման ենթարկված Սերգեյ Մակարյանի անձնական խուզարկությամբ հայտնաբերվել և առգրավվել է նույն Արթուր Մխիթարյանից ապօրինի ձեռք բերված 1,36 գրամ ափիոն տեսակի թմրամիջոցն ու 1 մլ քացախաթթվի անհիդրիդը:
2011 թվականի հունիսի 9-ին` դատական քննության ընթացքում, մեղադրող Վ.Միլիտոնյանի որոշմամբ Սերգեյ Գեորգիի Մակարյանին առաջադրված մեղադրանքը փոփոխվել է և նրան նոր մեղադրանք է առաջադրվել ՀՀ քրեական օրենսգրքի ՀՀ քրեական օրենսգրքի 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով` այն արարքների համար, որ նա 2010 թվականի հոկտեմբերից 2011 թվականի հունվար ամիսներն ընկած ժամանակահատվածում` տարբեր օրերի, ընդհանուր հինգ դեպքով Երևան քաղաքի Նորք թաղամասում գտնվող «Արմա» հյուրանոցի մոտակայքում, առանց իրացնելու նպատակի, իր գործածման համար, Արթուր Ժորժիկի Մխիթարյանից յուրաքնչյուր անգամ 20.000 ՀՀ դրամով գնելու եղանակով ապօրինի ձեռք է բերել խոշոր չափի` 0,8-ական գրամ ափիոն տեսակի թմրամիջոց և 0,5-ական մլ պրեկուրսոր հանդիսացող քացախաթթվի անհիդրիդ, իսկ վերջին անգամ` 2011 թվականի հունվարի 20-ին, 40.000 ՀՀ դրամի դիմաց` խոշոր չափի` 1,36 գրամ ափիոն տեսակի թմրամիջոց և 1 մլ քացախաթթվի անհիդրիդ, ընդհանուր խոշոր չափի 4,56 գրամ ափիոն տեսակի թմրամիջոց և 3 մլ քացախաթթվի անհիդրիդ, որի մի մասը ներարկվելու եղանակով գործածել է: 2011 թվականի հունվարի 20-ին կասկածանքի տակ ՀՀ ոստիկանության Երևան քաղաքի վարչություն բերման ենթարկված Սերգեյ Մակարյանի անձնական խուզարկությամբ հայտնաբերվել և առգրավվել է նույն օրն Արթուր Մխիթարյանից ապօրինի ձեռք բերված 1,36 գրամ ափիոն տեսակի թմրամիջոցն ու 1 մլ քացախաթթվի անհիդրիդը:
2011 թվականի հունիսի 29-ին Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի որոշմամբ թիվ ԵԿԴ/0085/01/11 քրեական գործով Սերգեյ Գեորգիի Մակարյանի նկատմամբ քրեական հետապնդումը դադարեցվել է` համաներման ակտի ընդունման հիմքով:
2. Արագացված դատական քննություն.
Մինչ դատաքննությունն սկսելն ամբաստանյալ Արթուր Ժորժիկի Մխիթարյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Արթուր Ժորժիկի Մխիթարյանը կատարել է արարքներ` նախատեսված ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, 268-րդ հոդվածի 2-րդ մասի 2-րդ կետով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ՀՀ ոստիկանության ինֆորմացիոն կենտրոնի պահանջագիրը, ծննդյան թիվ ԱԱ172331 և ԱԱ260911 վկայականների պատճենները, Կենտրոնի կենսաթոշակային ապահովագրության կենտրոնի կողմից տրված թիվ 42688 և 45661 վկայականների պատճենները, Երևան քաղաքի Նորք-Մարաշ վարչական շրջանի լիազոր ներկայացուցչի կողմից տրված տեղեկանքը և բնութագիրը, Երկրապահ կամավորականների միության Նորք-Մարաշ տարածքային բաժանմունքի նախագահի 2011 թվական մայիսի 15-ի թիվ 721 գրությունը, «Արմենիա» բժշկական կենտրոնի նեյրովիրաբուժական բաժանմունքի ստացիոնար մատյանի թիվ 604/8898 քաղվածքի պատճենը, եկավ հետևյալ եզրահանգման.
