ԵԿԴ/0083/01/11
Ո Ր Ո Շ Ո ՒՄ

<<Համաներում հայտարարելու մասին>> որոշումը կիրառելու, քրեական
գործի վարույթը կարճելու և քրեական հետապնդումը դադարեցնելու մասին

Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը

Նախագահությամբ դատավոր` Ա.Բեկթաշյանի
քարտուղարությամբ` Կ.Մելքոնյանի
մասնակցությամբ` մեղադրող` Լ.Չարխիֆալակյանի
պաշտպան` Գ.Մալխասյանի

2011 թվականի մայիսի 27-ին, դռնբաց դատական նիստում քննության առնելով քրեական գործն ըստ մեղադրանքի Բագրատ Մագիլովի Վարդանյանի` ծնված 27.07.1963 թվականին Երևան քաղաքում, ազգությամբ հայ, ՀՀ քաղաքացի, միջնակարգ-մասնագիտական կրթությամբ, ամուրի, խնամքին ոչ ոք, նախկինում դատված, դատվածությունը մարված, չի աշխատում, բնակվում է Երևան քաղաքի Սարի Թաղի 8-րդ շարքի 151 տանը, մեղադրվում է ՀՀ քրեական օրենսգրքի 268 հոդվածի 1-ին մասով և Մհեր Լյովայի Բաղդասարյանի` ծնված 18.04.1975 թվականին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, փաստացի ամուսնացած, խնամքին 2 անձ, նախկինում չդատված, չի աշխատում, բնակվում է Երևան քաղաքի Անդրֆեդերացիայի փողոցի 32 տանը, մեղադրվում է ՀՀ քրեական օրենսգրքի 268 հոդվածի 1-ին մասով, ամբաստանյալներ Բագրատ Մագիլովի Վարդանյանի և Մհեր Լյովայի Բաղդասարյանի դիմումները` 26.05.2011 թվականին ընդունված <<Համաներում հայտարարելու մասին>> որոշման կիրառմամբ իրենց վերաբերյալ քրեական գործի վարույթը կարճելու և քրեական հետապնդումը դադարեցնելու մասին,

