ԵԿԴ/0073/01/11
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

13 հունիսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավա-սության դատարանը` նախագահությամբ` դատավոր Գ.Պողոսյանի, քարտուղարությամբ` Ա. Քոչարյանի, մասնակցությամբ` մեղադրող Լ.Չարխիֆալակյանի, ամբաստանյալ Ա.Հակոբյանի, դատարանում` դռնբաց դատական նիստում, քննության առնելով Արմեն Մարտունու Հակոբյանի (ծնված 08.01.1983թ. ք.Երևանում, ազգությամբ հայ, ՀՀ քաղաքացի, իր հայտարարությամբ` ա-մուսնացած ու միջնակարգ կրթությամբ, առողջ, չի աշխատել, նախկինում դատված` Երևան քա-ղաքի նախկին Շենգավիթ համայնքի ընդհանուր իրավասության դատարանի 29.02.2008թ. դա-տավճռով ՀՀ քրեական օրենսգրքի 258-րդ հոդվածի 2-րդ մասով և 258-րդ հոդվածի 3-րդ մասի 1-ին ու 3-րդ կետերով` նույն օրենսգրքի 66-րդ հոդվածի համաձայն, դատապարտվել է ազատա-զրկման 8 ամիս ժամկետով և 100.000 դրամ տուգանքի, բնակվել է` ք.Երևան, Արարատյան փո-ղոց, 5-րդ շենք, բնակարան հ. 3, արգելանքի տակ է 2011թ. փետրվարի 12-ից) վերաբերյալ ՀՀ քրեական օրենսգրքի 235-րդ հոդվածի 1-ին մասով «Հայաստանի Հանրապետության անկախու-թյան հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումն իր նկատմամբ կիրառելու և գործի վարույթը կարճելու մասին ամբաստանյալի միջնորդությունը,
Պ Ա Ր Զ Ե Ց

