ԵԿԴ/0056/01/11
Ո Ր Ո Շ ՈՒ Մ

ԳՈՐԾԻ ՎԱՐՈՒՅԹԸ ԿԱՐՃԵԼՈՒ ՄԱՍԻՆ

13 հունիսի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասու-թյան դատարանը` նախագահությամբ դատավոր Գ.Պողոսյանի, քարտուղարությամբ` Ա.Քո-չարյանի, մասնակցությամբ` մեղադրող Ա.Աֆանդյանի, տուժողի ներկայացուցիչ Մ.Պապիկյա-նի, ամբաստանյալ Հ.Բարխուդարյանի, պաշտպան Ս.Գրիգորյանի, դատարանում` դռնբաց դա-տական նիստում, քննելով Հովհաննես Վոլոդյայի Բարխուդարյանի (ծնված 19.06.1975թ. ք.Երե-վանում, ազգությամբ հայ, ՀՀ քաղաքացի, իր հայտարարությամբ` բարձրագույն կրթությամբ և փաստացի ամուսնալուծված, չի աշխատում, նախկինում դատված` 1. Երևան քաղաքի նախկին Շենգավիթ համայնքի առաջին ատյանի դատարանի 13.09.2007թ. դատավճռով ՀՀ քրեական օրենսգրքի 177-րդ հոդվածի 2-րդ մասի 1-ին կետով դատապարտվել է ազատազրկման երկու տարի ժամկետով, նույն օրենսգրքի 70-րդ հոդվածի կիրառմամբ նշանակված պատիժը պայմա-նականորեն չի կիրառվել և սահմանվել է փորձաշրջան` երկու տարի ժամկետով, 2. Մոսկվա քա-ղաքի Միտիշի շրջանի թիվ 132 դատարանի կողմից ՌԴ քրեական օրենսգրքի 158-րդ հոդվածի 1-ին մասով, նույն օրենսգրքի 30-րդ հոդվածի 3-րդ մասով դատապարտվել է ազատազրկման երեք ամիս ժամկետով, արգելանքի տակ է 2010թ. սեպտեմբերի 30-ից, հաշվառված է` Տավուշի մարզ, ք.Բերդ, Քարաշեն 12, բնակվել է` ք.Երևան, Ներքին Չարբախ, 10-րդ փողոց, տուն հ. 17) վերա-բերյալ ՀՀ քրեական օրենսգրքի 178-րդ հոդվածի 1-ին մասով քրեական գործի վարույթը կարճե-լու և ընտրված խափանման միջոցը վերացնելու մասին պաշտպանի միջնորդությունը,