Պ Ա Ր Զ Ե Ց Ի`

2011 թվականի մարտի 03-ին ՀՀ ոստիկանության քննչական գլխավոր վարչության Երևանի ՔՎ Կենտրոնականի քննչական բաժնում ՀՀ քրեական օրենսգրքի 268 հոդվածի 1-ին մասի հատկանիշներով հարուցվել է թիվ 13113011 քրեական գործը:
2011 թվականի մարտի 07-ին Բագրատ Մագիլովի Վարդանյանին ՀՀ քրեական օրենսգրքի 268 հոդվածի 1-ին մասով մեղադրանք է առաջադրվել այն բանի համար, որ նա 2011 թվականի փետրվարի 14-ին Մհեր Լյովայի Բաղդասարյանի հետ նախնական համաձայնության գալով առանց իրացնելու նպատակի` իրենց գործածման համար, Երևան քաղաքի Սարի Թաղ 8-րդ շարքի թիվ 151 տանը, դեղատնից գնած <<Կաֆետին>> տեսակի դեղամիջոցը բենզինով և յոդով լուծելու միջոցով ապօրինի պատրաստել և պահել են զգալի չափերի` 0,029968 գրամը գերազանցող <<Կոդեին>> տեսակի թմրամիջոց:
2011 թվականի մարտի 07-ին Մհեր Լյովայի Բաղդասարյանին ՀՀ քրեական օրենսգրքի 268 հոդվածի 1-ին մասով մեղադրանք է առաջադրվել այն բանի համար, որ նա 2011 թվականի փետրվարի 14-ին Բագրատ Մագիլովի Վարդանյանի հետ նախնական համաձայնության գալով առանց իրացնելու նպատակի` իրենց գործածման համար, Երևան քաղաքի Սարի Թաղ 8-րդ շարքի թիվ 151 տանը, դեղատնից գնած <<Կաֆետին>> տեսակի դեղամիջոցը բենզինով և յոդով լուծելու միջոցով ապօրինի պատրաստել և պահել են զգալի չափերի` 0,029968 գրամը գերազանցող <<Կոդեին>> տեսակի թմրամիջոց:
2011 թվականի ապրիլի 27-ին ՀՀ ոստիկանության ՔԳՎ Երևրան քաղաքի Կենտրոնականի քննչական բաժնի քննիչ Ս.Պետրոսյանի որոշմամբ թիվ 13113011 քրեական գործով մեղադրյալներ Բագրատ Մագիլովի Վարդանյանի և Մհեր Լյովայի Բաղդասարյանի կողմից 2010 թվականի հունվար ամսից մինչև փետրվարի 13-ըն ընկած ամանակահատվածում ապօրինի <Կոդեին>> տեսակի թմրամիջոց պատրաստելու կապակցությամբ քրեական հետապնդում չի իրականացվել` հանցակազմի բացակայության հիմքով:
Ամբաստանյալ Բագրատ Մագիլովի Վարդանյանը ՀՀ քրեական օրենսգրքի 268 հոդվածի 1-ին մասով առաջադրված մեղադրանքում իրեն մեղավոր ճանաչեց և 27.05.2011 թվականի դատական նիստի ընթացքում դատարանին ներկայացրեց դիմում` 26.05.2011 թվականին ընդունված <<Համաներում հայտարարելու մասին>> որոշման կիրառմամբ իր վերաբերյալ քրեական գործի վարույթը կարճելու և քրեական հետապնդումը դադարեցնելու մասին:
Ամբաստանյալ Մհեր Լյովայի Բաղդասարյանը ՀՀ քրեական օրենսգրքի 268 հոդվածի 1-ին մասով առաջադրված մեղադրանքում իրեն մեղավոր ճանաչեց և 27.05.2011 թվականի դատական նիստի ընթացքում դատարանին ներկայացրեց դիմում` 26.05.2011 թվականին ընդունված <<Համաներում հայտարարելու մասին>> որոշման կիրառմամբ իր վերաբերյալ քրեական գործի վարույթը կարճելու և քրեական հետապնդումը դադարեցնելու մասին:
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համաձայն` «քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ», իսկ նույն հոդվածի 5-րդ մասը սահմանում է, որ «դատարանը, հայտնաբերելով քրեական հետապնդումը բացառող հանգամանքներ, լուծում է ամբաստանյալի նկատմամբ քրեական հետապնդումը դադարեցնելու հարցը»:
«Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշման (այսուհետ նաև` Համաներման որոշում) 6-րդ կետի 2-րդ ենթակետի համաձայն` «քրեական հետապնդում պետք է չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագործությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում»:
ՀՀ քրեական օրենսգրքի 268-րդ հոդվածի 1-ին մասի սանկցիան որպես պատիժ նախատեսում է կալանք՝ առավելագույնը երկու ամիս ժամկետով, կամ ազատազրկում՝ առավելագույնը մեկ տարի ժամկետով:
Համաներման որոշման 9-րդ կետում սահմանված են այն դեպքերը, որոնց առկայության պայմաններում օրենսդիրը բացառել է համաներման կիրառումը: Մասնավորապես` Համաներման որոշման 9-րդ կետի 7-րդ ենթակետում թվարկված են ՀՀ քրեական օրենսգրքի այն հոդվածները և հոդվածների մասերը, որոնցով նախատեսված արարքները կատարած անձանց նկատմամբ համաներումը կիրառելի չէ: Սակայն հարկ է նկատել, որ թվարկված հոդվածների և հոդվածների մասերի շարքից բացակայում է ՀՀ քրեական օրենսգրքի 268-րդ հոդվածի 1-ին մասը, այսինքն` ՀՀ քրեական օրենսգրքի 268-րդ հոդվածի 1-ին մասով նախատեսված արարքներ կատարած անձանց նկատմամբ համաներման կիրառումը սահմանափակված չէ:
Սույն քրեական գործի նյութերում բացակայում է նաև Համաներման որոշման 9-րդ կետի մյուս ենթակետերում նշված այն սահմանափակումները, որոնք կարող են արգելք հանդիսանալ Համաներման որոշման կիրառման համար:

