Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

25 նոյեմբերի 2013թ. ք. Երևան

ԵԿԴ-0050/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Ա. Հովհաննիսյան,

մեղադրող,
Հայաստանի Հանրապետության /այսուհետ ՀՀ/
գլխավոր դատախազության
մեղադրանքի պաշտպանության և դատական
ակտերի բողոքարկման վարչության
ավագ դատախազ Վ. Միլիտոնյանի,

պաշտպան` Ա. Ալվանդյանի,



դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Հայկ Արմենի Խաչատուրյանի`
ծնված 1982թ. հուլիսի 07-ին Երևան քաղաքում, հայ, ՀՀ քաղաքացի, միջնակարգ կրթությամբ, ամուրի, խնամքին ոչ ոք, նախկինում չդատված, չի աշխատում, հաշվառված է և բնակվել է Երևանի Ադոնցի փողոցի թիվ 3 շենքի թիվ 12ա բնակարանում, նախաքննության ընթացքում, 30.09.2010թ. որպես խափանման միջոց է ընտրվել չհեռանալու մասին ստորագրությունը, որը դատարանի 18.03.2011թ. որոշմամբ փոփոխվել է, որպես խափանման միջոց է ընտրվել կալանավորումը և հայտարարվել է նրա հետախուզումը, կալանքի տակ է 14.11.2013թ.-ից, մեղադրվում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով։





Գործի դատավարական նախապատմությունը
Թիվ 69106910 քրեական գործը ՀՀ ոստիկանության ՔԳՎ ՀԿԳ քննության վարչությունում հարուցվել է 23.09.2010թ., ՀՀ քրեական օրենսգրքի 266-րդ հոդվածի 3-րդ մասի 2-րդ կետով և 268-րդ հոդվածով, գործով չպարզված ոմն Արթուրի կողմից առանձնապես խոշոր չափի թմրամիջոց ապօրինի իրացնելու, Սամսոն Սարգսյանի կողմից իրացման և իր գործածման նպատակով առանձնապես խոշոր չափի թմրամիջոց ձեռք բերելու դեպքերի առթիվ։
2010թ. հոկտեմբերի 05-ին, ՀՀ քրեական օրենսգրքի 266-րդ հոդվածի 1-ին մասով, անհայտ անձի կողմից Սամսոն Սարգսյանին «ափիոն» տեսակի թմրամիջոց ապօրինի իրացնելու փաստի առթիվ, ՀՀ ոստիկանության ՔԳՎ Երևան քաղաքի քննչական վարչության Մաշտոցի քննչական բաժնում հարուցվել է թիվ 10125710 քրեական գործը։
2010թ. դեկտեմբերի 07-ին թիվ 10125710 քրեական գործն ուղարկվել է ՀՀ ոստիկանության ՔԳՎ ՀԿԳ քննության վարչություն։
10.12.2010թ. որոշմամբ, թիվ 10125710 քրեական գործն ընդունվել է ՀՀ ոստիկանության ՔԳՎ ՀԿԳ քննության վարչության քննիչի վարույթ, միացվել է թիվ 69106910 քրեական գործին և նախաքննությունը շարունակվել է թիվ 69106910 համարի տակ։
2010թ. դեկտեմբերի 24-ի որոշմամբ, թիվ 69106910 քրեական գործից անջատվել է մեղադրյալ Լիոնիդ Պավելի Նովիկովի, անհայտ անձի կողմից Էդմոնդ Վարդանեսյանին, Գարիկ Ոսկանյանին և Գևորգ Թորոսյանին «մարիխուանա» տեսակի թմրամիջոց իրացնելու, Համեդ Ամիրիին առանձնապես խոշոր չափի «ափիոն» տեսակի թմրամիջոց իրացնելու, Սամսոն Սարգսյանին պրեկուրսոր հանդիսացող «քացախաթթվի անհիդրիդ» իրացնելու, անհայտ անձի կողմից կեղծ փող պատրաստելու և իրացնելու, հրազեն պատրաստելու, ոմն Արսենչոյի կողմից Սամսոն Սարգսյանին առանձնապես խոշոր չափի «ափիոն» տեսակի թմրամիջոց իրացնելու, Սամսոն Սարգսյանի կողմից դեռևս չպարզված անձանց «ափիոն» տեսակի թմրամիջոց իրացնելու մասը և անջատված մասով նախաքննությունը շարունակվել է թիվ 69106910/1 Ա/Մ համարի տակ։
Ամբաստանյալ Հայկ Արմենի Խաչատուրյանին նախաքննության մարմնի կողմից մեղադրանք է առաջադրվել ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով հետևյալ արարքների համար. «որ նա 2010թ. օգոստոս-սեպտեմբեր ամիսների ընթացքում` 5 դեպքով, Երևան քաղաքի Վարդանանց 14 շենքի թիվ 4 բնակարանում Սամսոն Սամսոնի Սարգսյանից ապօրինի ձեռք է բերել ներարկիչներում պատրաստված` յուրաքանչյուր անգամ 0.2 գրամ «ափիոն» տեսակի թմրամիջոցի և պրեկուրսոր հանդիսացող «քացախաթթվի անհիդրիդի» խառնուրդով ներարկման համար պատրաստի լուծույթ, ընդհանուր` խոշոր չափի` 1գրամ «ափիոն» տեսակի թմրամիջոց և դրան համապատասխան քանակի «քացախաթթվի անհիդրիդ», որը նույն պահին ներարկման միջոցով գործածել է։»։
2010թ. դեկտեմբերի 30-ին, ԵԿԴ-0379/01/10 (69106910) քրեական գործն ըստ մեղադրանքի Սամսոն Սամսոնի Սարգսյանի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, 268-րդ հոդվածի 3-րդ մասով, 266-րդ հոդվածի 4-րդ մասով, Գարիկ Էդիկի Ոսկանյանի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, Համեդ Համիդի Ամիրիի` ՀՀ քրեական օրենսգրքի 266-րդ հոդվածի 3-րդ մասի 2-րդ կետով, Էդմոնդ Էդուարդի Վարդանեսյանի` ՀՀ քրեական օրենսգրքի 266-րդ հոդվածի 1-ին մասով, 268-րդ հոդվածի 3-րդ մասով, 266-րդ հոդվածի 4-րդ մասով, Արսալան Ղոլամռեզայի Քիումարսիի` ՀՀ քրեական օրենսգրքի 268-րդ հոդվածի 3-րդ մասով, Արսեն Գաբրիելի Սանասարյանի` ՀՀ քրեական օրենսգրքի 38-268-րդ հոդվածի 3-րդ մասով, 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Մովսես Աշոտի Ախիջանյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Հայկ Արմենի Խաչատուրյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով, Գոհար Հրաչիկի Աղայանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով և Գևորգ Հրաչի Թորոսյանի` ՀՀ քրեական օրենսգրքի 268-րդ հոդվածի 2-րդ մասի 2-րդ կետով, մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։
Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանի 2011թ. մարտի 18-ի որոշումներով, ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի նկատմամբ ընտրված խափանման միջոց չհեռանալու մասին ստորագրությունը փոփոխվել է, նրանցից յուրաքանչյուրի նկատմամբ խափանման միջոց է ընտրվել կալանավորումը և հայտարարվել է նրանց հետախուզումը` թաքնվելու պատճառով։
Դատարանի 2011թ. մարտի 18-ի մեկ այլ որոշմամբ, քրեական գործի վարույթն ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի մասով կասեցվել է` մինչև նրանց հայտնաբերելը և գործի դատական քննությունը շարունակվել է մյուս ամբաստանյալների նկատմամբ։ Ամբաստանյալներ Մովսես Աշոտի Ախիջանյանի և Հայկ Արմենի Խաչատուրյանի վերաբերյալ կասեցված մասն անջատվել է որպես առանձին վարույթ` ԵԿԴ-0050/01/11 համարի տակ։
2013թ. հունիսի 26-ին ամբաստանյալ Մովսես Աշոտի Ախիջանյանը հայտնաբերվել է։
Դատարանի 2013թ. հունիսի 26-ի որոշմամբ, ԵԿԴ/0050/01/11 քրեական գործից ամբաստանյալ Մովսես Աշոտի Ախիջանյանի վերաբերյալ մասն անջատվել է որպես առանձին վարույթ, դրան շնորհվել է ԵԿԴ-0118/01/13 համարը և այդ գործով վարույթը վերսկսվել է։
2013թ. նոյեմբերի 14-ին ամբաստանյալ Հայկ Արմենի Խաչատուրյանը հայտնաբերվել է։
Դատարանի նույն օրվա որոշմամբ ԵԿԴ/0050/01/11 քրեական գործի վարույթը վերսկսվել է։



