ԵԿԴ/0051/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Ս.ՍԱՐԳՍՅԱՆԻ
տուժող Դ.ԳՐԻԳՈՐՅԱՆԻ
ամբաստանյալներ Ն.ԻՍԱԽԱՆՅԱՆԻ
Ա.ՇԱՀՎԱԼԱԴՅԱՆԻ
պաշտպան Տ.ԳԱՍՊԱՐՅԱՆԻ

2011թ. ապրիլի 26-ին դատարանում` դռնբաց դատական նիստում, քննեց գործն ըստ մեղադրանքի.
1. Նորայր Մելսիկի Իսախանյանի` ծնված 23.11.1982թ. ԼՂՀ Մարտակերտի շրջանի Թալիշ գյուղում, ազգությամբ հայ, ՀՀ քաղաքացի, ամուսնացած, խնամքին երկու անձ, 8-ամ-յա կրթությամբ, առողջ, ծառայել է ՀՀ ՊՆ 95532 զորմասում` որպես պայմանագրային զինվո-րական ծառայող, սերժանտ, չդատված, բնակվել է` ք.Չարենցավան, 6-րդ թաղամաս, 24-րդ շենք, բնակարան հ. 7, արգելանքի տակ է 2011թ. փետրվարի 25-ից, մեղադրվում է ՀՀ քրեա-կան օրենսգրքի 359-րդ հոդվածի 2-րդ մասի 2-րդ կետով,
2. Արմեն Արամի Շահվալադյանի` ծնված 23.11.1982թ. ք.Երևանում, ազգությամբ հայ, ՀՀ քաղաքացի, ամուսնացած, խնամքին երկու անձ, 8-ամյա կրթությամբ, առողջ, ծառայել է ՀՀ ՊՆ 95532 զորմասում` որպես պայմանագրային զինվորական ծառայող, սերժանտ, չդատված, բնակվել է` Արարատի մարզ, գ.Նոր Կյուրին, 3-րդ փողոց, տուն հ. 4, արգելանքի տակ է 2011թ. փետրվարի 25-ից, մեղադրվում է ՀՀ քրեական օրենսգրքի 359-րդ հոդվածի 2-րդ մասի 2-րդ կետով։
Ամբաստանյալ Ն.Իսախանյանին ՀՀ քրեական օրենսգրքի 359-րդ հոդվածի 2-րդ մա-սի 2-րդ կետով մեղադրանք է առաջադրվել այն բանի համար, որ նա. «Հանդիսանալով ՀՀ ՊՆ 95532 զորամասի պայմանագրային զինծառայող, սերժանտ համածառայող, կոչումով սերժանտ Արմեն Արամի Շահվալադյանի հետ միասին ստորադասության հարաբերություն-ների բացակայության պայմաններում, ալկոհոլային խմիչք օգտագործած վիճակում, խախ-տելով ՀՀ զինված ուժերի ներքին ծառայության կանոնագրքի 13 հոդվածով սահմանված` «Զինծառայողի կողմից զինվորական ընկերասիրությունը բարձր պահելու, նրանցից յուրա-քանչյուրի պատիվն ու արժանապատվությունը հարգելու, իր և ուրիշ զինծառայողների նկատմամբ կոպտություն թույլ չտալու պահանջները», 2010թ. դեկտեմբերի 28-ին` ժամը 1630-ի սահմաններում, բռնություն գործադրելով դիտավորությամբ ձեռքերով և ոտքերով հարված-ներ են հասցրել նույն զորամասի պայմանագրային զինծառայող, սերժանտ Դավիթ Մերու-ժանի Գրիգորյանի մարմնի տարբեր հատվածներին` այն բանի համար, որ վերջինս նրանց դիտողություն է արել` իրենց կողմից զորամասի հրամանատարի հրամանով մաքրված տա-րածքն ախտոտելու համար` Դավիթ Մերուժանի Գրիգորյանին պատճառելով առողջությանը թեթև վնաս` առողջության կարճատև քայքայումով»։
Ամբաստանյալ Ա.Շահվալադյանին ՀՀ քրեական օրենսգրքի 359-րդ հոդվածի 2-րդ մասի 2-րդ կետով մեղադրանք է առաջադրվել այն բանի համար, որ նա. «Հանդիսանալով ՀՀ ՊՆ 95532 զորամասի պայմանագրային զինծառայող, սերժանտ համածառայող, կոչումով սերժանտ Նորայր Մելսիկի Իսախանյանի հետ միասին ստորադասության հարաբերություն-ների բացակայության պայմաններում, ալկոհոլային խմիչք օգտագործած վիճակում, խախ-տելով ՀՀ զինված ուժերի ներքին ծառայության կանոնագրքի 13 հոդվածով սահմանված` «Զինծառայողի կողմից զինվորական ընկերասիրությունը բարձր պահելու, նրանցից յուրա-քանչյուրի պատիվն ու արժանապատվությունը հարգելու, իր և ուրիշ զինծառայողների նկատմամբ կոպտություն թույլ չտալու պահանջները», 2010թ. դեկտեմբերի 28-ին` ժամը 1630-ի սահմաններում, բռնություն գործադրելով դիտավորությամբ ձեռքերով և ոտքերով հարված-ներ են հասցրել նույն զորամասի պայմանագրային զինծառայող, սերժանտ Դավիթ Մերու-ժանի Գրիգորյանի մարմնի տարբեր հատվածներին` այն բանի համար, որ վերջինս նրանց դիտողություն է արել` իրենց կողմից զորամասի հրամանատարի հրամանով մաքրված տա-րածքն ախտոտելու համար` Դավիթ Մերուժանի Գրիգորյանին պատճառելով առողջությանը թեթև վնաս` առողջության կարճատև քայքայումով»։
Ամբաստանյալներ Ն.Իսախանյանն ու Ա.Շահվալադյանը` մինչև դատաքննությունն սկսվելը, միջնորդեցին կիրառել արագացված դատական քննության կարգ և հայտարարեցին, որ այն ներկայացնում են կամավոր` պաշտպանի հետ խորհրդակցելուց հետո, առաջադրված մեղադրանքներն իրենց պարզ են, համաձայն են մեղադրանքների հետ, առաջադրված մեղա-դըրանքներում իրենց լիովին մեղավոր են ճանաչում և գիտակցում են արագացված կարգով դատական քննություն անցկացնելու հետևանքները։
Դատարանի որոշմամբ ամբաստանյալների միջնորդությունները բավարարվել են և դատական քննությունն անցկացվել է արագացված կարգով։
Դատարանը, հաշվի առնելով առաջադրված մեղադրանքների հետ ամբաստանյալ-ների համաձայն լինելու հանգամանքն ու հանգելով եզրակացության, որ մեղադրանքները, որոնց հետ համաձայնվեցին ամբաստանյալները, հիմնավորված են և հաստատվում են քրեական գործով հավաքված ապացույցներով, գտնում է, որ ամբաստանյալներ Ն.Իսախան-յանն ու Ա.Շահվալադյանը կատարել են հանցանքներ` նախատեսված ՀՀ քրեական օրենս-գրքի 359-րդ հոդվածի 2-րդ մասի 2-րդ կետով, որոնցով և նրանք պետք է պատասխանատվու-թյան ենթարկվեն։
Ամբաստանյալների նկատմամբ պատիժ նշանակելիս` պատիժների տեսակն ու չափը որոշելիս, դատարանը հաշվի է առնում ինչպես նրանցից յուրաքանչյուրի կատարած արարք-ների բնույթը և հանրության համար վտանգավորության աստիճանը, այնպես էլ արագացված կարգով անցկացված դատաքննության ընթացքում ուսումնասիրված` նրանց անձը բնութա-գրող տվյալներն ու պատասխանատվությունը և պատիժը մեղմացնող ու ծանրացնող հան-գամանքները։
Որպես ամբաստանյալ Ն.Իսախանյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեղծորեն զղջաց կատարած հանցանքի համար, նախկինում դատված չի եղել, բնութագրվում է դրական, 2004-2009թ.թ. ընթացքում 3-ից 7 ամիս տևողությամբ 5 անգամ մաս-նակցել է տարբեր խաղաղապահ առաքելությունների` Կոսովոյում և Իրաքում, ՀՀ պաշտպա-նության նախարարի հրամանով պարգևատրվել է «Ծովակալ Իսակով» մեդալով, ստացել է շնորհակալագրեր, նրա խնամքին են գտնվում մինչև տասնչորս տարեկան երկու երեխան, տուժողը ներել է նրան և խնդրեց մեղմ պատիժ նշանակել նրա նկատմամբ։
Որպես ամբաստանյալ Ա.Շահվալադյանի պատասխանատվությունն ու պատիժը մեղմացնող հանգամանքներ` դատարանը հաշվի է առնում, որ նա համաձայնվեց մեղադը-րանքի հետ և անկեղծորեն զղջաց կատարած հանցանքի համար, նախկինում դատված չի եղել, բնութագրվում է դրական, 2006-2008թ.թ. ընթացքում 6-ական ամիս տևողությամբ 2 ան-գամ մասնակցել է խաղաղապահ առաքելությունների` Կոսովոյում, ՀՀ պաշտպանության նախարարի հրամանով արժանացել է «Շնորհակալության», բարեխիղճ ծառայության հա-մար զորամասի հրամանատարի կողմից արժանացել է դրամական պարգևների և պատվո-գրի, խնամքին են գտնվում մինչև տասնչորս տարեկան` նորածին, երեխան ու կինը, տուժողը ներել է նրան և խնդրեց մեղմ պատիժ նշանակել նրա նկատմամբ։