Դատարանը, հիմք ընդունելով վերը նշվածը և նկատի ունենալով, որ Բագրատ Մագիլովի Վարդանյանը և Մհեր Լյովայի Բաղդասարյանը խնդրել են իրենց նկատմամբ կիրառել Համաներման որոշումը, գտնում է, որ Համաներման որոշման կիրառմամբ սույն քրեական գործի վարույթը պետք է կարճել և Բագրատ Մագիլովի Վարդանյանի և Մհեր Լյովայի Բաղդասարյանի նկատմամբ քրեական հետապնդումը դադարեցման:
Դատարանը, նկատի ունենալով, որ վերը նշված հիմնավորմամբ սույն քրեական գործի վարույթը պետք է կարճել և Բագրատ Մագիլովի Վարդանյանի ու Մհեր Լյովայի Բաղդասարյանի նկատմամբ քրեական հետապնդումը դադարեցնել, գտնում է, որ նրանց նկատմամբ խափանման միջոց կիրառելու անհրաժեշտությունը վերացել է, ուստի սույն որոշումն օրինական ուժի մեջ մտնելուց հետո Բագրատ Մագիլովի Վարդանյանի և Մհեր Լյովայի Բաղդասարյանի նկատմամբ ընտրված խափանման միջոցները` չհեռանալու մասին ստորագրությունը, պետք է վերացնել, իսկ քրեական գործով այլ փաստաթուղթ հանդիսացող ապացույցները` Բ.Վարդանյանի և Մ.Բաղդասարյանի ՀՀ ոստիկանության Կենտրոնականի բաժնի Մարաշի բաժանմունք բերման ենթարկելու, անձնական խուզարկություն կատարելու մասին արձանագրությունները, Բ.Վարդանյանի և Մ.Բաղդասարյանի բացատրությունները, ինչպես նաև <<ԱրմենՏել>> և <<ՎիվաՍել>> ՓԲ ընկերություններիկց ստացված հեռախոսազանգերի վերծանումները պետք է թողնել քրեական գործին կցված, քրեական գործով իրեղեն ապացույց ճանաչված Բ.Վարդանյանի և Մ.Բաղդասարյանի անձնական խուզարկությամբ հայտնաբերված և առգրավված <<Կաֆետին>> տեսակի դեղորայքի տուփերը, պոլիէթիլենային շշերը, ներարկիչները, յոդի սրվակը, 0,029968 գրամ քաշով <<Կոդեին>> տեսակի թմրամիջոցը պետք է ոչնչացնել:
Դատանարկոլոգիական փորձաքննության թիվ 067-11 եզրակացության համաձայն` Բագրատ Մագիլովի Վարդանյանը տառապում է <<Ափիոնային թմրամոլություն>> ախտորոշմամբ, ուստի հարկադիր բուժման կարիք ունի, հակացուցումներ չկան:
Դատանարկոլոգիական փորձաքննության թիվ 078-11 եզրակացության համաձայն` Մհեր Լյովայի Բաղդասարյանը տառապում է <<Ափիոնային թմրամոլություն>> ախտորոշմամբ, ուստի հարկադիր բուժման կարիք ունի, հակացուցումներ չկան:
Նկատի ունենակով այն հանգամանքը, որ ՀՀ Ազգային Ժողովի կողմից 26.05.2011 թվականին ընդունված <<Համաներում հայտարարելու մասին>> որոշման 6-րդ կետի 2-րդ ենթակետի կիրառմամբ ամբաստանյալներ Բագրատ Մագիլովի Վարդանյանի և Մհեր Լյովայի Բաղդասարյանի վերաբերյալ` ՀՀ քրեական օրենսգրքի 268 հոդվածի 1-ին մասով, քրեական գործի վարույթը կարճվում է և քրեական հետապնդումը դադարեցվում, իսկ ՀՀ քրեակատարողական օրենսգրքի 126 հոդվածի համաձայն` դատապարտյալի նկատմամբ բժշկական բնույթի հարկադրանքի միջոցներ կիրառելու ժամկետը հաշվակցվում է պատժի ժամկետի մեջ՝ Հայաստանի Հանրապետության քրեական օրենսգրքով սահմանված կարգով, ուստի դատարանը գտնում է, որ Բագրատ Մագիլովի Վարդանյանի և Մհեր Լյովայի Բաղդասարյանի նկատմամբ ՀՀ քրեական օրենսգրքի 97 հոդվածով սահմանված կարգով չի կարող թմրամոլության դեմ հարկադիր բուժում նշանակել:
Ելնելով վերոգրյալից, ղեկավարվելով ՀՀ քրեական դատավարության օրենսգրքի 35-րդ, 41-րդ, 151-րդ, 313-րդ հոդվածներով և հիմք ընդունելով «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2011 թվականի մայիսի 26-ի թիվ ԱԺՈ-277-Ն որոշումը, դատարանը

