Դ Ա Տ Ա Վ Ճ Ի Ռ

ՀԱՆՈՒՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

6 ապրիլի 2011թ. ք. Երևան

ԵԿԴ-0033/01/11

Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարանը հետևյալ կազմով.

նախագահող դատավոր` Մ. Մարտիրոսյան,
քարտուղար` Տ. Գրիգորյան,

մեղադրող`
Երևանի Կենտրոն և Նորք-Մարաշ
վարչական շրջանների դատախազության
ավագ դատախազ Է. Հարությունյան,

պաշտպան` Ա. Ավագյան,

տուժող` Ա. Խաչատրյան,


դատարանում, դռնբաց դատական նիստում, դատական քննության արագացված կարգի կիրառմամբ քննեց գործն ըստ մեղադրանքի
Ստեփան Սերգեյի Անտոնյանի`
ծնված 1959թ. հոկտեմբերի 26-ին Ալավերդի քաղաքում, հայ, Հայաստանի Հանրապետության քաղաքացի, ութամյա կրթությամբ, ամուսնալուծված, խնամքին ոչ ոք, նախկինում բազմիցս դատված`
1/ Երևանի Մալաթիա-Սեբաստիա համայնքի առաջին ատյանի դատարանի 1999թ. փետրվարի 3-ի դատավճռով, ՀՀ նախորդ քրեական օրենսգրքի 92-րդ հոդվածի 1-ին մասով դատապարտվել է տուգանքի 20.000. ՀՀ դրամ գումարի չափով,
2/ Երևանի Էրեբունի և Նուբարաշեն համայնքների առաջին ատյանի դատարանի 2000թ. ապրիլի 26-ի դատավճռով, ՀՀ նախորդ քրեական օրենսգրքի 92-րդ հոդվածի 1-ին մասով դատապարտվել է տուգանքի 40.000 ՀՀ դրամ գումարի չափով,
3/ Երևանի Մալաթիա-Սեբաստիա համայնքի առաջին ատյանի դատարանի 2002թ. հունվարի 30-ի դատավճռով, ՀՀ նախորդ քրեական օրենսգրքի 92-րդ հոդվածի 1-ին մասով դատապարտվել է ազատազրկման 3 ամիս ժամկետով, դատվածությունը չմարված,
4/ Լոռու մարզի առաջին ատյանի դատարանի 2002թ. հուլիսի 3-ի դատավճռով, ՀՀ նախորդ քրեական օրենսգրքի 92-րդ հոդվածի 2-րդ մասով, 212-րդ հոդվածով, ՀՀ նախորդ քրեական օրենսգրքի 37-րդ հոդվածի կիրառմամբ դատապարտվել է ազատազրկման 1 տարի ժամկետով, 24.10.2002թ. պայմանական վաղաժամկետ ազատվել է պատժի չկրած մասից, դատվածությունը չմարված,
5/ Երևանի Արաբկիր և Քանաքեռ-Զեյթուն համայնքների առաջին ատյանի դատարանի 2004թ. հունիսի 17-ի դատավճռով, ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով դատապարտվել է ազատազրկման 5 տարի ժամկետով` առանց գույքի բռնագրավման, պատժի կրումից ազատվել է 2008թ. նոյեմբերի 27-ին պատիժը կրելու կապակցությամբ, դատվածությունը չմարված, չի աշխատում, հաշվառված է ք. Երևան, Վերին Շենգավիթ, 10-րդ փողոցի թիվ 19ա շենքի թիվ 33 բնակարան` հասցեում, փաստացի բնակվել է Երևանի Նոր-Խարբերդ 21-րդ փողոցի թիվ 4 տանը, կալանքի տակ է 20.01.2011թ.-ից, մեղադրվում է ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով։