Ամբաստանյալ Ա.Հակոբյանին ՀՀ քրեական օրենսգրքի 235-րդ հոդվածի 1-ին մասով մե-ղադրանք է առաջադրվել այն բանի համար, որ նա. «Ապօրինի կերպով ձեռք է բերել, պահել և կրել հրազեն հանդիացող «SMITH WESSON» տեսակի C523506 համարի ատրճանակ և ռազմա-մթերք հանդիսացող 6 հատ 38 մմ տրամաչափի փամփուշտներ, որոնք 2011թ. փետրվարի 12-ին հայտնաբերվել են վերջինիս մոտից` ոստիկանության աշխատակիցների կողմից` «Մարիոտ» հյուրանոցի թիվ 444 սենյակում»։
Մինչև դատաքննությունն սկսվելը միջնորդություն հարուցելով` ամբաստանյալ Ա.Հակոբ-յանը խնդրեց իր նկատմամբ կիրառել «Հայաստանի Հանրապետության անկախության հռչակ-ման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշումը, իր նկատմամբ դադարեցնել քրեական հետապնդումը, կարճել քրեական գործի վարույթը և վերացնել իր նկատմամբ կիրառված խափանման միջոցը։
Դատարանը, քննության առնելով ամբաստանյալի միջնորդությունը, հաշվի առնելով մե-ղադրողի կարծիքն ու ուսումնասիրելով քրեական գործի նյութերը, գտնում է, որ միջնորդությունը պետք է բավարարվի` հետևյալ հիմնավորումներով և պատճառաբանություններով.
ՀՀ քրեական օրենսգրքի 82-րդ հոդվածի համաձայն` հանցանք կատարած անձն oրենս-դիր մարմնի կողմից ընդունվող համաներման ակտով կարող է ազատվել քրեական պատասխա-նատվությունից, ...։
ՀՀ քրեական դատավարության օրենսգրքի 35-րդ հոդվածի 1-ին մասի 13-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե ընդունվել է համաներման ակտ։
Նույն հոդվածի 5-րդ մասի համաձայն` դատարանը, հայտնաբերելով քրեական հետա-պընդումը բացառող հանգամանքներ, լուծում է ամբաստանյալի նկատմամբ քրեական հետա-պընդումը դադարեցնելու հարցը, իսկ 6-րդ մասի համաձայն` առաջին մասի 6-րդ և 13-րդ կետե-րում նշված հիմքերով գործի վարույթի կարճում ու քրեական հետապնդման դադարեցում չի թույ-լատրվում, եթե դրա դեմ առարկում է մեղադրյալը, և առաջին մասի 13-րդ կետում նշված հիմքով գործի հարուցման մերժում, վարույթի կարճում և քրեական հետապնդման դադարեցում չի թույ-լատրվում, եթե չի հատուցվել կամ այլ կերպ չի հարթվել պատճառված վնասը, կամ առկա է վեճ հատուցման ենթակա վնասի կապակցությամբ։ Այս դեպքում ևս գործի վարույթը շարունակվում է սովորական կարգով։
«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետով սահմանված է` քրեական հետապնդում չհարուցել և քրեական հետապնդում չիրականացնել, ինչպես նաև կարճել մինչև 2011 թվականի մայիսի 1-ը կատարած հանցագոր-ծությունների վերաբերյալ հետաքննության մարմինների, նախաքննության մարմինների կամ դատարանի վարույթում գտնվող քրեական գործերը, բացառությամբ սույն որոշման 8-րդ կետի 4-րդ և 5-րդ ենթակետերով նախատեսված դեպքերի, որոնցով անձինք կարող են մեղադրվել կամ մեղադրվում են այնպիսի հանցագործություններ կատարելու մեջ, որոնց համար նախատեսված է պատիժ` ոչ ավելի, քան երեք տարի ժամկետով ազատազրկում։
Ամբաստանյալ Ա.Հակոբյանի կատարած հանցանքի համար պատասխանատվություն սահմանող ՀՀ քրեական օրենսգրքի 235-րդ հոդվածի 1-ին մասի սանկցիան նախատեսում է կա-լանք՝ առավելագույնը երեք ամիս ժամկետով, կամ ազատազրկում՝ առավելագույնը երեք տարի ժամկետով, այսինքն` ամբաստանյալը մեղադրվում է այնպիսի հանցագործություն կատարելու մեջ, որի համար նախատեսված է պատիժ` ոչ ավելի, քան երեք տարի ժամկետով ազատա-զրկում։
Քրեական գործի նյութերի համաձայն առկա չէ վեճ հատուցման ենթակա վնասի կապակ-ցությամբ։
Այսպիսով, առկա չեն «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման կիրառման վերաբերյալ նույն որոշմամբ սահմանված սահմանափակումները, և ամ-բաստանյալը չի առարկում իր նկատմամբ քրեական հետապնդումը դադարեցնելու ու գործի վա-րույթը կարճելու դեմ, հետևաբար` դատարանը գտնում է, որ առկա է ամբաստանյալի քրեական հետապնդումը բացառող հանգամանք, նրա միջնորդությունը բխում է «Հայաստանի Հանրապե-տության անկախության հռչակման 20-րդ տարեդարձի կապակցությամբ համաներում հայտա-րարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի պահանջներից, և ամբաստանյալի նկատմամբ ՀՀ քրեական օրենսգրքի 235-րդ հոդվածի 1-ին մասով պետք է դադարեցվի քրեական հետապնդումն ու կարճվի քրեական գործի վարույթը, իսկ կիրառված խափանման միջոցը` կալանքը, վերացվի։
Քննության առնելով իրեղեն ապացույցների տնօրինման հարցը` դատարանը գտնում է, որ «SMITH WESSON» տեսակի C523506 համարի ատրճանակը և փորձաքննության ընթացքում կրակված 6 հատ 38 մմ տրամաչափի փամփուշտներից երեքի պարկուճներն ու գնդակները պետք է թողնվեն ՀՀ ոստիկանության փորձաքրեագիտական վարչության տնօրինմանը, իսկ մնացած երեք պարկուճը և գնդակը պետք է ոչնչացվեն։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 312-րդ և 313-րդ հոդվածներով ու «Հայաստանի Հանրապետության անկախության հռչակման 20-րդ տարեդարձի կապակցությամբ համաներում հայտարարելու մասին» ՀՀ ԱԺ 2011թ. մայի-սի 26-ի որոշման 13-րդ կետի 1-ին ենթակետի ա. պարբերությամբ` դատարանը

Ո Ր Ո Շ Ե Ց

«Հայաստանի Հանրապետության անկախության հռչակման 20-րդ տարեդարձի կապակ-ցությամբ համաներում հայտարարելու մասին» ՀՀ ԱԺ 2011թ. մայիսի 26-ի որոշման 6-րդ կետի 2-րդ ենթակետի կիրառմամբ Արմեն Մարտունու Հակոբյանի նկատմամբ դադարեցնել ՀՀ քրեա-կան օրենսգրքի 235-րդ հոդվածի 1-ին մասով քրեական հետապնդումն ու կարճել նրա վերաբեր-յալ ԵԿԴ/0073/01/11 քրեական գործի վարույթը։
Ա.Հակոբյանի նկատմամբ ընտրված խափանման միջոցը` կալանքը, վերացնել և նրան անհապաղ ազատել կալանքից դատական նիստի դահլիճում։
Իրեղեն ապացույցները` «SMITH WESSON» տեսակի C523506 համարի ատրճանակը և 6 հատ 38 մմ տրամաչափի կրակված փամփուշտներից երեք պարկուճներն ու գնդակները, թողնել ՀՀ ոստիկանության փորձաքրեագիտական վարչության տնօրինմանը, իսկ մնացած երեք պար-կուճը և գնդակը ոչնչացնել։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