ԵԿԴ/0035/01/11







ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔԻ ԿԵՆՏՐՈՆ ԵՎ ՆՈՐՔ-ՄԱՐԱՇ ՎԱՐՉԱԿԱՆ ՇՐՋԱՆՆԵՐԻ
ԸՆԴՀԱՆՈՒՐ ԻՐԱՎԱՍՈՒԹՅԱՆ ԱՌԱՋԻՆ ԱՏՅԱՆԻ ԴԱՏԱՐԱՆ

ԴԱՏԱՎՃԻՌ
ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

«27» ապրիլի 2011թ. ք.Երևան

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը (այսուհետ` Դատարան)

Նախագահող դատավոր Մ.Պապոյան
դատական նիստերի քարտուղար Ռ.Ավետյան
մեղադրող Ա.Աֆանդյան
տուժող Է.Մելքոնյան
պաշտպան Ս.Գրիգորյան

դռնբաց դատական նիստում` արագացված դատական քննության կարգով, քննեց քրեական գործն ըստ մեղադրանքի`
Էդգար Մարտիրոսի Մարտիրոսյանի` ծնված 1979 թվականի հոկտեմբերի 6-ին Արմավիր քաղաքում, ազգությամբ հայ, ՀՀ քաղաքացի, միջնակարգ կրթությամբ, ամուսնացած, նախկինում չդատապարտված, աշխատում է «Երևանի թիվ 2 շուկա» ՍՊ ընկերությունում` որպես անվտանգության հսկիչ, բնակվում է Արմավիրի մարզի Ալաշկերտ գյուղում: Մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով, խափանման միջոց ընտրվել է ստորագրություն չհեռանալու մասին:
1. Գործի դատավարական նախապատմությունը.
2011 թվականի հունվարի 24-ին ՀՀ ոստիկանության Կենտրոնականի քննչական բաժնի ավագ քննիչ Ա.Մելքոնյանի որոշմամբ ՀՀ քրեական օրենսգրքի 258-րդ հոդվածի 3-րդ մասի 1-ին կետով նախատեսված հանցագործության հատկանիշներով հարուցվել և վարույթ է ընդունվել թիվ 13101811 քրեական գործը:
2011 թվականի հունվարի 24-ին ՀՀ ոստիկանության Կենտրոնականի քննչական բաժնի պետ Ս.Մաթևոսյանի որոշմամբ թիվ 13101811 քրեական գործի նախաքննության կատարումը հանձնարարվել է քննչական խմբին, որի կազմում ընդգրկվել են ՀՀ ոստիկանության Կենտրոնականի քննչական բաժնի ավագ քննիչ Ա.Մելքոնյանը և քննիչ Է.Պետրոսյանը, քննչական խմբի ղեկավար է նշանակվել ավագ քննիչ Ա.Մելքոնյանը:
2011 թվականի փետրվարի 22-ին ՀՀ ոստիկանության Կենտրոնականի քննչական բաժնի ավագ քննիչ Ա.Մելքոնյանի որոշմամբ թիվ 13101811 քրեական գործով Էդուարդ Մելքոնյանի, Էդուարդ Զառանցյանի, Արտակ Հայրապետյանի և Արտյոմ Վանեսյանի նկատմամբ խուլիգանություն կատարելու մասով քրեական հետապնդում չի իրականացվել` նրանց արարքներում հանցակազմի բացակայության հիմքով:
2011 թվականի փետրվարի 22-ին ՀՀ ոստիկանության Կենտրոնականի քննչական բաժնի ավագ քննիչ Ա.Մելքոնյանի որոշմամբ թիվ 13101811 քրեական գործով Էդգար Մարտիրոսի Մարտիրոսյանին մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով:
2011 թվականի փետրվարի 25-ին Էդգար Մարտիրոսի Մարտիրոսյանի վերաբերյալ քրեական գործը մեղադրական եզրակացությամբ ուղարկվել է Դատարան:
