ԵԿԴ/0054/01/11







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«28» ապրիլի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Է.Հարությունյան
տուժող Զ.Պետրոսյան
պաշտպան Ս.Հարությունյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Գուրգեն Աշոտի Խնոյանի` ծնված 1976 թվականի հուլիսի 25-ին Երևան քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, դատվածություն չունեցող, չի աշխատում, հաշվառված է Երևան քաղաքի Խաղաղ Դոնի փողոցի 5-րդ շենքի 266-րդ բնակարանում: Մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով, արգելանքի տակ է 2011 թվականի փետրվարի 8-ից:
1. Գործի դատավարական նախապատմությունը.
2011 թվականի փետրվարի 8-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ ՀՀ քրեական օրենսգրքի 176-րդ հոդվածի 1-ին մասով նախատեսված հանցագործության հատկանիշներով հարուցվել և վարույթ է ընդունվել թիվ 13107611 քրեական գործը:
2011 թվականի փետրվարի 9-ին ՀՀ ոստիկանության Կենտրոնականի քննչական բաժնի քննիչ Ս.Ավետիսյանի որոշմամբ թիվ 13107611 քրեական գործով Գուրգեն Աշոտի Խնոյանին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով:
2011 թվականի մարտի 23-ին Գուրգեն Աշոտի Խնոյանի վերաբերյալ քրեական գործը մեղադրական եզրակացությամբ ուղարկվել է Դատարան:
Գուրգեն Աշոտի Խնոյանին մեղադրանք է առաջադրվել ՀՀ քրեական օրենսգրքի 176-րդ հոդվածի 1-ին մասով` այն արարքի համար, որ նա 2010 թվականի դեկտեմբերի 24-ին` ժամը 18:30-ի սահմաններում, Երևան քաղաքի Տիգրան Մեծի պողոտայի 15-րդ շենքի դիմաց, կողոպուտ կատարելու դիտավորությամբ աննկատ մոտեցել է այնտեղի ավտոկայանատեղում որպես հսկիչ աշխատող Զաքար Ռազմիկի Պետրոսյանին և բացահայտ հափշտակել նրա ձեռքում եղած 1.000 ՀՀ դրամ արժողության դրամապանակը, որի մեջ եղել է 152.000 ՀՀ դրամ կանխիկ գումար, ու դիմել փախուստի` վերջինին պատճառելով զգալի չափերի` ընդհանուր 153.000 ՀՀ դրամի գույքային վնաս:
2. Արագացված դատական քննություն.
Մինչ դատաքննությունն սկսելն ամբաստանյալ Գուրգեն Աշոտի Խնոյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Գուրգեն Աշոտի Խնոյանը կատարել է արարք` նախատեսված ՀՀ քրեական օրենսգրքի 176-րդ հոդվածի 1-ին մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ինքնախոստովանական ցուցմունքները, ՀՀ ոստիկանության ինֆորմացիոն կենտրոնի պահանջագիրը, «Սիրտ-անոթային ախտորոշիչ կենտրոնի» և Էրեբունի վարչական շրջանի «Արգիշտի» համատիրության կողմից տրված տեղեկանքների պատճենները, ծննդյան թիվ ԱԱ127849 և ԱԱ227278 վկայականների պատճենները, ՀՀ բժշկասոցիալական փորձաքննության գործակալության մանկական մասնագիտացված ԲՍՓՀ-ի կողմից տրված թիվ 587009 տեղեկանքի պատճենը, եկավ հետևյալ եզրահանգման.
