ԵԿԴ/0039/01/11


Դ Ա Տ Ա Վ Ճ Ի Ռ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
Երևան քաղաքի Կենտրոն և Նորք-Մարաշ վարչական շրջանների
ընդհանուր իրավասության դատարանը`

նախագահությամբ`
դատավոր Գ.ՊՈՂՈՍՅԱՆԻ
քարտուղարությամբ` Ա.ՄԱՐՏԻՐՈՍՅԱՆԻ
մասնակցությամբ`
մեղադրող Է.ՀԱՐՈՒԹՅՈՒՆՅԱՆԻ
տուժող Ռ.ԲՈՒՌՆԱԶՅԱՆԻ
տուժողի ներկ. Ն.ՍԱՐԳՍՅԱՆԻ
ամբաստանյալ Խ.ՓԱՅԱՄՋՅԱՆԻ
պաշտպան Տ.ԳՐԻԳՈՐՅԱՆԻ

2011թ. հունիսի 3-ին դատարանում` դռնբաց դատական նիստում, քննեց գործն ըստ մեղադրանքի` Խաչատուր Ավետիսի Փայամջյանի` ծնված 07.09.1983թ. ք.Աշտարակում, ազ-գությամբ հայ, ՀՀ քաղաքացի, ամուրի, իր հայտարարությամբ` որպես տնօրեն աշխատել է «ԴԻ-ԱՅ-ԴԻ» ՍՊ ընկերությունում և բարձրագույն կրթությամբ, առողջ, չդատված, բնակվել է` ք.Աշտարակ, Շիրազի փողոց, տուն հ. 57, արգելանքի տակ է 2011թ. փետրվարի 18-ից, մե-ղադրվում է ՀՀ քրեական օրենսգրքի 178-րդ հոդվածի 3-րդ մասի 1-ին կետով։
Ամբաստանյալ Խ.Փայամջյանին ՀՀ քրեական օրենսգրքի 178-րդ հոդվածի 3-րդ մասի 1-ին կետով մեղադրանք է առաջադրվել այն բանի համար, որ նա. «Խարդախության միջոցով գումար հափշտակելու դիտավորությամբ չարաշահելով Ռոստոմ Ազատի Բուռնազյանի վստահությունը Երևան քաղաքի Սուրենյանց փողոցի 9-րդ տունը սեփականաշնորհելու պա-տըրվակով 2008թ-ի օգոստոս ամսից մինչև 2010թ.-ի սեպտեմբեր ամիսն ընկած ժամանակա-հատվածում մաս-մաս վերցրել է ընդհանուր առանձնապես խոշոր չափերի հասնող 10.713.300 ՀՀ դրամին համարժեք 30.000 ԱՄՆ դոլար գումար և չկատարելով իր խոստումը, խաբեությամբ տիրացել նշված գումարին»։
Ամբաստանյալ Խ.Փայամջյանը` մինչև դատաքննությունն սկսվելը, միջնորդեց դա-տական քննությունն անցկացնել արագացված կարգով ու հայտարարեց, որ այն ներկայաց-նում է կամավոր` պաշտպանի հետ խորհրդակցելուց հետո, առաջադրված մեղադրանքն իրեն պարզ է, համաձայն է մեղադրանքի հետ, առաջադրված մեղադրանքում իրեն լիովին մեղա-վոր է ճանաչում և գիտակցում է արագացված կարգով դատական քննություն անցկացնելու հետևանքները։
Դատարանի որոշմամբ արագացված դատական քննության կարգ կիրառելու վերա-բերյալ ամբաստանյալի միջնորդությունը բավարարվել է և դատական քննությունն անցկաց-վել է արագացված կարգով։
Դատարանը, հաշվի առնելով առաջադրված մեղադրանքի հետ ամբաստանյալի հա-մաձայն լինելու հանգամանքն ու հանգելով եզրակացության, որ մեղադրանքը, որի հետ հա-մաձայնվեց ամբաստանյալը, հիմնավորված է և հաստատվում է քրեական գործով հավաք-ված ապացույցներով, գտնում է, որ ամբաստանյալ Խ.Փայամջյանը կատարել է հանցանք` նախատեսված ՀՀ քրեական օրենսգրքի 178-րդ հոդվածի 3-րդ մասի 1-ին կետով, որով և նա պետք է պատասխանատվության ենթարկվի։
Ամբաստանյալ Խ.Փայամջյանի նկատմամբ պատիժ նշանակելիս` պատժի չափը որո-շելիս, դատարանը հաշվի է առնում ինչպես նրա կատարած արարքի բնույթն ու հանրության համար վտանգավորության աստիճանը, այնպես էլ` արագացված կարգով անցկացված դա-տական քննության ընթացքում ուսումնասիրված` նրա անձը բնութագրող տվյալներն ու պա-տասխանատվությունը և պատիժը մեղմացնող ու ծանրացնող հանգամանքները։
Որպես ամբաստանյալ Խ.Փայամջյանի պատասխանատվությունն ու պատիժը մեղ-մացնող հանգամանքներ` դատարանը հաշվի է առնում, որ նա համաձայնվեց մեղադրանքի հետ և անկեծորեն զղջաց կատարած հանցանքի համար, նախկինում դատված չի եղել և բնութագրվում է դրական։
Դատաքննությամբ ամբաստանյալի պատասխանատվությունն ու պատիժը ծանրաց-նող հանգամանքներ չարձանագրվեցին։
Քննության առնելով ամբաստանյալի նկատմամբ ՀՀ քրեական օրենսգրքի 178-րդ հոդվածի 3-րդ մասի 1-ին կետով նախատեսված լրացուցիչ պատիժ` գույքի բռնագրավում, նշանակելու մասին հարցը, դատարանը, նկատի ունենալով ամբաստանյալի կատարած հանցագործության բնույթը, հանցագործությամբ հասցված գույքային վնասի և հանցավոր ճանապարհով ձեռք բերված գույքի չափն ու հաշվի առնելով նրա ընտանեկան և սոցիալա-կան վիճակը, գտնում է, որ նա պետք է դատապարտվի 5.000.000 ՀՀ դրամին համարժեք գույ-քի բռնագրավմամբ։
Դատարանը, նկատի ունենալով, որ դատաքննությամբ տուժողի ներկայացուցիչ Ն. Սարգսյանը, պատճառաբանելով, որ ցանկանում են քաղաքացիական դատավարության կարգով դիմել դատարան, խնդրեց քննության չառնել ընդդեմ ամբաստանյալի` հանցագոր-ծությամբ պատճառված վնասի` գումարի պահանջի մասին հայցը, գտնում է, որ նշված հայ-ցը պետք է թողնվի առանց քննության։
Դատարանը, նկատի ունենալով, որ թեև նախաքննության ընթացքում ամբաստանյա-լի գույքի վրա կալանք դնելու մասին որոշում է կայացվել, սակայն փաստացի նման գույք չի հայտնաբերվել և որևէ գույքի վրա կալանք չի դրվել, գտնում է, որ հանցագործությամբ պատ-ճառված գույքային վնասի հատուցումը կամ գույքի հնարավոր բռնագրավումն ապահովելու համար գույքի վրա դրված կալանքի վերացման հարց սույն դատավճռով չի կարող քննարկ-վել։
Քննության առնելով ամբաստանյալի նկատմամբ կիրառված խափանման միջոցի հարցը` դատարանը գտնում է, որ նրա նկատմամբ կիրառված խափանման միջոցը պետք է թողնվի անփոփոխ` մինչև դատավճռի օրինական ուժի մեջ մտնելը։
Վերոգրյալների հիման վրա և ղեկավարվելով ՀՀ քրեական դատավարության օրենս-գրքի 119, 357-360, 365, 367 ու 3753 հոդվածներով` դատարանը