Արթուր Մխիթարյանի անձը դրականորեն բնութագրող հանգամանքներ են առաջադրված մեղադրանքներում իրեն մեղավոր ճանաչելը, ամուսնացած լինելը և թոշակառու հորն ու մորը խնամելը:
Արթուր Մխիթարյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Քնարիկ Արթուրի Մխիթարյան` ծնված 1999 թվականի հունվարի 6-ին, Արտաշես Արթուրի Մխիթարյան` ծնված 2000 թվականի օգոստոսի 13-ին) առկայությունը:
Դատարանը գտնում է, որ Արթուր Մխիթարյանի պատասխանատվությունն ու պատիժը մեղմացնող հանգամանքներ պետք է դիտել նաև Հայաստանի Հանրապետության և Լեռնային Ղարաբաղի Հանրապետության պաշտպանության համար մղված մարտական գործողությունների մասնակցելը, դրականորեն բնութագրվելը և վատառողջ լինելը:
Արթուր Մխիթարյանի պատասխանատվությունն ու պատիժը ծանրացնող հանգամանք է հանցանքները կատարելու ռեցիդիվը, քանի որ նա նախկինում դիտավորյալ հանցագործություն կատարելու համար դատապարտվել է, որի դատվածությունը մարված չէ:
Վերը նշված անձը դրականորեն բնութագրող, պատասխանատվությունն ու պատիժը մեղմացնող և ծանրացնող հանգամանքները Արթուր Մխիթարյանի կատարած բոլոր արարքներով էլ առկա են:
Կատարած արարքների համար ամբաստանյալ Արթուր Մխիթարյանը ենթակա է քրեական պատասխանատվության և պատժի:
Դատարանը, հաշվի առնելով Արթուր Մխիթարյանի կատարած արարքների` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ինչպես նաև այն, որ ՀՀ քրեական օրենսգրքի 266-րդ հոդվածի 2-րդ մասի և 268-րդ հոդվածի 2-րդ մասի սանկցիաներով նախատեսված են պատիժներ միայն ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասի սանկցիայով նախատեսված է պատիժ նաև տուգանքի ձևով, գտնում է, որ նրա նկատմամբ ՀՀ քրեական օրենսգրքի 266-րդ հոդվածի 2-րդ մասի 2-րդ կետով և 268-րդ հոդվածի 2-րդ մասի 2-րդ կետով նախատեսված արարքներ կատարելու համար պատիժներ պետք է նշանակել ազատազրկման ձևով, իսկ ՀՀ քրեական օրենսգրքի 266-րդ հոդվածի 4-րդ մասով նախատեսված արարք կատարելու համար` տուգանքի ձևով: Ընդ որում` ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված արարք կատարելու համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը:
Դատարանը գտնում է, որ ամբաստանյալ Արթուր Մխիթարյանի նկատմամբ վերջնական պատիժ պետք է նշանակել ազատազրկման ձևով նշանակված պատիժները մասնակիորեն գումարելու կանոնով, իսկ տուգանքը` լրիվ գումարելու կանոնով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Արթուր Մխիթարյանի պատժի կրման սկիզբը պետք է հաշվել 2011 թվականի հունվարի 21-ից, քանի որ նա ձերբակալվել է այդ օրը, իսկ 2011 թվականի հունվարի 22-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Արթուր Մխիթարյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
ՀՀ քրեական օրենսգրքի 97-րդ հոդվածի 1-ին մասի 4-րդ կետի համաձայն` բժշկական բնույթի հարկադրական միջոցներ դատարանը կարող է նշանակել այն անձի նկատմամբ, ով հանցանք է կատարել և ճանաչվել է ալկոհոլամոլությունից և թմրամոլությունից բուժման կարիք ունեցող: ՀՀ քրեական օրենսգրքի 98-րդ հոդվածի 2-րդ մասի համաձայն` մեղսունակությունը չբացառող հոգեկան խանգարման վիճակում կատարած հանցանքի համար դատապարտված, բայց ալկոհոլամոլությունից, թմրամոլությունից կամ թունամոլությունից, կամ մեղսունակությունը չբացառող հոգեկան խանգարումներից բուժման կարիք ունեցող անձանց նկատմամբ դատարանը պատժի հետ մեկտեղ կարող է նշանակել հոգեբույժի մոտ արտահիվանդանոցային հսկողություն և հարկադիր բուժում:
Դատարանը, նկատի ունենալով, որ Արթուր Մխիթարյանը տառապում է ափիոնային թմրամոլությամբ և ունի հարկադիր բուժման կարիք, որի համար հակացուցումներ չկան, գտնում է, որ նրա նկատմամբ պետք է նշանակել բժշկական բնույթի հարկադրական միջոց` հոգեբույժի մոտ արտահիվանդանոցային հսկողություն և հարկադիր բուժում:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո 2011 թվականի մարտի 28-ի որոշմամբ իրեղեն ապացույց ճանաչված 1,31 գրամ ափիոն տեսակի թմրամիջոցի և 0,5մլ ծավալով քացախաթթվի անհիդրիդի հարցը պետք է թողնել լուծելու թիվ 69100311/1 քրեական գործով:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի հարցը, իսկ նույն օրենսգրքի 238-րդ հոդվածը սահմանում է, որ գույքը, քրեական վարույթն իրականացնող մարմնի որոշմամբ ազատվում է կալանքից, եթե քաղաքացիական հայցը ետ վերցվելու, կասկածյալին կամ մեղադրյալին վերագրվող արարքի որակումը փոխվելու հետևանքով կամ այլ պատճառներով վերացել է գույքի վրա կալանք դնելուց բխող սահմանափակումների կիրառման անհրաժեշտությունը
Սույն գործով 2011 թվականի փետրվարի 10-ին կայացվել է Արթուր Մխիթարյանի գույքի վրա կալանք դնելու մասին որոշում: Դատարանը, նկատի ունենալով, որ Արթուր Մխիթարյանի նկատմամբ ՀՀ քրեական օրենսգրքի 266-րդ հոդվածի 2-րդ մասի 2-րդ կետով նախատեսված արարքի համար չպետք է նշանակել տվյալ հոդվածի սանկցիայով նախատեսված լրացուցիչ պատիժը` գույքի բռնագրավումը, ինչպես նաև այն, որ սույն քրեական գործով քաղաքացիական հայց չի ներկայացվել և չկան բռնագանձման ենթակա դատական ծախսեր, գտնում է, որ վերացել է Արթուր Մխիթարյանի գույքի վրա կալանք դնելուց բխող սահմանափակումների կիրառման անհրաժեշտությունը: Հետևաբար դատավճիռն օրինական ուժի մեջ մտնելուց հետո 2011 թվականի փետրվարի 10-ի որոշմամբ Արթուր Ժորժիկի Մխիթարյանի գույքի վրա դրված կալանքը պետք է վերացնել:
Դատարանը գտնում է, որ դատական ծախսերն ամբաստանյալ Արթուր Մխիթարյանից ենթակա չեն բռնագանձման, քանի որ ՀՀ քրեական դատավարության օրենսգրքի 168-րդ հոդվածի 1-ին մասի 1-ին կետով նախատեսված դատական ծախս սույն քրեական գործով չկա, իսկ 2-8-րդ կետերով նախատեսված դատական ծախսերն արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի, ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 238-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Արթուր Ժորժիկի Մխիթարյանին մեղավոր ճանաչել ՀՀ քրեական օրենսգրքի 266-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և 268-րդ հոդվածի 2-րդ մասի 2-րդ կետով:
ՀՀ քրեական օրենսգրքի 266-րդ հոդվածի 2-րդ մասի 2-րդ կետով Արթուր Ժորժիկի Մխիթարյանի նկատմամբ պատիժ նշանակել ազատազրկում` 5 (հինգ) տարի 3 (երեք) ամիս ժամկետով:
ՀՀ քրեական օրենսգրքի 266-րդ հոդվածի 4-րդ մասով Արթուր Ժորժիկի Մխիթարյանի նկատմամբ պատիժ նշանակել տուգանք` նվազագույն աշխատավարձի հարյուրապատիկի չափով:
ՀՀ քրեական օրենսգրքի 268-րդ հոդվածի 2-րդ մասի 2-րդ կետով Արթուր Ժորժիկի Մխիթարյանի նկատմամբ պատիժ նշանակել ազատազրկում` 1 (մեկ) տարի ժամկետով:
ՀՀ քրեական օրենսգրքի 66-րդ հոդվածով սահմանված կարգով` ազատազրկման ձևով նշանակված պատիժները մասնակիորեն գումարելու, իսկ տուգանքը լրիվ գումարելու միջոցով, Արթուր Ժորժիկի Մխիթարյանի նկատմամբ վերջնական պատիժ նշանակել ազատազրկում` 5 (հինգ) տարի 6 (վեց) ամիս ժամկետով և տուգանք` նվազագույն աշխատավարձի հարյուրապատիկի չափով` ազատազրկման ձևով նշանակված պատժի կրման սկիզբը հաշվելով 2011 թվականի հունվարի 21-ից:
Արթուր Ժորժիկի Մխիթարյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը:
Արթուր Ժորժիկի Մխիթարյանի նկատմամբ նշանակել հոգեբույժի մոտ արտահիվանդանոցային հսկողություն և հարկադիր բուժում:
Դատավճիռն օրինական ուժի մեջ մտնելուց հետո` 2011 թվականի մարտի 28-ի որոշմամբ իրեղեն ապացույց ճանաչված 1,31 գրամ ափիոն տեսակի թմրամիջոցի և 0,5մլ ծավալով քացախաթթվի անհիդրիդի հարցը թողնել լուծելու թիվ 69100311/1 քրեական գործով:
Դատավճիռն օրինական ուժի մեջ մտնելուց հետո` 2011 թվականի փետրվարի 10-ի որոշմամբ Արթուր Ժորժիկի Մխիթարյանի գույքի վրա դրված կալանքը վերացնել:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