Գուրգեն Խնոյանի անձը դրականորեն բնութագրող հանգամանքներ են ամուսնացած լինելը, ինքնախոստովանական ցուցմունքներ տալը և կատարածի համար զղջալը:
Գուրգեն Խնոյանի պատասխանատվությունն ու պատիժը մեղմացնող հանգամանքներ են խնամքին 14 տարին չլրացած երկու երեխաների (Իննա Գուրգենի Խնոյան` ծնված 1997 թվականի հոկտեմբերի 25-ին, և «հաշմանդամ երեխա» կարգավիճակ ունեցող Աշոտ Գուրգենի Խնոյան` ծնված 2000 թվականի ապրիլի 21-ին) առկայությունը և հանցագործությամբ պատճառված գույքային վնասը կամովին հատուցելը:
Դատարանը գտնում է, որ Գուրգեն Խնոյանի պատասխանատվությունն ու պատիժը մեղմացնող հանգամանք պետք է դիտել նաև նրա վատառողջ լինելը:
Դատարանը միաժամանակ արձանագրում է, որ Գուրգեն Խնոյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Գուրգեն Խնոյանը ենթակա է քրեական պատասխանատվության և պատժի:
Դատարանը, հաշվի առնելով Գուրգեն Խնոյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ Գուրգեն Խնոյանի կատարած արարքի համար ՀՀ քրեական օրենսգրքի 176-րդ հոդվածի 1-ին մասի սանկցիայով նախատեսված է պատիժ նաև ազատազրկման ձևով, գտնում է, որ նրա նկատմամբ պատիժ պետք է նշանակել ազատազրկման ձևով, որը նա պետք է կրի:
ՀՀ քրեական դատավարության օրենսգրքի 138-րդ հոդվածի համաձայն` մեղադրյալին կալանքի տակ պահելու ժամկետը հաշվվում է ձերբակալելիս անձին փաստացի արգելանքի վերցնելու պահից, իսկ ՀՀ քրեական օրենսգրքի 69-րդ հոդվածի 3-րդ մասի համաձայն` մինչև դատավճռի oրինական ուժի մեջ մտնելը կալանքի տակ պահելու ժամկետը հաշվակցվում է ազատազրկման ձևով նշանակված պատժին` մեկ օրը հաշվելով մեկ օրվա դիմաց: Ամբաստանյալ Գուրգեն Խնոյանի պատժի կրման սկիզբը պետք է հաշվել 2011 թվականի փետրվարի 8-ից, քանի որ նա ձերբակալվել է այդ օրը, իսկ 2011 թվականի փետրվարի 9-ին նրա նկատմամբ որպես խափանման միջոց ընտրվել է կալանավորումը:
Դատարանը գտնում է, որ Գուրգեն Խնոյանի նկատմամբ ընտրված խափանման միջոցը` կալանավորումը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը, ղեկավարվելով ՀՀ քրեական դատավարության օրենսգրքի 116-րդ և 119-րդ հոդվածներով, գտնում է, որ դատավճիռն օրինական ուժի մեջ մտնելուց հետո` 2011 թվականի փետրվարի 25-ի որոշմամբ իրեղեն ապացույց ճանաչված դրամապանակը պետք է վերադարձնել տուժող Զաքար Պետրոսյանին:
ՀՀ քրեական դատավարության օրենսգրքի 360-րդ հոդվածի 1-ին մասի 11-րդ կետի համաձայն` դատարանը պետք է լուծի նաև հանցագործությամբ պատճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքը վերացնելու հարցը: Սույն գործով 2011 թվականի փետրվարի 16-ին կայացվել է գույքի վրա կալանք դնելու մասին որոշում, համաձայն որի որոշվել է քրեական գործով քաղաքացիական հայցը և դատական ծախսերն ապահովելու նպատակով կալանք դնել Գուրգեն Խնոյանի անվամբ սեփականության իրավունքով գրանցված անշարժ և շարժական գույքի վրա: Սակայն ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի տեղեկատվական կենտրոն ստորաբաժանման ղեկավարի 2011 թվականի մարտի 12-ի թիվ ՎՄ-1/792 և ՀՀ ոստիկանության «Ճանապարհային ոստիկանություն» ծառայության պետի 2011 թվականի փետրվարի 25-ի թիվ 17/7-1153 գրությունների համաձայն` Գուրգեն Խնոյանի անվամբ Հայաստանի Հանրապետությունում որևէ անշարժ գույքի նկատմամբ սեփականության իրավունքի պետական գրանցում կատարված չէ, ինչպես նաև չկան Գուրգեն Խնոյանի անվամբ հաշվառված տրանսպորտային միջոցներ: Այսինքն` նշված որոշմամբ չկա կալանքի տակ գտնվող գույք, ուստի տվյալ հարցը պետք է համարել լուծված:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով դատական ծախսերն ամբաստանյալ Գուրգեն Խնոյանից ենթակա չեն բռնագանձման, քանի տուժող Զաքար Պետրոսյանին հանցագործությամբ պատճառված վնասը վերականգնված է, ավելին` վերոգրյալ հիմնավորմամբ իրեղեն ապացույց ճանաչված դրամապանակը պետք է վերադարձվի տուժող Զաքար Պետրոսյանին: Իսկ ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեuված դատական ծախuերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաuտանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 116-րդ, 119-րդ, 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը
ՎՃՌԵՑ

Գուրգեն Աշոտի Խնոյանին մեղավոր ճանաչել ՀՀ քրեական օրենսգրքի 176-րդ հոդվածի 1-ին մասով և պատիժ նշանակել ազատազրկում` 6 (վեց) ամիս ժամկետով` պատժի կրման սկիզբը հաշվելով 2011 թվականի փետրվարի 8-ից:
Գուրգեն Աշոտի Խնոյանի նկատմամբ ընտրված խափանման միջոցը` կալանավորումը, թողնել անփոփոխ` մինչև դատավճռի օրինական ուժի մեջ մտնելը։
Դատավճիռն օրինական ուժի մեջ մտնելուց հետո` 2011 թվականի փետրվարի 25-ի որոշմամբ իրեղեն ապացույց ճանաչված դրամապանակը վերադարձնել տուժող Զաքար Պետրոսյանին:
Գուրգեն Աշոտի Խնոյանի գույքի վրա դրված կալանքի հարցը համարել լուծված:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