Արագացված դատական քննություն

Ամբաստանյալ Հայկ Արմենի Խաչատուրյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրողը միջնորդության դեմ չառարկեց։
Դատարանը համոզվելով, որ առկա են ՀՀ քրեական դատավարության օրենսգրքի 3751-րդ և 3752-րդ հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ Հայկ Արմենի Խաչատուրյանը կատարել է ՀՀ քրեական օրենսգրքի 268-րդ հոդվածի 2-րդ մասի 2-րդ կետով և 266-րդ հոդվածի 4-րդ մասով նախատեսված արարքներ։
Ամբաստանյալի անձը բնութագրող տվյալների, պատասխանատվությունը և պատիժը մեղմացնող ու ծանրացնող հանգամանքների ուսումնասիրման արդյունքում պարզվել է, որ ամբաստանյալ Հայկ Խաչատուրյանը նախկինում դատված չի եղել, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ։


Դատարանի իրավական վերլուծությունները

Առաջադրված մեղադրանքն ամբաստանյալ Հայկ Արմենի Խաչատուրյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ամբաստանյալ Հայկ Արմենի Խաչատուրյանի կողմից, նրա մեղավորությամբ, առանց իրացնելու նպատակի խոշոր չափի թմրամիջոց ապօրինի ձեռք բերելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության հատկանիշներին։
Ապացուցված է նաև ամբաստանյալ Հայկ Արմենի Խաչատուրյանի կողմից, նրա մեղավորությամբ, թմրամիջոց պատրաստելու նպատակով պրեկուրսոր ապօրինի ձեռք բերելը, նրա այդ արարքը նույնպես ճիշտ է որակված և համապատասխանում է ՀՀ քրեական օրենսգրքի 266-րդ հոդվածի 4-րդ մասով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, ամբաստանյալ Հայկ Արմենի Խաչատուրյանի նկատմամբ, նրա կատարած հանցագործություններից յուրաքանչյուրի համար պատիժ նշանակելիս` դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը, այն, որ նա նախկինում դատված չի եղել, նախաքննության ընթացքում իրեն լիովին մեղավոր է ճանաչել և տվել է ինքնախոստովանական ցուցմունքներ։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ առկա չեն։
Ամբաստանյալ Հայկ Արմենի Խաչատուրյանն իր կատարած` Հայաստանի Հանրապետության քրեական օրենսգրքի 268-րդ հոդվածի 2-րդ մասի 2-րդ կետով նախատեսված հանցագործության համար ենթակա է պատժի ազատազրկման ձևով, իսկ Հայաստանի Հանրապետության քրեական օրենսգրքի 266-րդ հոդվածի 4-րդ մասով նախատեսված հանցագործության համար ենթակա է պատժի տուգանքի ձևով։
Քննարկելով նշանակված պատիժներն ամբաստանյալ Հայկ Արմենի Խաչատուրյանի կողմից կրելու հարցը` դատարանը գտնում է հետևյալը.
«Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ ԱԺ 2013թ. հոկտեմբերի 3-ի որոշման 1-ին կետի 2-րդ և 3-րդ ենթակետերի համաձայն` որոշվել է.
«1. Պատժից ազատել, բացառությամբ սույն որոշման 8-րդ կետի 4-6-րդ ենթակետերով եւ 9-րդ կետով նախատեսված դեպքերի`
(…)
2) այն անձանց, որոնց նկատմամբ նշանակվել է ազատությունից զրկելու հետ չկապված պատիժ.
3) այն անձանց, որոնց նկատմամբ նշանակվել է առավելագույնը երեք տարի ժամկետով ազատությունից զրկելու հետ կապված պատիժ։»։
Նույն որոշման 20-րդ կետի համաձայն`
«Հանցագործությունների և դատավճիռների համակցության դեպքերում համաներումը կիրառվում է վերջնական պատժի նկատմամբ՝ հանցագործությունների կամ դատավճիռների համակցության կանոններով այն սահմանելուց հետո՝ սակայն հաշվի առնելով սույն որոշման 5-րդ և 6-րդ կետերով նախատեսված կանոնները։»։
Հետևաբար, դատարանը գտնում է, որ սույն դատավճռով Հայկ Արմենի Խաչատուրյանի նկատմամբ ենթակա է կիրառման «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշումը և հանցագործությունների համակցության դեպքում, ազատությունից զրկելու հետ չկապված և առավելագույնը երեք տարի ժամկետով ազատությունից զրկելու հետ կապված պատիժ նշանակելիս` նա ենթակա է այդ պատիժներից ազատման։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով խափանման միջոցի հարցը` դատարանը գտնում է, որ ամբաստանյալ Հայկ Խաչատուրյանի նկատմամբ որպես խափանման միջոց կալանավորումը պետք է վերացնել և նրան անհապաղ պետք է ազատել կալանքից դատական նիստերի դահլիճում։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 357-360-րդ, 364-365-րդ, 369-373-րդ, 3751-3754-րդ հոդվածներով, դատարանը`