Ո Ր Ո Շ Ե Ց

Բագրատ Մագիլովի Վարդանյանի վերաբերյալ` ՀՀ քրեական օրենսգրքի 268 հոդվածի 1-ին մասով քրեական գործի վարույթը կարճել և քրեական հետապնդումը դադարեցնել` նրա նկատմամբ կիրառելով ՀՀ Ազգային Ժողովի կողմից 26.05.2011 թվականին ընդունված <<Համաներում հայտարարելու մասին>> որոշման 6-րդ կետի 2-րդ ենթակետը:
Բագրատ Մագիլովի Վարդանյանի նկատմամբ ընտրված խափանման միջոցը` ստորագրություն չհեռանալու մասին վերացնել, որոշումն օրինական ուժի մեջ մտնելու պահից:
Մհեր Լյովայի Բաղդասարյանի վերաբերյալ` ՀՀ քրեական օրենսգրքի 268 հոդվածի 1-ին մասով քրեական գործի վարույթը կարճել և քրեական հետապնդումը դադարեցնել` նրա նկատմամբ կիրառելով ՀՀ Ազգային Ժողովի կողմից 26.05.2011 թվականին ընդունված <<Համաներում հայտարարելու մասին>> որոշման 6-րդ կետի 2-րդ ենթակետը:
Մհեր Լյովայի Բաղդասարյանի նկատմամբ ընտրված խափանման միջոցը` ստորագրություն չհեռանալու մասին վերացնել, որոշումն օրինական ուժի մեջ մտնելու պահից:
Քրեական գործով այլ փաստաթուղթ հանդիսացող ապացույցները` Բ.Վարդանյանի և Մ.Բաղդասարյանի ՀՀ ոստիկանության Կենտրոնականի բաժնի Մարաշի բաժանմունք բերման ենթարկելու, անձնական խուզարկություն կատարելու մասին արձանագրությունները, Բ.Վարդանյանի և Մ.Բաղդասարյանի բացատրությունները, ինչպես նաև <<ԱրմենՏել>> և <<ՎիվաՍել>> ՓԲ ընկերություններիկց ստացված հեռախոսազանգերի վերծանումները թողնել քրեական գործին կցված:
Քրեական գործով իրեղեն ապացույց ճանաչված Բ.Վարդանյանի և Մ.Բաղդասարյանի անձնական խուզարկությամբ հայտնաբերված և առգրավված <<Կաֆետին>> տեսակի դեղորայքի տուփերը, պոլիէթիլենային շշերը, ներարկիչները, յոդի սրվակը, 0,029968 գրամ քաշով <<Կոդեին>> տեսակի թմրամիջոցը, ոչնչացնել:
Որոշումը վերաքննության կարգով կարող է բողոքարկվել ՀՀ վերաքննիչ քրեական դատարան` հրապարակման պահից մեկ ամսվա ընթացքում:


ԴԱՏԱՎՈՐ` Ա.ԲԵԿԹԱՇՅԱՆ