Գործի դատավարական նախապատմությունը
Թիվ 13101411 քրեական գործը ՀՀ ոստիկանության ՔԳՎ Երևան քաղաքի քննչական վարչության Կենտրոնականի քննչական բաժնում հարուցվել է 2011թ. հունվարի 20-ին, ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով։
Ստեփան Սերգեյի Անտոնյանին մեղադրանք է առաջադրվել ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով հետևյալ արարքի համար. «որ նա` նախկինում 2 և ավելի անգամ դատապարտված լինելով ՀՀ քր. օր-ի 177 հոդվածով նախատեսված հանցավոր արարքներ կատարելու համար, դատվածությունը չմարված, 2010թ. դեկտեմբերի 31-ին` ժամը 14։30-ի սահմաններում, Երևան քաղաքի Մաշտոցի 1 հասցեի մոտ, Աննա Խաչատրյանի պայուսակից, ձեռքը պայուսակի կողային գրպանը մտցնելով, կրկին անգամ փորձել է կատարել ուրիշի գույքի զգալի չափերի գաղտնի հափշտակություն, այսինքն փորձել է գաղտնի հափշտակել վերջինիս դրամապանակը, որի մեջ եղել է 10.000 ՀՀ դրամ և 15 ԱՄՆ դոլար գումար, սակայն իր կամքից անկախ հանգամանքներով չի կարողացել հանցանքն ավարտին հասցնել, քանի-որ դրամապանակը եղել է պայուսակի մյուս գրպանում։
Վերջինիս գործողությունները նկատվել են Ա. Խաչատրյանի կողմից և Ս. Անտոնյանը հիշյալ արարքը կատարելու համար հարակից տարածքում ծառայություն իրականացնող ոստիկանության աշխատակիցների կողմից բերման է ենթարկվել ոստիկանության Կենտրոնական բաժին։»։
2011թ. փետրվարի 24-ին քրեական գործը մեղադրական եզրակացությամբ ուղարկվել է Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության առաջին ատյանի դատարան։


Արագացված դատական քննություն

Ամբաստանյալ Ստեփան Սերգեյի Անտոնյանը միջնորդեց դատական քննությունն անցկացնել արագացված կարգով։ Նա հայտարարեց, որ միջնորդությունը ներկայացրել է կամավոր, մինչև միջնորդությունը ներկայացնելը խորհրդակցել է իր պաշտպանի հետ, գիտակցում է արագացված կարգով դատական քննություն անցկացնելու հետևանքները, առաջադրված մեղադրանքն իրեն պարզ է, ինքն համաձայն է մեղադրանքի հետ։
Մեղադրողը միջնորդության դեմ չառարկեց։
Տուժողը ամբաստանյալի դեմ որևէ պահանջ չի ներկայացրել։
Դատարանը համոզվելով, որ առկա են ՀՀ քրեական դատավարության օրենսգրքի 3751 և 3752 հոդվածներով նախատեսված պայմաններն` որոշում է կայացրել արագացված կարգով դատական քննություն անցկացնելու մասին։
Դատարանը հիմք ընդունելով մեղադրանքի հիմքում դրված ապացույցները` գտնում է, որ ամբաստանյալ` Ստեփան Սերգեյի Անտոնյանը կատարել է ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով նախատեսված արարք։