Վ Ճ Ռ Ե Ց

Խաչատուր Ավետիսի Փայամջյանին ճանաչել մեղավոր ՀՀ քրեական օրենսգրքի 178-րդ հոդվածի 3-րդ մասի 1-ին կետով ու դատապարտել ազատազրկման` 4 (չորս) տարի ժամ-կետով` 5.000.000 (հինգ միլիոն) ՀՀ դրամին համարժեք գույքի բռնագրավմամբ։
Պատժի կրման սկիզբը հաշվել 2011թ. փետրվարի 18-ից։
Պատիժը պետք է կրի ՀՀ ԱՆ համապատասխան քրեակատարողական հիմնարկում։
Իրեղեն ապացույցները` «N ԴԴ-6 Քաղ. գործ թիվ ԵԿԴ/0408/02/09» 23.03.2010թ. եր-կու գրությունները, պահել գործի հետ միասին։
Խ.Փայամջյանի նկատմամբ ընտրված խափանման միջոցը թողնել անփոփոխ` մինչև դատավճռի օրինական ուժի մեջ մտնելը։
Քաղաքացիական հայցը թողնել առանց քննության։
Դատավճիռը կարող է բողոքարկվել ՀՀ քրեական վերաքննիչ դատարան` հրապա-րակվելու օրվանից հետո` մեկամսյա ժամկետում։

ԴԱՏԱՎՈՐ` Գ.ՊՈՂՈՍՅԱՆ