Վ Ճ Ռ Ե Ց

Ամբաստանյալ Հայկ Արմենի Խաչատուրյանին մեղավոր ճանաչել Հայաստանի Հանրապետության քրեական օրենսգրքի 268-րդ հոդվածի 2-րդ մասի 2-րդ կետով, 266-րդ հոդվածի 4-րդ մասով նախատեսված հանցանքներում և դատապարտել. ՀՀ քրեական օրենսգրքի 268-րդ հոդվածի 2-րդ մասի 2-րդ կետով` ազատազրկման 2 /երկու/ տարի ժամկետով, ՀՀ քրեական օրենսգրքի 266-րդ հոդվածի 4-րդ մասով` տուգանքի նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով։
ՀՀ քրեական օրենսգրքի 66-րդ հոդվածով սահմանված` պատիժների լրիվ գումարման սկզբունքի կիրառմամբ, ամբաստանյալ Հայկ Արմենի Խաչատուրյանի նկատմամբ պատիժ նշանակել ազատազրկում 2 /երկու/ տարի ժամկետով և տուգանք նվազագույն աշխատավարձի երեքհարյուրապատիկի` 300.000 /երեք հարյուր հազար/ ՀՀ դրամ գումարի չափով։
Համաներման ակտի` «Հայաստանի Հանրապետության անկախության հռչակման 22-րդ տարեդարձի կապակցությամբ համաներում հայտարարելու մասին» ՀՀ Ազգային ժողովի 2013թ. հոկտեմբերի 03-ի որոշման 1-ին կետի 2-րդ և 3-րդ ենթակետերի կիրառմամբ ամբաստանյալ Հայկ Խաչատուրյանին ազատել նշանակված պատիժները կրելուց։
Հայկ Խաչատուրյանի նկատմամբ ընտրված խափանման միջոց կալանավորումը վերացնել և նրան անհապաղ ազատել կալանքից դատական նիստերի դահլիճում։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։
Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։


ԴԱՏԱՎՈՐ` Մ. ՄԱՐՏԻՐՈՍՅԱՆ