Պ Ա Ր Զ Ե Ց

Նախաքննական մարմնի կողմից Հովհաննես Բարխուդարյանին ՀՀ քրեական օրենս-գրքի 178-րդ հոդվածի 2-րդ մասի 3-րդ կետով մեղադրանք է առաջադրվել այն բանի համար, որ նա. «Ուրիշի գույքին խարդախությամբ տիրանալու նպատակով, ի սկզբանե նպատակ չունենա-լով կատարել համապատասխան վճարումներ, չարաշահելով Մաշտոցի 20 հասցեում գտնվող «Հայբիզնեսբանկի» Կենտրոն մասնաճյուղի վստահությունը 2007թ. մարտի 1-ին իր անունից կնքել է գույքի կոշտ գրավի պայմանագիր, վճարման ապառիկ եղանակով ձեռք է բերել մեկ հատ LG RT 29FS4RL տեսակի 133.333 ՀՀ դրամ արժողության հեռուստացույց և մեկ հատ LG GR B562QV 215.833 ՀՀ դրամ արժողության սառնարան և չկատարելով համապատասխան վճա-րումները` խաբեությամբ տիրացել է 349.166 ՀՀ դրամ արժողության գույքին։
Այնուհետև կրկին անգամ, նույն եղանակով, ի սկզբանե նպատակ չունենալով կատարել համապատասխան վճարումները, պատրաստելով «Հովիկ» ՍՊԸ-ի անվամբ տեղծ տեղեկանք, այն մասին, որ իր նախկին կին Դիաննա Բադալյանը աշխատում է «Հովիկ» ՍՊԸ-ում` որպես մենեջեր, չարաշահելով նրա վստահությունը, Մաշտոցի 20 հասցեում գտնվող «Հայբիզնեսբան-կի» Կենտրոն մասնաճյուղում 2007թ. ապրիլի 3-ին նրա անունից կնքել են գույքի կոշտ գրավի պայմանագիր, վճարման ապառիկ եղանակով ձեռք է բերել մեկ հատ LG GR-T352QL տեսակի 152.500 ՀՀ դրամ արժողության սառնարան և PRIMA LC-32W268 տեսակի 304.166 ՀՀ դրամ ար-ժողության հեռուստացույց և չկատարելով վճարումները և խաբեությամբ տիրանալով ընդհանու-րը 456.666 ՀՀ դրամ արժողության գույքին` դիմել է փախուստի»։
Դատաքննությամբ մեղադրող Ա.Աֆանդյանը 08.06.2011թ. կայացրած որոշմամբ Հով-հաննես Բարխուդարյանին առաջադրված մեղադրանքը փոփոխեց և նրան նոր մեղադրանք ա-ռաջադրեց ՀՀ քրեական օրենսգրքի 178-րդ հոդվածի 1-ին մասով։
Ամբաստանյալ Հ.Բարխուդարյանը նոր առաջադրված մեղադրանքում իրեն լիովին մե-ղավոր ճանաչեց։
Հարուցելով միջնորդություն` պաշտպանը, պատճառաբանելով, որ տուժողը հաշտվել է ամբաստանյալի հետ, խնդրեց ՀՀ քրեական դատավարության 183-րդ հոդվածի համաձայն նրա նկատմամբ դադարեցնել քրեական հետապնդումն ու կարճել գործի վարույթը։
Ամբաստանյալը միացավ հարուցված միջնորդությանը, իսկ տուժողի ներկյացուցիչը, չառարկելով միջնորդությանը, հայտարարեց, որ տուժողին պատճառված վնասները հատուցվել են ամբողջությամբ, և տուժողը հաշտվել է ամբաստանյալի հետ։
Դատարանը, նկատի ունենալով, որ ամբաստանյալը կատարել է ՀՀ քրեական դատա-վարության օրենսգրքի 183-րդ հոդվածում նշված` ՀՀ քրեական օրենսգրքի 178-րդ հոդվածի 1-ին մասով նախատեսված հանցագործություն, տուժողը հաշտվել է ամբաստանյալի հետ, գտնում է, որ ՀՀ քրեական դատավարության օրենսգրքի 35-րդ և 183-րդ հոդվածների համաձայն ամբաս-տանյալի վերաբերյալ ՀՀ քրեական օրենսգրքի 178-րդ հոդվածի 1-ին մասով քրեական գործի վարույթը պետք է կարճվի։
ՀՀ քրեական դատավարության օրենսգրքի 35-րդ հոդվածի 1-ին մասի 5-րդ կետի համա-ձայն` քրեական գործ չի կարող հարուցվել և քրեական հետապնդում չի կարող իրականացվել, իսկ հարուցված քրեական գործի վարույթը ենթակա է կարճման, եթե նույն օրենսգրքով նախա-տեսված դեպքերում տուժողը հաշտվել է կասկածյալի կամ մեղադրյալի հետ, իսկ նույն օրենս-գրքի 183-րդ հոդվածի համաձայն` ՀՀ քրեական օրենսգրքի ... 178-րդ հոդվածի 1-ին մասով ... նախատեսված հանցագործությունների վերաբերյալ գործերը հարուցվում են ոչ այլ կերպ, քան տուժողի բողոքի հիման վրա, և կասկածյալի կամ մեղադրյալի կամ ամբաստանյալի հետ նրա հաշտվելու դեպքում ենթակա են կարճման։ Հաշտությունը թույլատրվում է մինչև դատավճիռ կա-յացնելու համար դատարանի` խորհրդակցական սենյակ հեռանալը։
Դատարանը, նկատի ունենալով, որ թեև նախաքննության ընթացքում ամբաստանյալի գույքի վրա կալանք դնելու մասին որոշում է կայացվել, սակայն փաստացի նման գույք չի հայտ-նաբերվել և կոնկրետ որևէ գույքի վրա կալանք չի դրվել, գտնում է, որ հանցագործությամբ պատ-ճառված գույքային վնասի հատուցումը կամ գույքի հնարավոր բռնագրավումն ապահովելու հա-մար գույքի վրա դրված կալանքի վերացման հարց սույն որոշմամբ չի կարող քննարկվել։
Քննության առնելով ամբաստանյալի նկատմամբ կիրառված խափանման միջոցի` կալա-նավորման, հարցն ու հաշվի առնելով վերոգրյալները` դատարանը գտնում է, որ ամբաստան-յալի նկատմամբ կիրառված խափանման միջոցը պետք է վերացվի և նա պետք է անհապաղ ազատվի կալանքից դատական նիստի դահլիճում։
Վերոգրյալների հիման վրա ու ղեկավարվելով ՀՀ քրեական դատավարության օրենսգրքի 35-րդ, 183-րդ, 312-րդ և 313-րդ հոդվածներով` դատարանը

Ո Ր Ո Շ Ե Ց

Հովհաննես Վոլոդյայի Բարխուդարյանի նկատմամբ դադարեցնել ՀՀ քրեական օրենս-գրքի 178-րդ հոդվածի 1-ին մասով քրեական հետապնդումն ու կարճել նրա վերաբերյալ ԵԿԴ /0056/01/11 քրեական գործի վարույթը` տուժողի և ամբաստանյալի հաշտվելու հիմքով։
Հովհաննես Բարխուդարյանի նկատմամբ ընտրված խափանման միջոցը` կալանավորու-մը, վերացնել ու նրան անհապաղ ազատել կալանքից դատական նիստի դահլիճում։
Որոշումը կարող է բողոքարկվել ՀՀ քրեական վերաքննիչ դատարան` հրապարակվելու օրվանից հետո` մեկամսյա ժամկետում։
ԴԱՏԱՎՈՐ` Գ.ՊՈՂՈՍՅԱՆ