Որպես ամբաստանյալների պատասխանատվությունն ու պատիժը ծանրացնող հան-գամանքներ` դատարանը հաշվի է առնում նրանց կողմից հանցանքն ալկոհոլի ազդեցության տակ կատարելը։
Դատարանը, քննության առնելով ամբաստանյալների նկատմամբ նշանակվելիք պա-տիժը կրելու նպատակահարմարության հարցը, նկատի ունենալով նրանց անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանք-ներն ու ելնելով ՀՀ քրեական օրենսգրքի 10-րդ և 61-րդ հոդվածներով սահմանված արդա-րության, պատասխանատվության անհատականացման ու պատիժ նշանակելու ընդհանուր սկզբունքներից, հանգում է հետևության, որ ամբաստանյալներ Ն.Իսախանյանի և Ա.Շահ-վալադյանի ուղղվելը հնարավոր է առանց պատիժը կրելու` ՀՀ քրեական օրենսգքրի 70-րդ հոդվածի կիրառմամբ ազատազրկման ձևով նշանակված պատիժները պայմանականորեն չկիրառելու միջոցով, ինչն անհրաժեշտ ու բավարար է նաև սոցիալական արդարությունը վե-րականգնելու ու նրանց կողմից նոր հանցագործությունների կատարումը կանխելու համար։
Դատարանը, ինչպես պատիժ նշանակելիս հաշվի առնվող հանգամաքների, այնպես էլ նշանակված պատիժը կրելու նպատակահարմարության վերաբերյալ վերոգրյալ հետևութ-յուններին հանգելիս ղեկավարվում է նաև ՀՀ վճռաբեկ դատարանի կողմից մի շարք որոշում-ներում արտահայտած իրավական դիրքորոշումներով։ /Տես թիվ, թիվ ՎԲ-124/07, ՎԲ-192/07, ԵՇԴ/0029/01/08, ԱՎԴ2/0059/01/08, ԵԱՔԴ/0078/01/09, ԼԴ2/0019/01/09, ՍԴ/0085/01/10, ԳԴ1/0003/01/10 որոշումները/։
Քննության առնելով ամբաստանյալների նկատմամբ կիրառված խափանման միջոց-ների հարցը` դատարանը գտնում է, որ նրանց նկատմամբ կիրառված խափանման միջոցնե-րը` կալանավորումը, պետք է վերացվեն և նրանք պետք է անհապաղ կալանքից ազատ ար-ձակվեն` դատական նիստերի դահլիճում։
Տուժողը քաղաքացիական հայց չներկայացրեց։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 357, 359, 360 ու 3753 հոդվածներով` դատարանը

Վ Ճ Ռ Ե Ց

1. Նորայր Մելսիկի Իսախանյանին ճանաչել մեղավոր ՀՀ քրեական օրենսգրքի 359-րդ հոդվածի 2-րդ մասի 2-րդ կետով և դատապարտել ազատազրկման 1 (մեկ) տարի 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Ն.Իսախանյանի նկատմամբ նշանակված պատիժը պայմանականորեն չկիրառել և սահմանել փորձաշրջան 1 (մեկ) տա-րի 6 (վեց) ամիս ժամկետով։
Ն.Իսախանյանի նկատմամբ ընտրված խափանման միջոցը վերացնել և նրան անհա-պաղ ազատել կալանքից դատական նիստերի դահլիճում։
2. Արմեն Արամի Շահվալադյանին ճանաչել մեղավոր ՀՀ քրեական օրենսգրքի 359-րդ հոդվածի 2-րդ մասի 2-րդ կետով և դատապարտել ազատազրկման` 1 (մեկ) տարի 6 (վեց) ամիս ժամկետով։
ՀՀ քրեական օրենսգրքի 70-րդ հոդվածի կիրառմամբ Ա.Շահվալադյանի նկատմամբ նշանակված պատիժը պայմանականորեն չկիրառել և սահմանել փորձաշրջան 1 (մեկ) տա-րի 6 (վեց) ամիս ժամկետով։
Ա.Շահվալադյանի նկատմամբ ընտրված խափանման միջոցը վերացնել և նրան ան-հապաղ ազատել կալանքից դատական նիստերի դահլիճում։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