Էդգար Մարտիրոսի Մարտիրոսյանին մեղադրանք է առաջադրվել ՀՀ քրեական օրենսգրքի 258-րդ հոդվածի 2-րդ մասով` այն արարքի համար, որ նա, հանդիսանալով Երևան քաղաքի Խորենացի փողոցի 35 հասցեում գործող «Թիվ 2 հայկական շուկայի» անվտանգության հսկիչ, 2011 թվականի հունվարի 23-ին` ժամը 23:00-ի սահմաններում գտնվելով հիշյալ շուկայի կենտրոնական մուտքի դիմաց, բացահայտորեն հակադրվելով մարդկային փոխհարաբերությունների հանրորեն ընդունված նորմերին, իր անձի առավելություններն ընդգծելու մոլուցքից մղված, իր աշխատանքային պարտականություններից չբխող, Արհեստավորների փողոցի վրա «ՎԱԶ-21214» մակնիշի 22ՏՍ222 հաշվառման համարանիշի ավտոմեքենան արագ վարելու համար, այն վարող Էդուրադ Գագիկի Մելքոնյանի հասցեին հնչեցրել է սեռական բնույթի հայհոյանք, ինչի հետ կապված նրա և Էդուարդ Մելքոնյանի միջև վիճաբանություն է սկսվել, որի ընթացքում քաշքշել է Էդուարդ Մելքոնյանին ու շարունակել վերջինի հասցեին հնչեցնել սեռական բնույթի հայհոյանքներ` դիտավորությամբ կոպիտ կերպով խախտելով հասարակական կարգը և անհարգալից վերաբերմունք դրսևորելով հասարակության` դեպքի վայրին հարակից տների բնակիչների նկատմամբ, միաժամանակ իր խուլիգանական գործողությունները զուգորդել է Էդուարդ Մելքոնյանի նկատմամբ բռնություն գործադրելով` բռունցքով մի քանի անգամ հարվածելով նրա դեմքի շրջանում և առողջությանը պատճառելով թեթև վնաս` քթի շրջանի փափուկ հյուսվածքների սալջարդի, քթի անոթների վնասման, քթային արյունահոսության ձևով:
2. Արագացված դատական քննություն.
Ամբաստանյալ Էդգար Մարտիրոսի Մարտիրոսյանը միջնորդեց դատական քննությունն անցկացնել արագացված կարգով և հայտնեց, որ միջնորդությունը ներկայացրել է կամավոր, խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, համաձայն է մեղադրանքի հետ:
Դատարանը, համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմանները, որոշում է կայացրել արագացված կարգով դատական քննություն անցկացնելու մասին:
Դատարանը, հիմք ընդունելով մեղադրանքի հիմքում դրված ապացույցները, գտնում է, որ ամբաստանյալ Էդգար Մարտիրոսի Մարտիրոսյանը կատարել է արարք` նախատեսված ՀՀ քրեական օրենսգրքի 258-րդ հոդվածի 2-րդ մասով:
3. Դատարանի իրավական վերլուծությունները.
Դատարանը, ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող և ծանրացնող հանգամանքները, մասնավորապես` ծննդյան թիվ ԱԱ081898 և ԱԲ096233 վկայականների պատճենները, Արմավիրի մարզի Ալաշկերտ գյուղական համայնքի ղեկավարի կողմից տրված բնութագիրը, ՀՀ ոստիկանության ինֆորմացիոն կենտրոնի պահանջագիրը, «Երևանի թիվ 2 շուկա» ՍՊ ընկերության տնօրենի կողմից տրված տեղեկանքը և տուժող Էդուարդ Մելքոնյանի դիմումը, եկավ հետևյալ եզրահանգման.
Էդգար Մարտիրոսյանի անձը դրականորեն բնութագրող հանգամանքներ են ամուսնացած լինելը, աշխատելը և կատարածի համար զղջալը:
Էդգար Մարտիրոսյանի պատասխանատվությունն ու պատիժը մեղմացնող հանգամանք է խնամքին 14 տարին չլրացած երկու երեխաների (Մարտին Էդգարի Մարտիրոսյան` ծնված 2005 թվականի նոյեմբերի 23-ին, և Էլեն Էդգարի Մարտիրոսյան` ծնված 2010 թվականի հոկտեմբերի 21-ին) առկայությունը:
Դատարանը գտնում է, որ Էդգար Մարտիրոսյանի պատասխանատվությունն ու պատիժը մեղմացնող հանգամանքներ պետք է դիտել նաև նախկինում արատավորված` դատապարտված չլինելը և դրականորեն բնութագրվելը:
Դատարանը միաժամանակ արձանագրում է, որ Էդգար Մարտիրոսյանի պատասխանատվությունն ու պատիժը ծանրացնող հանգամանքներ չկան:
Կատարած արարքի համար ամբաստանյալ Էդգար Մարտիրոսյանը ենթակա է քրեական պատասխանատվության և պատժի:
Դատարանը, հաշվի առնելով Էդգար Մարտիրոսյանի կատարած արարքի` հանրության համար վտանգավորության աստիճանը և բնույթը, այդ թվում` նրա գործողությունների վտանգավորության աստիճանը, նրա անձը, նրան դրականորեն բնութագրող տվյալները, պատասխանատվությունն ու պատիժը մեղմացնող հանգամանքները, պատասխանատվությունն ու պատիժը ծանրացնող հանգամանքների բացակայությունը, ինչպես նաև այն, որ ՀՀ քրեական օրենսգրքի 48-րդ հոդվածով սահմանված պատժի նպատակներն ապահովելու համար առավել խիստ պատիժ նշանակելու անհրաժեշտությունը բացակայում է, գտնում է, որ նրա նկատմամբ պատիժ պետք է նշանակել տուգանքի ձևով:
Էդգար Մարտիրոսյանի պատժի տեսակը և չափը որոշելիս դատարանը հաշվի է առնում նաև այն հանգամանքը, որ տուժող Էդուարդ Մելքոնյանը հաշտվել է ամբաստանյալ Էդգար Մարտիրոսյանի հետ և նրա նկատմամբ որևէ պահանջ չունի:
Դատարանը գտնում է, որ Էդգար Մարտիրոսյանի նկատմամբ ընտրված խափանման միջոցը` չհեռանալու մասին ստորագրությունը, պետք է թողնել անփոփոխ` մինչև դատավճռի օրինական ուժի մեջ մտնելը:
Դատարանը գտնում է, որ ՀՀ քրեական դատավարության օրենսգրքի 168-րդ հոդվածի 1-ին մաuի 1-ին կետով նախատեսված դատական ծախսերն ամբաստանյալ Էդգար Մարտիրոսյանից ենթակա չեն բռնագանձման, քանի որ տուժողը հայտնել է, որ ամբաստանյալից որևէ պահանջ չունի: Ինչ վերաբերում է ՀՀ քրեական դատավարության օրենսգրքի 168-րդ հոդվածի 1-ին մաuի 2-8-րդ կետերով նախատեսված դատական ծախսերին, ապա դրանք արագացված դատական քննության կարգ կիրառելու դեպքում, համաձայն նույն օրենսգրքի 3753 հոդվածի 8-րդ մասի` ամբաստանյալից ենթակա չեն բռնագանձման:
Ելնելով վերոգրյալից և ղեկավարվելով ՀՀ քրեական դատավարության օրենսգրքի 168-րդ, 309-րդ, 357-360-րդ, 365-րդ, 369-372-րդ, 3751 և 3753 հոդվածներով` Դատարանը

ՎՃՌԵՑ

Էդգար Մարտիրոսի Մարտիրոսյանին մեղավոր ճանաչել ՀՀ քրեական օրենսգրքի 258-րդ հոդվածի 2-րդ մասվ և պատիժ նշանակել տուգանք` նվազագույն աշխատավաձի երեքհարյուրապատիկի չափով:
Էդգար Մարտիրոսի Մարտիրոսյանի նկատմամբ ընտրված խափանման միջոցը` չհեռանալու մասին ստորագրությունը, թողնել անփոփոխ` մինչև դատավճռի օրինական ուժի մեջ մտնելը:
Դատական ծախսերի հարցը համարել լուծված:
Դատավճիռը կարող է բողոքարկվել Հայաստանի Հանրապետության քրեական վերաքննիչ դատարան` հրապարակելու օրվանից մեկամսյա ժամկետում (դատավճիռը չի կարող բողոքարկվել ՀՀ քրեական դատավարության օրենսգրքի 395-րդ հոդվածի 1-ին մասի 1-ին կետով նախատեսված հիմքով):


ԴԱՏԱՎՈՐ Մ.ՊԱՊՈՅԱՆ