Դատարանի իրավական վերլուծությունները

Առաջադրված մեղադրանքն ամբաստանյալ Ստեփան Սերգեյի Անտոնյանի կողմից ընդունելու և դատական քննության արագացված կարգ կիրառելու պայմաններում` դատարանը գտնում է, որ ՀՀ քրեական օրենսգրքի 175-182-րդ հոդվածներով նախատեսված հանցանքների համար երկու և ավելի դատվածություն ունեցող անձ, ամբաստանյալ Ստեփան Սերգեյի Անտոնյանի կողմից, նրա մեղավորությամբ, կրկին անգամ, գողության փորձ կատարելն ապացուցված է, նրա արարքը ճիշտ է որակված և համապատասխանում է ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով նախատեսված հանցագործության հատկանիշներին։
Ուսումնասիրելով ամբաստանյալի անձը բնութագրող տվյալները, պատասխանատվությունն ու պատիժը մեղմացնող ու ծանրացնող հանգամանքները` ամբաստանյալ Ստեփան Սերգեյի Անտոնյանի նկատմամբ պատիժ նշանակելիս դատարանը հաշվի է առնում հանցագործության բնույթն ու հանրության համար վտանգավորության աստիճանը, հանցավորի անձը։ Ամբաստանյալի պատասխանատվությունը և պատիժը մեղմացնող կամ ծանրացնող հանգամանքներ դատարանը չի արձանագրում։
Ամբաստանյալ Ստեփան Սերգեյի Անտոնյանն իր կատարած` ՀՀ քրեական օրենսգրքի 34-177-րդ հոդվածի 3-րդ մասի 3-րդ կետով նախատեսված հանցագործության համար ենթակա է պատժի ազատազրկման ձևով, որը նա պետք է կրի։
Գործով քաղաքացիական հայց չի հարուցվել, գույքային վնասի հատուցման պահանջ չի ներկայացվել։
Քննարկելով իրեղեն ապացույցների հարցը` դատարանը գտնում է, որ դատավճռի օրինական ուժի մեջ մտնելուց հետո, 21.01.2011թ. որոշմամբ իրեղեն ապացույցներ ճանաչված, տուժող Ա. Խաչատրյանի դրամապանակը և դրա պարունակությունը պետք է թողնել տուժողի տնօրինմանը, իսկ գնումների երկու ցուցակները պետք է պահել քրեական գործի հետ միասին։
Քննարկելով խափանման միջոցի հարցը` դատարանը գտնում է, որ ամբաստանյալ Ստեփան Սերգեյի Անտոնյանի նկատմամբ որպես խափանման միջոց կալանավորումն ընտրված է ճիշտ և այն վերացվելու կամ փոփոխվելու ենթակա չէ` մինչև դատավճռի օրինական ուժի մեջ մտնելը։
Վերոգրյալի հիման վրա և ղեկավարվելով ՀՀ քրեական դատավարության օրենսգրքի 119-րդ, 357-360-րդ, 364-366-րդ, 369-373-րդ, 3751-3754-րդ հոդվածներով, դատարանը`

Վ Ճ Ռ Ե Ց

Ամբաստանյալ Ստեփան Սերգեյի Անտոնյանին մեղավոր ճանաչել Հայաստանի Հանրապետության քրեական օրենսգրքի 34-177-րդ հոդվածի 3-րդ մասի 3-րդ կետով նախատեսված հանցանքում և դատապարտել ազատազրկման 4 /չորս/ տարի ժամկետով` առանց գույքի բռնագրավման, որը պետք է կրի ՀՀ արդարադատության նախարարության համապատասխան քրեակատարողական հիմնարկում, պատժի սկիզբը հաշվելով 2011թ. հունվարի 20-ից։
Խափանման միջոց կալանավորումը թողնել անփոփոխ` մինչև դատավճռի օրինական ուժի մեջ մտնելը։
Դատավճռի օրինական ուժի մեջ մտնելուց հետո, իրեղեն ապացույցներ ճանաչված, տուժող Ա. Խաչատրյանի դրամապանակը և դրա պարունակությունը թողնել տուժող Ա. Խաչատրյանի տնօրինմանը, իսկ գնումների երկու ցուցակները պահել քրեական գործի հետ միասին։
Դատավճիռը հրապարակվելու օրվանից հետո մեկամսյա ժամկետում կարող է բողոքարկվել ՀՀ վերաքննիչ քրեական դատարան։ Դատավճիռը ՀՀ քրեական դատավարության օրենսգրքի 395-րդ հոդվածի 1-ին կետով նախատեսված հիմքով չի կարող բողոքարկվել։



ԴԱՏԱՎՈՐ` Մ. ՄԱՐՏԻՐՈՍՅԱՆ